تسابيح الجميلة ، الاضواء والعقوق

Posted: الأربعاء,8 أكتوبر, 2008 by ابكرون in إجتماعية

كلنا شاهدنا تلك المذيعة الشابة الجميلة التي تقلب عينيها الجميلتين فتسلب ذوي الألباب خاصة اؤلئك (وزن الريشة)…وهي تقدم برنامج (عودك) في قناة زول اوظهورها الاول في النيل الازرق…..الشابة جميلة(شرط) والأضواء مغرية….والوضع مريح ماديا ومعنويا في البلد الخليجي الذي تبث منه هذه القنوات…والفرصة ذهبية……إلاانه وفي الجانب الآخر هناك الاسرة والوالد الذي يخاف على بنته من تواجدابنته وحيده في مجتمع الاعلام والشهرة بعيدا عن عينيه ورعايته….وكلنا طالعنا ما كتبت الصحف المحلية بالسودان عن المشكلة بين الوالد وإبنته وعدم رضاه…وعدم اقتناع الابنة برفض والدها السفر والعمل  وحيدة بعيدا عن رعايته….وما كان من تبرؤ الوالد عن ابنته (وفق ما تناقلته الوسائل الاعلامية )….

أرضت المذيعة الجميلة طموحاتها وذهبت وراء الأضواء والشهرة….يتبعها سخط الوالد وكثير من الذين تابعوا الموضوع ….فهل عقوق الوالد تعادل ما كسبت من اضواء وشهرة ..؟ الا يوجد من نبهها لخطورة عصيان الوالد وعدم رضاه وانه إثم عند ربها عظيم ….؟ لماذا لم يحاول مدراء هذه القنوات التوفيق بين الاب وابنته…؟هل تعلم المذيعة الجميلة بنها ارتكبت جرم كبير في حق دينها ووالدها ونفسها …؟هل والدها كان من الممكن له معالجة الامر بما يرضي تطلعات ابنته وطموحها …بان يبعث معها احد محارمها او هو شخصيا …او يزوجها بمن ترضي  كفيلا….لان في التبرؤ إثم كبير وتبعات خطيرة…؟ لزمن قريب كانت البنت السودانية لا ترضي ان تنقل من محيط عملها الي الاقاليم بعيدةعن الاسرة ….لان المجتمع قائم علي هذه القيم ……فماذا حصل لمجتمعاتنا ……..؟

 

About these ads
تعليقات
  1. aflaiga قال:

    ابكرون يا زعيم : انا شخصيا لى زمن ما سمعت لى بى راجل ومرتو ولا اب وولدو ولا ام وبتها اختلفو فى ( جاهداك على ان تشرك بى ما ليس لك به علم او حد من حدود الله او مساله فقهيه ) !!! كل الخلافات التى شهدتها مؤخرا كانت حول الايراد او تنزيل الاسم فى الاسم الفنى او عدم اصطحاب الاسره صحبة راكب !!! بعدين يا ابكرونا عليك الله ابو البت دى يادوب صحى ؟؟
    لمن بدات بذور الموهبه كان راضى ؟؟
    لمن ظهرت اول مره فى الدوره المدرسيه كان راضى ؟؟
    لمن بقت تغنى فى الحمام وفى المناسبات حقت الاسره كان راضى ؟؟
    ولا لمن جابت ليها ايرادات واضواء دق جرس ؟؟
    من يهن يسهل الهوان عليه يا عمك ..
    تعرف انا اتذكرت واحد صاحبنا ابوهو جا لقاهو مستحمى وراقد تحت المرحه والهواء ضاربو والمكيف شغال قام قال ليهو يا ولدى عليك الله البتسوى فيهو ده مش حرام ؟؟ مكيف ومروحه وصرف وقروش وعداد و ( صحتك ) اسى مش ممكن يجيك التهاب قوم ارقد بره فى هواء الله البارد ده انشاء الله تجيك تيبيا قوم !!!

  2. عارف يا أبكرون الحل عندكم في الخليج …يقوم واحد خاتف لونين يختف البنية و يتزوجها و يصلح بين عائلتها….بس الخوف بعد داك يقوم يقعدا في البيت و يحرم ناس عودك من نظراتها…

    بمناسبة العين بتاعت البروفايل ..هسه لو كانت عينين…
    كان قلنا ليها أمسكي عليك عيونك ديل
    يتاوقن لي زي شباك بنور في ظلام الليل

    بس بالعين الواحدة دي الا نقول
    يا عين يا عنية

    تحياتي…طبعا عقوق الوالدين دا أمر عظيم و ربما لن تتقدم ان أصرت أكثر من تقليب عينيها في وجه المشاهد

  3. aflaiga قال:

    عزت : اسى انت حارقك عقوق الوالدين ولا عيون المشاهد ؟؟ عليك الله قريب ده سمعت ليك بى راجل طلق مرتو عشان ما بتدى الله حقو ؟؟ ولا ابو اتبرا من ولدو عشان ما بيصلى ولا ما بيخاف الله ؟؟ ولا وحده سابت صحبتا عشان ما محجبه ؟؟ الحمد لله انها نجحت فى قناة زول ولم تنال الدكتوراه فى الشريعه والفقه ؟؟ تعرف كما تدين تدان .. خليها تقلب عويناتا ديل فى الدنيا تمام وتسكت الخشامه وتقدل وتنزل فى العوازل كى لانو بعدين حيكون فى قليب جسوم فى النار واستبدالها باخرى وكى شديد .. والله ما تقدم عاق والدين فانها من الذنوب الوحيده التى يؤجل الله لصاحبها فى الحياة الدنيا قبل الممات .ز مع انو الوالد ذاتو دق جرس فى الحلقه الاخيره لكن يبقى والدا …

  4. علي سنكل قال:

    والله يا د. عزت ختفت الكلام مني ، يا داب قريت الموضوع وقلت في شور بالي وطيب أبكرون ده وكت ما عاجبو العصيان ده ما يعرس البنيه ويرضي رقبته ويرضي الأبو . واللا خايف ؟

  5. مُخير قال:

    الأخوات والأخوة الأعزاء
    العزيز أبكرون
    طرحت موضوع في غاية الأهمية، وتتسع دائرته بعيداً عن المشكلة الشخصية للمذيعة التي أوردتها كأنموذج، إذ يمس الشأن التربوي، وعلاقات الآباء بالأبناء عامة والفتيات على وجه الخصوص، والمصير المستقبلي لهذه العلاقة في حال حدوث إختلاف جذري بين طرفيها، كما يمكن العروج على إغراءات مهن معينة كالفضائيات وغيرها من المؤسسات الإعلامية ذات الرواتب المغرية، وأين نحن ومجتمعنا السوداني من كل هذه المستجدات. فهذه يمكن أن تكون المحاور لحوار جاد وبناء ينير لنا الدرب في التعامل مع مثل هذه المعضلات. لدي تعليق على جزئية تتعلق بسؤالك البريء المغرق في المثالية (لماذا لم يحاول مدراء هذه القنوات التوفيق بين الاب وابنته…؟) الأمر الذي يؤكد طيبة قلبك، صحيح إنو الدنيا لسة بخير لكن ما للدرجة دي !! بعدين الفضائية التي ذكرتها والتي تبث من إمارة الفجيرة شايفها مركز ثلاثة حبات على موضوع الجمال المظهري مع ميل واضح لبنات جوارنا الأثيوبي، وبالتالي زي أفرطت في حُسن نيتك إذ لا أعتقد في ظل هكذا توجه أن يرد لدى القائمين على أمرها موضوع إصلاح ذات البين، إذ من غير المستبعد أن يكون نتيجة الصلح فقدان كادر صبوح. ولك خالص ودي وتقديري

  6. aflaiga قال:

    حنين : يسلم فمك .. ده الانا قصدتو بالضبط .ز تخيل انو مجتمع الكفر والوتر ومؤخرا السياسه متشابهات جدا فى هذا المنحى :
    من الطبيعى تلقى واحد ولدو بيلعب كوره فى الحله دافورى وهو عامل نايم لكن مما تجيب ليها تسجيل وفك تسجيل وصحافه رياضيه يجيك ناطى انا ما راضى عنو وانا ما عافى ليهو !! ويكون قاصد الايرادات والعداد !! ولا واحد بتو بتمثل فى المدرسه وومسرح الحله وهو عامل نايم ولمن تبدا تظهر فى التلفزيون والبليه تلعب والقشيه تبقى معدن يدق جرس وانا ما راضى وانا ما عافى ونحنا اسره محافظة وولائيه !! وواحد يكون ولدو انصارى لمن غلط على حد السكين ولمن يجو ناس هى لله يستقطبوهو بى كم برميل بترول !! يجى ناطى يقول ليك النار تلد الرماد وابنى خطيئة لا انكرها وخطا لا اتشرف به !! طيب ما يكلم الانصار يفكوها شويه عشان الولد يبقى فخر لابيه والخير يعم !!! المصيبه فى انو قادة هذه الاجهزة سواء الرياضيه او الاعلاميه او السياسيه لا يهمهم سوى :
    ود حريف لعيب ..
    بت بقة عسل نقى ونجاضه ..
    كادر مغفل نافع خدوم .ز
    اما الاب والاسره والحزب القديم فالى الجحيم …
    لذلك هذه المجتمعات الثلاثه الكوره الفن السياسه من اوسخ المجتمعات التى لا يخرج منها او يدخل اليها الشر الا من رحم ربى …

  7. ودالزبير قال:

    أبكرون
    وضيوفه الكرام سلام

    قضيه المذيعه تسابيح وخلافها مع وألده مبارك ولا محمد خاطر ما متذكر الإسم بداءت قبل سفرها للعمل بقناه زول وتعود الخلافات من زمن بعيد حيث إن الوالد وهو إعلامي مطلق وألده تسابيح وبينهم قضايا ومحاكم والبنت إنحازت لوالدتها في هذا الخلاف وتفجر الخلاف عند إعتراض الوالد لدي معتصم فضل مدير قناه النيل الأزرق في ذلك الوقت لعدم وجود إسمه مقرون بإسمها في برامج القناه ثم جأءت القشه التي قصمت ظهر البعير عندما إشتبك معها داخل حوش القناه عندما وجده تقود عربه جديده وبدأ في السؤال عن مصدر هذه الأموال وتطورت الخلاف إلى ضرب ليذهب الجميع لمكتب المدير الذي إنحاز لمذيعته ليخرج الوالد للصحف ويتبرأ من إبنته ويذكر وأقعه العربه في إيحاء كريه من أب تجاه عرضه ولحمه ودمه .
    إزاء هذه المشاكل المتكرره للمذيعه تسابيح ومن ضمنها دخولها في مشاده مع ضابط شرطه بالجوازات وتسرب خبر هذه المشكله للصحافه وجدت قناه النيل الأزرق نفسها مضطره للإستغناء عنها .. وبالفعل جلست فتره بدون عمل حتى جاءت قناه زول وإستوعبتها .
    الرأي عندي إن تسابيح مخطئه مره ووالدها مخطئ ألف مره .
    ولن نحاول إن نذكرها بالآيه الكريمه ( وصاحبهما في الدنيا معروفاً وقل ربي أرحمهما كما ربياني صغيره ) فلا أظنها من النوع الذي يكترث كثيراً بالتعاليم الدينيه والدليل إنها في أول فرصه لرمي الطرحه الصغيره من على رأسها التي كانت تضعها في النيل الأزرق رمت بها في أقرب فرصه وظهرت مكشوفه الرأس في قناه زول.
    لمن لا يعرف تسابيح الصوره الفي بروفايلي دي هي تسابيح

  8. ابكرون قال:

    عزت : ياخ ترنم ب امسكي عليك (عينك )دي بدل عيونك ديل ….بقصد عين البروفايل اما العيون الاخري (ده الجنن عبد القادر …أقصد ود الخلا..) فقليبهم إصطناعي….
    سنكل : انا ده كان قصدي وكنت عايزك إنت وبشار تعزموها علي (كاسر الامواج ) وبعدين الفجيرة ما بعيده منكم ….وذلك الذي يتبجح بانه (مرق دوم) يكفل …الصبية بعدين جاتني أخبار بانك بتحب قناة زول(برضو بواو واحدة)……..
    مخير : كلامك ميه% وانا قصدت ان والدها (يبعث معها محرم او يوفق بينهم اهل القنوات) من باب التهكم ….فقط واكيد لو الدنيا بخيرها ..كان ولي أمرها (ربَطها)..ومنعها من السفر ولو ادي ذلك …الي قرار مؤلم…….يبدا بالحلاقة صلعه..وينتهي بما لا يحمد عقباه

  9. Stricker قال:

    بعد اذن الكاتب والمتداخلين – قمت بادخال الصورة لتعم الفائدة للجميع

  10. ودالزبير قال:

    بالله ده شنو يا إسترايكر
    الزول نزل صوره تسابيح في بروفايله لكن براك عارف عمك الترابي ما بالساهل يتقلع من حته جاء فيها تقوم تسبقنا وتحرق المفاجأه.
    غايتو جنس إستعجال
    مخير
    والله ليك وحشه يا راجل
    وتصدق من أمبارح عزت المرطب ده بيسأل عنك
    ونحن معاهو برضو
    يأخوان وين خالد مدني ما يكون أفليقا وداهو سوق الأخوان عشان يبيع الموبايل ويشتري3310

  11. مُخير قال:

    ود الزبير: العجب نحن، شوقنا أكبر من بحر بورتسودانك، وأبو عصمت يسأل منو الخير وفيكم الخير والبركة، وإلتماسي هو أن تطلعونا من خصوصية موضوع البت دي عشان نناقش عموم الموضوع لتعم الفائدة.

    أبو حمودي: أرفع رجلك ولا كراعك من الأبنص، قاتل الله المال هو الفتنة التي تخرب بين الآباء والعيال، لكن قبل أن تنحاز إلى الأبناء تذكر مقولة “أنت ومالك لأبيك” لا أدري إن كانت حديثاً والرجوع للشيخ محمد صالح للتأكد قبل نسبته القول للمصطفى، غير أن المُهم في الموضوع هو إذا ما فتح ربنا باب رزق للولد أو البنية لا ينبغي أن يـ(ت)نسى والديه(ا)، يعني شوف بنات وليامز بتاعات التنس، تشوف في مباريات أية منهما الكاميرا موجه على الوالدين الجالسين بعيد من بعض رغم الخلاف اجتمعوا على حب بنتيهما.

