أفراح

الاخوة الاعزاء

فى هذه الصفحة – نتشارك مع بعضنا البعض – افراحنا –  بكل انواعها – لكى نظل على تواصل دائما بكل مايحدث لغيرنا من الاخوة والاخوات من الاعضاء الكرام.

Advertisements
تعليقات
  1. حسن عبدالوهاب كتب:

    إزيكم ياشباب أنا عضو جديد وبرحب بالجميع وبرسل تحياتي الى الغالى جبرا وإن شاء الله جاهز لكل الأفراح
    ولكم خالص حبى وتقديرى

  2. ابكرون كتب:

    الاخ حسن عبد الوهاب مراااااحب كتار بيك
    انت افتتحته صفحة الافراح دي الله يزيد افراحك
    وشكرا لاسترايكر للاستجابة لتقسيم المقسم الي اتراح وافراح وان شاء الله ما نحتاج لصفحة الاتراح
    الاخ حسن طل بهناك بتلقي الشباب وبتلقي عمك او اخوك السلاوي يسالك اسئلة كده تسل الروح

  3. elturkey كتب:

    الف مرحب بيك أخ حسن وربنا يديم المحبة ويكتر من الأفراح

  4. ودالزبير كتب:

    حسن عبدالوهاب

    شنو يا معلم محل ما أمشي صفحه ألقاك

    مرحب بيك

    بالمناسبه دي يا إسترايكر تقوم تعمل لينا صفحه ترحيب بالأعضاء الجدد

  5. طارق أب أحمد كتب:

    حسن عبد الوهاب
    بعد الترحيب بك مباشرتن حدد موقعك الجغرافى عشان مندوبنا فى منطقتك يقوم بالواجب و الواجب دا ما فيهو دفع عشان ما تغنج

  6. ودالزبير كتب:

    هنا نتقبل التهاني بفوز السيد الريس

  7. علي سنكل كتب:

    حسن عبد الوهاب:
    نرحب بيك و أهلاً و سهلاً في دار جبرا العامره.
    ومشكور استريكر على هذا الجهد المتصل. وأعمل لينا صفحه براها نبارك فيها لود الزبير فوز الرئيس بعد ما يفووووز. ود الزبير ما تخلي الكوره تنتهي ، أقصد التزوير ينتهي ذي ما قال المحبوب.

  8. حاج أحمد السلاوى كتب:

    شكسبير ..
    نهنئكم بفوز المشير عمر البشير رئيساً لجمهورية السودان للأربع سنوات القادمة ..
    هاردلك لبقية المترشحين ..مع امنياتنا لهم بحظ أوفر فى المرات القادمة ( دا لو حضروها ).
    سير سير يا بشير ..الشعب وراك .. يا مشير
    كفاية شعارات ولاّ ازيدك ؟
    هى عاوزة ليها درس عصر ؟؟؟؟

  9. ودالزبير كتب:

    الحبيب سنكل
    دخلت قبل شويه لقيت ليك تعليقات في صفحه أتراح قلت لا حول الله المات منو ؟؟ مشيت لقيت الأخوان بيتقبلوا التعازي في فوز البشير !!! طبعاً كلنا متفقين على النظام والترتيب وكلو سته في حته على قول أفليقا لمن تجي وإنت ملهوف على مصيبه حصلت لزميل ليك هنا وتلقي الموضوع ونسه عن الإنتخابات .. ممكن يكون شعورك شنو ؟؟ قلت أحسن أكتب ليهم في الأفراح على الأقل قبل ماتخش تفرح لودالزبير تقول عرس تاني تقوم تخش تبارك تلقي الموضوع عن فوز الرئيس البشير

    تقوم تطلع تمشي صيوان العزاء

    هاهاهاهاهاهاهاها

    كيف الأمور وبشار مالو قاطع الأخبار

  10. علي سنكل كتب:

    الحمد لله الجات سليمه يا ود الزبير ، و الحال الحمد لله. ما داير ليك عمال في سيدي بيه ؟ والله فترنا عدييييل كده من الجري. وبشار نفس الشئ بقا يا سواقو ليه شيلتو من البيت لمدرستو. بعد الشغل ماااافي تاني مرقه إلا الشديد القوي والأتراح.

    طبعاً مهرجان فوز الشجره حيكون إسبوع بي حالو ! !

  11. نيام كتب:

    يا خلف الله مالك مختوف
    خايف ليه دا امتحان مكشوف
    شخت ورقك و نحنا نشوف
    جيبو الشماشا
    حاضر يا باشا
    جيبو الهتيفة
    دي حاجة ظريفة
    او ناس الافتاء
    يفتو الاستفتاء
    اهنيك يا سلفا
    الفا الفا
    ادو عرمان
    سفارة السودان
    باعوا الاوطان
    عشان العنوان
    حزب التفتيحة
    دي حاجة مريحة

  12. aflaiga كتب:

    ال محمد احمد السودانى وجميع ابناءهم واصهارهم بالسودان والخارج يتقدمون بالدعوه لحضور افراح البلد بنتائج اول انتخابات ديمقراطية منذ ان حصل الحصل وافراحنا تستمر من الجمعه حتى التلاتاء فى الحنه والقيدومه والدخله وكل المراسم وبرغم انو العروس طلع فيها اخطاء فنية وطلعت سكند هاند استعمال وطنى الا انو العريس اولى ببت عمو ولو كانت ماشه قبالو الف كيلو يعنى شنو ما ممكن نعتبرا استعمال قبطى ولا دكتور زى ما بيقولو ناس الدلاله ..
    اللهم وفق بينهم بالحلال خلال الاربعه سنه الاولى ولو ملا ليها بطنا وبطنا ما بتطرانا ولا شنو يا شيخ فرح ؟؟

  13. محنك كتب:

    يا افليقا ناس حا بكتبوا عن الانتخابات هنا وناس فى الاتراح لذلك وحرصا من هروب البعض نرجو الالتزام بالكتابة فى القسم الخاص بالانتخابات

  14. aflaiga كتب:

    محنك : خلاس اعتبر دى الدعوه بس والاعتذار او الاحتفال بى هناك – تحياتى .

  15. طارق أب أحمد كتب:

    أفلى و محنك

    نحنا بقين مع الطيور و لا لينا فى الطور و لا فى الطحين

    بس يا أقلى مالك ما جيت

  16. ابكرون كتب:

    التحية والقومة لدكتور عزت وهو يمر عابرا بمطار الدوحة الي باكستان
    ….الشكر الكتير علي سماع صوتك وان شاء الله تصل بالسلامة ومامورية موفقة

  17. عزت كتب:

    شكرا يا أبكرون على الترحيب و الله كنا نتمنى (زيارة خاصة) على قول ناس الجزيرة و الذين قد حضر جزءا كبيرا منهم معنا في الطائرة عل ما شفت البنية السكرية الكانت في التغطية … خالا لينا (الكتبي) الكان قاعد جنبي… دا اسمو كلام…
    عموما نسعد بالتغطية التي اداروها باقتدار عندما أدار المؤتمر الحملة و برضو باقتدار……لكنه معيبا بعض الشئ….

