بناءً على طلب الزهراء وسهيل

Posted: السبت,24 أكتوبر, 2009 by ودالزبير in ادبية

شوفوا يا شباب من يوم الخميس وأنا بفكر في عنوان للبوست ده فكرت في تكريم المبدع السر قدور تاني قلت الصادق المهدي الرجل الشامل ومشيت لمنور الشاشه يا جمال الوالي ونطيت لشنب علي مهدي

لحدي ما جيت الليله ولقيت الزهراء وسهيل بيتونسوا في السهره التحفه بتاعت يوم الخميس على النيل الأزرق وهي سهره إحتفائيه ببرنامج أغاني وأغاني وحادي ركبه السر أحمد قدور السهره نظمت بالنادي الألماني برعايه من شركه زين وضمت صفوه من المجتمع المخملي الخرطومي ناس نضاف لمن بهناك وسمحين لمن غلط زاتو

كان حضور الإمام الصادق المهدي هو الحدث الأبرز في تلك السهره حيث شكل حضوراً راقياً أنيقاً حق لنا بعده أن نطلق عليه الرجل الشامل كما كان هناك إبن المؤتمر الوطني المدلل السيد جمال الوالي رئيس الوصيف السوداني نادي المريخ وظهر كذلك رجل الأعمال الهلالابي بابكر حامد ودالجبل بعمته المهوله ومن نجوم المجتمع ظهر الممثل ونائب رئيس جمعيه المسرح العالمي العم شنبو ( علي مهدي ) ورجل الثقافه راشد دياب وغيرهم من ناس وأضحه إنهم من عليه القوم ولو إنو العبد لله ما عرفهم لكن ده بيرجع لجهلي ليس إلا .ز

السهره كانت إبداع ما بعده إبداع حيث تجلى عاصم البنا ونادر خضر وفرفور الذي ظهر سريعاً وإختفى سريعاً ( ظاهر إنه كان مرتبط بحفله ) كما تألقت كالعاده ريماز ميرغني وأبدعت أفراح ومنار ..

أعتقد إن إعاده الحلقه لمن فاتته هي عصر اليوم السبت فلا تدع الفرصه تفوتك

About these ads
تعليقات
  1. ودالزبير قال:

    مسك ختام الحفل كانت رائعه السر أحمد قدور وعبقريه الكاشف أنا أفريقي أنا سوداني

  2. علي سنكل قال:

    مشكور ود الزبير على المتابعه و نقل الحدث على شاشات ساخر سبيل للمشاهدين من خارج العاصمه القوميه.

  3. ودالزبير قال:

    أوه

    سنكل الحبيب

    وينك يا راجل

    بالله شفت السهره يوم الخميس كانت كيف لو ما شفتها حاول شوفها الليله العصر

  4. سهيل قال:

    ود الزبير .. لقيتك كده ( الإبهام لي فوق) .. ياخي إنت فتا جارلز ديكين ذاتو في الوصف . و بتاع الكمره تقول قريبك .. ياخي دا بس شغال تنشين في القرمبوز .. و ما تنسى برضو كان في شجر اربعيني قال للقرمبوز تر كده.. قلتا لي النادي الروسي بي وين ؟؟؟؟؟؟؟؟

  5. ابوالمنذر قال:

    ياودالزبير….
    افراح الشعب الق كالعاده ونشيل ونتضاير فى الجريده ونعاين بالرقراق اصلو وزارة الداخليه بقى عندها حساسيه من رمضان الظاهر هضربنا جنبها كتير فى تكرار روعتها(الفنيه طبعا لا تتطلعو من الحكومه وتودونا فى ستين داهيه) …
    الا لبسة الصادق المهدى الشبابيه والحنه الفى الدقن والسبسبه اخر اناقه وروقه ولا ذنب بعد التمانين.. وعلى قول الحلنقى الشباب فى القلب..
    الوالى هيبه وروعه الا الزول البعدو بى نفرين داك كل مره ينضم معاهو ومصر انو يسمعو مع صخب الموسيقى.. يكون الكلام عن السوكرتا وفرق التمانيه نقاط حاسين بيها من ىتسجيل الحلقه.

  6. ودالزبير قال:

    سهيل

    يأخي النادي الألماني وأظن وبعض الظن إثم إن الحفله ديك كانت للأعضاء فقط لأنو ما كان فيها بيشبهني

    عارف الإشتراك في الناي الألماني يا سهيل السنه بكم

    عيييييييييييييييييييييييييييييييييييييييييييييييييييك

  7. ودالزبير قال:

    أبو المنزر

    لاحظت في السهره دي إن ريماز زي تخنت شويه ولا رأيك شنو ؟؟؟

    لوووووووووووووووووووووووووول

  8. الزهراء قال:

    السمار الكرام
    لكم التحيه والتجله

    اخوي ود الزبير: متابعه فنيه راقيه وتغطيه ممتازه واقترح انو نخليك السكرتير الاعلامي لجمعية زاد المسير ونقوم نعمل لينا قناه تلفزيونيه وتكون المدير

    انا من شدة ما عجبتني السهره ما قدرت اصبر لحدي ما تنتهي وهاك يا اخبار في الفيس بوك وفي القمردينه واخر انطرابه

