الادب الموجه للاطفال بين الحبوبه والاباء وسبيس توون

قد يكون الموضوع لاول وهله عاديا ولكنك اذا استمعت للحوار الذى دار بينى وبين حمودى فى احدى المرات لتيقنت من خطورة الظاهره تماما : حمودى : انت يابابا اقوى سبايدر مان ولا الله ؟

 افليقا : طبعا الله يا ولد استغفر الله !! حمودى : طيب ليه الله ما بينزل يساعد الناس زى سبايدر مان ؟؟ افليقا : يا ابنى الله بيساعد الناس بدون ما ينزل ليهم ربنا عندو جنود مجنده فى السموات والارض مهمتا تساعد الناس وعندو ملائكه كل واحد منهم مسئول عن حاجه ده كلام شنو ده يا ولد ؟؟ حمودى : يعنى زى آلهة الفراعنه كل اله عندو مهمه واحد للمطر وواحد للحب وواحد للعقاب ؟؟؟ افليقا : حمودى قوم من جنبى عليك الله كلامك ده بيجيب ليهو كلام تانى !!… افليقا : سمسمه : من بكره تقفلى الديقيتال ده من الشفع ديل فاهمه ؟!! سمسمه : لكن لو قفلت الديقيتال بنحل المشكله كده ؟؟ افليقا : لالا ما بنحلها لكن لحدى ما نلقى حل …. يا ترى ما هو الحل ؟؟ هل ما يقدم من برامج للاطفال فى التوعيه بالدين والاخلاق يعجز عن سد فرقة سبيس تووون وام بى سى ثرى واارتينز ؟؟ هل هو غياب الحبوبه ؟؟ هل هو تقصيرنا فى واجبنا تجاه توعيتهم ؟؟؟ ربما يكون مر بك سؤال كسؤال حمودى او اشبه به ولم تتوقف عنده كثيرا لكن هل طواااالى حنقول ليهم قومو من هنا ؟؟ وهل طواااالى حنقفل الديقيتال ؟؟؟