الخريف فى جبال النوبه

Posted: السبت,7 أغسطس, 2010 by طارق أب أحمد in اخرى

كادوقلى حاضرة جنوب كردفان هى العاصمه السياسيه للإقليم بينما تظل الدلنج حاضرة قبائل النوبه و على الأخص مكوكية الأجانج، فألأقليم غنى بالموارد الزراعيه و الغابيه و البستانيه و به طريق أسفلت معبد من الأبيض عبر الدبيبات و الدلنج و حتى كادوقلى كما يتفرع من نفس الطريق آخر ترابى حتى هجليج و من ثمه أبيي فالجنوب .

أتيحت لى فرصه لزيارة الأقليم بداية الخريف لهذا العام ووددت إشراككم معى فى صور الطبيعه الجميله لهذه المنطقه و هى الطريق من الدلنج و حتى كادوقلى

About these ads
تعليقات
  1. ابكرون قال:

    بالله يا ابو احمد الواحد يعرس ليه نوباوية (شرطن) تحت ذلك الجبل في قبطية وحوش (صريف )ويسعي ليه بقرتين وكم جداده و(تبروقة) ويزرع ليه فدانين مش بالدنيا وما فيها ، بشرط لا نت لا موبايل لا كهربا لا ثلاجه ولا يعرف قبلة الخرطوم ومطارها علي وين……!

  2. عزت قال:

    سلام يا أب أحمد
    شكرا للمناظر الجميلة دي….
    مافي طريقة لاجتماع و الا رحلة في تلك المناطق…..
    طيب وكت عندهم الحتات السمحة زاحميننا في الخرطوم مالهم…

    كسرة:
    واحد سأل ليهو واحد قطيم من بوسطة أمدرمان
    فبدل يجاوبو قاليهو انت من وين…
    قال ليهو من …….
    زعل عمك و قال ليهو ياخ احنا قاعدين نجيكم…. جايننا ليه

  3. نيام قال:

    والله يا ابكرون صبقتني عليها خلاس اعمل لي قطية جنبك بس ما زي قطية عزت …قال ليك واحد زي حلاتنا مشا ليك الحتات دي لقا ليك نوباوية (هتّة ياخ) قام قال ليها سلام عليك هوي باقي ليك القطية دي بتخرّفْ بنا…انقر تاني اهلو شافو…
    عزت المرطب:
    شنو يا فردة مقطمها معانا كده مالك نجيكم تكوركو نزوق منكم تمشو الدوحة تقولو لينا يلا تعالو …

  4. ودالزبير قال:

    طارق

    الصور ده ممكن تدخل بيها أتخن مسابقه تصوير وتفوز بالمركز الأول .. يأخي ده شنو الجمال اللمن بهناك ده

  5. طارق أب أحمد قال:

    أبكرون
    عرس ليك واحده من الشنابله أو المعاليه رعاة أبل و أبقار لكن الشافع ماشى فى الزلط و دارع الكلاش
    عزت
    ياخى شكرا على التعديل معليش عذبتك معاى . إجابة سؤالك يبدو أن المسأله فيها شوية نسبيه فلأن مناطقهم جميله كدا ما بحسوا بجمال الخضره وعشان كده ممكن تلقى الواحد برسل صور برج الفاتح و نفق عفراء للبلد

  6. طارق أب أحمد قال:

    نيام
    دا ما ياهو ذاتو خريف أبو السعن

    ودالزبير
    ياخى كفايه على لو دخلت بيها على عيونكم و وفزت بالمركز الطيش

  7. ودالفتيحاب قال:

    الاخ أب أحمد
    لك التحيه علي كل ذلك الابداع وانت تتنقل بنا في ربوع بلادنا الحبيبه وجمال الطبيعة الخلابه . لقد سمعت تعليقنا علي كل ذلك الابداع وانت بيننا وقد سعدنا بك غاية السعادة . زدنا من كل هذا المعين ونحن ظمأ لكل زرة تراب في بلادنا الحبيبة .

  8. aflaiga قال:

    اب احمد : وانت قايل النوبه حلوين كده ليه ؟؟ ما عشان بلدم حلوه !! حقيقى تصوير ولا اروع واختيار بهى وبديع . تعرف ذه المناطق من البيبات وحتى هجليج ( الكرقل او كيجا جرو – حلة نوبا – درنقاس – كيلك البحيره – الخرسانه – هجليج – كادفلى – الدلنج ووووو ) انها من اروع ما رايت فى بلادى تعرف زى ما قال ليك ابكرون بس البخليك منو ؟؟
    ومما ذاد روعة المكان روعة اهل المكان ودى نظرية علمية بسيطه بتقول انو لو ما ناس رايعين كانو اتغولو على الطبيعه دى وخلوها زى نجايل حدائق حبيبى مفلس او مساحاتنا الخضراء بالخرطوم – بس انا خايف نمشى عليهم نخليها ليهم صقيعه …

  9. elturkey قال:

    الحبيب أب أحمد ياخ انت روحك جميلها عشان كده دايما بتلقتط الأشياء البتسر الروح والنفس … تتخيل أنا مريت كم مرة بهناك واستمعتعت بالجمال دا (بس أكيد ماقدر استمتاعك) و مافى ولا صورة واحدة عندى تحوى ولا بيت من قصيدتك المنغمة دى … تسلم ياراقى

  10. أحمد الفاضل قال:

    صور مبدعة من مبدع أخونا أب أحمد
    صديقي العزيز الأستاذ ايليا كوكو النوبي الأصيل درج في مقالاته على امتاعنا وتبصيرنا بما نجهله عن ثقافة أهلينا النوبة الكرام وفيما يكتب مرجعية توثيقية وجميلة وسلسة للنوبة العظماء

  11. مهما كانت الظروف والأحوال والحروب ومهما هاجرنا عند بلادنا بسبب المشاكل والفتن من الخونة مايسمونهم المؤتمر الوطني ومهما مشينا أمريكا ولاكندا ولا أستراليا ولابريطانيا ستظل هذا الإسم علي وهي جباااااااال النوووووبة في قلوبنا إن شاءالله.

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

You are commenting using your WordPress.com account. تسجيل الخروج / تغيير )

Twitter picture

You are commenting using your Twitter account. تسجيل الخروج / تغيير )

Facebook photo

You are commenting using your Facebook account. تسجيل الخروج / تغيير )

Google+ photo

You are commenting using your Google+ account. تسجيل الخروج / تغيير )

Connecting to %s