    سهيل
    لكن شدر الاربعين كان مجيييه ما شاء الله

    الشمار التاني

    غير رجال السياسه والفن والرياضه ومشتركي النادي كان هناك حضورا للعاملين والمهندسين والمرطبين والموظفين بتاعييين شركة
    زيييييييييييييييييييييييييييييييييييييييييييييييييييييييييييييييييييييين

    والسهره كانت برعاية شركة زين وزييييين عااااالم جمييييييييييل

  9. ودالزبير قال:

    الزهراء

    (اخوي ود الزبير: متابعه فنيه راقيه وتغطيه ممتازه واقترح انو نخليك السكرتير الاعلامي لجمعية زاد المسير ونقوم نعمل لينا قناه تلفزيونيه وتكون المدير)

    بالله مش كده

    ولا هيثم كابو زاتو

    أوع ينط زول يقول لي كابو ده منو كمان

  10. ودالزبير قال:

    كان في زول حبيبنا بيسأل من عبير وشريف خالد الفحيل

    نهديه اللحن الجاي ( سيد الحروف )
    ولكل الناس المتابعننا هنا

    خليكم قريبين

    فاصل ونواصل

    وعيب يا خديجه تبصي على الجيران

  11. الزهراء قال:

    ود الزبير
    هيثم كابو شنو المريخابي كمان

    حنسميك روتانا

  12. ألفاتح جبرا قال:

    الشجر الأربعينى ده يعنى زرعوهو كده حوالى كم وستين؟

  13. تمام يا بروف و وجد من الرعاية و العناية ما جعله مفرهدا ….

  14. ابكرون قال:

    ود الزبير
    والله سهرة فعلا كانت روعه والسر قدور قدر علينا في اجبارنا علي كامل الانجذاب للابداع المتنوع….ووجود عمنا الصادق كان روعه (انا كنت قايلو كرزاي)
    وكان في حاجات كاملة الدسم وشجر انيق اظنه من نوع الزيزفون…وتخيلوا السهرة دي بدون اغاني الحقيبة ما كانت حتكون بالروعة دي والألق ده
    انتوا لاحظتوا بعض الحضور كان مندهشا ويا ريت لو وقت السهرة كان اطول….
    لكن يا ود الزبير لقيتك خطير …قلته لي تخنت شويه ههههههه انت شاهدته شنو ؟ ( لحم كتفو وبفلو ؟؟؟) وفي رواية حقيبية اخري (لاحم كتفو وهنااااي) يعني زي الجامبو لمن تعمل تيك اوف….اسف للخروج عن النص

  15. ودالزبير قال:

    مرحب بكبار أهل القمردينه

    عزت المرطب وأستاذنا الفاتح وحبيبنا الفكي أبكرون

    بالله شفتوا السودان ده جميل كيف لو الناس خلت الناس تأخد راحتها

    بعدين نرجع ونقول ( الشجر الكبار فوقه الصمغ )

    ريما يا الفكي وأضح إنها أفرضت في حقن الأنسلوين

    لوووووووووول

    الزهراء

    شفتي هيثم كابو ده باره الفنانات دي مشت نيجيريا ودي أدهوا لكزس ما نجح قام مش وراء المزيعت ما نفع قبل على طه سليمان مافي زول هببو ليهو قام قال أقصر طريقه للشهره هي الإساءه لسيد البلد وهنا إنشاء الله راح تكون نهايته التعيسه بإذن واحد احد

  16. سهيل قال:

    تعرف يا عمك …. بنات النادي الالماني ديل الشاعر ( ود بادي العكودابي) قال فيهن :

    بناتا فيها جسومن رويانات بالدهون
    تلصف بلا جلود السحالي
    سبيبن ديمة بالحزم الكبار مبهول مردم
    فوق قفاهن……….و حلالي
    صدورن طامحة زي موية الدمير
    الهايجة تكشح في العوالي
    عيونن واسعة تبلع مية
    زي ولدك تشرك للموحد والضلالي
    وساعة اقيف قدامن
    انكس راسي بقدري وجلالي
    مشيهن سوه زي سرب الغزال
    لكن نفورن ماغزالي
    عددان مابخبرو
    الا وين ما امشي الاقاهن قبالي
    وقصاصن مايفرق دريبن
    من دريبات القماري
    بخورن في سماء البندر
    يدوخ متل مسك العشاري
    رقيصن ينهزنو بلا الفلو
    اللماتو غابن منو في ضل المضاري
    يجمع في قفاهو وينطوح
    يتمطط………..مفاصلو
    والياهو الفاقدو بالي
    دالالكين تجيب الضلة برضو
    علي متاهات الضهاري
    غناين اصلو ما سمعناهو
    اكنت بقول ليكي الا هسع ما ناي طاري
    وطنبورن حسوا فاقع
    لا فيهو كنتر لا ودع فوقو بيراري
    عشوقن في الرقيص
    يتلوي زي سيد المغص
    يوم يبقي في حالة طوارئ

  17. nono قال:

    الشاعر /ود بادي العكودابي

    كتب الابيات …………

    دة بناء علي ……………

    طلب منووووووووووووووو ؟؟؟

  18. حاج أحمد السلاوى قال:

    نونو …
    بناءاً على طلب …أفراح بت عصام ..