  18. ابكرون كتب:

    بالله محمد طبشير الكتبي بدل ليناعبد الكريم ؟ بتبالغ … . زي الجنة والنار…. كان تبدل الطيارة…ولا الحجز… بركه ما ركب جنبك اسحق احمد فضل الله…… كان جاك طمام في المفاصل والركب …
    حاولت الرقم لكن بظهر لي كلمة مكالمة بس

  19. نيام كتب:

    عزت المرطب:
    بالسلامة..واوع تطول البعاد و تزيد الالم…من كراتشي اكتب لينا كم…

  20. نبارك لابن زميلنا وحبيبنا ود المهدى بنيله المرتبة الاولى فى امتحانات شهادة الاساس فى ولاية الخرطوم – فله ابلغ التهانى والتبريكات.

    مبروك النجاح

  21. nono كتب:

    مبرووووووووووك النجاح

    1000 مبروك للابنه (تسنيم )245 ابنه الاخت سماسم

    عقبال الجامعه والدكتوره والماجستير

    وعلينا جااااااااي…..

  22. مبارك للاخت سماسم نجاح الابنة تسنيم وعقبال الشهادة الكبيرة انشاء الله
    شكرا لنونو لايراد الاخبار الجميلة.

  23. nono كتب:

    1000 مبرووووووووووك

    عمنا ود المهدي

  24. التلب كتب:

    1000000 مبروك
    عقبال الدكتوراة

  25. محنك كتب:

    مبروك للاخ ود المهدى والاخت سماسم نجاح الاوائل وعثبال الدكتوراه

  26. حاج أحمد السلاوى كتب:

    – أخونا ودالمهدى .. نبارك لكم الإنجاز العظيم والنجاح الباهر ..وكما يقولون هذا الشبل من ذاك الأسد ..ربنا يوفقه كمان وكمان ويبلغه أعلى الدرجات العلمية إن شاء الله ..بس يا ودالمهدى عندى سؤال سغيرووووونى .. الشطارة دى جابها من آل مبيوع ..ولا ّ من آل شداد ؟ ..
    كل التهانى للأسرة الكريمة ..وبالتوفيق والسداد .

    – الأخت سماسم ( الغائبة عن المدونة ) كل التهانى مقرونة بالأمانى الطيبة لإبنة أختكم الكريمة بالنجاح والحصول على النتيجة العالية ..جعلها الله من بنات المستقبل وحاملات المشعل..التهانى موصولة لجميع أفراد الأسرة وعقبال الشهادات الكبيرة بإذن الله ..ومن سار على الدرب وصل .

    أدام الله الأفراح على الجميع ..

  27. ابكرون كتب:

    مبرووووك يا ود المهدي نجاح الابن وتفوقه الباهر عقبال الجامعة ان شاء الله
    مبروووووك للاخت سماسم نجاح بنتها تسنيم وعقبال الجامعات ان شاء الله
    ومبرووووك للابن منير هاشم خليل ابن شقيقي المرحوم هاشم 252 وعقبال الجامعات…..

  28. مشاكل كتب:

    الف الف الف مبروك لكل الناجحين في إمتحانات الشهادة و التهنئة موصولة للأسر و الأصداقاء

    مبروك ود المهدي و سماسم .. و عقبال الشهادة الكبيرة و الجامعة و الماستر و الدكتوراة

  29. nono كتب:

    ال المرحوم هاشم خليل عمنا الفكفك ابكرون
    1000ومبروووو نجاح الابن منير هاشم خليل عقبال الجامعه ….

  30. ودالزبير كتب:

    ودالمهدي يأخي ألف ألف مليون دشليون مبروك على قول مصطفى الآغا وصحي ما شابه خاله فما ظلم وعشان ما تزعل هذا الشبل من ذاك الأسد …. أها الدعوه شنو … علي الجزيمه دي محتاج منك رحله بعشره خرفان ومحمود الطباخ وتجيب عبدوش على حسابك من سنار … نقول الجمعه الجايه ولا في خيارات

  31. حاج أحمد السلاوى كتب:

    عمنا أبكرونا ..مليون مبروك للشبل منير هاشم خليل ( ابكرونا الصغير…) وعقبال الشهادات الكبيرة إن شاء الله .

  32. عزت كتب:

    و نقلت الي الأخبار من الخرطوم أيضا نجاح ابني (ياسر) الباهر…… فالتحية لأبناءنا و بناتنا جميعا و أعظم أمنايتنا لهم بمزيدا من التوفيق و النجاح في مقبل أيامهم…………….

    و الله فرحونا الله يفرحكم بنجاحكم

  33. حاج أحمد السلاوى كتب:

    أوووووووووووو عزت ..كل التهانى والتبريكات لكل الأسرة الكريمة بنجاح الشبل ياسر ومزيداً من النجاح والتفوق … كلها تلاتة سنوات ويلحق عصمت فى ماليزيا .. إن شاء الله … موووووش ؟ .
    الشكر لكل الأبناء الذين أثلجوا صدورنا وصدور أهليهم بالنجاحات الباهرة .
    للنجاح طعم حلو وجميل ..مش كدا ؟

  34. يا سلام يا اخوانا يعنى جد اخبار النجاح لابنائنا – بخلى الزول ينسى تماما موضوع السياسة وقرفها
    مبروك للاخوة جميعا نجاح ابنائهم واتمنى ليهم التوفيق دائما.

  35. علي سنكل كتب:

    ود المهدي ، سماسم ، أبكرون ، عزت
    نهنئكم وأسركم الكريمه بهذم النجاحات الباهره ومزيد من التقدم.
    شئ يسر البال في زمان الفاقد التربوي هذا و لازم نفرح بيهم ، ما الشيله كلها بقت على البيت والأسره.
    ما الحكومه كفاها تنجح الانتخابات بالزور.

