أفراح
الاخوة الاعزاء
فى هذه الصفحة – نتشارك مع بعضنا البعض – افراحنا - بكل انواعها – لكى نظل على تواصل دائما بكل مايحدث لغيرنا من الاخوة والاخوات من الاعضاء الكرام.
تعليقات
الزوار للمنتدى
المتواجدون حاليا
-
اخر الاخبار- القنصلية المصرية بالرياض: الإفراج عن مصري متهم بتبديد 6 ملايين ريال - محيط
- لجنة انتخابات الرئاسة المصرية: إعلان نتائج الخارج يتفق مع القانون - بي بي سي العربية
- اوباما يستقبل هولاند في البيت الابيض والبحث يتناول الديون وافغانستان - AFP
- حلب تشهد تظاهرات لا سابق لها وكوفي انان في سوريا قريبا - AFP
- إيران: تظاهرات احتجاجاً على الاتحاد السعودي ــ البحريني - جريدة الأخبار
- الشيخ حافظة سلامة: تذكر عندما تختار مرشحك أنك مسئول عن اختيارك أمام الله - الشروق
- "بيشوى" يشعل الكنيسة - الوفد
- استمرار فرز أصوات المصريين بـ"الرياض".. واستبعاد 4400 صوتاً - اليوم السابع
- العثور على مخزنين آخرين للأسلحة بوسط سيناء - اتحاد الإذاعة والتلفزيون المصرى
- عمال السويس يتظاهرون تضامنا مع مطالب زملائهم بمصنع "أبوالعينين" - اتحاد الإذاعة والتلفزيون المصرى
اتصل علينا: sudanona@yahoo.com
إزيكم ياشباب أنا عضو جديد وبرحب بالجميع وبرسل تحياتي الى الغالى جبرا وإن شاء الله جاهز لكل الأفراح
ولكم خالص حبى وتقديرى
الاخ حسن عبد الوهاب مراااااحب كتار بيك
انت افتتحته صفحة الافراح دي الله يزيد افراحك
وشكرا لاسترايكر للاستجابة لتقسيم المقسم الي اتراح وافراح وان شاء الله ما نحتاج لصفحة الاتراح
الاخ حسن طل بهناك بتلقي الشباب وبتلقي عمك او اخوك السلاوي يسالك اسئلة كده تسل الروح
الف مرحب بيك أخ حسن وربنا يديم المحبة ويكتر من الأفراح
حسن عبدالوهاب
شنو يا معلم محل ما أمشي صفحه ألقاك
مرحب بيك
بالمناسبه دي يا إسترايكر تقوم تعمل لينا صفحه ترحيب بالأعضاء الجدد
حسن عبد الوهاب
بعد الترحيب بك مباشرتن حدد موقعك الجغرافى عشان مندوبنا فى منطقتك يقوم بالواجب و الواجب دا ما فيهو دفع عشان ما تغنج
هنا نتقبل التهاني بفوز السيد الريس
حسن عبد الوهاب:
نرحب بيك و أهلاً و سهلاً في دار جبرا العامره.
ومشكور استريكر على هذا الجهد المتصل. وأعمل لينا صفحه براها نبارك فيها لود الزبير فوز الرئيس بعد ما يفووووز. ود الزبير ما تخلي الكوره تنتهي ، أقصد التزوير ينتهي ذي ما قال المحبوب.
شكسبير ..
نهنئكم بفوز المشير عمر البشير رئيساً لجمهورية السودان للأربع سنوات القادمة ..
هاردلك لبقية المترشحين ..مع امنياتنا لهم بحظ أوفر فى المرات القادمة ( دا لو حضروها ).
سير سير يا بشير ..الشعب وراك .. يا مشير
كفاية شعارات ولاّ ازيدك ؟
هى عاوزة ليها درس عصر ؟؟؟؟
الحبيب سنكل
دخلت قبل شويه لقيت ليك تعليقات في صفحه أتراح قلت لا حول الله المات منو ؟؟ مشيت لقيت الأخوان بيتقبلوا التعازي في فوز البشير !!! طبعاً كلنا متفقين على النظام والترتيب وكلو سته في حته على قول أفليقا لمن تجي وإنت ملهوف على مصيبه حصلت لزميل ليك هنا وتلقي الموضوع ونسه عن الإنتخابات .. ممكن يكون شعورك شنو ؟؟ قلت أحسن أكتب ليهم في الأفراح على الأقل قبل ماتخش تفرح لودالزبير تقول عرس تاني تقوم تخش تبارك تلقي الموضوع عن فوز الرئيس البشير
تقوم تطلع تمشي صيوان العزاء
هاهاهاهاهاهاهاها
كيف الأمور وبشار مالو قاطع الأخبار
الحمد لله الجات سليمه يا ود الزبير ، و الحال الحمد لله. ما داير ليك عمال في سيدي بيه ؟ والله فترنا عدييييل كده من الجري. وبشار نفس الشئ بقا يا سواقو ليه شيلتو من البيت لمدرستو. بعد الشغل ماااافي تاني مرقه إلا الشديد القوي والأتراح.
طبعاً مهرجان فوز الشجره حيكون إسبوع بي حالو ! !
يا خلف الله مالك مختوف
خايف ليه دا امتحان مكشوف
شخت ورقك و نحنا نشوف
جيبو الشماشا
حاضر يا باشا
جيبو الهتيفة
دي حاجة ظريفة
او ناس الافتاء
يفتو الاستفتاء
اهنيك يا سلفا
الفا الفا
ادو عرمان
سفارة السودان
باعوا الاوطان
عشان العنوان
حزب التفتيحة
دي حاجة مريحة
ال محمد احمد السودانى وجميع ابناءهم واصهارهم بالسودان والخارج يتقدمون بالدعوه لحضور افراح البلد بنتائج اول انتخابات ديمقراطية منذ ان حصل الحصل وافراحنا تستمر من الجمعه حتى التلاتاء فى الحنه والقيدومه والدخله وكل المراسم وبرغم انو العروس طلع فيها اخطاء فنية وطلعت سكند هاند استعمال وطنى الا انو العريس اولى ببت عمو ولو كانت ماشه قبالو الف كيلو يعنى شنو ما ممكن نعتبرا استعمال قبطى ولا دكتور زى ما بيقولو ناس الدلاله ..
اللهم وفق بينهم بالحلال خلال الاربعه سنه الاولى ولو ملا ليها بطنا وبطنا ما بتطرانا ولا شنو يا شيخ فرح ؟؟
يا افليقا ناس حا بكتبوا عن الانتخابات هنا وناس فى الاتراح لذلك وحرصا من هروب البعض نرجو الالتزام بالكتابة فى القسم الخاص بالانتخابات
محنك : خلاس اعتبر دى الدعوه بس والاعتذار او الاحتفال بى هناك – تحياتى .
أفلى و محنك
نحنا بقين مع الطيور و لا لينا فى الطور و لا فى الطحين
بس يا أقلى مالك ما جيت
التحية والقومة لدكتور عزت وهو يمر عابرا بمطار الدوحة الي باكستان
….الشكر الكتير علي سماع صوتك وان شاء الله تصل بالسلامة ومامورية موفقة
شكرا يا أبكرون على الترحيب و الله كنا نتمنى (زيارة خاصة) على قول ناس الجزيرة و الذين قد حضر جزءا كبيرا منهم معنا في الطائرة عل ما شفت البنية السكرية الكانت في التغطية … خالا لينا (الكتبي) الكان قاعد جنبي… دا اسمو كلام…
عموما نسعد بالتغطية التي اداروها باقتدار عندما أدار المؤتمر الحملة و برضو باقتدار……لكنه معيبا بعض الشئ….