  19. ودالزبير قال:

    خلاص يا ناس سوداننا سبتو أي حاجه ودايرين تقبلوا على ناس النادي الألماني

    عندي إقتراح

    أيها رأيكم نكون رابطه معجبي النادي الألماني

    إنشاء الله يدخلونا حفله وأحده في السنه

    كده بالله شوف لينا طريقه لتكوين الرابطه دي

    ومن هسه ممكن أكون ليكم المكتب التنفيذي

    أبكرون رئيساً

    ودالزبير مقرر وناطق رسمي ( عشان كل يوم أمشي بحجه التفاكر حول القثضايا المصيريه )

    سهيل نائب للرئيس لشئون البكاء

    عزت رئيس مناوب

    أبو المنزر نائب الرئيس المناوب

    الزهراء مسئول شؤؤون العضويه لغير الناطقين بها

    أستاذنا الفاتح جبرا الريس الفخري ومستشار شئون الأشجار

  20. ابكرون قال:

    سهيل :

    الا وين ما امشي الاقاهن قبالي
    وقصاصن مايفرق دريبن
    من دريبات القماري
    بخورن في سماء البندر
    يدوخ متل مسك العشاري
    رقيصن ينهزنو بلا الفلو
    اللماتو غابن منو في ضل المضاري
    يجمع في قفاهو وينطوح
    يتمطط………..مفاصلو
    والياهو الفاقدو بالي

    هههههههه
    لكن ما ع يبالغن
    والعكودابي ذاتو سيد جرسه

  21. ابكرون قال:

    لا انا خلوني مساااااح دمع البكي….ومطيب خواااطر
    ومقدم تسهيلات للعابرين عبر الدوحة

  22. التركى قال:

    أنا عايز أحتفظ بحقى فى التعليق لبعديييين …. (كلما أقول قربت ليك تلقانى بادى تانى من الألف) .. ياخ ماقدرت اسمع الأغانى دى كلها مرة واحدة البتاع دا بقيف فى محلات كدة تحيرك …. لكم التحايا

  23. ودالزبير قال:

    أبكرون

    إنت الناس دي بتمشي وين

    تجي خاشي تلقى المتواجدين سبعه ومافي زوووول يهببو ليك

    عالم بطااااااله

  24. ودالزبير قال:

    التركي

    ألغاني خلها

    بتلقاها في مكان تاني

    ركز على الشجر الأربعيني أو كما قال البروف

  25. سهيل قال:

    الشجر الأربعيني دا يا ود الزبير داير يسمعوهو اغنية ( بدور القلعه) و حاجات كده باعت فينا و اشترى … و اللييييييييييييييييييييييييييله

  26. سهيل قال:

    ابكرون : ياكا سر قدورنا .. ها وزع اللعب

  27. حاج أحمد السلاوى قال:

    ودالزبير ..الناطق الرسمى والمقرر العام .
    سؤال سغيروووووونى … زى كل مرة
    إنتو النادى دا بيجو فيهو ألمان ولاّ كلو أولاد البلد بس .؟
    عشان أعمامك ابو عصمت وأنا عاوزين نجى نشوف الناس السمحين ديل ابان عيون زُرق وخُدر ..
    إنتو الناس ديل ما شفتوهم .. اسال د. عزت ..قريب جنبك .

  28. سهيل قال:

    يا جدو !!!!!!!!!!!!!!!!!!!!!!!!!!!!!!!!!!!!!!!!

    إنت دحين ام وضاح ما عارفه درب المدونه دي ؟؟؟

    ولا البلد رايقه رغم الشوايقه

  29. ودالفتيحاب قال:

    لك الشكر ودالزبير
    والله كنت كما كانت السهره ، والناس دايرا ليها متنفس ذى ده علشان تفك الاخر شويه ، كدى شوف أعمامك ديل نفضوا الجلاليب دى كيفن ،كلنا إبداع لكن نقول شنو لى العادات المتأصله فينا دى ، والله مرات الواحد يدخل الحمام يعمل ليه رقصة ويمرق ، يشوفوك ناس البيت يقولوا جنا . التحية لكل من رفع عن كاهل هذا الشعب ولو جزء من المعاناة ولو لحين .

  30. الزهراء قال:

    الرائع ابكرون

    انا لاحظت انو في اولاد سغااار شبااب كده كانو ثاناء الفنان ما بيغني هم بيرددوا معاه الكلمات بالرغم من انها اغاني حقيبه
    مما يثبت ان اغاني الحقيبه جاريه في دماء الشباب والكبار

    قلت لي منصبك شنو في اللجنه وعشان منوووووووووو؟

    ود الزبير
    كمان ليك علي اجيب ليكم جنس أعضاء فيهم جنس عيووون وفيهم جنس جدوووووم وفيهم جنس شعررررررررررررر
    ما العضويه دي ازبطا ليكم شي اصفرني وشي ابيضني وشي اسمرني (دي طبعا انابس)
    التركي
    الليله قربت اجيك مكتبك عشان اعرف التعليق المحتفظ بيه دا يا تكتبو يا حنفوض استرايكر يجي يعرفو لينا

  31. الزهراء قال:

