مساء يوم الخميس احتفلت جامعة الجزيرة بتخريج دفعة من المهندسين ..كانت بنتنا (ابنة ابكرون) احدي المهندسات الخريجات.. وبالرغم من ان الاحتفال كان ينقصه التنظيم من حيث الحشد الكبير من اقرباء المحتفي بهم وسؤ البلاسنق من الجهة المنظمة ..الا انني و بخبرتي الدانقاوية تعرفت علي المدعو ابكرون و قبضت عليه متلبسا وهو يحكي مع نيام اللي هوا انا..وتمكنت من معرفته من بين الاف المدعويين و فرزته بمفرزة علي الباب و تم التعارف و التكاشف و المودة ..
انا هنا اهني بنتنا المهندسة و اتمني لها التوفيق في حياتها و عقبال الدكتوراة كما اهنئ الاخ ابكرون فمن يخرّج مهندسين و اطباء و عقول مفيدة في هذا الزمان العجيب والظرف العصيب كمن يصنع من الفسيخ شربات..فافرحي ايتها الامزونة..
الف مبروك للباشمهندسة وعقبال الماجستير والدكتوراة كمان
والف مبروك لعمنا ابكرون – والف مبروك للاسرة الكريمة
شكرا نيام نيام على مشاركتنا الفرحة
1000 مبروك للباشمهندسة و للأخ الكريم أبكرون و أدام الله الأفراح
ألف مبروووك لبنتنا الباشمهندسه ومبروك للأخ أبكرون ، وكما قال نيام إنجاز كبير في زمان الإعجاز هذا.
وربنا يديم عليكم النجاحات يا حاج أبكر.
وما قلت لي يا نيام عرفتو كيف؟ بشبه الجزارين واللا شنوووو؟
السلام عليكم أخواننا الذين لم نرهم
وبعد
مبارك مبارك مبارك لإخينا أبكرون ولإبنته التخرج وعقبال لكل من له ابن أو ابنه في الجامعات ( أفيدونا ياناس أيهما أصح مبارك أم مبروك)
ودمتم
كتامى ساكت فى السودان كويس ؟
مبروك وعقبال الدكتوراه بالتوفيق لكل ابنائنا وشباب المدونة
مبارك مبارك لاخونا ابكرون
ونقول لابنتنا المهندسه:ـ
صدحت زغاريد النجاج ورفرفت
في الافق افراح ا لدنا بتفوقك
وتلألأت كل العيون سعيدة شوقا
الى يوم الهنا بتخرجك
و بمناسبة نجاح بنتنا وبت أبكرون أهديكم رائعة الكابلي:
أي صوت زار بالأمس خيالي
طاف بالقلب وغنى للكمالِ
و أذاع الطهر في دنيا الجمالِ
و أشاع النور في سود الليالي
إنه صوتي أنا
أو تدري من أنا؟
أنا أم الغد أسباب الهنا
أنا من دنياكمُ أحلى المنى
كل حب في الورى رجع حناني
كل نبع دافق بالخير داني
من ينابيع يغذيها اهتمامي
أنا نصف قد حوى كل المعاني
من يدانيني أنا
زادني العلم سنا
فالنحقق كلنا
ما نرجي من منى
نحو سودانٍ جديد
يا شباب الغد أسمعني جواباً
يغتنيه الجيل في الدنيا كتاباً
إن عزمي . . . من فتاتي
مستمد فهي ذاتي
مرآة من صفاتي
فاطمئني يا فتاتي
كل ما بات يرتجى
قد سلمنا من الذلل
فالنعد ولتعد لنا
سنة الله في الأزل
فالنعد والتعد لنا
فرحة العيد والأمل
سوف نرقى سلم المجد رقياً
ونفيض العلم ينبوعاً روياً
ثم ندعو للتلاقي سوياً
ونربي النشأ وثاباً قوياً
يا أفليقا واسترايكر ومن لفّ لفهم
شوفو الكنا زمان خايفين منو ! لمان يا أولاد قلتو عايزين جريده !
بقينا نحنا نكتب أي كلام والسلام !
وجبرا يقراهو والسلام.
وين كلام جبرا الكنا بننتظره يوم الجمعه مع القهوه ؟ ؟
وين القمردينه التي خرمنا ليها خرمت من قال:
شمبات في جنب القيف
أضرب سجارة الكيف
أنا أمشي واللا أقيف؟
مجرد سؤال برئ.