    قرأت أمس في مجلة للمدام أظنها “زهرة الخليج” تحقيق صحفي مقرف عن خلافات بين نجمات أمريكيات ووالدتهن اللاتي يتاجرن بمشاكلهن من أجل الشهرة والمال، الله يلعن أبو المال الذي يفسد أسمى علاقة في الوجود .

  12. ابكرون قال:

    ود الزبير: ازيك .. ياخ استحلفك بالله و (خسمتك) بالقبل الأربعة تشيل صورة الككو ده من بروفايلك…يا اعمل ليها باسوورد لو لازم يعني ….
    تعرف يا ود الزبير فعلا الخطأ من والدها فهو المسئول الاول والاخير وليس قصدي من طرح هذه المشكلة هذه المذيعة (ذات نفسها) فهناك الآلاف من الأبناء ذكورا وإناثا …تنقصهم التربية السليمة …ودور الاب والأم في البيت التي تخفي من الأب ما يفعله الأبناء بحسن نيه …خوفا من المشاكل او غيره…وفي ذلك الطامة الكبري…ثم انعدام الوازع الديني ببعض الأسر …الاب يري ابنه او بنته لا تلمس جبهتها الارض ابدا…وهو ساكت وراضي…ولا يشجع علي صوم او الظهور بملابس محتشمة…وكأن الأمر لا يعنيه ابدا…فيبدأ التفسخ من هنا….والباقي معلوم ….وزي ما قال د. صالح في مكان امس او امس الاول فان التعليم ومقرراته والتربية المدرسية ايضا لها دور فعال بجانب هيبة الاب وسلطته وإدارته لشئون بيته…..

  13. ابكرون قال:

    الحمد لله يا ود الزبير شلتو قبل انزل التعليق اعلاه

  14. (حنين : يسلم فمك )
    هسه يا أفليقا حنين وينو في الجماعة الفوق ديل…كلو من استرايكر لخبط الجماعة..!!

    لكن عاين ليه نزل شنو يا أبكرون…أخير الترابي

  15. aflaiga قال:

    ود الزبير : والله خالد مدنى لا وديتو لا حاجه مع انو النيه فى !! وشكلو ما فى سوق الاخوان لانو دسه زى المدسيها دى الا يكون مشى للاخوان ذاتم !!! الاخوان بتاعين السوق ما التانيين ما تفهمو غلط !!

  16. aflaiga قال:

    عزت : يا متابع .. والله قاصد مخير .. مخير الله لكن .. لكن ما بالغت تستبدل الترابى بالبنيه دى يا ود الزبير ؟؟ وعزت كمان يقول ليك اخير الترابى !! والله البت اتلومت مع ابوها بس لكن عمنا ده اتلوم مع الابوات كلهم …

  17. aflaiga قال:

    يا جماع سمعنا راى الاطراف كلها لكن ما سمعنا راى سبوحه !! كدى يا ستريكر بنفس الحماس اللقيت بيهو صورتا ممكن تلم لينا فيها هى ذاتا تخليها تدافعر عن موقفا لانو انا شخصيا مقتنع انو اى زول عندو قصه ورا اى حركه بيعملا .. اتمنى ان نسمع منها ولو ما بالدرب بالنت بس …

  18. ودالزبير قال:

    أبكرون
    ثرو مخير

    بدايه يا شباب أفليقا فوق وجه كلام لحنين وقال يسلم فمك وقدر ما فتشت على أخونا حنين ما لقيته قال حاجه هنا … يكون ده من شنو ؟؟؟

    تاني يا عزيزي مخير من الصعوبه عدم مناقشه موضوع تسابيح الشخصي والتفرغ فقط لعقوق الوالدين الذي نعلم جميعاً عواقبه والتعاليم الدينيه الوارده في هذا الصدد وأضحه وضوح الشمس.

    يأخي الحيونات الهي حيونات بتعرف الرحمه والموده والإلفه بين بعضها البعض .
    والكل أدانا مسلك المذيعه تسابيح وأظن ده من غضب الدنيوي حيث أصبحت لا أطيقها بعد هذا الأمر ولا أتابع لها برنامج وأظن إن الكثير قد دعا عليها ولا تدري الآن ماهو مصيرها في مقبل الأيام إلا أن تتوب وترجع إلى رشدها .
    الوالد مبارك خاطر يتحمل النصيب الأكبر في هذا الأمر بالتربيه الخاطئه وإدخال أبنائه في خضم صراع مع والدتهم وكلنا يعلم إن أبغض الحلال عند الله الطلاق لكن إن وقع فتفريق بإحسان والإحتفاظ بحق الذريه في حياه هادئه .

  19. ودالزبير قال:

    عزت
    أفليقا
    صوره تسابيح نزلنها قبل إسترايكر يخت الصوره الكبيره عشان ناس عمك السلاوي الماقاعدين يشوفوا التلفزيون ديل يعرفوا نحن بنتكلم عن منو لكن عمك الترابي رفضت يتخارج بأخوي وأخوك لحدي ما عملنا ليهو حركه تصحيحه وكده .