    ابوي السلاوي كيفنك
    عاااد يايابا من الحاجات الفي النادي الالماني تحلف تقول في المانيا
    خلينا بس نتطور في جمعية ود الزبير بتاعة النادي دي
    وروتانا سينما مش حتقدر تغمض عينيك

  32. ودالزبير قال:

    حاج السلاوي

    ليك علي إجازتك الجاي أسوقك النادي الألماني بس إنت زوغ من وضاح

    ود الفتيحاب

    يالذيذ يا رايق إنت أحي فيك الرقص والغناء جو الحمام

    سهيل والزهراء

    حقو نسقف على كده لأنو بعد ده راح يتم إهدار دمنا

    كفاييه كده ما تودناش في داهيه
    والى لقاءءءءءءءءءءءءءءءءءءءءءءءءءءءءءء

    وقمنا على مهلنا قمنا قمنا على مهلنا

  33. حاج أحمد السلاوى قال:

    ودالزبير ..
    ” وقمنا على مهلنا وقمنا على مهلنا ”
    ياخ قايم مالك ؟ خليك قاعد ..مستعجل لاحق شنو ؟
    ما عندى مانع أبداً ..ووضاح دا زى صاحبى ما منو خوف ..وبعد أوصل هناك تانى زول بيعرف كلامنا مع أبان عيون زُرق وخُدر مافى ..
    – أخونا ود الخلا .. حاسب ما تنزلق وانت بترقص فى الحمام .. اصلو وقعت الكُبر كعبة وبتعمل جلطة ..

  34. ابكرون قال:

    سلولو :هولب لب ….غايتووو اسئلتك السغنتوتية البريئة دي حيرتنا (ولاااااهي)
    الزهراء : اهو جدك السلاوي ده واحد من الحنمسح ليهم الدمع السخين (حسب المهام الموكلة لنا) وضيفي ليه ود الزبير عنده خيت في النيل الازرق تاعبو حبه، اما (بيت البكي) سهيل خليه سااااكت حيتعبنا هو وجدك سنكل عايزيييين ليهم مصنع فاين لتجفيف الدموع ….وديل مافي حل معاهم الا الواحد يتنخج معاهم ويزرف….ويختمها باستغفر الله …..شفتي كيف….وبرضو في ناس بكايين في الفيس بوك(كتاب الوش) بس انا ما شيال حال….لكن بحاول اجبر كسرهم بيغادي!

  35. التركى قال:

    ود الزبير : هو أنا عارف اركز ياخ النت عندى زى نجوم الأمس .. ياخويا أنا مما قريت موضوعك دا قلت ياهو الجايب لينا الهوا بس ربنا يستر .. بس لسه بدرى ولا يزال الليل طفلا يحبو … أها شفت جابت ليها غنا ورقيص حمامات كمان ياود الفيتح حمام تركى ؟
    الزهراء : ألف مرحب بيك فى أى وقت ولو لقيتينى مافى بتلقى التعليق فى الدرج على اليمين بس استرايكر لا دا بلحقنى شمباتى … والبعيش فى الدنيا يايما تشوفو

  36. ودالزبير قال:

    شباب وشياب

    ماقلنا أحسن نسقف على كده

    شوفوا حاج السلاوي كتب شنو ( أخونا ود الخلا .. حاسب ما تنزلق وانت بترقص فى الحمام .. اصلو وقعت الكُبر كعبة وبتعمل جلطة ..)

    مع العلم إنو العزيز ود الخلا شوهد على بعد عشرين شارع من هذا البوست والكان بيغني في الحمام هو أخونا ود الفتيحاب
    لكن لأنو الدنيا بقت نص الليل ومن كثره المعاينه تشابه الأولاد على حاج السلاوي فما عاد يفرق بين ود الخلا وود الفتيحاب

    غايتو العتب على الشجر الأربعيني

    التركي وأبكرون والزهراء وسهيل وحاج السلاوي

    نسقف وعلى عندكم إضافات

    أصلو عندي موضوع تاني ناوي أكتبه

  37. التركى قال:

    ودالزبير : نسقف بس بزنكى أمريكى عشان يمكن نحتاج نفك العرش ونسلح البنا ولا رأيكم شنو ياأخوانا .

  38. حاج أحمد السلاوى قال:

    ودالزبير …
    معليش إختلطت علينا السماء للشبه الشديد بين الإسمين .المقصود طبعن ودالفتيحاب ..لأنو برااااه قالها بعضمة لسانه ..
    شيخ الزبير .. مالك مستعجل على السقف ؟ إنت ساكن بالإيجار ..ولاّ شنو ؟

  39. ودالزبير قال:

    التركي وحاج السلاوي

    قلنا نسقف عشان نتفرغ لبوستات تانيه ومواضيع جديده لكن في الأول والآخر البيت بيتكم ولو جيتو في اليوم مليون مره هنا برضو أسياد بيت وماضيوف وممكن أي زول يستلم الدركسون ويسوق البوست زي الحقو

    أها شنو ليكم

    بالمناسبه دي وين شمباتي

    من طلعت من القمقم بتاعي ما شايفه لا هو ولا مخير ولا عمنا بشار بن برد

  40. aflaiga قال:

    تسقف وين ؟ والله ده موضوع حدو السما .. قال نسقف قال اسى واحد يقوم عليهو البيقوم على البيقوم عليهم يقوم يقّوم الدنيا علينا ويقوم يخش يقول الما قالو لمن كان بيقول يقوم التانى القامو عليهو يقول الما كان داير يقولو للاول لمن كان بيقول ليهو ويقوم البوست ينفتح تانى ونقوم نحنا نجى نعزى من اول جديد ويقوم .. تعرف الا القيامه تقوم ..