بالله محمد طبشير الكتبي بدل ليناعبد الكريم ؟ بتبالغ … . زي الجنة والنار…. كان تبدل الطيارة…ولا الحجز… بركه ما ركب جنبك اسحق احمد فضل الله…… كان جاك طمام في المفاصل والركب …
حاولت الرقم لكن بظهر لي كلمة مكالمة بس
عزت المرطب:
بالسلامة..واوع تطول البعاد و تزيد الالم…من كراتشي اكتب لينا كم…
نبارك لابن زميلنا وحبيبنا ود المهدى بنيله المرتبة الاولى فى امتحانات شهادة الاساس فى ولاية الخرطوم – فله ابلغ التهانى والتبريكات.
مبرووووووووووك النجاح
1000 مبروك للابنه (تسنيم )245 ابنه الاخت سماسم
عقبال الجامعه والدكتوره والماجستير
وعلينا جااااااااي…..
مبارك للاخت سماسم نجاح الابنة تسنيم وعقبال الشهادة الكبيرة انشاء الله
شكرا لنونو لايراد الاخبار الجميلة.
1000 مبرووووووووووك
عمنا ود المهدي
1000000 مبروك
عقبال الدكتوراة
مبروك للاخ ود المهدى والاخت سماسم نجاح الاوائل وعثبال الدكتوراه
- أخونا ودالمهدى .. نبارك لكم الإنجاز العظيم والنجاح الباهر ..وكما يقولون هذا الشبل من ذاك الأسد ..ربنا يوفقه كمان وكمان ويبلغه أعلى الدرجات العلمية إن شاء الله ..بس يا ودالمهدى عندى سؤال سغيرووووونى .. الشطارة دى جابها من آل مبيوع ..ولا ّ من آل شداد ؟ ..
كل التهانى للأسرة الكريمة ..وبالتوفيق والسداد .
- الأخت سماسم ( الغائبة عن المدونة ) كل التهانى مقرونة بالأمانى الطيبة لإبنة أختكم الكريمة بالنجاح والحصول على النتيجة العالية ..جعلها الله من بنات المستقبل وحاملات المشعل..التهانى موصولة لجميع أفراد الأسرة وعقبال الشهادات الكبيرة بإذن الله ..ومن سار على الدرب وصل .
أدام الله الأفراح على الجميع ..
مبرووووك يا ود المهدي نجاح الابن وتفوقه الباهر عقبال الجامعة ان شاء الله
مبروووووك للاخت سماسم نجاح بنتها تسنيم وعقبال الجامعات ان شاء الله
ومبرووووك للابن منير هاشم خليل ابن شقيقي المرحوم هاشم 252 وعقبال الجامعات…..
الف الف الف مبروك لكل الناجحين في إمتحانات الشهادة و التهنئة موصولة للأسر و الأصداقاء
مبروك ود المهدي و سماسم .. و عقبال الشهادة الكبيرة و الجامعة و الماستر و الدكتوراة
ال المرحوم هاشم خليل عمنا الفكفك ابكرون
1000ومبروووو نجاح الابن منير هاشم خليل عقبال الجامعه ….
ودالمهدي يأخي ألف ألف مليون دشليون مبروك على قول مصطفى الآغا وصحي ما شابه خاله فما ظلم وعشان ما تزعل هذا الشبل من ذاك الأسد …. أها الدعوه شنو … علي الجزيمه دي محتاج منك رحله بعشره خرفان ومحمود الطباخ وتجيب عبدوش على حسابك من سنار … نقول الجمعه الجايه ولا في خيارات
عمنا أبكرونا ..مليون مبروك للشبل منير هاشم خليل ( ابكرونا الصغير…) وعقبال الشهادات الكبيرة إن شاء الله .
و نقلت الي الأخبار من الخرطوم أيضا نجاح ابني (ياسر) الباهر…… فالتحية لأبناءنا و بناتنا جميعا و أعظم أمنايتنا لهم بمزيدا من التوفيق و النجاح في مقبل أيامهم…………….
و الله فرحونا الله يفرحكم بنجاحكم
أوووووووووووو عزت ..كل التهانى والتبريكات لكل الأسرة الكريمة بنجاح الشبل ياسر ومزيداً من النجاح والتفوق … كلها تلاتة سنوات ويلحق عصمت فى ماليزيا .. إن شاء الله … موووووش ؟ .
الشكر لكل الأبناء الذين أثلجوا صدورنا وصدور أهليهم بالنجاحات الباهرة .
للنجاح طعم حلو وجميل ..مش كدا ؟
يا سلام يا اخوانا يعنى جد اخبار النجاح لابنائنا – بخلى الزول ينسى تماما موضوع السياسة وقرفها
مبروك للاخوة جميعا نجاح ابنائهم واتمنى ليهم التوفيق دائما.
ود المهدي ، سماسم ، أبكرون ، عزت
نهنئكم وأسركم الكريمه بهذم النجاحات الباهره ومزيد من التقدم.
شئ يسر البال في زمان الفاقد التربوي هذا و لازم نفرح بيهم ، ما الشيله كلها بقت على البيت والأسره.
ما الحكومه كفاها تنجح الانتخابات بالزور.
د/ عزت 1000مبروووووك نجاح الابن ياسر عقبال الجامعه
معليش ياشباب عملنا ليكم وجع وششششش؟؟؟؟
الليله انا عاصره بيت الفرح اخير من عصر الفرااش ؟؟؟؟
مييييين يزوووووود؟
سماسم ، أبكرون ، عزت
الف الف دشليون مبرووووووووووووووووووووووووووووك
وطبعاً يأتي هذا النجاح متزامناً مع فوز عمنا البشير الكاسح …….. طبعاً يا شباب الزول بقي مع البشير وضد المؤتمر الوطني وده تجي كيف لو تسألتم فما عنده تفسير محدد لكنها حاجه يمكن انا وزووووووول وبعض الأخوان هنا وصلنا لمعادله سريه بخصوصها .. هاهاهاهاهاهاهاها
تاني مبروك لكل الناجحين والناجحات ومزيد من التفوق والنجاح
سفرووووووووووووووووووت
هبرووووك يا عزت نجاح الابن وشكرا لجميع الاخوة والاخوات المهنيين وعقبال افراحكم كووووووولكم
مبرووووووك يا كل الاخوه الاصحاب علي نجاح ابناءكم وبناتكم وعقبال نجاحهم للجامعه والله فرحونا
كمان مبروك يا ناس المعوقيه واللاوطني نجاح ولدكم بالنجاح المخجوج خجا وعقبال الجنائيه الدوليه
مبروك صديقنا ابكرون نجاح الابن …. ونتمنى له التوفيق والسداد ….
مبروك يا برف عوت بقاريتش المرطب وعقبال المرطب الصغير خريج بما تتمناه له من درجات ومجالات
عقبال فرح الجميع
معليش يا عزت بقينا كواشف ( مش كواشف بلس ( + ) زى سلولو ) كتبت بروف عوت ( حرفى الزين والواو جنب بعض فى الكيبورد ) والايد قصيره ههههههههههههه
وتانى مبروك بروف عزت
ياجماعه كلمة افراح دي في خانة احدث التعليقات بتديك احساس ( بافراح عصام) …..يكون ليه يا رب ؟؟؟؟؟؟؟؟؟؟؟؟؟؟؟
مبروووووووووووووووووووووووووووووووووووووووووووووووووووووووووووووووووك
لكل الناجحين وبرضو الماناجحين
مبببببببببببببببببببببببببببببببببببببببببببببببببببببببببببببببببببببببببببببببببببببرررررررررروك
دى لناس الانتخابات وروروووووووووووووووووووووووووووك
مبااااارك والله يديم النجاح
أخيرا دخلنا الشبكه
سعاده لا توصف و أنا اسمع إسم محمد مهدى مبيوع من ضمن الأول مشترك و أنا فى طريقى لللشماليه
كذلك أهنى بنتى لينا بالنجاح الباهر و عقبال ما تكونى دكتوره تعالجى الناس مجانى
السلام عليكم ورحمة الله وبركاته
مبااااااااااااارك انشاء الله وربنا يوفقهم ويوفق الجميع
الاحباب (ود المهدى- سماسم-ابكرون- عزت-طارق)..سلامات ومبارك النجاحات وربنا يديم السعد والهناء ويوفقهم فى مسيرتهم العلمية ويكونوا ذخرا لاهليهم وللبلد..