  36. nono كتب:

    د/ عزت 1000مبروووووك نجاح الابن ياسر عقبال الجامعه

    معليش ياشباب عملنا ليكم وجع وششششش؟؟؟؟

    الليله انا عاصره بيت الفرح اخير من عصر الفرااش ؟؟؟؟

    مييييين يزوووووود؟

  37. ودالزبير كتب:

    سماسم ، أبكرون ، عزت

    الف الف دشليون مبرووووووووووووووووووووووووووووك

    وطبعاً يأتي هذا النجاح متزامناً مع فوز عمنا البشير الكاسح …….. طبعاً يا شباب الزول بقي مع البشير وضد المؤتمر الوطني وده تجي كيف لو تسألتم فما عنده تفسير محدد لكنها حاجه يمكن انا وزووووووول وبعض الأخوان هنا وصلنا لمعادله سريه بخصوصها .. هاهاهاهاهاهاهاها

    تاني مبروك لكل الناجحين والناجحات ومزيد من التفوق والنجاح

    سفرووووووووووووووووووت

  38. ابكرون كتب:

    هبرووووك يا عزت نجاح الابن وشكرا لجميع الاخوة والاخوات المهنيين وعقبال افراحكم كووووووولكم

  39. monamie كتب:

    مبرووووووك يا كل الاخوه الاصحاب علي نجاح ابناءكم وبناتكم وعقبال نجاحهم للجامعه والله فرحونا

  40. monamie كتب:

    كمان مبروك يا ناس المعوقيه واللاوطني نجاح ولدكم بالنجاح المخجوج خجا وعقبال الجنائيه الدوليه

  41. محنك كتب:

    مبروك صديقنا ابكرون نجاح الابن …. ونتمنى له التوفيق والسداد ….
    مبروك يا برف عوت بقاريتش المرطب وعقبال المرطب الصغير خريج بما تتمناه له من درجات ومجالات

    عقبال فرح الجميع

  42. محنك كتب:

    معليش يا عزت بقينا كواشف ( مش كواشف بلس ( + ) زى سلولو ) كتبت بروف عوت ( حرفى الزين والواو جنب بعض فى الكيبورد ) والايد قصيره ههههههههههههه

    وتانى مبروك بروف عزت

  43. ابكرون كتب:

    ياجماعه كلمة افراح دي في خانة احدث التعليقات بتديك احساس ( بافراح عصام) …..يكون ليه يا رب ؟؟؟؟؟؟؟؟؟؟؟؟؟؟؟

  44. حكاية كتب:

    مبروووووووووووووووووووووووووووووووووووووووووووووووووووووووووووووووووك
    لكل الناجحين وبرضو الماناجحين
    مبببببببببببببببببببببببببببببببببببببببببببببببببببببببببببببببببببببببببببببببببببببرررررررررروك
    دى لناس الانتخابات وروروووووووووووووووووووووووووووك

  45. زووووووول كتب:

    مبااااارك والله يديم النجاح

  46. طارق أب أحمد كتب:

    أخيرا دخلنا الشبكه
    سعاده لا توصف و أنا اسمع إسم محمد مهدى مبيوع من ضمن الأول مشترك و أنا فى طريقى لللشماليه

    كذلك أهنى بنتى لينا بالنجاح الباهر و عقبال ما تكونى دكتوره تعالجى الناس مجانى

  47. semsema كتب:

    السلام عليكم ورحمة الله وبركاته
    مبااااااااااااارك انشاء الله وربنا يوفقهم ويوفق الجميع

  48. ياسين شمباتى كتب:

    الاحباب (ود المهدى- سماسم-ابكرون- عزت-طارق)..سلامات ومبارك النجاحات وربنا يديم السعد والهناء ويوفقهم فى مسيرتهم العلمية ويكونوا ذخرا لاهليهم وللبلد..

    طارق..
    شايف رجلك جرت على الشمالية!! امممممممممممممممم…

    ابكرون..
    غايتو جنس حركات!! اركز شوية..

  49. حاج أحمد السلاوى كتب:

    طارق اب احمد ..
    تهانينا بنجاح الإبنة لينا ..وربنا يحقق أمنيتك وتصير دكتورة ..عشان تعالجنا كوووولنا ..مجانن ..

  50. عباس كتب:

    الف مبروك
    وربنا يحفظة
    ويجعل في قلبة نور وفي طريقة نور

  51. عباس كتب:

    ابكرون ههههههههههههههههه
    انت لافيها بكم كرت عليك الله ؟

  52. ابكرون كتب:

    عباس تقصد الصينية ؟
    ضلععتين ومخروقه ونحيب في الركبة….شكيتو لي الله…هو منو ؟
    سلولو ولا احمد المك ولاعباس

  53. محنك كتب:

    مبروك ابواحمد النجاح للابنة …. ونتمنى لها ولباقى افراد الاسرة كل توفيق

  54. كل التهاني لكل النابغين

  55. ألفاتح جبرا كتب:

    الأحباء الاعزاء .. معليش كالعاده دخلتا متأخر لأنى ما كنتا عارف إنو الموقع فيهو حته بتاعت تهانى وحاجات زى دى .. غايتو بالصدفه وكده … التهانى القلبية لكل الناجحين والناجحات من ابنائنا وبناتنا وعقبال الماجستير والدكتوراة يا رب .. نجاحهم يثلج صدورنا كثيراً والله .. إلى الأمام وبالتوفيق.

    كسرة :
    الموقع يا ولدنا مافيهو مشكلة والناس قاعده تدخل عادى بإستخدام واحد من المتصفحات التالية :
    Opera
    Firefox
    Explorer 8

    ويلا جهزوا للرحلة بسرعة قبل طعم النجاح يروح !

  56. aflaiga كتب:

    عم جبرا : حبابك حباب مرورك – لكن ما معاى انو قصة النجاحات دى عاوزه ليها رحلايه ؟؟؟
    تحياتى ونعانى جدا فى دخول الموقع ويا ريت الموضوعات تنزل بى جاى كمان ..
    تمنيات بدوام الصحه والعافيه ..

  57. حكاية كتب:

    العم جبرا
    كيفك وكيف اخبارك بقيت من ناس الفى اى فى بس بهناك وحتى البعلقوا ليك ناس محدودين احنا ماعارفين ندخل كيف نعلق ليك كمية من التعليقات تصل الالف ونعمل ليها عيد ميلاد زى حق افليقا عمل 200 مودوع فى شنو ماعارف المهم جاب والمهم الكم ماضرورى شنو كتب
    مش يا افليقا
    الاستاذ جبرا
    ياريت يكون عندك موضوع تنزله فى المدونه والناس تعلق عليه

  58. monamie كتب:

    الاستاذ جبره
    سلام والله انا بقرا موضوعاتك اول باول لانها بتصلني في الايميل واشكر استرايكر علي ذلك لكن بس ما قادره ادلي بتعليقاتي نسبه لصعوبة ادخول للمقال من خلال الموقع وشكرا

  59. الزهراء كتب:

    أحلى التهاني والتبريكات للناجحين في مرحلة الاساس ودعواتنا لهم بدوام التوفيق والسداد راجين من المولى عز وجل ان يديم عليكم وعلينا الافراح

  60. سهيل كتب:

    مبروك لكل اولادنا وبناتنا و عقبال نفرح بجديدكم

  61. نبارك لشقيقي
    محمد أحمد حامد
    بنيله المرتبة الاولى
    فى امتحانات شهادة الاساس فى محافظة أم كداده

  62. ياسين شمباتى كتب:

    الحبيب عبدالرحمن..سلام..
    مبارك للشبل الصغير وربنا يوفقه للمزيد من النجاحات وينفع بيهو دينو واهلو وبلدو..خليك قريب وبطل غتاتة…

  63. حاج أحمد السلاوى كتب:

    ولدنا عبد الرحمن ..بن الأأحمد
    تهانينا لأخيك محمد وعقبال ما نسمع بيهو رضو محمد فيوز ..على وزن عبدوز..يمكن يطلع فيزيائى ..مع أمنياتنا له بالنجاح المضطرد دائماً ويكون فى مقدمة الصفوف ..
    وعقبال وليداتك !!

