من هنا و هنااااااك

Posted: الإثنين,8 يونيو, 2009 by عزت in اخرى

قرأت مرة بالصحف اعلانا من دائرة الشرطة برصد مكافأة لمن يدلهم علي رجل يملك امتاع العقل و الروح

و العين و الفؤاد في لحظة واحدة

خنت حبيبي

أرشدتهم الي مكانه و قبضت المكافأة

 ———-  

كان رجلا هادئا مسالما و أعذبا

قرأ طالعه بصحيفة ذلك اليوم

و كان يقول”شجار يقود إلي علاقة زواج”

تهلل وجهه إذ وجد مفتاح الحل

و عندما آوي إلي فراشه ليلا

كانت مشكلته الأساسية الاختيار

فقد تشاجر في ذلك اليوم

مع ابنة عمه و صديقتها

و ثلاث من زميلاته في العمل

و بنت الجيران

“فاطمة السنوسي – مجموعة قصص قصيره- السياسة 12/4/1987

————————————-

واحدة شلوخه في خدوده      و واحده شلوخه في توبا

———-

علي غصن عار من الأوراق ذابل

حط الغراب

حل المساء

 

شيئان يسرقهما القمر

الضوء من سيقان الأشجار

و يوما من حياتي

ماتسو باشو

شعر مترجم

————————–

و من شريط ينطلق صوت مغنية لا أعرف لها اسما: “نمشي الدوحة نعمل قلق.. و يرد عليها كورس البنات

سنه يا ولد

و تستمر تلك المغنية في زحفها علي مدن الخليج و هي تزرع القلق أينما حلت بينما يواصل كورس البنات إيقاعه

سنه يا ولد…

فهن إذا قررن إثارة القلق علي نطاق العالم العربي

“يوميات محمد عبد الله الريح 10/5/87 السياسة”

——————–

أخي عزت

أنت رجل زراعي

تستطيع تشريح الزهرة

و تستطيع تعطير الناس بهذه الزهرة

و إني لشاعر

علاقتي مع الزهرة علاقة جمالية

إذن لم التصحر ؟!

أن لا تكتب .. هو الجفاف…

لأنني لا أجد أي ضرر من الكتابة …

بعد هذا التشابه

لكنني لا أدري ماذا حدث

فالكلمات من الوطن دائما تستجدى و تجتر اجترارا

و من الغربة تسيل و تندفع كالشلال

حاول أن تكتب

فاني أستحق حديثك

محمد عبد الحميد بلاش يعاتبني لعدم الكتابة إليه- 20/7/87

———————–

الوصيفة الثالثة: هل تأذن مولاتي أن نشرب كأس نبيذ قبل الأكل

الأميرة: لا بل كأسا من ضحك تجلو طيف القلق عن القلب… يا مفطورة

قولي واحدة من نكتك

الوصيفة الأولى: فأسمعن إذا أحدث نكتة

“رجل قال لزوجته: البدر يفوقك حسنا

قالت الزوجة: لم لا تذهب لتحل سراويل البدر بدلا من حل سراويلي”

(يضحكن)

لا بأس بها، لكني أعرف أخرى مضحكة جدا..

رجل قال لصاحبه

“امرأتي أشهى من كل نساء البلدة

فأجاب الصاحب

“هذا حق

امرأتك أشهى من كل نساء البلدة

(ضحك)

الوصيفة الثالثة: إيه ما أبدع هذي النكتة

الوصيفة الأولى: الضحك لذيذ

الوصيفة الثالثة: خبز القلب

الوصيفة الأولي: خمر مجانية

الوصيفة الثانية: آه لو نملك أن نضحك حتى الموت

“من مسرحية شعرية “الأميرة تنتظر- صلاح عبد الصبور 6/7/87″

——————————————

ليت الزمان يعود بنا الي الستينيات

 

ان مرحلة الستينات هي البؤرة التي التي تحج لها الذاكرة

كان الناس اخوانا بكل ما يحفر عميقا هذا التعبير، و الغناء مستعذب لصدق دواعيه و لا تلمح مظهرا يسي بعصبية الا في ميدان كرة القدم الذهبية المراحل حينها و الخالدة الرموز “كوارتي، ماجد، المحينة، بكري، جقدول و سمير ماشي. جكسا و ديم الصغير، عمر التوم و صوت طه حمدتو الندي يندى المرحلة يقسم الملعب لمربعات. و لولا براعة الشبل بندر لنائت شبك الشاطئ بعشرات الأهداف.

 

و أمطار الستينات كانت دقيقة الموعد يشد أزرها خريف صادق. أذكر أن العطلة الصيفية تبدأ في مارس و تفتح المدارس في 14/7 من كل عام و يكون هذا اليوم في العادة ماطرا.

 

كان الأغنياء الذين مكن لهم الثراء من الدخول في السياق المؤسسي يعد علي أصابع اليد و كان اللوري “الهوستن” و “السفنجات” أعلى مراحل الثراء الاجتماعي علي مستوى الأحياء و المناطق و لملاكها وزن اقتصادي يثير الضغائن الطبقية و يغذي الوجدان بالغناء “اللوري حل بي” و يا اللوري تشيل منو”

 

و استحال اللوري لمعشوق يتصل برؤية صاحبه علي صعيد المفاخرة و الأماني كناقة طرفة بن العبد و فرس أمرئ القبس فأحيط بحراكه مسميات خاصة لكبواته مثل “دق الصاج” و “كسرة عمودجنب” و فوق ذلك فهو “دود الخلا” عندما يكون يافعا و يكتب عليه “يا ساتر” لما يبلغ من العمر أرزله

 

كان ذلك نوذج الثراء في الستينات… ضاع أصحاب اللواري و حل بنا “التيسير” في وقت أحلت الدولة دمها للقطاع الخاص و فتكت بأصحاب اللواري

لا تسمع لأئمة الطوائف صوتا الا في صباح العيد تبث تهانيهم “أعاده الله علينا و عليكم باليمن و البركات و علي المسلمين في مشارق الأرض و مغاربها” يعقبه صوت ابراهيم عوض “يا صباح يا زاكي العبير سلم لي عليهم كثير”

أحن لتلك المداخلات التي انتجت “يا رشا يا كحيل” و “الحالم سبانا”… المناخات التي تتقدمها كلمة اتفضل قبل معانقة الكف للكف.

 

ما رأيت بلادا اتفق مثقفوها باختلاف مشاربهم علي تدمير و محو آثارها السمحة باسم محاربة الطائفية من مختلف المواقع و الزوايا مثل بلادنا

 

و لعمري ما ضاقت بلاد بأهلها لكن أخلاق الرجال تضيق

محمد محمد خير – كتاب أمدرمان

About these ads
تعليقات
  1. طارق أب أحمد قال:

    على سفح سحابه عاليه
    حفرا مخبأ لحبهما
    هطل المطر
    و إنسكب الحب على الجميع

    فاطمه السنوسى قصه قصيره جدا صحيفة السياسه أيام الديمقراطيه الأخيره 85-89

    شكرا عزت على السرحان الجميل

  2. سهيل قال:

    يا سلاااام .. رجعتونا خمسه و ستين سنه .. أيام ماقبل الرضاعه …

    يا سلام عليك مستر بقاريتش .. تعرف يا ريس كل مقطع من الفوق ديل يصلح بوست لحالو .. يلا فك الشفره و ياهوندا عندك خرطميه موضوع بس عاوزين الترويب…

  3. مُخير قال:

    العزيز د. عزت
    السُمار النّوار الأزهار
    مساءكم جميل
    أبو عصمت يديك ألف عافية ما أحوجنا لهذا الجمال الذي يرد الروح وينعش الفؤاد ويريح الأعصاب، هكذا إذن قررت فجأتن أن تُمطرنا بوابل من الإبداع فلك الشُكر، وطالما المزاج رايق والقعونج ما هو متضايق هاكم الكلام المُباح من روائع الشاعر الدكتور احمد فرح شادول:

    بتملي في رونق جمالك للصباح
    هو منو البقول: إنو التأمل ما مباح؟!

    اتألقي و غطي الشمس
    يا رايعة كان سقط الوشاح

    دنياك و اقدلي ما عليك
    فجة صباحاتك رباح

    اتهادي تبراكي النجوم
    و اتمادي لو طبعك أباح

    حوليك قلوب الناس تحوم
    يا حلوة و أديها الصراح

    في عيوني ترتاح مقلتيك
    وفي قلبي ينبسط البراح
    في روحي شايلك و مشتهيك
    يخوانا وين درب النصاح؟؟؟

    في غفلة الليل البهيم
    نمو ونهيم غبطة و رواح

    و نتساقى زخات الهنا
    و نناجى بسطة وانشراح

    يا بختنا الكون حقنا
    شرباتنا روح ريدة و سماح

    كان قصرت لغة الكلام
    إحساسنا بالجوانا صاح

    تغمرنا نشوة حبنا
    لا لوعة لا أسى لا جراح

    كالنسمة نسري على النفوس
    في جناحها شايلانا الرياح

    طالقين شراع الريدة “فل”
    وهوانا هبابي و صلاح

    هي الروعة منك تمشي وين
    زيدينا لو شرعك اباح

    يا ألف ليلة من الشجون
    في سيرتك أدركني الصباح

    لكني ما بسكت جوى
    سمح الكلام فيكي و مباح

  4. الغبشة قال:

    يا سلام عليكم ياسلام عزت ومخير لكم الشكر …………………………….. صدقونى لو كل مجموعه من شباب اليوم وجدت فرد او اثنين من جيلكم تاكدوا لن يضيع جيل اليوم…………………….

  5. حاج أحمد السلاوى قال:

    أبو عصمت ..وكل الأحبة ..
    الذكريات صادقة وجميلة ..ويا ريت نرجع للصفر الكنّا فيهو زمااااان . بعصرنا الألم عندما تطوف بيك الذكريات .. كل شى كان غير ..
    - سهيل .. خمسة وستين سنة .. حتة واحدة ؟ .. يا راجل .. يا راجل !!!
    - اب أحمد .. إنت كنت وين فى الستينات ؟ ..

