جميلة … بيضاء فاقع لونها … لابسه ضيق أو الضيق لابسها … ركبت مواصلات
قعدت جنب شاب .. جهجهت باكاتو .. افتكرها من البنات إياهم .. اتحركت المواصلات
كل تفكيرو في الوقت دا كيف يقدر يحنكها و يدخل عليها من ياتو باب
الحافلة كلها سمعت صوت ( كف ) يخلي الراس يلف .. طااااخ
نزل من الحافلة و هو بيتكلم معاها بي صوت عااالي .. تاني ما تحاولي تعملي كدا .. قليلة أدب
شكلها في نص الحافلة بقى زي شوال الفحم الفاضي .. يا ريت لو أرضية الحافلة انفتحت و بلعتني
هنا كان في وااااحد بس متكل في كنبة شكرا شايف المشهد كلو .. ابتسم إبتسامة خبيثة و قال في نفسو : يا شفت يا مفتح
***********************************************************************************
البت بتتكلم مع صاحباتها زمن الدفارات ( أكرم الله سمعكم ) و كان الناس البشمعوا فيها أكتر من القاعدين و بتحصل حاجات عجيبة جدا فيها
قالت ليهم بصوت واضح : تعالو الدفار دا .. في شباب عبيط بيقوموا لينا تعالو تعالو
مع إنو كان ممكن يركبوا ( الدفار ) البعيدو
و الشباب سمعوا كلامها
قال ليك البنات جاتهم ( دوالي ) من الوقفة
***********************************************************************************
راكبين حافلة من المحطة الوسطى بحري للسوق الشعبي الخرطوم
كان اليوم جمعة و ساعة عصرية كدا .. و نادي ( الزوارق ) قصاد العمارة الكويتية شغال
و النيل ما شاء الله مليان على الآخر بالزوارق و الألعاب المائية
حاج كبير في السن شكلو من المعاشيين الشيوعيين القداام بتكلم مع الشاب الجنبو و واضح انهم ما بعرفوا بعض .. إستفزاهو المشهد
رفاهية .. أي و الله رفاهية
ناس بتعلب بالزوراق و نحن ناس المعاشات كل شهر بلعبوا بي أعصابنا
الشاب الجنبو شال سماعة الموبايل من أضانو عاين ليه و قال ليه
أسي تلقاهم كل خميس في الدي جي
الحاج جاهو شلل ارتعاشي و مصران عصبي و قال
تفاهة .. أي و الله تفاهة
***********************************************************************************
معظمهم قاعدين في كنبة ( شكرا ) و ما شاء الله عليهم ناعميييين .. مندييين .. مرطبيييين .. من أثر الكنداشة طويلة المدى
اللي موافق على القانون يرفع إيدوا
كلهم رفعوا أياديهم
موافقييين
حبة كدا تسمع صوت شخير .. و تاني تسمع صوت بقول : و الله العظيم ولا جايبة راس مالها .. شغالين تجارة الجماعة
ما فضل الا يجيبو كشتينة و يلعبوا حريق أو ويست
و المفروض رئيس المجلس يعلق ليه يافطة كبيرة مكتوب عليها
عضونا الغالي .. ممنوع أكل التسالي
أهو كلو مواصلات
واحدة توديك السوق الشعبي .. و واحدة تجيبك وزير
إسترايكر
aflaiga
ودالزبير
عزت بقا ريتش
kinanay
فنجان قهوة
neiam
khalidmadani
ألفاتح جبرا
basharibnburd
زووووووول
سهيل
ود الخلا
ياسين شمباتى
mukhayer
smukhayer
mashakel
salih
ابكرون
alisankal
قرن شطة
حاج أحمد السلاوى
البشاوى
الغبشة
Nourlight
nono
عبدالفتاح ابراهيم محمد
طارق أب أحمد
التركى
wadalmahadi
محمدحسن
moshahidah
سلام ياقبيلة،،
ولدنا الغالي الممنوع من أكل التسالي (مشاكل) مبرووووووك الباس ورد، وطلعه رهيبة، وشوته في العلالي، من اروع ماقرأت في المنتديات، وفقك الله يابنُي، والي الأمام معتدل مارش…
بس يا بني خليك حنين علي ناس جدو ما حيلحقوا يفهموا ليك مصطلحاتك دي وبدل ال (DJ) قول ليهم ال (GMH) أو (S J) أو (C J) وهمن بعد داك حا ينقشوك،،،
مشاكل سلامز
ما شاء الله عليك يا مشاكل حافظ حاجات كتييييييرة حاصلة في المواصلات باين عليك كنت معاني منها بشدة
العزيز مشاكل سلام
الجمهور سلامات
إبداع يا ولد ما بعدو إبداع ….