  64. شمباتي وحاج السلاوي
    تسلما لي كتيراً كتيراً كتيراًكتيراًكتيراًكتيراًكتيراً
    والما جانا في فرح
    محمد أحمد
    تاني ما يجينا

  65. ابكرون كتب:

    قناة الشروق
    اوتار الحنين ….بعد قليل
    زي الشايف سهيل الطاهر
    ولا انا خلتااااان يا سهيل يا حبيب

  66. ابكرون كتب:

    سهيل : سبحاااان الله يعني لو ما قال انا سهل وعندي توم اسمه سهيل كنت قلته ليه كذاااااب ….ياخ ماشاء الله فوله وانقسمت اتنين بس سهيل اتقل بكم كيلو سمك….يديكم العافية

  67. elturkey كتب:

    ألف مبروك لأبنائنا الناجحين وأتمنى لمن لم يحالفهم الحظ بالتوفيق فى الأعوام القادمة وياابو عبده ألف ألف مبروك وعقبال حقينك كمان .

  68. البشاوى كتب:

    الف مبروك لكل الابناء والبنات الناجحين وعقبال الشهادات العليا — يلا ارفعو راسنا —

  69. سماسم كتب:

    السلام عليكم جميعاً
    شكراً لكل الذين هنئوني بنجاح بنتنا ومبروك لكل الناجحين
    كنت في اجازة سنوية

  70. عزت كتب:

    حمد الله بالسلامة

    اتصلت على حاج السلاوي قبل شوية و أطمأنيت عليه و لقيتو بيعمل في اجراءات الخروج من المستشفى…..الف سلامة

    قمت كلمتو بي كلام ياسين شمباتي…. قال لي اليشوف ليهو بلد تاني…..!!

    ها ها ها

  71. ياسين شمباتى كتب:

    عزت..
    غايتو جنس غايتو!!! اها اقبل وين بعد دا !!؟؟ الواحد ما يبل فولة فى خشمو ابدا,,لكن غلطان انا الاديتك السر..

  72. الغبشة كتب:

    سلامااااااااااااااااااااات
    مباااااااااااارك لكل الناجحين ولكل المتفوقين وللمنتظرين تفوقهم
    وحمدلله بالسلامه للعم السلاوى
    واعزورنى كتييييييييييييير
    حالى العلى حال الهنا والحمدلله من قبل ومن بعد
    ومن وقت لتانى بتشفونا نسمع عنكم كل خير
    والى اللقاااااااااااءءءءءءءءءء

  73. ابكرون كتب:

    لا حوله يا الغبشه
    بقيتي زي الذين هبطوا من السماء
    منك لله يا خالد مدني

  74. الغبشة كتب:

    عمو ابكرون والله مدنى ماليه دخل

  75. ابكرون كتب:

    مبرووووك لبتنا علا محمد خليل النجاح 88،7 % وعقبال والتهاني لجميع الناجحين واسرهم

  76. aflaiga كتب:

    مبروك ابكرون ومبروك للجميع ابنة اختنا عفوره 80.9 .

  77. ياسين شمباتى كتب:

    ابكرون وافلى..مبارك للناجحين وربنا يحفظهم ويوفقهم لما فيه الخير دوما..

  78. الغبشة كتب:

    مبرووووووووووووووووووووك لكل الناجين

  79. سهيل كتب:

    الف مبروك لكل ابناء و بنات المدونين النجاح و نتمنى للكل السداد و التوفيق .

    الغبشه : ناجين من شنو ؟؟؟ يا خلف الله … عذبتنا

    • الغبشة كتب:

      الله يسالك لما كنت ممتحن شهادة ما كنت بتطلب من ربنا ينجيك؟؟؟؟؟؟؟؟؟؟؟؟؟؟؟؟؟
      دى موووووووووووووووووووتت عديييييييييييييييل كده

  80. الزهراء كتب:

    الف مبروك ابونا ابكرون ومبروك افليقا نجاح البنوتات الحلوات وربنا يديم الافراح

    نحن ايضا نمتزج والفرح بنجاح بنت اخي أمنيه سامي 80.7

    عقبال كل اولادنا وبناتنا يكونوا ناجحين ويفرحونا

  81. مبروك ابكرون مبروك افلايقا النجاح الباهر للابناء وابارك لابنة عمى ريان باحرازها 93.2 % ومبروك لينا كلنا

  82. ودالخلا كتب:

    مبرووووووك النجاح لكل الناجحين والناجحات الذين أثلجوا صدور أهلهيم وأسرهم ونتمني لهم التوفيق والسؤدد علي العالمين، فليوفقهم وليحفظهم رب العباد،،
    آميين يا رب العالمين

  83. حاج أحمد السلاوى كتب:

    السادة صفوة الأخيار ..
    نزف التهانى والتبريكات لكل الناجحين والناجحات فى إمتحانات الشهادة السودانية بدون فرز.. وتهنئة خاصة لإبنة أخى وشقيقى عاصم السلاوى ( الإبنة نعمة ) وإحرازها 89.4 % .. مع أمنياتنا لجميع الناجحين بدوام النجاح والتفوق ونقول للذين لم يحالفهم الحظ هذه المرة أن يجربوا مرة أخرى ..وألا يدب اليأس فى نفوسهم..

  84. محنك كتب:

    الف مبروك للناجحين واسرهم وعقبال عندنا

  85. ياسين شمباتى كتب:

    والله يا جماعة الواحد ما عارف يكتب الخبر دا وين!!! واقترحت قبل كدة على استرايكر يعمل صفحة يسميها اجتماعيات او عيادة المرضى لكن نسوى شنو…الظاهر عليهو ماااا فاضى من التظاهر ضد لبنان !!

    المهم اخونا الحبيب خالد (نادوس) اجرى عملية تقويم لحاجز الانف قبل يومين بالمدينة المنورة..وهو بخير الآن ونسال الله ان يجعلها له فى ميزان حسناته…

  86. ابكرون كتب:

    الف حمد الله علي السلامة يا نادوس ولازم الصور يا شمباتي عشان نشوف الحاجز قبل وبعد

  87. ياسين شمباتى كتب:

    ابكرون…
    ههههههههه,,اصلك ما بتعدى شئ,,الصور ما جاتكم زمااان ف ىايميا (الامير مخير كان هنا )؟؟ و ح نرسل ليكم صور بعد باذن الله,,اللذي1ة الصوت بقى رخييييم زى صوت ندى القلعة !! وجاكم بلا يا ناس المدونة..

