الحقيقة والمجاز فى انجاز الانقاذ..

Posted: الخميس,18 مارس, 2010 by ياسين شمباتى in سياسية

الاخوة الكرام..لقد ارتأيت انه من باب الامانة ان نذكر للانقاذ انجازاتها وما قدمته للشعب السودانى(اللى كان) واصبح بفضلها (الفضل),,فمهما اختلفنا معها يبقى لها ما انجزت واجتهدت فى اخراجه بابهى الحلل..وكمواطن شريف فاضل_جاية من الفضلة_ اسمحوا لى تقديم هذا الباب واهداءه لكل من عشق الانقاذ لاجل افكارها او توجهاتها المتمسحة فى الدين وليست منه فى شئ او ارتزق وترزقّ من خلالها,او كان فهمه لها عكس فهمنا لها او كان فهمه صحيحا او اى شئ..المهم بسم الله نبدأ :-

*المشروع الحضارى,,الذى لم نعرف كنهه ولم نعرف مدى حضاريته..

*التعليم العالى او (التأليم) _وهذه من الالم وليس لها علاقة باللهجات المحلية_ وما صاحبه من خرمجة بحسن النية فقط,,ولا ننسى لها انه لدينا اكثر من مائة وسبعون جامعة حكومية واهليه,,لا ندرى شيئا عن كفاءتها او تأهيلها لكن الحمدلله ساهمت فى زيادة عدد العطالة والفاقد التربوى وازدياد معدل الجريمة بصورة مخيفة..

*مشروع سندس الزراعى –النفرة الخضراء- النهضة الزراعية- ترعتى كنانة والرهد- لقد حاولت الحكومة جهدها ان تخضّر البلد الا ان البلد ابت ورفضت الخضرة,,غلطانة والله يا بلد..

*المحالين للصالح العام,,فهؤلاء قوم افنوا عمرهم وشبابهم فى خدمة الوطن,لذا ارتأت الحكومة انه قد حان وقت راحتهم فبعثت بهم الى بيوتهم مفصولين معززين غير مهانين..

*تهجير وترحيل الكوادر المؤهلة من اجل نشر العلم والكفاءة والجودة فى كافة ارجاء المعمورة_ياربى امكن يكون دا المشروع الحضارى وانا ما عارف!!؟؟_ وازدياد نسبة الفقر والتشرد وابناء الطريق..

*لجنة احياء مشروع الجزيرة!! لكن البيحيى ويميت هو الله,لذا توقفت اللجنة عن مزاولة عملها لانه يخالف الشرع والفطرة السوية..

*الكبارى والطرق التى تحتاج الى اعادة تأهيل كل 3 اشهر,,عشان يكون فى سوق عمل وكدة وليس من اجل المأكلة_معاذ الله_والكبارى لا تتعدى فى طولها 300 متر,وكمان تسميتها باسم المشير البشير والزبير وابراهيم شمس الدين عشان هم اللى انفقوا عليها من جيوبهم ولازم نحفظ ليهم حقوقهم!!

*فتح البنوك واموالها امام اى شخص لديه الرغبة فى الاستثمار او الهرب بها خارج البلد او داخلها شريطة ان يكون لديه ظهر جااااامد حتى لا يضرب على بطنه,ولينضرب البنك وليفلس حتى,,المهم انو فى خزائن تانية بتتملى..

*التقدم الواضح للعملة السودانية وتطورها عبر الحقب والازمان(مليم-تعريفة-شلن-ريال-جنيه قديم –دينار- جنيه جديد…الخ) من غير ترتيب طبعا ودون التطرق الى الناحية الورقية والمعدنية!! كما ان الدولار اصبح يعادل 2,5 جنيه جديد فقط!! فى حين انه يعادل 2500 من الجنيهات القديمة!! والله الجماعة ديل لو ما كان جوا وانقذونا كان الدولار بقى يساوى 20 جنيه من القديم!! ولا اعرف لى عملة فى الدنيا (اتمرمطت واتجهجت) زى عملتنا,كل يوم شكل ولون ومادة!! ياربى الكلام دا عندو علاقة بالتضخم وكدة؟؟؟

*المشاركة فى ارساء الديمقراطية وحرية التعبير العسكرى فى عدد من دول الجوار ولا ضير من العواقب,وحتى لو ادى ذلك الى اغتيال رؤوس الدولة فلا حرج طالما ان الغاية طيبة..

*الطلاب(معتصم-محمد موسى…..وغيرهم) مشاغبون وخارجون على الدولة لانهم لزموا منازلهم وكلياتهم ولم يخرجوا فى مسيرات تطبيلية,لذا لزم قتلهم والشرب من دمائهم بعد ذلك!! خونة……

*عدو الامس صديق اليوم..حكمة عرفتها الانقاذ وعملت بها مع تغيير طفيييييف فصارت(حامل السلاح امس مستشار اليوم)..انتهى..

*اكتشاف عمالة المنظمات الاجنبية وتخابرها لصالح دول عدوة,,والسماح لها بالعودة للعمل بعد طردها بعد تغيير اسمها فقط!! كما ابانت ان المنظمات الوطنية قادرة على تغطية مخيمات اللاجئين..طيب سمحوا ليها بالعودة لى شنو!!؟؟وليه المنظمات الوطنية ما تقوم بالعمل براها؟؟ مجرد سؤال غير برئ….

*الحكومة خزائنها ملأى بالاموال لذا لوحت وزيرة الصحة ان بامكانها استقدام اطباء من مصر للعمل فى السودان حال اضراب الاطباء وعدم خنوعهم للوزراة!! طيب وكت انتو عندكم قروش ما تدوا ابناء الوطن مستحقاتهم!! ولا هى عياقة ولآمة ع الفاضى؟؟

*محاربة السمنة وامراضها وذلك باجبار المواطن على تقليل الوجبات او الغائها,وذلك بزيادة اسعار السلع الاستراتيجية الاستهلاكية والخضراوات..

*العلاج المجانى..انا ما جنيت يا جماعة,,بس هم قالوا كدة..

*نخليصنا من (العواليق) منسوبى المؤتمر الشعبى..حسب كلام رئيس جهاز الامن الحالى..

*اهانة محكمة الجنايات الدولية وذلك بتكسير قرارها القاضى باعتقال البشير واعتباره مجرم حرب,,مع انو البشير ما عارف انو فى حرب فى دارفور!! لانو فى خطابه لمواطنى واو قال انو ما عارف انهم ما عندهم شبكة مياه!! عشان كدة حيوصل ليهم شبكة مياه..اسه دا رئيس السودان ولا رئيس موزمبيق!!؟؟؟

*تبشير الرئيس لاهالى واو انو حيمد ليهم سكة حديد وحيبدل ليهم القضيب الصغير بقضيب كبير!! ياربى الفرق شنو؟؟ السرعة بتزيد وانا ما عارف!!؟

*سد مروى اللى اخرس اوكامبو ووراهو قدر السودان,,بس يا خسارة فى مشكلة فى التوربينات وما قدروا يشغلوهو كويس,,يلا انحنا منتظريت وما ورانا شئ..

*المدينة الرياضية..يحكى انو العميد_آنذاك_يوسف عبدالفتاح رأى انو السودان ما عندو قدرة على اولمبياد وكاس عالم فقرر انو يحصر الموضوع على استاد رياضى محندق ومضمار لزوم الفشخرة!! فوقع ليك بيع فى الاراضى بتاعتها لصالح اسر الشهداء,,وكل يوم تنقص فيهو المدينة الرياضية متر يزيد عدد الحاويات قدام بيتو!! لما واحد من اولاد الحلة المغرضين كتب على الحاويات(المدينة الرياضية) !! وعجبى..

*التوالى السياسى..ودا حمدو فى بطنو..

*الحكومة اكبر صديق للبيئة,حيث انها تحدثت كثيرا فى هذا الشأن ولما لم يرعوى الشعب لجات الى زيادة سعر البنزين خصوصا بعد ان صرنا بلد مصدر له!! كما ضاعفت الجمارك على السيارات الى 130% يعنى غصبا عنك تمشى كدارى عشان تصادق البيئة..

*الدين الجديد..لا تستغرشوا,,فهناك دين جديد بموجبه تدفع الزكاة كل 9 اشهر ومن راتبك الشهرى!! يعنى لا حولان حول ولا نصاب ولا بتاع,,لعنة الله عليكم ايها الصابئة..طبعا الصابئة ديل الما دخلوا فى الدين الجديد وما تفتكروا انهم ناس الحكومة,,ما تودونا فى داهية..

#نصيحة مجانية : كل من تحدثه نفسه بالتصويت لصالح المؤتمر الوطنى فليستعذ بالله من الشيطان الرجيم وليقل جهرا( اعوذ بالله منك يا ابليس ويا الترابى) وليتفل امامه,, ويا حبذا لو كانت امامه شجرة ,عشر مرات صبحا ومساء ونحسبه ان شاءالله من الناجين الوطنيين المخلصين..

# هذا الكتاب قد تجدونه فى المكتبات بعنوان (النهب والاختلاس فى عهد الانقاذ) وهى الطبعة غير المنقحة التى حمل فيها الكاتب على الحكومة من غير ما وجه حق..

ونلتقى….

About these ads
تعليقات
  1. زووووووول قال:

    كدا مظبوط يا شنباتى !
    وجاييك ببعض الملاحظات

  2. زووووووول قال:

    شمباتى سلاام
    اولا هاك دى وبعدها ارجو ان تحتمل ردى على بعض النقاط والتى اتناولها تحت عنوان (الاجهاذ على اخطاء شمباتى فى الحقيقة والمجاز )
    تناقش المصرى والسودانى عن اي حكومتيهما تلهط المال العام وتراهنا على ذلك .
    المصرى : تعال يا بيه . يسوق صاحبه قبالة النيل ثم يخاطبه : شايف الكوبرى دا يا عمى
    السودانى : ايوا شايفوا فى شنو يعنى
    المصرى : دا نصو هنا ويشير الى جيبه
    السودانى يدعو صديقه الى الخرطوم ويذهب به الى النيل فى منطقه لا يوجد فيها كوبرى .
    السودانى : شايف الكوبرى دا
    المصرى : كبرى ايه يا عم انا موش شايف ايه حاقه .
    السودانى : ما حاتشوف حاجه لانو الكوبرى دا كلو راح الجيب .
    جاييك

  3. زووووووول قال:

    شمباتى
    اما الكبارى والطرق فقد جافيت فيها الحقيقه والقاصى والدانى يشهد ان الخرطوم التى كانت بها ثلاثه كبارى تقريبا اصبح عدد الكبارى فيها الان سبعه كبارى والثامن فى الطريق بنسبة نمو اكبر من 100 % . ولا يجرمنكم شنئان قوم على الا تعدلوا ) .

  4. اواصر قال:

    الأخ شمباتي
    السلام عليكم
    والله كفيت وفيت لكن نسيت حاجة سغيرونة كدا انو الانقاذ الكريمة ادت الجنوبيين حق الانفصال بعد سنين طويلة من الحرب (طيب مادام في خيار زي دا كنت بتحارب ليييييييييييييييييه وبتمص فى دم الناس السنين دي كلها ليييييييييييه ) والحكومة ناسية ولا بتتناسا (ماعارفة) تماما انو الانفصال دا وراهو مطامع كبيرة جدا من اسرائيل وامريكا لانو دول حوض النيل والقرن الافريقي كلها دول امورا تمام مع الدولتين ماعدا الصومال ودي حالا يحنن الكافر برضو بسبب امريكا.
    دي صباحية سغيرة وراجعين

  5. ودالزبير قال:

    شمباتي

    قد نختلف مع الإنقاذ خلاف كبير ونتفق معك في نقاط كثيره مثل الصالح العام وسرقه أموال الشعب والمحسوبيه لكن في حاجات ما ممكن ننكرها زي إستخراج البترول والطرق والجسور والكباري يأخي هسه أنا بسافرك من هنا لحدي بلدنا في الشمال في شارع زلط والكهرباء والمويه وصلتنا قريتنا في أقصى الشمال وبجييك راجع للرد على كل تلك المآخذ وأحده وأحده

  6. حاج أحمد السلاوى قال:

    أخونا شكسبير ..
    الجسور والكبارى والشوارع دى لو ما عملوها هم كحكومة ومسئولين ..مين مفروض يعملها ؟ فلا يجب ان تكون مِنّة على الشعب ويقعدوا يقولوا سوينا وسوينا وسوينا ..اصلهم لازم يسووا الحاجات من زماااان وما يمتنوا بيها على الناس ودا من صميم واجباتهم .. والحاجات إتعملت من جيوبهم الخاصة ؟ ولاّ من أموال الدولة اللى هى اصلاً من دافعى الضرائب .. الزول ( ابو واوا واحدة ) لامن يدفع ضرائب لازم يكون فى مقابلها خدمات ,,الحكاية ما تبقا جبايات بس ..أين المدارس واين المستشفيات والعلاج المجانى ؟
    سؤال سغيروووونى كدا ..أموال البترول دى ..وين ؟؟

    • يا حاج السلاوي سلام
      رحعتونا لوجع القلب تاني غيبت لي يومين ولقيت ناس المنتدى كلامهم ذي الجرايد والتلفزيون …
      طيب …الكل يشتم ويلعن ..بدل الخمج دا ما نلجأ لله ونسأله أن يصلح أحوالنا وأحوال ولاة أمرنا وأن يولي خيارنا ويجنبنا شرار العباد … وفتن الدنيا…

    • حاج السلاوي سلام …
      أيها الزعيم في ناس كدا الظاهر كلامهم بتاع شنو ما عارف….ما في داعي لشتم والدة الرئيس ولابسة كم خاتم…..أخوه الصعلوك….هذه المهاترات لا ترقي لمستوى حوار…كما سبق وأفاد سيادتكم …الفجور في الخصومة ليس من شيم الرجال والملاسنة بالكلمات الجارحةلا يليق آهي بقت عادة قبيحة لدى السودانيين خاصة في فترة الدعاية الإنتخابية للجميع بدون إستثناء….طيب يا جماعة نحنا دايرين الحل الذي يجنب البلاد الدمار …يعني تجينا مصيبة أكبر من دي ؟ ويروحو فيها ناس حتين تصفى المسألة …بعد دا كلو الثروة التي ستتقاسمها الأحزاب دي وين ؟ السلطة عرفناها من الدوحة وإسرائيل
      سؤاااااااااااااااااااااااااااال صغنن كدى ؟ كيف ينظر العالم لأهل السودان؟ كيف يدير السودان أزماته ؟

      وبعدين أنا من زمان بسأل الإنقاذ دي القاعد ينظر ليها منو؟ بعدين كم عدد ألحزاب 100 ولا أكتر؟
      بالله شوف سنضيف لهم بعض المدونيين عشان يبقو 1000

  7. التلب قال:

    سلام للكل
    حاج السلاوي سؤالك سغيروووونى لكن صعب شدييييييييد!!
    السؤال الصعب يا حاج هو: أموال البترول دى ذاتها كم ؟؟؟؟؟؟
    في 12 مليون برميل من النفط بقيمة 370 مليون دولار، ما معروف مشت وين!! شركة النفط الوطنية الصينية قالت استخرجتها و الحكومة قالت ما سمعت بيها !!!!
    للمزيد من التفاصيل اضغط على الرابط التالي

    http://www.bbc.co.uk/arabic/middleeast/2010/03/100316_sudan-oil_tc2.shtml?s

  8. مشاكل قال:

    سلامز

    كما قال ود الزبير .. الإختلاف مع الإنقاذ لا يعني أن ينكر الجميع فضلها

    أريد ان أسأل … كيف كان يصل اهلنا في الشمال الى الخرطوم .. كم من الزمن كانوا يستغرقون ؟؟ من أقام هذه الطرق و الجسور التي ينعم بها الجميع في السودان

    هل كانت هناك كهربا في المدن و القرى الكبيرة .. أين هي شبكات المياه في ذلك الوقت ؟؟

    بالإضافة الى استخراج البترول و التنمية الكبيرة التي حدثت بعد ذلك سواء في دخل الأفراد أو البنيات التحية

    توفير العذاء و الماء و الوقود – على رغم المشاكل – فلنا في زمن الصادق المهدي و صفوف الخبر و البنزين تذكرة

    و مشاريع الكهرباء و الزراعة التي تجري على قدم و ساق حاليا سواء في الشمال أو الغرب تعلية الخزانات في الشرق

    اما في موضوع التعليم … فإن الزيادة الكبيرة في عدد المدارس و الجامعات كانت نتاج للزيادة الكبيرة في عدد السكان … أها يعني ما تتعلم ولا شنو ؟؟؟

    و من أكبر إنجازات الإنقاذ هو الإتفاق على وقف الحرب في الجنوب .. حرب مدمرة قضت عل الأخضر و اليابس في البلد

    بالله كفانا حديث و خطب و لننظر إلى الأمام حيث المستقبل .. دعونا نعمل بجد نرفعة السودان بدل اللطم على الخدود و شق الجيوب

    فإذا قامت الحكومة بشروعات إنمائية فيجب شكرها لا ان نقول هذه واجباتهم فقط .. فكم من حاكم قبلهم لم يجلب للبلد إلا الخراب و الدمار

  9. زووووووول قال:

    ناس المملكه سلااام
    يقول السلاوى واكيد يوافقه شمباتى :الجسور والكبارى والشوارع دى لو ما عملوها هم كحكومة ومسئولين ..مين مفروض يعملها ؟ .
    طيب يا جماعه انتو كدا قربتوا تجوا معانا واهو معترفين الحكومه عملت طيب اسال سعال سغنتونى : البلد دى حكموها كم راجل قبل الانقاذ . الاجابه رجال كتار والمحصله تلاته كبارى فى الخرطوم المدينه وكهرباء نسيها الناس فى مدن ولائيه كبيره مثل عاصمة ولاية نهر النيل الدامر وغيرها من المدن الولائيه . والنتيجه طرق وعره قتلت الكثيرون من بنى وطنى توهانا وعطشا والنتيجه لا سكر ولا بنزين ولا رغيف ولا ظهره والنتيجه لا شوارع اسفلت فى اطراف المدن فى الحاج يوسف التى كانت تسمى الحاج منفى ولا اسفلت فى الكلاكله والدروشاب وامبده . والنتيجه برضو مضايقات للمخالفين رغم انف الديمقراطيه .والنتيجه تعويضات للحكام من حر مال الحكومه والنتيجه مدارس ابتدائيه ايله للسقوط تنمو الحشائش والاشجار داخل فصولها فى فصل الخريف ويهرب الطلاب من الحصه بخرم الحيطه الجنب الشباك والنتيجه سوق رائجه لتجارة مياه الشرب عبر عربات الكارو والنتيجه دمار فى كل المناحى .
    ويا اصدقائى يكفى الانقاذ بعض حسناتها رغما عن بعض المساوئ التى نوافقكم عليها مثل الصالح العام والمشروع الحضارى والبنوك وغيرها لكن اعدلوا هو اقرب للتقوى .
    وجاييكم للفصل الثالث من كتاب الاجهاذ على مجافاة شمباتى للحقيقة والمجاز .
    كسره : الطابعون دار الانقاذ الوطنى غرب مؤسسة النفط وجنوب كبرى توتى وشمال شارع المطار وجنوب مدينة السنط وبرج الفاتح . فاهمين حاجه ؟؟

  10. ودالزبير قال:

    زوووووووول
    من الجيد أن أتفق معك هنا وأختلف معك هنا في ظل هذا الحراك الديمقراطي الذي يجتاح البلاد

    حاج السلاوي والمغتربين عموماً ينظرون للحكومه من كوه مكتب ضرائب المغتربين فهم لا يرون فيها شياً جميلاً وإن وجد يأخي أقول ليكم حاجه زمان كان الزول العنده عربيه في البلد دي زول لازم يكون من ذوي الأملاك .. هسه تصدقوا أي واحد في أي حته في السودان ده ممكن يسوق عربيه يأخي نحن زمان التفاح ده كنا بنشوفه في التلفزيون بس هسه بقينا نعرف النبق الفارسي والشغلات من الفلبين وما بعيد بعد شويه نشغل اللبنانيات يبعين شاي في موقف الكلاكه اللفه .

    تطور وإذدهار إقتصادي كبير حصل في البلد وأي تطور لازم يكون ليهو ضحايا وأخطاء كمان في مقابل النماء والقروش البقت ماليه البلد لزم يكون في حراميه وإعتداء على المال العام وظلم وغيرها من المشاكل .. يعني يا شباب روقوا المنقه شويه وخليك سوداني

    الشجره الشجره وأوعك من الشاكوش

  11. حاج أحمد السلاوى قال:

    يا ولدنا العزيز ..
    أولن.. ليس منا من لطم الخدود وشق الجيوب ..
    ثانين… كل هذه الأعمال التى ذكرتها حضرتكم هى من صميم واجبات الدولة التى تؤمن بالتوجه الحضارى وتنادى به ليل نهار.. ويجب عليها القيام بها بلا مِنة ولا أذى لشعبها دافع الجبايات (وليس الضرائب)..فإن لم يفعلوا ذلك فهل تتوقع أن يأتى اقوام من الفضاء الخارجى للقيام بهذه الأعمال ..ولا يجب علينا شكرها والمقولة السائدة لدينا هى لا شكر عبى واجب .
    أما أن ذلك لم يقم به السابقون من الحكام فهم منقصة بالنسبة لهم وليست محمدة ويرفع غليهم اللوم فى ذلك سواءاً بسواء ونحن لم نقل أنهم خير من الحاليين ..فإن لم يفعلوا خيراً للشعب فليذهبوا غير مأسوفاً عليهم ..
    وإن عدتم عدنا … وإن لبدتم لبدنا .. أو كما قال !

  12. مشاكل قال:

    سلامز

    نعم هي واجب على الحكومة .. و لكن لا حكومة منذ 56 الى 89 استطاعت ان تفعل ما فعلته الانقاذ بالرغم من علاتها … و يجب شكرها على ذلك

  13. دكتور شمباتي سلام كتير جداً
    وانا ماري بسود نايل لقيت المقال دا
    د. نافع والقفزة النوعية في إدارة الحملات الإنتخابية … بقلم: بابكر عباس الأمين
    أهو برضو من إنجازات الانقاذ
    …………..
    لا شك أن الدكتور نافع علي نافع, المسؤول السياسي والتظيمي للمؤتمر الوطني, له خطاب سياسي مقنع للناخبين والمراقبين في الحملة الإنتخابية. وقد قفز بإدارة الحملات الإنتخابية قفزة نوعية لم يسبق لها مثيل في تاريخ الإنتخابات السودانية منذ عام 1953. يستخدم الدكتور نافع مفردات عامية بسيطة, سهلة الفهم, بعيداً عن التعقيد والسفسطة والفلسفة, لأنها سهلة علي الأُميين وجماهير الأرياف والقري. وأسلوب الدكتور من الإقناع والمنطق لدرجة أن معظم الذين لا ينتمون للمؤتمر الوطني, أو غير المتعاطفين معه, سيدلون بأصواتهم لحزبه دون تردد.

