الاخوة الاعزاء
فى هذه الصفحة – سوف تنشر ونضع اخر اخبار المنظمة التطوعية واخر المستجدات التى تحدث بها
-
أحدث التعليقات
- سهيل on زاد المسير…
- سهيل on مِصرُ وَ الجَزائرُ ( تــَأدَّبَا ) ؛ أنتـُمَا فِي حَضرَة السُـــــوَدَان ..
- عزت بقا ريتش on مِصرُ وَ الجَزائرُ ( تــَأدَّبَا ) ؛ أنتـُمَا فِي حَضرَة السُـــــوَدَان ..
- حسني مبارك on الحرب المصريه الجزائريه 14 نوفمبر
- حاج أحمد السلاوى on ساهور,,اما ان لهذا العبث ان يتوقف؟؟؟
- عزت بقا ريتش on زاد المسير…
- ياسين شمباتى on مِصرُ وَ الجَزائرُ ( تــَأدَّبَا ) ؛ أنتـُمَا فِي حَضرَة السُـــــوَدَان ..
- ياسين شمباتى on زاد المسير…
- ياسين شمباتى on ساهور,,اما ان لهذا العبث ان يتوقف؟؟؟
- ياسين شمباتى on ساهور,,اما ان لهذا العبث ان يتوقف؟؟؟
- معتزالدمام on ساهور,,اما ان لهذا العبث ان يتوقف؟؟؟
- ابوعمرو on ساهور,,اما ان لهذا العبث ان يتوقف؟؟؟
- معتزالدمام on ساهور,,اما ان لهذا العبث ان يتوقف؟؟؟
- طارق أب أحمد on زاد المسير…
- طارق أب أحمد on زاد المسير…
إدارية
الزوار للمنتدى
المتواجدون حاليا
-
عدد الزوار
- 244,336
-
-
اخر الاخبار- إيران تجري أضخم مناورات جوية لحماية منشآتها النووية - محيط
- الحرب الكروية لاتزال على أشدها بين الجزائريين والمصريين - جـريـدة الوطن
- البرلمان العراقي يرجئ الى الاحد التصويت على نقض الهاشمي - AFP
- خادم الحرمين يبحث مع رئيس وزراء إيطاليا التعاون بين البلدين - وكالة أنباء الإمارات
- «الكهرباء»: تمديد موعد عطاءات محطة الرياض - دار الحياة
- صادرات السعودية «غير النفطية» تتراجع 19 في المئة وتسجل 7.5 بليون ريال - دار الحياة
- «قاعدة» اليمن تخطف الرهينة الياباني من خاطفيه القبليين - الرأي
- ارتياح جزائري كبير بعد سحب قرعة "أمم إفريقيا 2010" - العربية نت
- تأجيل الفصل في قضية «خلية حزب الله» بمصر ومصالحة بين الدفاع المنسحب والمحكمة - الشرق الاوسط
- إلغاء صفقة تبادل أسهم زين - بالتل لعدم تلبية متطلبات حكومية - الرأي
-
أخر المقالات
- مِصرُ وَ الجَزائرُ ( تــَأدَّبَا ) ؛ أنتـُمَا فِي حَضرَة السُـــــوَدَان ..
- زاد المسير…
- سَلامُ الأقويَاء
- الغضب ضد المحبة !!
- هيبة الدولة في قوة السُلطان !!
- تذاكر مباراه مصر والجزائر
- سُلطــَانُ ليلى !
- دي قصيره و دي قصيره
- عضونا الغالي … ممنوع أكل التسالي
- سوداننا مع نيام
- لي خير ..(لخير قادم)
- شذرات تتبعها شذرات..
- شــَرَاكـــَة ُ الشـــَيطــَان !
- دار المايقوما
- تانى جاب سيرة السفر ..
-
-
كُتاب مُشاركون
-
إسترايكر
-
aflaiga
-
ودالزبير
-
عزت بقا ريتش
-
kinanay
-
فنجان قهوة
-
neiam
-
khalidmadani
-
ألفاتح جبرا
-
basharibnburd
-
زووووووول
-
سهيل
-
ود الخلا
-
ياسين شمباتى
-
mukhayer
-
smukhayer
-
mashakel
-
salih
-
ابكرون
-
alisankal
-
قرن شطة
-
حاج أحمد السلاوى
- إلى متى تستمر المعاناة ..ايها الناقل الوطنى ..سودان إير ؟
- التطرف الصهيو أمريكى
- ودالشايقى وحريمه الأربعة – للشاعر الدكتور ودبادى
- موبايل…جوال …خليوى
- دراجة هوائية كادت أن تقودنى إلى ما وراء القضبان .
- حماس بين مطرقة الشرعية الدولية… وسندان مجلس الأمن
- أعوام مضت…وأعوام قادمة..
- إحترام الوقت والمواعيد.. بين عجلة الندامة وتأنى السلامة .
-
البشاوى
-
الغبشة
-
Nourlight
-
nono
-
عبدالفتاح ابراهيم محمد
-
طارق أب أحمد
-
التركى
-
wadalmahadi
-
محمدحسن
-
moshahidah
-
i.in.web@lycos.com
مقالاث قديمة
تم بالامس فى منزل الشيخ ود الخلا اجتماع تنويرى – تم فيه توضيح الاتى:-
- تم وضع مسودة لدستور المنظمة.
- تم تكوين لجنة التسيير للمنظمة.-
تم حصر العضوية – وسوف يقوم الاخوان افلايقا وعبدوش بالمرور على الاخوة لاخذ التوقيعات وبقية التفاصيل المطلوبة فى استمارة العضوية.
-بعد الانتهاء من ملء كل بيانات العضوية – سوف يتم البد باجراءت التسجيل للمنظمة .
-تم الاتفاق على اطلاق حملة للتبرعات لجلب اكبر كمية من الدعم للمنظمة.
شباب : برغم ان يوم الامس لم يتم توثيقه لانشغال عزت المريخابى بالاهداق الحلوه الا انه كان يوما جميلا شرفه بالحضور فى منزل ابو الكرم ( ود الخلا ) كل من :
جبرا – عزت – اب احمد – سهيل – عبدوش – ستريكر – افليقا ..
وكانت حقيقة جلسه جميله خرجنا فيها بما وضحه الاخ ستريكر فى الاعلى مع اضافة ضرورة ايجاد مقر مناسب تم الاتفاق على ان يكون منزلا فى المحيط القريب من الخرطوم .. بدانا بالفعل فى البحث وهمتكم معانا فى البحث .
أكثر الله من أمثالك وجعل لك من الخير الكثير ان شاء اللهو رزقك من حيث لا تدري ولاندري؟؟
.
الاكارم
سلام
اسأل الله ان لا تقتل الاجتماعات والبروتوكولات هيئة سوداننا الخيرية كما قتلت وتقتل الاجتماعات الكثير من اعمال الخير في الوطن الكبير…
وللمستهدَفين بالعمل الخيري من فقراء بلادي: اعذرونا اعذرونا فنحن لا زلنا نخطط ونجتمع حتى يمكننا تقديم مساعدة لكم…اللهم عفوك ومغفرتك … ورحمتك بعبادك الفقراء.
شباب
السلام عليكم ورحمة الله وبركاته
والله والله ما عارفين ( وليس للغيبة عزر ) ولا عليكم ون عزر المهم جاهزين لو فسحتم لنا ان نكون اعضاء
ودمتم
العزيز الكنانى
مرحب بيك وانت سيد المحل وصاحب البيت
وانشاء الله يكون هناك اتصال بيك وشرح تام لما حصل فى الفترة السابقة – لكن يمكنك الرجوع لبوستات د عزت وافلايقا ( هيلا هيلا ) وبها شرح واف لكل الاحداث .
شباب : شغلتنا اموالنا واهلونا عن اطفال المايقوما احد مشروعات سوداننا الخيريه وعشان ما نطول عليكم :
تفاصيل وجبة العشاء التى لو تكفلنا بها فقط لفتح الله علينا ابواب الخير ومن جوه الدار بنلقى الاعلام والسند والتمويل :
* 1000 جنيه شهريا لوجبة العشاء .
* ناس بره :
سنكل – ابكرون – بشار – مخير – محنك – بكرى موسى – ساتنتود – نور لايت – السلاوى – شمباتى – ركس – ابو محمد – الحرامى – كنانى – صالح – خندقاوى والبقيه ..
* ناس جوه :
جبرا – عزت – نيام – مهدى – خالد مدنى – ود الخلا – اب احمد – زول – سهيل – ود الزبير – ستريكر – عبدوش – مشاكل – حنين – بروسيسر – همتك – قرن شطه – سمسمه – سماسم – نونو – سهيله – غبشه – والبقيه ..
اسى كده كم بالله وفى كم بى كم ؟؟؟
القصه لا محتاجه تسجيل ولا محتاجه بروتوكولات فقط نلتزم وفقط البشاوى يشد حيلو وننزل ليكم البوست بتاع زيارة المدونين للمايقوما ..
لم اتوقع شيئا وخاب توقعى فيه عليه اتوقع ان يبدا الخير فى الانسياب بمجرد دخولنا الدار وبمجرد بداية العمل فقط شدو حيلكم معانا …
ما عاوزين نحكى عن الدار والفيها …
الحبيب افليقا الهميم البشاوي الحصيف المرطب ..الظريف كل دانقوست في قلبه ذرة من رحمة ..يااخوانا نحنا عايزين نعزم اطفال المايقوما عشاء يومي بوش في دار المايقوما ..بس البوش حق الجماعة الحلوين ديل مازي حق عبدوش كلو شطط و بهارات ديل البوش حقهم ثرو باص يعني المرضع تتعشي و تشرب ليها موية باردة و تقوم ترضع ليها زي خمسة كدة يعني نحن لمان نعشي مرضع في الحقيقة بنعشي خمسة اطفال صغار رضع مجهولي الابوين ممكن ابوهم يكون ببوّش في الدكان الجنبنا او الجنبكم و ما جايب خبر ..
العملية دي بتكلف حاجة بسيطة ، يعني في الشهر قول عشرة جنيه نحنا بنستهلكها رصيد او قول حاجات باردة و ساخنة ماليها معني..فقط التزم بعشرة جنيهات وربنا يوسع رزقك و يخفف همك و يبعدك عن النار..
عزيزي الدانقوست لا تدعني اقف علي بابك مرتين..فذلك الطفل اليافع لا يستطيع الانتظار..انا اقترح لكسب الوقت تحويل رصيد بعشرة جنيهات علي :
1-موبايل البشاوي او 2-موبايل عبدوش
الاحبة الدانقوست وسع الله رزقكم و باعد بينكم و بين النار..
