مطالب الحركات الإنفصاليه

بعد نشر هذا التهديد تلقيت إتصالً من إدراه الموقع من المهندس المسئول الذي دخل معي في مفاوضات مارثونيه وقدم لي كثير من الإغراءت لسحب هذا التهديد وقد قدمت قائمه بمطالبي والتي من ضمنها وجبتين فسيخ ( عشان انا ما بحب التركين ) في منزل أفليقا وعشاء عمل في منزل عزت المرطب ( بالمناسبه دي الخروفين ) بتاعين دكتوراه المدام ونجاح الشبل خبرهم شنو وما دام الكلام جاب الكلام خروف أفليقا بتاع الموظف المثالي حصل عليهو شنو ولا إنت خرفانكم دي زي تبرعات المسعولين تنهي بإنتهاء مراسم الإحتفال … وافق السيد المفاوض على هذه المطالب كما طالبت بأن يتم إعطاء أخونا زووووووول باسوريد خاص وبرضو تمت الموافقه المهم يا جماعه إتضح لي إن البلد دي لو داير ليك حاجه من المسعولين إلا تشيل السلاح فالجماعه ديل زي ما زمان قالوا نحن قلعناها بالسلاح والدايرها يجي يقلعها مننا والدليل على كده إن أي عشرين زوول شالوا بندقيه جرت الحكومه وإتفاوضت معاهم وبقوا موظفيين حكوميين ولو المسأله مسأله تهميش ونضال من أجل الشعب تعالوا نشوف زول دارفور بعد ما السيد مناوي بقى كبير مستشاري السيد الرئيس ودخل القصر فاتحاً ماالذي إنعكس إيجاباً على هذا المواطن البسيط ولو جأنا لإنسان  الشرق بعد وصول الساده المناضلين لسده الحكم فالحال من بعضه لا جديد مزيد من الغلاء الطاحن مزيد من الجهل والمرض والتخلف زياده أعباء يدفعها نفس هذا المواطن الذى جاء هؤلاء الساده جميعاً لإنقاذه فما أطعموهو ولا تركوهو يأكل من خشاش الأرض ….. غايتو ربنا يكون في عون الإنسان الأمازوني