    لقد كان تساؤل الدكتور نافع, نائب رئيس المؤتمر الوطني, في محله عن جدوي الحكومية القومية (أهي أن يدخل عواجيز الأحزاب فيها؟). وهو مُحق لأن البلاد محتاجة إلي دماء شابة كقادة المؤتمر الوطني, وأن الذهن البشري تتدهور مقدارته عند الكبر. إضافة إلي أن أولئك (العواجيز) قد إبتعدوا عن ممارسة السلطة لعشرين عاما, وبالتالي, قلت خبرتهم السياسية وعلاقاتهم الدولية ومعرفتهم بالإدارة المالية. ولم يكن في عصر هؤلاء (العواجيز) تكنلوجيا ولم يتعاملوا مع الإنترنت. ودعا الدكتور نافع الأحزاب إلي التوحد خلف مرشح واحد (حتي يراها صرعي في رجل واحد في ضربة واحدة, أو يجزهم كلهم في ضربة واحدة). هذه منتهي الثقة في شعبية المؤتمر الوطني وبشري لإكتساحه للإنتخابات القادمة مُقدما و(الأمر محسوم).

    وهذه الثقة ليست ناتجة عن فراغ أو للإستهلاك, إنما مؤسسة علي رضا الناخبين بمنجزات الإنقاذ, التي أبسطها تمزيق فاتورة إستيراد الغذاء والملابس (نأكل مما نزرع ونلبس مما نصنع), بعد أن كانوا شحاتين قبل الإنقاذ. إضافة إلي التوجه الإسلامي, وتطبيق شرع الله, الذي من ثماره تحقيق العدالة الإجتماعية, وإنحسار الجريمة, وعدم إنحلال المجتمع وخلو دار المايقوما من أطفال السفاح. لقد كانت فتياته النواهد كاشفات الرأس لا يعرفن الحجاب قبل حكم الحركة الإسلامية. ولم يكن لجندي أو ضابط القوات النظامية لحية, كأنهما في دولة علمانية أو ملحدة أو مسيحية أو هندوسية, وليس في دولة تطبق شرع الله. والحقيقة أن قبول المؤتمر الوطني بالإنتخابات هو في الأساس فضل منه لبقية الأحزاب يستوجب الشكر, وليس حقاً. لقد كان بإمكانه رفضها والإستمرار في الحكم بمفرده كنظام معمر القذافي (40 سنة), أو الحزب الشيوعي الصيني (60 سنة), أو الحزب الشيوعي الكوبي (50 سنة).

    وأضاف الدكتور نافع, نائب رئيس الحزب, بأن الحركة الشعبية من الذكاء بحيث أنها لن تقبل بمكيدة (أحزاب الهوان الضعيفة) بالموافقة علي تأجيل الإنتخابات. أما قطاع الحركة الشمالي فهو (متلجلج وليس أصيل). ولو كان لياسر عرمان ذرة كبرياء لسحب ترشيحه لأن (تلجلجه) قد إنكشف وبات واضحٌ للعيان وضوح الشمس في الظهيرة. والحقيقة أن المرء يحتار في (تلجلج) قطاع الشمال و(عدم أصالته) لأنه ليس هناك ما يبرره, وحتي إنتمائه للحركة الشعبية غير مُبرر لأنه مسلم وشمالي. وعن وهم المعارضة بإعادة التسجيل والإحصاء وتشكيل المفوضية فهذه (لجلجة واللجلجة باطلة).

    وهنا لابد من نصيحة للأحزاب أن تلتزم بكلمتها لأن هذا ليس من شيم السودانيين, وحتي الصغار منهم يوفون بإلتزامهم ولا (يتلجلجون) ويعلمون أن (اللجلجة باطلة), فما بالك بقادة الأحزاب (العواجيز). وبعد أن أدركت الأحزاب (وهنها وضعفها) وعدم إستعدادها وحان وقت الجد, لجأت إلي الكلام (الملولو) ولكن (زمن الكلام الملولو فات). لقد أخطأ أحد قادة الأحزاب من (العواجيز), عندما قال بأن لغة الدكتور نافع (لغة سلخانات). وذلك لأن إستخدام المفردات العامية موجود حتي في الأدب, كشعر الراحل إسماعيل حسن ومحجوب شريف. ومما يجدر ذكره, أن بعض أعداء الإسلام, في سعيهم للتأثير السلبي, علي أداء المؤتمر الوطني الإنتخابي, يروِّجون بأن هناك نهب للمال العام من قادة الإنقاذ. بل أن البعض يفتري علي الله الكذب بأن هناك أرصدة سرية لبعضهم في سويسرا وماليزيا. إلا أن هؤلاء يجهلون فلسفة الحكم الإسلامي, والتي هي في الواقع تقول إنما السلطة إبتلاء يتطلب المجاهدة والتضحية بالوقت والفكر والمال.

    ولقد سبق أن وصف الدكتور نافع أحزاب المعارضة ب: (الميوعة والتحلل والتفسق والرقص والمجون). ولا بد للأمة أن تحرص علي عدم منح ثقتها لأحزاب بهذا المستوي, لأنها قد تفرض تدريس مادة الرقص في مدارس الأساس, أو مادة ممارسة الحب في الثانوي, أو تقوم بتحويل المساجد إلي كبريهات ودور بغاء. وبما أنه هنالك سوابق لأحزاب (العواجيز) في هذا الصدد, فلا بد للشعب أن لا ينتخبها, لأن الذي (يجرب المجرب مصيره الندم).

    كما كشف سيادته بأن مصادر تمويل أحزاب المعارضة تأتي من (الكبريهات والمريسة). هذا بالطبع سيؤدي إلي نفور الناخب من تلك الأحزاب لأن بائع وشارب وحامل المريسة حرام, وبالتالي, تمويلها حرام. وإن كان البعض قد أفتي بأن شرب لبن, أو أكل لحوم, أو إستعمال صوف الضأن والغنم التي تأكل فضلات المريسة حرام, فما بالك بتمويل الحملة الإنتخابية التي ستقرر مصير الأمة؟ وبما أن ما بُنِي علي حرام فهو حرام, لذا, فلا قدر الله, إن فاز ياسر عرمان, فإن فوزه حرام ويجافي الشريعة. كما سبق أن وضح الدكتور نافع بأن (المعارضة لا تقيم صلاة الجمعة). ومن ترك صلاة الجمعة, رغم وضوح آيتها, فلا شك أنه ترك بقية الصلوات. والصلاة تفرق بين المسلم والكافر, وهي عماد الدين فمن تركها فقد ترك الدين ومن أقامها فقد أقام الدين.

    والحقيقة أن التعذيب, الذي دار في بيوت الأشباح بإدارة الدكتور نافع, لم يكن بالمبالغة والتهويل الذي صوره الإعلام الغربي والصهيوني المتربص بالمشروع الحضاري. نعم كان هناك تعذيب, ولكنه محدود, للتمكين ولتأمين الثورة من أعداء الإسلام من الملحدين والشيوعيين والعلمانيين والطابور الخامس. ولا يمكن أن نقبل إدعاءات البعض بأن التعذيب حرام, وقد وجدت له الإنقاذ فتوي. ولا يعقل أن يكون بقية السودانيين يفهمون الدين أكثر من الإسلاميين بورعهم المعروف وعلمهم الفقهي الغزير.

    ولا يمكن أن يكون العميد الريح قد مورست فيه الفاحشة, ليس لأنه فعل لم يعرفه تاريخ أجهزة الأمن السودانية, بل لأنه يتنافي وخُلق الإسلاميين. أما ذاك المحامي الذي إدعي بأن ساقه قد بُترت من جراء التعذيب, فقد فنَّد الشيخ الترابي كذبه بأنها بُترت من مرض السكر. لقد كان النظام الإسلامي من العدالة بحيث أن شيخه يتفقد الرعية بإستلام تقارير يومية من كل المستشفيات, ويعلم كل الذين بُترت سوقهم من السكر أو حوادث المرور في السودان.

    أما الأستاذ صلاح قوش, فقد غطي البُعد الخارجي والوزن العالمي للإنقاذ بالقول الفصل: (إن الفكر الإسلامي بالسودان الذي قادته الإنقاذ شكَّل خطراً علي الغرب بتقديم نفسه لقيادة العالم الإسلامي)!!! بالطبع كان العالم الإسلامي دون قيادة قبل 1989, فسدَّت الإنقاذ ذلك الفراغ الخطير. ولا بد للمسلمين أن يحمدوا للإنقاذ هذه الرسالة لأن الأمة بلا قيادة كالقطيع بلا راعي. ولكي تتوحد الأمة وتواصل رسالتها في التمسك بهويتها وتحدي الغرب, من الأفضل لها تبايع الإنقاذ علي الخلافة الإسلامية.

    أما إيران, وأبحاثها الفضائية, وأسطولها الحربي, وصواريخها, فهذه مجرد حملة إعلامية شيعية القصد منها خطف قيادة العالم الإسلامي, والإنقاذ أولي بالقيادة لأن الغالبية سُنية. ورغم إدعاء النظام الإيراني بإسلاميته وفخره بثورته, فإنه يتعاون مع الغرب إستخبارياً في مكافحة الإرهاب ويحتفظ بسجون سرية للمخابرات الأمريكية. ولكن رغم الحصار الجائر, فحاشا لرجال الإنقاذ أن يركعوا لدول الإستكبار و(الخوف من عبيد الله), (كالمرجفين والخونة) (د.نافع). ولا نحتاج لتكرار أن سبب الحصار علي السودان هو خوف الغرب وعملاء الكنيسة والصهيونية من المشروع الحضاري.

    أخير وليس بآخر لا بد من تذكير الناخبين بفتوي هامة, فإن الذكر ينفع المؤمنين. قال الشيخ عبدالحي يوسف إن علي السودانيين إنتخاب المرشح (الأقرب لله), ولعله نسي أن يضيف (لقد عدلت فنمت ياعمر). وخير الختام تذكير الناخب بالبيان الذي أصدرته مجموعة من علماء مسلمين سعوديين وسودانيين دعوا فيه الحكومة للحفاظ علي (هوية السودان العربية الإسلامية). كما نصح أولئك العلماء, جزاهم الله خيرا, الشعب السوداني ب (رفض تقرير المصير).

    ألا هل بلغت؟ فاللهم فأشهد.

  14. ودالزبير قال:

    أخوانا عبدالرحمن

    أعجبتني كلمه قالها نافع لقاده الأحزاب حينما طلبوا تأجيل الإنتخابات ( الفتر يبرك ) وهو مثل ظاهر ووأضح المعني من غلبه الجري في السباق الإنتخابي عليه أن يبرك كما يبرك الجمل أو الحمار ولا مؤاخذه

  15. يا ود الزبير صحبك دا معينه لاينضب لا ينضب لاينضب
    من لحس الكوع
    لحدي الركبه -الفتر يبرك-
    أخوك بس بكون منتظر تصريحاته لما يقولو ليك مشي علي ولايه وللا إلتقي بوفد
    بكره انتظر الصحف
    ويتواصل المد الثوري…..

  16. مشاكل قال:

    سلامز

    دكتور نافع عقلية لا يستهان بها .. و هو رمز من رموز الإنقاذ .. يعتبر ( الصحاف ) للإنقاذ

    له جمل و تصريحات نارية تحدث ضجيجا لفترة من الزمن و لا يتوقف الناس الا عندما يقول تصريح آخر اكثر حدة من الذي سبقه

    و فعلا هو يعتبر فاكهة الإنتخابات القادمة .. يعطيها نكهة خاصة .. مزيج من الثقة بالفوز و الإستهزاء بالخصوم السياسيين

  17. ابكرون قال:

    هههههههههههه
    شئ مؤسف الاخوة البطبلوا لدولة الظلم لم يفهموا ماذا يرمي له بابكر عباس الامين…..اقروه تاني بتمعن

  18. أبكرون
    رايك شنو
    -حصل نحن كضبنا عليكم؟
    -لا والله يخربنا تبرو إنتو من الكضب
    عليك الله شووووووف!!!!

  19. ودالزبير قال:

    أبكرون

    معاك مطبل جديد للنظام من المؤلفه قلوبهم

    المهم ياصحابي نحن بنقول ما نعاين للغنقاذ بالعين التي تبدئ كل المساوئ لابد إن هناك بعض الخير في هؤلاء الظلمه يعني ما معقول ما نتكلم عن كبري المنشيه ولا سد مروي ولا كبري الحتانه ولا كبري المك نمر ولا كبري رفاعه ولا كبري توتي يأخي الإنقاذ دي قدرت ترحل عشش فلاته أها رأيك شنو في الإنجاز ده…

    رمزنا الشجره الضليله بالمناسبه دي رمز ياسر عريان شنو ؟؟

  20. ابكرون قال:

    هاك دي يا عبدو:شوف الشاب ده زبانية نافع معذبنو كيف

    http://www.alrakoba.com/news-action-show-id-22596.htm

    • عبدالرحمن أحمد قال:

      ابكرون
      آسفين علي التأخير

      الغريبه بعد دا كولووو يجي بعض الاخوه يقولو ليك إسلام ودولة الاسلام والاسلاميين
      هسي عليك الله دي عمايل بني آدمين خلي مسلمين
      واتفرج يا سلام !!!

  21. ابكرون قال:

    الكباري دي من جيبوهم؟؟؟؟؟؟؟؟؟؟؟ مش من حر مال الشعب السوداني ومال قاعدين 21 سنه بعملوا في شنو ؟؟؟؟؟وده كلو في ال3 سنوات الاخيرة 18 سنه عملوا شنو؟

    عبدو : شوف جنس ده…….!

    http://www.alrakoba.com/news-action-show-id-22596.htm

  22. ابكرون قال:

    كأن الكباري وغيرها( منة) من جيوبهم وحر مالهم … دي اموال الشعب الفضل ده والسد قروض تدفعها الاجيال القادمة ل 30 سنة….!
    ومال قاعدين 21 سنة جاثمين علي الامة دي بسوا في شنو؟ طلع ال3 سنوات الاخيرة 18 سنه عملوا شنو؟؟؟؟؟؟؟؟؟؟؟؟؟؟؟؟؟؟؟؟؟؟

  23. ودالزبير قال:

    طيب يا أبكرون القبلهم سووا شنو ؟؟

    خليك من دي

    إنت قول لي البديل منو ؟؟؟ الصادق ولا الميرغني ولا عرمان ولا نقد يأخي ديل ديل ديناصورات عديل

    ولا نخلي سلفاكير كير يحكمنا

    قول نحن قلنا المؤتمر الوطني أسوء حاجه

    إنتو العارفين كل الكلام ورونا بديلكم شنو ؟؟

    بعدين مش الناس قالت تتنافس ما تخلوا الإنتخابات تتم والشعب يختار مش الإنتخابات دي حره ونزيهه ومراقبه بالأمم المتحده يبقى الشعب هو الراح يختار لو قال عايز الناس ديل إنتو تسوا شنو .. أها الساعه ديك بيحكموا بتفويض شعبي شن الشوره في الوقت داك

    مع كامل إحترامي

  24. ابكرون قال:

    منو القال حرة ونزيهة؟؟؟؟شنو يعني الامم المتحدة ما راقبت انتخابات زمبابوي واوكرانيا وافغانستان ….لو نزيهة زي ما انت متاكد تحية وانحناءة للبتجيبو …وما ابعد هذه ال لو…..

  25. والله انا ما عارف هل نحن نتحدث عن السودان ولا عن دولة تانية؟
    الاحزاب نعم سجمانة وضعيفة ولكن ما ممكن نقارن انجازات فترة حكم سنتين أو ثلاثة بفترة حكم واحد وعشرين سنة!!!!!!!!!!!!!
    بعدين الكباري والبنايات الفارهة هل تعني إن البلد في تتطور؟
    ضرائب جبايات زكاه دمغات جريح شهيد رسوم محلية ووووو….
    وبرضو طلعوا البترول والدهب
    لكن المرض والجهل والفقر وزعوهو للناس
    وقروش البترول والدهب مشت لأهلا

  26. شمباتي
    سلامات يا دكتور
    معليش مرينا في المداخلة بدون تحية

  27. mon amie قال:

    اخي ابكرون
    دفاع الانقاذ ديل منتفعين منه لانهم يوم عمر القشير ده اسقط هم الله ارحمهم

  28. ودالزبير قال:

    مون شنو مابعرفوا داك

    قلت لي منتفعين من الأنقاذ
    أكيد مريت أو مريتي بحسب الحال على فيللا أخونا زووووووووول او يمكن تكوني شفتي الهمر السايقها ولدنا مشاكل أو إحتمال كبير جداً شفتي حسابس المصرفي في جزر كايمون ( في جزر بالإسم ده يا ربي )

    صحي المايعرفش يقول عدس

    أشرح ليك المثل ده وقصته الحقيقه ولا عارفاها

  29. التركــــى قال:

    الدنيا عقاب اسبوع وانا مارى مستعجل بس الا قلت النخت كم نقطة كدى فوق الحروف … ياجماعة هسع لو أنا عملت شئ تمنه عشرين قرش وصرفت عليه خمسين يكون عملت شئ ولا اسرفت فى مال ماهو حقى ؟ نعم عملو المفروض يعملوهو بس بالخسارة والماحاباة والعملوهو دا ماعملو القبلاهم صاح يعنى ممكن نقول أفضل السيئين …. وبعدين ياجماعة مش ممكن الانقاذ تكون ماعملت شئ خالص لانو الانقليز بقولو السعة لو وقفت خاااااااااالص (يعنى خسرت) برضو بتكون دقيقة على القل مرتين فى اليوم والناس دى اتحكرو فى الكراسى دى عشرين سنة …. ماعايزين نجيب ناس من برا عشان يحكمونا لكن عايزين البحكمنا كائنا كان ينصفنا وينصف الغلابة ديل … شنو خامن حق الناس بالكوريك ومرجعنو ليهم بملعقة الشاى كمان . يسلم قلمك وفكرك يادكتور وكل أسبوع وانتو بالف خير

  30. بشّار أحمد بشّار (إبن برد) قال:

    دوك شمباتي والأحبة إزيكم :غايتو أنا رأيي أنو الحاصل ده كوم وتغيير “القضيب الصغير بقضيب كبير” ده كوم براهو- طب فين العطشقي لما القطر إتكسر؟؟- ويا جماعة نحن والحمدلله قد ميّزنا الله عن بقية مخلوقاته بنعمة العقل وعليه لا ينبغي لنا الكيل بمكيالين في مسائل تتعلق بالحاكم والمحكومين والعدل والظلم فالحاكم لايكون يوم الجمعة عادلاً ويجهش بالبكاء وهو يخطب الناس في الصلاة ثم يكون ظالماً يوم االإثنين ليبطش (بالبناء على البناول الطين) ثم يستميل الناس يوم الأربعاء ليقيم دولة العدل. ومن الطيبة نقعد نناقش انهم عملوا كباري وشارع ظلط وسد رد وذر الرماد في العيون والضحك على الدقون وننسي أهم شيء هو بناء البني آدم وتعليمه ومأكله ومشربه ومأواه وعلاجه بل توفير الأسباب ليشعر بالأمان وفي هذا الشأن قال أمير المؤمنين عمر الفاروق رضي الله عنه “لو تعثرت بغلة في العراق سأسال عنها يوم القيامة لما لم امهد لها الطريق ” !! فهل ترون أن الأمر يحتاج إلى تأويل وفذلكة؟؟ …ويا أحبائي إننا لا نستتطيع فصل هذا عن ذاك .
    أما إذا رضيت الرعية بالظلم, وأقرته, واستسلمت له, فجريمتها كجريمة الظالم …ولكن الطامة الكبرى والداهية العظمى عندما يجتمع على الرعية ظلم القائمين على أمر الناس وظلم أعوانهم المقربين.

  31. يا شمباتي و زواره سلام

    عارفين الانقاذ لها فضل تفشي الكوميديا زيهم و زي الفرق الماليا البلد بالنكات
    طبعا قد ملأ نائب رئيس حزبهم البلد نكات لكن….
    آآآحر واحدة بطلتها أم أب شجرة فقد جاء في الأخبار بأنها أختيرت الأم المثالية… عادي حدا فلا أحد ينكر فضل أي أم في تنشئة صغارها لكن ما بالساهل طبعا بتمنح مثل هيك لقب…
    ما علينا
    النكتة انها اعلنت بأنها سوف تتكفل ببناء طابقين في مستشفى
    سألت من وين
    أحد الظرفاء قال بسيطة: تقول ليهو يا ولدي بكرة جيب معاك اتنين مليون دولار عشان الموددوع !!

  32. عزت بقا ريتش قال:

    أرسل الينا صديق بعضا من فعايل اخوانا في الحزب …

    http://www.alrakoba.com/news-action-show-id-22596.htm

    فالى مضابط المؤتمر

  33. اواصر قال:

    السلام عليكم
    الاخوة الزوار الكرام
    كل الانظمة الشمولية التي مرت علي السودان بما فيها الانقاذ لاتتساوي حجم انجازاتها مع مدة حكمها. يعني ناس قاعدين 21 سنة حتي الكباري والكهربه ماديراين يعملوها ؟؟؟؟؟؟؟؟؟ المنطق يقول قبل ماتبني الكباري وتنور القري ابني عقول الناس واجساما عشان تنتج, ونور طريقا يعني تعليم كويس ووصحة ولقمة عيش ساهلة انشاءالله بس حد الكفاف.الصين بقت دولة عظمي في 50 سنة يعمل ليها الاقتصاد الامريكي اليوم الف حساب وماليزيا فى 30 سنة بقت قبلة للناس احدث الجامعات وارقي المناطق السياحية . والمأفونين ديل قاعدين 21 سنة وتقولي كباري وكهربة !!!!!!!!!! كل البعملوا فيهو دا ذر للرماد فى العيون . وبصراحة منطق الناس الماشة تصوت هو انو الناس دي يمكن تكون قربت تشبع عشان كدا احسن من غيرهم.
    تذكرت نكتة المسطول وهو قاعد جنب البحر فشاف البحر ماشي عكس( حسب السطلة) قال نتكلم يقولوا علينا مساطيل ولو سكتنا مدني تغرق .
    اخوتي انه انتخاب الفساد…….. راجعين

  34. ياسين شمباتى قال:

    الحبيب زووووول..سلام..
    اولا مرحبا بك بى هنا وانت تصر دوما على اشراك الجميع فى النقاش والافادة..واكيييد صدرى يتسع لرايك ولكل الاراء كما نحن دوما..اتفق معك على الكبارى,لكن يا صديقى كلها كبارى نص كم!! غير مطابقة للمواصفات والجودة,مثال كبرى رفاعة اللى لو مشت فيهو عربيتين مع بعض امكن يحتكوا,,وكبرى المك نمر اللى عمل اختناق وعملوا فيهو اشارة وانت نازل على جهة الخرطوم!!والطرق كل كم شهر تحتاج اعادة تأهيل..وبالعكس طريق الانقاذ الغربى ما قام بعد ضربو الحسينى,وشريان الشمال بعد سنين من التحصيل عملوهو معولق,وطريق التحدى براااااك خابرو..عليك الله الطرق يعملوها من التحصيل والضرائب وتطلع معفنة وبعد دا يحسبوها علينا حسنة!!
    وطبعا دا شغلهم,,عليك الله شفت ليك رئيس دولة محترمة او معتبرة يوم افتتح ليهو كوبرى ولا مدرسة ولا مركز صحى!!؟؟ولا وزير او اى مسئول؟؟دا من صميم عمله,,والشعب يحاسبو لما يقصر..والطابعون انحنا عارفينهم..وفى انتظار المزيد…

    اواصر..سلام..
    ومرحبا بك عضوا فاعلا ومشاركا ومدواما بالمنتدى..اتفق معك على ان الانقاذ لعبت بارواح الشعب والشباب خصوصا,وفى الآخر قالوا عليهم فطايس!! وللاسف امس الرمشير البشير بقول انو من حق الجنوبيين اختيار الوحدة او الاستقلال!! هل كنا محتلين الجنوب!!؟؟ ودى شتارة وعدم انضباط فى الخطاب الاعلامى من مرشح ورئيس اكثر من عشرين عاما…
    وابصم معاك بالعشرة على حتة الزمن دى,يعنى الديمقراطية كلها لم تتجاوز العشر سنين جايين يقارنوها بديكتاتورية وحكم عسكرى وشمولى اكثر من 40 عاما !! والبلد دى لو ما حكمها اى انسان كان وصلت للمرحلة دى,,يعنى دا بداهة بس.
    وفى انتظار المزيد من المشاركات الثرة..