احبائى..معقولة لسه موضوع اطفال المايقوما دا ما انتهى!!!؟؟
والله يا افليقا شكلك ما دورت الطابور صاح..اعصر شوية…والله من وراء القصد..
الحلوين الزينين الطيبين :
رجعنالكم تانى فى مواضيع الخير :
عشامن نلخص ونجى من الاخر :
* سنقوم انا وعبدوش بجوله يوم غد الخميس لجمع التوقيعات المتبقيه للاعضاء لاكمال مستندات تسجيل الجمعيه وسنقوم بالاتصال على كل من لم يوقع بعد ونقوم بالمرور عليه للتوقيع .
* فى موضوع المايقوما قمنا بجمع كمية من الملابس من عدد من الاعضاء وهى بطرفنا كما تم جمع مبلغ يكفى لتغطية باقى الشهر لوجبة العشاء للدار وهوة مبلغ ( 600 ) جنيه من تبرعات اعضاء الخارج عشان نبدا م\بما توفر من مال ودعم عينى .
* نتمنى فى لفتنا البكره انو لو اى زول بيقدر يوفر ملابس او العاب للاطفال او ملابس للامهات بالدار يجمعا وحنمر عليهو انا وعبدوش ناخدم منو .
* قررنا ان يكون الجمعه او السبت هو موعد زيارتنا لدار المايقوما انابة عن المدونين وعلى راسنا ابونا الفاتح جبرا ورئيس القوم د . عزت وبقية الافاضل .
* نتوقع من داخل الدار حصر وتقييم الوضع الطبى للاطفال والمربيات لتضمينه فى خطة العمل الطبى القادم .
يلا يا شباب شدو حيلكم معانا بكره التوقيعات فى سجل الجمعيه والتبرعات للدار .
ولا سهل الا ما جعله الله سهلا ..
ربنا يوفق الجميع لعمل الخير
نونو : المبادره من صفاتك الجميله التى تظهر كل يوم .. شكرا على المرور ..
شباب : سنقوم اليوم بالاتصال على الاعضاء بالداخل لمعرفة ظروف تواجدهم سواء اليوم او غدا لاكمال التوقيعات واستلام الفيها النصيب للمايقوما …
توقعو الاتصال وخليكم قراب …
مساسم – سمسمه – نونو – الغبشه … راجيكم دور كيير فى مشية الجمعه او السبت فما تخذلونا مع انكم ما فعلتم من قبل لكن الذكر ى مهمه …
شباب : اغتسو لينا فى الدواليب القديمه والمخزن والشنطه الحديد والخرج العاب ملابس تياب ملايات اى شيئ بتتوقعو انو ممكن يفيد بيت فيهو اطفال ونسوان مربيات ولا تحقرن من المعروف شيئا ….
الحبيب الخيّر أبو حمودي
الخيرين الأبرار كبار وكبار أينما كنتم
السلام عليكم ورحمته وبركاته،،،
نرفع أكف الضراعة لله ونسأله مخلصين أن يضاعف لكم الثواب وأن ينفعكم بهذه الجهود الخيرة يوم لا ينفع مال ولا بنون إلا من أتى الله بقلب سليم،،،
وأن يعوضكم وكل من أنفق من وقت وجهد ومال في سبيل سد حاجة هؤلاء المساكين أن يبارك لهم وفيهم وبهم أضعاف مضاعفة …
شباب سوداننا الاكارم نهاركم سعيد
وربنا يوفقكم ويوفقنا لفعل الخير
وبكون في قمة السعاده لو اساعد بالتبرع للاطفال الابرياء (اطفال المايقوما)
وحقيقه دا عمل يكتسى بكل معاني الشهامه ويمنح التفاؤل والاحساس بعزة ابناء الوطن امثالكم الطيبين
يا شباب لو كتبت لحدي بكره ما حاوفيكم حقكم لكن بشرفني اني اكون معاكم
انا في انتظار الاتصال
سلام للكل…………….
شنو يا دنمو لحدى هسى ما وريتنا تفاصيل يوم بكره؟ولا لسه بتضرب فى الميلوحه؟
السلام عليكم ياشباب فى الحقيقه ان الذى دفعنى لاكون معكم وانضم اليكم هو امر الخير والذى ستبدؤنوه بالمايقوما اتدرون ماقيمه هذا العمل عند الجبار جل جلاله لو اخلصنا النوايا فى هذا العمل فاالله اسال ان ييسر الامور لكى نسير دفة هذا العمل وانشاالله سوف نتناول موضوع عن الاخلاص لان الامر مهم حتى نضمن اجورنا كامله عند المولى جل جلاله باذن الله
شباب : الاسبوع الحالى شهد حركة دؤوبه فى تسجيل الجمعيه وكان ملخصها :
* تم تقديم اوراق الجمعيه لمسجل المنظمات واتضح ان الاسم ( سوداننا ) مكرر وموجود مسبقا وتم ايداع ثلاث اسماء اخرى للبحث عن احتمال كوهنها موجوده ام وفى النهاية وقع الاختيار على اسم ( منظمة خير الامل الخيريه ) . وهو اسم ذو دلاله عميقه ( والباقيات الصالحات خير عند ربك ثوابا – وخير املا ) …
* طلب مسجل المنظمات ان يكو ن عدد 30 عضو موجودون بالخرطوم وعليه يكون ينقصنا عدد 15 عضو من الخرطوم لاضافتهم للاعضاء بالداخل والخارج .
* هناك رسوم تسجيل للمنظمه 150 جنيه سودانى وهناك منصرفات الدعوة للاجتماع الاول الذى سيحضره مندوب من المسجل ووزاة الشئون الانسانيه .
* يجب ان يتم توفير المقر لاستضافة الاجتماع التاسيسى وهو غالبا ما يكون صاله مؤجره وهى تحتاج ايضا لرسوم .
——
من كل ما سبق نرجو من الاعضاءسرعة الاستجابة للاتى :
* اولا الاقرار بشان الاسم الذى تم اختياره لتجاوز مشكلة الاسم .
* تفعيل الاشتراكات الشهرية لمقابلة الاحتياجات العاجله .
* اضافة عدد 15 عضو جديد من ولاية الخرطوم .
يلا شدو حيلكم معانا …
شباب : لمذيد من التفاصيل :
* الاشتراك الشهرى تم تحديده بمبلغ ( 30 جنيه ) للعضو يمكن ارسال اشتراك شهر واحد او اشتراك الربع الثانى ( مايو – يونيو – يوليو ) .
* يتم ارسال الاشتراكات مباشرة عبر تسليمها للاخ عبدوش والذى سيكون بالخرطوم خلال الاسبوع اى يوم الاحد . او بارسالها عبر تحويل الرصيد لهاتف الجمعيه ( 0919991880 ) .
* نحتاج لمبلغ ( 150 جنيه ) لرسوم التسجيل ومبلغ( 1500 جنيه ) لاستئجار الصاله والضيافه للاجتماع التاسيسى .
* نحتاج لمبلغ شهرى لايجار الموقع والذى اتفقنا على ان يكون منزل بوسط الخرطوم ( برى – المقرن – الصحافه – السجانه – السوق العربى ) وايجاره فى حدود مبلغ ( 800 جنيه ) .
* نحتاج لتاكيد من الاخ صالح باستمرارية الاطباء فى الالتزام التطوعى .
* نحتاج لتاثيث المقر علما بان الموجود الان ( ثلاجة ساخن بارد تبرع بها الاخ اب احمد – جهاز كمبيوتر تبرع به الاخ خالد مدنى ) نحتاج لبقية الاثاث عبر الشراء او الدعم العينى من هنا تربيزه ومن هنا كرسى وكده .
* نتوقع فى حال اكتمال تسجيل العضوية ومبلغ التسجيل ان نقوم مباشرة بالشروع فى اجراءات التسجيل بدء من الاحد القادم ..
يلا شدو حيلكم معانا ….
جاهزيييييييييييين جاهزيييييييييييين ***** لإكمال التسجيل
لكن الاسم دا منظمة خير الامل الخيريه يخيل لي احسن تفكرو في غيرو
الاكارم ابناء الاكارم :
لم نسمع منكم بشان الاسم المفترض للجمعيه وهل تم الاتفاق على ( خير الامل الخيرية ) ام هناك مقترحات اخرى لمواصلة اكمال التسجيل والبدء فى حاجه تانيه ….
ننتظر اسهاماتكم عاجلا ..
ربنا يزيدكم قوه و ووحده ..
بخصوص الإسم هو جميل و ذو دلاله لكنه تقيل على اللسان و الذاكره لذلك شاركوا بمقترحات اخرى للإسم .. مثلا ( سلام الخيريه – بلدنا الخيريه – رأفه الخيريه – خير الخيريه) و هكذا..
أقترح أسم آخر وهو (منظمة زاد المسير الخيرية)..
أنا بثني مقترح ود الخلا (منظمة زاد المسير الخيرية)
شباب : اثنى وبشده اسم ذاد المسير واتمنى ان تكون ذادا لنا فى مسيرنا فى الدنيا وذادا لنا فى الاخره …
اها نقرض على كده ولا فى اقتراحات تانى ؟
سلام ياقبيلة!
أري أنه قد تمت تثنية وتزكية لأسم زاد المسير ولم يعترض أحد، عليه نعتبر ده الأسم المطلوب للتسجيل وسنشرع في ذلك فورا” أن شاء الله.
نرجو التكرم بتسديد الأشتراكات للذين لم يسددوا عن فترة الثلاثة شهور التالية مايو/يونيو/يوليو لتكملة الأجراءات.
كذلك الباب مفتوح لكل من له الرغبة بالتسجيل ولم يسجل أسمه حتي الآن لأن العدد المطلوب لأجتماع الجمعية العمومية للتسجيل هو 34 عضو علي الأقل.
في أي مقترحات أخري يا جماعة؟؟ لأننا سنبدأ في تكملة الأجراءات، ولو في أي أضافات أو أي أستفسار أرجو عدم التردد في الأتصال فورا” وفي أي وقت لمزيد من المعلومات نحن جاهزون..
توكلنا علي الله وعلي بركة الله المسير أن شاء الله بزاد المسير،،،
ود الخلا : على بركة الله ذاد المسير ذاد المسير يلا شد لينا حيلك مع عقاد قبل يسافر ..
يلا يا ود الخلا .. إتأخرنا كتير.. خلي ( أبنصاتك صاجه) و فرامل (تك) لغاية ما تجينا بالخبر اليقين عشان ناس صالح يجو راجعين
سهيل : اسى لو الورق بتاع التسجيل تقيل كان قلنا ليك شيلو بالبوكس وديهو المسجل !!! لكن دعواتك ومتابعتك كفاية …
ود الخلا : يلا وين الاخبار .