  88. عزت كتب:

    الأيام دي وصل الابن (عصمت) للخرطوم و هو محل حفاوة من الأهل و الاصدقاء و قام نزل فترة تريننق في شركة كولدير الهندسية…يعود بعدها ليكمل سنته الرابعة و الأخيرة باذن الله…. ربنا يوفق الجميع..!!

  89. محنك كتب:

    حمدا لله على سلامته يا دكتور ربنا يوفق المهندس عصمت والى الامام

  90. حاج أحمد السلاوى كتب:

    أخونا الكاشف عزت ..
    حمدن لله على السلامة ..والخرتوم نورت ( شايفنها فى التليفزيون ) بوصول الإبن عصمت ..وبالتوفيق إن شاء الله .. بس ما قلت لينا قاعد قدر شنو …!! شهر شهرين ؟ لحد بعد العيد ؟.
    المهم رمضان حيقضيهو وين ؟

  91. علي سنكل كتب:

    حمداً لله ع السلامه يا عزت وربنا يوفقو. السنه الأخيره؟ دا خبر مريح مش كدا ، كلما واحد في العيال كمل المشوار كلما نزل أو الصاح قلت مسؤوليات الوالد. وربنا يعينكم ويوفق عيالكم معشر الكواشف.

  92. ألفاتح جبرا كتب:

    حمدالله على سلامت الباشمهندس يا دكتور … مش فى الحالة دى الرحلة واجبة؟

  93. ابكرون كتب:

    البركة بسلامة الوصول يا عغصمت والاسرة
    شمباتي شفته جبرا قال شنو ؟
    محول لبشار لللازم (م.ش )

  94. ياسين شمباتى كتب:

    عزت..
    حمدالله بسلامة عصمت واجازة سعيدة ولاربنا يهون ليهو الباقى من الدراسة..

    ابكرون..
    لكن (م.ش) دا بسالوهو !!؟ بركة البقت على جية عصمت,,خوفة يعدم المناسبة ويقووووم يطبق عملية (م.ش) بحذافيرها !!

    الحبيب جبرا..
    تحياتى وربنا يجمعنا فى ساعات الخير..

  95. عمار جدة كتب:

    الاخوان الاعزاء القائمين علي منتديات الفاتح جبرا عامة و موقع ساخر سبيل خاصة و علي راسهم البروف الفاتح جبرا ( سيد الاسم ) .تحية طيبة للجميع .بصراحة انا مغترب جدييد لنج و بديت اعاني من اعراض الغربة والم فراق الاهل و الاصحاب واشتكيت لاحد الحكماء و نصحني بالاشتراك في منتداكم العامر وقال لي حاتتفاجأ بالنتيجة المزهلة وجيت علي صيدليتكم شايل الروشته فارجو ان تقبلوني بينكم

  96. ابكرون كتب:

    عمار مرحب بيك
    جيت عدل للصيدلية وعندنا فرع في جده عليه صيدلي خطير اسمه السلاوي قابله هناك وبديك مواعيد وشوية ادويه بتخفف عليك
    …مرااااحب ياااخ الدار هولك

  97. حاج أحمد السلاوى كتب:

    أخونا / ولدنا عمار..سلام
    أولن بالتبادى نزيدك ترحيب فوق ترحيب عمك الفكى ابكرونا ونقول ليك حللت سهلن ونزلت اهلن ( او العكس هو الصحيح )وزى ما قال عمك الكاشف ابكرونا ( أطال الله عمره ..)إنت وصلت ..وإن شاء الله علاجك عندنا بإذن الله تعالى ..بس عندنا طلب معلومات كدا يسل الروح بنطلبه دايمن من أحبابنا الجدد والغرض هو لتسهيل التواصل لأنو من عيوبنا إنو الزول البنعرفه وبيدخل معانا فى منتدانا دا ما بنخليهو تانى ..وحتتعرف إن شاء الله على مجموعة من الشباب وبعض الكواشف ( الكواشف دى جمع كاشف ..وفى كتير من الإصطلاحات حتعرفها بمرور الزمن )..
    المهم والشاهد فى الأمر ..عاوزين نعرف موقعك الجغرافى بالضبط ..من إسمك واضح إنك معانا فى جدة ..وعلى أى الحالات هاك دا رقم هاتفى الجوال ( بالسودانى .. موبايل ) أدينى رنة .. مسكِّل لى وخلى الباقى علينا ..إنتفقنا .. ؟
    اللى بعده ….

  98. عباس ركس كتب:

    سلام :
    مرحب بأخونا عمار ونقول ليه ما تشيل هم , بس اول عشرة سنين دي تعدي والباقي كوووووولو هين , ما بتجيك الحبة !!!!!!

  99. حاج أحمد السلاوى كتب:

    اوبس ..نسيت فى زحمة الشغل أكتب ليك رقم الموبايل .. يا عيب الشوم ..
    على أى حال الرقم هو 0508376601
    ونعتذر عن الخطأ الغير مقصود ….

  100. ابكرون كتب:

    هههههههههههه
    والله لكن يا حااااج لا خلااااص تب الرقم وصل
    غايتو جنس غايتو
    (شنباتي) ياااخ ما تحصلنا….(المُحلق الكسلاوي بدون كاف) ده بعد سفر ام المؤمنين الا تكلبشوووووه
    (فهششتها فطااااارت)

  101. عمار جدة كتب:

    شكرا علي الاستجابة السريعة يا اخوانا و شكلكم فاتحين 24 ساعة وكمان بي فروعكم في الولايات والله ماشاللة ويا حاج السلاوي الله يديك العافية وتسلم كتير علي الاهتمام و ابشر كل اسئلتك مجابة وانا في انتظار التعرف علي بقية الكواشف ومن اسمهم كدا شكلو الموضوع (فطييير) وتلفونك حفظتو ( تب ) لكن عشان زحمة الشغل العندك بضرب ليك عديييل (المسكولات دي كانت في السودان ) المساء خارج مواعيد الدوام عشان تركز معانا لانو دا علاج يعني ممكن يودر الواحد ههههههههههههه و يا عباس ركس شكلك يا خوي مطووووول في البلد دي ومرحلة ال10 سنين عديتازمااان الله يديك العافية

  102. DAKEEN كتب:

    سلام وتبريكات وبركات دائمة ومبروك للمباركين مباركتكم والمبارك لهم وعقبال للجميع دوام التبريكات وانشاء الله تدوم الافراح .

  103. الزهراء كتب:

    اهلي الكرام
    سلامات
    اولا برحب معاكم بالاخ عمار وان شاء الله الحبه ما بتجيك زي ما قالو ليك الكواشف- انت امسك قوي في عمو السلاوي وما حتحس بالغربه-ولو شعرت باي اعراض ممكن تستعين بي عمو ابكرون حيعمل ليك حجاب كارب.