  35. ياسين شمباتى قال:

    الحبيب ود الزبير..سلام..
    لا انكر ان للانقاذ بعضا من المحاسن,لكن كم فى المائة من جملة المفاسد؟؟وما هو الخطر الاشد على البلاد والعباد من تدمير القوى البشرية والكوادر والتنمية البشرية؟؟التعليم انحط وقبله الصحة,لا مجال للحرف والمهن الصغيرة..تدمير الشرفاء من رجال الاعمال واعلاء المرتزقة والنصابين..القضاء على نزاهة القضاء,ودى براها تكفى انها تسقط حكومة فى نظر شعبها والعالم,,وما بعيد منك حادثة سبدرات وزير العدل واشرف الكاردينال!! والضرائب والجبايات والمكوس اشد ذنبا من الزنا,,تانى يعملوا فينا شنو اكتر من كدة؟؟؟
    اما عن نافع,,او كما يحلو للاخوة المعارضون بمناداته ب(ضار على ضار) فدا اقبح كلام يصدر من مسئول,,يعنى الاهانة والتجريح فى الغير حاجة كويسة!!؟؟ياخ فى الآخر دا مواطن زيك ومن حقو يقول رايو,,وما قوش وحديثه الفضيجة بمستور عنا..وياما المستخبى اسوأ..

    الوالد السلاوى..سلام..
    اوجزت وابنت,,يعنى اسه الوالد بيمتن على اولادو انو رباهم واكلهم وعلمهم؟؟ولا يوم كرموا المعلمين وصوروهم وهم بيدرسوا ولا العمال وهم بيكنسوا ولا ست الشاى وهى تعرق وتبيع وتربى الايتام!! وعجبى منهم..

  36. ياسين شمباتى قال:

    التلب..سلام…
    الشركة الصينية اكيييد كضابة والحكومة يطرشها كان سمعت بى كدة,,الا تكون الحكومة حامل وكدة تكون معذورة!!! طبعا د.عوض الجاز لما كان وزير للطاقة رفض رفضا باتا انو يورينا عائدات النفط كم ولا بطلعوا كم برميل!! جنس حقارة غايتو..

    مشاكل..سلام..
    نلطم على شنو ولا شنو بس..بعدين فى حاجة مهمة يا صديق,,ما بعرف جور الانقاذ وظلمها الا من عاصر عهدا زاهيا وديمقراطية حقة وحرية تعبير حقيقية,,اما من وجد الانقاذ امامه وهى تشوه صورة الديمقراطية فاكيد حكمو حيكون ناقص شوية…الانقاذ ما قدمت اى تقدم فى مجالى التعليم والصحة,,يعنى انا قريت فترة فى عهد الاحزاب مجانا وكان بصرفوا لينا الكتب والكراسات,جو جماعتك ديل دفعونا رسوم عجيبة وشرونا الكتب والكراسات والكنب !!والجامعة كلها على حسابنا الخاص من سكن واعاشة وترحيل ومراجع ووووووو….وبعد التخرج تتعطل سنوات وتشتغل ب500 الف!! حسنة شنو؟؟جامعات هزيلة وخريجين اهزل ومشاكل اخلاقية ونفسية اكبر…
    بعدين شكر شنو!!؟؟ونافع شنو دا الفاكهة!!؟؟لكن بالجد هو زى الصحاف تماما !! ودى يا عزيزى انتخابات لحكم بلد وليس انتخاابات مجلس هيئة حلمنتيش العليا عشان يجيب لينا تصريحات مضحكة!! كان رشحنا احد ممثلى الفرق الكوميدية احسن..ونافع من اضرّ المنتسبين للانقاذ وما اظن يخفى عليك ذلك,,ويكفى انو عامل ليهو جناح براااااهو….

  37. ياسين شمباتى قال:

    عبدوز..سلام..
    نافع دا فضييييحة,,ومفروض كلامو دا ما ينشر اصلا لانو وصمة عار فى جبين الوطنى,لكن هو جبينهم فضل فيهو مكان للعار والعيب؟؟الحمدلله بس..

    ابكرون الحبيب..سلام…
    المشكلة فى الجثوم دا !! وانحنا ب(نتثاءب) زى جماعتك الفى الايميل داااااك,,والنزاهة فى امركيا ما مضمونة,,وكفاكم ما حدث بين بوش وآل غور..وللاسف يا صديقى الما انكوى بى نار الانقاذ ما بحس بى مغستها وحرارتها,,لكن الفجر اكيد طالع..

  38. ياسين شمباتى قال:

    ود الباشا..سلام..
    وبركة بالطلة بعد الانقطاعة دى..هو وينو البترول!؟؟ ووينو الدهب البنسمع بيهو دا,,اما عن الاسمنت والعمارات فهى اشياء مخجلة مقارنة بالمستشفيات والجامعات والمدارس والمساجد التى تفتقر الى ادنى مقومات الجودة والمواصفات…

    مون آمى..سلام..
    ممكن الانتفاع وممكن التوافق فى الافكار وممكن رؤى من زوايا تانية,لا نحجر على احد رأيه لكن عايزين كلام منطقى برضو..
    كسرة: وينك ووين ايميلاتك الحلوة؟؟

  39. ياسين شمباتى قال:

    التركى..سلام..
    هى ملعقة كبيرة؟؟دى ملعقة شاى ومطفقة كمان!! وانا مزعلنى السد لما افتتحوهو وابى يشتغل كويس قالوا كان فى نقص وعطل فى التوربينات,,طيب وقت ما جاهزين بتعزموا الناس وشايلين الاعلام كلو على حسابكم ليييه؟؟ زى الزول البعزم ليهو ناس ولما يجوا يقول ليهو انتظروا يومين لحدى الاكل ما يجهز!! جدنس غباء…واسبوعك احلى يا صديقى..

    بشار..سلام..
    والله لخصت الحوار..ومعروف انو اى دولة بتقوم وبتجتهد على ارساء وتحسين ثلاثة اشياء وتوفيرها للمواطن(الغذاء-الصحة-التعليم) وهو المثلث الذى يقاس عليه نجاح وفشل الدولة,ويمكن ان نضيف الامن بكافة انواعه,,اتحدى واحد يثبت عمليا انو الانقاذ نجحت فى زاحد من المرتكزات دى..وللاسف الناس لسه عشمانة فيهم خير..

  40. ياسين شمباتى قال:

    المرطب عزت..سلام..
    ونعم الاختيار والله,,والله لو ما الرئاسة ما كان جابوا ليها خبر..لكن التطبيل وصل حتات عجيبة!! اما عن الحرب وفعايلها فالموضوع واااضح..وشكرا على الرابط..

  41. نيام قال:

    د.شمباتي:
    والسمار المتداخلين تحياتي واحتراماتي
    يقال ان نصف الكذبة حقيقة و النصف الاخر هو الكذبة (ناكل مما نزرع نلبس مما نصنع)..
    ليس من الحكمة ان انشر الرذيلة ثم ابني معبدا (الجوع الذل و الفاقة ودور المايقوما و المنظمات الانسانية )..
    لا تقتل الانسان ثم تشيد له تمثالا لا يراه (كباري حواري ابراج)…
    اكذب ما شئت و لكنك لن تجبرني ان اصدقك (لمان جينا البلد كان فيها دقيق ثلاثة يوم و بنزين يومين و مائة الف دولار جميل ثم من اين؟؟؟؟) ..
    لا تنقذني من الجوع لتقدم لي خبزا لا اطاله (السوق مليان خير ما في صفوف مافي مدافرة)..
    بين الصدق و الكذب جرف يقف عليه ابليس (التعليم مجان و الصحة مجان مافي زول يدفع قروش في المدارس!!!!)….
    اذا عجزت ان تعدل بين الناس فساويهم في الظلم (التمكين)…
    مشهد لا يحتمل عندما يلبس اللص ثوب القاضي (وينو الفساد جيبو الدليل !!!) …
    وضع مقزز المال عند بخيله و السيف عند جبانه (اثرياء الاحسبون)..
    دامت المودة..

  42. حكاية قال:

    تسلم شمباتى
    ابت نفسى الا ان اضحك هكذا ههههههههههههههههههههههههههههههههههههههههههههههههههههههههههههههههههههههههههههههههههههه
    وشر البليه مايضحك
    الجماعه ديل عشرين سنه عرفونا وعرفناهم حصل كذبوا علينا —-يعنى بعد الكلام ده الواحد يضحك لمن يموت بهستيريا الضحك
    عشرين سنه خربوا التعليم والصحة والاخلاق والقوانين ونشروا الفساد ——-الرشوة تتحدث عن نفسها بتسهيلات لوحابى ورقك يقعد فى الدرج سنه ممكن بس لو حابى فى تسهيلات لتنفيض الجيوب والبينيه خير دليل شافى
    عشرين سنة اصبح السودان فى عهدعم بلد شنو (البترووووووول وغنوا ليهو ورقصوا ليهو بترول السرور وماشفنا غير لونه فى مفسديون السودان معليش تلفزيون السودان القناه المتوضيه غير الغنا والاخبار والفعاليات والسفريات والانجازات مرارتنا زاتها انفقعت
    قبل عام 89 سمعتوا ب سرطان ولا ايدز ولا مخدرات الخ واليوم ماخفى اعظم شبابنا فى خطر
    يا جماعه المال ده مال ابوهم ورثوه عن جدهم وارث بن دينار رحمه الله رحمة واسعة ماجونا ناس ساى جو ناس بحقهم ولقونا واقعين صحى النصيحه لله هم انقذونا لكن فى شنو بقى دى ماعارفاها وياريت البعرف يورينى
    لحدى هنا والكام قطع رصيد
    كسرة :
    دعايات فى الشوارع بمليارات الجنيهات مش المشردين اولى بيها ولا ناس الكلى ولا غيرهم
    مافى داعى تتم لانه الامراض كترت علينا
    اللهم لا ترحمهم وعجل لهم

  43. ودالزبير قال:

    شباب

    منتظرين بديلكم يا كارهي الإنقاذ وهسه المرشحين للرئاسه معروفين للكل يالله ورونا إنتو راح تنتخبوا منو يأخي نقد قبل يومين وفي لقاء مباشر غلى التيل الأزرق قال انا هسه مابصلي إتخيل زول في العمر ده ومرشح لرئاسه جمهوريه غالبيه سكانها مسلمين وعو لا يصلي على الطرف الآخر عرمان وعد أن يفتح لنا البارات مره أخرى ….

    غايتو بدائلكم بيدخلوكم في مواقف محرجه بشكل ولا يمكن نصوت لبتاع الملكيه الفكريه كامل إدريس والله برضو فكره مش بطاله أهو الزول يعمل فيها مثقف شويه

    بالجد يا جماعه سألنا مليون مره عن بديل الإنقاذ ولم يتطوعوا احدكم بالرد

    نقدر نقول ماعندكم بديل

    سير سير يالبشير

  44. ياسين شمباتى قال:

    الحبيب نيام..سلام..
    يا حكيم انت,,الزبدة برضها حلوة منك,,وتطول القائمة والمعايرة_الكيمائية والاخلاقية_والعجيب هم يتهموا الناس ويقولوا ليك خليهم يجيبوا دليل براءتهم!! طيب انت جيب دليل اتهامك اول,,كما اتهم كادرهم الطيب مصطفى عرمان وقال انو مفروض يقدم مستندات براءته!! عليك الله شفتوا غباء زى دا؟؟ وللاسف الشعب لسه طيب زى اول وما قادر يعرف انو لو الزول دا فاز تانى ح يعمل زى عبدالعزيز بوتفليقة ويغير الدستور ليظل رئيسا مدى الحياة..وربنا يكضب الشينة..
    وخليك قريب يا حبيب..

    حكاية..سلام..
    الله يسلمك ويبعد عنك كل شر..والله جيتى فى جرح بى ناس الكلى ديل,,اسه الحكومة ولا المؤتمر الوطنى قدم ليهم شنو؟؟ما كل يوم المراكز تتوقف عن العمل والمرضى يتعبوا,,وآخرها العقار اللى منعوا استيرادو من المنشأ بتاعو وجابوا البديل الهندى التعباااااان,,لانو زولهم ماسك التوكيل بتاعو!عليك الله ديل مسلمين؟؟ يابا التماسيح مسلمين,,لا,,مجرمين..وتتواصل الحكايا…

  45. ياسين شمباتى قال:

    ود الزبير…سلام..
    اولا مالو كامل ادريس!!؟؟ آل غور كان خير نائب رئيس وكان ممكن يفوز فى انتخابات الرئاسة لولا التزوير اياه..وهو رجل علمى بحت,,على الاقل كامل نزيه وما عرفنا ليهو مأكلة..ثانيا جيتنى فى الاتو بحتة الاسلام دى,,واسالك ايهم افضل للاسلام والمسلمين: الكافر ام المنافق!!؟؟ وبالاجابة حتعرف الاجابة..وفى بوستات قديمة عن البدلاء كان فيها حوار جميل جدا ممكن تراجعها..
    ودولة العدل تدوم وتبقى ودولة الظلم تفنى وتنمحى,,بغض النظر عن الديانة,والتاريخ خير شاهد..عاين لى فرنسا وامريكا وبريطانيا,,هل فيها رئيس مسلم!؟؟ بعدين دستور البلد ما اشترط الحاكم,,ودا وقعوا عليهو ناس المؤتمر الوطنى وعارفينو كويس..

    فلتسقط الشجرة على زارعيها ومستظليها ومنظفيها…

  46. ابكرون قال:

    بستغرب لمن شخص متعلم عينه في الفساد والظلم والنهب والانحلال ويقول ليك البديل شنو …..واكلنا التفاح في زمنهم ههههههه….الاف بتاكل من الكوش! عجبي من خديعة الدين دي ……خلاص هم اهل الدين …؟ ياتو دين؟ دين الإفك والكذب والنهب ؟ البديل حتي لو ابليس وزمرته من الجن والشياطين فهم أفضل……..!

  47. ابكرون قال:

    نيام:
    التحية لك وانت لخصت كل شي والعاقل يميز وكل الفخار لنا اذا اتت هذه الطغمة مرة اخري اننا لم نشارك ونساهم في هذه العوده ….كما لم يك للشعب السوداني قاطبة يد في جيتهم الاولي وانقلابهم علي الديمقراطية….
    هل تذكرون في هذه المدونه من اقترح تدوين مصايب ما يسمي بالإنقاذ قبل 3 اعوام تحت مسمي (كي لا ننسي) ارجعوا وراء شويه حتي لا ننسي برضو ما عارف الاتبدل شنو ؟؟؟؟؟؟؟؟؟؟؟؟؟؟؟؟؟؟؟

    حكاية : ههههههههههههههههه صحكتيني قلتي (القناة المتوضية(
    تقصدي وهي (بجنابتهاقامت تصلي) وعامله متوضيه يا( زمن وقف شويه) دي زي ولد حسن يوسف بتاع حماس الارتده عن الاسلام وبقي يقول يسوع الرب

  48. نيام قال:

    الدانقوست صباحكم نور علي البلور ….
    - ابكرون : طول بالك ياما تشوف ارشفة…وما ابريل ببعيد…
    - السؤال الذي يحيرني اذا كنت تسأل عن البديل وانت مقتنع بانك علي حق اذن لماذا الانتخابات و الصرف بالمليارات ؟ زي ما قالت حكاية (دعايات فى الشوارع بمليارات الجنيهات مش المشردين اولى بيها ولا ناس الكلى ولا غيرهم
    مافى داعى تتم لانه الامراض كترت علينا )..
    - عندما دخل عبدالله بن ابي السرح ثم تولي مصر بعدها في سنة 27هـ، وفي مدة ولايته فتح فتوحاً عظيمة في بلاد النوبة والسودان سنة 31 من الهجرة، وعقد عهداً بينه وبين ملك النوبةودخل معه الاسلام لم يكن يعلم انه بعد كل هذه القرون سياتي من يدعي بانه ادخل الاسلام في السودان و انه لو لا هو لكانت ارض السودان في جاهليتها الاولي!!!!
    - 9 كباري + سد + 3طرق ولائية = فساد (مالي و اخلاقي ) + جوع + عطالة +عزلة دولية..
    - ما هي الحكمة في أن تدمر مشاريع قائمة (السكة حديد و مشروع الجزيرة و الخدمة المدنية) لتبني مشاريع تلفزيونية ( الكباري و الطرق ) ماذا تنقل عليها؟؟؟؟

  49. حاج أحمد السلاوى قال:

    ابكرون ..نيام ..شمباتى ..حكاية ..وكل الواقفين ألف أحمر (الألف.. اول الحروف الهجائية )..
    جمعتكم مباركة ..ودعواتكم مقبولة إن شاء الكريم ..
    يا جماعة روقوا المنقة شوية ..ارفعوا فرامل اليد ..ارفعوا أرجلكم من البنص ..
    تفاءلوا بالخير …فالعشرين سنة الفاتت كانت سنوات الشدة…أما العشرون القادمة هى حتكون سنوات الخير والنماء وبناء الإنسان .. بعد أن ينتهوا من البنية التحتية حيطلعوا للبنية الفوقية .. (وتكون روح الشعب كوووولو طلعت للزمن داك ) ما أصلو الحكاية بالتدريج ..والعندو دليل على الفساد اليجيبوا ..( يعنى هم كانوا عوورة عشان يخلوا ليك دليل ؟ )والشرع بيقول البينة على من إدّعى واليمين على من أنكر ..إلياهو ولاّ ما إلياهو ؟..

    تخريمة سغيروووونة .. أين الآتية اسماؤهم ؟..فى حد يدينا أى معلومة عنهم ؟ :
    - ولدنا الحنين ..حنين ( دى مسئوليتك يا سهيل !! ).
    -أخونا بكرى ود موسى ..تليفونه مقطوع من فترة طويلة ..( لو غيرت تليفونك أدينا رنة ..بنرجع ليك )..
    -ابو المنذر .. القراية أم دق دى لمتين ؟ ما قربت تخلص ؟..إشتقنالك ..( دى مسئوليتك يا ودالزبير !).
    -عباس ركس ..طولت الغيبة ..المواضيع الساخنة كتيييييرة ..ما تبخل علينا بحروفك ..فى إنتظارك !
    -طفشانة ..طفشتى من الدنيا وسقطه بعد ما خلصتى الماستر …الحاصل شنو ؟
    - الغبشة ..سماسم ..لا أسكت الله لكم حِسا ..ولا حرفاَ ..
    - عبد المنعم الحسن ..اين انت يا رجل ؟ ..
    - كوكو .. ظهورك بالضفة الغربية أكتر من الضفة الشرقية ……. السبب شنو ؟

    المعذرة أكان خرّمت من (المودوع ) الرئيسى ..بس الناس ديل خطروا ببالى ..ويا ريت نعرف عنهم معلومة ..

  50. الكناني قال:

    د. ياسين شمباتي
    فتحت ملف الغلاط والتطبيل ولكن النظر الي الموضوع يشمل بعد اجتماعي اكبر من الانجازات والكباري يشمل الاصلاح الذي وعدت به الانقاذ في فجرها الاول وشل الآف القتلي في الجنوب ويشمل من قتل وهو آمن في بيته من اجل دولارات اصبحت تاتي بالطائرات ويشمل تفشي الزيلة والمحسوبية وجهاز امن الحزب ويشمل البطالة رغم كثرت الطرق والكباري التي تؤدي الي مناطق نائية كان الوصول اليها بشق الانفس اين نحن من السلف الصالح
    بشار بن نرد
    لافض فوك وانت تقول:
    أما إذا رضيت الرعية بالظلم, وأقرته, واستسلمت له, فجريمتها كجريمة الظالم …ولكن الطامة الكبرى والداهية العظمى عندما يجتمع على الرعية ظلم القائمين على أمر الناس وظلم أعوانهم المقربين.

  51. ياسين شمباتى قال:

    ابكرون..سلام وجمعتك طيبة..
    حليل التعليم,,غريبة انو دا تعليم نميرى والاحزاب المظبوط!! ما علينا واهو برضو الوطنية هى البتحرك الناس..وزى ما قلت لن نشارك فى اعادة هؤلاء الى سدة الحكم والعار لنا ان فعلنا..

    نيام..سلام وصباحك طيب..
    مشروع الجزيرة دا براااااااهو كافى لانو الانقاذ تعتزل العمل السياسى,اما الفساد المالى والرشاوى والمحسوبية فدى تكفى لاعدامهم جهارا نهارا..

    الوالد السلاوى..سلام وصباحك طيب..
    ركس دا امس كنت بتكلم معاهو ونصييييح وبسلم على الجميع,,اما عبدالمنعم فهو موجود معانا !! لكن البنية التحتية دى حدها متين؟؟ربنا يسترنا ويجبر كسرنا..غايتو رصعتهم ليك رصع جد فى الدعوات..

    الكنانى..سلام يا حبيب..
    بركة بالطلة..عارف وزير النقل الفرنسى ادى عشيقتو(ابونيه) لركوب المترو مجانا,بعد يومين احس انو غلطان وممكن ينفضح طوالى قدم استقالتو!! هنا اخو الوزير يضرب المليارات والوزير ناااايم,العمارات تقع والناس تموت والزير ناااايم,,الجهاز العدلى والقضائى انتهى وفسد والمحسوبية بقت علنية والزير قااااااعد,,الناس تموت فى المستشفيات عشان مافى اكسجين والزير قااااااعد..حسبى الله عليهم..

  52. ياسين شمباتى قال:

    هذا مقال للدكتور الشفيع خضر فلنتمعنه ولنقراه بعين البصيرة قبل البصر :-

    أولا، اعتذر لكل من إقشعر بدنه وهو يقرأ هذا العنوان المرعب…..وعموما ما أنا بقائل العبارة!

    ثانيا، أستميح القارئ عذرا في أن أقطع تسلسل مقالاتي حول الإنتخابات والفترة الانتقالية، مؤجلا الإيفاء بما وعدت به في المقال السابق إلى المقال القادم. فقد طغى على السطح أمر لا يمكن أن تسكت عنه إلا إذا كنت من زمرة الشيطان الأخرس الساكت عن الحقيقة. وعموما الموضوع يرتبط بما ورد وما سيرد في المقالين السابق والقادم. فهو يتناول جدلية العلاقة بين الدولة والحزب والحقوق المشروعة للعاملين، ولكن عندما تكون هذه العلاقة مصحوبة بصيحات الجهاد “كموسيقى تصويرية” وألوان الدماء المراقة….!! أعتقد بقليل جدا من الخيال يمكننا سبر غوار هذا الطلسم.