    ولو بكره زوول نزل موضوع تاني بنخت صوره تانيه إنشاءالله أوكامبو زاتو .
    زووووووووووول لسه معيد ولا الغلب حار هاك الشبيبه دي

  20. aflaiga قال:

    ود الزبير : حقيقى انا بلخبت بين ( محنك ومخير وحنين ) ما عارف ليه يكون من الحاء ولا الخاء ؟؟ تحياتى لهم جميعا وودى واحترامى .
    الزول : ياخى الشبيبه ديل كلهم بيسالو منك اوع تكون معيد فى جزيره من الجزائر البعييده البتكون مسافتا 3 يوم مشى بى نفس 1 ؟؟؟
    حاولت انكت القريحه فلم تجد بغير هذين البيتين :
    سبوحه يا بت الاصول
    قبل الزمن يعمل عمايلو وقبل ميقات الافول
    دعاء والدين ورضا الخلق ياها البتعمل اى زول
    من قبلهن رضا ربنا ياهو البيحقق للقبول
    استغفرى واتمهلى وختى الرسول

  21. د.ياسين شمباتى قال:

    سلام للجميع خصوصا الاخ حنين !!!! بالغت يا افليقا..

    العم ابكرون..انت قاصد تسابيح ذاتها ولا عقوق الوالدين؟؟لانو تسابيح ما معروف غرضها شنو ,,وزى ما ذكر ود الزبير انو رب البيت بالدف ضارب,,داير اهلو يكونوا شنو !!؟؟؟

    اما عقوق الوالدين فانا لا ادرى كيف يحدث هذا ممن حملته الام وهنا ووضعته كرها وارضعته من دمها وسهرت عليه الليالى,,ولا بمن اجتهد ابوه فى حمله ووضعه وتعليمه وتغذيته,,اقول لا ادرى كيف تواتيه الجرأة ليعقهما او يغضبهما..انه اّخر الزمان وما للزمان بنادب..

    ربنا يستر على ولايانا ويحسن خاتمتنا..

  22. حنين قال:

    الاخوان فى البيت الصغير .
    سلام بدون فرز والله ليكم وحشة .
    لقيت إسمى ورد معاكم وانا برة المعمعة حبيت أشارك .
    والله أنا متابع الموضوع من الصباح وكل ما أكون فكرة للكتابة وآخد موقف أقراء رأى آخر أغير موقفى .
    لكن فى حاجة إنتو غايبة عليكم وهى علاقة البنية بوالدها وعلاقة الوالد بالاسرة (( إمكن ترلة )) عشان الناس تكتب وتغلط فلان أو فلانة لازم تكون ملمة بكل جوانب المشكلة ولازم تسمع من جميع الاطراف وجميع أفراد أسرتها لانو البت دى لو بايتة فى بيت أبوها ما بتمرق منو قبل ما تستأزن منو . وأقصد بيت أبوها يعنى المأوى والمأكل والمشرب والرأى والمشورة والكلمة والقدوة وكل ما ينطوى تحت مسؤولية الابوة .
    وفقكم الله وجعل مقاصدكم لله فى أخزكم الموضوع بالجدية المعهودة لديكم حتى تصلو لحل من منطلق حديث الرسول صلى الله علية وسلم ((من رأى منكم منكرا فليغيرة بيدة فأن لم يستطع فبلسانة فأن لم يستطع فبقلبة وذلك أضعف الإيمان.))

  23. aflaiga قال:

    شمباتى : باالغت فى شنو ؟؟ لو قاصد اللخبته بين حنين ومخير فان ذلك لا ينتقص من قدرهم شيئ شنو يعنى افليقا لمن يلخبت فى الحلوين ديل هو افليقا ذاتو منو ؟؟ يا رجل لسنا ممن يبخس الناس اشياءهم .. وتانى التحيه والود والاحترام لهم ..

  24. د.ياسين شمباتى قال:

    افليقا..قصدى بالغت فى البتاعة الجابها العسكرى لما خلتك تلخبط!!! ولا ما متذكر ياتو بتاعة !!!! لك كل الاحترام والتقدير..

  25. aflaiga قال:

    شمباتى : ااا البتاااعه .. تقبل تحيات مراسلكم ابكر احمد ادم حسينا من السجانه احمد ..

  26. حاج أحمد السلاوى قال:

    الأخ ودالزبير .. قناة زول قاعدين نشوفه .. والبنية تسابيح شوفناها..المعلومات الجاتنى إنها تزوجت من شخص أبوها غير راضى إنها تتزوجه.. يعنى معاها محرم فى الخليج ..ودة أخف الضرر من أنها تكون براها وسط الذئاب البشرية المتربصة بيها. وزى ما قالوا الجماعة عشانما نظلمها لازم نعرف رايها كمان عشان يكون الحكم بالعقوق ما يكون جائر عليها..وكان ما تزوجت بعد نشوف ليها واحد من الشباب الغير محصنين.. وهم كُثر عشان يحميها من الجماعة الشياب الرافعين الرايات البيضاء القاعدين عُزاب فى الخليج..والفى راسه بطحة يتحسسها.. وانا برررررررررررة… ونبرا ونستبرا.