الفاضلة سماسم: كدي فهمينا يعني هسة الجنى رفع رجلو في حديدة وبيحكي ذكريات أيام الشقا وعدم اللقا، ولا الحاصل شنو ؟ طبعن نحن برة!! وما عارفين مرطب جوة غير د. عزت، وممكن ود الزبير بعدما فارق الثغر وإتفرغ لردم الثغور، حتى وجه الحبيب سهيل ما ورانا البوكس حق الشركة ولا الحكومة ولا منو ؟؟
سلام مخير
لا .. بس يمكن يكون بقي موظف كبير بركب التاكسي …. يعني وداعاً للزحمات
مشاكل
سلامز
سلامز
البنيه مبرووووووووووكه؟
عقبااااااااااااال الولد!!!
نجيك بي روااااقه………
مشاكل.
سلامات.
إنت اليومين دى بتفطر وين
مشاكل سلااااام وتعظيم سلاااااامز سلامممممز
اولا مبروك البكارى وزى ما بقولوا اهلنا فى غرب السودان البكر دائما ما يكون ذكيا وزكيا عكس اهلنا فى الشمال الذين يرون البكر زووول عوقه ساكت .
المهم موضوعك فى تنك التنك وبصراحه قصة الجماعه القاعدين فى كنبة شكرا دى جميله جدا نسأل الله ان نجد موطئ قدم فى الكنبه اياها وعليك امان الله اخر يا نعم واخر يا يس واخر يا اجماع سكوتى وطلاق لا ننوم ولا نشخر وجايييييك تانى يا مبدع
زوووووووووول
عوقه يعني شنو ؟؟؟
مشاكل سلامز
قلت لي المواصلات كان بيحصل فيها شنو يازول جيب أضانك أحكي ليك عن الكان بيحصل في القطارات لمن السفر كان بالقطارات
وش وش وش وش وش وش
هاهاهاهاهاهاها
الأخ مشاكل رائع رائع رئع ….. ماتتخيل الحالات البعيشها الزول وهو بقرا كلامك دا (ماتعرف تضحك ولا تبكى ولا تستنكر) وكملت الحكى بكراكتير البص يازول الف مبروك عليك الباسويرد والف مرحب بك قاصا ومتتبعا دقيقا .. بس جماعتنا ديل لو منعوهم أكل التسالى بجيبو معاهم ترمس … لك الود ولنا عودة
سلامز
مشكورين جدا يا جماعة على التعليقات .. و الشكر الجزيل لي استرايكر مرقنا من القوقعة .. و نوتز الفيسبوك
ود الزبير سلااام
عوقه فى معاجم اللغه تعنى :
حاجه اى كلام وقيل تعنى دلاهه وقال بعضهم معناتا زوول طنوقه وقيل هو الهبنقه وقيل هو المهوس وقيل غير ذلك المهم ان مقالة صديقنا مشاكل تبعد عن هذه المعانى بعد المشرقين وللامام مارش زى ما قال ود الخلا .