  41. ودالزبير قال:

    أفليقا

    قلت لي الفوره بليون

    حكمته بالغه

  42. حاج أحمد السلاوى قال:

    ولدنا ..وأخونا الحبيب أبو حمودى ..
    كلامك الفوق دا كتبتو قبل السفة ..ولاّ بعد السفة ؟ لأنو إذا كان قبل السفة تكون خرمان سفة وشوف أقرب كيس جنبك ….أما إذا كان بعد السفة ..دا يكون حاجة تانية خالص ..ويكون لازمك سفة تانية ..
    وقالوا فى المثل حلم الخرمان سفة .

  43. aflaiga قال:

    ود الزبير : تعرف فى مشكلة كبيره وهى انو غلط فى الحفر او الدفن .. يعنى يا اما الحفر ما كان مزبوط يا الدفن كان اب كراعا بره !!! فانا من هذا المنطلق بنصح اهل الميت انو يا يقوموهو تانى ودى الا بمعجزه ربانيه يا يسترو ميتم ده باحسان دفنو عان الحاجات دى لمن تندفن بتطلع نفايات ذرية بتضر البشريه ولا شنو يا علويه ؟؟ الموضوع ليه علاقه بالبلح ؟؟؟ ولا الذره بتاعة تالته رابع ؟؟

  44. aflaiga قال:

    السلاوى : ابدا يا غالى انا من ذادو سعرو قلبت شيشه يكون الكلام ده قبل الشيشه ؟؟!!
    اسى عليك الله لو الدفن تم ميه ميه بيكون تانى فى فاتحه الفاتحه ذاتا بتبقى مسيييييييييييخه ما زى فاتحة اول يوم ولا شنو ؟؟

  45. ودالزبير قال:

    أها يا شباب

    البكاء ده فتحناهو تاني عشان أفليقا ود عمه خال صاحب ود الجيران جاء من السفر ومبدئياً كده تعالوا نقارن بين ريماز وأفراح لمتن ظهروا في البدايه ولحدي هسه

    يعني ريماز قبل حقن الأنسلوين وأفراح قبل ما يلم فيها ودالمك يلم فيهو قندران

    هاكم ريماز لمن كانت في وزن خمسه وخمسن كيلو

  46. aflaiga قال:

    مشهد سغنتوتى :
    صديقى س كان فى حالة وله ولوعه استمرت لسنين ولو عرفتو وله ومولع بى منو حتتحيرو !!!
    مره من ذات المرارير كان ماشى فى شارع النيل بالمواصلات الماشه المورده وفجاة لمح ليك زيتونه خاشه محل السمك الفى المورده حاول ينزل فى اقرب محطة وكانت الدايات رجع كدارى يفتش فيها فى المطعم الخشتو اتارى الحلوه الزيتونه كانت جايه تشيل سفرى ومرقت طوالى بقى يتجارى يفتش فيها وهو طبعا غير اوصافا ما عارف شيئ عنها لا اسم لا عنوان وفضل صديقى س على هذا الحال لاكثر من 3 سنين منتظر الزيتونه وبيكوس فيها – الغريبه لاقيتو بعد زمن طويل وقال لى تعرف يا افليقا انا اكبر غلطه عملتها شنو ؟؟ افتكرت انو فاق من الوهمه وحيقول لى انى اتعلقت بى زول ما بعرفو !!! اتخيلو قال لى شنو ؟؟
    س : تعرف يا افليقا اكبر غلطه انى ما تلبت من البص فى نفس اللحظه لانو كنت حالحقا واقابلا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!لكن برضو مصيرو الزمن يلمنى فيها ..!!!!!

  47. aflaiga قال:

    ود الزبير : اسى انا ما بضرب فى الانسولين ده لى خمسه سنه ليه يعنى لا اتنفخت لا لاقانى ود المك !!!!!!!!!!!!!!!!! يكون من شنو ؟؟؟ هههههههه ..

  48. ودالزبير قال:

    أفليقا

    إنت بتضرب الأنسلوين بجرعه محدده عشان السكري لكن بناتنا ديل ربنا يهديهم بيضربوا الأنسلوين وحاجات تانيه بجرعات غير محدده عشان يجيبوا شويه الشحم ده الغريبه الدنيا كلها جاريه وراء الرشاقه إلا بناتنا ديل جاريات وراء الشحم ده واللحمد ده

    هاك أفراح قبل الشحم

    لاحظ معايا الحجاب

  49. عباس ركس قال:

    سلام يا خلة :
    ود الزبير : ايامك يا معلم , لكن شفت صاحبك ابو الافلاق قال شنو ؟؟ بيضرب في الانسولين 5 سنين وداير يبقى زي افراح الشعب !!!!!!!!!
    افليقا : دي افراح الدايرة تبقى زيك !! – هاك التلج دا .
    بعدين يا اخوانا الكلام عن الغنا الجميل – المقصودة مناااااااار – مالو الخدار دا عيبوهو لي . بس جنكم . . . غايتو عليكم جنس حالة !!

