سيدى فلان ام بى ثرى فلان دى فى دى فلان – توريث الحكم ااااه .

قبل البدء فى كتابة هذا الموضوع والتعليق عليه نعبر عن احترامنا الشديد لجميع المقصودين بهذا البوست فى اشخاصهم ونوضح ان البوست اذا قدر له ان يختلف فهو يختلف مع ممارساتهم السياسيه وليس اشخاصهم التى نقدرها ونحترمها ايما تقدير واحترام .. اها نخش فى الموضوع فمثلا سي دى الصادق لو ورث القصه للصديق حيكون دى فى دى الصديق ولو الصديق ورث القصه لعبد الرحمن حيكون ام بى ثرى عبد الرحمن وهكذا حتى نصل للحفيد الرابع انشاء الله الحيرث الحزب برضو ويكون بلوتوث عديل كده !! فى الاونه الاخيره من عمرنا السياسى صرنا نسمع اسماء على شاكلة ( جمال مبارك – بشار الاسد – ساعدى القذافى – عبد الله بن الحسن – وووو ) الخ هذه الاسماء التى تعبر عن وراثات الابناء لسلطة الاباء – دعونا نناقش الوراثه فى السلطه بين الكنكشه والتداول الحر ؟ وهل يحتاج الاباء فعلا لتوريث ابناءهم او اسرهم المالكه للسلطه ؟ وهل التوريث يتم للفكر ام الثروه ؟ الحمد لله اننا فى السودان لسنا بمملكه يتم توريثها للابناء حتى الان لكننا اخشى ان يتم توريثنا للقبائل او البيوتات !! بالله ورونا رايكم فى قصة توريث الحكم دى !!