قالت اليهود خليل ابننا وقالت النصارى عبد الواحد ابننا !!

الثلاثاء,30 يونيو, 2009 من تأليف aflaiga

تناقلت الانباء زيارة قام بها د . خليل لاسرائيل مؤخرا ليشحذ الدعم السياسى والعسكرى لمواجهة النظام السودانى . دعونا نناقش ابعاد الزيارة من حيث المكسب والخساره لحركة خليل ولحكومة الخرطوم ولطرفى التمرد خليل وعبد الواحد وللقضية الدارفورية بشكل عام .

أرسلت فى اخرى | تعليقات

12 تعليقات

على الثلاثاء,30 يونيو, 2009 في 1:35 م | رد aflaiga

شباب : معليش نلنا موضوعين مع بعض سريعين وتعليق سريع لانو حننقطع منكم تانى فتره بتاعة عم خارج الشبكه لحدى ما نجى نعمل توكيل لى منو بالبوستين ديل ؟؟؟
على الثلاثاء,30 يونيو, 2009 في 6:15 م | رد بشار أحمد بشار (إبن برد)

أفليقا : هو د/خليل ده ما واقعة ليهو ولا واقعة منو ولا من دلالو ولا مالو؟؟؟ مالو بضهب في اسرائيل اليمشي أمريكا (أديييييل) كدة ست الجلد والراس وهو ما عارف قصة الغرام والغزل بين أمريكا والنظام السوداني ولا عامل فيها رايح ولا ما (إندو) رادي؟؟؟
على الأربعاء,1 يوليو, 2009 في 7:38 ص | رد مُخير

العزيز أبو حمودي
العلامة إبن برد
الحبان في كل مكان
السلام عليكم
ياخي الراجل ده حير حناني ذاتو .. ياخي ده طلع بايع دينو ووطنو وقضيته ذاتها وده كلو من شان المصاري على قول الشوام وبالتالي مافي شاري غير الصهاينة وطبعن الزول كان عندو حاجة الناس بتجيهو مش بيمشي ليهم، لكن اليهود أولاد الصرمة ما بيدو دولار كان ما عارفين وراهو عشرة والكابتن شكلو أسهمو قلت ونازلة وهو عارف القصة قربت تخلص وأهي فرصة يمشي يضايق عبد الواحد بغادي ويطلع ليهو بقرشين قبل ما المولد ينفض !!!
ياخوانا في قصة الراجل ده عبرة بالغة !! كيف يمكن للهاث وراء الثروة والسلطة أن يقود من كان حركة واتجاه إسلامي ووزير وغيرو إلى أن ينتهي به المطاف في أبواب الصهاينة، معنى الكلام ده في ناس كثيرة دينها السلطة وربها الدولار والعياذ بالله، اللهم لا تجعل الدنيا أكبر همنا، ولا مبلغ علمنا، ولا إلى النار مصيرنا، واجعل الجنة هي دارنا، ولا تسلط علينا بذنوبنا من لا يخافك فينا ولا يرحمنا، برحمتك يا أرحم الراحمين
على الأربعاء,1 يوليو, 2009 في 11:26 ص | رد sakouta

سلااام للحبان والله يكون فى عون السودان
على الأربعاء,1 يوليو, 2009 في 12:19 م | رد سهيل

سلام يا فرد يا زينيين ..

والله يا عبدو إنت براك عارف رأيي في الأشكال دي من البشر.. و زي ما قال عمنا بشار .. هو الزول دا ما عندو رادي ولا شنو ؟ .. الناس ديل ما بيتعظو و لا بيتعلموا من اخطاء بعض ولا شنو ؟ مفروض اي واحد فيهم يعرف إنو بمجرد تفكيرو مشى على إسرائيل اكيد حيفقد قاعدتو هنا و سينظر إليه على انه الخائن الأعظم … و لا خلاص صاحبنا زهج من الحر و الدرشه و شغل الميدان و قال اخير نمشي الفنادق و( نرتاه هبه) زي ناس ابد الواهد .. ياخوي ديل ناس ماعندهم اي قضيه و دارفور بريئه منهم .. نحن ما نخلي كرهنا للنظام القائم يشوش على الحقائق .. انا القدامكم دا لو ابوي قبل علي اسرائيل بنكورو و بقطعو معاهو ناشف … و بغير إسمي مره واهده.. وقع ليكم ولا نقوم ننطط..
على الأربعاء,1 يوليو, 2009 في 1:51 م | رد د.ياسين شمباتى

سلام للاحباب..