نفرة المايقوما 2 ..
فى دار المايقوما :
ماما احسان : الو البشاوى ازيك ؟؟ انشاء الله كويسين ؟؟ يا جماعه مالكم انشاء الله خير ؟؟؟
البشاوى : خير خير والله يا ماما احسان مافى الا الخير بس انتى عارفه الناس وظروفا !!
ماما احسان : هى لكن يا البشاوى ظروف الناس بتكون اكعب من ظروف الشفع ديل ؟؟؟ معليش اعذرنى انا ما بلومكم لكن الما متعشم فى خيرك ما لامك وانا لو ما الشفع ديل ما بدق ليكم !!!
البشاوى : والله يا ماما احسان انتى كل مره بتورينا انك اكبر مننا يعنى انتى ما دام ما اتحرجتى تطالبى بحق الشفع ديل البقى دين فى رقبتنا من يوم خشينا الدار والله انا كمان ما بتحرج اقالع حقهم من ناسى ديل .. على كل حال استنى الخير جايى انشاء الله …
البشاوى : الو يا افليقا انت ما بتخجل ياخى تخلينى ابقى سغير قدام قدام ماما احسان وين الناس وين الشباب ؟؟؟
افليقا : البشاوى قول بسم الله والله انت وماما احسان والشفع ديل اكبر مننا كلنا واقول ليك شيئ كمان انا ذاتى بقالع حقهم من الناس ديل .
افليقا : الو الو الو المدونين اهل الخير ما سامع حاجه الو الو الو …..
الخط قطع يا ربى بيتصلو تانى ؟؟؟؟؟؟
الو افليقا الو الحبان
افليقا انت شغال نجار ؟؟ الخط يقطع كيف يلا رجع الخط ولو تعبان اكلم استرايكر يساعدك
نحن عملنا ألو لي أفليقا وألو لي عبدوش وألو لي خالد مدني ما في أي استجابة قام الود عبدوش قال لي البيشاوي حا يعمل ليك ألو وبرضوا ما في رد بعدا دا ما تلومونا نحن عملنا العلينا وأكلنا العندنا ودا كل العندنا والسلام
سماسم : والله كنا متحيرين نبدا كيف ونستلم كيف وخايفين الجاى ما يكون قدر المطلوب – بعدين انتى العندك ما بيكمل مجرد وجودك كفاية ونيتك الطيبه زاملة ستها …
شباب : مطلبو 1500 جنيه للمايقوما ( مليون ونص ) باقى شهر مايو وشهر يونيو كاملا .. يعنى 20 جنيه من كل زول ونعمل الزياره التانيه ..
تلفون عبدوش بتاع الجمعيه الان مستعد لتقبل التحاويل ( 0919991880 ) ..
يلا شدو حيلكم ولو مالحقنا مايو نلحق ابريل …
السلام عليكم :
اولا احب اهنيكم وافتخر انو ما زال في بلدنا شباب همهم مساعدة المحتاجين
وربنا يوفقكم ويوفقنا علي كل ما في مصلحة بلدنا واخوانا واخواتنا الفي اشد الحاجة لي مساعدتنا
وافكار جميلة جد بس شدو حيلكم وان شاء الله كلو بيهون
انا مدير شبكة المقرن السودانية وعندنا برامج انسانية برضو مشابهة لبرامجكم
فأنا بدعوكم عشان يكون في تنسيق بينا ونكون يد واحدة مادام عندنا هم واحد .
اخوكم عبد الله .
مرحباً بك مقرن (عبد الله)- نيابةعن كل المدونيين – وإن شاء الله نكون يد واحدة
ونعمل من أجل هدف واحد هو مساعدة المحتاجين
ارجو الا اكون قد تأخرت …. اولا لدى بعض الملاحظات …. حكاية الاشتراك الثابت دى ممكن نستبدلها بقليل دائم خير من كثير منقطع يعنى كل واحد ممكن يتبرع حسب مقدرته عشان فى ناس يمكن يلاقو صعوبة فى الالتزام الشهرى …. حسب تجربتى مع منظمة تطوعية سابقة اى عضو يرسل رصيد قدر استطاعته وقتما يرى ذلك متاحا افضل من الانتظار لدفع الاشتراك الشهرى …. ولو سجلت الجمعية فخيرا والا فاعتبرونى تمامة عدد وعضو فعال ان شاء الله …. دار المايقوما ليست غريبة عليا بطبيعة عملى وهناك جهات اخرى يمكننا مد يد العون لها ايضا … ادام الله وحدتكم لما فيه خير المحتاجين والفقراء المساكين
ماما احسان … ام الامهات بالمايقومه … دعواتكم ليها
http://www.sudaneseonline.com/cgi-bin/sdb/2bb.cgi?seq=msg&board=240&msg=1247696355
الله رب الناس أذهب البأس
وأشف انت الشافي
لا شفاء إلا شفاؤك
شفاء لا يغادر سقمًا..
ماما احسان … ام الامهات بالمايقومه، اللهم أنا ندعوك لتشفيها وتعافيها وتمنحها العافية والصحة بقدر ما أعطت
أذهب البأس رب الناس
انت الشافي لا شفاء إلا شفاؤك
شفاء لا يغادر سقمًا..
اللهم عافيها وأعف عنها وردها لأهلها ومن يحتاجونها سالمة غانمة ، وأعطها من عفوك ورضاك يا كريم يا رب
اللهم آمين،،
الأعزاء سلام
شرع الأخ التركي في تسجيل الجمعية فوجد هناك تطابق في اسم (سوداننا الخيرية) لدى منظمة العون الانساني فاستشارني في الاسم الجديد … فراجعت مقترحاتكم التي وردت في أعلى هذا البوست فوجدت بعض الاقتراحات و زدت عليها و هي:
منظمة زاد المسير الخيرية
منظمة زاد الخيرية
منظمة رأفة الخيرية
و هو المطلوب أن تكون هناك خيارات مكتوبة حتى يوافقوا على أحداها…
فهل نضّمن تلك الأسماء الثلاث للتسجيل….. رأيكم دام فضلكم
أوافق علي بركة الله
شباب لكم التحبة/
الراي راااااايكم الشوووووورة شورتكم!!!!!
ربنا يسهل…
علي بركة الله
لو اساساً عندنا رأي
على بركة الله..القصد الناتج وليس هناك اى مشكلة فى الاسم..
حبيبنا الكنانى..هنا عندك راى ونص كمان,,انت قايل دا البرلمان ولا شنو؟؟ خليك قريب..
نعم ..وعلى بركة الله ..
موافقون وما أطيب الإنطلاقة في شهر العطاء والخير …
الكنانى : راى بتاع شنو ؟ انت عشان طولت ولا شنو ؟؟ انت ما كنت سيد الراى والفهم ايه الجرجره دى ؟؟ باسم ما اتفقنا عليه عندك راى ونص خمسه .
التركى : والله مساعيك جميله زى شطتك ولو بنفس مستوى الشطه الاكلناها فى قعدة شمباتى عفوا فطور شمباتى معنات المنظمه حتكون دنقابا !!! اعانك الله وابعد عنك امراض السودانيين .
د . عزت :
استضيفنا وانت ضيفنا ونستضيفك ونحنا ضيفك مش ؟؟
شباب : على بركة الله وجايينكم قريب بس تفك شوية ..
على بركة الله شباب
د. عزت : الاسماء ممكن تتكتب بالترتيب حسب الترجيح
لزوم الاختيار وكدة يعنى …
أفليقا : تسلم ياغالى … بالمناسبة انا ماسعيت شئ
بس الاخوان ماقصرو وقلت يكون عندى (شطة) اقصد
ملح فى الشوربة … ان شاء الله لما اعود من دارفور
الاسبوع القادم ح نواصل من محل ماوصل الاخوان ..
وبعد التسجيل بتبدأ المرحلة الاصعب فى اعتقادى ..
مرض السودانين ساهل ركلسة كم شهر كدة فى
اسطنبول بنشفا منه الكلام على مرض الدكاترة …
على بركة الله وبالله التوفيق ،نثنى اقتراح الاخ التركى بخصوص الاشتراكات
التحيه لكم مجددا اعزائي
الحمد لله شايفه الناس ما عندها خلاف حول الاسم وان شاء الله دايما متفقين
الان تبقت ايام قليله للعيد ربنا يحيينا ويحضرنا ليه طيبين
يلا نشد حيلنا ونعمل مشروع فرحه صغيرونه سوى كان لاطفالنا احباب الله بالمايقوما او لاباءنا وامهاتنا بدار المسنين
رايكم شنو؟
نعم ليس هناك خلاف حول الاسم وقد بدأت اجراءآت التسجيل باسم زاد واثنين احتياطى (زاد المسير و رأفة) … ويارب دعوتك مستجابة …. أعتقد أن هناك برنامج لاطفال المايقوما برعاية الزميل افليقا …. للجميع أحر التهانى واغلى الامانى بمناسبة حلول عيد الفطر المبارك
الله يوفق الجميع ..
بالنسبه لاجراءات التسجيل افادنا وش الخير البشاوى على لسان وش الخير التركى بانه قد تم ايداع اوراق الجمعيه لدى المسجل وفى انتظار قرار الموافقه ومن ثم الدعوه للجمعيه العموميه يعنى الناس تجهز نفسها للجمعيه العمومية باذن الله …
مبرووووووووووووووووووووووووووووووووووووووووووووووووووووووووووك
جاهزيييييييييييييييييييين يا افليقا وان شاء الله ربنا يوفق الجميع
الحمدلله الذى وفق عباده لخير عباده..على بركة الله..
ربنا يعين الجميع لعمل الخير ومساعدة الغير طولنا منكم بس رااجعين وكلنا شوق وعزيمه للعطاء ورنا يوفقنا…………….
الساده اهل المدونات اهل الخير ..
نزف اليكم نبأ .. التقدم في موضوع تسجيل الجمعيه الخيريه بإسم (زاد المسير ) .. لم يتبق الكثير .. و على الجميع شحذ الهمم لإكمال باقي الإجراءات ..
الساده رئاسة الجمعيه و لجنة تسييرها : الرجاء التواصل بغرض دفع الأمور للأمام و معرفه مكان إلتأم الجمعيه مع المسجل و كيفيه تحضير الجميع للمشاركه في الأجتماع التأسيسي الذي سيحضره المسجل ..