كسره :
كنت فى طريقى الى احدى ضواحى امدرمان وكان الجو خريفيا رائعا . جلست على المقد البراهو خلف الكمسارى وعن شمالى كرسى النص وعن شماله مقعدين متجاورين (كلامى دا زى الزول ال بأشر على اضانو اليمين بأيدو الشمال ) المهم اخوكم سارح كدا وفجأة نظرت عن يمينى فرأيت عجبا ………………. المهم وما اكتر ليكم البنت نزلت فى محطتها وعندما اكتشفت معرفتى لما حصل افادتنى عن طريق لغة الوجه انى زووول طيره ومبارى السيره وكانى بها تقول جميلتك واعلى مافى خيلك اركبو وبصراحه لا زلت مزهولا .
كسره : وقع ليكم ؟؟
كسره : حليل زمن الحياء
سلامز مربع
يا مخير نحن زي ما نحن .. بنعافر في المواصلات مرة مرة حسب العرض و الطلب
سماسم .. لو قلت ليك كنت بعاني من المواصلات ناس شمباتي ديل ح يفهموني صاح ؟؟
حنين .. بفطر وين ؟؟؟ ما بعيد منك
و الله يا الزول انت فاهمني صاح .. احتمال نلقى لينا موطئ سنتميتر في القعدة و تمشي معانا باسطة و الدنيا لينا باسطة
الزول أبو سبعة واوات باقي نحن مخنا تخين وملان طحين، وكلامك دا ما واقع لي دحين وقعو لينا تاني، وماتخلينا زي طيور الرياض نصدح بالغناء ونباري في السيرات والمسيرات…
ود الخلا سلام
اولا بالتبادى يا ود الخلا ممكن تتصل بصديق ود الزبير ممكن مشاكل زاتا ممكن .
لكن بصراحه حاجه كدا اسكت خليها وكما قال صلى الله عليه وسلم (الحياء لا يأت الا بخير ) وكما قال الشاعر :
اذا لم تخش عاقبة الليالى ولم تستح فاصنع ما تشاء
واصلا دا اخر زمن يا سديقى والقادم احلى فكونوا معنا ونواصل بدون فواصل
كسره : اليله الزووول ضارباهو الهبوب عديل كدا وفايق ورايق
أيامك يا سديقي ضارباك الهبوب وانت ضارب (الفونقا)، ودي عدييل كدا تقوم تسأل منها دوك صالح الرجل الصالح الذي أفتقدناه طويلا” ولازال مقعده شاغرا” ولن يملأه الا شخصه الغالي، وانني لمن اكثر الناس فقدا” له وقي الليلة الظلماء يُفتقد البدر،،،،،،،
ياييييييييييييييييي !!!!
ياعموووو شنووو المسطلحات دة
(الفونقا)
هناااااااااااك عم الفكفك قااااال
(السافوته)
براحة علينا !!!
نونو سلاام
والله الفونقا دى اخير منها السافوووووووووته ودى مفهومه على الاقل لكن الفونقا دى عصيده وملاحا فى بريطانيا يعنى ال داير يفهم يتصل عالمى وخليك سودانى .
كسره : يا ود الخلا والنونو بتعرفوا الفنقوقا ؟؟
الفن!!!
قووووووووووقااااااااااا !!!
سلام يا اهل البيت
مشاكل حكيت مشاكل تب حاصلة –بس عارف زمان لمن جات ثورة الدمار الوطنى ماكان فى مواصلات اها اخر زول بنزل من الحافلة بجوا كابسين عليه الواقفين فى الواطة وبترفع فوق وهم يخشوا من تحته غايتو ايام لها ايقاع
وكمان الركوب من شباك الحافلة وتجرى بورا الحافله تشمع فى الباب ولمن تركب تلقى واحدة خاته شنطتها جنس مصايب
صحى زمن كنا شعب هالك لا محالة لكن انقذونا بفضل الله ومنتظرين بصات عمنا الضحاك وماشفنا شئ
يا جماعة افليقا وين مختفى يا ولدنا كتابتك حلوة ما تنقطع وكلكم كمان ماشاء الله كتابين ——-هههههه ماتفهمونا غلط كتاب الكاف مضمومه بابره وخيط
فنقوقا دي أسأل منها عبدووووش لانها حي من أحياء سنار العريقة والمدينة الحبيبة، ولي فيها مواقف علي درب الزمان، وماليّ غيرها حياة تلك المدينة السمراء فهي حياتي وحلو ذكرياتي يا خمرية الضياء،،،،،
بنعرف حاجة أسمها الصن قرارا!!!!