    في البدء، كل الشكر والعرفان للدكتورة ناهد محمد الحسن، فبفضل مقالاتها الرائعة تعرفنا على جوانب مهمة وجوهرية في قضية إضراب الأطباء. وحسب تلك المقالات وما تلاها من أخبار، وإنحيازا للمهنة الأصل، أقدم هنا تلخيصا للقضية آمل أن لا يكون مخلا:

    1. القضية بدأت بنواب الأخصائيين، وقبل عدة سنوات. فهؤلاء تقدموا بمطالب لتحسين أجورهم. فالنائب، وهو طبيب تقع عليه معظم الأعباء العلاجية في المستشفى، خاصة تلك التي تحتاج إلى قرارات حاسمة تجاه المريض في لحظات المرض الحرجة، إضافة إلى أعباء الدراسة والتحضير لإمتحان التخصص، هذا النائب يستلم في الشهر مبلغا يتراوح ما بين 650 و700 جنيها. وهنالك حوالي 600 نائب أخصائي ظلوا لأكثر من 6 شهور يعملون بدون وظائف وبدون مرتبات. وبعد سلسلة من الإحتجاجات توصل الجميع إلى اتفاق يتم بموجبه صرف “العلاوة الموحدة” للنواب ابتداءا من أول يناير 2008. وبالفعل صرفت العلاوة لبعض النواب وذلك من ميزانية عامة طرف مركز التدريب القومي. وزارة الصحة طلبت تحويل الميزانية لحسابها لتتولي هي الإشراف عليها، وبالفعل استلمت الوزارة 50% من الميزانية لكن لم تصرف للنواب استحقاقاتهم، فدخلوا في الإضراب الأول. وبعد وساطة نفر من الأطباء الإخصائيين تم التوصل إلى إتفاق لجدولة المستحقات ورفع الإضراب. لكن الوزارة لم تلتزم بتنفيذ الإتفاق.
    2. وبتاريخ 17 يناير 2010 تقدم الأطباء بمذكرة إلى رئيس الجمهورية، عبر وزيرة الصحة، شرحوا فيها تطورات قضيتهم، ولخصوا مطالبهم في عدد من النقاط، أبرزها:

    * توفير الوظيفة الدائمة للطبيب منذ التحاقه بالعمل كطبيب إمتياز وحتى المعاش. (فالطبيب بعد تخرجه ينتظر عدة شهور حتى يجد وظيفة طبيب امتياز، وهي وظيفة لمدة عام و4 أشهر فقط، بعدها يصبح الطبيب عاطلا لعدة سنوات قبل أن يجد وظيفة طبيب عمومي. وإذا كان الطبيب مجتهدا وثابر ليمتحن وينجح في امتحان إختيار النواب أيضا سيجد نفسه عاطلا عن العمل لعدة سنوات أخرى أو ينزل للتدريب كنائب أخصائي على نفقته الخاصة. وللأسف إضطر عدد كبير من الأطباء إما للهجرة مضطرا أو للعمل في مهن أخرى، ولو هامشية، حتى يسد رمقه ورمق من كابدوا وجاهدوا حتى يروه طبيبا).

    * المطالبة بتحسين أجور الأطباء من خلال تحسين البدلات ذات الخصوصية بمهنة الطب، أي دون الإخلال أو المساس بهيكل الأجور في الدولة. (مرتب طبيب الإمتياز بالجنيه السوداني 500، وراتب طبيب في الدرجة السابعة يبلغ 687.07، تفاصيله هي: الراتب الأساسي 216.6، بدل طبيعة عمل 213.32، علاوة غلاء المعيشة 88.13، بدل عدوى 50، بدل ترحيل 44.89، بدل سكن 44.5، بديل نقدي 29.63. أما الأخصائي فراتبه قد يصل إلى 900).
    * توفير العلاج للأطباء وأسرهم.
    * توفير ميزات سكن للأطباء وصيانة الميزات الحالية الآيلة للسقوط، كميز الخرطوم.
    * تهيئة البيئة الصالحة لعمل الطبيب عبر توفير كل احتياجات الطواريء ومنقذات الحياة.
    * توفير الاحترام والحماية والحصانة للطبيب أثناء تأديته لواجبه. (فالعديد من الأطباء تعرض للضرب من منسوبي الأمن في المستشفيات. والحصانة مقصود بها حماية الطبيب داخل الصرح الصحي وأثناء العمل حتى لا يرفع في دفار ويرسل إلى القسم كأي مجرم).
    * تحسين أوضاع التقنيين والكوادر الطبية المساعدة والعمال.

    3. بتاريخ 14 فبراير الماضي، وبتوجيه من رئاسة الجمهورية، كونت وزيرة الصحة لجنة برئاسة د. حسن أبوعائشة، ود.إسماعيل بشارة مقررا، للنظر في تحسين أوضاع العاملين في الحقل الصحي، وحددت يوم 28 فبراير لرفع تقريرها النهائي. اللجنة كونت لجنة مصغرة لدراسة مذكرة الأطباء النواب وتوصلت إلى مقترح رفع للجنة الأم التي لم تجتمع ولكن رئيسها شكل لجنة أخرى برئاسة المقرر لدراسة المقترح…ومن ثم تواصل مسلسل التسويف والمماطلة ولم تجتمع أبدا اللجنة التي شكلتها سعادة الوزيرة حتى اللحظة….وعند هذه النقطة دعت لجنة الاطباء لإجتماع بتاريخ 15 مارس الجاري لإتخاذ موقف جديد بعد أن اتضح أن قرار الوزيرة كان مجرد ذر للرماد في العيون حيث انبرت تتحدث عن التخريب والجهات السياسية التي تحرض الأطباء….وذلك في عدم إحترام غريب لقرارها حول اللجنة وتقريرها المفترض رفعه خلال اسبوعين…!!! وتصاعد الموقف ليصل ذروة المشاهد الدرامية في نهار ومساء الإثنين 15 مارس الجاري:

    مشهد أول: إجتماع طوارئ في مقر الحزب الحاكم ليعد العدة لغزو ميز الأطباء، حضره مسؤولون كبار. أعلنت التعبئة العامة وتم تقسيم الأدوار الجهادية. وخرج عدد من الصحف اليومية بعناوين رئيسية تقول ” الوطني يعلن الجهاد على الأطباء المضربين” ومدير أحد الأقسام الرئيسية في الوزارة يصرح للصحف: ” الدولة لن تؤتى من قبل الأطباء”….

    مشهد ثان: تجمع الأطباء في الصيوان الكبير المنصوب في الميز وبدأوا اجتماعهم المعلن عنه من قبل لتحديد خياراتهم تجاه تجاهل مطالبهم. فجأة تقتحم كتائب الجهادية المكان بقيادة الطبيب (ن) وهي مكونة من عدد بسيط من العاملين في الحقل الصحي – معظمهم من غير الأطباء – عرف عنهم انتمائهم للحزب الحاكم، وعدد أكبر من غير العاملين في الحقل الصحي تم التعرف عليهم كعاملين في جهاز الأمن. الكتائب الجهادية كانت تهتف في عصبية ” الجهاد … الجهاد”، و ” فلترق منا الدماء أو ترق كل الدماء”، وعند ما ينال منهم التعب يهتفون ” سير …سير يا بشير”! إحدى الطبيبات تقول منزعجة “هذا تصرف غير معقول” فيصفعها الطبيب الكبير (ط.ب)…ويتواصل الإشتباك. كل ذلك وعربات الشرطة والأمن مطوقة المكان من الخارج والجنود يحملون سياطا طويلة تحدث فرقعات في الهواء في حركات استفزازية لم تخف إلا الجهاديين. لجنة الأطباء كانت حصيفة بما يكفي إذ سارعت بفض الاجتماع وإعلان الإضراب لمدة أسبوع. وفي وقت لاحق عقدت اللجنة مؤتمرا صحفيا موضحة تفاصيل ما حدث.

    مشهد ثالث: في مساء نفس اليوم إقتحمت قوة نظامية الميز وأمر قائدها النقيب (ي.م.ع) جنوده بإزالة الصيوان والكراسي. وعندما تصدى له بعض الأطباء مسنفسرين قال إن لديه أوامر بذلك من قيادته العليا بالتنسيق مع قيادة الوزارة، لكنه لا يملك وثيقة مكتوبة، وهو سينفذ لأن المسألة تدخل في باب الطوارئ الأمنية….كان النقيب مهذبا ومصمما على التنفيذ. وكان الأطباء على قدر من الحصافة والتهذيب أيضا إذ إنتبذوا ركنا قصيا يتابعون التنفيذ بالتصفيق…!

    والآن تنتهي الدراما لتبدأ السياسة.!

    أولا، نسعى لتفسير ما ذكرناه حول جدلية العلاقة بين الدولة والحزب والحقوق المشروعة للعاملين: مباشرة بعيد إستيلائها على السلطة، بادرت الإنقاذ بتنفيذ عدد من التدابير لتضمن سيطرتها التامة على جهاز الدولة، المدني والعسكري. من ضمن هذه التدابير:

    * فصل وتشريد عشرات الآلاف من العاملين واستبدالهم بجحافل الموالين غض النظر عن الكفاءة أو الأهلية. وتقريبا كل الوظائف القيادية في الدولة اصبحت في أيدي منسوبي المؤتمر الوطني، والحقل الصحي خير مثال.
    * إستباحة المال العام وخزائن الدولة وتسخير كافة الأجهزة لصالح الحزب وكوادره، والتصرف وفق أولويات يحددها الحزب.
    * تنفيذ حملة قمعية واسعة لإستبدال التنظيمات النقابية العريقة التي ظلت تدافع عن حقوق العاملين المشروعة منذ تأسيسها، استبدالها بتنظيمات مدجنة تدافع عن مصالح الحزب في مواجهة مصالح العاملين….نلحظ تقاعس اتحاد الأطباء في هذه المعركة عن الدفاع عن مصالح الأطباء، وإنصياعه لتوجيهات الحزب.
    * إستخدام آفة الفساد والإفساد دون أدنى إستحياء.

    إصلاح هذا الوضع يدخل ضمن المهام الأساسية للفترة الإنتقالية. نصت الفقرة 2-6 من اتفاقية السلام الشامل على تحقيق مبدأ قومية الخدمة المدنية عبر تصحيح الإختلالات القائمة، كما نصت على إنشأ مفوضية قومية للخدمة المدنية. والمادة 7-2 من إتفاق القاهرة نصت على تكوين لجنة قومية لدراسة ومراجعة قوانين الخدمة المدنية وهياكلها ومجالسها وأجهزتها المتخصصة بغرض تطويرها وتفعيلها بما يضمن قوميتها وحيدتها وفعاليتها وكفاءتها واستقلاليتها. ومن الواضح أن هذه التدابير الانتقالية تهدف إلى تنفيذ رؤية شاملة لإعادة صياغة الدولة السودانية وتعزيز وحدتها وفق مشروع ينهي دولة الحزب الواحد ويؤسس دولة المواطنة والوطن التي تبنى أجهزتها على أساس قومي. والآن نحن في نهايات الفترة الانتقالية وحزب المؤتمر الوطني مصر على عبورها وهو مسيطر تماما على كل مفاصل أجهزة الدولة، متوكئا بصيرته العمياء التي لا ترى الإنهيار الملازم لهذا الوضع كما حدثنا التاريخ القريب في شرق أوروبا.

    ثانيا، كيف يمكن لهذه القيادات العليا في الدولة أن توجه بالتصدي الجهادي المسلح لفئة تقدمت بمطالب خدمية نقابية مشروعة لا علاقة لها بالسياسة، ولا تملك من السلاح سوى أسلحة محاربة الباكتيريا والفيروسات لصالح المواطن؟؟؟ إنه ضيق الأفق الممزوج بالهوس والهلع، والذي يرى في كل تحرك مطلبي بوادر ثورة شعبية ضده، أو ربما يخشى إن وافق على تلبية المطالب يكون ذلك خصما على موارده المخصصة للصرف على الخلصاء ومشاريع الوهم والعمارات السوامق!!

    ثالثا، إعلان الجهاد و”فلترق كل الدماء” في قضية مطلبية…هل هو بروفة لما سيحدث عند الخلاف حول قضية سياسية؟ هل هو تهديد مبطن لما يمكن أن يحدث في معركة انتخابات الأزمة؟؟؟

    درسان على غاية الأهمية يمكن استخلاصهما من معركة إضراب الأطباء:

    * خطورة أن يستمر الوضع هكذا دون التصدي للمهام الإنتقالية المتفق عليها، وعلى رأسها تحويل دولة الحزب الواحد إلى دولة الوطن والمواطنة.
    * قدم الأطباء درسا في كيفية إبتداع أشكال تنظيمية جديدة للعمل بعيدا عن الأكلشيهات المعلبة.

    كل الدعم للأطباء، وكل التضامن مع قضيتهم العادلة

    د. الشفيع خضر سعيد

  53. ودالزبير قال:

    ابكرون

    بدل الهمز واللمز خليني أجيك عديل ( قولك للرجوع للارشيف )لا يخيفني بشئ فأنا القائل كي لا ننسى محتى الأمس كتبت عن الفساد والإحاله للصالح العام والمحسوبيه وقلت إن ده من أكبر من مساؤي الإنقاذ وعندهم الكثير من الأخطاء ولكن وإنت سيد العارفين إن السياسه بحر متحرك وليس جامد خليك من أراء ودالزبير وأمشي شوف الميرغني قال شنو قبل كم سنه عن الإنقاذ وطريقه إقتلاعها وأنظر لحال نقد والصادق وغيرهم من ألد أعداء الإنقاذ السياسه يا صديقي هي فن الممكن بالنسبه لأكل التفاح فأعزرني فنحن منأناس لم يعرفوا طعم التفاح عندما كنتم أنتم وكبار القوم قبل 89 تأكلونه على الغداء والعشاء وربما الفطور في ذلك الوقت يا أبكر وبينما إنتم المفروض إنكم حارسو الديمقراطيه كنتم تأكلون التفاح كنت أنا أقف في صف العيش لأخذ نصيبي ونصيب أسرتي من الخبز ومن بعدها أوجها لصرف حصتي من السكر الذي كان تجار الأحزاب يخزنونها في ذلك الوقت كان الصادق والميرغني يختلفوا في منصب وزير التجاره أكثر من وزير الدفاع لم يكن هناك أصلاً حوجه لوزاره الدفاع والتمرد وصل لحدود جوبا … فاعزرنا لمن نتكلم عن التفاح نحن التفاح عرفناه مع الجماعه ديل بالنسبه للفساد وأطفال المايقوما فده مشكله مجتمع والرمي باللائمه على الفقر وحده ليس هو التبرير المباشر فنحن مشين دار المايقوما وعرفنا إنو في بنات أسر محترمه وغنيه ولدو بالحرام….

    نحن هنا بنقول العنده مرارات خاصه مع الإنقاذ مع يعمم الكلام ساكت والحديث على إنو الشيطان هو البديل هو حديث لا يحتاج مني لتعليق وبرضو لا زال السؤال قائماً هاتو بديلكم ونحن معكم ..

    شمباتي

    قلت لي كامل إدريس رئيس مناسب للبلاد يأخي زول قاعد بره البلد عمره كله بيعرف شنو عن السودان ونحن بنعرف شنو ن إمكانيته وراح يحكم بمنو راح يجيب ناس التجاني حاج موسى وزراء وكده ولا كيف غايتو الملكيه الفكريه بتاعت كامل إدريس ده لحدي قريب أخوك كان مفتكرها إسم لمدينه في سويسرا

  54. ودالزبير قال:

    قوموا إلى صلاتكم يرحمكم الله وجمعه مباركه للكل

  55. ابكرون قال:

    يا ود الزبير لا همز لا لمز كلام واضح واهو انت فهمتو…لا تتبدل المواقف ضد امور كالفساد المادي والاخلاقي والظلم الا اذا تبدلت اخلاق المتسبب وعدل وبما ان اخلاق المتسبب لم تتبدل ولم يعدل فبستغرب.. فهل زال الفساد وهل انصف ناس الصالح الخاص زي ما بتقول كتبت عنهم ….يا صديقي يكفي ان تنظر للرابط النزله عزت اعلاه لكي تثبت ان القوم لم يتبدلوا ولن يتبدلوا ….!اما قولك كنا ناكل التفاح فدي كذبه مؤسفة وتناقض لان التفاح دخل في عهدهم كما قلت..!
    اما نقد والصادق وغيره فما زالوا علي مواقفهم ويكفي حديث مبارك الفاضل قبل يومين …ولم نسمع بان المعارضة ارتضت بالمهادنه والا كانوا جزء من حكومة الوحدة الوطنية……
    الرغيف كتير الآن والسكر والترف وووووووو لك لااحد يستطيع شراءها الا حرامية العصر واهل الثقة من اعوانهم
    كلام غريب كون ملاقيط المايقوما كلهم بنات اسر ! ولماذا تزني بنت الاسر وما هو سبب التفكك الاسري؟ ولماذا يسرق رجل المرور والموظف ؟

  56. طارق أب أحمد قال:

    (( هنا اخو الوزير يضرب المليارات والوزير ناااايم,العمارات تقع والناس تموت (((والزير )))ناااايم,,))

    أخطأ قلمك و أصدقك المعنى
    أ

  57. ودالزبير قال:

    ابكرون وناس المعارضه عموماً

    نعود بعد أن وقفنا بين يدي الرحمن نعود ونحن أقرب للهدوء والسكينه نعود لنختم رأينا دون تهاتر أو غمز ولمز نقول بالفم المليان وكررنا هذا الكلم مليون مره إن لا بديل للبشير على الأقل في الوقت الراهن والإصلاح يتم من الداخل لا للمحكمه الدوليه ولا لتولي مسيحي الحكم ولا لتولي علماني للحكم هذه قناعاتنا لم ولن تتبدل ولكم كامل الإحتفاظ بقناعاتكم ودعوه الكثيرين الذين لا يرون غطاطه في تولي كافر لأمر الحكم في بلد مسلم هي دعوه غريبه وغير مفهومه لي بالمره …….

    عموماً يا أبكر

    سيحكم السودان الشخص الذي سيختاره الشعب وسيظل إحترامي وتقديري لك بلا حدود

    وبرضو أرح إستظلوا تحت الشجره وأوعك من الشاكوش

  58. ابكرون قال:

    ودالزبير وناس المؤتمر عموما

    احتفظوا بقناعاتكم ونحن برضو بنقول بالفم المليان لا للبشير ونعم للمحكمةولا للشجرة والشاكوش ولا للاتحاد الاشتراكي….. ونعم لاي واحد من الباقين…..وتولي المسيحي للشمال المسلم دي احدي بلاوي نيفاشا المؤتمر الوطني

  59. عزت بقا ريتش قال:

    أولاد المهدي ديل مالم حد يعيبهم

    أنا ما عارف يا ود الزبير مالو بتاع الملكية الفكرية ما سوداني و يحق له القدوم بالانتخاب و الا الصادق المهدي و الا مبارك الفاضل ناس عينهم مليانة و لم يأتوا من بيوت الصفيح كما قالوا و لا جو بي انقلاب و ما البشير الذي تقف معه الا و أتى على صهوة دبابة دعست الكثير خلال سنين حكمه الطويلة و ما هو سنده الآن غير الدولة… فان ذهبت فان حزبه الذي جاء به الى السلطة اختلف معهة و ليس له سندا جماهيريا غير الأرزقية ناس هي لله هي لله و الاسلام و الدين برئ من فعايلهم….

    أتمنى لو حضر القراء بالأمس برنامج (حنين) في النيل الأزرق الذي حاول أن يزنق مبارك الفاضل فجائت أحاديث مبارك كلها تبرئة له مما نسب اليه و عرى مبارك ناس المؤتمر الوطني الذين لا نحتاج للكثير لكي نعريهم فهم قاعدين في السهلة ساكت …

    و آخر بدعة طباعة أوراق الانتخابات لمناصب رئيس الجمهورية و الولاة في المطبعة الحكومية و دفعهم أربعة مليون دولار بدلا من الثمانمائة ألف دولار التي كانت ستدفعها الأمم المتحدة للعطاء الذي وقع لسلوفانيا للطباعة ففضلوا دفعها من مال الشعب السوداني الهامل فهل عشان سواد عيون المطبعة الحكومية … لا أعتقد فذلك يضمنون ورقا كثيرا يستطيع أي منسوب لهم حمل ورقة ورقتين في جيبوا يدعم بها البيدوها ليهو في دسك الانتخابات و يرميها داخل الصناديق دا كان ما جات الصناديق مليانة من قبل…..