طارق..
شايف رجلك جرت على الشمالية!! امممممممممممممممم…
ابكرون..
غايتو جنس حركات!! اركز شوية..
طارق اب احمد ..
تهانينا بنجاح الإبنة لينا ..وربنا يحقق أمنيتك وتصير دكتورة ..عشان تعالجنا كوووولنا ..مجانن ..
الف مبروك
وربنا يحفظة
ويجعل في قلبة نور وفي طريقة نور
ابكرون ههههههههههههههههه
انت لافيها بكم كرت عليك الله ؟
عباس تقصد الصينية ؟
ضلععتين ومخروقه ونحيب في الركبة….شكيتو لي الله…هو منو ؟
سلولو ولا احمد المك ولاعباس
مبروك ابواحمد النجاح للابنة …. ونتمنى لها ولباقى افراد الاسرة كل توفيق
كل التهاني لكل النابغين
الأحباء الاعزاء .. معليش كالعاده دخلتا متأخر لأنى ما كنتا عارف إنو الموقع فيهو حته بتاعت تهانى وحاجات زى دى .. غايتو بالصدفه وكده … التهانى القلبية لكل الناجحين والناجحات من ابنائنا وبناتنا وعقبال الماجستير والدكتوراة يا رب .. نجاحهم يثلج صدورنا كثيراً والله .. إلى الأمام وبالتوفيق.
كسرة :
الموقع يا ولدنا مافيهو مشكلة والناس قاعده تدخل عادى بإستخدام واحد من المتصفحات التالية :
Opera
Firefox
Explorer 8
ويلا جهزوا للرحلة بسرعة قبل طعم النجاح يروح !
عم جبرا : حبابك حباب مرورك – لكن ما معاى انو قصة النجاحات دى عاوزه ليها رحلايه ؟؟؟
تحياتى ونعانى جدا فى دخول الموقع ويا ريت الموضوعات تنزل بى جاى كمان ..
تمنيات بدوام الصحه والعافيه ..
العم جبرا
كيفك وكيف اخبارك بقيت من ناس الفى اى فى بس بهناك وحتى البعلقوا ليك ناس محدودين احنا ماعارفين ندخل كيف نعلق ليك كمية من التعليقات تصل الالف ونعمل ليها عيد ميلاد زى حق افليقا عمل 200 مودوع فى شنو ماعارف المهم جاب والمهم الكم ماضرورى شنو كتب
مش يا افليقا
الاستاذ جبرا
ياريت يكون عندك موضوع تنزله فى المدونه والناس تعلق عليه
الاستاذ جبره
سلام والله انا بقرا موضوعاتك اول باول لانها بتصلني في الايميل واشكر استرايكر علي ذلك لكن بس ما قادره ادلي بتعليقاتي نسبه لصعوبة ادخول للمقال من خلال الموقع وشكرا
أحلى التهاني والتبريكات للناجحين في مرحلة الاساس ودعواتنا لهم بدوام التوفيق والسداد راجين من المولى عز وجل ان يديم عليكم وعلينا الافراح
مبروك لكل اولادنا وبناتنا و عقبال نفرح بجديدكم
نبارك لشقيقي
محمد أحمد حامد
بنيله المرتبة الاولى
فى امتحانات شهادة الاساس فى محافظة أم كداده
الحبيب عبدالرحمن..سلام..
مبارك للشبل الصغير وربنا يوفقه للمزيد من النجاحات وينفع بيهو دينو واهلو وبلدو..خليك قريب وبطل غتاتة…
ولدنا عبد الرحمن ..بن الأأحمد
تهانينا لأخيك محمد وعقبال ما نسمع بيهو رضو محمد فيوز ..على وزن عبدوز..يمكن يطلع فيزيائى ..مع أمنياتنا له بالنجاح المضطرد دائماً ويكون فى مقدمة الصفوف ..
وعقبال وليداتك !!
شمباتي وحاج السلاوي
تسلما لي كتيراً كتيراً كتيراًكتيراًكتيراًكتيراًكتيراً
والما جانا في فرح
محمد أحمد
تاني ما يجينا
قناة الشروق
اوتار الحنين ….بعد قليل
زي الشايف سهيل الطاهر
ولا انا خلتااااان يا سهيل يا حبيب
سهيل : سبحاااان الله يعني لو ما قال انا سهل وعندي توم اسمه سهيل كنت قلته ليه كذاااااب ….ياخ ماشاء الله فوله وانقسمت اتنين بس سهيل اتقل بكم كيلو سمك….يديكم العافية
ألف مبروك لأبنائنا الناجحين وأتمنى لمن لم يحالفهم الحظ بالتوفيق فى الأعوام القادمة وياابو عبده ألف ألف مبروك وعقبال حقينك كمان .
الف مبروك لكل الابناء والبنات الناجحين وعقبال الشهادات العليا — يلا ارفعو راسنا –
السلام عليكم جميعاً
شكراً لكل الذين هنئوني بنجاح بنتنا ومبروك لكل الناجحين
كنت في اجازة سنوية
حمد الله بالسلامة
اتصلت على حاج السلاوي قبل شوية و أطمأنيت عليه و لقيتو بيعمل في اجراءات الخروج من المستشفى…..الف سلامة
قمت كلمتو بي كلام ياسين شمباتي…. قال لي اليشوف ليهو بلد تاني…..!!
ها ها ها
عزت..
غايتو جنس غايتو!!! اها اقبل وين بعد دا !!؟؟ الواحد ما يبل فولة فى خشمو ابدا,,لكن غلطان انا الاديتك السر..
سلامااااااااااااااااااااات
مباااااااااااارك لكل الناجحين ولكل المتفوقين وللمنتظرين تفوقهم
وحمدلله بالسلامه للعم السلاوى
واعزورنى كتييييييييييييير
حالى العلى حال الهنا والحمدلله من قبل ومن بعد
ومن وقت لتانى بتشفونا نسمع عنكم كل خير
والى اللقاااااااااااءءءءءءءءءء
لا حوله يا الغبشه
بقيتي زي الذين هبطوا من السماء
منك لله يا خالد مدني
عمو ابكرون والله مدنى ماليه دخل
مبرووووك لبتنا علا محمد خليل النجاح 88،7 % وعقبال والتهاني لجميع الناجحين واسرهم
مبروك ابكرون ومبروك للجميع ابنة اختنا عفوره 80.9 .
ابكرون وافلى..مبارك للناجحين وربنا يحفظهم ويوفقهم لما فيه الخير دوما..
مبرووووووووووووووووووووك لكل الناجين
الف مبروك لكل ابناء و بنات المدونين النجاح و نتمنى للكل السداد و التوفيق .