اعتذر للساده في الجمعيه للتحدث بإسم الكل .. لكن .. هناك إلتزامات ماليه لأكمال الإجراءات و نناشد الجميع بالتصدي لهذا العمل الخيري الجليل ..
د.عزت – استرايكر – ود الخلا – افليقا – خالد مدني – عبدوش – اب احمد – التركي – الرجاء التحرك للتنوير و للدعم الفني و اللوجستي و تحريك الشباب
مبروووووووووووووووووووك
شكرا سهيل على الاخبار الحلوه دي
ونحن جاهزين مويه ونور وكميه من الحماس والاستعداد لحضور اجتماع تاسيس الجمعيه والتواصل في مشروعاتها
الاخوه اعضاء اللجنه
في حالة اي حوجه لترتيبات الاجتماع او متابعه الاعضاء انا على اتم استعداد
فقط نرجو التواصل ومدنا بالجديد اول باول
الحمدلله الذى وفق عباده لما يرضيه ويكون به خير عباده..
تشكر يا سهيل على التنوير وادفر الجماعة ديل..
سهيل قدم الخير : فعلا تم الموافقه على الجمعيه وتبقى الاتى :
1 – تغيير الخطاب بالاسم الجديد ( ذاد المسير ) . اخر موعد الاحد القادم .
2 – تغيير طلب الاستضافه بالاسم الجديد ( ذاد المسير ) . اخر موعد الاحد القادم .
3 – رسوم التسجيل ومنصرفات التسجيل وهى مبلغ ( 500 ) جنيه سودانى . اخر موعد الاحد القادم .
4 – تحديد موعد الجمعيه العموميه وحشد اكبر عدد لها .يتم تحديده بعد استيفاء الشروط اعلاه .
5 – الاخطار ببدء العمل . يتم تحديده بعد الجمعيه العموميه .
يلا شدو حيلكم فى الرسوم والحشد للاجتماع .
لو قلنا الموجودين قريب ( جبرا – عزت – طارق – مهدى – بشاوى – ود الخلا – زول – التركى – سهيل – ستريكر – افليقا – نونو – الزهراء – سماسم – ود الزبير – حنين ) 16 زول لرسوم التسجيل يعنى الشير للفرد (35جنيه ) .
ولو قلنا الناس الخارج السودان ( سنكل – بشار – ابكرون – صالح – ساتنتود – ركس – مخير – محنك – السلاوى – شمباتى – ود الفتيحاب – التلب ) 12 زول لدعم يوم الجمعيه العموميه نخلى الشير بينهم على ولدنا شمباتى وفى وقتها سنحدد الاحتياجات والمنصرفات التى لن تذيد على ( وجبه افطار – ايجار قاعه – بقية رسوم تكملة الاجراءات ) ..
يلا ناس جوه شدو حيلكم تترسل الاشتراكات عبر التسليم الشخصى لبشاوى او عبر تحويل رصيد شوفو كيف احسن معاكم ..
الاخوة الزملاء السلام عليكم جميعا
امتدادا لما كتبه الاخوه اعلاه أود ان اضيف بعض المقترحات والتى قد يوافقنى عليها بعضكم ….
+ لقاء سريع فى نهاية هذا الاسبوع لجمع الممكن مع كتابة رقم هاتف لتحويل الرصيد لمن لا يتمكن من الحضور.
+الاخوة خارج الوطن نترك أمرهم لما هو أجل (وهذا لايعنى عدم البدء بجمع ماتيسر الآن) لأننا فى المراحل القادمة سنحتاج الى الكثير.
+ لضيق الوقت اللقاء مع الاخ نداء الدين (القائم بأمور التسجيل) وتسليمه مالدينا من مبلغ (وان لم يكن 500) حتى لاتفوت علينا فرصة الأحد.
+ لضيق ذات الحال الجمعية العمومية يمكن أن تعقد بمركز الجمعية المستضيفة (هنا فى انتظار رأى د.عزت) … على أن نقوم بتجهيزها بما لايدع مجال للمراقب فى تأخير الموافقة النهائية.
+ علينا أن نجمع اكبر عدد ممكن من الاعضاء والمتعاونين أو المتعاطفين لما سيكون له كبير الاثر على نفس المراقب.
+ انعقاد الجمعية العمومية سيكون فى يوم عمل وبعد الساعة الرابعة عصرا (دا رأى المفوضية)
مع تمنياتى لنا بالتوفيق
سلام يا أحباب
و التهاني بقرب موعد جمع شملكم رسميا تحت سمع و بصر مفوضية العون الانساني لتنطلق جمعينتا لتنتج قمحا و وعدا و تمني…
أها…. للرسميات
تتشرف جمعية البيئيين بالتآم الجمعية العمومية بمقرها و مقر الجميع بالخرطوم ثلاثة بعد شارعين في اتجاة الشمال الجغرافي من حديقة القرشي و بين شارعي بيويو كوان و كترينا لمزيدا من الوصف اتصالكم يسعدنا…
الاجتماع سوف يكون في الرابعة مساء في أي يوم يتفق عليه و بما أنه سيكون بعد الرابعة مساء سوف نجهز وجبة غداء خفيفة و الحساب يجمع بعدين
نطمع في حضور بالاضافة للستاشر القال عليهم أفليقا الغبشه و عبدوش كان بقا قريب و لطفي و أي عزيز يود تعضيدنا
الفيلم دا طبعا أنا دخلتو قبل كدا حيقعد مندوب المفوضية و المفروض انو نكون قد كاتبناهم بالموعد و وافقوا و في الغالب حتكون (بت) حتجيب ورقها و تسجل الحضور بالعناوين و تترك مسألة انتخاب اللجنة التنفيذية لنا بعددها الذي نص عليه دستورنا و بعد كم يوم كدا يدونا خطاب التسجيل و حقوا من هسة تتفقوا على أن مدة اللجنة التنفيذية سنتان عشان ما نتلفت بعد شوية نلقى السنة انتهت و نحتاج للهيلمانة بتاعت اللجنة العمومية و دعوة الممثل و الغداء و كدا من جديد….
دايرين واحد فرفارة كدا يقوم بالحشد…. يالا هيلا هيلا
الحمدلله يا شباب على الخطوات الطيبة…وانحنا جاهزين موية ونور بعون الله…
دايرين واحد فرفارة كدا يقوم بالحشد…. يالا هيلا هيلا
شكرا وضاح حاج السلاوي… ابتدأ الحشد و ابتدأ انهيال الاشتراكات…شكرا سهيل شكرا عزت ….. يالا هيلا زين دفترنا باسمك و كنجالاتك…!!
الساده الأفاضل ..
اقترح تكوين لجنه حشد ( علي غرار لجان الأحسبون) لتسيير المرحله التكوينيه للجمعيه .. عشان ما يحصل تراخي ..
عزت – ود الخلا – افليقا – استرايكر – التركي – بشاوي – + العبد لله + بوكسيهو.. ولا رايكم شنو …
أنا موافق بحسبي الرئيس المكلف بتفويض سهيل و بوكسيهو بالحشد و التحصيل من ناس بحري…. أفليقا و استرايكر ناس الخرطوم و أمدرمان، أما التركي و عزت التنسيق مع ناس المفوضية…
سلام ياقبيلة،،
حضرنا سعادتكم، وجاهزين لأختراق الصعاب وتنفيذ المهام المستحيلةبأذنه تعالي، وأوافق وأثني مقترح الأخ سهيلا، وحتي نكون عمليين أقترح عليكم الأجتماع التحضيري بدياركم ودارنا، العامرة بكم أبدا” ان شاء الله يوم غدٍِ أن شاء الله للجنة المقترحة بواسطة الأخ سهيل، للترتيب لعقد الأجتماع التأسيسي المزمع عقده بتاريخ الأحد18أكتوبر 2009 أو أي تاريخ آخر قريب..
وحتي لا تتلاشي الأحلام مرة تاني كما تطرقنا له يوما” ما في بوست ما بالرابط http://sudanona.wordpress.com/2009/05/02/%d9%88%d8%aa%d9%84%d8%a7%d8%b4%d8%aa-%d8%a7%d9%84%d8%a3%d8%ad%d9%84%d8%a7%d9%85/
نحن جاهزين في اي وقت
حمدلله على السلامه ابكرون
افليقا : رحله كاااااااااااااااااااااااااااااااااااااااربه على شرف قدوم سعادة المشير ابكرون
نأسف للخطأ – التعليق السابق دا كان مفروض اكتبو في إجتماعيات
الساده لجنة التسيير : اليوم الجمعه 16 – اكتوبر – 2009 التجمع المغربيه عند ضو القبيله اخونا ود الخلا
الحضور مفتوح للجميع حسب الإستطاعه
عمنا جبرا : يدك معانا
والله صحى بقيتوا زى (مصطفى شوارع) على قول ابكرون,,اسه العجلة لزومها شنو يا سهيل؟؟مو الرحلة دى,,بتسووها..اصبروا..غايتو جنس رحلات!!
انت يا شمباتي الحساده ليك شنو
ولا عشان ما لاقيها
ان شاء الله كل يوم يعملوا رحله
وان شاء الله على نزول كل بوست يعملوا رحله
خليك انت في الفواره دي, والله ياحليلك يايابا ان شاء الله ربنا يرد غربتك
انت يا شمباتي فاطر بمعجون سجنال ولا شنو ؟ ركز معانا حبه — إنت لسه معلق -
الساده الكرام
رجاء لو حد عندو نص الدستور بيعتو لي في ايميل- مشكور
بالنسبه لاجتماع يوم 18 اكتوبر
رايكم شنو لو الناس اجتمعت قبل حضور المسجل بساعه او ساعه ونص عشان الناس تتناقش لو عندهم اي اقتراحات او اضافه او حذف-
القبيلة سلام،،
مكرر للسادة الكرام اعضاء لجنة التسيير ولجنة الحشد والسمار الكرام، تأكيدا” للدعوة للاجتماع وتأكيدا” لدعوة سهيل الموعد قائم ونأمل أن نتشرف بلقياكم،،،
أخي سهيلا لك شكري المدرار، أخي العفيف الشفيف، وياها المحرية فيك، أصلك سامي في عُلاك، وديمة عليك متقدم الكتيبة بأميال، لله درك يارجل!!