  60. ابكرون قال:

    بالجد يا عزت مبارك امس عجبني وكذلك عبد العزيز … .والتعريه كانت برضوللقبيح مقدم البرنامج الذي كان يمثل المؤتمر….ولم يكن محايدا كا يفترض بل كانه الامين العام للحزب

  61. حكاية قال:

    جمعة مباركة على الكل
    ود الزبير من امس بتسال فى بديل للانقاذ ؟؟؟؟؟؟؟؟بكمية من علامات الاستفهام
    اكيد مش فى بديل واحد كمان فى ملاحق وبدايل هى الجابت الريس مافى نسوان غيرها جابوا
    فى ميه راجل وست احسن منه يتقلدوا المنصب —بعدين فى النهايه ماقصة منصب قصة انك تخدم شعب وتضحى من اجله مش من اجل فئة معينه زى مصاصى الدماء
    حرام وربنا غضبان علينا مافى بركة فى لقمه عيشنا لو جبت الف جنيه بتروح فى غمضة عين دليل شنو فقدان البركه
    معقول يا ود الزبير عشرين سنه غير خربوا ماعملوا شى وماتقول لى يوسف عبد الفتاح شغال يصلح فى شوارع الخرطوم بكم مزهريه وسياج قفل الحدائق الكانت متنفس للناس نيل طويل وعريض مافيه فرقه الناس تقعد فيه وغير البشتنه والدعايات الشوارع مافيها
    الكبارى والشوارع الملتقه دى عملوها ببيع الاراضى ليس الا لكن قروش بترول السرور دى مابعرفها مشت وين —–والله ثم والله ثم والله القروش بصرفوها فى الفارغه والوجاهات هاك يا عربيه انفنتى ويا فورد واللخ ثقافتنا عربات وموبايلات وبيوت والباقى معروف
    خلينا من ده كله مافى زول حاسى بالوجع ده الا الناس المدروشه الماعرفت التكييف وماعرفت غير السخينه وماعرفت غير الجوع وزمان عرفت انه الحكومه بتوفر ليها العلاج والصحة والاتين مافى معقول الريس يقول يفصلوا الاطباء ده كلام شوف مطالبهم وليه بهاجروا وتجى اختنا التانيه تقول نجيب اطباء مصريين لا بالله —-امال ثورة التعليم العالى البتخرج للشارع دى بتسوى شنو —–شوف اضراب استاذة الجامعات الايام الفاتت بسبب شنو عشان حقوق ليهم اخد غيرهم ومادايره اتم الباقى لانه الواحد قرف وزهج
    البديل موجود انت رشح روحك مش سودانى ممكن تكون احسن ولا البلد عدمت الرجال واذا عدمتهم النساء موجودات على قفى من يشيل —–بعدين ما نجرب كامل ادريس يمكن يقيم الشباب وبفهم ،ماضرورى يكون ماعارف عن السودان شى —-زمان الانجليز لمن حكمو البلد دى كان بعرفوا عنها شى ؟ولا شئ لكن طوروها وفاتوا وياريتهم لوقعدوا كان طلعنا خواجات فى التعامل والاخلاق
    لو قلت السلام عليكم فى البلد دى يقولوا ليك ادفع
    قبل كم يوم احدهم تحدث عن لبس الطالبات والبنات فى الشارع صحى فى لخبطة وبشتنه يرسى لها عارف السبب شنو فى كده —-لانه الناس البتعتقد فيهم ديل هم البجيبوا لبس البنات وهم الدايرين كده والبتلقاه فى السوق بتاخده
    عن نفسى شايفه كل المرشحين دايرين الشارع وغير مؤهلين للحكم كفايه تجارب فينا مانافعين معانا
    المفروض يقدموا ناس تانى من جديد ويجيبوا سيرتهم الذاتيه واصلهم وفصلهم والعرق دساس ارحمونا بقى

  62. طارق أب أحمد قال:

    الأحباب
    جمعه مباركه
    ود الزبير
    أكيد أنت يا ما كنت فى الخرطوم أيام الديمقراطيه أوكنت سغير أو ناسى لأنو عدم العيش كان فى أيام الأنقاذ و أول مره يكون فى أزمه خبز أيام الديمقراطيه كانت تحديدا لامن على الحاج أستلم وزارة التجاره و عمل الخبز الفاخر بى عشرين أو خمسين قرش

    شوال السكر كان بى ستين جنيه و مل أتعدم و أتوزع بالبطاقه الأ بعد الأنقاذ و بالمناسبه أنا أتزوجت شهر يونيو 89 وكان عندى كم شوال كدا فرقتهم أيام الأزمه ديك و لا زلت أذكر طرفه حثدت لى عندما ذهبت لسوق الخضار و بحثت عن النعناع الواحد دا و جائتنى الأجابه من كل الخدرجيه أنت لقيت السكر وين) يعنى معاصر للأحداث تمامن
    أما عن التفاح فلماذا لا تحدثنا عن التايتانك و أنت خبير فى مجال الأطعمه
    التايتنك لمن لا يعلم هى الوجبه التى يستقى منها المواطن السودانى بعض البروتين الناتج من مخلفات ذبيح الدواجن من أرجل و رؤوس و يأكلها المواطن الغلبان بينما يأكل سادته التفاح و الجداده ذاتا

    بعض الشعارات الأنتخابيه الى قد توائم المرحله
    صير صير يا المشير
    صحن بوش يا قوش
    شافع يافع كتلو النافع
    الليق الليق ياعواليق
    لن ترتاح يا تفاح

    و من جامعة الأحفاد
    /
    /
    ما دايرين الراجل ده

  63. طارق أب أحمد قال:

    تانين يا ود الزبير
    أنت وكتين مع المشير قدر دا مالك ما مشيت مع الوالى و الزوووول بالمره

  64. بشّار أحمد بشّار (إبن برد) قال:

    الحمدلله أن أصحاب الأقلام التي كتبت في الموضوع أعلاه كلهم أناس مستنيرين وأصحاب رأي وجميعهم أبناء أصول ومن معدن صاف جمعتني بهم القمردينة وغير القمردينة فصرنا إخوة السراء والضراء بصرف النظر إن كانوا (مع من) أو (ضد من) ولكن ما خلصت اليه أن الأراء التي طرحت هي بمثابة استفتاء صادق وقناعات لا لبس فيها بعيدا عن الأهواء والأغراض والمصالح لما يدور وما يحدث للغلابة وبعملية حسابية بسيطةأرج أن تحصروا (المع) و (الضد) ليستبين لكم الأمر علما بأن الأشياء والأمور لا يمكن فصلها عن بعضها بعضا ولنكن أمناء مع أنفسنا وعلى حقوق من لا يقوون على المطالبة بحقوقهم ينبغي أن لا نخالف ضمائرنا ونكيل بمكيالين.

  65. ابكرون قال:

    حكاية : كامل ادريس رجل استاذ وعمل بالسياسة الدولية ومنظمات الامم المتحدة ويفقه في السياسة اكتر من المشيرولا مجال للمقارنة…. المشيرعندما اتي بالقوة لم يك سوي عميدا في الجيش غير مؤهل لقيادة امه واقصي ما تاهل له قيادة لواء في القوات المسلحة قيادة عسكرية وليست سياسيه…..وبكل اسف خلال 21 سنه لم يتعلم سياسة……

  66. ياسين شمباتى قال:

    ود الزبير..سلام..
    التواجد بالبلد ليس شرطا لحكمها,فالاعلام والقنوات والمراسلات والزيارات المستمرة تعطى انطباع جيد,ود.كامل ما انقطع عن السودان فترة طويلة بل كان دائم الزيارات له,اما كونه رجل علم وكدة فدى بتزيد من نقاطه وليس العكس..
    اما عن تبديل مواقف المعارضين فليس هذا بشئ نحسبه صحيحا لهم بل هو عليهم,وليسوا بقدوة لنا حتى نحذو حذوهم..وناس الانقاذ ياما بدلوا مواقف مع دول واشخاص,,ودا كلو بيدخل فى باب النفقا والكذب والمداهنة..ويكفى قتل النفس ليشنق كل افراد الانقاذ ويقادوا بدم محمد موسى ومعتصم وشهداء كجبار ومذبوحى بورتسودان.ولا رايك شنو فى حتة القتل دى!!؟؟؟ وبالمناسبة لم انتمى لاى من الاحزاب السياسية المعارضة او الموالية طوال سنى حياتى,لكنى افتخر اننى اعارض القتلة والظلمة تجار الدين الملسين المداهنين الذين اثروا من مال الشعب المسكين..

    ابكرون..سلام..
    معك لاسقاط الشجرة رمز الظلم والاستبداد التى رويت من دماء الشهادة..وليكن شعارنا ايضا (قرفنا..من اجل اسقاط المؤتمر الوطنى فى الانتخابات)..

  67. ياسين شمباتى قال:

    طارق..سلام..
    دا العقل الباطن والله!!

    عزت..سلام…
    فعلا كانت محاورة جميلة وقوية,لكن للاسف ما اكملتها,,وصحى العينو مليانة ما بلهط زى ديل..وهم استغلوا الاعلام احسن استغلال لصالح حملتهم الدعائية وبرضو يقولوا ليك البديل منو!؟؟ البديل انا..
    اما بابكر حنين فانا محتار فيهو,,هل هو وطنى ام شعبى!!؟؟

    حكاية…سلام..
    زهجنا ماليهو حد,وهل تحسين مرتب المعلم افضل ام كوبرى تعبان وحقير؟وهل ترقية المستشفيات افضل ام ديوان الزكاة ومجلس الوزراء!؟؟ الدين بس فى حمع القروش والكتم على الانفاس؟؟ كلا والف كلا للاتجار باسم الدين..

  68. عباس قال:

    سلام عليكم مساكم الله بالخير وجمعة خير علينا وعليكم
    ياود الزبير
    تتحدث عن انجازات الانقاذ في المدن والولايات الكبيرة
    وكان الامر لايعني الانفاذ في بقية القرى والولايات والمدن الصغيره ( اهل الهامش )
    تتحدث عن المعمار للمدار والكليات والجامعات مع اني ماشايف زيادة في بناية او تعمير مدارس
    وحتي اذا سلمنا بذلك اترى الفرق بين التلعيم في الماضي والتعليم في الحاضر
    المعروف ان التلعيم في الماضي والمقررات هي مقرارات تهدف الي هدف ( عندها معني )
    اما مقرارات الحاضر مع انو العالم متطور وفي حراك دائم الا اننا ندرس العلوم العسكرية لطلبة مافروض يدروسو شي من هذا القبيل واللستة تتطول حول المواد الخالية من الفكرة النيرة والهادفه الي رفعة وتبصير وتنوير سلوك الطلبة
    حتي في التعليم الجامعي ندرس قشور العلم ( اشياء لا جدوي من تدريسها لنا كطلبة
    بالمختصر المفيد الذين معنيون بوضع المناهج لايفقهون شي عن التربية والتعليم لللاجيال القادمة
    المدرس في زمان ( الزمن الجميل ) خريج كليو التربية
    اما حاليا فهو طالب جامعي لا يقوى علي قراة صفحة من كتاب تارخ او ماشابه ياتي ليدرس التلاميذ كرها (مكرها علي فعل ذلك – مجبور ولا لن ينال خلو الطرف من منسقية الخدمة الوطنية – اتخيل يجي مدرس يق

  69. ياسين شمباتى قال:

    طارق..سلام..
    احييك على الشعارات المواكبة بشدة واسمح لى استعيرها وانشرها على الاسافير..وكلامك القلتو دا جزء كبير عايشناهو لكن العمر كان حبة كدة..

    بشار..سلام..
    صدقت والله..ويلا نعد ونحصى,اصلو التعداد لى اسه ما معروف كم!!

  70. ياسين شمباتى قال:

    عباس..سلام..
    ومرحب بيك فى دارك,,وغبينتك قوييية,لكن كلنا هذا الرجل..فعلا اشد ما يحزن ويمغس التعليم اللحق امات طه..ولسه الناس تسال عن البديل,,انحنا البشير كنا بنعرفو لما جا للحكم؟ما عنوة واقتدار بس وصبحونا حيارى..البشير يروح وبعدداك نسال عن البديل..

  71. عباس قال:

    تابع ———–
    يقضي خدمة اجبارية (الزامية في تعليم ابناءنا ) في حين انه هذا ليس بمجاله
    تخيل انك صاحب حافلة مواصلات (روزا كوستر سيفلين ) وتجبرك الحكومة علي نقل الطالب بنصف القيمة
    الاعتراض هو ليس في نقل الطالب بنصف القيمة بل يكمن الاعتراض في علي اي اساس انا انقل طالببنصف قيمة واتنازل عن مالي لانني انقل المواطن او الطالب بوسيلة نقل لاتملك في الدولة ( الحكومة ) جالون بنزين ولا صامولة
    مع وجود شبكات المياه وماشابة الا كل السودان يعاني في انقطاع امداد المياه في فصل الصيف
    وكالعادة ياتي الارتزاقين من زوي اللحي والكروش لمعالجة الامر فيحفرو ابار للمياه في حين انو ممكن بدل حفر الابار معالجة الخلل الذي يقف وراء انقطاع المياه في الصيف
    انا لا اعجب من تصرف هذا الارتزاقي لانه لا يعلم ولا هذا مجالة ولا يملك من الخبرة لكي يتصرف التصرف الصحيح هو مجرد ارتزاقي ( ماعرف كوعو كم بوعو ) مربي دقن وشايل سبحة وركب سرج الهندسة او ماشابة المجالات الاخري
    والحديث عن مقارنة الانجازات منذ الاستقلال الي حين عهد الانقاذ
    يكفي ان نكون شاكرين لمن نال السودان الاستقلال علي ايديهم فهذا انجاز لا يضاهي انجاز
    ومن ثم المرور بعبود ومن اتي بعده يكفي ان سوداننا كان له مكانة بين دول العالم اراضيه سالمه غير منقوصة ولا مغتصبة لا توجد بها قوات اممية دولية ولا قوات هجين افريقية اوربية اسيوية
    بل العكس صحيح كنا نحفظ الامن في دول الجوار ( لان السودان كان محل ثقة )

    القوات النظامية ( جيش بوليس ) اجهزة قومية تنظر فيها كل اتجاهات السودان
    اليوم او بالاصح منذ عام 89 اصبحة حكرا علي قبائل بعينها ويحرم منها بقية اهل السودان
    السودان مرو علية رؤسا لا يزلهم رؤسا دول الجوار فانظر حالنا اليوم دول الجوار تكسر عين رئس السودان
    كي تنال وظيفة يجب ان تكون من زوي الولاء والتعاطف الاعمي لحزب المؤتمر الوطني
    ولا يهم الكفاءة والخبرة
    لم نسمع بسياسة التمكين الا في عهد الانقاذ وهي سياسة تهتم بثبيت اركان النظام حتي ولو ادى ذلك لا نهيار الموسسية ودور الدولة كمل هو ماثل امامنا اليوم
    لارقابة ولا شفافية ولا محاسبة
    من المعروف ان هنالك ثلاثة مراحل والمعروفه بالتشريع من ثم التنفيذ من ثم القضاء وكل علي حدى لها اهلها
    اما في المشروع الحضار فالمشرع هو المنفذ هو القاضي

    علي الاقل في زمن الديمقراطية الثالثة ( الصادق المهدي ) كانت ديمقراطية يعني خلال كل خمسة سنة نشوف محل الاخفاق وين ويتعالج وكان حكمة يتغير الصادق المهدي زاتووووووووو
    معلوم ان كل حكومة منتخبة تبزل كل جهدها في التعمير والاصلاح ورد المظالم ( كي تفوز بجوله ثانية )
    اما الديكتاتورية فيكون الحالكم جاثما علي صدور العباد فلا يهمه التعمير ولا الاصلاح كي ينال رضا الشعب ومن ثم الظفر بجولة ثانية فهو يحكم بتكميم الافواه ولا يقدر اي كائن كان ان يغير او يعزل من هو خائب في قيادة دولة لان البندقية مصوبة علية
    اجتماعيا كان المجتمه منسوج نسجا دقيق ناعم متقارب لا جهوية ولا تعالي فالناس تحب بعضها البعض ( لا اقول لاتوجد جهوية او عنصرية بالمرة ) انما استعرت نارها وتاججت واصبحت في نمو وازدياد في زمن المشروع الحضاري

    حرب جنوب السودان عايشها من عايشها منذ زمن الاستقلال علي انها حرب اهليية
    اما اهل الانقاذ محوروها وعملو منها حرب دينية عرقية ( عروبة ) وتطهير السودان من الجنس الافريقي
    مع العلم ان السودان افريقيا قبل ان يكون عربيا

    معليش واسف جدا لانو الكلام غير مرتب ومنسق

  72. بشّار أحمد بشّار (إبن برد) قال:

    بمناسبة كثرة تردد سؤال :البديل شنو؟؟ والبديل منو؟؟
    خفت على هذا الوطن من الخضوع والخنوع والإستكانة والإذعان والإنسياق والإنصياع والإنقياد والتذلل ولكني حمدت الله كثيرا عندما وجدت بين أبناء هذه الأمة أحد أسود الشرى مثل الصبي الهزبر اليافع الشجاع المقدام عبدالله مهدي أسألوا معي الله أن يحفظه ذخرا لهذا الوطن .

  73. عباس قال:

    رجل والرجال قليل والله الولد دة
    ربنا يحفظو ويجندو لنصرة السودان ولرفعتة ويسخره لتنوير اهل السودان قادر ياكريم
    فشلة الانقاذ في تطبيق وانجاح نظرية ان تجعل من مواليد سنسين التمانينات والتسعينات جهلاء سياسيا ثقافيا اكاديميا كليا
    يوجد شباب واعي الحمد لله

  74. ودالزبير قال:

    غايتو مرات بتبالغوا عديل يا جماعه هسه دايرين تعرفوا شعبيه لرئيس البشير من خلال مداخلات الناس الفي البوست ده تصدقوا لو لمينا كل السودانيين البيتكبوا في النت ديل وكلهم قالوا لا للبشير الكلام ده اراح يأثر في شعبيته وسط المواطن الحقيقي الكل الناس هسه ببتكلم بإسمه أقول ليكم حاجه حبوبتي في الشماليه كانت عنده تمر إسمه تمر السيد يمكن ناس الشماليه بيعرفوا إرتباط أجدادانا بالختميه أها حبوبتي دي الجاهله والعندها السي الميرغني في مقام الرسول قالت إنها راح تصوت لعمر البشير شوف في كم زول بالمواصفات دي في السودان وعموماً شهر أبريل ما بعيد ولو بقينا عايشين بنجي نذكركم بالكلام ده ونصيحه من هسه جهزوا بوستات التزوير والغش واي وأي مادايرين لأن العشرين سنه الجايه راح يكون الحكم بتفويض شعبي وكل سنه وإنتو طيبين ؟

  75. طارق أب أحمد قال:

    أوكى لو فضنا أنو حبوبة ود الزبير صوتت لى المشير لكن برضو صوتت لى الوالى و النايب الختمى أها البشير حيعمل شنو بى رئاسة الجمهوريه دى

    اليله الصادق كان قمه فى الروعه و التيم المعاهو بالذات ساره نقد الله ما شاء الله و سيطروا على الموقف من اللحظه الأولى حتى أنه ساورنى شكك بأن حنين يحاول تضييع زمن الحلقه فى المهاترات الفارغه
    استطيع أن أؤكد أن الصادق عائد للمناقسه بقوه و لا رايكم شنو

  76. حكاية قال:

    الموضوع ماداير دراسة عصر عارفين بدون ودع وشوفة فنجان الشخص ده حيفوز وحيتولى المنصب ياود الزبير
    لكن عمرنا ماحنجيه بالتطبيل ولا التزمير
    وايادينا كفيلة بالدعاء اللهم انصرنا عليهم وشتتهم كماشتت فوم فرعون
    فى طاغية اكتر من فرعون ربنا فى لمحة عين انتهى منه فمابالك المسلمين
    غايتو مابدس انا ضده على الاخر دايرين غيره كفايه
    قبل كم يوم فى مسيرة فى الشارع لرمز الشدرة وحليل الشدرة البقوها رمز المهم لمن عاينت للناس الفيها هم من البسطاء الجايين من اطراف المدينه اهو بص ركبوهم وفسحه جايين جوه الخرطوم تانى شنو
    طبعا فى الهند بتاخد ميه روبيه لوتصوت للمؤتمر وناس الشعبى كمان طيب كان يدوا الناس هنا الف جنيه وبصوتوا ليهم لانه النتيجة محسومة
    كسرة :
    اليوم يضحكوا وبكرة يبكوا ومعاك يابشار فى انه عبد الله مهدى اشجع مننا ومالوا اذا بقى ريس ولا هى حكر وبعد شويه يقولوا ليك جنسك شنو تقول بشيرى

  77. mon amie قال:

    الاخوه الكرام صباحكم خير
    يا ودالزبير انت شفت امس ام ابوشدرة ناشفه ومعوجه علي شاشة bluenile لابسه كم خاتم قدر الضربه دهب عيار ما عارفه شنو كم من اين كل هذا؟ وكمان الام المثاليه مثاليه في شنو؟ ياها تربية اولادها العفنه واحد مجرم قاتل مطاردمن المحاكم الجنائيه ولا اخوهو الصعلوق كان عندو علاقه غير شرعيه بعزبا ساكنه امدر.وكمان ىاود ازبير ابشدره لو فاز بالتزوير ولا بصوت حبوبتك اوكامبو بكون لابد ليهو وبطرشو لبن امو الرضعو وبربي ليهو البعبع

  78. mon amie قال:

    انا بالمناسبه حاسه وواثقه من ان ياسر هو الاكفا لانه جرب الظلم ما اظن يظلم زول ونحن ما حصل جربناهو نشوفو ولو اتلولو نغيروا الانتخابات القادمه يعني انا اتهيا لي هو ود ناس متربي كويس مازى الحراميه الجيعانين الكلتانين الما عندهم اصل بكون الابو حرامي والعم حرامي والاولاد حراميه فالبيئه العاشوا فيها خرجتهم كدى لانو الواحد لو من بيت كويس واسره محترمه عيب عنده امد ايدو علي شئ ما حقو لكنالاتربي علي اخد حق الناس والسرقه بتبدا معاهو بسرقه اشياء صغيره

  79. عباس قال:

    البشير يفوز كيف
    اذا كان في كل بيت _ منزل _دار سوداني ضرر واقع علي الاسرة بسبب الموؤتمر الوطني
    اما ان يكون ابنهم او والدهم اخذ بقوة الحملات الالزامية وتدرب كرها غصبا عنة وزج به في حرب الجنوب التي
    او اما ان يكون اخاهم او والدهم صاحب كشك او دكان او محل تجاري ويعاني مع حومة الانقاذ دفع الجبايات ورسوم النظافه و رسوم العوايد ودمغات لا يعرف المرء اول لها ولا اخر دعم صندوق الطلاب دمغة الجريح دمغة الشهيد دمغة …………… خ
    واما ان يكون رب الاسرة ايضا يقود سيارة نقل عام (عربية مواصلات ) وكل متر يتصيدة رجل المرور ويدفع مكرها ايصال لا معني له
    اما ان يكون رب الاسرة ايضا انسان عزير ( مشلول او صاحب عاه ) بدل ان توفر له الدوله طرق كسب العيش الكريم يعمل هاولا اصحاب الاعزار والعاهات في مواقف المواصلات والاسواق والمحطات في بيع المناديل الورقية او الحلويات او السجائر او كروت الشحن مع هذا لايسلمون من كشات المحلية التي تساومهم علي الدفع ( الفيها النصيب ) ويواصل باقي يومه
    واما ان يكون رب المنزل هي الام وتعمل في بيع الشاي وكلنا يعلم معاناة ستات الشاي ( عالم لاترحم ولا تخلي رحمة الله تنزل )
    واما ان يكون فشل ابنهم في الدراسة بسبب المكايدة الحزبية وحرم من درجاتة في الامتحانت لمجرد انه يخالف الكيزان في اركان النقاش
    واما ان يكون الوالد مفصول من العمل فصل تعسفي لانه انسان رسمي لا يعرف لولوة الكيزان ( انسان دغري مابنفع معاهم – دايرين الحرامي عشان يسرق ولمن هم يسرقو تكون عينو مكسورة وخجلان منهم ويعمل ليهم الدايرنو )

    تاني باقي ليكم في انسان واعي برشح مرشح المؤتمر الوطني علي اي مستوى من المستويات ؟ اللهم لا الا اذا كانت انتخابت مزورة يسرقون شرعيتها ويجسمون علي صدورنا بعد ان صفر العداد ويبدو من الزيرووووووووووووو

    حاجة اخيره
    في سوق قندهار ( سوق الناقه ) في نظام فرندات واسعه وكبيره معموله للزباين
    وبداخلها سراير يجلس عليها الزباين عليما بان السرير من حر مال صاحب الفرنده وهي المراة التي تطهي لك اللحم ومن ثم تجهز السلطة الخدرا وما شاكل
    رات المحلية ان تستثمر في هذا المجال بحيث ان تفرض علي صاحبة الفردنة ان تبيع السراير للملحية وتقوم المحلية بايجار ( اجرة ) السراير مره اخر اليهن باليوم والسرير الواحد بواحد جنية
    بعد ان تكرمة المحلية وحنة لحالهم عملة خصم واصبح بنصف القيمة

    سوالي تقدر الممحلية ان تفعل مثل هذا باحد مطاعم الخرطوم زي البحر الاحمر ( اي تلزمهم ان يبيع المطعم الكراسي للمحلية ومن ثم ياجر منها الكرسي باليوم ) او مطاعم الخرطوم اتنين

    ده كلو كووووووووووووووم وقت يشوفو الاطفال في الملجات ( اسواق الخدار ) المفروض يكونو المدارس – شغالين بجد وتعب في استخدام الدرداقة التي ربما ان تكون من حر مالهم او ماجره من جهة معينة
    رات المحلية ان يكون امر الدرداقات من الامور التي تتبع لها وتقوم بتنظيمها

    ( خلاس المحلية حشرة قدومة في المووضوع منتظرين شنو تاني )

  80. مشاكل قال:

    سلامز

    من غير المنطقي أن نتحدث عن فوز البشير بالإنتخابات او عدم فوزه , فهو فائز فائز كما قال شيخ حسن ( الترابي ) لبعض المقربين منه من الشباب يوم الثلاثاء الماضي .. إذا فليتكلم الجميع عن الإنتخابات التي ستكون بعد هذه الإنتخابات .. و من المتوقع أن تكون في عام 2012 او 2013
    في ظل إنفصال الجنوب – كما قال باقان اموم لأهل دارفور بأن الجنوب سينفصل إذا فاز البشير – إذا على الأحزاب أن تستعد لهذه المعركة من الآن و عدم السعي للفوز بالإنتخابات المقبلة في أبريل .

