تخريج ؟؟؟؟؟ أم تهريج !!!!!!؟؟؟؟

Posted: الأربعاء,3 فبراير, 2010 by الغبشة in إجتماعية

أصدقكم القول لقد أختلط عندى الفهم هل كنت مدعوة الى تخريج أم تهريج؟؟؟؟؟؟؟؟؟؟؟؟……………………………..

 نبدا من الاول خالص كل شخص يمنى نفسه بان يتعلم فلذات أكباده وينتقلوا من مرحلة لاخرى بتفوق ونجاح، وان يكمل رسالته اتجاهم حتى يصلوا الى اعتاب التخرج من الجامعه ، ليدخلوا الى الحياة العملية ((و أن كان الأمر صعب )) ، وبافتراض ان الدكاترة والمحاضرين فى الجامعات المختلفة يسعون الى اخراج جيل من الخرجين محملون بالعلم والمعرفة والاستعداد لتحمل مسؤلياتهم المهنية والوطنية والاجتماعية   لنفعة انسهم وغيرهم.

مايدهش حقاً الشكل الاحتفالى الذى يصاحب يوم التخريج ((كما يدعون)) مجموعه من الطلبة تحت مسى رابطة او جمعية المنطقة الفلانيه او التخصص الفلانى فى كلية بعينها ،،،، كيف يحتفلون؟؟؟؟؟؟؟؟؟؟؟؟؟؟ يدعون عدد من المحاضرين اصحاب الدرجات  والمقامات العلمية فى الكلية لتقديم شهادات تضم فى طياتها تهانى للخريج بتخرجه وتمنيات طيبات بحياة علمية موفقة ومزيد من التقدم,,,,,,,,,,,,,,,,,,,,,,,,,,,,,,,,,,,,

ويكون قدم تم الاعداد منذ وقت كافى لتلك الاحتفالية بداية بجمع اشتراكات الخريجين واتفاقات عديدة مع(( نادى او صالة لاقامة الاحتفالية، حجز فنان ولازم ان يكون فنان شبابى ، وحجز استديو لتسجيل الحفل بالفيديو ,وتقديم دعوات لاسر الخريجين او لمن يحب ان يحضر الاحتفال ***بمقابل مادى طبعن*** ، وتجهيز منصة وممر يرتفع عن الارض بما يقارب نصف المتر، وبالتاكيد تجهيز روبات للخرجين)) الاهم مافى  هذه الحكاية الطويلة  ذلك الممر الذى يربط بين مكان وجود الخرجين داخل مكان الحفل وتلك المنصة التى يقف عليها مجموعه من اساتذة الطلبة سابقين الذكر لتكريمهم،، والاهم ما يحدث فى ذلك الممر !!!!!!!!!!!!! يزاع الخريج وكالاتى:

الميلاد: الخرطوم………………. المراحل التعليمية: الاساس مدرسة****************

الثانوية مدرسة***************** التخصص:************ التقدير ********* ((الغريبة كلهم مابين جيدجداً وجيد؟؟؟؟؟))

الاسم**************

وتاتى اللحظه المهمه يصفق الحضور وتشغل اغنية ليزف بها الخريج ليعتلى الممر ومنه الى المنصه على عدد كبيييييييييير من الحضور وتشاهد العجب العجاب من كل انواع الرقص والتمايل مع عدد منوع من الاغانى التى تم اختيارها مسبقاً من الخرجين كل على حسب هواه ،، وتكون مابين السودانى والعربى والاجنبى ،،،، وتتارجح بين الراقى وذى المضمون والهابط الى ادنى مستوى ،،،،، مابين(( امى الله يسلمك,,,,,,,,,, ابوى ان شاء الله لى تسلم،،،،،،،،،، خمسه سنين عاشهم الحب،،،،،،،،،اي اي اي عسل زى ده،،،،،،،،،، لا حول الله،،،،،،،، ولع لى النحرقه ،،،،،،،،، فكهانى وبحب الفاكهه العنب العنب العنب،،،،،،،،،،لو مصدق الحدثك ومصدق قول الناس اضربنى بمسدسك املانى انا رصاص،،)) والقائمه تطول وتتمائل الاجسام ونط وهز ورج وشمال ويمين، تحت نظر كل الحضور ومن قبلهم الاسر وامام الاساتة الاجلاء..