  50. aflaiga قال:

    ركس : لالا اكيد انمت كان عندك تلاجه زمان فى شارع الصحافه زلط جنب سلطان جامبو للتلج والتبريد !!! وتبقى زيى لييييييييه هى بالهين كده شوف انا بضرب الانسولين ده من متين خمسه سنه هى يادوب ليها سنه !!! قال تبقى زيى قال والله عشان تبقى زى الا تانسل الضربوبين !! وينك يا معلم .. اوافقك الراى فى حتة الخدار دى والله الخدار غناى وحنين ومخلص فى الغنا زى بالضبط كده زى اخلاصو فى الطب امشى اقرا البوست بتاع الجنقو مسامير الله فى الارض عشان تيامن ..
    ود الزبير : البنيه دى ما تختاها وركز لينا فى الخدار ..

  51. ابكرون قال:

    انا المساح دمع البكي
    حيرتونا ما عارف امسح لمنو ولا منو !!!!

  52. الزهراء قال:

    أبكرون: الله يقدرك انا مشيت اتعاقد ليك مع ناس فاين شكلنا محتاجين حاااوية مناديل
    أهئههئهئهئهئهئهئهئههئ …. أستغفر الله

    افليقا: انت بتأنسل لأنو عندك عدم تنظيم في نسبة السكر
    لكن الناي البتأنسل لانها عندها نقص قي الدهون والشحوم ديل الله يكون في عونهم ويحفظهم سااي
    الناس تكوس للضعفه وناس تتأنسل دايره السمن
    وصحبك س دا اصلو شاف زينونه ولا شاف اناناسه معلق في الخط 3 سنين
    أهئهئهئهئهئهئهئهئهئهئ … أستغفر الله

    ركس: الخدار جميل يا ناس خداري وشارب موية النيل يا ناس خداري… النيل الازرق؟
    أهئهئهئهئهئئهئهئهههه….. أستفر الله

    ود الزبير … شكسبيييييييييييييير

    دكتور واخصائي أركان حرب التغييرات التجميليه وعمييد فنون الحضاره الأفراحيه والمكيه ومشير قانوني اعلامي اختيار الاغنيات التبكيكيه للكواشف الحضاريه

    لوووووووووووووووووووووووووووول الله لينا يا ود البلد وود سيد البلد

  53. nono قال:

    ماذا اؤمل …..ماذا اؤمل
    ماذا اؤمل حيران ببكي و بامل
    ولهان ببكي و بامل وحيد ببكي و بامل
    آآآآآهــــ يا هوايا و آآآآآآآآآهــــــ يا منايا
    وحيد سهران برايا انيس دمعي و بكايا
    آآآآآآهــــ يا كناري و آآآآهــــــــ يا قماري
    طيري لي تعالي وحيد ليلي و نهاري

    قاااااااااااااال شنوووو

    الأنسلوين وحاجات تانيه بجرعات غير محدده؟؟

    ياخييييييييييييييييييي تتتتتت!!

  54. سماسم قال:

    شكسبببببببببببببببببببببببببببببببر
    اسمع كلام القبيلة وخلو البكاء دا الدوام لله ….الله يجبر كسركم ويعوضكم بدل الحزن أفراحاً وأملاكاً

  55. الزهراء قال:

    يا ديار حوا المراقدك فى رويس عبدلّه وينك
    يا المشاوير المشيتك يا المشارع السالكة وينك
    بالى فيكى إلا درب العيشة باعد بينى بينك
    يا السرابة الحبلى كل الناس تعاين لى جنينك
    يا السبايك الساوى شيلك
    ولا طويرة الجنة تسكر من مدينك
    يا السواقى النايحة زيك
    زى حنان اماتنا فى حرقة حنينك
    يا بنية طرية طامرة كنوزا بى طرف الطريحة
    يا نسيمة رشة باردة تجينى
    ساعة اشيّلك موية الصفيحة
    يا مليحة

  56. ودالزبير قال:

    ودالخلا
    (يا ود الزبير ما قلوا ليك خلاص قفل علي كدا وخلي الناس تقوم تشوف ليها شغلة تاني غير سواتكم دي،،
    والله حكايتكم بقت حكاية!!!!!!!!!!!)

    تصدق وتأمن بالله لي يمين داير أسقف وأقفل الصيوان ده

    أها كل مره يجي زول من البلد وماحضر الدفن نقوم نفتح البكاء من جديد

    نسوي شنو يعني مع الناس الجاي تعزي دي

    لاحظ الكلام ده كان يكون في بوست عرس أفراح لأننا هنا محتفلين بتشريف عمنا الصادق المهدي ورموز المجتمع للحفل لكن تقول شنو الكلام بيجيب الكلام

  57. ودالزبير قال:

    الزهراء

    ده من رأسك ولا من كراسك

    زى حنان اماتنا فى حرقة حنينك
    يا بنية طرية طامرة كنوزا بى طرف الطريحة
    يا نسيمة رشة باردة تجينى
    ساعة اشيّلك موية الصفيحة
    يا مليحة

  58. ودالزبير قال:

    سماسم

    هسه عليكم الله ده بوست بكاء

    تاني نعيد مقدمه البوست
    (كان حضور الإمام الصادق المهدي هو الحدث الأبرز في تلك السهره حيث شكل حضوراً راقياً أنيقاً حق لنا بعده أن نطلق عليه الرجل الشامل كما كان هناك إبن المؤتمر الوطني المدلل السيد جمال الوالي رئيس الوصيف السوداني نادي المريخ وظهر كذلك رجل الأعمال الهلالابي بابكر حامد ودالجبل بعمته المهوله ومن نجوم المجتمع ظهر الممثل ونائب رئيس جمعيه المسرح العالمي العم شنبو ( علي مهدي ) ورجل الثقافه راشد دياب وغيرهم من ناس وأضحه إنهم من عليه القوم ولو إنو العبد لله ما عرفهم لكن ده بيرجع لجهلي ليس إلا .ز

    السهره كانت إبداع ما بعده إبداع حيث تجلى عاصم البنا ونادر خضر وفرفور الذي ظهر سريعاً وإختفى سريعاً ( ظاهر إنه كان مرتبط بحفله ) كما تألقت كالعاده ريماز ميرغني وأبدعت أفراح ومنار ..)

    وديني أنا لو قبلت على بوستات البكاء إلا تشردوا تخلوا المدونه دي

  59. الزهراء قال:

    ود الزبير

    انا مفروض اكتبا بلكنة الشايقيه

    الطريحي
    الصفيحي
    يا مليحي

    عشان تكون من الراس

    ما حنرفع قالوا ناس البلد جايين

  60. ودالزبير قال:

    عشان الناس ما تفتكر إننا من أعداء الخضر

    هاكم منار صديق

    لكن مطعمنها بريماز ميرغني

    حاجه كده زي القهوه باللبن

  61. الزهراء قال:

    ود الزبير

    ظلموك الناس وجاروا عليك تشكي وتبكي

    لكن انا مصره على القناة التلفزيونيه وبعدين النجووم زاااتم يجو يشتغلوا معانا

    ولا شنو؟

    سمك

  62. ودالزبير قال:

    سمك

    لبن تمر هندي

    بهذا نصل لختام إرسالنا لهذا اليوم على آمل اللقاء بكم

    لمن نواصل الإرسال

    تصبحون على خيييييييييييييييييييييييييييييييييير

    مصطفى الآغا

    برنامج صدى أغاني وأغاني

  63. الزهراء قال:

    رز الفراااشه
    نجيب الرز وتكب اللبن ومعاه القرفه
    والهبهان
    على عشا مزبوط في سيدي بيييييييييه

  64. البشاوى قال:

    ود الزبير
    تانى لمن تكتب صيوان زى دة بالله عليك تجيب حاوية مناديل عشان أبكرون الاحتار يمسح دمعات مين ولا مين ؟
    دة كلام ياود الزبير داير تقوُم نفسنا مالك — نقرا وماسكين روحنا – لانو لو طلقنا الحبل – صيوانك دة الا نوديهو الشقيلاب جنب البحر – وسهيل يوزع الموية والشاى

  65. سهيل قال:

    إنت يا ود الخلا دحين مش شلت فاتحه مع الناس ديل ؟؟؟ تاني الجابك الحله دي شنو ؟؟؟ الناس ديل زولهم ده كان عزيز عليهم بالحيل عشان كده فارشنو فرش جد ( صيوان مسلح) .. إنت امش بيغادي غادي خليهم يتفشو شويه

    ود الزبير : اللوري الجاب ناس افليقا و ركس .. راجع متين ؟

    افليقا : قلتا لي بتضرب في شنو ليك خمسه سنين ؟؟؟؟ اكيد ما انسولين .. يافرده شوف( نفسك) بتضرب شنو ؟؟؟ و مع منو .. غاتو جنس محن .. و بعدين ذاتو ود المك دا من زماااان كايس ليهو حملآ (دعول) .. مش (قرج)..

    جدو : سؤال سغيرووووووووووني كده .. ليه ناس حنان النيل و سميه حسن (مثلآ) ما بيختفن ناس شريف الفحيل و ناس (شول ) السغار الحلوين ديل ؟؟؟؟ ..

  66. د.ياسين شمباتى قال:

    ود الزبير..جييييتكم..سلام وشوق وحاجات كتيرة..

    اولا احييك على رائعة الثنائى(الخطير) وبالجد الجوز دا ح يكون عندو مستقبل رهيب,,حتى لو غنوا فردا فردا..

    طبعا انحنا ناس ضهارى وبنجى آخر الاسبوع لانو العربات ما بتمشى الا يوم الاربعاء والخميس….شايفكم رفعتوا وقلت مافى داعى (احرر) البكا من جديد,مع انو كان عندى كلام كتيييير عن السهرة دى وضيوفها..

    افليقا..انت داير ود المك(يلم) فيك لشنو!!؟؟ غايتو جنس بطاطس!!!

  67. الزهراء قال:

    شمباتي : قول كلامك يايابا اصلو التركي وصانا نعرش بي زنك عشان كان جو عزاي من اول وجديد نشيل السقف نديها طابق تاني

    ما نحن عارفين ناس البلد بجونا ويقلبوا المواجع

    كر علي يا المت وخليت كمشتك تحت السريييييير

  68. د.ياسين شمباتى قال:

    الزهراء…..والله حكاية الكمشة دى خليها ساكت,,كمان لاحقين عزاء تانى عند ناس (الصالحة) وكدة,,لكن بنجى فى (السابعة) اكيد..