    لكل مرشح الحرية التي كفلها له الدستور في إختيار برنامجه الإنتخابي .. و كذلك لنا مطلق الحرية في أن نساند البرنامج الإنتخابي الذي نراه فاعلا و فعالا و ضامنا لإستدامة التنمية و التوزيع العادل للثروة .. فمن منا تحدث عن البرنامج الإنتخابي في سابق النقاش ؟؟؟

  81. مشاكل قال:

    سلامز مربع

    كما نرى الآن فإن معظم الإسلاميين يساندون الرئيس البشير أو المؤتمر الوطني لأنه الوحيد الآن في هذه المعركة الذي بإستطاعته محاربة العلمانية و الكفر و لأنه يمتكل من الخبرة الكثير لإدارة هذه المعركة في ظل الظروف الإقليمية و الدولية المتربصة بالإسلام و المسلمين

    إذا هؤلاء الإسلاميين لا يدعمون البشير حبا له و لا حبا لسياسته … فهم الىن بين مطرقة العلمانية و كفر و سندان المؤتمر الوطني و تشوييه لسمعة الحكم الإسلامي الراشد

    فالخيار واضح و صريح – كما اختارت جامعة الخرطوم ( التيار الإسلامي بقيادة المؤتمر الوطني و أنصار السنة و الأخوان المسلمين و إتحاد قوى المسلمين ) ليمسك بدفة الإتحاد .. أعتقد أيضا أن الإسلاميين غير المنتمين لأي جماعة أو حزب سيختارون البشير ليمسك بدفة السودان من جديد

  82. ابكرون قال:

    ابننا مشاكل
    سلامز….وبهدؤء كده عن اي اسلام تتحدث وعن اي حكم راشد ….؟ هل ما نراه ماثل امامنا ؟ هل الاسلام يبيح التعذيب والسحل والقتل (كنت اتمني ان تعلقوا علي فديو الشاب عبالله مهدي…وهو عينة بسيطه جداوما خفي اعظم) هل الاسلام يبيح نهب المال العام وان يتمتع اعضاءهم فقط بخيرات البلاد وحدهم …والعمل لهم وحدهم ولابناءهم ؟ هل يبيح الاسلام الفسادوالقتل وبيوت الاشباح وطرد المدنيين والعسكريين من العمل وقطع ارزاقهم لا لشئ فقط لانهم معارضين ولانهم غير مؤتمر ؟ هل هذا هو الحكم الراشد والاسلام؟ماذا كان يملك هؤلاء واخوانهم وزوجاتهم واهلهم ليلة 30 يونيو 1989 وماذا يملكون اليوم ؟ هل سالت نفسك من اين لهم هذا؟؟؟؟؟
    الاسلام برئ منهم ومما يرتكبون في حق هذا الوطن…..مع تحياتي

  83. حاج أحمد السلاوى قال:

    قال الحكم الإسلامى الراشد ..قال !!
    اللهم زيد وبارك !!

    • حاج السلاوي
      ….سلام ولكل الحبان
      في كل مكان
      من السودان
      إلى بلاد العم سام والوطن العربي أرض الشام والشمال والجنوب والشرق والغرب الأفريقي كمان فلنحيا للسلام ونسأل رب الأنام أن يعم السلام بلاد السودان… يا جماعة الخير…والله دا ما كلام يعني لمن تفلسو تبقو ذي رجل الشارع…أنتم اليوم هكذا وغداً سيكون فيكم ومنكم الرئيس والوزير فلنجأ لرب العباد أن يخلص البلاد من الإحن والمحن والفتن وشرار الناس …عليكم بالدعاااااااااااااااااااااااااااااااء فإنه أمضى سلاح …
      يا حاج يا زعيم
      قول للناس ديل نقطة نظام …ونرجو أن يكون الحوار هادف غايتو كلام الجرايد إتنقل للمنتدى ……….مصيبة

  84. هجار قال:

    الجميع ..سلام
    الكلام دا كلو بخيرو وشرو مقبول ويمثل وجهات نظر .. لكن كلام (mon amie) دا معناه فوز الانقاذ عدييييييل باعتبار ذلك شهادة كمال ويمكنكم الرجوع لتعليقاتها لتتأكدوا من ذلك .. بعدين حطاية العلاقة الغير شرعية مع العزبا دي اها (mon amie) كان راجل فواجبنا كلنا نقول ليه الكلام دا عيب عليك وكان مرأة نقول ليها راجعي واليك ولا شنو ياجماعة؟

  85. حاج أحمد السلاوى قال:

    أخونا هجار ..وكل صفوة الأخيار… سلام ..
    نعم ..عدّاك العيب ..وكلامك فى محلو ..وأضيف ..يا ليتنا وأرجو أن ننأى بأنفسنا و نبتعد عن الإتهامات الغير موثقة وغير مدعمة بالدليل ..وكذلك المسائل الشخصية حتى لا نكون مثل ذلكم البوق الذى أساء إلى مرشح الحركة الشعبية وطالت الإساءة أسرة المرشح ..
    إتفقنا …؟؟؟؟ مع خالص تحاياى العطرات لكم جميعاً .

  86. مشاكل قال:

    mon amie

    يا ودالزبير انت شفت امس ام ابوشدرة ناشفه ومعوجه علي شاشة bluenile لابسه كم خاتم قدر الضربه دهب عيار ما عارفه شنو كم من اين كل هذا؟ وكمان الام المثاليه مثاليه في شنو؟ ياها تربية اولادها العفنه واحد مجرم قاتل مطاردمن المحاكم الجنائيه ولا اخوهو الصعلوق كان عندو علاقه غير شرعيه بعزبا ساكنه امدر.

    هل عندك أي دليل ترمي الناس بتمهمة الزنا ؟؟؟

    mon amie

    وكمان ىاود ازبير ابشدره لو فاز بالتزوير ولا بصوت حبوبتك اوكامبو بكون لابد ليهو وبطرشو لبن امو الرضعو وبربي ليهو البعبع

    هذه ليست من اخلاقيات أصحاب المدونة … فالنقاش هنا يحفه الإحترام المتبادل

  87. مشاكل قال:

    الحبيب أبكرون

    حركات شبابية كثيرة أخذت على عاتقها أن تحمل هم البلد .. فلكل فعل رد فعل .. مساو له في المقدار .. فأرجو من هؤلاء الشباب أن يكونوا الفعل لا رد الفعل

    ينظر الآن كثير من معارضي حكومة المؤتمر الوطني إلى حركة ( قرفنا ) و كأنها مستقبل البلاد فهي تضم مجموعة من الشباب المتحمس لإزالة نظام الإنقاذ .. لكن و في إعتقادي انها سقطت في إختبار ( الحيادية ) … فها هي الآن تخرج من دار الحزب الشيوعي لتركب عربة الحركة الشعبية

    إذا هي ليست الحركة المناسبة لتكون في مقدمة و طليعة الحركات الإصلاحية المجددة

  88. حاج أحمد السلاوى قال:

    ولدنا الباشمهندس مشاكل ..
    أطمئنك أولاً .. الحمد لله أننى لست شيوعياً ولا أنتمى إلى حركة ياسر عرمان… ولكن هل لأن الحركة المذكورة خرجت من الحزب الشيوعى وركبت عربة الحركة الشعبية ( وهى طرف أساسى فى الوضع الحالى الحكم ) ..هل يبيح كل ذلك ويبر التعذيب والإنتقام من أعضاء هذه الحركة ..مالكم كيف تحكمون ؟ أين الإسلام فى ذلك ..أم أنكم تؤمنون ببعض الكتاب وتكفرون ببعض ؟
    أتقوا الله وكفانا متاجرة بإسم الدين ..وليعلم الجميع ..كل قادة الأحزاب .. أن الله يمهل ..ولا يهمل .
    وعليهم أن يتقوا الله فى شعوبهم ومواطنيهم ..والظلم ظلمات يوم الوقوف بين يدى خالق الوجود .

  89. حاج أحمد السلاوى قال:

    تصحيح .. ويبرر التعذيب …
    المعذرة .

  90. ودالزبير قال:

    المدونه دي بقت الرقابه فيها ضعيفه ولا شنو

    الكلام الكتبته النكره الفوق دي كلام غير أخلاقي وغير موضوعي أظن إنها جاتنا طاشه من موقع المشاهير أو من موقع أسواء منه لا يمكن أن نسمح بكلام يمس أعراض الناس أياً كان إختلافنا معهم

    وعموماً من الأفضل يا مشاكل تجنب الرد على هكذا حديث وتجنب حتى التعليق على ما تكتب حتى ولو كان موضوعي بعد هذا السقوط المدوي

  91. عزت بقا ريتش قال:

    صباحك خير مدونتي
    و صباحكم نور ايها الأحباب

    خمسة و تسعين تعليقا و الصباح ما زال طفلا يحبو منها زي تسعين كدا مع الحق
    عشت يا مدونتي

    قلت لي الحكم الاسلامي الراشد !!!

    كسرتك شديدة يا أب أحمد بتاعت الأحفاد:
    فعلا ما دايرين الراجل دا… فقد سبق أن وصف الصادق المهدي انه قد أضاع وقت البلد في الكلام… يا ربي أحسن الكلام و الا الرقيص..!!

  92. ودالزبير قال:

    عزت

    أحسن الرقيص

    على الأقل بنستمع بالعرض بدل النقه الفارغه …….. ولنار ولعت بقلبها بطفيها هي النار ولعت

  93. فرج الله قال:

    وااله يا جماعة ناس الانقاذ ديل فتحت خشمهم يقولوا ليك ناس الشماليه ديل كانو بيصلو الخرطوم فى تلاتة يوم 000 ونحن سوينا الظلط 000طيب يا جماعة الناس زمان كان بيصلوا الحج فى اربعين يوم بالجمل000 يعنى ناس الانقاذ صنعو الطيارات 00 دا ماتطور طبيعى للحياه 00 انتو بدل ماتعملو ليهم ظلط عشان يجو الخرطوم سهلو ليهم المعايش عشان مايجو 000

  94. عبدالرحمن أحمد قال:

    د.عزت ثرو ود الزبير
    أحسن البعترف البقول أنا فعلت كده وتركت كده
    لكن البقول حصل مره كضبنا عليكم دا يقولو ليهو شنو؟؟؟

  95. مشاكل قال:

    سلامز

    أنا لا أقف مع التعذيب أو سوء استخدام السلطة في أي مكان او زمان .. ولا أجد نفسي في موقف تبرير لا يحدث من ( بعض ) منتسبي الاجهزة الامنية .. و( أدين) و (أشجب) و(أستنكر) ما حدث للشاب ( إذا كان صحيحا ) .

  96. ودالزبير قال:

    مشاكلز

    غايتو نيفاشا دي جات معانا بالخساره شوف ناس أجراس الحريه مجموعه من الشيوعيين مع تمويل من الحركه الشعبيه في نص الخرطوم يعملوا ندوه ومؤتمر صحفي ويتكلموا عن تعذيب وإسقاط للنظام ومافي زول يقدر يسألهم …. عشان كده لازم يفعل جهاز الأمن السري للحزب عشان يتعامل مع الناس دي.

  97. حاج أحمد السلاوى قال:

    ولدنا وحبيبنا مشاكل ..
    ثم ماذا بعد الشجب والإدانة والإستنكار … أليس هناك قصاص ؟ ..ولكم فى الحياة قصاص يا أولى اللباب !!
    أم علينا أن نمارس سياسة عفا الله عما سلف ؟ نحنا ننادى بالقصاص من كل أساء إستخدام سلطته أياً كان موقعه ولا نستثنى أحد قديماً او حديثاُ..الحق هو الحق .وهذا يقودنا إلى مرة أخرى إلى مناداتنا سابقاً بتفعيل سياسة الثواب والعقاب ولا أحد فوق القانون ..لا أحد فوق القانون ..ومن ينادى بالشريعة منهاجاً للحكم عليه أن يبدأ بتطبيقها فى نفسه وأهل بيته أولاً حتى يكون قدوة للرعية كما فعل السلف الصالح الذين لم يتخذوا الدين مطية لتحقيق مصالح شخصية ..كفانا شعارات للإستهلاك المحلى ودغدغة العواطف ..هل الأسلام أوصى أن يكون المال فى يد مجموعة من الأوصياء دون الآخرين؟ هل فى الدين أن يتم التوظيف حسب الولاء والبراء دون الأهلية لتولى المناصب ؟ هل من الدين أن يكون الشعب خادماً لأميره أم العكس هو الصحيح ..نحن لا نطالب بأن يفعل حكامنا الحاليون والقادمون بما كان يقوم به الصحابة السابقون فى خدمة رعاياهم وكتب التاريخ مليئة بالقصص والعِبر..نكون شاكرين لو صمتوا وكفوا عن المتاجرة بهذا الدين العظيم ..
    وليعلم كل ظالم أن هناك حساب وعقاب وسؤال ..ولا جواب ..لأن أعمالك تنوب عنك فى الإجابة ..
    ونسأل الله حسن الخاتمة !!

  98. حاج أحمد السلاوى قال:

    تصحيح ..
    ” ولكم فى القصاص حياة يأولى الألباب لعلكم تتقون “..( الاية 179 من سورة البقرة )

  99. مشاكل قال:

    سلامز

    كلام جمييييييييييل يا حبيبي يا حاج السلاوي

    طيب منو من المرشحين حاليا أقرب أنو يعمل الحاجات القلتها

    البشير
    عرمان

  100. حاج أحمد السلاوى قال:

    سؤال سغيرووووونى كدا ( زى كل مرة ) :هل سيادة الرئيس البشير وصديقك اللدود عرمان هما المرشحان الوحيدان للرئاسة فى هذه الإنتخابات ؟
    لماذا لم تُطبق الحاجات منذ سنة .. سنتين ..تلاتة ..اربع .. خمس … عشرة سنوات ؟

  101. حاج أحمد السلاوى قال:

    ويا عزيزى ..إبنى مشاكل .. نحن مع دولة القانون وسيادة القانون الذى يتم تطبيقه على الصغير والكبير بدون أى إنحياز من أى حاكم حالى أو قادم .. حتى لو كان حبيبك عرمان ( لا قدر الله .. ولكننا نحترم أختيار الشعب السودانى إن أراد ذلك) … هذه هى الشريعة السمحة الغراء التى نعرفها ..الم يقف سيدنا على بن أبى طالب سواءاً بسواء مع اليهودى أمام القاضى ليفصل بينهما ؟..
    دايرين نعمل حاجة للآخرة !!

  102. مشاكل قال:

    سلامز
    دائما نقول و نعيد و نكرر ان المنافسة ( إن وجدت ) هي بين البشير و عرمان .. لأنها الوحيدان اللذان يمتلكان المال الكافي لإدارة الحملات الدعائية و لوقوف جزء كبير من الشعب السوداني خلفهما .. مثلا هناك مرشح اسمه منير شيخ الدين جلاب أنا اجزم تماما ان 90 في المئة من الشعب السوداني لم يسمع به من قبل .. كامل إدريس 99 في المئة من السودانيين لم يسمعوا به من قبل .. جحا 100 في المئة من الشعب من يسمع به .. فهل تعتقد انهم مرشحين لهم حظ في هذه الانتخابات .

    خلونا واقعيين فهناك مرشحين فقط لا غير

  103. ودالزبير قال:

    هناك مرشح واحد يا مشاكل لو كانت الحركه جاده في هذا الأمر لنزل سلفاكير قصاد البشير لكنهم يعلمون النتيجه لذلك كان نزول هذا العرمان أمام الأسد النتر هيييييع

  104. هجار قال:

    يا جماعة .. السلام عليكم جميعا
    يا اخوانا الحكاية دي ما قربت خلوها تخلص امكن تفوز الولية دي ونرتاح من الكلام دا كلو ونولي امرنا لامرأة .. والله حكاية عجيبة خلاص .. افو ..افو ..افو … حقوا تسقفو على كده

  105. هجار قال:

    يا ود الزبير السلام عليك
    والله هيييييع دي قوية خلاص والله لمن قريتها لمن انبسطت … كتر منها عشان نتكيف ما دام الحكاية جابت ليها عرامين وكدا هييييييييينع .. النون دي بتقويها اكتر
    وين ود الخلا ياجماعة .. الزول داك برضو بتعجبوا الحقيقة بالحيل

  106. mon amie قال:

    الي من انتقدو كلامي الجمل ما بشوف عوجة رقبتو لانكم كلكم بتهاجموا وتتهموا دون اثباتات اولا انا ما اتهمت الزول بالزنا وانت لو قريت تعليقي كويس انا قلت علاقه والعلاقه ما شرط تكون زنا يافاهم ثانيا يا اخ انت ما بتوريني الاخلاق لانو العارف عزو مستريح و اعلمك اني ما اتهمت شخص بالباطل ولا بالكذب وكل ماقلتو حقيقه وانت حاسب علي كلامك

  107. ودالزبير قال:

    أها لو ماحاسبت على كلامي راح تجي تأخدني قلمين
    قلت لي ما إتهمته بالزنا طيب ده شنو (اخوهو الصعلوق كان عندو علاقه غير شرعيه بعزبا ساكنه )

    علاقه غير شرعيه ومع عزبا يعني يكون عاملين شراكه تجاريه ولا الكلام بقى يتفهم بالقلبه ولا نحن عندنا قنابير

  108. mon amie قال:

    خلي عندك اخلاق انا نكره والله مانكره الا انت يا ود الزبير وانا اكبر من ارد عليك حن علي حالك وحال صاحبك المتشدد لك واظن ضربك راس السوط ولبكره ح اقول رايي والماعاجبو اشر النيل

  109. mon amie قال:

    والله كل زول وفهمو المحدود

  110. عبدالرحمن أحمد قال:

    مون سلام
    ود الزبير سلام
    صحبه المتشدد سلام

    أنا ظاتي سلام
    شنو يا أخواننا روقو المنقه شويه
    خلاص حتخلوها حرب
    نحن هنا بنتناقش بالهدوء ورأيي ورايك
    الاسلوب الما بعرفو كييف دا
    نظام أنا وإنت
    زي البشوفو في رماة الحدق والمشاهير والمنتديات السوقيه
    إنتو أكبر منو

    كســــــ ـــــــــــــــــره
    خلونا في المصيبه اللتنا دي الله يحلنا منها

  111. بشّار أحمد بشّار (إبن برد) قال:

    يا جماعة بدون تشنج ومهاترات ورجم بالغيب فلنربأ بأنفسنا الى مستوى المسؤولية والحدث وزمان كانت عندنا في المدونة دي حاجة اسمها (القاعدة الذهبية) أرجو تذكرها جيّدا ودمتم .
    الإبن استرايكر : أرجو مراجعة المداخلات .

  112. هجار قال:

    اختنا (mon amie) سلام .. والله صاحبو المتشدد دا مشفق عليك من جنس الكلام دا وكان صدر من راجل انا من واجبي انصحوا ومنك انت كامراة والله مصيبة عديل كان ما تقولي دا تخلف زنيوي .