الغبشه : ناجين من شنو ؟؟؟ يا خلف الله … عذبتنا
الله يسالك لما كنت ممتحن شهادة ما كنت بتطلب من ربنا ينجيك؟؟؟؟؟؟؟؟؟؟؟؟؟؟؟؟؟
دى موووووووووووووووووووتت عديييييييييييييييل كده
الف مبروك ابونا ابكرون ومبروك افليقا نجاح البنوتات الحلوات وربنا يديم الافراح
نحن ايضا نمتزج والفرح بنجاح بنت اخي أمنيه سامي 80.7
عقبال كل اولادنا وبناتنا يكونوا ناجحين ويفرحونا
مبروك ابكرون مبروك افلايقا النجاح الباهر للابناء وابارك لابنة عمى ريان باحرازها 93.2 % ومبروك لينا كلنا
مبرووووووك النجاح لكل الناجحين والناجحات الذين أثلجوا صدور أهلهيم وأسرهم ونتمني لهم التوفيق والسؤدد علي العالمين، فليوفقهم وليحفظهم رب العباد،،
آميين يا رب العالمين
السادة صفوة الأخيار ..
نزف التهانى والتبريكات لكل الناجحين والناجحات فى إمتحانات الشهادة السودانية بدون فرز.. وتهنئة خاصة لإبنة أخى وشقيقى عاصم السلاوى ( الإبنة نعمة ) وإحرازها 89.4 % .. مع أمنياتنا لجميع الناجحين بدوام النجاح والتفوق ونقول للذين لم يحالفهم الحظ هذه المرة أن يجربوا مرة أخرى ..وألا يدب اليأس فى نفوسهم..
الف مبروك للناجحين واسرهم وعقبال عندنا
والله يا جماعة الواحد ما عارف يكتب الخبر دا وين!!! واقترحت قبل كدة على استرايكر يعمل صفحة يسميها اجتماعيات او عيادة المرضى لكن نسوى شنو…الظاهر عليهو ماااا فاضى من التظاهر ضد لبنان !!
المهم اخونا الحبيب خالد (نادوس) اجرى عملية تقويم لحاجز الانف قبل يومين بالمدينة المنورة..وهو بخير الآن ونسال الله ان يجعلها له فى ميزان حسناته…
الف حمد الله علي السلامة يا نادوس ولازم الصور يا شمباتي عشان نشوف الحاجز قبل وبعد
ابكرون…
ههههههههه,,اصلك ما بتعدى شئ,,الصور ما جاتكم زمااان ف ىايميا (الامير مخير كان هنا )؟؟ و ح نرسل ليكم صور بعد باذن الله,,اللذي1ة الصوت بقى رخييييم زى صوت ندى القلعة !! وجاكم بلا يا ناس المدونة..
الأيام دي وصل الابن (عصمت) للخرطوم و هو محل حفاوة من الأهل و الاصدقاء و قام نزل فترة تريننق في شركة كولدير الهندسية…يعود بعدها ليكمل سنته الرابعة و الأخيرة باذن الله…. ربنا يوفق الجميع..!!
حمدا لله على سلامته يا دكتور ربنا يوفق المهندس عصمت والى الامام
أخونا الكاشف عزت ..
حمدن لله على السلامة ..والخرتوم نورت ( شايفنها فى التليفزيون ) بوصول الإبن عصمت ..وبالتوفيق إن شاء الله .. بس ما قلت لينا قاعد قدر شنو …!! شهر شهرين ؟ لحد بعد العيد ؟.
المهم رمضان حيقضيهو وين ؟
حمداً لله ع السلامه يا عزت وربنا يوفقو. السنه الأخيره؟ دا خبر مريح مش كدا ، كلما واحد في العيال كمل المشوار كلما نزل أو الصاح قلت مسؤوليات الوالد. وربنا يعينكم ويوفق عيالكم معشر الكواشف.
حمدالله على سلامت الباشمهندس يا دكتور … مش فى الحالة دى الرحلة واجبة؟
البركة بسلامة الوصول يا عغصمت والاسرة
شمباتي شفته جبرا قال شنو ؟
محول لبشار لللازم (م.ش )
عزت..
حمدالله بسلامة عصمت واجازة سعيدة ولاربنا يهون ليهو الباقى من الدراسة..
ابكرون..
لكن (م.ش) دا بسالوهو !!؟ بركة البقت على جية عصمت,,خوفة يعدم المناسبة ويقووووم يطبق عملية (م.ش) بحذافيرها !!
الحبيب جبرا..
تحياتى وربنا يجمعنا فى ساعات الخير..
الاخوان الاعزاء القائمين علي منتديات الفاتح جبرا عامة و موقع ساخر سبيل خاصة و علي راسهم البروف الفاتح جبرا ( سيد الاسم ) .تحية طيبة للجميع .بصراحة انا مغترب جدييد لنج و بديت اعاني من اعراض الغربة والم فراق الاهل و الاصحاب واشتكيت لاحد الحكماء و نصحني بالاشتراك في منتداكم العامر وقال لي حاتتفاجأ بالنتيجة المزهلة وجيت علي صيدليتكم شايل الروشته فارجو ان تقبلوني بينكم
عمار مرحب بيك
جيت عدل للصيدلية وعندنا فرع في جده عليه صيدلي خطير اسمه السلاوي قابله هناك وبديك مواعيد وشوية ادويه بتخفف عليك
…مرااااحب ياااخ الدار هولك
أخونا / ولدنا عمار..سلام
أولن بالتبادى نزيدك ترحيب فوق ترحيب عمك الفكى ابكرونا ونقول ليك حللت سهلن ونزلت اهلن ( او العكس هو الصحيح )وزى ما قال عمك الكاشف ابكرونا ( أطال الله عمره ..)إنت وصلت ..وإن شاء الله علاجك عندنا بإذن الله تعالى ..بس عندنا طلب معلومات كدا يسل الروح بنطلبه دايمن من أحبابنا الجدد والغرض هو لتسهيل التواصل لأنو من عيوبنا إنو الزول البنعرفه وبيدخل معانا فى منتدانا دا ما بنخليهو تانى ..وحتتعرف إن شاء الله على مجموعة من الشباب وبعض الكواشف ( الكواشف دى جمع كاشف ..وفى كتير من الإصطلاحات حتعرفها بمرور الزمن )..
المهم والشاهد فى الأمر ..عاوزين نعرف موقعك الجغرافى بالضبط ..من إسمك واضح إنك معانا فى جدة ..وعلى أى الحالات هاك دا رقم هاتفى الجوال ( بالسودانى .. موبايل ) أدينى رنة .. مسكِّل لى وخلى الباقى علينا ..إنتفقنا .. ؟
اللى بعده ….
سلام :
مرحب بأخونا عمار ونقول ليه ما تشيل هم , بس اول عشرة سنين دي تعدي والباقي كوووووولو هين , ما بتجيك الحبة !!!!!!
اوبس ..نسيت فى زحمة الشغل أكتب ليك رقم الموبايل .. يا عيب الشوم ..
على أى حال الرقم هو 0508376601
ونعتذر عن الخطأ الغير مقصود ….