بسم الله الرحمن الرحيم
الاجتماع التمهيدي للتحضير للجمعية العمومية
المكان: منزل العضو (ود الخلا)
الزمان: الثامنة و الربع مساء الجمعة 16/10/2009
الحضور:
1. ود الخلا
2. البشاوي
3. عزت
4. التركي
5. سهيل
6. استرايكر
7. عبدوش
8. ميرغني (صديق التركي) و عضو جديد
مخرجات الاجتماع
1. قدر تسجيل و حوافز الشخص المباشر للتسجيل بحوالي مبلغ 500 جنيه اضافة لتكلفة ضيافة الجمعية العمومية اذ ستجتمع في الخامسة عصر احدى أيام العمل المعتادة
2. تقرر فرض مبلغ 50 جنيه رسوم للعضو كأشتراك و لمقابلة المنصرفات أعلاه
3. تجتمع الجمعية العمومية بمقر جمعية البيئيين الشارع الثالث في اتجاه الشمال الجغرافي ما بين شارعي بيويوكوان و كترينا من حديقة القرشي بالخرطوم 3
4. الزمان المقترح الأربعاء 21 أكتوبر الساعة الخامسة مساء في انتظار تأكيده من مندوب مفوضية العون الانساني
التكليفات:
1. تحرير خطاب للمفوضية بالتنسيق مع (التركي) لتأكيد تاريخ الاجتماع
2. استنفار أعضاء الجمعية العمومية لدفع الاشتراك و الالتزام بحضور الاجتماع
3. ارسال الدستور المقترح لأعضاء الجمعية المحتملين بالايميل لمراجعته
انتهى الاجتماع في التاسعة مساء
الأحباء الأعزاء : سلام
مجهود جبار من الجميع أتمنى وأرجو من الله العلى القدير أن يكلل بالنجاح وموعدنا إجتماع الجمعية مع مندوب مفوضية العون الإنسانى ، وبإسمكم جميعاً نزف أسمى أيات الشكر لجمعية البيئيين فى شخص الأخ الحبيب الدكتور عزت لإستضافتها للإجتماع وفتح دارها العامرة لإقامته فيها .
اها يا جماعه … في جديد ؟؟؟ ( التركي و د.عزت)
الزهراء : فكرة حلوة الناس ممكن تتقابل قبل الموعد المحدد بساعة كدة عشان تنظم امورها قبل حضور ممثل المفوضية .
البروف : فقدناك فى الجلسة ونتمنى انك تشرفنا فى الجمعية العمومية .
ود الخلا : الشكر أجزله على الحفاوة والكرم فى استضافتك للاجتماع الاول وبصباحة وجهك ان شاء الله خطوة عزيزة .
سهيل : الاخ نداء الدين أكد موعد الاربعاء مبدئيا وان لم يطرأ طارئ فاجتماع الجمعية العمومية الاول لجمعية زاد المسير الخيرية سيكون فى يوم الأربعاء الموافق 21 أكتوبر (أخخخخخ متذكرنها) تمام الساعة الخامسة مساء بمقر جمعية البيئيين .
بالتوفيق
سلام للقبيلة،،
الأخ التركي الشكر لله من قبل ومن بعد، والحمدالله وله المنة الذي جمعني بأخوة أعزاء صبوحي الوجوه، أنقياء السيرة والسِرِيّرة أمثالكم، وتخيّل كيف يكون الحال لو ماكنت لا قيتكم، حفظكم الله أجمعين وجعلكم ذخرا” لوطنكم ومواطنيكم، وراجينكم وراجين منكم الكثير، وعلي بركة الله سيروا وعين الأله تحفظكم وترعاكم..
السيد رئيس الجمعيه : بحري مؤمنه تب .. ارمي قدام
يا سهيل اب أحمد لسة سارح في الغرب… أتبنو الزول دا
يا ريس عزت : أب احمد هسي في واااااااااااااااااااااااااااااو .. حيجي بعد تلاته ايام .. ربنا يرجعو بالسلامه.. كنت بتكلم معاهو قبل شويه .. بيسلم عليكم بس الشبكه سجمانه شويه..
سلامات يا اهلنا……………………….
وغداً نكون كما نود……………………….
والى اللقااااااااااااااءءءءءءءءءء غداًًًً………………..
الغبشة/
سلامات يا اهلنا……………………….
وغداً نكون كما نود……………………….
والى اللقااااااااااااااءءءءءءءءءء غداًًًً………………..
يااختي مااااااااااااااتاااااااااااكلينا حنك؟؟؟؟؟
غدا نكونووو؟
تكبي الزوووووووووووووووقه ؟
انتي معانااااااااااا وله مااااااااااااالخيانة؟؟؟
وان غدا لناظره قريييييب؟
نشوفك بكرة في الموعد؟؟؟
نونو :تصورى روعة المشهد؟؟؟؟؟؟؟؟؟؟
إنتباه …
يا بنوت امشن بيغادي إتونسن .. دا حوش العمل الخيري ..
غايتو جنس غايتو
ايدينا للبد ..
غدآ سيسطر التاريخ مولد زاد المسير .. غدآ ستفتح ابواب الرحمه من فوق سبع سماوات .. رحمه للفقراء و المساكين و كذلك رحمة لنا و كفارة لذنوبنا .. عمل صالح و غرس طيب .. فلنخلص النيه لوجه الله تعالى لا ليتحدث الناس عنا .. إنما هو رزق من الله لعباده و نحن مجرد وسائل.. الحمدلله الذي يسر بنا و يسر لنا و اعطانا الفرصه .. فلنكن عند حسن الظن بنا ..
أثابكم الله خيرآ و حفظ اهلكم و اراح بالكم … آآآآآآآآآآآآآآآآآآآآآآآآآآآآآآمين
الله !
اكبر!
العزة!
للسودان؟؟
نونو ..
نعم الله أكبر .. لاكين حسه الجاب سيرة السودان شنو ؟
سهيل يتحدث عن العمل الخيرى..
حاج سلاوي سلام عليكم
انت ما عارف البت نونو شبكتها طاشة هي قاصدة تقول سير سير زاد المسير
لكن الجماع ديلك الرجلة ما عندهم يا حاج
تصويييب
بقصد الجماعة ديلك الرجلة ما عندهم الكان عنهم الود سهيل
فاهم حاجه يا جدو ؟
بقصد الجماعة!
ديلك الرجلة!
ما عندهم الكان !
عنهم الود سهيل!!!؟؟
انت لووو فهمتة؟؟؟
جدووو ماااااااامشكله( الزهرااااااء) بتفهمووووو؟؟؟
طالعيني بيغادي يا ست الفهم .. قبيل قلنا دا حوش العمل الخيري
سهيل والطاشين فى الحيشان : بالتوفيق والسداد معاكم ..
جاهزييييييييييييييييين ؟؟؟؟؟؟؟؟؟؟؟؟؟؟؟؟؟؟؟؟؟
نمره كامله عد ..
1- سهيل
2- ……..
شباب صباحكم عسل …. آخر الأنباء المفوضية رشحت الاستاذ كرار للقيام بالمهمة وكرار ركز على شيئين اولهما المواعيد والتى حددناها له بالساعة الرابعة والنص حيث نأخذه من المفوضية والشئ الثانى طلب حضور أكبر عدد ممكن من الأعضاء (يعنى 25 كدة) ليتم التصديق الفورى وهناك مواضيع أخرى ستناقش قبل حضوره لذا نرجو من الأخوة الزملاء الحضور مبكرا بقدر الامكان … ولكم جزيل الشكر
القبيلة سلام،،
الصديق التركي والأخوة الكرام،،
ركزوا في كلام التركي ده وخلونا النبدأ البداية الصحيحة ان شاء الله وذلك بالأهتمام بالمواعيد والجدية في تنفيذ العمل حتي نكون قدوة حسنة للأخرين، وبما أن عمل الخير لا يحتمل التأجيل أو التأخير وقديما” قيل (خير البر عاجله)، وما دايرين نتجرجر زي الناس التانين ويلا همتكم معانا وأن شاء الكريم تتسهل الأمور..
لكن يالتركي العدد ده (25) ما كتيير تجيبوهوا من وين؟؟؟؟؟؟
وبالتوفيق ان شاء الله..
الأخ التركى وكافة أعضاء العمل الخيرى ..جزاكم الله عنا خير الجزاء ..
نسبة لعدم تمكننا من حضور الإجتماع الهام عصر اليوم.. فقد أوكلنا إبننا الباشمهندس وضاح السلاوى لينوب عنا حضورياً ..
ودمتم ..وجعله الله فى ميزان حسناتكم .. جميعاً .
الأخ ابو عصمت .. سيتصل الإبن وضاح بك هاتفياً لمعرفة المواعيد ( السودانية ) ومكان الإجتماع بالضبط .
عمنا جبرا .. ما تنسى تجيب معاك لطفي و مجموعة الكواشف عشان التسجيل الفوري
يا شباب .. كل واحد يجيب معاهو اكبر عدد من الناس ممكن يحضرو .. يعني إذا كل واحد مننا جاب معاهو 4 انفار على الأقل يكون 100%.
صح ربنا يقدرنا على عمل الخير …. اخونا الغالى ود الخلا فعلا العدد كتير لكن مادام المسجلين هناك تلاتين فالممثل عايز يشوف جدية الأعضاء يمكن وعشان كدة قال بنتظر العدد دا مع العلم أن بعض المسجلين انسحبو أو للآن مامنهم خبر لكن زى ماقال الأخ سهيل لو كل واحد جاب معاهو كم نفر كدة العدد ح يزيد كمان وأنا على على القل ح اجيب معاى اتنين وح ينضمو للجمعية كمان …
حبيبنا حاج السلاوى : ليك وحشة … والبركة فى وضاح المحية اللى ح يشرفنا بحضوره لك منا الحب والتقدير .
يا ريت لو عامله حساب من بدري كنت جبت صحباتي معاي
لكن انا جايه ان شاء الله مؤكد
عملت عدد من المحاولات مان صدقت بجيب ليكم ناس زياده
ان شاء الله ربنا يوفقنا ةصحي اليد الواحده ما بتصفق
لك التحيه ابونا السلاوي وللاخ وضاح
اللهم وفق المجتهدون علي عمل الخير ونحن فى انتظار مايسفر عنه اليوم للتسجيل وتنطلق الاشرعة خيرا ودرر .التركى والاخوة الكرام لكم منا كل الشوق والتقدير والدعوات الصالحات بالتوفيق ..
ناس الفواره كيف حالكم والشوق كاتلنا …
الحبيب ودالفتيحاب..سلام والشوق اكتر..
باذن الله معاكم مساء الغد..بس جهز(المعلوم) !!!1
ولدنا شمباتى ..
