كان يوما استثنائيا التقي فيه جميع القروبات من A الكواشف الى الأطفال الصغار قروبات C ماينس اليوم السبت وأمتعنا الفنان عمر بروائع (مصطفى سيد أحمد) وأمتعنا (اسماعيل) بالباربي كيو الماخمج…. شكرا الفاتح جبرا لجعل كل هذا ممكنا
This slideshow requires JavaScript.
يااااه .. رغم جيتنا المتأخرة لكنها كانت لحظات ولا أروع
حاجة تماااام ربنا يديم الود والتلاقي والافراح والصلات الطيبة ……………..تسلموا احباء اخوان
ياله من يوم رائع بروعة الناس الحلوين وهم قامات سامغه تسعد بجوارهم ويحلو الجلوس بينهم ، الكل كان جميلا حتي الاطفال فقد زينو المكان بشقاوتهم الحلوة ، وكان المكان اروع ، التحيه لكل من ساهم في هذا اليوم الرائع .وربنا يديم علينا هذا التواصل الجميل.
ابدااااااااااااااااااااااااااااااااااااااااااااااااااع..ربى يحفظكم يا حلوين..
شكرن لمن شارك فى هذا اللقاء الجميل بدأً من صاحب الإقتراح الأخ ابو ناجى( الفاتح جبرا ) مروراً بلجنة التنسيق والإخراج الما خمج وأعضاء التنفيذ والحضور الكريم .. كان بحق يوم جميل ورائع ونشكر للأخ ودالمهدى مفاجأته الرائعة المدهشة بإستكمال الإخراج البهى بوجود الفنان عمر خليل ( بالكم ما يمشى بعيد.. مش عمر خليل بتاع الدوحة الفقرى داك.. المزعج .. الشهير ب أبكرونا..) لقد اثرى الجلسة بالشدو الجميل وحقق جميع طلبات الحضور من الأغانى..
مرة أخرى شكرن للكل بدون فرز ..ونأمل دوام هذه اللقاءات مرة بعد حين ..
والطباخين؟؟؟؟
حقا في الضواحي وطرف المداين
كلمات شكر لا بد منها في حق الفضليات مدام طارق اب احمد والغبشه لمجهودهما المقدر في الطبخ اللذيذ والشكر موصول للشيف خالد مدني ومساعده العوض كما يمتد شكرنا للسيدات سماسم وسمسمه لحضورهن برفقه اطفالهن لهذا الجمع الطيب الملفت للنظر ان حضور الاطفال اضاف للرحله نكهه العيد وطعمه
الشكر لكل من حضر وشارك ونشير لافتقادنا لبعض عماد هذه التجمعات لظروف مختلفه الاخوه البيشاوي وافليقا واسترايكر والزهراء وقرن شطه وكل سنه والجميع بالف خير
الرحلة كانت مميزة بتميز المنظمين والمشاركيين-ولكن غاب عنا بعض النجوم – افبيقيا وسترايكر والبشاوي- ولكن اجمل الرحلات تلك التي لم تتم بعد – وانشاء الله دايما تاميين ولاميين وسعيديين – والرحلة القادمة انشاء الله تكون علي شرف الطيور المهاجرة – في الخليج ناس بشار وابكرون وسنكل – وكما نيام لازم يجي من مدني عشان الكوكبة تكتملز
لا بد من ان نشكر الاستاذ عمر خليل الذي ابدع واتحفنا بروايع المختارات ولم يبخل علينا بفنة الراقي
وكما نشكر الاخ اسماعيل حسين (حميم) علي تكرمة باحضار وعمل الباربي كيو بالشواية الجديدة فلهم منا كل الشكر وهم كما عهدناهم دايما اصيلون وسباقون لخدمة الاخريين –
كما لا يفوتنا ان نشكر الدكتور شمباتي علي -تعلمة الشواء في جداد
الرحلة بمشاركة مشاكل- الشية كانت خطيرة زي الفكرة ولا شنو يا ود المبير؟
علي قدر اهل العزم تاتي العزائم وعلي قدر الكرام تابي المكارم.