سؤالى هل كان تخريج ام تهريج؟؟؟؟؟؟؟؟؟؟

كيف ينظر الاساتذة للطلبة ؟؟؟؟؟؟؟؟؟؟؟؟؟

كيف تقبل الاسر ذلك الهز والرزع والجر والنط والتمايل وتلك الخيارات من الاغانى و((الازياء))؟؟؟؟؟؟؟؟؟

كسره: الكواشف لا حول الله اغنية لصاحب اغنية سنتر الخرطوم وكذلك ولع لى النحرقه.

About these ads
تعليقات
  1. nono قال:

    اولا ؟

    عودا ؟

    حميدا؟

  2. ابكرون قال:

    الغبشة هوني عليك
    طبعا الطلبة والطالبات بيستعرضوا ما تم تعليمهم لهم خلال الفترة الجامعية من هز ورج والتش تش حلاوه لبن يا سلاااام
    وفي اشياء اخري درسوها ليهم بس ما بستعرضوها هنا

  3. nono قال:

    الأخت غبشه بت غبيشه/ شريط ……….الزكريات

    طافت الاربعه سنوات الجامعية بسرعة و لم يتبقى منها سوى الذكريات

    يوم التخرج يوم( العرس الجامعي) الذي ضمنا هذا اليوم الذي تقلين كيف

    تقبل الاسر ذلك الهز والرزع والجر والنط والتمايل وتلك الخيارات من الاغانى و((الازياء))

    لا يشعر به إلا ( الخريج ) ( أهله ) (أصحابه) ( أصدقاء والجامعة)

    لحظه التخرج لا تنسي الكل … ينظر بكل شوق و ترقب دوره ….
    ******************************
    هل ننسى أياماً مضت

    هل ننسى ذكراها

    هل ننسى أياما مضت مرحاً قضيناها.

    *****

    من أجل أيام مضت من أجل ذكراها

    فلنرفعن علم الوفا من أجل ذكراها

    كسره/
    كل الهليله ده انتي بتشوفها ماااااااااااايها؟؟؟

    لكين هي يااااااااااااااها؟؟

  4. ياسين شمباتى قال:

    الغبشة..سلام..
    ياربى تحضرنا تخريج عيالنا وعيال عيالنا فى الخير والعافية والصحة..حقيقة زى ما قالت نونو هو يوم لا يوصف ولا يضاهيه يوم,,وزيو زى العرس واحد_فى نظرى_ ووالله الما بهز وينز فى اليوم داك يكون ما طبيعى!! طبعا بادب وحشمة واحترام..والجميلة كمان الزفة بعد نهاية الامتحانات والكيتة او موسيقى الجيش,,يووووووووه,,حاجة ما تخلص..
    اما عن الاغانى الهابطة فظهرت فى زمننا وكانت حاجة قبيحة جدا,والواحد بيشمئز منها لما يزفوا بيها خريج,,اما عن (لا حول ولا قوة- ولعها النحرقها) فدى غريبة جدا !!!

    اضافة: طبعا انا اتخرجت فى الخرطوم وفى مدنى,,فى الخرطوم اخترت اغنية شايقية للزفة وكانت كلماتها (الله مع الضعيف يا امى..كت فوق شقاك بنجمّ..باكر فوق شقى تنجمى..من يوم مات ابوى خلاكى..شلتى الهم وراهو براكى…الخ)..وحقيقة كانت مهداة بصورة خاصة للوالدة متعها الله بالصحة والمعافاة..

    اما عن تخريج مدنى فكان حكاية عجيبة…بنجيها تانى باذن الله..وربنا يكفينا شر التهريج والنطيط والفضايح..