هههههههههههه
والله لكن يا حااااج لا خلااااص تب الرقم وصل
غايتو جنس غايتو
(شنباتي) ياااخ ما تحصلنا….(المُحلق الكسلاوي بدون كاف) ده بعد سفر ام المؤمنين الا تكلبشوووووه
(فهششتها فطااااارت)
شكرا علي الاستجابة السريعة يا اخوانا و شكلكم فاتحين 24 ساعة وكمان بي فروعكم في الولايات والله ماشاللة ويا حاج السلاوي الله يديك العافية وتسلم كتير علي الاهتمام و ابشر كل اسئلتك مجابة وانا في انتظار التعرف علي بقية الكواشف ومن اسمهم كدا شكلو الموضوع (فطييير) وتلفونك حفظتو ( تب ) لكن عشان زحمة الشغل العندك بضرب ليك عديييل (المسكولات دي كانت في السودان ) المساء خارج مواعيد الدوام عشان تركز معانا لانو دا علاج يعني ممكن يودر الواحد ههههههههههههه و يا عباس ركس شكلك يا خوي مطووووول في البلد دي ومرحلة ال10 سنين عديتازمااان الله يديك العافية
سلام وتبريكات وبركات دائمة ومبروك للمباركين مباركتكم والمبارك لهم وعقبال للجميع دوام التبريكات وانشاء الله تدوم الافراح .
اهلي الكرام
سلامات
اولا برحب معاكم بالاخ عمار وان شاء الله الحبه ما بتجيك زي ما قالو ليك الكواشف- انت امسك قوي في عمو السلاوي وما حتحس بالغربه-ولو شعرت باي اعراض ممكن تستعين بي عمو ابكرون حيعمل ليك حجاب كارب.
عمو عزت : حمدا لله على سلامة الباشمهندس عصمت ونتمنى ليه أجازه سعيده وربنا يوفقه
تحياتي للمدام والاولاد
عمار جدة..سلامات ومراحب الف..
والدار دارك وباذن الله البيك يزول….وجايييييييك..
ابكرون..سلام..
ههههههههه (ذبابة)!! دى عليك الله كان قدرت جيبها هنا,,باقى انا امى فى التكنولوجيا دى..اما زولنا فخليهو ساااااااكت,,دى فرفرة الذبيح!!
انا فرحانة شديد اني الاقي موقع عن الفلاتة والله كتر خيركم واللي عايز يتواصل معي ده البريد بتاعي shoshoibrahem664@yaho.com
بكل الفرح والشوق لكم وللاهل
ترقبونا الاسبوع انشاء الله القادم في الخرطوم
الحبيب عبدوز…سلامات..
ربنا يوصلك بالسلامة وما تقطع الخبر..ورسل لى رقمك الهناك ضرورى..وبينا تلفون قبل تسافر باذن الله..
بكل الفرح نزف إليكم اليوم نبأ نجاح إبنتنا الآنسة ولاء ونيلها مرتبة الشرف الأولى من جامعة النيلين كلية علوم الحاسوب – إدارة نظم مكتبات إلكترونية – كأول الدفعة..
والعاقبة لجميع أبناء وبنات الإخوة الكرام .. صفوة الأخيار ..وربنا يفرحكم بنجاحهم .
تهانينا الحاااااااااااااااااره
للانسه ولاء حاج أحمد السلاوى
ونيلها مرتبة الشرف الأولى
من جامعة النيلين كلية علوم الحاسوب – إدارة نظم مكتبات إلكترونية
ربنا يوفقه ____________
مبرووووك يا سلوبو للبنية
وعقبال الماستر والزمالة ان شاء الله ورمضان كريم
(يا فاتح لي سيمافور)
حاج احمد السلاوى ..مبروووك و يا رب دايما رافعين راسك و مبسوطين بالنجاح و التفوق …
1000000 مبرووووك يا حاج و عقبال الدكتوراة .
الف مبروكـ يا عمنا – ومزيد من التقدم انشاء الله.
التهنئة للعزيز السلاوي و موصولة للابنة ولاء…. مزيدا من التقدم و النجاح
أزف التهانى مقرونة بالفخر والأعتزاز لكل آل السلاوى وعقبال تحقيق الأمانى
ألف مبروك تفوق الاخت ولاء وبالتوفيق أن شاء الله
واتمنى من الله أن يديم علكم الأفراح يا عمو السلاوي
الف مبروووووووووووووووك نجاح ولاء يا عمو سلاوي وربنا يوفقها كمان و كمان
مبروك للسلاوية وانشاء الكل دايما ناجحين ومبرزين وعالي المراتب والوظائف
الوالد السلاوى..
مبارك نجاح البنية وعقبال كل الحاجات الحلوة فى حياتكم..ونحتفل بعد نتلاقى مع الخلطات وكدة…
سلاوي : مليون تريليون مبروووووووووووك , ومن شابه اباه فما ظلم – التلج في رمضان مفيد للحلو مر -
مبروك يا جدو .. معليش جات متأخره .. شكلها البت إتوظفت و انا يادوب جاي ابارك النجاح
اهنئ وصمووود المنتخب السوداني ……..
علي خطفه نقطة ثمينة من المنتخب الغاني بتعادله معه (0-0).
كسرة /
حبة وطنية ياشباب اخير من الهزيمة ؟
يعني (القحة ولاصمة الخشم )
وسخااااااااااانة …………….ياغااااااااااااااااانا
رد
نونو
زمان في بورتسودان كان في واحده اسمها عوضية الضكرية عسكري في الدفاع الجوي
بتسوق عجلة وبتدخل الكورة مصطبات جانبية (حي العرب سوكرتا) ومعاها عود قصب سكر للاكل والدفاع عن النفس
———————————-
بس ما كان عندها وطنية زيك يا نونو بتشجع بضراعا (يا حليل نسوان زماااان)/ علي وزن يا حليل ضباط زماااان
ابكرون : لقيتك راقد واطه لكن !! بالله بتعرف عوضية الضكريه ؟؟؟
نونو : تعرفى لو عوضية اسى لقت ليها باس وورد كان نزلت الكوره كامله والما عاجبو يحلق حواجبو !!
(عوديه)…يا افليقا كانت زكريا اقصد ضكرية من نا حيتين
اولا من ناحية العلعول ، تانيا بتعوعي)
وكانت في المعسكر مدرعه (توالي) قوقو بزمزمية وكنتين وسكاكاتا يضبحن الجدادة عايمات في القشليم……..اشرح لعمك سنكل بالله……..!
التهاني لابنتنا فنجان قهوة بمناسبة مولودها الاول
فنجان قهوة:
الف مبروك و ان شاء الله من الهادين المهتدين المهديين ومن الابناء النافعين البارين…
اجمل وارق التهانى لاختنا الفاضله فنجان بمولودها الاول .
ابكرون : اسى يشرحو لى سنكل شنو ويخلو شنو ؟؟ على كل حال :
زكريا اقصد ضكرية من نا حيتين اولا من ناحية العلعول :
العلعول اخر الحلقوم ويقال له اللغلوغ فى المصريه .
، تانيا بتعوعي):
العوعاى ضرب من ضروب النوناى مرتفع الوتيره يجيب التيره فى نص المتيره .
وكانت في المعسكر مدرعه (توالي) قوقو بزمزمية وكنتين
مدرعة كان الوشم فيها اذا ما الماء خالطها سخينا
والقوقو صلاة النبى فوقو
والزمزمية اناء العسكرجية لا يطفئ ظما ولا يبرد حشيا
وسكاكاتا يضبحن الجدادة
والسكاكات احتداد فى السيقان ناتج بهله فى مكان اخر اعلى الجسم اذا لا تستوى السكاكات واعلى الجسم سبحان مقسم الارزاق
عايمات في القشليم
والقشليم قماش مقوى من شاطلة الصوف خليط بالتيل يلف حول السكاكات فيحيلها الى شنكارات .