مستر راعي يا واعي أنت مالك تفلق وتداوي؟؟؟
الصديق الحبيب مشاكل..سلام ومحبة وين ما رحت..مبارك الطلة وياريت ما تنقطع..وما بصدقكم…..خليها كدة بس..وما تنقطع من الفيسبوك كمان..
مخير..الولد دا مرتااااااح,,بس اصبروا ليهو شوية كدة..
زووووووول..تفسير ولو فى الايميل…
السلام عليكم جميعاً
مبروك يامشاكل الماقاعد يعمل مشاكل الباس وورد
العقبال للباقين
كيفك ود الخلا
اداوى شنو والله موجوع عليهم جنس وجع الجماعة ديل لو بيدى اوديهم النار بدون حساب
وحاليا عندى حق دستورى فى الانتخابات لكن محايد لانه مافى زول بستحق التصويت لكن متاكد بلقى اسمى صوت براهو كم مرة عاد الحاوى حقهم ماختير
ياود الخلا مافى شئ عاجبنى لا هسع لا زمان اخير زمان هسع البركه بقت مافيشه ربنا مامبارك لينا وحكامنا من عاميلهم التقول مكشحنهم بتراب وده دليل على شنو على الظلم
عليك الله هسع غنماياتى وبهايمى ديل لو اتعثروا الرئيس مسئول هههههههه يموتوا عطش فى بلد النيل ساكن جنب النيل ومالاقى قطرة مويه
للحديث بقيه ———————————————–
العزيز مشاكل
الله يديك العافية — حكيت المابيتحكى – عالم المواصلات دة عالم تانى خالص واللى مامتعود عليهو – بيتعب شديد خالص لما يركب مواصلات بعد غيبة —
كنبة وشكرا دى ذاتا بيت القصيد فى كل البوست دة — اسألو منها خالد مدنى دى كيف ؟؟؟؟
باشمهندس مشاكلز
مبروك الطله القويه دى
بس عايز أعطف على موضوع التسالى دا
ياخى الناس البتحب التسالى مالا ما بتعنل حساب لى الناس التانيه
صوت طرقعة التسالى مستفز و مهيج للأعصاب
ريحة التسالى …… بالذات فى المكاتب المكيفه
و الأصعب الوساخه من يد ((المتعاطى)) إلى المكتب أو السياره أوالفصل و المدرج
مالو الناس البتحب التسالى لو الواحد ختا الكرسى فى ضل العصريه قدام بيتو و جاب الشاى والضمنه و التسالى
ودعنى أحدثك عن المواصلات أيام زمان أيم بص الشركه و ابورجيله مؤخرا
الباص يسع50 راكب جلوس و العدد محدد كتابة على جانب الباص 50 جلوس 10 وقوف و أيام الصيف يمنع منعا باتا وقوف الركاب تحسبا من السحائى
الباص له محطات محدده يصلها فى مواعيد محدده تضبط عليها ساعتك من الفجريه و حتى بعد إنتهاء الدور التانى فى سينما غرب و البى إن أو كولوزيوم السينمات التى نذهب إليها أيام الخميس و معانا الأبونيه و هو Prepaid Transport Cardيجدد كل شهر بعد دفع 45 قرشا فى مكنب المواصلات جوار ميدان الأمم المتحده المكتبه الخضاء حاليا و لا هى مكتبه و لا هى خضراء
و بالرغم من أن المشوار كان بى قرش أو فرشين يمكن للطالب أن يملح بعد أن يقول للكمسارى (نازل المحطه الجايه)
و الكمسارى أو المفتش يرتدون اليونى فورم الكاكى النظيف و يستملون الصفاره بتاعت الكوره لحركة الباص