  5. الغبشة قال:

    حبابكم………………………..
    نونو: تحضرى ما تغبى ،بتمنى تكونى عوده لطيفه خفيفه مفيده.
    ابكرون: الله يهون علينا كلنا…………………التش تش وكركر.
    شمباتى:معاك انو فرحه ولازم يحرك فيك شى بس شوف انت اخترت شنو ،لو انا من الحضوراكيد كنت بقول فى نفس ده الدكتور البنقذنا وبعالجنا وبحترم انسانيتنا لكن لو كن من التش تش وشنو مابعرفو داك كنت اكيد بقول الهم اسالك الصحه والعافيه اكيد ده دكتور لو ما كتلنى ببشتنى .. واحى فيك اعترافك بجميلها لو باغنيه فذاك يموها اكثر منك واتمنى لها الصحه وطول العمر.((وراجين تحريج مدنى وقصصه؟؟؟))
    كسره: تخريجى اقصد زفتى كانت(( يابت ملوك النيل………..)) ولا انسى تلك اللحظه الى الان
    والى اللقاااااءءءءءءءءءء

  6. الغبشة والأخوة الكرام شاءت الصدف أن اكون بالأمس (02/02/2010 )فى تخريج بالمسرح الوطنى امدرمان وبصراحة انتى يالغبشة غربتى الموضوع ونضفتيهو عشان يناسب النشر لأن ماشاهدته وسمعته افظع من هذا بكثير … الغريبة لحظت اسرة بكاملها تبكى بمافيها الابن المتخرج وكتلنى (الشمار) سألت أحد اعضائها فعلمت انهم يبكون ابوهم الذى توفى قبل أن يحضر تخريج ابنه .

  7. محنك قال:

    والله يا الغبشة ذكرتينى قول البروف عزت المرطب
    شقى عمك الما حضر رقيصك

    واتعلم يا سلام

    زمان كان الناس بستغربوا ويستنكروا ان الخريجة الجامعية فى العرس بجيبو ليها واحدة جاهلة تعلمها الرقيص زمن الكواشف …. لكن هسى اظنو الحكاية انقلب الجامعية بقت تعلم الرقيص …. والغريبة الاولاد برضو بقوا رقاصيين وهززايين …. وقد راينا شريط لاعبى المريخ الذى مر وكانه لم يكن ومافى عقاب معلن … واظنه هسى الود اكرم قالوا مريض احتمال انزلق والله حاجة وهو مندمج

    ( كسره )

    قال لصاحبه انت مندمج وهويتفرج على شئ ما باستغراق … فرد عليه لا من الشكينيبه

  8. ياسين شمباتى قال:

    الغبشة..
    طيب ما كويس يا(ملكة)..والله تخريج مدنى كان ايام من الابداع والتواصل الحميمى,,من(خالد محجوب- آمال النور- ابوعركى-عصام محمدنور),,غير الليالى الثقافية الشعرية,,امكن شوية جامعة الجزيرة بتختلف لوجود رابطة قوية بالكلية آنذاك,فكان التخريج 4 ايام بلياليها..
    اما قصة الرقيص وكدة فالسترة واااااجبة..وحقيقى الاغنية فرحت الوالدة كتير اكتر من التخرج ذاتو..وعقبال عيالك كمان..

  9. عبدالرحمن أحمد قال:

    الغبشه سلام
    يوم التخريج يوم عيد
    وفرحه لاتضاهيها فرحه
    أما عن شمباتي وتخريجه فأنا كنت موجود ولو أداني التصريح بفته -شمباتي بركة الشيخ أقصد بركة الشوفه –
    وجاييك بي رواقه يا الغبشه

  10. ياسين شمباتى قال:

    عبدالرحمن يا صديقى العزيز..
    الله يبارك فى طلتك الحلوة دى!! عليك الله انت كنت منتبه؟؟ كدى لاقينى بهناك وبنتفاهم..

  11. يا سلام يا الغبشة بي موضوعك الجميل دا عرفنا انو عبد الرحمن جضر “رقيص” شمباتي و هم الاثنين بيعرفوا “بعض”

    لكين فيما يبدو أن هذا التخريج هو من تقوم به الأقليات أي الروابط و غيرها و لكن ما زال التخريج الرسمي موجود و جميل زي العسل و ما فيهو “العنب العنب” و لا “اضربوني رصاص” فقد شاركت ثلاث مرات كمتخرج و برضو ثلاث مرات في موكب الأستاذة…. حاجة جميلة و خير ختام لبداية النهاية للطالب و الطالبة و اليوم داك بتشوف جنس سال من شعرها الذهب و زغاريد و حنن و خبيز

    مبروك لكل الخريجين و ربنا يتمم ليهم يا بالعديلة و الا الشغل …. أخير ياتو يا الغبشه

  12. الغبشة قال:

    محنك: من كلام المرطب عرفته انو حضر الرقيص وما طلع شقى زيك؟؟
    شمباتى: فرح الوالده هو المطلوب وكمان الوالد وكل الاهل بس ياريت لو بنفس اسلوبك…….؟؟؟ لكن الرقيص شنو الكان اخير تعترف براك قبل مايرسل عبدالرحمن الفيديو؟؟؟؟؟؟؟
    عبده: امشى وتعال راجنك وبرواقه………وماتنسى تحكى لينا بالتفصيل؟؟؟
    دكتور عزت:كلام صاح هو ما تقوم به الروابط ,,,, ولكنها فى مجملها ليس الاقليات لان مجموع الاقليات= كل الجامعه بس على كم حته……………….
    بس ممكن وسيلة مساعدة او التصال بسديق للاجابة على سؤالك؟؟؟؟؟؟؟
    ((وفى كلَ خير))
    والى اللقاااااااااءءءءءء

  13. ياسين شمباتى قال:

    المرطب عزت..
    وشقيانين انتو الما حضرتوا رقيصى!! غايتو عبدالرحمن ما شفتو اليوم داك,,لكن بالجد فى شبابى كنت خترى ومهججاتى كبير..الحمدلله بعد الحج الواحد يعقل شوية..

    الغبشة..
    امممممممم..بطلى التحريش وتلقية المديدة الحاااارة..

  14. حاج أحمد السلاوى قال:

    ولدنا شمباتى ..
    قالوا فى المثل… الجن بداوا كعبة الإندراوا .

  15. ياسين شمباتى قال:

    الوالد السلاوى..
    المشكلة انحنا اتعدينا الاندراوة بى غادى!! كيف الحلل؟؟

  16. عبدالرحمن أحمد قال:

    د.عزت … شمباتي دا الدفعه 21 في جامعة الجزيره مجمع الرازي – المعروف إصطلاحا عند ناس مدني والطلاب بالإعداديه – وأنا الدفعه 25 بس في المدينه الجامعيه النشيشيبه وكنت بجي الاعداديه كتيييير – لزوم القرايه وكده – لكن بصراحة د.شمباتي مسجل حضور وااااسع في الكليه والمعرفه كانت بلوتوثيه ما بقول من بعيد لبعيد ///لكن يا شمباتي أبوعركي من تخريجكم داااك تاني ما جانا في جامعة الجزيره ولا أنا الرحيق والبرتقاله انت ولا حتي ياقلب يا دكتور عزت ناس 21 ديل شالو النوار

  17. nono قال:

    الغبشه /
    عدننننننننننننننننا…..
    من ظواهر التخرج تخريج رياض الأطفال،

    فهو أصبح لا يقل عن مهرجانات تخريج الكليات والجامعات؟؟

    مايتبعوو من مقدمات يوم(( الزفه))) يوم (للتخريج)) حتي الاطفال بيلبسوو (الارواب) كل رياض بتحاول تعمل تخريج غير حتي انو السنه البعده تكسب اكبر عدد من تسجيل الاطفال المساله كلها منافسه؟؟؟

  18. الغبشة قال:

    حاج السلاوى:اتوسط لينا عند الفكفون يمكن نلقى عنده بخرات اندراوه ونلحق دكتورنا شمباتى كان بتلحق بعد ده ………..ما ظنيتو بنلحق…………
    شمباتى: شايف عبده عامل فيها صغنون ولسه نونو 25 قال؟؟؟؟؟؟؟؟؟ كدى قولينا الحقيقه…………….
    عبده: رجعت اهلاً بس بصراحه رجعتك خاليه من النكهات وبالتحديد نكهة الشمار يعنى ماوريتنا شمباتى عمل شنو؟؟؟؟
    ومنتظرين برضو التفاصيل…………………
    نونو: موضوع الرياض فعلاً بقى موضوع كل عام فى تطور وابتكارات زيادة مصاريف على اولياء الامور القصدهم يفرحوا ابنائهم ويحسسوهم انهم ماشين لمرحلة جديده ،،،، بس حق الكبار ده نعمل فيه شنو؟؟؟؟؟؟؟؟؟؟؟؟؟؟
    اكتر شى مزعلنى فيه ،، الهز والرج وعدم الاحتشام ياخى عرفنا انو البنات بعض منهم بطلعوا من البيت لابسين عبايات
    وتحتها ما تحتها عشان اهلهم مايعرفوهم لابسين شنو وبتخارجوا منها فى المكان الماشين عليه وبلبسوها تانى وهم راجعين على البيت يعنى شاهد ماشافش حاجه,,,,, لكن فى البكونوا مع اهلم فى التخريج وبتلك المناظر،،،،،،،،، يارب تعدل حال بناتنا واهلم ……………
    والى لقااااااااااءءءءءء