والمعنى واضح …
افليقا ضحكتني والله في عودية الدكرية (المره دي بالدال قروووب)
كلو صاااح الستا الا العلعول
فهي عودية من شدة ما ضكرية عندها علعول الديك (عرف الديك)…… وهنا المعني بروح لاحي الدجاجات المستضكرات
ومن شده ما ضكريه تاني بتعوعي زي ديك الصباح ….شكيتك لي الله يا افليقا ذكرتنا ليها ….كانت بتقوم سداري بالعجلة
ابكرون : بالله كانت بتقوم بالعجله سدارى ؟؟ والعجله كانت عارفه الكلام ده ؟؟ ولا ما مركزه من شدة التفحيط !!
كل عام وانتم بخير – انتم مدعوون لجضور عقد قران ابنت اخي حسن محي الدين في مسجد النيليين يوم الجمعة القادم 19 11 2010 تمام الساعة الحامسة مساء والزفاف بنادي الكشافة البحرية يوم السبت 20 11 2010
وكل عام وانتم بخير
مبارك باذن الله و ربنا يتمم بخير…
ودالمهدي:
اولن كل عام و انتم بخير و مبروك مقدما و ان شاء الله ربنا يتمو علي خير و نتمني للعرسان السعادة..
ودالمهدي:
كما لا يفوتني ان ابارك للشبل النجاح و عقبال مرتبة الشرف الاولي و الدكتوراة
الحبيب ود المهدي
ألف مبروك لأبنكم النجاح ومبروك مقدماً لإبنة أخيكم ربنا يتمم على خير ويهنيها ويسعدها والعقبى لأبناءنا وبناتنا في المدونة أولاً ومن ثم للجيل الثاني أبناء الكواشف ناس وضاح السلاوي وعصمت عزت ومن هم على وشك ههههههههههههههه
الحبيب ود المهدى..سلامات..
كل عام وانت بخير ومبارك الزواج وربنا يعمرهم ويسعدهم ويهنيهم..وعقبالى بعد ها الحال !!
كل سنه وانتو بخير
مبروك مقدماًً وبالمال والبنين يارب وعقبالك يا شمباتى ويا بنات المختفيات
أستقبلت البلاد أول أيام العيد أخونا و حبيبنا حاج السلاوى و موعودين معه (( بكرتونه)) أفراح قد ينوء هذا البوست عن حملها
حمدا لله على السلامه و كميه مبروك
سلام يا أب أحمد…. مشيت للحاج اليوم و شلت لي كيسين من الكرتونة…. علة نطمئنكم الباقي قاعد كان ما لمو فيهو ناس (العرس) وخلو أباطه و النجم
تم بحمد الله عقد قرآن ابنتي الحاج السلاوي بعد صلاة الجمعة 26 نوفمبر و احتفلنا معهم في حفل الزفاف يوم السبت… ألف مبرووووك ياحاج وعقبال الأولاد كمان….. وبالرفاء وبالبنين
العم سلولو الف مبروك و عقبال جدووووووو…..
الف مبروك وعقبال البكاري
1000000الف مبروك يا ابوالحجاج للبنيه
سلولو الحبيب..مبارك وربنا يعمرهم ويسعدهم..
وبختكم يا ناس الدوحة,,عامرين ومبتهجين..ودى حسادة عديييييييييييييييييييل كدة..
مبــــــــ1000ـــــــــــروك يا حاج وعقبال اللي بالي بالك !!!!!!
الموضوع : زواج
العريس : سهيل
العروس : شيرين
فطور العريس و الحنه : يوم الإثنين 28/02/2011 بمنزلنا العامر بوجودكم و تشريفكم لنا بالديوم الشرقيه بالقرب من الساحه الشعبيه جوار زاوية ابناء الغريبه .
01/03/2011 : راحه لكل الفرق.
العقد : الأربعاء 2/03/2011 امدرمان الثوره الحاره العشرين بالقرب من البدري للدواجن.
العرس : الخميس 3/03/2011 صالة الحضري بالحديقه الدوليه مقابل “عفراء مول” و بالقرب من صالة كزام .
الدعوه لكل الناس البنعرفهم و اللسه حنعرفهم ..
ملحوظه : الدعوه تشمل الأهل و العواطفات و العيال و الجيران كمان .
و شكرآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
حدكم معاي هنا .. الباقي الله يعين
ربنا يتمم ليكم يا سهيل وشيرين ويسهل لينا شان نحضر فطور العريس معاكم وباقي التفاصيل…. ألف ألف مبروووووك
سهيل العريس : والله مشغوليات شديده عشان كده احتمال نحضر بس ( العقد والعرس وفطور العريس ) اعفى لينا ما حتقدر نواصل معاك اكتر من كده … هههههههههه
سلام ياقبيلة،،
منوووو البيدور يساهر الليل يسافر فوق جناح الشوق يكوس نجما” بعيييييييييييد ضواي مبروووووووووووك وربنا يجمع بينكم بالخير، وعقبال البكاري،،،
وانهدت ركيزة عصية من الدانقا، ومنو البيكلم لينا الشيخ الدكتور محمد الأمين صالح، فهو سيكون أسعد الناس بهذا الخبر!!!
الولد الختير سهيل – الله يسهل ليك وماتعتر ليك قشة فى دربك – وجعلك من الصابرين الصامدين – الى الامام — ونحن نتفوج بس —
الف مبروووووووووووك يا سهيل وبيت مال وعيال وعقبال بقية العزاب صبيان وصبايا
وجه الحبيب سهيل
أخيراً آن لهذا الفارس أن يترجل من صهوة فرس العزوبية بمحض إرادته ومع سبق الإصرار والترصد، وأن يتحزم ويتلزم لدخول قفص الزوجية، والله برافو عليك يا إبنتنا شيرين ونسأل الله جل وعلا أن يغلبك سهيل بالفآل والمال وكل الجمال وأن تغلبيه بالسعادة والفرح وسترة الحال وكثرة العيال وأن يكون قرآنكما الميمون نهاية لتشرد ولدنا وبلدنا وفي آن واحد فاتحة خير على الشعب الفضل وبارك الله لكما وفيكما وجمع بينكما بالخير.
سهيل…
مبارك يا حبيب وربنا يتمم على خير ويعمركم ويسعدكم ويرزقكم الخير..
مليون مبروووووووك يا عريس و ربنا يتمم على خير
الف الف الف الف مبروك يا حبيبنا – وربنا يتمم ليكم على الف خير – ويرزقكم بالخير .
معاك من قولة تيت ولحد النهاية انشاء الله.
استرايكر..
نهاية شنو!؟؟؟
شمباتى انت ماعارف ؟ مانهاية زى نهاية القذافى حيرتجل اى حاجة فى كل حاجة وبعدها يركب الفيل
سأل عني الفرح مرة
وقعد يسأل عموم الناس
عن الولد اللي شال الكاس
اسمو سهيل و ما ساهل
اديب و ودود وليهو اساس
هنادس في الهنادسية
و ما خد جائزة علمية
مع الجائزة الجماعية
في الادب الرفيع و الذوق
رقم مرموق
وتستاهل كمان شيرين
اتنينم ما ساهلين
الحبيب سهيل ألف مبروك ياقلب وعقبال البكارى بتنا شيرين أبقى عشرة على ولدنا دا مع المكنيات بالسعادة والهناء …. ونشوفكم بكره فى الموعد
الوم مالينى من راسى لساسى,,,,,,,,,,,,,,,,,,,و يادوب سمعت وفرحت،،،،،،،،،،،،،،،،، يارب تتم على خير،،،،،،،،،،،،،،،،،ن ونفرح بالباقين،،،،،،،،،،،،،،،،، مبااااااااااااااااااااااااااااااااااااااااااااارك
الشكر الجزيل لكل من شارك و العذر مقبول للخانتو ظروفو – الحمد لله تمينا نص ديننا وفارقنا درب ناس شمباتي و الغبشه
استرايكر وود الزبير – بتعاينو لي كدا مالكم ؟ دايرين تعرفو شنو ؟؟؟؟ كووووووو
ههههههههه
صباحية مباركه يا عريس …عارفنك روسي ما بتقصر
الف مبروك وبعد ده اجهز للتحشر من نوع : (بقيتو كم ؟) ،(ما بقيتو 2 ونص؟ ) ..(نخرتا ما صفرت؟ )
بس طول سرو اقصد بالك…..!