  6. حاج أحمد السلاوى قال:

    بتنا الغبشة ..وكل الأحبة ..
    ما فات شى ..بس خليكم قٌراااااب… لأنو فى ثوابت لا يمكن أن تزول مهما تغير الزمن وتعاقبت الأجيال ..وقالوا فى المثل ..لا يصح إلا الصحيح..وقالوا برضو ..النِسا قديمو تاه ..
    ولسنا ضد التطور ..لاكين خصالنا السمحة كسودانيين ما بنتخلى عنها..
    أها قررتو شنو ؟

  7. سلامات أعزائي

    دُعي أحد الدكاترة لإلقاء محاضرة في مركز للمدمنين عن أضرار الخمر

    فأحضر معه حوضان زجاجيان
    : ‏الأول فيه ما ء ،
    والثاني فيه خمر

    ووضع دودة في ‏الماء فسبحت ، ثم وضعها في الخمر ‏فتحللت وذابت

    حينها نظر إلى المدمنين سائلاً:
    هل وصلت الرسالة ؟؟
    فكان الجواب نعم

    فقال ما هي ؟؟؟

    فأجابو:

    اللي في بطنه دود يشرب خمر عشان يصير اوكي

  8. bakriMusa قال:

    د.عزت متعك ا لله بالصحة والعافيه
    والسمار الكرام الفين سلام

    بوست جميل ورائع ..
    نحت ليكم من الذاكرة رائعة صلاح احمد ابراهيم :

    يا مرية …….. ليت لي أزميل فيدياس
    وروحا عبقرية…… وأمامي تل مرمر
    لنحت الفتنة الهوجاء في نفس مقاييسك تمثالا مكبرا
    وجعلت الشعر كالشلال …بعض يلزم الكتف وبعض يتبعثر
    وعلى الأهداب ليل يتعثر…. وعلى الأجفان لغز لا يفسر
    وعلى الخدين نور يتكسر….. وعلى الأسنان سكر
    وفم كالأسد جوعان زمجر…. يرسل الهمس به لحنا معطر
    وينادى شفة عطشى وأخرى تتحسر
    وعلى الصدر نوافير جحيم تتفجر
    وحزام في مضيق كلما قلت قصير كان الخصر اصغر
    يا مرية ليت لي أزميل فدياس وروحا عبقرية
    كنت أبدعتك يا ربة حسنى بيدي يا مرية
    ليتنى في قمة( الاولمب) جالس وحوالي العرائس
    وأنا في ذروة الإلهام بين الملهمات
    أحتسى خمرة باخوس النقية
    فإذا ما سرت النشوة في أتداعى وأنادى يا بنات
    نقروا القيثارة في رفق وهاتوا الأغنيات لمرية
    يا مرية ما لعشرينيين باتت في سعير تتقلب
    ترتدي ثوب عزوف وهى في الخفية ترغب
    وبصدرينا برميثيوس في الصخرة مشدودا يتعذب
    فبجسم إلف نار وبجسم ألف عقرب
    أنت يا هيلين يا من عبرت تلقاء ها بحر عروقي ألف مركب
    يا عيونا كالينابيع صفاء… ونداوة
    وشفاها كالعناقيد امتلاء… وحلاوة
    وخدود مثل احلامى ضياء… وجمالا
    وقواما يتثنى كبرياء واختيالا
    ودما ضجت به كل الشرايين اشتهاء.. يا صبية
    تصطلي منه صباحا ومساء غجرية
    يا مرية أنا من إفريقيا…
    صحرائها الكبرى وخط الاستواء شحنتني بالحرارات الشموس
    وشوتنى كالقرابين على نار المجوس
    لفحتني….. فانا منها كعود الأبنوس
    وأنا منجم كبريت سريع الاشتعال
    يتلظى كلما اشتم على بعد تعال
    يا مرية أنا من إفريقيا جوعان كالطفل الصغير
    وأنا أهفو إلى تفاحة حمراء من يقربها يصبح مذنب
    فهلمى ودعي الآلهة الحمقاء تغضب
    و أنبئيها أنها لم تحترم رغبة نفس بشرية
    أي فردوس بغير الحب كالصحراء مجدب
    يا مرية وغدا تنفخ في اشرعتى أنفاس فرقة
    و أنا ازداد نايا مثل يوليوس وفى الأعماق حرقة
    ربما لا نتلقى ثانية يا مرية فتعالى ووقعى اسمك بأحرف من نار هنا في شفتي
    ووداعا يا مرية

    رحم الله صلاح احمد ابراهيم

  9. يا سلام يا بكري

    أصلو فكرة البوست دا زي برامج الاذاعة بتاعت الصباح منوع بس من قبيل كنت محتار……

    كيف سندفع بغنية أو غنيتين بين المنوعات

    انت حليتا خالس بأغنية مريه

    و نحن متخيلين صوت حمد الريح

    بعد قليل موجز الأنباء و نعاود بعدها

  10. ما كتير ح ادفع
    رصيدي ما ح يقطع
    نجمة خمسه نجمة واحد مربع

  11. موجز أنباء التاسعة

    - لحد الآن لم يحضر سوى اثنين أو ثلاثة الى المكتب ليس من بينهم السكرتيرة…
    فقد كان هناك اضراب معلن عن العمل أيام الثلاثاء لحدت الخميس و الجماعة شتتو أمبارح و الظاهر الليله قفلوا أضان بطينه و التانية بعجينة و قفلوا موبايلاتهم و قعدوا في بيوتهم…… رغم رفع الاضراب اليوم

  12. حاج أحمد السلاوى قال:

    أبو عصمت ..
    معليش سؤال خارج نطاق البوست ..الجماعة أضربوا عشان شنو ؟ مطالبهم شنو ؟ منطقية ومعقولة ؟ إنت رايك فيها شنو ؟ إنت معاهم ولاّ مع التانيين ؟

    - بكرى ..مالك علينا بالحاجات الجميلة ومستحيلة دى ؟ رجعتنا سنين عدة للوراء ..وتذكرنا وتذكرنا وتذكرنا لحد ما الذكريات زااااته تعبت معانا.

    - سؤال لجميع مدونى الداخل .. اين أخونا ال 2/1 ( نص )كاشف ودالخلا .. عساهو بخير ويرفل فى اثواب الصحة والعافية ..لاكين مسجل غياب حقيقى ..بس نقول ليهو بعد البوستات القاجة دى منتظرين منو بوست… فهلا فعل ؟

  13. حاج أحمد السلاوى قال:

    تصحيح .. تعديل .. تهليل ..( وما فاتت عليكم )
    وتذكرنا وتذكرنا لحد ما الذكريات زااااته تعبت معانا ..

  14. مرحبا بكم مرة أخرى و يتواصل برنامجنا

    و شكرا لحاج السلاوي الذي سأل عن ماهية الاضراب و المطالب…. فنجيبه بأن المطالب لا تخرج عن (الماهية) و توابعها من مخصصات اذ اشتكى منفذوا الاضراب من قلة الفيران في منازلهم….. و نحن من هذا المنبر ندعو لهم بالتوفيق بتربية أسراب من الفيران ليحتاجوا بعدها الى خدمات ناس (الدفاع المدني)….

    و طبعن أنا مع التانين…. يعني حيجيبوا ليهم قروش من وين !!!!

    اتصل البرنامج بالأخ ود الخلا و طمأننا بعودته من خارج السودان صباح اليوم و يزجيكم سلامه و تحياته الى أن يعكس لكم انطباعاته من رحلته تلك…

  15. سهيل قال:

    صباحاتكم بيخيرها ..

    يا د. عزت …ناس عواطف زااااتن بعدين يتباهن بالفيران ” والله يا بت امي فارنا غليد ( سمين خلاس) .. إنتو فاركم دا مالو سجمان كدي..

    طبعآ سعادتك زي ماقلت من الجماعه التانيين.. يعني جقوركم تلخم .. يا عمو سلاوي (شرح) يعني الكديسه كان ما واثقه من مقدراتها و ضمنت سبل المخارجه السريعه .. ما بتجازف

  16. حنين قال:

    د.بقارتش والسمار بالنهار .
    كيف حالكم
    والله ياجماعة الحاجات الزمان دى سمحة لكن بينى وبينكم الحاجات الاسى أسمح وعلى أوسع كمان يعنى لو داير أى حاجة جميلة بتلقاها بس ماعليك إلا تكتب بدايتا وتقوقلا .
    لكن أنتو المن زمن النجمة أم ضنب ديل دايما تحتو للحاجات القديمة بس أصحو معانا…

  17. aflaiga قال:

    د . عزت كاتب الروائع صباحات بيض برغم الاضراب .
    طبعا لمن سمعنا بالاضراب حمدنا الله انو سمسمه حتقعد مع العيال لحدى الاحد !! فاذا بنا نفاجا بالاسره الكبيره تطلب حضور سمسمه لقضاء عطلة الاضراب معهم وانا كمان قمت مشتت لى اسرتى الكبيره يعنى البيت خلا ومعروض مفروش اربعه يوم مع خدمات الهواء النقى واللازى منو مافى سمسار كارب كده ؟؟؟
    استوقفتنى خاطرة صديقك الذى يلومك على عدم الكتابه ونحن نقول له اننا قدرنا نخلى عزت يكتب فلو لسه راجيهو خش سوداننا عشان تشوف الزول الكان ساكت وممتنع فوق راى …

  18. عارف يا (بكري) قصيدة (ماريا) دي ذكرتني أيام شمبات اذ كنت وقتها في جمعية الألبان لا أدرى لماذا هل لحبي لمنتجات الألبان أم لأنها كانت بقيادة صديقي أبوبكر و كان بها مجموعة من البنات السمحات و كان بها أيضا صديقي الساخر كمال أبودقن الله يطراهم بالخير و غيرهم ……..

    و أذكر دعائنا الذي تحقق بأن (ينصر الله الجمعية بإحدى الماريتين)

    فقد تميزت كلية الزراعة باثنتين اسمهما (ماريا) و كانتا علي قدر شديد من الجمال… انضمت أحداهن إلي جمعيتنا ثم تلي انضمام الكثيرات اللائي لا يقلون عنهم جمالا ..

    فكانت نشاطاتنا ثرة و معارضنا ملفتة و منتجاتنا قبلة للزوار في المعارض اذ كان هناك الآيس كريم و غيره من الطيبات التي تقدمها الطيبات من جمعيتنا.
    ___________________________
    أغنية (ماريا) كلاكيت تاني مرة

  19. حاج أحمد السلاوى قال:

    أبو عصمت ..
    إنت متأكد من الكلام الكاتبو فوق دا ..؟ يعنى مش خايف كدا ولاّ كدا ؟ الكلام لو وصل لحد عند عواطفكم يكون إيه موقفكم فى الأمم المتحدة ؟ غايتو يا وصلت غوانتانامو ..ولاّ أكان رحموك بيودوك لاهاى !
    إنت اقعد بارى لى ناس ماريا ديل لحد ما يغتسوا حجرك ..!!
    - بكرى ود موسى .. طلقت فينا النارية وقعدت تتفرج .. الله يجازيك !