  19. nono قال:

    الغيشه سلام مضبوووق/
    اكتر شى مزعلنى فيه ،، الهز والرج وعدم الاحتشام ؟؟
    ماتزعجي روحك يابت امي كلنا اتخرجنا الحمدلله ؟؟
    الخير بيخص الشر بيعم مساله الحشمه ده موووووووووضوع قائم بي زاتووو لكين الاسره ليها دووووور كبير التربيه ماااحاجه هينه الاباء الامهات ليه دوووووور كبييييير في الموضوع ده ماتقوليه لابسه عبايه بي جوه شنووو مابعرف داااااااااااك؟؟اهلها ماعارفين منووو القال ليك ؟؟
    قال تعالي: (يَا أَيُّهَا الَّذِينَ آمَنُوا قُوا أَنْفُسَكُمْ وَأَهْلِيكُمْ نَاراً)(التحريم: الآية6)
    وقوله صلي الله عليه وسلم: (( كلكم راع وكلكم مسؤول عن رعيته))
    كسره/
    دووووووور الاسره(الاباء—–الامهات)

  20. الغبشة قال:

    نونو:ماقلت هم ماعارفين التحت تحت شنو لكن اهو غضوا الطرف وعملوا ما عارفين وصدقناهم لكن يمشوا معاهم بالمنظر داك دى المصيبه.

  21. ياسين شمباتى قال:

    الحبيب عبدالرحمن..سلام..
    اثرت شجنا واسلت مدامعا..حقيقة ابوعركى البخيت كان مقاطع الجامعة نسبة لاحداث شغب حصلت زمان,لكن حكيم جامعة الجزيرة (د.الفررزدق) كان له دور كبير فى اقناع الاستاذ بالحضور لتخريج الدفعة 19 ثم جاء فى تخريجنا..ولا انسى دوره ايضا فى وضع اللبنة الاولى فى المصالحة بين بشير عباس والبلبلةآ حياة طلسم..والله كانت ايام وكانت اجمل ما فيها مهرجانات الثقافة التى تقيمها رابطة طب..
    لكن ياخوى تعال هنا,,انت كنت بتجى للقراية ولا لمآرب اخرى!!؟ امرق النصيحة يا ولدنا..

    الغبشة..سلام..
    ما قلنا بطلى الفتنة وايقاظها..النصيحة انا كنت زول مسكين وفى حالى آنذاك !!!

  22. ابكرون قال:

    الغبشة : ما عايزه ليك واسطه يا بتنا …يادوب خربتيها لو وسطي سلولو….والاندراوه ذاتا (إندنا) ليها شئ بس لازم تجيبي (الباؤده) يكون عندها بهق….
    نونو : بتزرزري بتنا دي كده ليه ؟؟؟؟عشان لاقياها مغبشة بت غبش ؟
    انا بسال سؤال برئ ما ممكن التخريج ده يكون بدون (عباطة ) التقديم الذي يسبق استلام الشهادات والاغاني التي يختارها كل طالب دي…؟
    بالجد حضرت تخريج جامعة الجزيرة العام الماضي ….كلو كان جميل الا حضور الطلبة والطالبات لاستلام الشهادة كان منتهي العبط وما جميل / مجرد رأي

  23. فعلا موضوع حفل التخريج اخذ شكلا من اشكال المبالغة وحتى الاحتفالية الهابطة التي اصبحت اهم طقوسه باتت صاخبة لدرجة الازعاج … حضرت العام الماضي حفل تخريج بنت خالتي من كلية الهندسة عطبرة … بالجد كأنه حفل زواج وليس حفل توزيع درجات علمية لمهندسين من كلية مرموقة
    هكذا اصبح السودان كل شيء فيه مظهري وتفاخري وزايد عن الحد وخاصة في الامور الاجتماعية التي لا تقدم بل تؤخر
    كل الدفعة الحضرت تخرجها وحفلتها الرابة تلقاها ما اشتغلت بدليل بنت خالتي الجالسة في منزل والديها بعد خمسة سنوات مضنية من المذاكرة والتعب في مجال البلد يفترض أن تكون امس الحاجة له
    مع تحياتي وىسف للاطالة