شكرا لكم ولهم ودائما دمتم سالميين
سلام
رسلت التعليق في القمردينة لكن منتظر موافقة الادمن- الجاصل شنو؟
يا د عزت – وين باقي الصور – المرجو من كل من صور وسجل ووثق للرحلة
مشاركتنا واشراكنا في ما تم توثيقة – وممكن ان يتم ارسالها عبر الميل نذا
كانت صغيرة الخجم والا فيمكن ان يوضع في فلاش او اسطوانة وتوزع علي
كل من يرغب. يلا همتكم يا اب احمد وعزت
سلام
الحباء الحلوين :
والله ان الحزن ليكبر كلما عاودت الدخول الى هذا البوست
لاول مره يجتمع الاحبه ولا نكون حضورا وعزاؤنا ان العيال كانو معكم
عدت اليوم من مهمتى خارج الخرطوم وكلى اسى وحزن على تفويت هذه اللمه الرائعه
ادام الله خوتكم ومحبتكم ودايما تامين سالمين غانمين يا رب
بالله الصور كلها وخسوسا العيال ما شفنا غير عبودى !!
يا ودالمهدي
عندنا صوره لمشاكل كده نسمع منو
ننشرها ولا يتصلح معانا
نقبل الكاش والحاجات العينيه
ود الزبير :
مشاكل لو ما دفع انا بشترى صورة مشاكل دى منك باى مبلغ نحنا لاقين لينا حاجه لى مشاكل ؟؟ !!
ود المهدى : يعنى المفاجات دى الا نكون مافى ما دى الرحلة الخرتمية وكمين معاك ومافى مفاجات شنو يعنى ؟؟
يا عبدو نحنا قلنا في مفاجأت وقلنا ما ممكن تسافر وقلنا السفر سيبو
وقلنا سفرك بكرة قالو لو اجلتو مالو وقلنا السفر ملحوق – لكن زي ما قالو
المكتولة ما بتسمع الصايحة – والمفاجاءة كانت تقيلة شوية – لكن ليك عليم
الرحلة الجاية برضو في مفاجاة وممكن تكون اتقل بس ورينا جدول الماموريات من
هسة عشان ما تجي بعد الرحلة تقول لي ما كان تقول لينا-
بعدين اسأل عيودي عن الشواء وهو ايضا من المفاجاءت ولسة.
ود الزبير ما عندك صورة لشمباتي – اصلو ح يدفع بالعملة الحرة ؟
هسة في ناس من المدونيين بالخارج مبسوطيين انو الرحلة فاتت ناس
من الداخل – واسال السلاوي.
ودالمهدى .. هى لاكين جنس إنبساط ..
ود المهدى الراقى :
انا بشاغلك حتى لا اتلوم فى نقص الثناء على جهدك الرائع والله يا عمنا بتذكرنى على براحه كلما اشوفك منتهى الرقى والهدوء والرزانه والادب والذوق عارف حقيقى الواحد بعد مرات بتخيل انك مغترب جيت اجازة وراجع و بتمنى انو ناس عبودى يطلعو زيك لكن تقول شنو طالعين لابوهم هههه
تحياتى يا راقى لك وللاسره الكريمه .
ودالمهدي
الصور الاختها خالد مدني ووزعها للناس بالبلوتث بتهم شمباتي برضو الا يكون ما خايف على العفش
والعفش داخل البص على مسئوليه صاحبه
المهم
معاهم لحد بكره يا الدفع يا بنسرب الصوره
نبدا بالاميل ونمر من هنا ثم الفيس بوك ونختم بسودانيز اونلاين
في اي بوست لذو اليد
للجميع اهديكم :
ودالزبير
سودانيزأونلاين مرة واحدة وكمان بوستات ذواليد ؟
أنا بنصح مشاكل وشمباتي بالإستجابة لمطالب ودالزبير
رحلة ما منظور متيلا ……بس طبعا ابيخ شس فيها المحتفي به …..بعدين يا سلولو (ثكلتك امك)…عمر خليل الاصل لو دندن علي العود حرم اسراب الحسان الفي المنشية والجريف كلهن يطلعن يفتشن الدندنة دي جايه من وين …..