  113. mon amie قال:

    اخي عبدالرحمن
    كلامك جميل وانا كنت بعلق زى اي واحد فيكم بعلق لكن شوف الشتائم البتجيك طايره دى مشكرا لك وانا القلتو كلو صاح وحقيقه ولم اتهم شخص بالباطل سلام

  114. مشاكل قال:

    سلامز
    القاعدة الذهبية تلاتة و تلاتين مرة
    تشكر يا عم الكل بشار

  115. مشاكل قال:

    اخي العزيز شمباتي

    العملة القلتا عليها اتجهجهت دي لسه وراها جهجة جاية بعد الانفصال .. حسب ما سمعت من بعض أقطاب الإقتصاد الإنقاذي الإسلامي انو ح يرجع طيب الذكر ( الدينار ) مرة تانية … يعني خليها بالنية بس

  116. مشاكل قال:

    نصائح إلى كل إمرأة تريد أن تشعر زوجها بالرومانسية

    لا تجعلي مشاغل الحياة تسرقك من نفسك ومن زوجك
    أعيدي الشباب لعلاقتك العاطفية
    أطفئي أضواء الكهرباء وإستقبلية بشمع في يديك
    إزرعي بيتك بالشموع الحمراء والصفراء
    أعدّي له عشاءً رومانسياً على ضوء الشموع
    أطفئي المكيّفات والدفايات وإجعليه يلجاً إلى دفء كلماتك
    وكذلك السخان فالماء البارد يجدد الحيوية
    أطفئي التلفاز ولا تدعية يتذرع بالأخبار
    وأستغني عن الميكرويف لتحميه من روائح الطبخ
    تعوّدي على كنس المنزل بالمكنسة العادية وليست الكهربائية
    ولكي تشعريه بتعبك وبمعاناتك من أجله
    إغسلي ملابسه بيديك بالتشط بالطريقة التقليدية
    وإرحميه من ضجيج الغسالة الكهربائية
    وأستخدمي المكواة القديمة التي تسخن بى الفحم لكي ملابسه
    عوديه على المشي معك يداً بيد في المنزل وسط الظلام الدامس
    مع تحيات

    الهيئة العامة للكهرباء/ جمهورية السودان

  117. اواصر قال:

    الأخوة الكرام
    السلام عليكم
    الحكم الاسلامي الراشد!!!!!!!!!!!!!! عن أي حكم اسلامي راشد تتحدث يأخ مشاكل انه حكم الظلم والفساد . ماهي مطالبات المواطن العادي آمن – صحة – تعليم
    دايرين اكتر من كدا شنو !!!!!!! لكن تعالوا نشوف الواقع :-
    الأمن: بدأت الثورة ارساء دعائم حكمها بالتقتيل والتشريد بدأت يافتاح ياعليم بأعدام الضباط فى آخر الشهر الفضيل وبل وذد علي ذلك منعت بعض الأسر من اقامة مراسم العزاء ومنعتهم من استلام الجثث بالله فى حرقة حشا وظلم اكتر من كدا وبعد كدا الموضوع بقي عندهم اكتر من عادي اليفتح خشموا ديتو رصاصة مرورا بإعدام تجار العملة والتي كان احد قواد الثورة تاجراً فيها وكان اسمه آنذاك مرتبط بالدولار وبعد ذلك مروراً بسنوات من التعذيب والأرهاب.والصالح العام وعماليوا والصالح العام برئ من افعالهم ولكن المبالغة بجد ودي ما حصلت فى بلد فى العالم ولدنا خليل (زي ماقال الرئيس) يجي داخل توووووووش امدرمان ويقف علي بعد امتار من القصر الجمهوري وبنك السودان ومنشآت البترول بل ويصل حتي حدود دنقلا .وانا زي باقي الناس كنت قايلة الحكومة عاملة نيام نيام اتاريها طلعت غير كدا خالص وكانت مجتهدة جدا جدا وطلعت الرابعة في سباق اللهط والغرف علي كل دول العالم !!!!!!!! لقد أرهبت وظلمت و نمت ياعمر؟ شفتو الحكم الراشد دا كيف؟؟؟؟؟؟؟؟
    الصحة: والله احترت عديل كدا علي مدى 21 سنة ما جانا وزير صحة واحد مؤهل آخرهم السستر العايزة تفصل عدد كبير من الأطباء خلونا من أي تفاصيل فى الموضوع دا!!!!!!! دي براها ما فضيحة وقالوا رفعوا كشف المتغيبين للرئيس اصلوا الايام دي فاضي ولافي مركز صحي ولامسجد يفتحوا.
    تعليم :علي ايدي ثورة الافلاس الفكري فقد السودان اهم مايميزه المنهج التعليمي والطلبه السودانيين كانوا من اميز الطلاب علي المستوي العربي والعالمي . أتي عبقري الانقاذ سبدرات بفلسفة تغيير المنهج وحذف عام دراسي وجاء بمنهج ملئ بالأخطاء فارغ من أي معنىً للتعليم وكارثة بكل المقاييس يتخرج الطالب وهو مازال جاهلاً بكل معنى الجهل. الحقيقة المره حتي تاريخ السودان لاتظهر له ملامح فى المنهج وحتي جفرافيا السودان (اسأل طالب ممتحن شهادة ان يرسم خريطة السودان) قمة الجهل. ومع بداية كل عام دراسي يذهب الاباء مباشرة للسوق لشراء كتب المقرر وهي كتب سبحان الله مكتوب في اعلاها وزارة التربية والتعليم كتب وزارة مفروشة زي المساويك والصابون والله لم يحدث هذا حتي في زمن الديمقراطية الكحيانة! شفتو الحكم الرِاشد دا كيف؟؟؟؟؟؟؟؟
    اكيد الناتج الطبيعي لفقدان الدعائم الثلاث (أمن – صحة – تعليم) هو الفساد والظلم والمحسوبية والرشاوي والانحلال الاخلاقي والارهاب وانتشار السلاح والظواهر الغربية التي لم تحدث حتي فى زمن الرغيف والبنزين بالصف ! بداية بإغتضاب الاطفال ونهاية بالكلاب المتوحشة !!!!!!!! شفتو الحكم الراشد دا كيف؟؟؟؟؟؟؟؟
    جهاز الغبن العام – وزارة العلة – وزارة التلتلة والتعليق !!!!!!!!!!!
    لاترجع السيف الجفير والدنيا فايرة مصادمة
    قبال تجيب تار البلد
    ريح العوارض تهزما
    وتطرد مع ابليس الاخير
    دعة الضلال من جنتك يا آدم َ
    تأكل من الشجر الحلال
    يغشاك نعاس في ضل رمي
    تختاك هضاريب الصعب
    كربة ليالي المظلمة

    ياخرطوم شن شب وقلبك
    ياخرطوم شن سلبك بجتك وزنجك ونوبتك وعربك

    لهفي عليك يابلدي يافردة جناحي التاني.

  118. mon amie قال:

    تسلمي يا اوصر vالحقائق دي ياريت الناس تفهمها وتعيها مش تطبل لكل من هبا ودبا

  119. عبد المنعم قال:

    ولا تنسى يا دكتور سعر الدولار ومقولة صلاخ كرار الشهيرة المعروفة … ولا مقولة على الحاج ( خلوها مستورة ) المعروفة … ولا القصر العشئوائي الذي اصبح الحي كله نظامي وراقي لاجل تقنينه
    حاجات تصيب بالغبينة اسكت خليها بس
    شعارات جوفاء ونجاز كغثاء السيل لا يساوي شيئا نظير ما انفقوه من عمر من الزمان من حياة الشعب السوداني المغلوب

  120. ودالزبير قال:

    تعريف النكره هو الشئ المجهول وغير معلوم كحالتك دي المامعروف راجل ولا مره ولا بين بين بالنسبه لأنو أنا نكره فده شئ بيعرفهو من يكتبوا هنا من زمن بعيد زول معروف وعنوانه ظاهر وباين وأغلب الناس قابلته فيبقى النكره أنا ولا إنتي يا الإسمكي زاتو ماقادر أنطقه
    أحست تعملي بنصائح أخوانا مشاكل الفوق ديك

  121. عزت بقا ريتش قال:

    خير تلخيص

    شعارات جوفاء وانجاز كغثاء السيل لا يساوي شيئا نظير ما انفقوه من عمر من الزمان من حياة و موارد الشعب السوداني المغلوب

    تسلم يا منعم غايتو زتا ليها موارد…………. أصلو باللحيل لهطوها…

  122. ابكرون قال:

    اواصر : تسلمي فقد ابنت ولخصتي الحال الذي لا ينكره الا مكابر او بعينيه الغذي لك التحية……ولاخواتك حكاية ومون

  123. ابكرون قال:

    هاكم هذا الرابط هدية للجميع بدون فرز :

    http://www.youtube.com//v/7UWJmyma6MY

  124. عزت بقا ريتش قال:

    و هاكم مقتطفات من مقال سيد قنات في اعدامات رمضان 90

    نعم كان حديثكم لحظتها حديث دنيا وإن بدا لك في ظاهرة حديث دين، ولغط سياسة وحكم ولكن صورتموه علي أنه أمر عقيدة وإيمان، بل كان شعارات أنطلت علي البسطاء وصدقها الأنقياء وإعتنقها الأتقياء، وإتبعها من يدعون الورع ولكنهم يشتهون السلطة لا الجنة والحكم لا الآخرة والدنيا لا الدين، بل كانوا يتعسفون في تفسير كلام الله لغرض في نفوسهم ويوأولون الأحاديث علي هواهم لمرض في القلوب، بل لايثنيهم عن سعيهم لمناصب السلطة ومقعد السلطان أن يخوضوا في دماء إخوانهم في الدين أو أن يكون معبرهم فوق أشلاء صادقي الإيمان من رفقاء الدرب والسلاح.

    نعم تحدثتم عن الشريعة وتطبيقها، ولكن هل وجد الجائع طعاما والخائف مأمنا والمشرد سكنا والإنسان كرامة والذمي حقا كاملا، بل هل وجد قادة إنقلاب رمضان عدلا؟؟؟

    نعم جاءت الإنقاذ عن طريق إنقلاب ونجح قادته وسيطروا علي مقاليد الدولة والسلطة، ولكن قادة إنقلاب رمضان فشلت محاولتهم، فهل يعقل أن يتم تعذيبهم وإهدار إنسانيتهم وكرامتهم وإذلال أسرهم من بعد إعدامهم ودفنهم في مكان مجهول؟؟ نعم محاولة وقد فشلت؟؟ هل يقع إعدامهم في جزء من الدين الإسلامي والشريعة المحمدية والتي تحتكمون إليها، بل وفي يوم وقفة العيد، والأنكي والأدهي أن بعضهم كان معتقلا قبل عدة أيام من المحاولة، وآخرون كانوا من أثر التعذيب والتنكيل فاقدي الوعي، بل إن المأساة تكمن في كيف تمت إجراءات المحاكمة وهذه مسئولية قادة الجيش لحظتها فقد لاذوا بالصمت الرهيب من أجل دنيا فارقها بعضهم وآخرون ينتظرون تلك اللحظة؟

    نعم الحاكم ليس ركنا من أركان الإسلام بل بشر يخطيء ويصيب، وليس له من الحصانة والقدسية ما يرفعه فوق غيره من المحكومين.

    للنظر للخلفاء الراشدون: حكمت فعدلت فأمنت فنمت ،

    لو رأينا فيك إعوجاجا لقومناك بسيفنا هذا،

    صدقت إمرأة وأخطأ عمر،،

    العدل لايتحقق بصلاح الحاكم ولا يسود بصلاح الرعية ولا يتأتي بتطبيق الحدود، ولكن يتحقق بوجود نظام حكم يحاسب الحاكم بالخطأ ويمنع التجاوز ويعزل إن خرج علي الإجماع، هلا نظرنا إليه عليه أفضل الصلاة والتسليم وفتح مكة : أذهبوا فأنتم الطلقاء!

    أليست هذه هي القدوة الحقة ؟؟ لنا أن نسأل ألم يكن ممكنا أن تتم المحاكمة وفق قانون ما بين نصه وروحه علي المحاولة؟؟ نعم كيف لكم وأنتم قد أطلقتم سراح قادة إنقلاب مايو تحت مواد القانون السائد وقتها، ولكن تم إعدام شهداء رمضان في أسوأ كارثة شهدها السودان،

    نعم تحدث البعض عن نصوص قرآنية بأحقية الدولة في القصاص، ولكن هل لنا أن نسأل، هل تطبيق الشريعة الإسلامية وحده هو جوهر الإسلام؟ فالبدء يكون بالأصل وليس الفرع وبالجوهر وليس المظهر وبالعدل قبل العقاب وبالأمن قبل القصاص وبالأمان قبل الخوف وبالشبع قبل القطع، وفوق كل ذلك تحصين الدولة لا يتم إلا بسياج العدل

    كسرة:
    ذكر د. محمد سليم العوا وهو واحد من أساطين الإسلام السياسي وعضو التنظيم الدولي للأخوان المسلمين أنه سأل أحد كبار قادة الإنقاذعن الأساس الشرعي الذي إستندت إليه أحكام الإعدام ضد ضباط حركة أبريل، و تلك التي طالت مجدي و جرجس.
    فرد عليه المسئول الإنقاذي قائلا: تم إصدار تلك الأحكام وتنفيذها من أجل ردع الآخرين من القيام بمثل هذا العمل مستقبلا،
    فما كان من د. العوا إلا أن قرأ عليه الآية: (من قتل نفساً بغير نفس أو فساد في الأرض فكأنّما قتل النّاس جميعاً) ثم قال له: هذا فراق بيني وبينكم.

  125. عباس قال:

    ودالزبير

    مشاكلز

    غايتو نيفاشا دي جات معانا بالخساره شوف ناس أجراس الحريه مجموعه من الشيوعيين مع تمويل من الحركه الشعبيه في نص الخرطوم يعملوا ندوه ومؤتمر صحفي ويتكلموا عن تعذيب وإسقاط للنظام ومافي زول يقدر يسألهم …. عشان كده لازم يفعل جهاز الأمن السري للحزب عشان يتعامل مع الناس دي.

    ؟؟؟؟؟؟؟؟؟؟؟؟؟؟؟؟
    اها والطيب مصطفي خال الريس ده رايك فيهو شنووووووووووووووو ؟؟؟؟
    ياخوانا المفروض الواحد يقول كلام منطقي

  126. بشّار أحمد بشّار (إبن برد) قال:

    إخوتي الأبرار تأملوا الوعيد الذي تشيب له الولدان في هذه الايات الكريمة في يوم الوقوف بين يدي المولى عز وجل حيث لا ينفع مال ولا بنون ولا جاه ولا سلطان .
    بِسْمِ اللَّهِ الرَّحْمَنِ الرَّحِيمِ
    وَالسَّمَاءِ ذَاتِ الْبُرُوجِ (١) وَالْيَوْمِ الْمَوْعُودِ (٢) وَشَاهِدٍ وَمَشْهُودٍ (٣) قُتِلَ أَصْحَابُ الْأُخْدُودِ (٤) النَّارِ ذَاتِ الْوَقُودِ (٥) إِذْ هُمْ عَلَيْهَا قُعُودٌ (٦) وَهُمْ عَلَى مَا يَفْعَلُونَ بِالْمُؤْمِنِينَ شُهُودٌ (٧) وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ (٨) الَّذِي لَهُ مُلْكُ السَّمَاوَاتِ وَالْأَرْضِ وَاللَّهُ عَلَى كُلِّ شَيْءٍ شَهِيدٌ (٩) إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ (١٠) إِنَّ الَّذِينَ آَمَنُوا وَعَمِلُوا الصَّالِحَاتِ لَهُمْ جَنَّاتٌ تَجْرِي مِنْ تَحْتِهَا الْأَنْهَارُ ذَلِكَ الْفَوْزُ الْكَبِيرُ (١١) إِنَّ بَطْشَ رَبِّكَ لَشَدِيدٌ (١٢) إِنَّهُ هُوَ يُبْدِئُ وَيُعِيدُ (١٣) وَهُوَ الْغَفُورُ الْوَدُودُ (١٤) ذُو الْعَرْشِ الْمَجِيدُ (١٥) فَعَّالٌ لِمَا يُرِيدُ (١٦) هَلْ أَتَاكَ حَدِيثُ الْجُنُودِ (١٧) فِرْعَوْنَ وَثَمُودَ (١٨) بَلِ الَّذِينَ كَفَرُوا فِي تَكْذِيبٍ (١٩) وَاللَّهُ مِنْ وَرَائِهِمْ مُحِيطٌ (٢٠) بَلْ هُوَ قُرْآَنٌ مَجِيدٌ (٢١) فِي لَوْحٍ مَحْفُوظٍ (٢٢)

  127. ابكرون قال:

    عباس بالجد انا زيك مستغرب من كلام ود الزبير ده……بكل اسف كلام ارهابي يا ود الزبير….. ليه ما يتكلموا في وسط الخرطوم ولاجهزة الاعلام العالمية عن التعذيب واسقاط الانقاذ ولاي شخص شيوعي او حركة او امه او اتحادي كامل الحق في السعي نحو السلطة واسقاط النظام وشجب التعذيب ……ومن ينادي بمثل هذه الممارسات….ومال الانتخابات ليه ؟؟؟؟؟؟؟

  128. mon amie قال:

    والله بالنسبه لي ما بتشرف انا بمعرفتك وانا امراه يكفي اني بقول الحق وليس بشيطان اخرس وما بخاف ويكفي انني انسانه متعلمه وما مطبلاتيه ولا متملقه وكل انت قلتو في حقي ما بهز فيني شعره لاني اكبر من هذه الصغاير ياود ازبير العربي ماعارف تكتبو صاح والمعاك في رايك ح اكون في نفس مستواك

  129. ودالزبير قال:

    طيب يأخي ما تأخدي فيني ثواب وتعمل لي حصص محو أميه أحب العربي بتاعك ظاتو ( والمعاك في رايك ح أكون في نفس مستواك ) إنجليزي ده يا مرسي بالله جملتك دي قدر ما حاولت أفهمها ما وقعت لي فشان كده حقو تعمل لي أنا ساقط العربي ده حصص إنشاء الله إنتي ما تكوني قاده ( عربي )
    قال ما بتتشرف قال
    كده أول حاجه زي مابقول أخوانا السلاوي حددي موقعك الجغرافي يا مناضله يا كبيره إنتي ورينا إسهماتك خلال العشرين سنه الفاتت دي في إسقاط هذا النظام ….. أوع تقولي لي إنك من أنصار مقوله ( الراجل ده ما ديرانو ) ووضع يده على وسطه دلاله على ……………..

  130. ابكرون قال:

    يا سادة ويا سيدات
    الاخت مون والاخ ود الزبير
    رجاءا التوقف عن التهاتر الشخصي حقو نحترم آراء بعض مهما كانت ندينها ونشجبها ونستحسنها الخ …لكن الدخول في الشخصي ليس من شيمنا…..وان حدث فرجاءا مره اخري ننسي ونتناقش في لب الموضوع بكل حريه وكل احترام لبعض…..اتفقنا….؟

  131. mon amie قال:

    عفوا اخي ابكرون انا كنت عاوزه ارد علي هذا لكن كلامك ده خلاني احتراما لك بان لا انزل لمستواهو واطنشو وشكرا علي كلامك الجميل ده وصدق القال الملافظ سعد

  132. ابكرون قال:


    —————————————————————–

    بلداً هيلي انا
    دموعا دموعي انا
    أساها أساي انا
    ضميره ضميري انا
    السلام يبراها يطلع من هنا الحمام يتشابا
    ………
    تقدل طفلة حلوة وبين ايديها كتابا
    والحبوبة تفصح بالحنين اكوابا
    والقمرية تصدح تستريح دبابا
    والقطر القبيل يمشي ويشق الغابا
    ………
    في العصرية شفع جارية لي العابا
    والشاي في المغارب ذكريات وصبابا
    اشجار التبلدي العامرة بي ترحابا
    واشجار النخيل خضرتا الخلابا
    ………..
    ………….

    ……… الخ ……… القصيدة الحلوة زي ستها

  133. حكاية قال:

    مساء الخير يا جماعة
    ماشاء الله لاول مره اشوف كمية من المتداخلين ياريت كان عارفه من زمان بتخشوا قدر ده كان كلمنا شمباتى كتر لينا من المواضيع السياسية
    العجبنى كمية الدخول الامحدود
    والزعلنى الشكل الحاصل بين الكتاب
    من حق اى زول يكتب العايزه هنا منبر حر –ولا الحريه احنا حنلقاها متين ،،،،خلوا الناس تشم نفسها
    ويا اختنا مون واخونا ود الزبير انتو الاتنين اكبر من كده —فى النهاية انتو ضدشخص واحد لا بودى ولا بجيب
    اذا الناس بتتشاكل كده يبقى لينا الحق مانتقدم وخلوا روحكم رياضيه
    كلنا قضيتنا واحده مافى زول داير ليه كرسى دايرين مصلحة الجميع عشان على الاقل نحس بتكافلنا وعيب علينا نتشاكل فى ناس اصلا ما بتستاهل حتى نضيع فيها وقت
    كسرة :
    وين الالفه بتاع الفصل اليوم غايب ولا شنو ؟؟؟؟
    ولدتنا امهاتنا احرار
    ربنا حرم الظلم على نفسه لكن هم ظلموا شعب كامل من طفل لشيخ

  134. مشاكل قال:

    سلامز

    الاخت مها … أو mon amie

    الاختلاف في الرأي لا يفسد للود قضية

    فهنا كل أصحاب المدونة أصدقاء .. تجمعهم عدة تقاطعات مثل حبهم للسودان و اللقاءات الشخصية و المعرفة الوطيدة

    نحن في المدونة اخوة

    نعشق السودان و نهوى

    و اختلاف الرأي فينا

    يجعل السودان أقوى

  135. حكاية قال:

    لو اتكلمنا عن مشروع الجزيره مشى وين —هاجر هو الاخر
    مشروع سندس الزراعى —-هو الاخر هرب
    مدينة جياد قبل عامبن كانت سوف تباع وفى الاصل هى اموال لاخوة مسلمين خارج السودان
    لو نظرنا عن قرب لوجدنا مصنع صافات وكبرى توتى وخزان مروى الماشغال وتعبونا بيه ديل يا دووووب فى السنتين الفاتوا بدا فيهم الشغل قبل كده ماسمعنا بشئ
    شاطئ النيل 18 سنه حزين قبل 4 سنوات اشفقوا عليه عشان خاطر البلل الرئاسيه اللى هسع ……نقط نقط نقط
    سمعتوا ليكم بمستشفى بنوه قريب فى الخرطوم ؟؟نهائى حتى الجناح الجنوبى الخاص كان معرض للبيع لكن هههه لقوه وقف لعبد المنعم مصطفى
    طيب حق البلد دى مشى وين الزمن ده كله معقول يا دوب ظهر ياربى كان مخزن ولا اسهم جاريه ؟؟؟؟
    شوارع الخرطوم كانك ماشى ليك فى حصى بالله مابختشوا شارع محمد نجيب كله بالوعات مفتوحه مكسره العربات وكمان خاتين ليها حواجز لو جيت بالليل ماشايف اكيد حادث مؤسس
    كبرى النيل الازرق بعد عشرررررررررررررررررررررررين سنه يادوب شاف النور بعد عمليه العمى اللى كان فيها تخش وتسد انوارك عشان الاتجاه التانى
    الخواجه لمن شاف كبرى المك نمر قال فى حياته ماشف ليه كبرى عنده اشاه وتنزل بزاويه 90 درجه ياناس الكبارى والمشى والكدارى (شكله عنده تتمه لكن مشت جيب منو مامعروف )
    المك نمر لمن حرق اسماعيل باشا قام بالواجب على اكمله مش شغل نص نص
    اول مرة اعرف من احد التلاميذ انه العقاد الشاعر بتاع فوووووول ههههههه
    ثقافه انقاذيه
    ابن احد الوزراء سالوه سهم الشمال وين رفع يده للسماء برافو طالع لابوك بقى
    واخيرا عرفته انه كسلا من احد الكتب فى الغرب وليس الشرق
    بالله ده ما ال اليه التاليم الواطى
    معليش طالب الطب مادرسوه التشريح كيف والفحص لانه المهم الامتحان والدرجات ويا حليل خالده زاهر
    كل ما الناس تتعود على الشوارع الملخبطه يجوا يغيروها مره تانيه —- ياجماعه الحل لازم جذرى مش حلول جزئيه مفروض مافى عمارة تنبنى الا عندها مواقف يا ناااس ومتنباة للخرطوم بعد 5 سنوات حتصبح مدينه الاشباح وغير مرغوبه بسبب التكدس
    شارع القياده السمح ماشاء الله ياريت الصرفوه فيك يصرفوه على المشردين
    غايتو فترنا من الانتقاد
    ولن نزل ولن نهان ولن نطيع الامريكان اريت حالنا حالهم شعارات ساى
    داون داون يو اس اى لن تحكمنا السى اى ايه ياريت لو تحكمنا مالو
    فى حماك ربنا فى سبيل ديننا الخ الخ شعارات ماتت من زمان
    دانه دانه وطلقه طلقه وبرزانه يا حليلك يا المته براك عشان صدقتهم ورحت فيها
    فى النهاية ضحكت المجنون ههههههههههههههههه

  136. حكاية قال:

    غايتو يا مشاكل لو الجهاز عنده فايروس بتيح ليك الدخول باسم الاعضاء التانين تبقى دى زاتها مشكله كبيرة
    نرفع شكوى لمدير المدونه لحقنا سوداتل زمااان
    بالله يا المسعول شوف المشكله دى مشاكل ظاهر عنده اسم mon amie
    بقى دى مشكله حلها لينا عشان مايحصل شكل بين الناس كويس
    كسرة :
    اذا الكمبيوتر لخبط مشاكل مع mon amie معقول ما حيلخبط مع الانتخابات
    لازم ناس it يتحركوا لينا بسرعه لانه مشاكل دخل مع مون اميى وبكره مون ميى تخش فى جهاز مشاكل
    الرجاء يا مدير المدونه مايحصل التباس ونقعد نفتكر

  137. mon amie قال:

    الاخوه المناضلين انا بعتزر لحضراتكم بتعكير صفو المنتدى بالمهاترات الما ليها لزوم والجاب الكلام انه ليه بس ام البشير وبذات في التوقيت ده اصبحت ام مثاليه وقبل عشرين سنه كانت وين شنو دى داخله في الدعايه الانتخابيه؟ بس المودوع دا استفزاني وخلاني اكتب الكتبتو وسلام عليكم تحياتي لك اخ مشاكل ومافي مشكله

  138. ابكرون قال:

    نهاية دراماتيكية لشخصية مون ووضح بما لايدعومجال للشك ان مون ومشاكل نفس الشئ والشخصية ….ودي ما عايزه ليها درس عصر…ممكن اي واحد عنده طرقة رصد ال آي .بي يتحقق ويتاكد….. اما السبب ولماذا كل ذلك دي فيها تحليلات بالكوم …..بس في داعي لتوير النفس ده ….خاصة نفس ود الزبير …..هههههههههههههههههههههههه

  139. حاج أحمد السلاوى قال:

    فهمونا .. الحاصل شنو ؟ ودى حصلت كيف ؟ المسالة دى ما ممكن تحصل إلا لشخصين يستعملون جهاز كمبيوتر واحد ..
    أبكرون .. عندك دليل ؟ لأنو هناك فرق شاسع بين الإتجاهين …
    أنا خايف بكرة التعليقات تتداخل وتحصل أشياء لا تحمد عقباها ..
    غايتو ربنا يستر تانى لازم نسجل دخول جديد كل مرة نجى نعلق أو نكتب حاجة ..مش كدا اضمن ؟
    وخلونا النشوف آخرتا شنو ..مع الكمبيوترات دى !!!