  24. الغبشة قال:

    ابكرون:الباؤد الأندنا عندو أكزما ينفع؟؟؟
    شمباتى:الله يسامحك انا برضو بتاعت فتن دحين((لكن ياخوى تعال هنا,,انت كنت بتجى للقراية ولا لمآرب اخرى!!؟)) ده ما خطك ما كلامك؟؟؟؟؟؟؟؟؟؟؟ عبده عليك به.
    منعم: الحمدلله مانقلنا صوره معاكسها يعنى قلنا الواقع الله يهدى الكبار ويعقل الصغار،،،،،،،،وما تتاسف هنا البيت بيتك والبوست بوستك طول وقصر وانجر واعمل اى حاجه.
    والى لقاااااااااااااءءءءءءءءءءء

  25. مشاكل قال:

    سلامز

    مع احترامي للجميع لكن التخريج و خاصة الأغنية حاجة خاصة بالخريج .. فرحة عمرو و يعبر عنها بالطريقة البتعجبو .. كان التش تش حلاوة لبن ولا اضربني انا رصاص ولا ابوي انشا الله لي تسلم

    ممكن نقول المبالغة في تكاليف الحفل و الشير للخريج .. نحن شفنا تخاريج في الصالات الكبيرة كان الشير فيها 750 جنيه و التذاكر وصلت لي 100 جنيه .. دي المبالغة

  26. abdozc قال:

    العبشه بس جات متاخره منك شويه شمباتي دا لاقيتو بغادي وحنسني وانا أديتو وعد لو ما كده كان حيعرف معاي حاجه

    سلامز – نحن تخاريجنا في الجزيره كان بالغت ما بتفوت الميه شير الخريج والجمهور يحضر مجانا وعلي الهواء الطلق كمان إلا ناس الخرتوم ديل في صالاتهم دي كلامم براه بعدين التخريج لو ما بقي جوه الجامعه زاتو ما تخريج

  27. الغبشة قال:

    مشاكل: الحمدلله وصلت بينا لمربط الفرس الاغنية بتعبر عن سيدها وبقولوا ليك الجواب بتقرى من عنوانه يعنى ما ممكن تكون خريج واحد اعضاء جيل الغد المبنى عليهم امل ومستقبل عرييييييض يكون اختيارك التش تش وتلبس كيف وترقص كيف كيف وحاجات تانى حاميانى خليها ساكت والله يكبر الناس بعقلها بعدين حكاية الشير تصل مليون ما مشكلة كلو زول بصاحب اشكاله يعنى البسيطين بكونوا ميه وبتخرجوا سوا وبتونسوا سوا وبمشوا سوا والتانين كمان لكن القصة فى التصرف مع احترام رايك برضو.
    عبده:العبشةه مره واحده برضو كويس ماقلت العمشة لكن شكلو ياسين ماسك عليك شي وشويات شمباتى احكى لى بهناك…

  28. ياسين شمباتى قال:

    مشاكل..سلامز..
    اوافقك الراى على ان الخريج يفرح ايما فرح يوت تخرجه ومعه اهله واحبابه,لكن نختلف فى كيفية الاحتفال وماهية الوجه الذى يظهره,,يعنى الاغانى الهابطة صعب الزول يحترمها او يحترم مختاريها..
    كدى براحة كدة ورينى اتخرجت وين وكيف؟؟

    عبدوز..سلام..
    جابت ليها حركات!!! انا برضو البحنس؟كدى قول وانا افتو كلووووووووو..

    الغبشة..سلام..
    ماسك وماسك,,لكن قال برضو انا ما بقول,,خليك على نار الشوق وكدة..