الحبيب البشاوى..سلام..
هههههههههههههههههاااو,,يعنى المحت واشرت لى حتة صعبة جدا جدا,اممممممممممممم,لكن اثق فى خبرتك العسكرية الدفاعية جدا جدا..
سهيل…سلام..
عليك الله ما بتختشى تختنى فى قروبك!؟؟ انا قروب (سى) يا حبيب,,آييييي..
ابكرون..سلام..
تصفر كيف يعنى !؟ صعبة شوية دى…
الف مبروووووووووك لصديقتي العزيزة سارة يحي المولودة الجديدة واناشاء الله تتربى في عزها
ازيكم………………… العريس سهيل بركه التميت نص دينك
وانا واخوى الكاشف ربنا معانا ولا ماكده يا شمباتى
والله يالغبشه ما قايلك كده … اخوك الكاشف دا نخرتو حمرت عديييييل كده .. اصلو جنو و جن سيرة العرس ..
يا ابكرون .. ما تبخل علي الكاشف يس … و ريهو يمكن قلبو يحر شويه .. اصلو الجنى دا رهيف و مابقدر ……..
الغبشة..سلام..
عقبالك انت والكاشفة ديييييك! امممممم..
سهيل العريس..سلام..
قلبى رهيف لكن صنديد ! كع..
بعدين يا جماعة مالكم بتمروا فى مولود سارا دى كدة سااااااى!؟ غايتو انا ببارك وبهنى وربنا يحفظو لى اهلو ! آييييي..
بكل مشاعر الود والسرور يدعوكم إل نيام \ سنكل — لحضور عقد قران كريمة السيد سنكل وذلك يوم الجمعه 29 يوليو 2011 م فى تمام الساعه السادسة مساء بمدينة ود مدنى للاتصال نيام نيام – 0122662866
انضم الى ركب الجدود كل من السلاوى – ابكرون – اخونا سنكل – الف مبروك وبيت مال وعيال
الف مبروك للعروسه و الوالدين نيام و سنكل و بيت مال و عيال
مبروووك لآل النصاري الزواج الميمون وبالرفاة والبنين ان شاء الله
آل الأنصاري طبعا
مبارك العديل والزين وعقبال محمد جلال!
الف مبارك يا عمنا وبالرفاء والبنين انشاء الله
ربنا يجمع بينهم بالخير وبالرفاة والبنين ان شاء الله
وعقبال البكاري
يس : محمد جلال دا منو ؟؟؟
ده ود جلال يا سهيل ….! وجلال ابو محمد يااااااااخ…ما عرفتو؟
سنكل .. نيام .. بشبش ..
لكم أجمل آيات التهانى والتبريكات.. ربنا يتمم على خير ويسعدهم فى هذا الزمن الصعب ..ويرزقهم الذرية الصالحة إن شاء الله ..
سنكل .. العيال كبروا وكبرونا معاهم….
سهيل…هههههههههههههههههههههههههااى,دا واحد صاحبنا مكرهنو فى الفيسبوك,ما نكتب تهنئية او عزاء او ختان الا وننكتب(وعقبال محمد جلال)! لما قرر ينتحر..هههههههههههههههههههه..
ابكرون…طلعت بتعرف الراجل! والله كمان محسى! صدف غريبة! كع
الاخوة الاحبة الدانقوست مرحبا بكم و بكم يزدان المكان
و التهاني موصولة لبنتنا الدكتورة هديل سنكل بمناسبة التخرج و الزواج…
ــــــــــــــــــــــــــــــــــــــــــــــــــــــــــــــــــــــــــــــــ
ياهدو يا جدول حنان
من جيتي زينتي المكان
بالطيبة و الياسمين عبق
في يومك الطليتي من مفرق الشوق و الشفق
في يومك الابحرتي بين شط الحقيقة و الافق
في يوم مراكبك اشرعت جوه العيون
مرتاحة يتغني الكلام مليان شجون
صدقك يلون في الحقيقة بكل لون
يا غفوة في ضل الضحا
ياراحة التعبان صحا
ياواحة لمرنا عطيش قام صابحا
او صابحك
باتوضحك
في كل نجما مال عليك قام استحا
من طلتك
ياهدو طيبتي النفوس
ياباقة من ضي الشموس
يا طيبة كل الناس تكوس
في صحبتك
تفرح معاك تونسك
طيبة و طبيبة يا عروس
جيتي فرحتي النفوس
و الليلة يومك و فرحتك
وكتين تسافري نشتهيكي و انتي فينا
نتوقعك في كل قول يتقال الينا
في كل غنوة تغني بيك تتغني لينا
انا بسمعا شان اسمعك
واسصنط القول السمح
و اتوسم الزول السمح
واتوسع الزمن السمح
شان بشبهك
ياهدو يا جدول حنان
من جيتي زينتي المكان
بالطيبة و الياسمين عبق
في يوم مجيك من مفرق الشوق و الشفق
مبارك سنكل مبارك نيام تخريج وزواج هديل وربنا يتم على خير وعقبال بقية الوليدات كلهم
الأعمام سنكل ونيام،،
ألف الف مبروك التخرج والزواج وربنا يتم على خير ويرزقهم الذرية الصالحة
الف مبروك للاخوة نيام وسنكل ولابنتنا التخرج والزواج
مبروك الزواج والتخرج وربنا يسعدها ويوفقها فى حياتها
سنكل و نيام
ألف مبروك لللعروسه هديل و ربنا يتمم على خير
كان بودي الحضور و لكن حالت ظروف دون ذلك
شمباتي
((سهيل…هههههههههههههههههههههههههااى,دا واحد صاحبنا مكرهنو فى الفيسبوك,ما نكتب تهنئية او عزاء او ختان الا وننكتب(وعقبال د. شمباتي )! لما قرر ينتحر..هههههههههههههههههههه..
ابكرون…طلعت بتعرف الراجل! والله كمان شايقى! صدف غريبة! كع))
طارق…
انتحر ليك يعنى ولا كيف كلامك دا !؟؟ كع
ألف مبروك للأحباب سنكل ونيام وبشبش وعبرهم لفلذة أكبادهم إبنتهم الرائعة هديل والعقبى في الأفراح والليالي الملاح للجميع سواء الراغبون لأنفسهم فحسب أو الداعون لأنفسهم وعيالهم هههههههههههه بالمناسبة رمضان كريم وتصوموا وتفطروا على خير
الاحبة الدانقوست..لكم جميعا الشكر اجزله لمشاركتكم لنا الفرحة بشني وسائل الاتصال من هاتف و من اميل و من تكبد وعثاء السفر..ونسأل الله ان يديم الفرحة علينا و عليكم ..وتصوموا و تفطروا علي خير..وتقبل الله صيامنا و قيامنا و جعلنا من المغفور لهم اجمعين…
كنا فى مدنى :
كنت قد هاتفت العزيز بشاوى حتى نترافق الى حيث يسعد الداخل ويحزن الخارج ويهنا المقيم والزائر ( مدنى ) التقيت البشاوى وتحركنا سويا صوب كدنى – الغريبه البشاوى سواق طيب بيتشاف ما بيعرف يسوق ليه !!!!هههههه ولا فى العربات بس ؟؟ ههه
وصلنا مدنى وكان دليلنا لمكان المناسبه الانيق الشفيف محمد نيام – لم نتفاجا بالصيوان الما خمج مش البت بت سنكل وتيب !!!