  27. salih قال:

    الاكارم ابناء الاكارم
    سلام
    تابعت التعليقات … فقط يا جماعة الخير لا ننسى ان هذه الاسرة مسلمة وسودانيين .. وحقوق المسلم مهما بلغت مخالفته واجبة الحفظ …
    معظم التعليقات ركزت علي العقوبات والنتائج .. لا بأس بذلك ولكن الاولى – وهذا ما فهمته من طرح الموضوع – ان نقترح اسلوب للعلاج يتوافق مع تفاصيل القصة ويستهدي بمنهج المصطفى صلى الله عليه وسلم …
    اذا كانت النية هي علاج او مساعدة في العلاج لهذه الحالة فارى ان نسلك مسلكا (سودانيا وفيه اتباع لمنهج المصطفى صلى الله عليه وسلم ) وجميعكم يعلم ان مثل هذه الامور تعالج من وراء كواليس(حتى وان انتشرت واشتهرت) وسبحان الله الذي جبل النفوس علي عدم قبول النصيحة العلنية ( وقد عدّها بعض الائمة تشهيرا لانها لم تلتزم بشروط النصيحة ومنها النصح علي انفراد … هذه الاسرة مهما بلغت مخالفاتها الاجتماعية تبقى في النهاية اسرة مسلمة ولها كل حقوق المسلمين .. وكمان سودانيين)
    اقتراح .. ان يقوم جماعة من اهل الخرطوم (لوجودهم الجغرافي) بمقابلة والد المراة وابداء الرغبة في التوصل للم شمل الاسرة(مهما كان الخطأ فان باب التوبة مفتوح عند الله وان الله ليفرح بتوبة عبده اكثر من فرح العبد بقبول توبته) وايضا جماعة الخليج وارشح المشايخ الثلاثة (ابكرون/سنكل/بن برد) لمقابلة الطرف الاخر .. ويقيني ان حكمة الطرفين الخرطومي والخليجي (ومن خلال معرفتنا بهم) سوف تثمر باذن واحد احد في لم شمل الاسرة وعظيم الاجر للفريقين ان شاء المولى … اذا لم يجد هذا الاقتراح القبول فأرى راى الاخ مخير بان يغيّر الموضوع لعام حتى يتسنى للاخرين الادلاء بارائهم…
    حاولت قدر المستطاع تجنب النصوص ولكن اليكم – وكلكم تعرفونها – بعض ما ورد من قواعد في مثل هذه الحالات:
    *اصلاح ذات البين واجب واجره عظيم
    *ان لا نعين الشيطان علي اخوة الدين والعقيدة(تخيّل انسان واقع في مشكلة تاتي اليه لتوضح له العقوبات! … الاولى ان تساعده علي الخروج من المشكلة)

    لي رجاء من الاخ استرايكر: لو ترفع صورة المراة من الموقع .. كنوع من المعالجة وامكن ربنا يهدينا كلنا وتغير هى من وظيفتها..

    ** الشيخ مخير:
    (انت ومالك لابيك) وردت في حديث صحيح (بعدة صيغ) وهي ايضا قاعدة فقهية علمية كبيرة(يعني اكان الاب سرق من الابن فلا يقام عليه حد السرقة لانه يُعتبر فقط قد اخذ من ماله المستودع عند ابنه .. بل ان بعضهم يؤنب الابن لانه احوج الاب لذلك الفعل .. والله اعلم) واليك احدى صيغ الحديث:((
    2282 حدثنا هشام بن عمار حدثنا عيسى بن يونس حدثنا يوسف بن إسحق عن محمد ابن المنكدر عن جابر بن عبد الله أن رجلا قال يا رسول الله إن لي مالا وولدا وإن أبي يريد أن يجتاح مالي فقال أنت ومالك لأبيك * ( صحيح ) _ الارواء 838 ، الروض 195 و 603 )).

    فائدة:
    علموا اولادكم محبة الحبيب المصطفى صلى الله عليه وسلم

  28. بشار أحمد بشار (إبن برد) قال:

    “او يزوجها بمن ترضي كفيلا…” غايتو في دي نحن مستعدين وجاهزين موية ونور وحنخليها تبوس التراب البيمشي عليهو أبوها ليعفو عنها ونخليها كمان تدخل (التُكل) تعوس راضية مرضيية وعلى قلبها زي العسل وتترك كل شيء في سبيل مرضاة زوجها وأبيها…أي سؤال؟؟

  29. ابكرون قال:

    بشار /ود الخلا /صالح/استرايكر
    يا بن برد بطل(مطيق الديب علي الحميل ده) وخلي الطفاسة بتاعتك دي ..وشوف كمان البكي بتاع صاحبنا (دابي رنده) ده الليله بقي كديس خلا ….انت يا بشار شيخ صالح عملك وساطة خير ومعاك سنكل ..(شمعتي الضواية البكايه التانيه …الفي بكاها حكايه) لانكماعلى مرمى حجر من (التارقت…لينوا الراس الحداكم والأسرة علي ناس الخرطوم)…بالجد هلا استجبتما …والعملية ساهله…وهو افضل الحلول التي طرحت حتي الآن (إصلاح ذات البين) يعني ما حتصالحوا (عبد الواحد مع الحكومه)….وكلوا في الميزان يوم القيامة بإذن الرحمن…
    استرايكر ارجو الاستجابة ايضا لأخينا صالح برفع الصورة….مع الشكر

  30. د.ياسين شمباتى قال:

    ابونا السلاوى..ما تكتح..مالهم العزابة؟؟كيف الصحة والجرى؟؟

    ود الخلا..الدايرة سرورة ما ياهو ميتة امها و خلا بيتها ؟؟

  31. مُخير قال:

    الأعزاء الكبار أهل البيت الصغير

    صبحكم الله بالخير

    العزيز محمد صالح: جزاك الله خيراً على التنوير الفقهي ونفع بعلمك الأمة جمعاء، وأدام فضلك ذُخراً للدانقا وسوداننا الكبير والصغير.

    العلامة بن بُرد (شجرة الدوم): المثل بتاع أخونا ود الخلا “ده الدايرة سرورة”، لكن الدايرو سرور ده إلا في الخيال أحلام.

  32. صباحاتكم بخير

    سرور عرفناه داير شنو و زي ما قالوا في الخيال أحلام…لكن سرورة كانت دايرة شنو…..يا ناس صور شعبية انتو…..

  33. حاج أحمد السلاوى قال:

    الأخوة .. الكواشف ..أبكرون / سنكل / بن البرد
    نضم صوتنا لصوت فقيهنا الجليل أخونا د. صالح الذى جاء بالقول الفصل فى هذا الموضوع ونطالبكم بإصلاح ذات البين بين البنية وأسرتها ..وربنا يجزيكم عن عمل الخير دة..ولو طلبتو أى مساعدة نحنا برضو جاهزين .. جاهزين ( لحماية الدين ) .. رغماً عن أرادة عواطف بتاعتنا التى إمتعضت قليلاً عندما عرضت عليها أن أشارك فى موضوع الوساطة الخيرى دة .. وقالت لى إشمعنى يعنى حسة داير تبقى واسطة خير ؟ ما تتوسط بين الحكومة وأوكامبو …الأهمّ ياتو ؟؟ قلت ليها ناس الحكومة قادرين يحلوا مشاكلهم.. ودايما يطلعوا منها زى الخيط من العجين.. ودى ما أول مرة.. ولا يزال الإمتعاض قائماً .. دايرين وساطة حتى لو.. قطرية مع عواطفنا عشان توافق لكى نشارك فى وساطة حل مشكلة تسابيح وأبيها.. هل من وسيط ؟

  34. مُخير قال:

    السلاوي: يا حاج أحمد يديك العافية يا داعي الخير، لكن خليك بعيد من المناطق الوعرة دي، ونحن إذ نُشيد بالنوايا الحسنة والمقاصد الخيرة، لنرفض وبشدة التدخلات الخارجية ونُؤيد ونُساند ونُُشدد من أزر الفاضلة أم وضاح وندعم مواقفها الجسورة في الحفاظ على المكتسبات السلاوية ونرفع شعار “عواطفنا ولا تسابيح الناس” ولا نامت أعين المرنقين ويا دار ما دخلك شر.

  35. مُخير قال:

    د. عزت: لسة ما وصلت لرؤية واضحة بشأن مطالب سرورة ؟؟ وما توصلت لحل مرضي لأحلام الفحل سرور، جاك أخو السرة ده…أهة…عاجبك كدة يا أبكرون فتحت لينا أبواب الجواميس دي …كدي شوف حلول مستعجلة للمشاكل دي ،

  36. سهيل قال:

    جزاكم الله خيرآ.. و ما عايز يقولو علي صمت دهرآ و …. لكن يا عبدو ناس عمك ديل روحهم محرقاهم خلاص.. وود الخلاء بالذات نازل دافوري مع عمك بشار.. و الحشاش يملا شبكتو.. بعدين يا عمك الرخم ديل منو؟ خليتونا نتلفت و نبلع ريقنا 500 مره في الدقيقه.. … شمباتي رايك شنو؟ نعمل زيهم و لا نعمل رايحين

  37. ابكرون قال:

    دابي رنده : علي بالطلاق أدها …هييييع دابي الخلا …والله جاااموس بس خلي بن برد ده بعيد ما بفيدك (فشنك )سااااكت وعجبني قولك : ( عندي شورة لحل المشكل حلا” جذريا” ما بنجيكم راجعين تاني فيهو.. )…منتظرين ولو احتجتو لمأذون بنجيب د. صالح من لندن…
    سهيل : الرخم ديل الشباب (الما مرتبطين)….الخلو عمهم ود الخلا يدق صدره….والله …اسه بت الخلا تسمع الله قال بي قولكم …..نبقي لي جرسة حاج السلاوي …والزرزرة بتاعة ام وضاح …….هيييييي امرقوا منها ود الخلا تيمم صوب (عش الدبابير)