سلامز
و الف الف مبروك للباشمهندسة و مليون مبروك للعم ابكرون
و نصيحة مجرب
قبل ما تشوف ليها شغل شوف ليها واسطة
هياااع هااااع هاااااع
مبارك يا أبكرون و ربنا يجعلها من باشمهندسات المستقبل العاملات…
الأخ الحاضر الغائب.. ابكرونا
تهانينا الحارة بنجاح ونخرج كريمتكم (وظيفة مهندس .. حسب علمى القليل لا تؤنث ونأمل من إخواننا البلاشفة وعلماء اللغة العربية الفصحى التنقيب والإفادة ) وربنا يوفقها كمان وكمان ويوصلها أعلى مراتب العلم .. وأهم من دة كلو يديها العريس الذى يصونها ويسترها ويرزقها الذرية الصالحة إن شاء الله …
الأخ الصادق ود البركة.. مرحباً بك نيابة عن السادة مؤسسى هذه المدونة العالمية ..وإن شاء الله تُتاح ليك فرصة مقابلتهم ودة يتوقف على موقعك الجغرافى أولاً.. إن كنت صامداً داخل دولة أمازونيا.. أو طائر مهاجر زى أعمامك شجر الدوم.. وعلى رأسهم ابكرونا والد الإبنة الخريجة والتى نحن بصدد تهنئتها ..
وأقول وبالله التوفيق أنه من الأصوب أن يقال مبارك وليس مبروك .. لأنى سمعت فى رواية… والعهدة على الراوى.. كلمة مبروك هى أحد أسماء الشيطان.. عليه لعنة الله.. ولك وللأخوة التحقق من ذلك للفائدة العامة.. والله أعلم .
مرة أخرى خالص التهانى للأخ أبكرون والإبنة الغالية.. وعقبال تحضر تخرج إخوانها وأخواتها كمان… بس ما وريتونا تخرجت من أى المجالات الهندسية ؟
ألف مبروك للمهندسة، ولوالدها، ولأهلها..
وعقبال الدكتوراة..
جعل الله علمها نافعا، وعملها صالحا. ونفع بها
آمين
مبروك للباشمهندسه و لعمنا أبكرون … خير الحصاد في هذا الزمان الذريه الناجحه .. يلا يا بتنا شدي حيلك و أفيدي البلد
عمنا ابكرون … الف الف مبروك للباشمهندس وربنا يحفظكم ويديكم الفي مرادكم … ذرية بعضها من بعض .
عمنا ابكرون :
مبروك للهندسه بمجيئها لقبا يسبق اسم كريمتكم ..
اعتقد طبعا ان حديث من عال ثلاث بنات وزوجهن له الجنه يمكن ان يتم فى ظروف بلادنا اعادة تقييسه ليكون من استطاع ان يلد بنتا من اصلو فله الجنه …
مبروك الزعيم الكارب ابكرون مبروك اختنا الباشمهندسه ويلا ابنيه البنحلم بيهو يوماتى .. وتذكرى كلما ختيتى طوبه فى طوبه ان تدعى بالصحه والعافيه لوالدنا جميعا الرائع ابكرون …
الاخ نيام لك التحيه
(وما قلت لي يا نيام عرفتو كيف؟ بشبه الجزارين واللا شنوووو؟)
سؤال اخونا سنكل لازال قائما
العم الغالي ابكرون
تحيات و تحيات
تسبق تهنئتنا أليك
و كما قيل عن النعم ,, اجلهن نجابة الأبناء ,,
مبروك للمهندسه “بت العم ” و ” العمه ” تمنياتي لها بحياة عملية ممتدة و ان لا يكون هذا نهاية الطريق الأكاديمي بل البداية .
,, و لك ودي ,,
نرحب بالاخ ابو كريم ترحيبا حار ونتمنى ان يكون اضافه مقدره للموقع ( حسب ما سمعنا ) فالبعض تسبقه السمعه قبل حضوره .. مراحب كتيره بالود وعمو .. ومن شابه عمه فما ظلم ..
سلام للجميع الحلوين المواكبين سياد الواجب
والله اخجلتمونا
الاخ نيام والسيدة حرمه حضوركما زاد المناسبة القا فالف شكر …اتصلت قبل قليل بالابنة المهندسه البرلومه (سديم) لكي تفتح الموقع وتطلع ….بعد اطلاعها قالت لي ده كلوة لي انا يا بابا …؟؟؟؟؟
…الشكر تاني وتالت لمن كتب واتصل مهنئا ولمن قرأ الشكر ليكم كلكم…..اعزائي
محنك : لك العتبي حتي ترضي لو عرفت السبب لبطل العجب (ما العجب الشين داك بتاع زووووووول )
حاج السلاوي معليش للغياب الخارج عن الارادة
ومعليش للجميع للانقطاع…..
عمنا ابكرون:مبروك نجاح أختنا الصغيرة العمر وكبيرة المقام باصلها،ربنا ينجحها كمان وكمان وصية لسديم((مبروك بداية النجاح وصلتى يا دوب اول الطريق ربنا يجعلك من الصالحات ,ما تنسى والديك من الدعاء فهم بركتك وانت فرحتهم ))
والى لقاااااااءءءءءء
مبروك الاخ / العم / ابكرون الف الف مبروك نجاح ابنتك
وتخرجها
مع تمنياتنا لها بالوظيفة والعرسة الظريفة
مهيرة