  20. سماسم قال:

    حاج سلاوي سلامات

    بالنسبة لد. عزت ما خايف لأنو بإعتبار ما كان

    ما أظن أي عواطف تقدر تحاكم سعيد على حاجة مضت في العصر الجاهلي

    عشان كده انت لو عندك حاجات من ذالكالعصر ممكن تحكيها وعواطفك ما تقدر

    تمس شعرة

    منك ….لكن أكرر من الأمس لأنو أي حاجة بعد ما عرفت عواطفك دي محسوبة

    عليك وممكن تقوم الكتاحة

  21. bakriMusa قال:

    ابوعصمت مساك نور وعطور

    انا كنت مخصص قصيدة (بص شمبات ) لبوست اخونا السلاوي ..وما دام جبت سيرة شمبات ايام زمان نحول ليك اتجاه الباص ونرجعك لزكريات صادقه وجميله .. وخليك معانا يا سلاوي .. بس ما تحكها شديييد كده مع ابو عصمت ..هههههه

    الليلة شوف باص البنات
    عجلاتو كيف متحننات
    الكي قبل والكيس حرن
    يمشن تقول متوحلات
    لمباتو خلقه مكحلات من غير دلال
    كنباتو من داخل عدااااااااال
    شايلات بلومات الكلالي
    الحبهم في عروقنا سال
    بتزينو من أزكى العطور
    عادمو الكبير بطلق بخور
    سواقو ديمة صباحو نور
    ومساهو نور
    ورفارفو من قدام خفاف
    مضروبة بي أحمر شفاه
    وأنا بس بخاف
    وخوفي الشديد لايدك خفاف
    دايرين وصولك بالسلامة
    وتجينا يا برج الحمام
    ونتلمه في الكافتيريا كووووم
    ويتلاقو أحباباً قدام
    ونعمل تمام
    الكل حضور مافيش غياب
    كل التياب اتجمعوا
    تسمع ضحك تسمع سلام
    وتحت التحت تسمع كلام
    آآآآه يا حريم نوعكم عجيب
    مرات كلامكم لينا طيب
    لي روحنا انتو بترفعوا
    مرات علينا تزرزروا وتتأندلوا وتتدلعوا
    ولمن تحين ساعة الدفع
    نحلف يمين ما تدفعوا
    ونفضل نجيب الشاي وباللبن الحليب
    وكمان نجيب وكمان نجيب
    ليمون ملخبط في القريت وتبلعوا
    وتقدو جيبنا ونرقعو
    وتقولوا ديرين ترجعوا
    من نوعنا خالص تقنعوا
    تاخدونا طرحة بدون ايجار
    تاخدونا وينفك الحصار
    وتروحو غير ما تودعو
    راكبين علي باص البنات
    خطراتو باقة حلا وحمار
    يا ناس خلاص أنا قلبي فار
    نطرح بلاش من دون ايجار
    و جوفنا من باص البنات
    جوه الخشم فتحت غبار
    نطرح بلاش لستكنا طار
    نتعب نلقطا في الظلام
    تلقوها ميتات بالنهار يا ناس نزار
    تلقوها ميتات بالنهار يا ناس نزار

  22. زووووووول قال:

    د/عزت والسمار سلاااام
    سنه يا ولد…

    فهن إذا قررن إثارة القلق علي نطاق العالم العربي
    اولا ود الريح حساس محمد حساس كاتب رائع جدا ويستحق ان تفرد له بوست براهو وتتحفنا ببعض كتاباته الجميله .
    تانين (؟) الشئ ديل كانت طموحاتن كبيره يعنى الدوحه ودبى وبغداد الله يطراها بالخير لكن الزمن دا القصه نزلت اسفل سافلين وبقت دروشاب ياااااااا سامراااب ياااااااااا بالحلفايه ياااااااا طلعنا الكبرى ياااااااا وبقن يعملن قلق لجميع سكان العاصمه مقابل ميه وخمسين جنيه ابو الرخاء وكدا .

  23. bakriMusa قال:

    بس ما تحكها شديييد كده مع ابوعصمت ..

  24. زووووووول قال:

    بكرى موسى سلااام
    اقول :
    انى لا احسن دندنتك ولا دندنة عزت ولا دندنة مخير فى هذا البوست . كما قال الاعرابى لرسولنا الكريم عندما ساله عن ما يقوله فى الصلاة قال : انى لا احسن دندنتك ولا دندنة معاذ ولكنى اسأل الله الجنه واستعيذ به من النار . فقال له الحبيب صلى الله عليه وسلم : حولهما ندندن
    وجاييك تانى

  25. سهيل قال:

    دندندندندندندن

  26. زووووووول قال:

    سهيل سلااام
    ايه الدندنات دى ؟ لكن لقيتك دندان ورادان زاتو

  27. سهيل قال:

    طيب ما تقول ابو الدنان مره واحده

  28. بكري قام جاب سيرة البحر ……. شمبات يااااااااا

    هاكم دي من المذكرات

    بينما كنا أولاد و بنات من دفعتنا وقوفا تحت شجرة اللبخ الشهيرة بكلية الزراعة و التي كانت مسرحا لكل الخلطات التي عمر منها و التي لم تستمر و جاء من يسأل عن زميلة في الكلية…

    فقبل أن يكمل وصفه لتلك البنت عرفناها جميعا اسما و شكلا فقد كانت تثير إعجابنا و تثير غيرة زميلاتنا و دائما ما تمر كالنسيم بالقرب منا و لا تعيرنا أي اهتمام و نظل مسمرين و مشدوهين من فرط جمالها و تكاد تسمع دبيب النمل من شدة سكوتنا….. و ليها حق فهي اكبر منا قليلا و تعتبرنا مشاريع فاشلة للارتباط فكانت تتشاغل بالحديث مع صديقتها حتى لا تعطينا أي فرصة للتدخل… كانت تلبس أنيق الثياب و يكاد شعرها الأسود الجميل الطويل يتمرد فيفلت من جنبات طرحتها فتلمه بحركة برأسها تطير معها قلوبنا و تثير حفيظة زميلاتنا….

    فكن يتربصن بها حتى جاء ذلك اليوم الذي سأل أحدهم عنها و الذي يبدو انه لا يعرف اسم والدها.

    “هناء ياتا؟” قالت إحداهن “في ثلاث بنات في الكلية اسمهم هناء”

    فقال “هناء طويلة كدا و صفراء” ….

    “ااه هناء الربيتر”

    فجرت الثانية قنبلتها بكل خبث حيث لم تجد أي علامة توصمها بها غير تلك، فهناء كانت قد عادت في إحدى السنون و وصمت بالربيتر عقابا لها علي جمالها و تهافت الطلاب عليها……

  29. خالد مدني قال:

    عزت والحبان اهديكم الحاجة دي … وبرضو من الستينات !!!!

    اديني منك لون
    ومسافة بين عينيك
    اديكي مني الريد
    والخاطر الراجيك
    تبقي المسافة وطن
    ويبقي الوطن واديك …
    خليني امشي واجيك
    زي موجه عطشانة
    تحلم دوام بالقيف
    محزونة ولهانة
    ويكلمها النورس
    عن الخريف والصيف
    عن زول بريد وشفيف
    عن ريدة مجروحة
    والموجة شايله سؤال:
    الموج في يوم حيقيف ؟

  30. فعلا يا خالد ما ظنيتو حيقيف

    التحية ليك و أنت تعطر برنامجنا و خليك قريب زي ما بقول شمباتي…..

    في شمبات حليل مجلسنا
    الهوى و العفاف حارسنا
    أستاذ الغرام درسنا
    في شجر المحنة جلسنا !!!

  31. تحية صباحية ندية

    يقال أن أبا نواس لم يصدق في حب امرأة غير “جنان” فقد كانت جارية حلوة المنظر و تقول الشعر و تغني و قالوا انها عزمت على الحج فكان ذلك سبب حجه عندما قال: و الله لا يفوتني المسير معها و الحج عامي هذا فأنشد:

    ألم تراني أفنيت عمري * بمطلبها و مطلبها عسير
    فلما لم أجد سببا اليها * يقربني و أعيتني الأمور
    حججت و قلت قد حجت جنان * فيجمعني و اياها المسير

    يعني آمن عديل كدا .. ويحك

    الزول ان اباك من غير سبب ما تسكو
    امسح اسمه من خارطة ضميرك حكو
    جامل البجاملك والبدكك……….. دكو
    الناس زى الهدوم فيها الغالى وفيها الزى جناح امجكو
    واحد ساتر وواحد احسن منو تمشى امفكو

  32. سهيل قال:

    صباح الخير يا حلوين .. هاكم دي

    تَانى كاتب لىَّ خبارك
    انتَ قَايْل انّهُ لِسَّه قَلبىِ تايهُ في مَدَارَكْ
    دِىِ الدِيَارُ خَلْيتَها ذَاتَها لَمَّاَ ضَاقت بَىْ ديارك
    والبعاد الشايفو قاسى ما زمان كان باختيارك
    انت فاكر بنسى جُرحك جيت تنمق فى اعتذارك
    لما رحت تجور عليا ورحت ابعد عن مسارك
    تانى كاتب لى خبارك
    ***
    الجواب الجاى منك عندى صار ماليهو قيمه
    والهوى الكان بينى بينك عدى بالشوق والهزيمة
    وهسَّه لمّا طريت هوايا وقصة الذكرى الأليمه
    جاى تانى عشان تعاود للحكايات القديمة
    ***
    ويبقى ردى على جوابك
    يا جميل الرجعه لا…لا..

    كونى ارجع ليك تانى ألف مليون استحاله
    ما الفراق انت البديته يوم حرمت الروّح وصالا
    وانت عارف البادىء أظلم وايه لُزوم يعنى الرساله
    ***
    والكلام الفى جوابك كان بيعدِّى على زمان
    قبلما تغدر عيونك وقبلما يخونى الزمان
    انت قايل قلبى بنسى فترة الذّل والهوان
    لا..لا..لا..لا
    دىِ الكرامه العِندى أغلى من عيونك والحنان
    ***
    انت قايل انى ممكن ليك أرجع تانى مرة
    لا..لا..لا..لا
    دَا الجرح ممّا استمر لو حصل طيفك غشانى
    ومرة في ذاكرتى مره ببدا ينزف تانى مره
    وتانى مرة وتانى مّره
    يا حليل أيام عيونك كان بتلهمنى المسره
    ***
    أصْلُو كان خادعنى لونك والبريق الفى عيونك
    والكلام القلتو ليّا كان بيخدع فينى زيفو
    والجُرح في قلبي نوسر وديمه زايد في نزيفو
    …. وكنت برضو….!!
    ممكن أهديك نور عيونى شان عيونك منّى يرضو…!!
    وأصلى حاسس طول سنينى إنو أشواقى وحنينى
    نقطة الضُعف الى فينى
    ***
    الاّ هَسّه
    إنت أنسى.. وحقو تنسى
    إنو كان بيناتنا قصه
    واصلو ماتعشم عيونك
    انى بهواك انت لسَّه
    ***
    انت لو فاكرنى بحزن شان فراقك او جفاك
    تبقى موهوم في عواطفك اصلو قلبى زمان نساك
    وابتديت انساهُ ليلكْ والسنين الرّاحو ديلك
    وانسى جور كُل الاماسى الفيها كم قاسيتو ويلك
    وانت لو فاكرنى بحزن شان فراقك يا حليلك
    يا حليلك..يا حليلك

    تقريباً كاتبها مختار دفع الله

  33. bakriMusa قال:

    انت لو فاكرنى بحزن شان فراقك او جفاك
    تبقى موهوم في عواطفك اصلو قلبى زمان نساك
    وابتديت انساهُ ليلكْ والسنين الرّاحو ديلك
    وانسى جور كُل الاماسى الفيها كم قاسيتو ويلك
    وانت لو فاكرنى بحزن شان فراقك يا حليلك
    يا حليلك..يا حليلك

    معقول يا سهيل ده كلام زول ينسي ؟؟؟ ده لسع ممكون وما ظنيتو ينسى !!!

  34. مُخير قال:

    أبو عصمت صباح الياسمين
    السمار صباح الريحان واللافندر
    السلام عليكم
    راجعت بوست عزت واستمتعت مرة تانية بالتعليقات والمساهمات لكن استوقفني تعليق الفاضلة الغبشة وقد عجبني أنها أضافتني مشكورة إلى جيل عزت، وهي مفخرة لي إن كان عطائي المتواضع يرفعني إلى مصاف الكواشف، غير أن الحقيقة هي أن البون شاسع ما بيني وبينهم تجربة ومعرفة وعلماً ويمكن أن أقول سناً وإن كنت لا أعطي الأخيرة أهمية، وأذهب كما ذهب الزوووول في الإستشهاد من الأثر سُئل العباس بن عبد المطلب رضي الله عنه عن أيهما أكبر هو أم رسول الله صلى الله عليه وسلم فأجاب بأن رسول الله أكبر وهو أسن (أي أكبر سناً)، فشكراً أختي الصغيرة الكبيرة الغبشة لحُسن ظنك وتبقى المقامات محفوظة.