أها قمنا على اللخبته .. معلوم شنو كمان ؟ مالك عاوز تودينا غوانتانامو ؟
شمارات عدييييييييييل كدا .. عاوزين نعرف المعلوم جنسه شنو ؟
مبروووووووووووووك للجميع — لقد تم في تمام الساعه السادسه و ست و تلاتين دقيقه تسجيل منظمة زاد المسير ونحن الآن نكتب لكم من داخل قاعة الإجتماع -ورفعت الجلسه
مبروك للكل والله يوم ميلاد فرحنا وكانت تشكيله رائعه من الحضور الكريم وشرفنا ابونا الروحي الفاتح جبرا ونعمنا بحفاوة وذوق الراقي جدا د/عزت ربنا يعلي مقداره كمان وكمان كما شرفنا عدد من المدونين والمدونات وافتقدنا جدا حضور الاخ افليقا واخيرا لمينا في عبدوش ابن تووش الغائب الحاضر وحقيقه كانت جلسه واجتماع مكمل والحمد لله
وبقية التقارير اتركها لبقية العقد الفريد
وابقوا معنا
الوالد السلامى..يعنى ما عارف!!؟؟؟؟ الصور قااااااعدة وبتنزل والناس كلها تشوف..ان غدا لناظره قريب..
الحمدلله الذى بنعمته تتم الصالحات,,وخطوة خطوة يكمل المشوار..قال صل ىالله عليه وسلم(كل امرئ فى ظل صدقته)..او كما جاء ف ىالحديث..فلينظر كل منا الى ما اعده من ظل يتفأه..
شكرا سهيل..شكرا الزهراء..شكرا لكل من ساهم فى التحضير..
سلامات يا اهل الخير 00
إليكم بعض التفاصيل عن إجتماع تأسيس الجمعيه ( المنظمه) الخيريه 00
الحضور:-
- الفاتح يوسف جبرا
- د0 عزت ميرغني طه
- عبد الفتاح إبراهيم (التركي)
-علي حسن حمزه (البشاوي)
- مهدي محي الدين (ود المهدي)
- خالد محمد سليمان مدني(خالد مدني)
- محمد إبراهيم احمد ( إسترايكر)
- عبدالله الشيخ (ود الخلا)
- محمد هاشم (الزووووول)
- مصطفي محمد الزبير ( ود الزبير)
- عبدالرحمن (عبدوش)
- محمد الشيخ (مشاكل)
- سهيل الطاهر وقيع الله
- وضاح السلاوي-عضو اصيل علاوة على تمثيل جدنا السلاوي
- وليد عوض محمد الخضر ( عضو جديد دائم) و مهندس في شركة دال
- ميرغني (صاحب التركي) عضو جديد نشيط
- واحد تاني برضو صاحب التركي (باين عليهو نشيط جدآ)
- سميه سعيد (سماسم) (حضور دائم في كل المناسبات)
- سالي ابو القاسم ( الزهراء)
- عائشه العطا ( الغبشه)
- شقيقة الغبشه
- نوال نميري ( نونو)
ومن جانب المفوضيه كان هناك مندوب مفوضية العون الإنساني الذي نصحنا في البدايه بتبني فكرة التسجيل كمنظمه و ليس جمعيه – جزاه الله خيرآ
بمجرد وصول افواج الشباب تم توزيع إستمارات العضويه ليتم ملأها بواسطة الأعضاء – كذلك تم تسجيل الحضور ز
- في البدايه تم توزيع منشور يحوي دستور و لوائح الجمعيه ( المنظمه) والأهداف العامه ليتم مناقشتها في حضور الاخ ممثل المفوضيه 00
في البدايه تحدث دكتور عزت و افتتح الجلسه موضحآ اسباب ودواعي الاجتماع و تحدث بعده الأخ التركي داعيآ الجميع للمشاركه في مناقشة المنشور 00بدوره قام مشكورآالأخ ممثل المفوضيه بتصحيح كثير من البنود و إعادة صياغة البعض الآخر وذلك بمشاركة الساده الحضورز
بعد الفراغ من المناقشه00 كان لابد من تسمية رئيس المنظمه و أمينها العام و أمين المال حسب توجيه الأخ ممثل المفوضيه و هم بدورهم سيقومون بتسمية باقي اعضاء المكتب التنفيذي –
بدأت الترشيحات و آثر عمنا جبرا (المرشح الأول) ان يكون الاب الروحي وترك المكتب التنفيذي للآخرين 00 بعد الترشيحات اجمع الحاضرون على تسمية الريس د0عزت بقاريتش رئيسآ للجمعيه بالإلزام بعد ان حاول الإمتناع عن تقلد المنصب و بعد التصفيق الحار رضخ لرغبة الجمهور (مشكور لقبول التكليف) و بعده تم ترشيح الامين العام للمنظمه و تم تسميةالاخ عبد الفتاح (التركي) و كذلك تمت تسميه محمد ابراهيم ( استرايكر) أمينآ للمال00
كلمه من عمنا الفاتح جبرا و بعض الغخوه مهنئين بقيام المنظمه0
تصفيق حار و تبادل التهاني 00 كان مسك الختام
اها في حاجه انا ما قلتها هنا ؟؟؟ كان متذكرين حاجه قولوها يا الحضور
قام الأخ المفوض بشكر الحضور على حسن النوايا و والمشاركه في العمل الخيري و هنأنا بقبول تسجيل الجمعيه وكان ذلك في تمام الساعه 6:36 بالضبط مع آذان المغرب يوم 21 اكتوبر 2009 بدار جمعية البيئيين الذين إستضافونا بدارهم العامره 00 شكرآ لهم 00 وشكرآ لكل من ساهم في هذا العمل الجليل0
هذا و سوف يوافيكم الاخ عزت بتفاصيل اوفى قريبآ
الإخوة الأعزاء جميعاً .. شيباً وشباباً ذكوراً وإناثاً ( حضوراً وغياباً ) .
نهنئكم أولاً ثم أنفسنا بتسجيل الجمعية الخيرية ” زاد المسير ” ..
وبالتوفيق إن شاء الله..وأبواب الخير مشرعة للجميع لزاد المسير وغيرها من المنظمات الخيرية الطوعية ..ونحن معكم بكل أحاسيسنا وإمكاناتنا وتمنينا أن لو كنا لو حضوراً معكم فى تلك اللحظات الرائعة التى دخلت التاريخ مساء اليوم ..
شكراً وتهانينا لكم جميعاً ( بدون فرز .. مع الإحتفاظ بألقابكم ومقاماتكم السامية ) ونهنىء الأخ الفاتح جبرا ( الأب الروحى ) الذى بقلمه ( أو كيبورده ) جمع هذه الكوكبة من الإخوة الأفاضل فى هذه البوتقة حتى صرنا إخوة متحابين فى الله ..
والله إننا لنعزكم جميعاً ونحبكم فى الله ..وفقكم الله لما فيه خير أهل السودان الغلابة التعابة ..ونحن من موقعنا الجغرافى الحالى رهن إشارتكم ومعكم فى كل تحركاتكم الخيرية … ويا هو دا السودان .. رغم أنف المتسلطين وطلاب السلطة أينما كانوا وأينما حلوا..
وكان الله فى عون العبد ما دام العبد فى عون أخيه .
ودمتم فى رعاية الله وحفظه .
سلام ياقبيلة،،
السُمار الأكارم بنو الكرام ،
السلام علي من أتبع الهدي
مبروووك لكم جميعا” تسجيل منظمة زاد المسير الخيرية، وأن شاء الله ربنا يجعلها لكم جميعا” عبادة تتعبدون بها لوجهه الكريم، وزادا” تتزودن به في الدنيا لمسيرة اليوم الأخير، وخيرا” لآخرتكم ودنياكم، وجعلها ثُقلا” في ميزان حسناتكم، وأن شاء الله ربنا يقدرنا لأن نفعل الخير أبتغاء مرضاته وحده وأمتثالا” لأوامر رسولنا الكريم بفعل الخير وبسطه والأمر بالمعروف والنهي عن المنكر دون منِّ أو رياء،،،،،
وفقكم الله لما فيه خير البلاد وصالح العباد،،،
ودمتم في رعاية المولي عز وجل.
سلاااام للجميع
مبروك للكل اكتمال هذا العمل الخيري الكبير ومبروووك للشرائح المستفيدة من هذا المشروع كما نص الدستور ومبروووك لعزت الثقة الغالية بالتكليف الذي هو اهل له وكذلك الاخوة اعضاء التسيير ……منعتني ظروف مضحكة حكيتها لعزت والبشاوي….وفقكم الله لقعل الخير ودمتم اخوة خيريين
مباااااااااااااااااااااااااااارك عليك وعلينا ,دى ما البدايه البدايه هى أثبات الجديه والهمة العاليه والإلتزام الكان امس كان بداية البداية…………….
ربنا يوفق الكل,
قال تعالي( إن تبدوا الصدقات فنعما هي وإن تخفوها وتؤتوها الفقراء فهو خير لكم ويكفر عنكم من سيئاتكم والله بما تعملون خبير. ليس عليك هداهم ولكن الله يهدي من يشاء وما تنفقوا من خير فلأنفسكم وما تنفقون إلا ابتغاء وجه الله وما تنفقوا من خير يوفّ اليكم وأنتم لا تظلمون. للفقراء الذين احصروا في سبيل الله لا يستطيعون ضربا في الارض يحسبهم الجاهل أغنياء من التعفف تعرفهم بسيماهم لايسئلون الناس إلحافا وما تنفقوا من خير فإن الله به عليم. الذين ينفقون أموالهم بالليل والنهار سرا وعلانية فلهم أجرهم عند ربهم ولا خوف عليهم ولا هم يحزنون)
انحنا مشينا الخطوه الاولي…..الحمدلله
نوال ابراهيم عبد الغني(نونو)
كسرة/ نميري دة لاعب (المريخ)
الاخوة السمار اهل الدار وجوه الخير اهل زاد المسير الاجر تلاقيط حتي قيام الساعة فاذا قامت الساعة و كان بيد احدكم فسيلة فليزرعها ..نهنئ انفسنا و نهنئكم بزاد المسير فهي امانة في ايدي امينة و عقول متفتحة و رجال اوفياء…نحن معكم نشد من ازركم و نقف معكم في الصفوف الامامية ..قف فيدونا الاشتراكات و الذي منو..قف ليكن فورم الاشتراك الالكتروني موضوع بالموقع و منشط لكل من يريد ان يشارك..
القبيل راجنو نحنا يوم تبشر بيهو غيمه ..
مبروك للعمل الخيرى ان قيض الله له امثالكم ..
منعنا عن الحضور ما منعنا عن دخول غرف اطفال الدار !!
تامرو تجدونا حاضرين عمليا ..
مبروووك تانى ..
الاخوة الزملاء سلام الله عليكم وكل أكتوبر وانتو بجديد ومفيد .