  140. ابكرون قال:

    انا البي دليلي آلي حتحبي…..
    يا سلو هي عايزه ليها دليل ارجع للتعليق امس ليلا الساعة 41 : 11 م
    عايزين رأي استرايكر

  141. حاج أحمد السلاوى قال:

    نعم لابد من معرفة الأشكالية التقنية ..( إن كان فعلاً هناك إشكالية من هذا النوع ) حتى لا نفقد المصداقية فى المتداخلين عموماً .فنحن هنا لنقول ونبدى أراءنا ونتبادل أفكارنا بحرية دون رقيب أو حسيب مع إلتزامنا الكامل بإحترام الرأى المخالف .. اياً كان مصدره ودون التعرض للمسائل الشخصية ..
    لذا نشاركك الرأى .. أبكرونا ..و نرجو ونأمل من الأخ الكريم استرايكر العمل على إزالة اللبس والغموض..

  142. مشاكل قال:

    سلامز

    و اعتذر مجددا فيمكنني الىن الدخول باسماء بعض المدونين
    و لا اعرف كيف يحدث هذا .. فهو يظهر في مكان الاسم و البريد الإلكتروني .. و لكن من جهاز المنزل فقط .. ما تسألوني ليه لأني ما عارف و الله

    يا حبيبنا أبكرون

    أنا ما محتاج ادخل بي اسم تاني علشان اقول الحق او اقول رأي الشخصي .. أسي تكترها تقللها أدخل بي اسمك و أشبك الناس .. سير سير يا بشير .. هي لله هي لله .. الجماعة يقولو أبكرون باع لقضية هههههههههه

  143. مشاكل قال:

    تصحيح

    يمكنني الآن

  144. عزت قال:

    يا أخوانا استهدوا بالله

    أنا ذاتي مرات بيجيني اسم مشاكل و البريد الالكتروني في خانة التعليق و آخر مرة كمان جاني اسم أواصر و (بريدها) الالكتروني أيضا … بس بالنسبة لي لأني بسجل بالدخول فيختفى الاسمان عندما أدخل الى حسابي … عموما لا مشكلة نحن واثقين من مدونينا

    بعدين حتلاحظوا فقد سحبت (بقا ريتش) و صار عزت حاف ساكت أرجو أن يكون مبلوعا بدون رتيش ….

    أمبارح مواصلة لبرنامج مجهر سونا كان هناك (حاتم السر) مرشح الاتحاديين …. تتصور حنين بقول ليهو ليه الميرغني ما عندو بيوت كثيرة ليه ما كان يخلي المستشفى العملوها في بيتو ايام المصادرة…
    كلام عجيب…
    ياخ ناس الانقاذ اعتذروا ليهو و رجعوا ليهو بيتو فهل تبيح لهم وجودهم في السلطة مصادرة و التصرف في ممتلكات الناس … عجبي

  145. ابكرون قال:

    كلو ممكن يا مشاكل وهذا الشئ لا يتوفر الا للجهات الامنية والهكر….وبرضو مستنين استرايكر واهو مشاكل قال ليك يا استرايكر ممكن يدخل في صندوق تعليق اي زول….وده شي خطير يا مشاكل ويا استرايكر …..ولا تحدث الا اذا مشاكل كان هكرا……!

  146. عزت قال:

    مواصلة لنكات الانقاذ….

    حصل يوم كضبنا عليكم ..؟

    قال: فالانقلاب قامت به القوات المسلحه ولا يتبع لتنظيم الجبهه القوميه الاسلاميه
    بس المستخبي انكشف و بان بعد الانشقاق اذ قال انا كنت منظم. “الترابي نحن أكثر ناس بنعرفو.. كنا حيرانو يمين يمين شمال شمال، وكنا بنحترمو، وكنا منضبطين في تنفيذ التعليمات”.

  147. حكاية قال:

    صباح الخير
    عشنا ويا ماحنشوف
    غايتو يامشاكل ختيتنا فى حته ضيقه شديد
    لكن الشاطر لازم يقع
    معقول الايدى تتلخبط للدرجه دى نرجو التحقيق فى الموضوع اخاف بكرة القى حاج السلاوى وابكرون والباقين عندى هههههههههههههه تبقى مصيبة
    غايتو ماحصل سمعت بالشئ ده ولا حتى فى الهكر
    انت مدان حتى تسقط التهمة من قبل الادارة

  148. اواصر قال:

    السلام عليكم
    صباحكم زين
    ارجو من الاخ الآدمن (admin) للصفحة ازلة الاسم والايميل بمجرد قبول نشر التعليق لانو انا اخر مشاركة لي كانت يوم السبت الساعة الثانية والنصف مساء والي اليوم افتح الصفحة مع التحديث (updateing) القي اسمي قاعد والايميل كمان .وهذا حرص منا علي عدم تكرار ماحدث اعلاه سواء كان متعمداً او محض خطأ الكتروني.
    ولكي تبقي المدونة متنفس لما نلاقية فى حيانتا اليومية من غباين ومحن !!!!!!!!!!!

  149. مشاكل قال:

    الأخت حكاية

    الغريبة اسمك و إيميلك ما ظاهر عندي

    لكن مثلا الاخت ( أواصر ) .. هي أول من ظهر اسمه عندي و يمكنني كتابة البريد الإلكتروني الذي يخصها في المدونة الآن

    لا أريد أن أقسم .. لكن الواضح أنها مشكلة في تقنية في الموقع .. أرجو من الأخ استرايكر حل الإشكال

  150. ودالزبير قال:

    شباب

    معروف عن المدونات إنها بسهوله ممكن تدخل وتعمل إي حاجه ولا متذكرين قبل فتره وأحد من الأخوان زعل قام شال كل موضوعاته وحذفها وبرضو لو دخلت في صفحه التدوينه الجديده بتلقى نفسك وسط خيارات وأسعه ولو برضو عندك مدونه خاصه بيك في الرد برس برضو خياراتك في التعامل مع كل المدونات بيكون مختلف ……. عموماً حتى لو مشاكل كان يستعمل الإسم الآخر فنحن تصدينا للفكره وللشتيمه بغض النظر هي صادره من منو ……

    والحركه جابت دخل والتعليقات ماشاء الله بقت مائتين وزياده

    لكن يا مشاكل شينه منك

  151. ابكرون قال:

    ابواحمد : ممكن تطلعنا من البوست ده البشبه الانقاذ ده ( وتدور بينا البلد ده)….باقي السياحة والصور لارض المحس والسكوت والدناقلة ….مش طالبنك نحن يا ابو الطوارق………

  152. Admin قال:

    الاخوة المتداخلين جميعا
    هناك بعض الاخطاء تحدث من موقع وورد بريس عند كتابة التعليقات بالنسبة للاشخاص الذين يكتبون مقالات ومواضيع فى الوورد بريس – وكما هو معروف فان الوورد بريس او المدونة هى مصممة لكتابة شخص واحد فقط – ولتعليقات القراء بدون ان يكونو مسجلين وما يتبعه من ادخال باسوورد ويوزر .

    فى الفترة السابقة تكررت هذه المشكلة وهى تحدث فى الاكثر للاشخاص المسجلين بالموقع – حيث تظهر اسماء اخرى وايميلات لمعلقين مختلفين فى خانة الاسم . وقد تم مراسلة ادارة الموقع لتصحيح الموضوع – والى الان لما نستلم مايفيد بالتغيير.
    ماقاله د عزت – هو العمل الصحيح – بان يدخل العضو باسمه ويوزره – ويعمل رفرش قبل كتابه التعليق لاخلاء خانة اليوزر من اى اسم قبله.

    فالموضوع ليس هكرا او تهكيرا او الدخول باسامى مختلفة – بل – مشكلة فنية بحتة – ونحن الان فى طريقنا لحلها حل جزريا .

  153. مشاكل قال:

    ظهر الحق

    اهاااااا يا ود الزبير

  154. بشّار أحمد بشّار (إبن برد) قال:

    آخر تعليق يا جماعة في الموضوع ده بدون لت وعجن وأغفروا لي جهلي إن كنت ساذجا:
    الآن حصحص الحق بعد أن قام إبننا استرايكر بحل اللغز الذي أعجز الملأ من القوم بما فيهم كبار العلماء في الشبكة العنكبوتية. طيب يعني معنات الكلام ده أخونا ود الزبير ده كان بتناقش مع أشباح ولا شنو؟؟ ومونامي دي حقو تظهر وتورينا رأيها شنو وأتمنى تكون موجودة بشحمها ولحمها ؟؟

  155. عمنا بشار كيفنك
    اللخت موجودة وبنى ادم وعندها كينونة – ومااتداخلت تانى شايفا
    عموما اتمنى انو الاخوة المتداخلين ما يقفزو لاستنتاجات طوالى ويبنو عليها بدون معرفة الحقيقة.
    واتمنى انو الود يكون موجود بين الجميع بدون اى حساسيات من اى نوع.

  156. عباس قال:

    وطـــــنـــي .. وطـــــنـــي
    وطن الجدود نفديك بالأرواح نجود
    وطــــنــي ..

    وطن الجدود نِعم الوطن
    خيراتو كم يتدفـــــقـــن
    آن الآوان أن نـُـمتحـــن
    في سبيلو لا نطلب ثمن

    وطن الجدود نحن الفداء
    من المكائــــد والعـــــدا
    نتمنى ليك دايما تســـود
    بدمانا نكتب ليك خــلـود
    هيا يا شباب هيا ياجنـود
    هيا حطمــوا هذي القيود

    هيا يا شباب هيا للأمام
    سودانّا قد ملّ المــــــلام
    حرية كاملة هي المُرام
    تؤخذ ولا يجدي الكلام
    حذاري أن وطنك يضام
    حذاري أن يصبح حطام
    جهلٌ .. وفقرٌ .. وانقسام
    فلنتحد ويجب نعــيــــد
    لوطنّا أمجاد الكرام

    هيا ياشباب ضموا الجنوب
    القافلة ســــــارت لن تؤوب
    أبنوا السلام دكوا الحروب
    وماء نيلنا يكون عـــذوب

    أهتف معي قل يا أخي
    يحيا الكفاح وينتقي
    فليخرج الباغي الشقي
    ويرفرف العلم الأبّي

    وطـــــنـــي .. وطـــــنـــي
    وطن الجدود نفديك بالأرواح نجود
    وطــــنــي …

    ——————
    كلام جميل
    صحيح ان التاريخ يعيد نفسة مين يتخيل ان يكون شلة من الافاقين ان يكونو اكثر تسلطا من المحتل الانجليزي نفسه
    في راي كلمات هذه القصيدة تصف الكيزان وصفا دقيقا اكثر منه للانجليز
    وكان دامث لغيره لما آلت الليهم

  157. خالد مدني قال:

    والله يا الانقاذ بالغتى لكن !!! اهاااااا عملتو لينا شنو في المودوع ؟؟؟

  158. محنك قال:

    الانسان عايز تنمية بصفة خاصة متعلقة بطبيعتو البشرية
    الاكل الشرب العلاج الزواج الرفاهية ( المقاس كم من عشرة )
    الوطن عايز تنمية طرق كبارى سدود اتصالات كهرباء صناعة جيش قوى شرطة وامن ( كم من عشرة )
    العلاقات الخارجية ( قيادة المنظمات ادارة الازمات تطوير العلاقات ) ( كم من عشرة )

    عشرين الانقاذ
    1 – 5 سنة ازمات وحروب

    5 – 10 بداية التنمية اتصالات وطرق وكبار وبنية البترول ( من وين ديون اكيد )
    10 – 15 بداية عائدات البترول مع استحقاقات السلام ومشكلة دارفور وبداية تنممية مكناطق الحرب ومناطق البترول ( كان ما كفى البيت …. )
    15 – 20 ( تسويات مع احزاب الشمال وترضيات ومسح اشناب وبشتروبوا الزيك )

    20 – 25 بعد فوز المؤتمر الوطنى ( دا ما راى راى كارتر ) المؤتمر الوطنى بس وخاصة عواجيزه

    انتو راجين الانتخابات تغير ليكم شى ( لا لون لا طعم لا رائحة )

    وبنفصلوا وتعالوا قولوا كضاب

  159. نشوفكم بكرة إن شاء الله في مواضيع ترويحية يا أبكرون الحقيبة وين أحسن بيت البكا

  160. علي سنكل قال:

    الأخ الكريم د. شمباتي
    أعتذر بشده عن التأخير في النقاش في موضوعك المطروح وهو بلا شك موضوع الساعه ، وقد فاتني الاستمتاع أيضاً بمداخلات المدوناتيه التي زادت الموضوع ألقاً وأثرت النقاش على مدى الثلاث أربع أيام اماضيه ، على الرغم من بعض اللعبات الخشنه داخل منطقة الجزاء ، ولكنها لم تقلل من أهمية وجدية النقاش في الموضوع الشيق.
    عزيزي شمباتي و مع إحترامي الشديد لكل الأخوان الذين يقفون مع الإنقاذ ، وعلى الرغم من قناعتي التامه بأن الفائز في هذه الإنتخابات هو المؤتمر الوطني والذي سيعض على الوصول إلى السلطة بالنواجز ، وذلك أولاً لحبهم للدنيا و السلطة والمال ، وثانياً لعلمهم التام بأن القصاص لا محالة آت وبخاصة من المتضررين المباشرين ذوي القتلى و المعذبين والمشردين والمنفيين في الأرض. بالتزوير ، بالمال ، بالإكراه ، رجاله ، حمرة عين ، جايين جايين. أضف إلى كل حظوظهم سؤ حظنا و ضعف أحزابنا المعارضه و التي عملوا على إضعافها بحنكة وصبر طيله عقديهما المشؤومين.

    ما لا أجد له طعم و لالون محاولة المؤيدين تسويق الإنقاذ من خلال الكباري وشوارع الظلط وسد مروي ، متناسين أن ما نهبته الإنقاذ من جوف الجوعى والمرضى على مر العقدين يكفي لرصف طريق معبد بالأسفلت حول الكرة الأرضيه مع محطات الوقود والمطاعم المجانية على هذا الطريق. حتى ناس الإنقاذ أنفسهم لا ينكرون ذلك ، و أوجه عناية من يهمهم الأمر لكتاب الأستاذ المحبوب عبد السلام المحبوب ” الحركة الإسلامية السودانية دائرة الضؤ وخيوط الظلام ” ( تأملات في العشريةالأولى لعهد الإنقاذ ).
    ودي حالتها العشريه الأولى بس كفايه عليهم.
    و لمن لا يعرف المحبوب فهو من أفضل وأقرب مرافقي الشيخ الترابي وخير من يحفظ أسرار الشيخ والحركة ككل. سرد المحبوب في هذا السفر مخازي وتآمر وقتل وخيانه لم يعدها السودان في تأريخه ومن داخل قيادات الحركه. طبعاً عيب الكتاب أنه تحدث عن نصف المخازي وترك النصف الآخر. تحدث عن مخازي المؤتمر الوطني وسكت عن الشعبي ، ونحن في إنتظار رد المؤتمر الوطني بكتاب مشابه.
    هذا نذر قليل الذي كشف عنه المحبوب عبد السلام و لكن التاريخ لا يرحم وما هو مستخبي اليوم لابد من ظهوره غداً ، وهكذا على مر التاريخ لم تستبين فظائع جوزيف ستالين و لا نيكولاي شاوشيسكو و لا بينوشيه إلا بعد حقب من الزمن.
    فوز المؤتمر اليوم لن يمحو له ما أزاقه لشعب الأمازون الطيب من مرارات ولابد أن يأتي اليوم الذي يكنسهم فيه هذا الشعب إلى مزبلة التاريخ مع كباريهم وشوارع ظلتهم وقروشهم النهبوها.

  161. ودالزبير قال:

    بروف علي سنكل

    ويلكم باك

  162. علي سنكل قال:

    ود الزبير :
    سلامات يا بهارات المدونه وينكم ووين أفليقا ؟
    شايفك طوالي بقيت شايت مع جمال الوالي ، ما كنا كويسين مع صلاح إدريس !
    وعملتو لي جبرا شنوووو في المودووووع ؟

  163. ودالزبير قال:

    البروف سنكل

    أخوك شايت ضد الوالي والغريبه في البوست ده وأقف ألف أحمر مع البشير لمن أبكرون قرب يقول ودالزبير قبض ….. غايتو نحن القبض ما بنباهو لكن مافي زول دفع لينا لسه … أفليقا بيظهر ويختفي وشغال رجل جوه ورجل بره آخر مره قابلته مع زووووووول ودكتور محمد صالح قبل حوالي إسبوعين كده وكان كالعاده زهجان من النظام رغم إنو جوه النظام لكن تقول شنو ؟؟؟

    بالنسبه لموضوع الرحله لو قاصد كده أظن نبدأ ندور تاني عشان نمشي الجمعه الجايه وإنشاء الله المره دي الناس تستر

  164. ألفاتح جبرا قال:

    عملتو ليا شنو فى المودوووع !!

  165. ودالزبير قال:

    يا عمك سالناك بهناك لو قاصد الرحله قوول عوووك هسه ندور التلفونات ولو قاصد الإنتخابات فعملنا نايمين

  166. ياسين شمباتى قال:

    مون آمى..سلام..
    ما هكذا تورد الابل ولا نبغى الفجور فى الخصومة..وانحنا عارفتهم كويس من غير تجريح او اساءة..وخليك دايما قريبة..

    مشاكل..سلامز..
    تاااااانى!!؟؟ الكترابة,,والله انحنا راسنا ذاتو طار من كل يوم عملة!! ونصايحك دى اعملها شوربة الصباح بدرى!!

    عبدالمنعم..سلام..
    والله ما نسينا,,لكن للاسف فى ناس نست وكمان بتطالبنا بالنسيان والكتمان والصبر على الحرمان..لكن لا والف لا..سنظل يقظين متحفزين وزائدين عن الوطن والجق..

  167. ياسين شمباتى قال:

    ود الزبير..سلام..
    اربع على نفسك وكن منطقيا فى الحوار..ولا ترفض الحرية والراى الآخر وتحجر على منسوبى الاحزاب الاخرى ممارسة حقهم الطبيعى المكفول بموجب الشرع والدستور..ولا فى راى فى المرجعين ديل!!؟؟؟

    حكاية..سلام..
    صدقت..وبالنسبة للمستشفى الجنوبى فهو الآن مؤجر بموجب عطاء!! كمان عملوا مستوصف استثمارى فى نص مستشفى مدنى التعليمى!! مهزلة جد..وخليك قريبة برضو..

    عزت..سلام..
    وكمان داير يحجر على املاك الراجل,,طيب ما يسال عن املاك المكتعافى ولا الكودة ولا اخوان البشير نفسو..معقولة بس!!؟؟ حنين رجل غير محايد وافسد روح البرنامج بانحيازه ومهاتراته العبيطة..

  168. ياسين شمباتى قال:

    سنكل..سلام…
    ومرحب بيك فى اى وقت وانت الساس والراس…وكتاب المحبوب زى ما قلت نصف الحقيقة,,لكن طبعا الجماعة حينكروهو حطب ويرجعوا ليك بقصة الشوارع!! اين تنمية الانسان واين مكانه من اهتمام الدولة؟؟هنا المحك لمن القى السمع وهو شهيد..
    وبمناسبة انو البشير حيفوز,,ياخى دا طلع بتصريح غريب الصباح,مفاده انو اذا الانتخابات تأجلت حيكون الوضع زى ما هو,,يعنى البهمو الكرسى وبس,,لا حرية لا ديمقراطية لا شعب!!! وعشنا وياما حنشوف..

    ابكرون..سلام..
    اها اب احمد خذلك,,اطلع انت بدرة عجيبة من بتاعات الايميل ديلك!!!

  169. طارق أب أحمد قال:

    شمباتى

    أبدا و الله ما خذلت أبكرون البوست جاهز بس بحاول أكمل بعض المعلومات
    ابكرون

    ناس شمباتى ديل يطلعوا من الحفره يسوطوا الواطه و يخلوها تضرب تقلب الين يرجعوا الأربعا الجاى عشان يعرفوا الشمار

  170. ياسين شمباتى قال:

    حبيبنا اب احمد..سلام وشوق شدييييد..
    والشمار مدقوق مغربل..فى انتظار البوست..لكن انت المساهر بيك شنو!!!!؟؟

  171. ابكرون قال:

    شمباتي ياخ الرَجال عندو واجبات منزلية بحل فيها انت المزوزي بيك شنو لي هوايد الليل ياخي نوم … حيحصل في الاخر العمدة بمضي (مشيت للعمده قال لي ما بمضي)

  172. طارق أب أحمد قال:

    أبكرون على الخميس,25 مارس, 2010 في 4:46 ص

    لكن يا ابكرون ما لقيتك ديك

  173. ابكرون قال:

    ديك شنو دي صحية صلاة الصبح ومنها خلاص تاني مافي نوم وحاتك …..
    الدوام بعد ساعه من الوقت اعلاه ……6 يعني الطريق نص ساعه قبلها
    ما تقول لي يا دوب عايز تنوم

  174. ياسين شمباتى قال:

    ابكرون..
    ههههههههاااى,,كلكم فى الهم شرق!! ومعاكم ود الفتيحاب وود الباشا..لكن لقيتك صعب فى حتة العمدة دى,,اصلك ما بتنسى؟

    طارق..
    فى داعى لى جنس دا !!؟؟

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل خروج   / تغيير )

Twitter picture

You are commenting using your Twitter account. تسجيل خروج   / تغيير )

Facebook photo

You are commenting using your Facebook account. تسجيل خروج   / تغيير )

Google+ photo

You are commenting using your Google+ account. تسجيل خروج   / تغيير )

Connecting to %s