  35. هسة نحن اتكيفنا يا مخير لضمنا لنصف الكواشف تقوم ترجعنا تاني…

    شكرا عزيزي لتعليقك الجميل و لاثرائك الدانقا بعلمك الوافر و روحك الظريفة الذي جعلت منك تيرمومترا نقيس به جودة البوستات….

  36. سماسم قال:

    مرحب مرحب ود الخلا

    حمداً لله على سلامة العود

    ما فضل لينا إلا نسأل منك الوعد الحق

    خالص التحايا

  37. bakriMusa قال:

    ود الخلا الف حمد الله على السلامه

    ونواصل برنامج المساء والسهرة يا عزت :

    يا الليلـة بنفتـش عليك..يـا حتـة مـن لحـم الحشـا
    وبنكوس وسط كل الوجوه وجهـك ملامحـو المدهشـة
    وطلة عيونك يا جناي وكـت الزمـن خجـل اختشـى
    وكيف يا زمن بتتاتي زول علمتو مـن بـدري ومشـى
    ويـا الليلـه بنفـتـش علـيـك………………….
    عبدالله وين دخـري الحريـم وكـت المطاميـر تندفـن
    يا لقمة في بطن الصغار وكتين يفـوت روبـي السعـن
    وين شان تقدم هـا البقـر عقـب الصبـاح وترجعـن
    وين شان تعالج ها الجـرح دمعـات عيونـي توجعـن
    بتذكرك…يا أخوي دحين الغربة كيـف ……………
    ياها المتاعيس الزمان والناس مشلهتـة فـي الرصيـف
    واللقمة تاكلا وأنـت مـاش حتـة لحيمايـة ورغيـف
    والناس عجالتا في الدوام ماف زول بذكـر الله اللطيـف
    يـا الله يـا حـي يـا لطيـف ………………….
    عبدالله حال الغربة كيف..دي الناس مبشتنـة بـي وراك
    والدار مسيخـة بـلا طعـم وأمـي الحبيبـة بتشتهيـك
    عد مـا يـدور شريانـا دم ……………………..
    والوالد يسـأل عـن ديـارك وأنـت مـا همـاك هـم
    والرجعة لمتين يا حشاي مـن هـا العمـارات السجـم
    مـن المواعيـد الرمـاد ومــن الـكـلام الإنـعـدم
    من كل ملمح مـن خيـال قبـل المواعيـد تبقـى غـم
    أرجـع علـي طيـن البلـد… …………………..
    دي الناس كلاما بـلاك مسيـخ والدنيـا كلهـا انهـزام
    يا فاتح الوجع الجواي لا ترجـي لـي جرحـي إلتئـام
    أنا قلبي محروق يـا جنـاي غالبنـي بالمـرة الكـلام
    وأنا غيرك إت ما شايفة زول دي الحلة زاتا عقاب حطام
    أرجـع تعـال عـبـدالله أخــوي……………….
    كل الحواشـات تشتهيـك تسـأل محـل نختـر نفـوت
    جراية أبوي أبـت الزراعـة بنـت عليهـا العنكبـوت
    والبودة مالية الواطه تب والضي رحل خلـي البيـوت
    والزير وقع عقب السفر أرجع قبل مـا الكـل يمـوت
    أرجـع علـي البلـد القبيـل قـراك معانـي الانتمـا
    وأرجـع علـي أمـك أخيـر خلـل رويسـا وكلـمـا
    وأنعـل مبـاراة المـدن لـيـلات عقـابـا المظلـمـة
    أرجع عليـك رب الخلـق والرجعـة للغربـة الهنـاك
    حــاول قلـيـبـك حـــرم………………….
    انعل أبو الغربة الفقـر حرمـت عقـاب أمـي الجنـى
    وحرقت قلب مليون بـلاد راجيـة الزراعـة تحاضنـا
    وخلتنـا نتجـرع عـذاب نعـزف أسانـا بـدل غـنـا
    وطول خلاص بالحيـل شديـد تميـت طلتاشـر سنـة
    والشيب سكن وهـج الضفايـر فـوق رويسـات ستنـا
    وشربـت مـرارة الاغتـراب فقـدت عقابـات الهنـا
    بالحيل ندمنـا علـي مشيـك كـل المعانـي بتشتهيـك
    وأنـا مــا بغـشـك بشتهـيـك… ……………..
    ويـا الليـلـة بنفـتـش علـيـك ……………….
    ويــا الليـلـة بنفـتـش علـيـك ………………

    ودمتم سالمين

  38. خالد مدني قال:

    الرائع بكري موسي … الظاهر رجعتني للكتابة بعدما جافاني الكي بورد زمن … وجافيتو … رجعت للدانقا اياما الزمان – هي كلها عمرها كم ؟ .
    ما وريتنا القصيدة الفوق دي من عندك وللا من عند واحد تاني لكن احساسي بيقول انها من عندك … وكان دي وللا دي برضو بيقول رايع رايع … ومن عندك بغشي حاج السلاوي واحييهو واقول مشتاقين … عمنا بكتب كانو قاعد جنبك وبحجيك وما في حاجة بفوت عليهو … اما ابكرون فملح الدانقا وبشار ملاحها وملاحها وكلامن كلو مليان كلام وما ننسي نيام نيام فهو زي وتد زي صخرة زي ركازة زول عكاز كلام .

  39. الزهراء قال:

    لسـّة بيناتنا المسافة .. والعيون .. واللهفة والخوف .. والسكون

    ورنة الحزن البخافا

    تعدّى بى الفرحة … وتفوت وأمشى بى الحسرة .. وأموت

    ***************

    الأمانى الفى سفر ..

    قبل الزمن .. كايسة الموانى

    يوم تجيبنى عليك .. بصدّق

    إنو مرة الحظ طرانى

    وإحتوانى معاك شجن ..

    عذبنى قبلك..

    ولسـّة منك .. جايى تانى

    تمشى وين الخطوة عنك

    ما الزمن بى الحب

    بلاك .. وإبتلانى

    **************

    لى عيونك يا مداين الفرحة

    والحب .. والجسارة

    عندى ليك مليون بشارة

    وألف خير … والكلمة شارة

    وإنتى لمـّا الحب يهـوّم

    فى عيونى.. وفى عيونك

    يبقى حائر .. بالأمارة

    الفرح منك .. يجينى

    يعترينى الخوف عليك

    خطوة منك .. خطوة ليك

    راجى منك بس إشارة

    وكلمة تدينى البشارة

    ولاّ بيناتنا المسافة ؟

  40. الزهراء قال:

    راااانجو جربتوه راااانجو انا ضقتو رااانجو
    ترررم تررم راااانجوو

  41. الغبشة قال:

    ياروعتكم والله يا مرطب الزول احتار البوست هو التعليق ولا التعليقات هى البوست

  42. الزهراء قال:

    والان اعزائي وبعد الفاصل الاعلاني ننتقل الي شمالنا الحبيب مع الطنبور

    يانسمه مين غيرك يكسر حواجز البين
    يتحفني بي اخبار مريودي نور العين
    طولته مستني يكتبلي لو سطرين
    يحكيلي كيف حالو وان شاء الله هو زين
    مفروض يكاتبني مهما اكون انا وين
    حسب اتفاقنا الكان يوم كنا متفارقين
    رسلته مكتوبين ما جاتني أي ردود
    ان شاء الله مانعو هو خير لا يبقى صد وجحود
    يا حليلي انا الممكون وصابر على ناري
    وكل ما ادس حزني تفضحني اشعاري
    وكل العلي والبي اسبابو من جاري
    ويومي الاقصر انا ما بيقبل اعزاري
    يا نسمه قوليلو الحال وراك مايل
    والليل بلاك ليلين وديمه الدمع سايل
    قوليلو يومك داك يومي البقيت راحل
    ماقلت لي الرد ما تشيلو هم واصل
    يا نسمه عارفاني مكتول ضناني الشوق
    للبلد من جم صلحاب كري والسوق
    عمرابنا والقوزين ليهن سلام مطبوق
    خاصه المحطه تحت وقز ام شديرة الفوق
    شوق البلد جواي يا نسمه ازاني عديل
    خلاني ابكي وانوح كل ما اشوف النيل
    اطرى الجروف والناس تنزل دموعي تسيل
    يمارى لي منظر منقه و قرين ونخيل
    يا نسمه شفتي البي وتابعتي بالتفصيل
    ارجوكي سافري خلاص واوعك من التاجيل
    برجاكي فوق نارين حزني وظلام الليل
    وبصبر لي يوم يومين فيها الله بيه كفيل

  43. يا صباح يا زاكي يا زاكي العبير
    سلملي عليهم عليهم كتير

    أدخل بنورك في الحجر
    وأغري السلام كل الزهر
    قول ليهو عاشقك كان صبر
    على نار فراقك يا نضر

    اهلاً بنورك يا صباح
    من شع في الأفق ولاح
    خلى الجميع بالفرحه صاح

    حمدا لمولانا القدير
    شوف الحبيب تلقاهو نور
    اشرق معاك صحى الزهور
    غنت على حسنو الطيور
    في واحة الوادي الشجى
    فكر كتير في منظرو
    وبعيون شعاعك انظرو
    كلم ضياك ما يسحرو

    لو شاف جمال وجه المنير
    كم في الصباح منظر يسر
    كم في الصباح أعمار تمر
    تزهو البلاد والشعب حر
    نحو الكمال دايماً يسير

  44. التحية و التجلة عزيزاتي و أعزائي المدونين و شكرا لنثر الدرر و نواصل ما أنقطع من حديث……

    ففي السنوات التي خلت كان عندما يهل علينا فجر العيد السعيد ينطلق دائما صوت الفنان الذري ابراهيم عوض برائعة الشاعر عبدالرحمن الريح (يا عيد تعود يا عيد بالخير علينا سعيد)..

    فندرك على الفور ان ذلك العيد هو عيد الفطر المبارك وإن تلك الأغنية هي بمثابة النشيد الوطني لإستقبال ذلك العيد.

    أما إذا إنطلق صوت الثنائي ميرغني المأمون واحمد حسن جمعة ب:
    تعود بالخير يا عيد النحر
    والرحمة تعم البر والبحر

    فالطبع هذا هو النشيد الوطني لعيد الأضحى المبارك.

    ففي خلد كل السودانين يبدو أنه كان لا يصح العيدان بدون سماع تلك الأناشيد…..

    إلى ذلك الحد كنا مرتبطين وجدانياً واجتماعياً بتلك الإشارتين. وكانت لكل مناسبة نشيد وكان أهل الإذاعة يولون إهتماماً بالغاً بتخيير النشيد أو الأغنية المناسبة للوقت المناسب…..

    و عندما نستقبل فجراً جديداً كان يصبحنا صوت الفنان عثمان الشفيع

    داك الصباح أهو لاح يا حبيب
    كالبلبل الصداح عن قريب
    جاك يحكي ليكا
    جاب شوقو ليكا… الخ

    أو يا صباح يا زاكي العبير من الفنان ابراهيم عوض.

    وفي المساء والسهرة كان يأتينا صوت النغم الدفاق كشلالات النيل عبد العزيز محمد داؤود ( مساء الخير يا أمير/يا الحبك ملك الضمير).