  69. ودالزبير قال:

    غايتو جنس غايتو

    ودالمك الملحن العرس أفراح أدانا سبب تاني عشان مانرفعه من لائختنا السوداء

    تصدقوا أمبارح وأخوكم بيحضر في برنامج المجال الرياضي بتاع عثمان حسن مكي على الطبيه لقيت ليك أحمد المك ضيف على البرنامج قلت يا ربي عثمان حسن مكي ده قلب مزيع منوعات ولا شنو ؟؟ أها شويه وودالمك يتكلم عن حال المريخ ويحلل في مباريات الدوري السوداني غايتو أخوكم إستغرش وإنكضم خلاص يعني خليت الغناء والتلحين وقبلت على الكوره ولا الإستضافه دي بمناسبه الزواج ولا الحاصل شنو من الزعل ماقدرت أميز الفتره القال هو لعب فيها لفريق المريخ ومن الله خلقني ما سمعت بلاعب في المريخ إسمه أحمد المك بالله يا ناس المريخ الزمان ناس عزت وزووووووول كان عندكم لاعب زي ده

  70. خالد مدني قال:

    الفاااااااااااتحه …. الجاتكم فيكم سامحتكم وابن ادم ما يملأ عينو الا التراب … بعدين البكا ده ما طبيعة فينا والله لو ربعو للواحد فينا بي LO J وعبير صبري وبيونسي وختمو ليهو بي بت عم الشعب برضو بنبكي … ما ياها طبيعة الانسان … عبدوش يحلم بشية وكباب في سيدي بيه وود الزبير بيفطر بي كسرة وتقلية من الحاجة البتبيع فطور ورا سيدي بيه …. دنيا .

  71. ودالزبير قال:

    LO J

    شباب وبالذات حاج السلاوي

    خالد مدني قصده هنا ( جينفر لوبز ) المعروفه إختصاراً بجي لو عشان ما تفتكروه غلط إملائياً

    ههههههههههههههههههههههههههههههههههههههه

  72. حاج أحمد السلاوى قال:

    شكسبير..
    شكراً على الإيضاح ولو إننا جنيفر بت لو دىزاااااتها ما سمعنا بيها قبال دا .. نحن بنعرف شدر الدوم الكبار بتاع زمان … ناس صوفيا بت لورين ومارلين بت مونرو ..وبريجيت بت باردو ..لاكين الفكة ديل ما بنعرفهم ..
    قال جنيفر لو ..قال .

  73. الزهراء قال:

    ود الزبير
    انت قلت ثقافتك فرنسيه العرفك بي جنيفر لوبيز شنوووو
    لكن لقيتك مثقف جنس ثقافه
    خالد مدني عفيت منك كمان عارف جنيفر بي حروفها المختصره

  74. مُخير قال:

    العزيز ود الزبير
    الحبان في كل مكان
    أنا أحمل شكسبير المسئولية التاريخية لجرجرة أقطاب الدانقا إلى مواقف مهببة، يعني هسة حبيبنا وفلذة كبدنا بالداخل الرزين ود سلمان مدني فكو آخرو وطلع جزء من قائمة فيها LO J وعبير صبري وبيونسي نولز، وعمدتنا بالخارج سيد الكواشف عنترة أخرج قائمة بها صوفيا بت لورين ومارلين بت مونرو ..وبريجيت بت باردو ، وشويتين ويطلع لينا حبيب الكُل جبرا و/أو الريس أبو عصمت بقائمة فيها كاثرين بنت دينوف وريتا بنت هيوارث، وجينا بنت لولو بيريجديا وغريس بنت كيلي، والله يستر ما تجينا قوائم أخرى، بناء عليه أنا أقترح تسقفوا على كدة… ولا شنو ؟؟

  75. ودالزبير قال:

    الحبيب مخير
    ( بناء عليه أنا أقترح تسقفوا على كدة… ولا شنو ؟؟

    كا نفسنا والله نسقف لكن أصلاً السقف زنك عشان نقدر نفك بسهوله بعدين يأخي لسه الناس ماشه علينا

    هاك ديل ضيفهم لقائمتي

    جيسكا آلبا … إنجلينا جولي …. ياسمين عبدالعزيز

    الزهراء
    (انت قلت ثقافتك فرنسيه العرفك بي جنيفر لوبيز شنوووو
    لكن لقيتك مثقف جنس ثقافه)

    عاد أقول ليك شنو …. عاد

    يا جماعه ماتشوف لينا قصه الماسنجر الداخلي ده

    ولا أقول ليك برد عليك في الفيسبوك

    عشان الرقابه الصارمه الهنا دي

    ههههههههههههههههههههههههههههههههههههههه

  76. sakota قال:

    والله انتو عسل عدييييل ياخى انا بضحك لى ساعتين من ود الزبير واتمنى ودالمك يسوق افراح ويتعشوا فى سيدى بيه عشان ودالزبير يخش فى big cuddle مع أفراح الثنائى العامل ليه مغص ده

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s