شمباتي …..وصلتني صورة عجيبة لعمك red- handed حنزلا بكره في الوش بووووك لو ما قال لي عديل الرووووووب
سجمك…
المجلس الأربعينى
من على اليعد نحيى آكسنت البروف الجديده
و ما زلنا فى إنتظار أبو أربعه
و نحيى البروف ذاتو
طرب زى الطرب
الرائع عمر خليل
الما أبكرونا
الغبشه حلفت شمباتى ضيف ما يسوى الأكل
الغبشة : وخطاك والهدب المكحل وفتنة التوب الأنيق ……………. (ده كلام وردي)
شمباتي : والوقفة وريحة الشية المدنكلة….خليتني ما قادر اطيق………………(دي حساده مني سااااكت)
وجود شنباتى خرب الصورة دى ..
شوفوا دنيتنا الجميله
عصافير الجنه
بدون تعليق
مخخخخخخخمخه
انتو دي مناخير ود المدني ولا عادم ركشه هههههههههههههههههههههههههه …ما تخاف عيني بااااارده بس بتجيك نزله خفيفة …..
ود الزبير..
اممممممممممممممممممممممممممم,انا عفش ولا صاحب؟؟زولك متجرس باتلفون ومحلفنى احلفك ! ارافوا بيهو ياناس..
طارق..
واريتو فى حد سمع كلامها ,وهى ذاااتها سوت شنو ؟؟
ونشكر قناة النيل الأزرق الجو وشاركونا الليلة…!!
شمباتي
ارسل مشاكل بعثه لاجراء تسويه لقضيه صورته
بس المشكله اتسربت وبقت عند اكتر من زول لو امتنعت انا عن النشر بقيه الجماعه اللبيقنعهم شنو
غايتو
انا اقترح اقامه مباراه البينغ بونغ في بيت دكتور عزت والباسطه علي ولو فاز شمباتي تنشر الصوره ولو فاز مشاكل تمحى الصوره من جميع اجهزه الموبايل الخاصه بالمدونيين
ود الزبير..اثنى واؤيد هذا الاقتراح,,بعدين البعثة دى ما بتمر من عبرنا مالها !!؟ شكلو فى اجندة خفية لتهريب العوض! كع
ونثني على هذا الاقتراح…الملعب جاهز نور وموية …. لكن نقترح حكام دوليين… زي نيام والبشاوي وحكم اسباني كدا زي قرن شطة
ابكرون..
ووردى دا ما قال فى وقفتى دى !؟؟ وى
باسحي افليكا ونن هقارا ديوا
نيام :
باستحى افليكا لمن جمنار شغلوم شدادا عملتاك مظاهر حضرتكم افندم
نيام: افيقيا ما جيت الرحلة مالك؟
افليقيا : والله حضرتكم حماني الشديد القوي
وبس
ولا مش كده يا نيام؟
ود المهدى :
حضرتكم ارتقاء شنن افكى تشكرات .
مش قلت ليك انت راجل راقى ؟؟
سلامز
إلى : ود الزبير .. مع التحية
الموضوع : الصورة إيااااهااااا
بالإشارة للموضوع أعلاة .. أعلى ما في خيلك اركبوا
مرفق : و نحن الفوق رقاب الناس مجرب سيفنا
كل الود والتقدير لأهلي الطيبين- اتمنيت أكون معاكم لولا الظروف الكثيرة التي انتهت بوعكة صحية جاامدة منعتني من الحضور – لكم كل الود والتقدير مع امنياتي بدوام الصحة والعافية للجميع
عزت..
بس خلاس,,والحمام الميت جيبوهو لى..
مشاكل..
ايوااااااا,,دا كووولو عشان اديت العهد؟؟اما انك ملاوع بصحيح..
الزهراء الف لا باس عليك وماعندنا خبر والله
مشاكل السيف انا كنت قايلك شايلو لليوم الاسود وكااااااك
ودالمهدي:
سلام تناستلنق ..دبنن جو ..دنا
ونن افليكا هنكلي بابو …قاوو منشية كلوو…كؤدي ديوا بابو هنكلي
تشكرات بولي ..تمام شود؟
ود المهدى :
نيام بيقول ليك :
سلام كبير من على البعد ليك وللاسره الكريمه
اما افليقا ده فعدم جيتو الرحله فى المنشية ما معقوله وشينه منو شديد وما حتعدى بالساهل
مشكور يا راقى وشدو حيلكم انشاء الله دايما تامين