أبواب الباص تقفل توماتيكى قبل التحرك
و البصات بلو بيرد أمريكى فيات أيطالى مرسيدس برازيلى
طارق أب أحمد يا صديقي مالك قمت علي تقليب المواجع والعودة بنا لذلك الزمن الجميل والأيام الخوالي، وكيف كنا ننتظر البص التالي لأن البص الوقف لينا في المحطة ما فيهو كرسي فاضي، مع العلم بأننا ماشين المدرسة ومحصلين الطابور وبنركب بالأبونية أبو 45قرش دا زاتو ولم نكن نتأخر دقيقة واحدة عن جرس الحصة الأولي، وكانت مدرستي ولا أجعص كلية جامعية اليوم حكومية أو خاصة، فقد كانت مهيأة بكل المعينات المطلوبة للتدريس لكل العلوم والمعارف، معامل للكيمياء تختلف عن معامل الأحياء تختلف عن معمل الفيزياء، والأحتفالات في ختام العام الدراسي ويوم الآباء وأيه كمان أحتفالات عيد العلم يوم 24فبراير والذي كان يجمعنا بمختلف المدارس والمعارف والسنو وسنو….
رحم الله أستاذنا الجليل ومربي الأجيال الأستاذ محمد سعيد معروف فقد كان مديرا” لمدرستي قبل أن يصبح ملحقا ثقافيا” بسفارتنا بالقاهرة وخلفه الأستاذ عبدالله أحمد عبدالله، عليه الرحمة والرضوان وبارك الله في ذريتهم وكل من علمنا حرف أو أسدي لنا جميل في ذلك الزمن الجميل، ولآباءنا وأمهاتنا الرحمة والغفران ومن الله القبول وجنات رضوان، ولكل من له حق علينا…
أستغفر الله العظيم وأتوب أليه من كل ذنب عظيم
أب احمد ..
إنت أتاريكا عجوز كدا ..,ونحنا مانا عارفين ؟
ود الخلا
(( وبارك الله في ذريتهم ))
الأستاذ الجليل محمد سعيد معروف والد زوجة البشاوى و أبنه قنصل أوكرانيا
سلام ياقبيلة،،
سديقي أب أحمد أنا لا زلت أشك في أنك عجوز كما يقول عمك السلاوي، لكن كلامك عن الأبونية والدور التاني في البي ان أو غرب يؤكد لي أنك كما يقول عنك جدو سلولو (جُلكين)، كدي أدينا حديث وكلام عن السينما وروائع الأفلام العالمية في تلك الأيام مثل Gone with the Wind, God Father, Deer Hunter, Love Story, Coming Home والكثير المثير الخطر من الأفلام الهندية المنتقاة: مثل Tesri Manzel, Mother India, وجانوار وغرام في طوكيو وتلك المناظر الخلابة والجمال الفاتن الأخاذ والأغاني الجميلة ذات الألحان الشجية والتي لم نكن نفهم كلماتها ولكنها رسخت في الأذهان وحفظناها عن ظهر قلب حتي أنها لا زالت تتكرر في نفوسنا كلما عادت بنا الذكريات لتلك الأيام الخوالي،،،
سَلامات مشاكل
[زمن الدفارات ( أكرم الله سمعكم ) ]
؛
وَ حــِلـيل الزمَن الفـَات بسُرعة عَلينا
بَعدَها طـُوَّالي ( السِيَاحي ) وَ تذاكرُوا
وَ فجأة إذ ( بفيضـَان ) الحَافِلات وَ الهَيسَاتِ وَ الأمجَاد
وَ ( رجَالات الحَركة ) وَ كشاتهـُمُ وَ .. ناسَ الركشات !
لكِن ( تسالي المَجلس ) بينضــُوقوا يَوما
؟!
؛ .. لكَ التحَايا مَشاكل