  45. bakriMusa قال:

    وما تنسي يا عزت قيثارة الصباح
    ليلى المغربى….
    العطاء..والمنح..الربانى …الباذخ..
    ذلك الصوت ..الجرس وهو يرش سطوة تملكه..ويمتلك كل الحواس…وهى ترنح بعتق صفاء كل ذلك الدفق الانسكاب..وهي توشوش حبب الندى …الرقراق..فى رعش ذلك الاصطباح…والاحساس تغرقه سحابات همس الغمام..وصوت ليلى يتحلق.لينقل ويدغدق المشاعر والخواطر على اعتلاءكل عطاء الارتقاء..ويرسل غنج الهمس على خفر المساء..ليتشكل الكون بوشاحات الجمال..وينثر من نافورة عطائه كل ذلك الترطيب
    وهى تحلق بنا فوق تلك العوالم النشوه ..والنور .والفرح المجنح…وهى تنثر غلالة وهج جمالها السحر والطغيان..لتؤكد المقوله…
    سمع..وشوف…!!

    ليرحمك الله يا ليلى..كنتى وستظلين تلك القيثارة..الانسجام.

  46. bakriMusa قال:

    خالد مدني لك التحية والود

    حقيقة افتقدناك في الفترة الاخيرة ..ايوه المعايش جباره .. لكن برضو ادينا طله من وقت لاخر..
    قصيدة :
    (عبدالله حال الغربة كيف..دي الناس مبشتنـة بـي وراك
    والدار مسيخـة بـلا طعـم وأمـي الحبيبـة بتشتهيـك)

    منقووله وقدر ما فتشت لشاعرها ما لقيت..ونحنا ما قدر الكلام السمح ده..

    ودمت اخي

  47. مُخير قال:

    د. عزت سلام
    الحلوين سلامات
    روعة والله، ولا يزال شلال الجمال يتدفق وإبداعاتكم تنهمر.
    بكري موسى: إبن الشمال الجميل إسهامات مُقدرة وفلم ليلى المغربي يإضافة نوعية لسوداننا، ناس أبو عصمت كانوا بيمدوا الوصلات بس. فليرحمها الله أضعاف ما أعطت كانت تُعطر صباحات السودان بحلو القول وسلامة الإلقاء وجمال الصوت وروعة المضمون، وسيظل “نفحات الصباح” أجمل برنامج إذاعي صباحي في تاريخ الإعلام السوداني المسموع.
    ود الخلا: حمداً لله ألف على السلامة يا قبيلة وعوداً حميداً للدانقا.
    الزهراء: الصلاة على النبي مساهمات مُعتبرة وبا لروعة إختيارك لـ” الأمانى الفى سفر ..قبل الزمن .. كايسة الموانى”.
    السلاوي، خالد مدني، الغبشة، سماسم، سهيل، الزوووووول، حنين، الشمباتي: طول ما إنتوا قراب حتظل الدانقا دانقا بنكهتها ومذاقها ويكتمل الدسم بحضور عمالقة الساحة نيام، وأبكرون، وسنكل، وإبن بُرد، والبشاوي، وود الزبير، ومحمد صالح، ود. قرن شطة، وأبو المتذر، وود المهدي، ونونو، وود الفتيحاب، ومشاكل، وخندقاوي، وعباس ركس، وهمسة شوق، وأب أحمد ووووووبقية الأسماء الغائبة مؤقنا من ساحتنا.

  48. مشاكل قال:

    سلامز

    و تقولو لي علق و اكتب

    اكتب اقول شنو وسط العمالقة ديل

    و الله قريت التوبيك و استمتعت جدا جدا جدا جدا جدا جدا

    يا افليقا خلينا نعمل نايمين كدا اخير لينا

    ود الخلا
    حمد الله على سلامتك و ما تحرمنا منك

  49. الزهراء قال:

    كنت طوعت الليالي ..

    لو بإيدي كنت زللت المحال ..

    والأماني !!

    والأماني .. الدايرة في دنياي ماكانت محال

    دي الإرادة ..ونحن ما بنقدر نجابه المستحيل

    دي الإرادة.. والمقدر ما بنجيب ليه بديل ..

    دي الإرادة أجبرتني في هواكم ..من قبيل

    غصبا عني ..وغصبا عنك

    انت حبيتني.. وهويتك

    لو بإيدنا من زمااااان ..

    كنت خليتني ونسيتك

    والنهاااااية !!

    انت عارف وانا عارف

    لو بإيدي ..كان هديتك

    أصلو حبي أقوى وأكبر من إرادتي ..

    وانا حاسس في جحيم نااااارك ..سعادتي

    والهيب البكوي في روحي..

    في ذاتي..

    هو إنت

    قلبي دايرك ..

    حبي عارفك..

    في شبابك في صباااااك ..

    في جمااااالك.. في وفاك

    يا المسير!!

    يا المسير.. وماك مخير

    انت يا الصااااابر .. و عند الله جزاك

  50. الزهراء قال:

    انا قلبى عشان ينساك دايرلو تانى زمن

    عفوا حبيب قلبى ما انت لى وطن
    ***********
    انا قلبى ذنبه شنو عودته انت عليك

    علمته يبكى ينوح يوم ما يشوف عينيك

    وكتين ملكته خلاص فريتها لجنحيك

    خاطبته باستبداد قلت ليه اختار ليك
    **********

    هو الصبار المسكين راجى اليالى تروق

    لا كل لا مل لا عاتب المعشوق

    كل القدر قاله ياناس كتلنى الشوق

    والضقته فى دنياى ما ضاقه قط مخلوق
    ********
    انا يا خلائق اه ضقت العذاب اصناف

    شلت الليالى سقد تشهد تبارك وقاف

    جربت صبر ايوب كانت نهايته جفاف

    والصابنى يالمريود بالعين محال ينشاف
    *************
    لو دار تعرف البى ارجوك مرة تعال

    اقعد وعاين بس ما تسال اى سؤال

    انا يا حليلى انا اصبح يمنى شمال

    جوايا عشرة اشياء خلت حياتى محال

    حظى التعيس الشوم الغيرة والعزال

    ليل الضياع والخوف والحيرة والاهمال

    انك تملى معاى و بيناتنا كم اميال

    احساسى انى بسيط واحلامى واقفه جبال

    صبر اً صبرتو عليك ذكرنى سيدنا بلال

    حتى ان سكت انا تتكلم الاطلال

    وآخر المطاف بالليل سافرت باستعجال

    لا طلت بلح الشام ولا ضقت راحة البال

    *******
    برضك تقول لى اصبر اتحمل المكتوب

    واتعوض الله خلاص انسانى يالمحبوب

    خلتنى ذى عصفور هبت عليه هبوب

    فنتله عشه شمال شالت صغاره جنوب

  51. الزهراء قال:

    الزهراء: الصلاة على النبي مساهمات مُعتبرة وبا لروعة إختيارك لـ” الأمانى الفى سفر ..قبل الزمن .. كايسة الموانى”.الاخ مخير
    دا من ذوقك وشكرا ليك
    حقيقه وجدت ضالتي في هذا البوست لاني بحب الشعر جدا

    اخوي بكري موسى
    لك التحيه وحقيقه المرحومه ليلى المغربي لم ولن تتكرر رحمها الله رحمة واسعه
    وحقيقه فقدها كان فقد كبير
    وي ليلى بعدك الفريق اصبح خلا

  52. دا الكلام يا الزهراء …. يعني الواحد يطمئن يخلى البوست و يمشي يخمس و انت ما شاء الله عليك مليتي برنامج المساء و السهرة…

    صباحاتكم بخير جميعا و جمعة مباركة … و بدلا من (جلسن شوف يا حلاتن) نهديكم رائعة الخالدي

    أتعلمنا من ريدوه نحب الدنيا ونريده
    نرحل في عيون الناس نشيل لي كل زول ريده
    لما لقينا عينيها لقينا الدنيا وأفراحا
    ولى الآمال فتحنا دروب لي أحلامنا كم ساحة
    غريبة الدنيا جمعتنا يقولوا عليها رواحه
    وجانا الريد يعلمنا نعيش الدنيا بالا حساس

    نسامح بي قليب طيب نشيل الريده لي كل الناس
    عرفنا الريده في الطيبة وحلاوة الريده في الإخلاص
    ياريت كل زول تايه يلاقى الريده في دربوا
    زى ما الناس تحب الناس زى عينينا ينحبوا
    ما أصلوا الب يزورو الريد
    حب الناس بزور قلبوا
    وبتمني اى زول يلاقى الريده في دربوا

  53. الزهراء قال:

    د/ عزت لك التحيه وربنا يديك الصحه والعافيه وتملأ ساحات الفن والادب بتلك الابداعات
    اليوم اود ان اقدم مشاركه بين الرائع كاظم الساهر والشاعر الفنان نزار قباني

    أشهد أن لا امرأة ً

    أتقنت اللعبة إلا أنت

    واحتملت حماقتي

    عشرة أعوام كما احتملت

    واصطبرت على جنوني مثلما صبرت

    وقلمت أظافري

    ورتبت دفاتري

    وأدخلتني روضة الأطفال

    إلا أنت ..

    ::::::::::::::::::::::::::::::::

    أشهد أن لا امرأة ً

    تشبهني كصورة زيتية

    في الفكر والسلوك إلا أنت

    والعقل والجنون إلا أنت

    والملل السريع

    والتعلق السريع

    إلا أنت ..

    أشهد أن لا امرأة ً

    قد أخذت من اهتمامي

    نصف ما أخذت

    واستعمرتني مثلما فعلت

    وحررتني مثلما فعلت

    ::::::::::::::::::::::::::::::::::::::::::

    أشهد أن لا امرأة ً

    تعاملت معي كطفل عمره شهران

    إلا أنت ..

    وقدمت لي لبن العصفور

    والأزهار والألعاب

    إلا أنت ..

    أشهد أن لا امرأة ً

    كانت معي كريمة كالبحر

    راقية كالشعر

    ودللتني مثلما فعلت

    وأفسدتني مثلما فعلت

    أشهد أن لا امرأة

    قد جعلت طفولتي

    تمتد للخمسين .. إلا أنت

    :::::::::::::::::::::::::::::::::::::::::::ك

    أشهد أن لا امرأة ً

    تقدرأن تقول إنها النساء .. إلا أنت

    أشهد أن لا امرأة ً

    تتبعها الأشجار عندما تسير

    إلا أنت ..