والله ما عارف اقول يا بخت اليهود والنصارى بيهم ولا اقول وا مغستهم وخم رمادهم!!! لكن بالتأكيد خسارة على المعسكرات اليهودية والنصرانية انضمام مثل هؤلاء المرتزقة الى صفوقهم,فمن خان وطنه مرات,يسهل عليه خيانة الغير مئات المرات..ربما دافع البعض فى زمن سابق عن زيارة عبدالواحد بحجة ان له رعايا هناك,فما حجة هذا الاسلامى المتلون د.خليل؟؟
لا اعتقد انهما سيجنيان اى مكسب من هذه الزيارة,بل سيخسرون بها دعما عالميا نسبة لكراهية معظم الشعوب لاسرائيل..وبعد دا كلو ربنا يكضب الشينة..لانو من الواضح انو اسرائيل بدأت تتحرك جديا نحو حوض النيل,وما تصريحاتها الاسبوع الفائت ببعيدة عنا..

لك الله يا وطنى الجريح…
على الأربعاء,1 يوليو, 2009 في 1:53 م | رد د.ياسين شمباتى

سهيل يا اخضر انت..قوم نطط !!
على الأربعاء,1 يوليو, 2009 في 2:15 م | رد زووووووول

الاخوه المدونون ثرو افليقا سلااام
ظروف خاصه ومشقوليات(لاحظ القاف ) قاهره حالت بيننا وبينكم . كنت انوى المشاركه فى ما طرح لكنها الاقدار وفشان كدا قلنا نسلم عليكم وكدا
لكم خالص الود والبت زاتا .
كسره : والله فافه نطلق بيها المرا ولا نحك بيها راسنا ما لاقين وجايييكم
على الأربعاء,1 يوليو, 2009 في 2:30 م | رد د.ياسين شمباتى

زوووووول..وينك يا راجل؟؟ والله انت متحيل ساكت!!!!
على الأربعاء,1 يوليو, 2009 في 3:17 م | رد سهيل

زووووووول : كسره : والله فافه نطلق بيها المرا ولا نحك بيها راسنا ما لاقين وجايييكم
فافه دي يعني شنو ؟

مبروك للأحمر
على الأربعاء,1 يوليو, 2009 في 4:56 م | رد حاج أحمد السلاوى

سهيل ..
سجمنا يا سهيل .. ما عارف فافة يعنى شنو؟ …دا إنت الكنا قايلنك كاتل الجدادة وخامى بيضها ؟..طلعت ما عارف فافة يعنى شنو ؟..وخليكم شاهدين يا جماعة .. أهو قاله بعضمة لسانو ..فافة يعنى شنو .. خلاس خلى الزووووول يديك فيها درس عصر .زوالمصاريف على أنا …بس إنت امشى الدرس ..
فرصة … فرصة … فرصة ..قد لا تتكرر تانى .
على الجمعة,3 يوليو, 2009 في 1:38 م | رد الصادق ود البركة

السلام عليكم جميعاً وجعل الله جميع أيامنا جمعة لما فيها من الخير والبركة
شكراً حاج أحمد جزيلالالالالالالالاً على التفاعل والاتصال وجزاك الله خيراً والي لقاء قريب وجهاً لوجه
بصراحة ناس دارفور التقول نسو حكاية الولاء والبراء واتجهو نحو المغضوب عليهم ونحو الضالين وبعدين مافي داعي لظهور بعض آثار الجاهلية في تعليقات البعض ودمتم