  29. مشاكل قال:

    سلامز

    اكون معاكم صريح … الا في المسنجر … ههههههههه

    مشينا مرة لي حفلة

    وما معزومين بس قفلة

    الجينز داك يا السيستم

    موضتو ناصل نصلة

    تشيرت اديني حقنة

    شعرنا بي جل و خصلة

    حظاظة في ايدي ظاهرة

    نظارة في الليل دي قشرة

    والكاب بالعكس لابسو

    كدارة ما تخاف من حفرة

    داك البوكسر ظاهر

    بي ماركة كمان ما شترة

    وما تقول لي يا صايع

    ولا حتى يا ضايع

    و انتو فشلكم اكبر

    يا حاج لززز و استغفر

    دا انتو دقة قديمة

    في الدلالة ما ليها قيمة

    نحن الجيل الصح الفلتة

    اجيال الالفية التالتة

    OR NOT

  30. abdozc قال:

    شمباتي خليك من الحركات بتاعتي دي شوف صحبك مشاكل جنس العاملو في نفسوا دا

  31. ابكرون قال:

    Not

    طلق..! انتو جيل الغفلة

  32. حاج أحمد السلاوى قال:

    إلى الجيل الجديد ..
    فى زمننا القديم ( أخوانى الكواشف وانا ) كنا بنتابع الظواهر الجديدة وعملنا الشعر الآفرو ولبسنا الشارلستون …ما بنكضب عليكم..لاكين ما فى حاجة كانت خارجة عن ثوابت المجتمع ابداً والخلق القويم ..مثلاً اليوم لن أسمح لإبنى وضاح أو أحد أخوانه أشوفو لابس البنطلون البيسموهو سيستم أو تى شيرت عليه عبارات خارجة عن الذوق العام والأدب..
    أما ما يحدث اليوم فهو تهريج بحق وحقيق..وأنا أتساءل لماذا لا يكون التخريج داخل الحرم الجامعى ؟

  33. محنك قال:

    نحن تخريجنا كان مجانا للاسباب الاتية

    الروب كان بوفرو الاتحاد تدفع تامين روب ترجعوا يدوك تامينك
    كان الشباب مثقف وواعى ويتبارى الفنانين الكبار للغناء بالجامعة ليرفع اسهمه لا سيما انهم سيتزوجون حتما خلال 3 سنوات على الاكثر لانه ما كان فى عطالة
    الغناء كان وطنيا معظمه او عاطفيا راق جدا والبنات والاولاد لا يرقصون التعبير اما ان تبشر على الفنان او تصفقوا معه وترددوا معه
    البنات غاية الحشمة والادب والرقى … ومافى شذوذ والشاذ البجى ما لابس توب او شى ساتر يجد استنكارا وليس ترحيبا واوله من البنات قبل الاولاد

    المكان كان ساحة الجامعة والتخريج كان غاية الجمال والتعبير واهلك بفرحوا بيك كتير لانه الناس البتدخل التعليم العالى لا يتعدو 9 % من جملة الجالسين للشهادة السودانية اذن هم ممكن تقول صفوة او اذكياء
    كنا نسكن بالداخليات وهى محترمه تحترم الادمى وتوفر للطالب جو التحصيل والرسوم الدراسية فقط على المقتدرين

    زمنا اكيد احسن منكم يا مشاكل وما عايز اطلق يكفيكم صديقى ابكرون

    انتو طالعين لا حول ولا قوة الا بالله ( لا علم لا ادب لا شغل لا مسئولية ) يا ربى علموهم شنو

  34. محنك قال:

    واظن مستوانا التعليمى مافى داعى نقارنو بالزمن الحالى خريج ما بعرف يقرا ويكتب ولا ينطق نطث صحيح

  35. ياسين شمباتى قال:

    عبدوز..
    مشاكل خلاص داير يفك اللعب,,باقى امس كان معصوووووور..الله يصلحه ويصلحنا.

    محنك..
    جيتنا فى الجرح,,الاتحاد,,وينو اسه!!!؟؟؟؟؟؟؟؟؟؟؟؟؟ لكن برضو الى حد ما كان جيلنا حريص على المظهر العام وما استطاع الى ذلك سبيلا,,لكن لا ننفى انو فى تدنى حقيقى فى الاخلاق والذوق العام..

  36. الغبشة قال:

    سلامات يااهلى العزاز: بصراحه كده باختصار هناك تسيب عام فى كل شئ وربنا يعدل الحال

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s