    عمو عزت : حمدا لله على سلامة الباشمهندس عصمت ونتمنى ليه أجازه سعيده وربنا يوفقه
    تحياتي للمدام والاولاد

  104. ياسين شمباتى كتب:

    عمار جدة..سلامات ومراحب الف..
    والدار دارك وباذن الله البيك يزول….وجايييييييك..

    ابكرون..سلام..
    ههههههههه (ذبابة)!! دى عليك الله كان قدرت جيبها هنا,,باقى انا امى فى التكنولوجيا دى..اما زولنا فخليهو ساااااااكت,,دى فرفرة الذبيح!!

  105. انا فرحانة شديد اني الاقي موقع عن الفلاتة والله كتر خيركم واللي عايز يتواصل معي ده البريد بتاعي shoshoibrahem664@yaho.com

  106. بكل الفرح والشوق لكم وللاهل
    ترقبونا الاسبوع انشاء الله القادم في الخرطوم

  107. ياسين شمباتى كتب:

    الحبيب عبدوز…سلامات..
    ربنا يوصلك بالسلامة وما تقطع الخبر..ورسل لى رقمك الهناك ضرورى..وبينا تلفون قبل تسافر باذن الله..

  108. حاج أحمد السلاوى كتب:

    بكل الفرح نزف إليكم اليوم نبأ نجاح إبنتنا الآنسة ولاء ونيلها مرتبة الشرف الأولى من جامعة النيلين كلية علوم الحاسوب – إدارة نظم مكتبات إلكترونية – كأول الدفعة..
    والعاقبة لجميع أبناء وبنات الإخوة الكرام .. صفوة الأخيار ..وربنا يفرحكم بنجاحهم .

  109. nono كتب:

    تهانينا الحاااااااااااااااااره

    للانسه ولاء حاج أحمد السلاوى

    ونيلها مرتبة الشرف الأولى

    من جامعة النيلين كلية علوم الحاسوب – إدارة نظم مكتبات إلكترونية

    ربنا يوفقه ____________

  110. ابكرون كتب:

    مبرووووك يا سلوبو للبنية
    وعقبال الماستر والزمالة ان شاء الله ورمضان كريم
    (يا فاتح لي سيمافور)

  111. moshahidah كتب:

    حاج احمد السلاوى ..مبروووك و يا رب دايما رافعين راسك و مبسوطين بالنجاح و التفوق …

  112. التلب كتب:

    1000000 مبرووووك يا حاج و عقبال الدكتوراة .

  113. الف مبروكـ يا عمنا – ومزيد من التقدم انشاء الله.

  114. عزت كتب:

    التهنئة للعزيز السلاوي و موصولة للابنة ولاء…. مزيدا من التقدم و النجاح

  115. elturkey كتب:

    أزف التهانى مقرونة بالفخر والأعتزاز لكل آل السلاوى وعقبال تحقيق الأمانى

  116. الزهراء كتب:

    ألف مبروك تفوق الاخت ولاء وبالتوفيق أن شاء الله

    واتمنى من الله أن يديم علكم الأفراح يا عمو السلاوي

  117. عمار جدة كتب:

    الف مبروووووووووووووووك نجاح ولاء يا عمو سلاوي وربنا يوفقها كمان و كمان

  118. DAKEEN كتب:

    مبروك للسلاوية وانشاء الكل دايما ناجحين ومبرزين وعالي المراتب والوظائف

  119. ياسين شمباتى كتب:

    الوالد السلاوى..
    مبارك نجاح البنية وعقبال كل الحاجات الحلوة فى حياتكم..ونحتفل بعد نتلاقى مع الخلطات وكدة…

  120. عباس ركس كتب:

    سلاوي : مليون تريليون مبروووووووووووك , ومن شابه اباه فما ظلم – التلج في رمضان مفيد للحلو مر –

  121. سهيل كتب:

    مبروك يا جدو .. معليش جات متأخره .. شكلها البت إتوظفت و انا يادوب جاي ابارك النجاح

  122. nono كتب:

    اهنئ وصمووود المنتخب السوداني ……..

    علي خطفه نقطة ثمينة من المنتخب الغاني بتعادله معه (0-0).

    كسرة /
    حبة وطنية ياشباب اخير من الهزيمة ؟
    يعني (القحة ولاصمة الخشم )
    وسخااااااااااانة …………….ياغااااااااااااااااانا

    رد

  123. ابكرون كتب:

    نونو
    زمان في بورتسودان كان في واحده اسمها عوضية الضكرية عسكري في الدفاع الجوي
    بتسوق عجلة وبتدخل الكورة مصطبات جانبية (حي العرب سوكرتا) ومعاها عود قصب سكر للاكل والدفاع عن النفس
    ———————————-
    بس ما كان عندها وطنية زيك يا نونو بتشجع بضراعا (يا حليل نسوان زماااان)/ علي وزن يا حليل ضباط زماااان

  124. aflaiga كتب:

    ابكرون : لقيتك راقد واطه لكن !! بالله بتعرف عوضية الضكريه ؟؟؟
    نونو : تعرفى لو عوضية اسى لقت ليها باس وورد كان نزلت الكوره كامله والما عاجبو يحلق حواجبو !!

  125. ابكرون كتب:

    (عوديه)…يا افليقا كانت زكريا اقصد ضكرية من نا حيتين 😦 اولا من ناحية العلعول ، تانيا بتعوعي)
    وكانت في المعسكر مدرعه (توالي) قوقو بزمزمية وكنتين وسكاكاتا يضبحن الجدادة عايمات في القشليم……..اشرح لعمك سنكل بالله……..!

  126. ابكرون كتب:

    التهاني لابنتنا فنجان قهوة بمناسبة مولودها الاول

  127. نيام كتب:

    فنجان قهوة:
    الف مبروك و ان شاء الله من الهادين المهتدين المهديين ومن الابناء النافعين البارين…

  128. aflaiga كتب:

    اجمل وارق التهانى لاختنا الفاضله فنجان بمولودها الاول .
    ابكرون : اسى يشرحو لى سنكل شنو ويخلو شنو ؟؟ على كل حال :
    زكريا اقصد ضكرية من نا حيتين اولا من ناحية العلعول :
    العلعول اخر الحلقوم ويقال له اللغلوغ فى المصريه .
    ، تانيا بتعوعي):
    العوعاى ضرب من ضروب النوناى مرتفع الوتيره يجيب التيره فى نص المتيره .
    وكانت في المعسكر مدرعه (توالي) قوقو بزمزمية وكنتين
    مدرعة كان الوشم فيها اذا ما الماء خالطها سخينا
    والقوقو صلاة النبى فوقو
    والزمزمية اناء العسكرجية لا يطفئ ظما ولا يبرد حشيا
    وسكاكاتا يضبحن الجدادة
    والسكاكات احتداد فى السيقان ناتج بهله فى مكان اخر اعلى الجسم اذا لا تستوى السكاكات واعلى الجسم سبحان مقسم الارزاق
    عايمات في القشليم
    والقشليم قماش مقوى من شاطلة الصوف خليط بالتيل يلف حول السكاكات فيحيلها الى شنكارات .
    والمعنى واضح …