فى مدخل الصيوان كان يقف الشاب سنكل اى والله الشاب سنكل الذى اعتقد انه اصر ان يقول للعروسه والعريس نحنا برضو شباب فتراه احيانا يقلد عزيز لديه بسلام حار واحيانا يبشر مع نقزه لافوق مع احد الاحبه واحيانا يهمس لصديق قديم تتمنى ان تتنحى به جانبا ليحدثك عن سنكل حديثا لم نسمع به فى هذا المقام ولعمرى ان سلنكل جوانب اخرى تحتاج لكتاب كامل وليس مقال او تعليق – لم اعرف بماذا اناديه يا شاب ولا يا دكتور ولا ابو العروس ولا يا عمنا فاذا قلنا عمنا فهو عمنا وكبيرنا الذى علمنا الحب واذا قلنا دكتور فالدرجة العلمية تتوارى خجلا فكل الالقاب تتقازم امام الاكرم سنكل رحم الله جبرا وامد فى ايامه ذاك الذى سمح لنا بالتطاول لمقام سنكل نيام والاحبه الذين كلما تطاولنا لنروم مقامهم وكلما توضعو ليكونو بيننا طال السفر وما اعظم صنعاءهم ولو طال سفرنا اليها …اما عم العروس نيمو كير الحبيب نيام فقد فاجانى بسلام بالاحضان احسست معه اننى احتضن تاريخ السودان وعبقه وجميل ايامه –
مبروك سنكل مبروك نيام مبروك بشاوى مبروك قرن شطه مبروك همتك وشكرا جبرا الذى جعل هذا ممكنا …
ازيكم وسلامات اخيرا لميت فيكم ممكن تقبلونا معاكم ياناس ياسمحين
بت وراق..وعليكم السلام ورحمة الله…
مرحب بيك ست بيت واختر عزيزة وحضور انيق لا تخطئه العين..
وابقى داخلة لا جوا ..
اخي العزيز شمباتى دى المحريه فيك وكرمك فياض
لكن ياخوي الدخله لا جوه دايره معرفة السكك والدروب كتيره ان شاءالله نقدر عليها
بدينا بالافراح ان شاءالله دايما افراح
أفرحنا وسر بالنا تخرج (عصمت) اليوم في جامعة يونيسل بماليزيا… الهندسة الميكانيكية
(نعم الاله على العباد كثيرة ولكن أجلهن نجابة الأبناء)
ربنا يفرحكم كووووووووووولكم بجديد أولادكم
العزيز ابوعصمت : افرحنا وسر بالنا ما افرحك وسر بالك – الف مبروك تخرج ابننا عصمت وعقبال اخوانه وعقبال ما تفرح بأولادهم .
الحبيب عزت وابننا عصمت..
مبارك التخرج وعقبال كل الجميل فى حياتكم وربى يسعدكم بالبقية…
اها معزومين نحضر التخرج فى ماليزيا ولا كيف؟؟
مبرووووووك يا ابو عصمت وعقبال الماستر والدكتوراه …….ومن قبل الزواج الميمن له ولاخوته …..الف مبروووووووووووك
الف مبارك يا ابو عصمت – وعقبال الماجستير والدكتوراة انشاء الله.
االسادة آل ترطيبة الف مبروك و عقبال الزواج
يسرني ان اعوكم جميعا بنوت واخوات ابناء واخوان الي زواج ابنتنا (سديم) وذلك يوم الاربعاء 21 ديسمبر الغداء والعقد بمنزلنا بالواحة شرق مربع 5 قرب مسجد الفرقان والعشاء مساء نفس اليوم بنادي الضباط صالة الفاتح بشارة….السمع يكلم الماسمع ….الجوة والبره………….حضوركم يسعدنا
(لا تقبل التهاني بالبوستات والتلفونات ….بالحضور السخصي بس)
مبروك يا عزت تخرج ابنكم عصمت و عقبال الدكتوراه ..
عمنا ابكرون .. الف مبروك لبتنا سديم .. دي التهنئه المبدئيه .. لغاية مانجيكم بالدرب ..
الأعزاء سلام
يباركوا ليكم الحجة وعرس الأولاد باذن الله… ومبروك يا أبكرون ربنا يتمم بخير
سلام يا عزت والف مبروك – المناسبات السارة الكتيرة دي دايرا ليها لمة – ولا مش كدا
ود المهدى..
اترحمن !!!
الدكتور عزت .. والسيدة الأولى ( وما فيش حد أحسن من حد ) أم عصمت .. التهانى الحارة مقرونة بالأمانى الطيبة لكم وللإبن عصمت بالنجاح ..وهذا الإبن من ذاك العرين ( عرين الأسد .. طبعن ) .. وعقبال الدرجات العليا كمان وكمان .. والعاقبة لإخوانه الماسكين الدرب ..
شكرا سهيل شكرا عزت مرحبتين
مبرووووووووووووووك لابنة حبيبنا البشاوى النجاح فى امتحانات الاساس واحرازها لمجموع 270 درجة.
الف مبروك يا بشبش وعقبال الشهادة الكبيرة ان شاء الله.
مبارك يا حبيب وعقبال السمح كوووووووولو…
والله عشت وشفت النجاحات يا بشاوى..
الف الف مبروك بشاوي والاسرة وربنا يحفظها ليكم … وفعلا هذه الشبلة من …. ذاك الاسد !!!!
الله يجازى محنك يا استرايكر —- الناجح حسن على حسن قلبتو ابنة =داير تلحقتى قروب ناس ابكرون والسلاوى وسنكل باكر يقولو عقد البت متين ؟
جزاكم الله خيرا وعقبال النجاح لكل الابناء
هههههههههههههههههههههههههههههههههههه,,,,عجبنى ليك يا بشبش..
لكن خالد دا قال اسد ! اممممممممممممممممممممممممم..
لا يكون الاسد ابو بشار ! لوووووول
ألف مبروك نجاح الإبن بتفوق يا بيشاوي ونعم الإله على العباد كثيرة وخيرهن نجابة الأبناء وفقه الله في مستقبله الدراسي وحقق أمنياته وجعله فخراً لكم وقرة لأعينكم والعقبى لأبناء جميع الدانقوست وخسوسن للإبن شنباتي عقبال الشهادة اللي حيوقع فيها دكتور عزت شهود قول آمين ولا ننادي الزوووووول وود الزبير وبقية الأجاويد ههههههههههههههه
شكرا مخير
يوم استلام شمباتى للعقد الماخمج بشهادة عزت ببطاقتو المجددة ديمة الا نعمل ليهو لمة فى ميدان المولد
بنااااااااااديهم…
ههههههههههههههههههه
شكرا مخير
يوم شمباتى يستلم العقد الموقع عليه عزت بالبطاقة المجددة ديمة وكمان معاها الرقم الوطنى المميز نعمل ليه لمة فى ميدان المولد
ههههههههههههههههههههههههههههههاااى,عشان بنولكم مرداكم !
مبروك يا بشاوي نجاح الولد يا أبو الولد.
و تهانينا للأسرة الكريمة.
انت يا شمباتي تقعد في الملاوزة دي لمن في النهاية تعرس ليك ممرضة … تمارضك .
ههههههههههههههههههههههههااااى,,,تصدق فكرة بردو !!!
وااااااااااااااااااااى
ألف مبروك يادفعة وعقبال البقية ان شاء الله يارب