  54. الزهراء قال:

    ( اللهم أني أعوذ بنور قدسك و عظمة طهارتك و بركة جلالك و من كل آفة وعاهة ومن طوارق الليل والنهار إلا طارق يطرق بخير ، يا رحمن أنت غياثي فبك أغوث و أنت ملاذي فبك ألوذ و أنت يعاذي بك أعوذ يا من ذلت له رقاب الجبابرة و خضعت له أعناق الفراعنة وأعوذ بك من خزيك وكشف سترك و من نسيان ذكرك و الانصراف عن شكرك أنا في حرزك ليل ونهاري و نومي و قراري و ظعني و أسفاري . ذكرك شعاري و ثنائك دثاري لا إله إلا أنت تعظيماً لوجهك وتكريماً لسباحتك أجرني من خزيك و من شر عبادك واضرب علّي سرادقات حفظك و أدخلني في حفظ عنايتك و عد لي بخير منك يا ارحم الراحمين يا ذا الجلال و الإكرام ) كان دعاء النبي صلى الله عليه وسلم يوم الأحزاب
    ::::::::::::::::::::::::::::::::::::::::::::::::::::::::::::::::::::::::::::::::::

    ( اللهم فارج الهم كاشف الغم و مجيب دعوة المضطرين رحمن الدنيا والآخرة و رحيمهما أنت ترحمني فأرحمني برحمة تغنني بها عن رحمة من سواك )

    اسأل الله ان تكون جمعه مباركه تغفر فيها الذنوب ::: آمين

  55. احنا ما عارفين و متأكدين
    يا مدونات و مدونين
    بنات حوا ديل
    في عيونا متحكرين

    جعل الله صباح يوم الجمعه لكم نور
    وظهره سروور
    وعصره إستبشار
    ومغربه غفران

    وجعل لكم دعوه لا ترد
    ووهبكم رزق لا يعد
    وفتح لكم باب في الجنه لا يسد

    و مع ديل كلهم كمان و في مغرب من جمعاتكن القريبة جدا
    يجوا الرجال لابسين عممهم

    ليغنى محمد وردي للآنسات بعدها

    شوفوني …. شوفوني أنا مخطوووووووبه

  56. الغبشة قال:

    يزيد يقيني في كل يوم
    باني كعود الثقاب الذي لن يضىء سوى مرةٍ
    واحدة
    فكن هذه المرة الواحدة
    ودعني أُضىء بحقلك ليلاً
    فوحدك تملك سر الثقاب الذي قد يضىء
    سنيناً طوالاً..وعمراً طويل
    ووحدك من تمنح العمر
    اكليل لون الحياة الجميل
    ووحدك من يقنع القلب
    هذا المشاكس والمتشكك في كل شىء
    ليقلع من عادة سيئة
    تلازمه منذ عهد بعيد
    تعاوده كل صبح جديد..تسمى الرحيل
    (( من روائع روضه الحاج))
    ياسعيد اتمنى ليك كل السعاده واليقين زايد وزايد

  57. الغبشة قال:

    واحتجت أن ألقاك للشاعرة روضة الحاج

    وأحتجتُ أن ألقاك
    حين تربع الشوق المسافر وإستراح
    وطفقتُ أبحث عنك
    في مدن المنافي السافرات
    بلا جناح
    كان إحتياجي ..
    أن تضمخ حوليَ الأرجاءَ
    يا عطراً يزاور في الصباح
    كان إحتياجي .. أن تجيءَ إليَّ مسبحة ً
    تخفف وطأة الترحال ..
    إن جاء الرواح
    واحتجتُ صوتك كالنشيد
    يهز أشجاني ..ويمنحني جواز الإرتياح
    وعجبتُ كيف يكون ترحالي
    لربعٍ بعد ربعك
    في زمانٍ .. ياربيع العمر لاح !
    كيف يا وجع القصائد في دمي
    والصبر منذ الآن ..غادرني وراح
    ويح التي باعت ببخسٍ صبرَها
    فما ربحت تجارتها
    وأعيتها الجراح
    ويح التي تاهت خطاها
    يوم لـُحتَ دليل ترحالٍ
    فلونت الرؤي
    وإخترت لون الإندياح
    أحتاجك الفرح الذي ..
    يغتال فيّ توجسي .. حزني
    ويمنحني بريقاً ..
    لونه .. لون الحياة
    وطعمه .. طعم النجاح

  58. ابكرون قال:

    غايتو جنس (تويك) حاجه روضه دي…!
    نفسي اعرف الاندياح دي شنو بالضبط…..تنداح كثيرا هذه الايام هههههه…موسمها يعني..

  59. سهيل قال:

    الحقنا يا بن برد .. ود الخلا الليله خلانا زي عمك السلاوي..

    الدحديح دي جايه من دحدوح و لا من دحيه .. و لا الدححي؟

    د. عزت .. مافي إعلانات ولا شنو … اوعك من المارشات

  60. حاج أحمد السلاوى قال:

    سجمنا .. يا ابكرون ..ما بتعرف الإندياح يعنى شنو ..مالك عاوز تخلبنا فى لسان الشباب ديل …يضحكوا علينا ويضربو بينا المثل فى الإندياح ..حسه شوف كلام ولدنا النجم سهيل جنسه شنو !!
    “الحقنا يا بن برد .. ود الخلا الليله خلانا زي عمك السلاوي ”
    كان ترسل إيميل وتسال عن المعنى ..غايتو يا ابكرون بتسوى فى جنس حاجات ..

  61. ما شاء الله عليكم و صباحاتكم خير منورين و منداحين بالجميل من الكلام المموسق ….

    و أكيد روضة حكاية كما قالوا و التي ظهرت بقوة في شاطئ الراحة بأبو ظبي خلال مهرجان شاعر العرب و قالت الكثير المثير الحطر…
    أعجبتني تلك القصيدة التي عنونتها

    في ظلها يستريح القصيد
    قصيدة بين يدي تماضر بنت عمر الخنساء

    لبيت من الشعر ظل على شرفة الروح
    كالحزن لا هو أغفى و لا هو فات

    و ختمت قصيدتها بآنها في الصف آخر الشاعرات ..!!

    قاموا الجماعة المحكمين في المسابقة انداحوا و قال أحدهم:

    ما تفضلت بذكره يا روضة يسمية النقاد بالبداهة الشعرية الآسرة، تحافظين على منظور الأنثى فلو قال رجل يطرز بيت الشعر لعافت النفس تعبيره…
    تستحضرين أنثوية الشعر في الخنساء و تنتقمين فنيا من النقاد و ترفعين لواء الابداع الجميل لكن جروح الواقع تملي عليك الندب مثلما كانت الخنساء تندب على مجريات الواقع الأليم….

    أنت جديرة بأن تكوني ليس شاعرة السودان الأولى بل شاعرة وادي النيل و شاعرة العرب…. حافظي على منظورك الأنثوي الجميل و على شجون مشاعرك لتفجريها لأن مستقبل الشعر الانثوي أصبح بين يديك ………..

    _________________
    شوفت يا السلاوي جنس الاندياح دا………!!!

  62. سهيل قال:

    فعلآ يا د. عزت .. روضه الحاج دي حكايه من الزمن الجميل .. هاكم دي

    هل كان حباً يا ترى ؟

    أنا لست عاتبة عليك

    لكن على الزمن الردى

    انا لست غاضبة عليك

    غضبى على قلب نديّ

    انا لست نادمة على شى مضى

    ندمى على ما قد يجي

    خوفى اذا سأل القصيد

    خوفى اذا هاج التذكرُ فى حشى القلب العميد

    خوفى اذا ما اجفلت

    خيل اشتياقى من جديد

    كم كنت ارجوك الملاذ

    بعتمة المطر العنيف

    كم ارهقت خيل القصيدة ترحلاً

    لك فى القفار .. النار.. والقفر المخيف

    كم بادكارك بان لي رغمي

    باني لست الا كائن الضلع الضعيف

    يا انت يا بعض اتزانى

    فى مسارات التجلد

    والبكاء السر

    والبوح الشفيف

    فاق اصطبارى

    حد ما يمليه احساس التكتم والتخفى والرجاء

    ومللت من دمع تعود ان يزور مع المساء

    وسئمت من طيفاً يزاور

    سائلاً قلبي البقاء

    وكرهت انى جئت من جنس النساء!!

    وجعى على وجع النساء

    انا لست غاضبة عليك

    يا كل اسباب الهناءة والشقاء

    غضبى على هذا الذى

    يشتاق لو يلقاك يدفن وجهه

    ولديك يجهش بالبكاء

    انا لست نادمة على شى مضى

    يا انت يا خير ابتلاء

    لكنما…

    او لست انت من استراح بباقة القلب الرحيم؟

    او لست من لرحيله …

    باتت هويته غريب؟؟

    او ليس حرفك انت اغنية؟

    يرددها الصباح كأنها تعويذة

    ويعيدها عند المغيب

    عتبى عليك اذن

    اذا هذا الزمان ابى

    وان رضى الزمان

    غضبى عليك

    اذا استحال القلب ناراً او امان

    ندمى على كل الذى سيكون

    او يا انت كان

  63. الزهراء قال:

    ونطلع للحياة أنـــداد

    أحبك…

    وحبك النادر بشرفنى

    وبى نفسى بيعرفنى

    وبالزمن اللى ضاع منى..

    بيصادفنى

    والاقيه

    على الحلم اللى غالى علىْ

    كان احلم بىْ

    صحَانى

    على استسلامى عضانى

    ووصّانى

    اغنى اغنى..

    وصّانى

    وخلانى أحس لوجودى

    فى عيونك طعم تانى

    وللفرح البعيد من عمرى

    طول أيامى ودانى

    طلعتِ علي متحمل..

    عذاب الأرض

    طالع من جرح

    قانى

    تعالى تعالى

    نتماسك على الروعه

    ونتجاسر على اللوعه

    ونتقاسم سوا..

    الهجره الطويل مشوارا

    والهجعه

    ونطلع للحياه أنداد

    زي سيفين مساهر..

    فيهم الحدّاد

    ونطلع من بذور الأرض

    زرعاً فارع الأعواد

    حبابك يا سما الأعياد

    أحبك يا ضحى الميلاد

    ويا وطناً بدون أسياد

    ويا انشاد عصافيراً

    ببالن ما خطر

    صياد

  64. ويا انشاد عصافيراً

    ببالن ما خطر

    صياد

    …………………………………..

    يا أيها الصياد الماهر
    فكر مرتين قبل أن تطلق سهمك نحو العصفور

    ………………………………..

  65. هـجرة عـصافير الـخريف
    فـى مـوسم الـشوق الحلو
    هـيج رحـيلا مـع الـغروب
    احـساس غـلبنى اتـحملو
    وكتمت اشواق الحنـيـن
    داير الدموع يتـقـلـو
    ورجعـت خليت الـدموع
    يـنسابو ..مـنى ويـنزلو

    ليـه يا عصافيـر الخريف
    خضرة مـشاعـرى اشيلا صيف
    تـحت الـغمام شـايف
    مـواكب الـهجرة اتـلاشت سراع
    ليه يـا عـصافير ليه الاسف
    مين علمك أسف الوداع
    وعارف دا ما اول سفر
    لبلاد بـعيدة بـدون مـتاع
    زى ما بتخافي مـن الرياح
    بنخاف كمان انحن الضياع
    ليه يا عصافير ليه الضنى
    صفقة جناحك احزنها

    غـايـب الـسنين الـليله
    مالو غنا العصافير غـلبو
    طراهو زولا كان ولوف
    كم رضَا خاطرو وطيبو
    سمَع قليبو كـلام حـنين
    هـدهد مـشاعرو ودوبـو
    الـناس سعيدهم فى الـحياة
    لا ضاق فراق لا جربو
    وانا حالى فى بعد الوطن
    دفـَعنى ضي العين تمن

    اغنيه كل مااسمعها اكتشف مذاق جديد في ثناياها
    الصحه والعافيه للامبراطور وردي وكل الحب لاسحق الحلنقي

    و لكم اعزائي

  66. سهيل قال:

    صحيتي اشواقي الصحت … و إتجاهلت كل الكلام

    ندهتي لي آخر حرف … جواي حركتي الهيام

    ومعلم عيوني السهر … يا ناسيه سحرك في الغمام

    انا بيك مشتاق للنعاس … ليك بشتاق يا سلام

    فاجأني صوتك في المنام … ينده علي و الناس نيام

    فتشت ليك جواي هنا … و إنتي الهناك وسط الزحام

    صحاني صوتك و ما براي … الكنت هازيني الشجن

    ما كنت اول زول يريدك … جواهو اشواقك حضن

    إتوسد الليل و السهاد … عذابو ساكن في الوجن

    يا ستي مشتاق ليك كتير … مستني خطواتك يجن

  67. الزهراء قال:

    د/ عزت / من غير ما اشعر بدأت أمارس هوايتي في الالقاء وبصوت مسموع لقصيدة عصافير الخريف

    غـايـب الـسنين الـليله
    مالو غنا العصافير غـلبو
    طراهو زولا كان ولوف
    كم رضَا خاطرو وطيبو
    سمَع قليبو كـلام حـنين
    هـدهد مـشاعرو ودوبـو

    ربنا يديك العافيه ودايما تبعث جوانا الاحساس بالجمال والامل
    وعآآآآرفه رأيك يا الغبشه اوعك تقولي أي حاجه

    يا هندسه يا سهيل ممكن تذكر لي اسم شاعر القصيده الكتبتها لو سمحت

    ابكرووون فضيحتك بجلاجل
    يا أخوانا ما تجرسوا الراجل مشوها المره دي ولا يقوم يشيل ليكم فاتحه يجيب خبركم
    ولا شنو؟

  68. الغبشة قال:

    الزهراء:بس حبه اقول حاجه صغنونه((……………))

  69. الغبشه صباح الخير

    يعني احنا قلنا تبدي برنامج الصباح الليلة تقومي تفتحي لينا قوس…

    ما يهمك نخلي مصطفى سيد أحمد يقفل لينا القوس….. رحمك الله
    _______________________________

    حاجة فيك تقطع نفس خيل القصائد

    تشبه اجراس المعابد

    توهتني .. جننتني .. تعبتني ..

    جننت حرف الكلام

    وبرضو ادتني السلام

    حاجة فيك شرف المدائن ..

    في غرف كل السفائن

    جوه في عمق المدائن والعيون

    حاجة زي ما تكون محلق في العواصف

    فجأة تهبط للسكون

    حاجة زي نقر الاصابع لما ترتاح للموسيقى

    حاجة زي اخبار تناغم من جريدة

    حاجة زي وتر المواني

    لم يصدح زي سفينة

    حاجة فيك

    حاجة فيك لا بتنتهي ولا بتتنسي

    خلتني ارجع للقلم اتحدى بالحرف الالم

    واضحك مع الزمن العريض

    وافتح متاريس الطريق

    واعرف متين ابقى المطر

    واصحى متين اصبح حريق

    حاجة فيك

  70. كنت عاوز أرفع ليكم الفيديو بتاع موسيقى “حاجة فيك” لبدرالدين عجاج غايتو قدرت ختيت الرابط أعلاه…..

    رحمكما الله الاثنين بقدر رحمته التي وسعت كل شئ…….

  71. سهيل قال:

    صباح الفل ..

    د.عزت : تشبه اجراس المعابد ولا تشده

  72. سهيل قال:

    الزهراء .. شاعر القصيده هو

    عبد الله وداعه الأمين

    عذرآ سادتي النص الصحيح هو :

    صحيتى اشواقى السهت

    واتجاهلت كل الكلام

    وندهتى لى آخر حرف

    جواى حركتى الهيام

    يامعلمه عيونى السهر

    ياناثره سحرك فى الغمام

    انا بيكى بشتاقنى النعاس

    وليكى مشتاق ياسلام

    فاجأنى صوتك فى المنام

    بنده على والناس نيام

    فتشت ليك جواى هنا

    وانتى الهناك وسط الزحام

    صحانى صوتك وما براى

    الكنت هازينى الشجن

    ماكنت اول اول زول بريد

    جواهو اشواقك حضن

    واتوسد الليل والسهاد

    وعذابو ساكن فى الوجن

    يا ستى مشتاق ليك كتير

    مستنى خطواتك يجن

  73. الزهراء قال:

    الغبشه كان تنضمي كان تسكتي حتقري القصيده دي
    أرجو ان تنال اعجابكم

    كان نفسى أقولك من زمان

    بى الكاتمو فى سرى .. ومكتـّم فى حشاى

    مدسوس سنين

    بى الشايلو فى عيني معزّة

    وفى القلب

    ريداً يخاف الغربة والشوق .. والحنين

    زاملنى زى خاطر الفرح

    وكتين يقاسم الهم .. عزا

    وكتين مدامعى تكون جِـزا

    وتفتح مباهج الليل .. ظنون

    **************

    كان نفسى أقولِّـك من زمان

    سطوة محاسنك عندى ما كسرة ..جفون

    وكت العيون تعبرنى زى خاطر المسا

    سطوة محاسنك ما الرخام .. الفى الحرير

    وكت الثغير يفجعنى

    بى حرفاً .. قِـسـا

    سطوة محاسنك عندى وكتين كبريائك ينهزم ..

    لى طيبتى .. بى لفظة حنان

    وكتين مشاعرك .. تنسجم فى عمرى

    تنفح قلبى بى رعشة أمان

    سطوة محاسنك عندى

    وكتين شوقى يصبح فى هواك

    ليل عزّة

    ما بتعرف هوان

    ***************

    كان نفسى أقولك من زمان

    عينيك وحاتك غربتى .. وأهلى

    وبلادى الفيها ضايع لى زمن

    عينيك وحاتك شوقى لى زولاً ولوف

    من بعدو ساب عينى .. سهن

    وانا كنت داير من زمان

    أشرح حكايتى معاك ألف

    أحكيك .. وأزيد القول .. إلِفْ

    وأتمنى لو قلبك عرف

    كان من زمان

    من قبل ما فى قلبى يتحكـّر

    زمان الغربة فى جرح الأسى

    من قبل ما حرف الحقيقة الحلوة

    .. يتبدل عسى

    ويصبح أمانى كسيرة

    .. فى خاطر الحنان

  74. الزهراء قال:

    د/عزت لك التحيه وخليتني اسرح مع مصطفى سيد احمد رحمه الله
    الحزن النبيل
    وبقيت أغنى عليك ..

    غناوى الحسرة والأسف الطويل

    وعشان أجيب ليكى الفرح

    رضيان مشيت للمستحيل

    ومعاكى فى آخر المدى

    فتينى يا هجعة مواعيدى القبيل

    بعتينى لى حضن الأسى

    وسبتينى لى الحزن النبيل

    ***************

    ومشيت معاك

    كل الخطاوى الممكنة

    وبقدر عليها .. وبعرفا

    أوفيت وما قصـّرت فى حقك

    ولا كان عرفة غيرك .. أصادفا

    وقدر هواكى يجيبنى ليك

    جمـّع قلوبنا .. وولـّفا

    وكتين بقيتى معايا .. فى أعماقى

    فى أعماق مشاعرى المرهفة

    لا منـّك إبتدت الظروف

    ولا بيكى أنتهت الأمانى المترفة

    ***************

    ندمان أنا ؟

    أبداً وحاتك .. عمرى ما شلت الندم

    ما أصلوا حال الدنيا .. تسرق منية

    فى لحظة عشم

    ندمان أنا؟

    وأنا عندى ليك كان الفرح

    رغم إحتمالى أساكى يا جرح الألم

    وكان خوفى منك

    جايى من لهفة خطاك على المواعيد .. الوهم

    ندمان أنا؟

    أبداً وحاتك .. عمرى ما شلت الندم

    أهو نحن فى الآخر .. سوا

    باعنا الهوى

    وماشين على سكة .. عدم

  75. سهيل قال:

    طيب يا د.عزت … دا من هنا المن هناك شنو ؟

  76. الزهراء قال:

    د/عزت ما تخلي الفريق خلا لابد ان البوست ده يستمر في الواجهه

    فانأخذ اتكاءه صغيره اعزائي تحت دوحه الرائعين حسين بازرعه وعثمان حسين

    لا تَسلْ عَني لياليَّ حبيبي لا تَسلْ
    لا تَسلهَا فَهي حلمٌ عابرٌ طاف بِذهنِي
    لا تسلهَا كمْ تَعانقنا عَلى رِقة لحنِ
    و قَضينا الليلة الأولى حديثاً وَ تَمنِي

    لا تَسلْ عني لياليّ فقدْ بِتنَا حُطاما
    كم حَرَقناها شُعوراً وأماني و غرامَا
    و سَلِ الشاطئ لمَّا كنت ألقَاكَ دواما
    و نُذيبُ الليلَ هَمساً و عِناقاً و ملاما

    يا حبيبي أنت ألهَمتَ أغانيَّ و جَرسي
    أنت في وحشة أيامي ندى أَورَق أُنسِي
    أنت في عُمري ربيعاً دافئاً يملأ نفسي
    أفلا عُدت و عادت قصة الحُبِ كأمسِ

  77. كتر خيرك يا الزهراء الخليتي نار البوست قايده……. باقي الليلة كت مشغول شديد…… التحية لحسين بازرعة و عثمان حسين البكو السغار و القدرهم

    ناس القبلة السكرى….. أها بمناسبة السكرى دي هاكم بعض خمريات ناس زمان

    الماء في حياة الناس كلهم +++ و في النبيذ اذا عاقرته الداء
    أما النبيذ فقد يزري بصاحبه +++ و لا أرى شاربا أزرى به الماء

    قال جرير و هو يهجو:
    شربت الخمر بعد أبي غويث +++ فلا نعمت لك النشوات بالا
    تسوف التغلبية و هي سكرى +++ قفى الخنزير تحسبه غزالا

    بت أشكوه لنجم في الليالي لمع
    و لغيم عندما رق لحالي دمع
    و لطل فوق زهر كالآلئ جمع
    يا نديما عب من كأس الصبا و سقاني
    ثم عاف الكأس عاف الملعب
    “عبد العزيز داؤود”

    و عتيق قال ليكم
    قوم نرتشف خمر الهوى — ونذكر احاديث الغرام
    علي شاطئ النيل السعيد

    انتو ما في رحلة قريب و الا كيف يا “السعيد” !!!

  78. موجز اتناشر

    بكرة حيلبسوا ناس بقاريتش “الروبات” و البدل و القمصان عشان يخرجوا مجموعة تقدر بثمانمائة و خمسين من حملة الدكتوراه و الماجستير و الدبلوم العالي في وجود رئيسكم مين…..

    التحية لأكاديمية السودان للعلوم و هي تحتفل بعيد التخريج الأول بسوبا (مقر ابحات الطاقة) جديرا بالذكر أن الأكاديمية هي جامعة حكومية ذات صفة خاصة تمنح الدرجات فوق الجامعية و تعتبر مراكز البحوث و هيئاتها بمثابة الكليات التي يعمل بها الطلبة……………………………. و الطالبات كمان

  79. سهيل قال:

    يلا يا د.عزت .. بمناسبة الناس الفاتتهم الرحله الفاتت و كيه في ناس شمباتي و سلولو .. عايزين رحله كاربه .. و عليك إنت بعد التخريج تجي تعمل بيها بوست و تلم الشيرنق .. بس ماتعمل بيهو يعععععععع.