اى نسيت شئ ياسهيل , نسيت انو الأخوات ولا واحده فيهن اترشحت لأى منصب من المناصب …. بس لسه القائمة طويلة وأكيد ح نستفيد منهن فى المراحل القادمة …
مبروك علينا كلنا ونحن هسع انتهينا من أسهل مرحلة ومن أمس بدأ العد التنازلى وخطونا أول خطوة نحو الهدف وطبعا طريقنا محفوف بالعوائق وهى صغيرة جدا أمام عزمنا وتكاتفنا الذى اذهل ممثل المفوضية بالأمس … أخواننا خارج الشبكة الأم بدعواتكم ونية الموجودين هنا تم كل شئ بسلام نشكركم وفى انتظار اقتراحاتكم …
وبالمناسبة نتمنى من الاخوة اصحاب الحس الابداعى والفن الرفيع أن يصمموا شعار للمنظمة ولا رأيكم شنو ياأخوانا ؟ ..
شكرا لكل الحضور شخصيا ومعنويا وشكرا لجمعية البيئيين التى استضافتنا والشكر أجزله للاستاذ كرار ابراهيم كرار ممثل المفوضية لما قدمه لنا من نصائح وارشادات وكل التقدير والاحترام للبروف القمة الاستاذ الفاتح جبرة والذى شرفنا بحضوره ومداخلاته الثرة … مع اطيب امنياتى وتحياتى للجميع
التركي لك التحيه
حقيقه ما في واحده من الاخوات اترشحت نسبه لوجود قامات شامخه اولى بهذه المناصب وكان لا بد ان نفتخر بقيادتها لنا –
مبرووك مره تانيه وحقيقه عايزين نستغل الحماس ده ونبدا عشان نثبت وجودنا وعشان الناس المنتظريننا نمد ليهم ايدينا وتترسم البسمه في وجوههم
الصور وين
شكرا لله أولا واخر والصلاة والسلام على خير من وطئت قدمة الثرا
الحمد لله الذى بنعمتة تتم الصالحات .
الاخوة الاكارم الف الف مبروك لهذا اليوم الذى رأى النور .والحمد لله لزاد المسير الانطلاقة فى فناء العمل الخيرى ،التحية لكم جميع ما فى حوش جبره وجعل الله كل ذلك فى موازين حسناتكم ،تابعنا وبكل الاهنمام عبر الاثير كل مجريات التجهيز والحمد لله وراءه رجال ونساء خير من فى السودان . نتمنا لكم التوفيق والسداد وكلنا معكم رهن الاشارة .
شنو يا سعادة الرئيس و امين المنظمه العام و امين مالها — مالكم عملتو يع — اها التطورات شنو و باقي اللجنه التنفيذيه عملتو فيهم شنو ؟ بالله عليكم لسه الدماء حاااااره اضربوا الحديد وهو ساخن و لا تركنوا فنركن-
سلام للكل معاك يا سهيل فى نفس الكلام بالاضافة الى انو راى الاعضاء شنو ومقترحاتهم حول شعار المنظمه؟
1/يحمل الاسم فقط؟
2/يشير الى اهداف المنظمه ويحمل الاسم؟
3/ياخذ لون محدد ام ابيض واسود؟
4/اى اقتراحات تانيه؟
خلوا المواهب المدفونه تطلع ونشوف ابداعات
نحن الآن في مرحلة استكمال الأوراق… فقد اجتمعنا يوم الخميس و تم مراجعة المحضر الذي قام بطباعته عبدوش و خالد مدني، كما يكتمل تعديل الدستور غدا و يرفق مع المحضر و قائمة الحضور الى المفوضية لاستكمال التسجيل….
نعم معكم و الحديد ساخن يالا يا الغبشة انشاء الله خاتف لونين…!!
سلام ياقبيلة،،
بالنسبة للشعار تم أرسال صورة للشعار المقترح عبر الأيملات، نرجو التكرم بأبداء الرأي والمشورة حوله حتي نتمكن من تكملة الأجراءات وعمل الختم من نفس الشعار وهو يحوي علي المعاني التالية:-
1/ الأطار العام شكل البناء وفنون العمارة الأسلامية.
2/ عبارة عن قنديل أو شمعة مضيئة لثاقبي النظر أو الذين ينظرون لما وراء المظاهر والأشكال الخارجية.
3/يحوي شكل نخلة معطاءة.
4/سُطرت كلمة المسير علي درجة من درجات سلم ترتقون فيها لمدارج الخير أن شاء الله.
5/ يتكون من لونين فقط الأخضر وهو الغالب والأحمر.
وفقكم الله لما فيه خير البلاد والعباد
يا جماعة الخير أستهدوا بالله، المفروض ننزل ليكم الشعار بي جاي زي مالجماعة بينزلوا في الفيديوهات بي غادي، لكن العين بصيرة علا اليد قصيرة، وبنطلب من الأدمن ان يعطينا مفتاح فك الشفرة العند الجماعة البيغادي ديل علشان نقدر نعمل بث مباشر زي ناس ود الزبير والجماعة التانين ديل ما بيعملوا، ولا حقوق الطبع محفوظة وكدا!!
مبروك زاد المسير وانشاء الله زادكم في المسير بما يرضي الله
حاولنا ان حضورا فلم نستطع ولكن ايضا كنا حضوراً بكم وبسرد تفاصيل الاجتماع كما تكرمتم وفلتمضوا قدما برعاية المولى وتوفيقه
يعني مافي زووووول جاب لينا خبر أو علق بتعليق سلبي أو ايجابي علي الشعار الرسلناهو ليكم في الأيميل، لا هنا في المدونة ولا بي هناك في الايميل، غير ست الجيل وست القبيلة المافي ليها مثيل الرايقة وليها منا كل الشكر والأحترام والتقدير وعافي منك يا ستهم!!!!
ولو الشعار ما عجبكم ما مشكلة، ولو تفسيرو أومحتوياته المفترضة هي المشكلة برضو ما مشكلة، وماكنا عايزين نعمل ليكم مشكلة، لكن معليش مافي أي مشكلة!!
بس كنا متوقعين منكم تعبير حتي ولو بالرفض فهذا يعني تفاعلكم مع الحدث يا سادتي الكرام!!!!!
الاخ ود الخلا
لك التحيه والتجله
يا سيدي لك العتبى حتى ترضى ونحن آسفيين جدا لعدم الرد على موضوع الشعار.
الشعار جميل ومعبر فعلا وانا شخصيا موافقه عليه وفقنا الله واياكم لما فيه الخير
يلا شباب في انتظار الاراء
الأماجد أهل الخير
السلام عليكم ورحمة الله وبركاته،،،
نبصم بالعشرة على كل ما تم إنجازه وفي إنتظار الأوامر لتنفيذ ما تأمرون به.
هذا هو الأكثر فائدة، وما هجر البعض جمعنا هذا إلا لكثرة القول وقلة العمل، فالقادم هو الأهم والأنفع وما عداه سيذهب جفاء.
أوافق وجه الحبيب سهيل في ضرورة عدم التوقف فخير العمل أدومه وإن قل.
سعدت كثيراً لعودة الحبيب خالد مدني إلى العمل وآمل وأدعو أن لا تخفت جذوة الحماس حتى تبلغ الجمعية مقاصدها وتحقق الأهداف المرجوة منها.
وفي الختام يقول الله جل وعلا في محكم تنزيله: ( وما تقدموا لأنفسكم من خير تجدوه عند الله هو خيرا وأعظم أجرا ) أي : جميع ما تقدموه بين أيديكم فهو [خير] لكم حاصل ، وهو خير مما أبقيتموه لأنفسكم في الدنيا. وفقكم الله وسدد على دروب الخير خطاكم ، فسيروا وعين الله ترعاكم ونحن من خلفكم نشدد من أزركم بإذن الله وعونه وتوفيقه
بسم الله الرحمن الرحيم
الحبوب ود الخلا : نشكر لك حماسك الذي إن توفر في الجميع لكان هو المراد..
- مهلآ يا سديقي .. اول حاجه انت رسلت الشعار لمنو ؟ و فطيت منو ؟ ( سهوآ) .. ياخي انا امبارح رديت ليكم إنت و دوك عزت و قلتا ليكم ما جاني الأيميل الفيهو الشعار .. شختو لي .. ما مشكله ..
- يا فارس القبيله عليك الله ما تقوم سداري .. انا متأكد إنو نص الناس دي ما شافت إيميلك لأنهم ما بيكونو لحقو يفتحو الميل بوكس بتاعهم .. و في واحدين زيي كدا ما وصلتهم رسالتك من اصلو .. عشان كده خت الكوره واطه ..
- استرايكر : نرجو التكرم و إجراء اللازم حتى لا تضيق صدور الشباب .. إحتمال تكون الشغلانيه ممكنه و نحن ماعندنا خبر بيعملوها كيف .. و يكمن برضو تكون مبلكه .. افتينا عشان نقعدو عافيه..
- ود الخلا تاني : الشردن خلهن .. اقرع الواقفات
- دكتور صالح : نوجه لك اخينا و حبيبنا نداء العوده و المشاركه في عمل الخير .. وكل واحد فينا محتاج يتقل ميزان حسناتو .. و اظنك مهما عملت من عمل خير برضو ما حترفض تتقل ميزانك زياده .. نحن في إنتظارك
سهيل الشعار اترسل ليك – فى الايميل الخاص بك من ود الخلا على ايميل دال – مع بقية الاخوة الكرام – التكرم بالمراجعة.
عمنا ود الخلا الشعاااااااااااااار جميل
لكين……….
شكلوووو…….
منظم ؟؟؟!!!
نونو : الأريل باين عليهو تاااااني وقع
فارس القبيلة …أخونا ود الخلا …سلام
بخسوس شعار المنظمة الخيرية ردينا ليك على الإيميل من أمس .. أنت كمان إريلك واقع ..ولاّ شنو .؟
المهم والشاهد فى الأمر ..حقو يكون فى خيارات عشان الناس تختار الأفضل والأوضح والأجمل ..ولاّ أنا غلطان ؟
القبيلة سلام،،
كلكم صاح وما فيكم غلط وعداكم العيب تب، وكل هدفنا هو الأسراع في ترتيب المنظمة وأخراجها للعمل بأسرع فرصة يا سهيل يا صديقي..
أخونا السلاوي ده يا هو المقصود من غضبتنا المضرية أن يتسارع الناس بأيجاد خيارات أخري حتي يتم أختيار الأفضل والأوضح والأجمل، وانت أبدا” ماغلطت يا سديقي بس دايرنكم تستعجلوا لينا عمل الخير لأن خير البر عاجله… ولا أنا غلطان؟؟
شكرا”نونو علي الأشادة وأجمل من الشكل (المنظم) مافي، وخليك في الزوون علشان ماتطشي لينا تاني أتعبتي الناس معاك..