  129. ابكرون كتب:

    افليقا ضحكتني والله في عودية الدكرية (المره دي بالدال قروووب)
    كلو صاااح الستا الا العلعول
    فهي عودية من شدة ما ضكرية عندها علعول الديك (عرف الديك)…… وهنا المعني بروح لاحي الدجاجات المستضكرات
    ومن شده ما ضكريه تاني بتعوعي زي ديك الصباح ….شكيتك لي الله يا افليقا ذكرتنا ليها ….كانت بتقوم سداري بالعجلة

  130. aflaiga كتب:

    ابكرون : بالله كانت بتقوم بالعجله سدارى ؟؟ والعجله كانت عارفه الكلام ده ؟؟ ولا ما مركزه من شدة التفحيط !!

  131. ود المهدي كتب:

    كل عام وانتم بخير – انتم مدعوون لجضور عقد قران ابنت اخي حسن محي الدين في مسجد النيليين يوم الجمعة القادم 19 11 2010 تمام الساعة الحامسة مساء والزفاف بنادي الكشافة البحرية يوم السبت 20 11 2010
    وكل عام وانتم بخير

  132. نيام كتب:

    ودالمهدي:
    اولن كل عام و انتم بخير و مبروك مقدما و ان شاء الله ربنا يتمو علي خير و نتمني للعرسان السعادة..

  133. نيام كتب:

    ودالمهدي:
    كما لا يفوتني ان ابارك للشبل النجاح و عقبال مرتبة الشرف الاولي و الدكتوراة

  134. مُخير كتب:

    الحبيب ود المهدي
    ألف مبروك لأبنكم النجاح ومبروك مقدماً لإبنة أخيكم ربنا يتمم على خير ويهنيها ويسعدها والعقبى لأبناءنا وبناتنا في المدونة أولاً ومن ثم للجيل الثاني أبناء الكواشف ناس وضاح السلاوي وعصمت عزت ومن هم على وشك ههههههههههههههه

  135. ياسين شمباتى كتب:

    الحبيب ود المهدى..سلامات..
    كل عام وانت بخير ومبارك الزواج وربنا يعمرهم ويسعدهم ويهنيهم..وعقبالى بعد ها الحال !!

  136. الغبشة كتب:

    كل سنه وانتو بخير
    مبروك مقدماًً وبالمال والبنين يارب وعقبالك يا شمباتى ويا بنات المختفيات

  137. طارق أب أحمد كتب:

    أستقبلت البلاد أول أيام العيد أخونا و حبيبنا حاج السلاوى و موعودين معه (( بكرتونه)) أفراح قد ينوء هذا البوست عن حملها

    حمدا لله على السلامه و كميه مبروك

  138. عزت كتب:

    سلام يا أب أحمد…. مشيت للحاج اليوم و شلت لي كيسين من الكرتونة…. علة نطمئنكم الباقي قاعد كان ما لمو فيهو ناس (العرس) وخلو أباطه و النجم

  139. عزت كتب:

    تم بحمد الله عقد قرآن ابنتي الحاج السلاوي بعد صلاة الجمعة 26 نوفمبر و احتفلنا معهم في حفل الزفاف يوم السبت… ألف مبرووووك ياحاج وعقبال الأولاد كمان….. وبالرفاء وبالبنين

  140. نيام كتب:

    العم سلولو الف مبروك و عقبال جدووووووو…..

  141. DAKEEN كتب:

    الف مبروك وعقبال البكاري

  142. عبدالرحمن أحمد كتب:

    1000000الف مبروك يا ابوالحجاج للبنيه

  143. ياسين شمباتى كتب:

    سلولو الحبيب..مبارك وربنا يعمرهم ويسعدهم..
    وبختكم يا ناس الدوحة,,عامرين ومبتهجين..ودى حسادة عديييييييييييييييييييل كدة..

  144. عباس ركس كتب:

    مبــــــــ1000ـــــــــــروك يا حاج وعقبال اللي بالي بالك !!!!!!

  145. سهيل كتب:

    الموضوع : زواج
    العريس : سهيل
    العروس : شيرين
    فطور العريس و الحنه : يوم الإثنين 28/02/2011 بمنزلنا العامر بوجودكم و تشريفكم لنا بالديوم الشرقيه بالقرب من الساحه الشعبيه جوار زاوية ابناء الغريبه .
    01/03/2011 : راحه لكل الفرق.
    العقد : الأربعاء 2/03/2011 امدرمان الثوره الحاره العشرين بالقرب من البدري للدواجن.
    العرس : الخميس 3/03/2011 صالة الحضري بالحديقه الدوليه مقابل “عفراء مول” و بالقرب من صالة كزام .

    الدعوه لكل الناس البنعرفهم و اللسه حنعرفهم ..
    ملحوظه : الدعوه تشمل الأهل و العواطفات و العيال و الجيران كمان .

    و شكرآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

    حدكم معاي هنا .. الباقي الله يعين

  146. عزت كتب:

    ربنا يتمم ليكم يا سهيل وشيرين ويسهل لينا شان نحضر فطور العريس معاكم وباقي التفاصيل…. ألف ألف مبروووووك

  147. aflaiga كتب:

    سهيل العريس : والله مشغوليات شديده عشان كده احتمال نحضر بس ( العقد والعرس وفطور العريس ) اعفى لينا ما حتقدر نواصل معاك اكتر من كده … هههههههههه

  148. ودالخلا كتب:

    سلام ياقبيلة،،
    منوووو البيدور يساهر الليل يسافر فوق جناح الشوق يكوس نجما” بعيييييييييييد ضواي مبروووووووووووك وربنا يجمع بينكم بالخير، وعقبال البكاري،،،
    وانهدت ركيزة عصية من الدانقا، ومنو البيكلم لينا الشيخ الدكتور محمد الأمين صالح، فهو سيكون أسعد الناس بهذا الخبر!!!