  38. neiam قال:

    هييييييييييييع..غايتو بتقمبلوها قمبلة..اسع الباب يقول صرررر كلكم تقفلوا شاشاتكم و تجروا الملايات و تعملوا نايمين..خلو الجميل في حالو..جمالو كان راسمالو..شن خبر العليق بالياسمين واحوالو…

  39. aflaiga قال:

    شباب : الا هل غادر الحجاج من متردم ؟؟؟
    وهو اصلو الكره الشباب فى المغتربين وناس ذو النورين شنو ؟؟ ما ياها جنس عمايلكم دى الواحد يقول ليك اديناكم فرصه وما عملتو حاجه زى العسكر لمن يقولو ادينا الديمقراطيه فرصه وما سوت حاجه !! وفجاه يجيك ود الخلا ببيانو الاول :
    لقد ظللنا نرقب عن كثب بقلوب ملؤها الاشفاق ما وصل اليه حال بتنا سبوحه وان قوات اعمامكم المسلحه لم يهن عليها ابدا ان ترى الخير ده مكشوح كدى فى السهله والشباب غائصون فى احضان العماله للمستقبل غير المضمون !!! ورب كرب رب يقوم يقلبا !! ويستلم القرمبوزه ويحير الشباب !! ونبقى فى العاوز يقلعا يتوضى من البحر ونحنا شلناها بالبتاع وما بنسلما الا بالبتاع غايتو يا سهيل الله يعينكم نحنا طبعا مهنضبين برضو زى اعمامك ديل .. وبننادى بالديمقراطية واعطاء الشباب فرصه ………..

  40. د.ياسين شمباتى قال:

    سهيل..حقو نكون جبهة معارضة ونضم عبدوش وبروسيسور_خندقاوى برة لانو خلاص بقى مرقة_ وكمان منبرش..وينك يا راجل؟؟؟؟؟؟؟؟

    انتو عبدوش ما خلاص وصل الخرطوم؟؟

  41. ندي قال:

    سلامات لي كل الموجودين……..
    بس عندي سؤال حول موضوع تسابيح بالجد محيرني انو هل هي مسلمة والسبب علي ما اعتقد ان شفتها لابسه صليب في احد البرامج ؟؟؟؟

  42. نحن فى زمن اصبحت فيه الكرامة اخر شئ نلتفت اليه .. ناهيك عن عقوق الوالدين ومن أجل حفنة من الدولارات نبيع كل شئ .. الكبرياء والشرف أهم من الدولارات ومساحيق التجميل لاتخلق كرامة ..
    سؤال برئ ؟ من هو الوالد ؟
    فبالتاكيد هو الزى وضع النضفه وخلقتى من عدم يا حواء وفرح بك وتاتاك حتى شبيتى عن طوقك وكبرك وعلمك وسهر الليالى فى مرضك ودفع من حر ماله لاسعادك لتعليمك وتنشئتك بعز حتى تخرجك ودخولك مسرح الحياة العملية …
    فهل هزا جزاءه والتمرد على معتقداته وموروثه الاخلاقى ..
    فلا تكونى ناكرة لجميله وعشمه أن تكونى أفضل أمراة فى العالم تسكنى القصور وحولك الحشم والخدم ..لالالالا وألف لا يا حواء عقوق الوالدين ولكنها حواء ان كيدها عظيم .

  43. حاج أحمد السلاوى قال:

    أخونا الجريفابى …كل عام وأنت بخير .
    حسه الخلاك تفتح الموضوع دا تاااااانى شنو ؟..بعد ما الناس كوووولهم نسوهو ..ومن المحتمل تكون البنية قد عادت إلى قواعدها سالمة غانمة خاصة إنها لبست الثوب السودانى ..مالك عاوز تتور نفس الجماعة ديل تانى … ناس أبكرون وود الخلا وابو عصمت ؟

    - كسرة وتخريمة … اين الأخ الكاشف بشار بن البرد ؟فى حد زعلوا ..لا سمح الله ..طيب يورينا أسباب الغياب ..مع تحياتنا له ونقول ليهو كل عام وأنت بخير .

  44. والله يا ابكرون البت دى براااااااااااااها عقوق والدين. الله يلزم البيشوفوها الصبر

  45. سارة يوسف قال:

    والله يا ندى أنا برضو متحيرة في تسابيح دي ما عافنها مسلمه مسيحية يهودية يابت إحنا مالنا وماله وبصراحه إحنا عندنا هنا في دبي تشوفي اللابس صليب ولي بقلد تيم الإيمو وحاجات عجيبة غريبة

  46. tamer قال:

    نسأل لها الهـــدايه

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s