الزهرة يابنت القبيلة أشكرك شدييد علي الرد الرقيق، وده من رقة أحساسك بمن حولك وده من منبعك الكريم أنتي وست القبيلة التي بادرت بالرد فورا” وعبر الميل فلكم مني ثانية كل التقدير والأحترام..
لبقية الأخوة سلاما” وأحتراما” وأعتبرون جنودا” علي أهبة الأستعداد لتلبية النداء وتنفيذ المهام المستحيلة!!
هاكم الفرقة (DALTA) دي!!
دا مالو دا !!!!!!!!!!!!!!!!!
دا ميلو دااااااااااااك، ما مالو دا !!!!!!!
سلامات ياجماهة الخير عندى مشكلة فى النت حاولت ارسل ليكم مقترح شعار للمنظمه صمموا ليكم اخى وهم عبارة عن ثلاثة شعارات اذا تكرمتم ووصلنى واحد منك ياخدهم فى فلاش ويرسلهم للباقين للتفاكر
استرايكر………….سهيل……….خالد مدنى …….او اى واحد قريب وشكراً
واختلفنا فى الشعار تحت شعار نحن متفقون الا من بعض الاختلافات وهذه اول امراض من سبقنا من المنظمات …
كدى خلونا من الشعار ايه رايكم فى الكلام ده :
محاور عمل المنظمة :
قصير المدى : تبنى مشروع خيرى فى امكانات المدونين الحاليه بالاشتراكات والسعى لتطوير مصادر الدخل .واقترح لهذا المشروع ( العمل الطبى ) وهو لا يحتاج لمجهود كبير فقط تنسيق الاتصالات بين زملاء د صالح واخرون جدد وبين المرضى .
متوسط المدى : وهو تبنى مشروع اخر لا يكلف كثيرا وهو مشروع محو الاميه التعليميه والتقنيه وذلك عبر الاجتماع بمشروعى محو الاميه العادى والتقنى ونشيل لينا منهم دفعتين تقنيه وعادية ونوزع بيننا التدريس وفق امكانات المشروع وفى مقره .
بعيد المدى : بعد تنمية مصادر الدخل اقامة مشروع استثمارى خدمى ( معهد حاسوب ) وجعله مقرا للجمعيه يتم من خلاله مباشرة العمل الخيرى الطبى ومواصلة كورسات محو الاميه التقنيه عبر تخصيص عدد من المقاعد المجانيه بجوار الاستثمار – ومحو الاميه العاديه مع كورسات خفيفه فى ادارة الشئون الاسرية للامهات والتدبير المنزلى بواسطة بناتنا الفضليات ..
مرحله اخيره : بعد ان يتم تثبيت مصدر دخل ثابت بجانب الاشتراكات الشهريه يمكن ان نتبنى اى مشروع كامل او جزء من مشروع كمثال :
* دار المايقوما
* دار العجزه والمسنين
* كفالة الايتام
* دعم الطلاب
* تاهيل ربات المنازل وارباب الاسر فى ادارة المشروعات الصغيره .
* مكافحة الفقر عبر نشر الوعى التكافلى .
* وممكن نخش فى الانتخابات نشيل جزء من رفع الوعى السياسى للناخبين .
على كل حال دى جرعه سريعه للاجابه على سؤال كيف نبدا …
ملخص القصه :
هناك عمل طوعى تقوم المفوضية بالتكليف به حسب امكانات المنظمات المسجله .
وهناك عمل طوعى خاص تقوم به المنظمه حسب اهدافها التى اسست لاجلها ..
يلا شوفو نبدا عملى كيف وخلونا من قصة بقرة صفراء تسقى الزرع لا فارض ولا ذلول ..
العزيزة الغبشه
سلام و حمد الله بمعاودة الارسال بعد كرامة العملية…
بالفعل وصلتني الشعارات في ملف مضغوط يوم الخميس 29 أكتوبر و فتحتها و أعجبت بما فيها و لكن بما أن مندوب المفوضية امهلنا أسبوعا حتى نودع ورق الجمعية بعد التداول في الجمعية العمومية كان لزاما علي أن أستكمل الأوراق يوم الأربعاء و سلمتها للأخ التركي في نفس اليوم مساء ليرسلها للمفوضية تاني يوم الخميس حتى لا نفقد المهلة الزمنية… و من ضمن الأوراق الشعار الذي أرسله (ود الخلا) و الذي اعتمدناه في الورقة المروسة أيضا و أرسلناه لهم… و أرسلناه أيضا لكل الأعضاء….
نشكر لأخيك و لك تصميماتكم الرائعة و التي ربما نستفيد منها مستقبلا…
بالتوفيق للجميع
افليقا سلام
ياخ براحة و حاسب من قزازة السمن ما تنكسر و نصحى من الحلم…
زاد المسير سلام طبعا دى اول مشاركة منى –الرحلة كانت حكاية دنيا وعالمين—الشكر لكم جميعا و ربنا يزيد مسيرنا–الاخ افليقا افكارك جميلة شديد وافتكر انها ممكنة –تنبدا وربنا يساعد =
الاخوة الزملاء السلام عليكم …
أفليقا : بما أن المنظمة قد صارت ذات شخصية اعتبارية فارى أن نبدأ .. وبمناسبة عيد الأضحى أعتقد أننا يمكن أن نجمع مجموعة من الملابس والأحذية القديمة (قابلة للاستعمال) وتوزيعها على المحتاجين ومن ثم نتصل ببعض الجهات للتنسيق معها وعليه أرى أن تجتمع اللجنة التنفيذية بأسرع مايمكن لوضع برنامج عاجل قصير المدى ..
ابوالعايلة : الف مبروك عليك الباسويرد ويلا خلينا نشوف مشاركاتك .. وعقبال البدع كمان
الأخ التركى ..
أبو العايلة دا لاعب المريخ ولاّ شنو ؟ طبعن اللاعب دا بيعرفوهو الكواشف بس ..الشباب يمتنعون ..
وما دام من طرفكم عاوزين نتعرف عليهو لحد ما نقابله ..
تسلم ياحاج ومن الاسم طبعا يكون ضمن الفئة (B) أخ وصديق عشرة تمتد أكثر من عشرين سنة فى الغربة ولما سمع بالمنظمة صار من المؤسسين لها وهو كمان أكيد فى شوق لمعرفتكم المشرفة وهو اسم على مسمى بس التقول ياهو ذاتو ابو العايلة لاعب وادارى المريخ داك … وياأبو العايلة ياخ شنو ساكت ماتقول حاجة
يا ناس زاد المسير زادكم لسه ما كفاكم …. شايفاهو ما مرق على الجيران …… أسرعوا وشدوا حيلكم شوية
سماسم : الشهادة باللغة العربية طلعت ولم تسلم للآن وفى انتظار النسخة باللغة الانجليزية لتسليمهما معا … بحمد الله واجتهاد الأخ ود الخلا استخرج الختم وطبع الورق المروس وان شاء الله قريبا سيعم الخير القرى والحضر …. قلنا أحسن نفرحكم مرة واحدة بدل كل يوم خبر والأهم عايزين نعمل شئ تمهيدى قبل عيد الأضحى وفى العيد سيكون لنا شأن آخر ان شاء الله …. انضم الى مجموعة محبى البروف دكتور محمدا أجمد ونتمنى أن نستفيد من مجهوداته وفقنا الله واياكم لما فيه فعل الخير .
التركي:
يسمع منك رب العالمين يا قادر يا كريم ….. والشكر أجزله للأخ ود الخلا على مجهوداته المقدرة ……. فإلى الأمام …… ونرحب عبركم بدكتور محمد أحمد ….. ونتمني أن يكون سند للمنظمة
د/محمد أحمد مرحب بيك وسط اهلك وناسك وان شاء الله ربنا يديم المعروف
الاخ التركي ولا احسن عمو التركي؟
بشرك الله بالخير والبركه وان شاء الله دايما وش الخير علينا
ود الخلا : ان شاء الله يا يابا يوم شكرك ما يجي . وحقيقه انا سعيده جدا بهذه الكوكبه الذاخره وسعيده بالكلمه الواحده وان شاء الله دايما مجتمعين في الخير
وربنا يقدرنا على ارضاءه وحسن عبادته ويوفقنا واياكم للخيرات
مرحب بدكتور محمد بيننا ولقدام إنشاء الله
التركي
ماشاء الله عليك وعلى المجهود المقدر والشكر موصول للأرباب ودالخلا ضو القبيله
سماسم : آميييين ياررررب
الزهراء : انتى شايفة شنو ؟ غايتو نحن ناس اخ ساااااى عمو دى بناسها ربنا مايحرمنا منهم .
ودالزبير : تشكر ياراقى وكل شئ اتعمل كان بمجهودكم برضو وربنا يقدرنا على الجاى .
أخونا التركى ..
غايتو ..جنس ..غايتو ..
حاج السلاوي
التركي خليهو بعيييد بي سببو عارف القصه
والقصه خليها للحوش التاني
ولا شنو يالبشاوي؟؟؟
ولا نستعين بسمسمه؟
الحبيب د.محمداحمد..سلام والف مرحب وسط اهلك وناسك وحاجاتك السمحة..لكن صدفة وما احلاها..طالعنى بهناك سريع….
الأخوة و الأخوات أعضاء المكتب التنفيذي لمنظمة زاد المسير الخيرية
السلام عليكم و رحمة الله و بركاته
الحمد لله الذي أتم لنا تسجيل منظمتنا و صارت ذات شخصية اعتبارية تستطيع بمجهوداتنا جميعا أن تصير في مصاف المنظمات المانحة باذن الله… الشاهد ان جميع من انضموا للمنظمة و عملوا حتى قبل أن يكون لها شهادة تسجيل في مجال الصحة و العلاج فاستقطبنا عددا من الاطباء ساعدوا من حول لهم بقدر استطاعتهم و استنفرت العضوية المحسنين من عضويتها و تنادوا لدار المايقوما و قدموا العون المعنوي و العيني لنزلاء الدار …
التحية لكم و انتم تجتمعون اليوم الثلاثاء 10 نوفمبر الساعة الخامسة مساء لوضع برنامجا و خطة عمل…
* تفاصيل أوفى بموقع “منظمة زاد المسير” ضمن المواقع الصديقة لسوداننا
أرجو من الله القدير أن تكلل بالنجاح و بالتوفيق باذن الله
و دمتم في حفظ الله و رعايته