  80. الزهراء قال:

    التحيه لك د/ عزت ولكل القائمين على رفع مستوى التعليم العالي في بلادي
    التحيه لكل الخريجين من حملة الدكتوراه والماحستير
    وعقبالنا ان شاء الله
    يا سهيل الشيرنغ تخصص اخونا استرايكر الله يديه العافيه

  81. فلق الصباح قول لي
    أهو نورك لاح خلي
    يا خفيف الروح
    هو هذا نــــداك ام ندى الازهار..!

    من جنان رضوان أصلك
    لذا كل ربيع فصلك
    يتنفس فــــــوح
    تتنفــــس ناس ورياض وبحار

    ما ألذ نسيم وصلك
    ما رأيت يا جميل مثلك
    يا بليل الســـوح
    هو هذا هــــــواك ام هوى الاسحار

    إنت روضه و ليك زهره
    ولّا كوكب و ليك بهره
    ضمخوك للجــــبير
    زعفران و عــــــبير
    إنت نار فى بهار

    صبغ الخدين حمرة
    بعد ساعه بشوف صفرة
    الاصفرار ده كتير
    أخجلوك يا أمــــير
    وله نمت نهار

    صبح البستان شايل
    شجر الرمان مايل
    السلاف فى الدنان
    والكنار فى حنان
    و الََهَزَار فى إزار

    إنت كالطاووس خائل
    كبرياءك و فيك خايل
    انزل إنت كمان
    غنِّ قول يا زمان
    وين حبيبى آذار

    ما عرفنا عدوك ذاهل
    ولّا لسه غلام جاهل
    متهلك صــــــــيف
    شتا عندك كــــيف
    فى اللعب بالنار

    فى لهيبك أشوف ساحل
    كالفراشه أجيك راحل
    أنا خايف كــــــيف
    يا لطيف الطـــــيف
    أهوى و أبقى فى نار

    فلق الصباح نوّر
    لى نحور الغيد صـــوّر
    تجمعن فى الدُور
    من خدود و بــــــدور
    َصَََدََفات و ُمحََّّـــار

    عزه شوفى الحوش نوّر
    بى نجوم الليل غوَّّر
    با صباح النـــــور
    على العيون الحــور
    والخديد الحــار

    عزه قومى كفاك نومك
    و كفانا دلال يومك
    إنت يا الكبرتوك
    البنــــات فاتوك
    فى القطار الطــار

    عزه شوفى شباب قومك
    سبقوك على كومك
    بت رجال ولــــدوك
    للقبيله هــدوك
    إنت عز و بطــار

    الجمال فى كمال وصفك
    أدبك وكمال لُطفك
    الضمير كالعــــــود
    والعيون الســـود
    فى البطانه كتار

    منزلك عُنوان ُظرِفــك
    نوريه يصون إلفك
    زعلك يا أم خـــدود
    سوِّى ليه حـــدود
    و منه يا ستار

    فلق الصباح وردة من بستان الحقيبة العظيم

    نعم انها الاغنية الجميله فلق الصباح ….. فيفا الكاشف

  82. aflaiga قال:

    عزت : والله الغنيه بتاعة فلق الصباح دى مبالغه والابدع من ده كلو روعة اللحن – الجارى الكلمات وفصل منها انشوده جميله تحس بانها بتصحيك الصباح وتنشط كل حواسك وفى نفس الوقت ترجعك السرير تانى من الاسترخاء والتطريب العالى ولا رايك شنو ؟؟؟

  83. الزهراء قال:

    الاخوه الاعزاء دعونا نبحر سويا في مياه الصوفيه والمدائح النبويه وقد كان اختياري مدحه اولاد حاج الماحي وهم مفخرتنا في مدح الحبيب عليه افضل الصلاة والسلام

    سمح الوصوفو

    سَمح الوصوفو يا رب نشوفو حَرَمو وسُرُوفو ..نَعقِبْ نطوفو
    الراوي سَمّ ونقّر دفوفو *** مَدحاً مُوزّن ..فوق الحُروفو
    بالألف.. الله ربي اللطوفو *** بالباء .. بهلّو الأسرار في جوفو
    بالتاء …. توانى مِسْكو العَسوفو *** بالثاء .. ثنايا بَرقاً خَطوفو
    يالجيم .. مجمّل سمحات وصوفو *** بالحاء .. حُيُالو ضرع العجوفو
    بالخاء ………..لخلقو ينظر يشوفو *** بالدال .. دَواياَ للصايبو جوفو
    بالذال ..لى ذكراً شاع في الخيوفو *** بالراء .. رءوفاً للناس عَطوفو
    بالزين ……. لى زياً يوي العَكوفو *** بالسين .. يساعد للكان لهوفو
    بالشين.. شفاعتو يوم الوقوفو *** بالصاد .. صحابتو شايلين سيوفو
    بالضاد .. يضوّي بين الألوفو *** بالطاء .. مُطهّر قلبو الرؤفو
    بالظاء.. يظِلّو الغيم رفوفو *** بالعين ..علامتو فوق الكتوفو
    بالغين .. غَفَرْلو وأمّن لى خوفو *** بالفاء .. فصيحاَ للسر كَشوفو
    بالقاف ……. قفّل باب الخسوفو *** بالكاف .. لى كفاَ ينبع سُرُوفو
    باللام ….. لِماهو يا رب نشوفو *** بالميم .. معاهو يوم الوقوفو
    بالنون .. نروّح لى ذاك غوفو *** بالهاء .. نهاجر ونسعى ونطوفو
    بالواو …ولامِن آخر الحروفو *** بالياء.. يمينو يكرم ضيوفو
    يا ربّي سَآلك تقبل لى مطلب *** تعطيني جملاً كَبِبي أصهب
    مُو الدون قِصيّر وماهو المشقلب *** أصهب بشاري طايع مأدب
    صدراً مفجَّج في شوفتو ترغب *** سَرجاَ سناري محكوم مذهب
    والفروة مِرعِزْ اتنيها واركب *** فوقو إن رفعت من حينو جَلّب
    قُلتْ يا سلاماً أقبل وقبقب *** تسمع مشيهو رجليهو طَبْ طَبْ
    ينسف دوايرو بينات يلعب *** ليهو المسافة تِنْصّرْوتقرب
    الماحي فوقو بىمدحو يطرب *** بى زمزميتو والزاد محقّب
    إن ردت تاكل وإن ردت تشرب *** هوِّى ومُناي في ام سور وكوكب
    القبة خضراء ونساما هبهب *** نوصل نزورو وفي شفاعتو نُكتب

  84. البشاوى قال:

    دوك عزت وسما ره
    عفوا للانقطاع والذى جئنا بعده فوجدنا الناس قد انداحت شعرا ولوعة وطربا
    غايتو جنس عمايلك دى يادكتور يوم بتكتل ليك زول منداح على واحدة القصايد الجميلة البتنشرا دى

  85. تحية كبيرة ليك يا البشاوي

    ما قالوا المرض ما بكتلو زول (مرض حامد)…

    و تحية مثلها و أكبر يا الزهراء لهذا الابداع … غايتو أنا كدا مطمن انو المدونة كسبت جهابذة في الشعر و النكتة و الطرب و كمان مديح …… ما قصرت

    طبعا ولاد الماحي ديل حكاية و لا يستقيم المديح بدونهم الله يرحم كبارهم و يطرى بالخير صغارهم الذين استلموا الراية و استمروا في تعطير ليالي الخرطوم بالجميل من شعر حاج الماحي و مدائحة التي تدخل الى القلب مباشرة …

    و يا رب رحلة جماعية كلنا كدا مدونين و مدونات الى حَرَمو وسُرُوفو .. عشان نشوفو و نَعقِبْ نطوفو

  86. احبائي الليلة من الصباح ما عارف مدوره في راسي أوبريت (سودانية) أنشودة الهجرة والاغتراب…
    بعد قريت جرايد أمبارح و هالني ما فيها من نعرات الانفصال و التشرزم

    ألف رحمة و نور يا الشريف الهندي….

    انها أغنية حب وتصد وعرفان، حداء الذين خرجوا من أوطانهم فالتصقت بأرواحهم ووجدانهم وظلت تتفتّح صوراً يعيشونها بأعماقهم.. ترطّب لهم هجير الغربة وتحدو لهم ركب العودة الحثيث، إنها ليست من تأليف أحد إنما هي مشاعر قوم وموال أمة.. إنها ليست غناء.. إنها عزف هادئ رزين على أوتار الحقيقة… إنها ليست ذكريات إنها هي رفق حي لواقع ملموس معاش مستمر.. إنها ليست رثاء إنما هي ملحمة الحماس اللاهب لانطلاق الشباب المغذى بحكمة الشيوخ.. إنها عروة وثقى تشد أهلها برباط محكم فلا يتحطمون للمحن وإنما يحطمونها ولا يتراجعون للعقبات وإنما يجتازونها ولا يضعفون للصعاب وإنما يطوّعونها إنهم جيل ضرب له موعد ثان مع القدر وتعين له لقاء جديد مع التاريخ والحرية، إنهم جيل البطولات وجيل التضحيات وجيل الفداء.. إنها من تأليفهم جميعاً ومن أدائهم جميعاً في عزف موقّع من سيمفونية الخلود مع اوركسترا الحق والصدق في مهرجان الشروق الجديد بعد ليلهم الطويل الوبيل».

    هكذا قال “الشريف” في أنشودته الخالدة للوطن وهو يصوغ كلماته بهذه المعاني الرفيعة ويقدِّم وصاياه من أجل الحق والخير والجمال.

    مساهر ليلك الطوّل نجومو هجوع
    وغرقان قمرو في جوه السحاب مصروع
    بصارع فيك ضلام تمن سنينو سبوع
    وأراقب فجرك الأذن زمانو سطوع
    وها هو الشاعر يقش الدموع ويغسل تراب الهجرة وينقل لنا هذه الأغنية المصوّرة
    واقش منك دموع الضيم على خدودك بتتحدّر
    وأقبّل فيك جبين مرفوع كرايه النصر
    وبيرق عزة رفرف في رطاب فاتحين
    واغسل لك تراب الهجرة بالإيدين
    وأحيك المجد مدخورك سنين ودنين
    ومن حبوبتك الوقفت ترد الدين
    وتطرد حمله الباشا ومع الغازين

  87. و بالتالي تذكرت مريض الحب “طارق الأمين” و علاجو الحب

    بحب بالجد
    و من غير جد
    أحب بالجملة و التقسيط
    أحب بالدور بدون فطفيط
    أحب من كسلا لي مليط
    أحب من حلفا لي توريت
    أحب من غير عذر و أسباب
    و أزيد كل ثانية في الأحباب
    أحب الجامعة و الطلاب
    أحب الثانوي و الكتاب
    أحب الوالي و الأرباب
    و أموت في كورة الشراب
    أها مالكم … شنو ليكم؟

    و تاني يا البشاوي فكينا السقف

    و موعودين بباقي القصيدة و خليكم قراب

  88. ايه دا

    “خديجة وأعت من البلكونة” و هي بتبص على الجيران

  89. ابكرون قال:

    هههههههه
    والله اليوم عزت مفعم بالهناااااي يكون مالو ؟؟؟؟؟
    يكون منداح ؟؟؟؟منداح يعني شنو يا البش؟
    انا غايتو بحب القلتهم ديل كلهم الا الوالي والأرباب…! وضيف لمنظومة الحب
    بحب زولا قريب للعالياب
    بحب ام فتفت والفولاب
    ما بحب الدلكي ولا الفركاااااب
    وبكره زيارة السامراااب
    وضيف ليها الدروشااااب

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s