  149. البشاوى كتب:

    الولد الختير سهيل – الله يسهل ليك وماتعتر ليك قشة فى دربك – وجعلك من الصابرين الصامدين – الى الامام — ونحن نتفوج بس —

  150. ابكرون كتب:

    الف مبروووووووووووك يا سهيل وبيت مال وعيال وعقبال بقية العزاب صبيان وصبايا

  151. مُخير كتب:

    وجه الحبيب سهيل
    أخيراً آن لهذا الفارس أن يترجل من صهوة فرس العزوبية بمحض إرادته ومع سبق الإصرار والترصد، وأن يتحزم ويتلزم لدخول قفص الزوجية، والله برافو عليك يا إبنتنا شيرين ونسأل الله جل وعلا أن يغلبك سهيل بالفآل والمال وكل الجمال وأن تغلبيه بالسعادة والفرح وسترة الحال وكثرة العيال وأن يكون قرآنكما الميمون نهاية لتشرد ولدنا وبلدنا وفي آن واحد فاتحة خير على الشعب الفضل وبارك الله لكما وفيكما وجمع بينكما بالخير.

  152. ياسين شمباتى كتب:

    سهيل…
    مبارك يا حبيب وربنا يتمم على خير ويعمركم ويسعدكم ويرزقكم الخير..

  153. التلب كتب:

    مليون مبروووووووك يا عريس و ربنا يتمم على خير

  154. الف الف الف الف مبروك يا حبيبنا – وربنا يتمم ليكم على الف خير – ويرزقكم بالخير .
    معاك من قولة تيت ولحد النهاية انشاء الله.

  155. ياسين شمباتى كتب:

    استرايكر..
    نهاية شنو!؟؟؟

  156. البشاوى كتب:

    شمباتى انت ماعارف ؟ مانهاية زى نهاية القذافى حيرتجل اى حاجة فى كل حاجة وبعدها يركب الفيل

  157. نيام كتب:

    سأل عني الفرح مرة
    وقعد يسأل عموم الناس
    عن الولد اللي شال الكاس
    اسمو سهيل و ما ساهل
    اديب و ودود وليهو اساس
    هنادس في الهنادسية
    و ما خد جائزة علمية
    مع الجائزة الجماعية
    في الادب الرفيع و الذوق
    رقم مرموق
    وتستاهل كمان شيرين
    اتنينم ما ساهلين

  158. التركــــى كتب:

    الحبيب سهيل ألف مبروك ياقلب وعقبال البكارى بتنا شيرين أبقى عشرة على ولدنا دا مع المكنيات بالسعادة والهناء …. ونشوفكم بكره فى الموعد

  159. الغبشة كتب:

    الوم مالينى من راسى لساسى,,,,,,,,,,,,,,,,,,,و يادوب سمعت وفرحت،،،،،،،،،،،،،،،،، يارب تتم على خير،،،،،،،،،،،،،،،،،ن ونفرح بالباقين،،،،،،،،،،،،،،،،، مبااااااااااااااااااااااااااااااااااااااااااااارك

  160. سهيل كتب:

    الشكر الجزيل لكل من شارك و العذر مقبول للخانتو ظروفو – الحمد لله تمينا نص ديننا وفارقنا درب ناس شمباتي و الغبشه

    استرايكر وود الزبير – بتعاينو لي كدا مالكم ؟ دايرين تعرفو شنو ؟؟؟؟ كووووووو

  161. ابكرون كتب:

    ههههههههه
    صباحية مباركه يا عريس …عارفنك روسي ما بتقصر
    الف مبروك وبعد ده اجهز للتحشر من نوع : (بقيتو كم ؟) ،(ما بقيتو 2 ونص؟ ) ..(نخرتا ما صفرت؟ )
    بس طول سرو اقصد بالك…..!

  162. ياسين شمباتى كتب:

    الحبيب البشاوى..سلام..
    هههههههههههههههههاااو,,يعنى المحت واشرت لى حتة صعبة جدا جدا,اممممممممممممم,لكن اثق فى خبرتك العسكرية الدفاعية جدا جدا..

    سهيل…سلام..
    عليك الله ما بتختشى تختنى فى قروبك!؟؟ انا قروب (سى) يا حبيب,,آييييي..

    ابكرون..سلام..
    تصفر كيف يعنى !؟ صعبة شوية دى…

  163. الف مبروووووووووك لصديقتي العزيزة سارة يحي المولودة الجديدة واناشاء الله تتربى في عزها

  164. الغبشة كتب:

    ازيكم………………… العريس سهيل بركه التميت نص دينك
    وانا واخوى الكاشف ربنا معانا ولا ماكده يا شمباتى

  165. سهيل كتب:

    والله يالغبشه ما قايلك كده … اخوك الكاشف دا نخرتو حمرت عديييييل كده .. اصلو جنو و جن سيرة العرس ..

    يا ابكرون .. ما تبخل علي الكاشف يس … و ريهو يمكن قلبو يحر شويه .. اصلو الجنى دا رهيف و مابقدر ……..

  166. ياسين شمباتى كتب:

    الغبشة..سلام..
    عقبالك انت والكاشفة ديييييك! امممممم..

    سهيل العريس..سلام..
    قلبى رهيف لكن صنديد ! كع..

    بعدين يا جماعة مالكم بتمروا فى مولود سارا دى كدة سااااااى!؟ غايتو انا ببارك وبهنى وربنا يحفظو لى اهلو ! آييييي..

  167. البشاوى كتب:

    بكل مشاعر الود والسرور يدعوكم إل نيام \ سنكل — لحضور عقد قران كريمة السيد سنكل وذلك يوم الجمعه 29 يوليو 2011 م فى تمام الساعه السادسة مساء بمدينة ود مدنى للاتصال نيام نيام – 0122662866

  168. البشاوى كتب:

    انضم الى ركب الجدود كل من السلاوى – ابكرون – اخونا سنكل – الف مبروك وبيت مال وعيال

  169. سهيل كتب:

    الف مبروك للعروسه و الوالدين نيام و سنكل و بيت مال و عيال

  170. ابكرون كتب:

    مبروووك لآل النصاري الزواج الميمون وبالرفاة والبنين ان شاء الله

  171. ياسين شمباتى كتب:

    مبارك العديل والزين وعقبال محمد جلال!

  172. الف مبارك يا عمنا وبالرفاء والبنين انشاء الله

  173. ودالخلا كتب:

    ربنا يجمع بينهم بالخير وبالرفاة والبنين ان شاء الله
    وعقبال البكاري

  174. سهيل كتب:

    يس : محمد جلال دا منو ؟؟؟

  175. ابكرون كتب:

    ده ود جلال يا سهيل ….! وجلال ابو محمد يااااااااخ…ما عرفتو؟

  176. حاج أحمد السلاوى كتب:

    سنكل .. نيام .. بشبش ..
    لكم أجمل آيات التهانى والتبريكات.. ربنا يتمم على خير ويسعدهم فى هذا الزمن الصعب ..ويرزقهم الذرية الصالحة إن شاء الله ..
    سنكل .. العيال كبروا وكبرونا معاهم….

  177. ياسين شمباتى كتب:

    سهيل…هههههههههههههههههههههههههااى,دا واحد صاحبنا مكرهنو فى الفيسبوك,ما نكتب تهنئية او عزاء او ختان الا وننكتب(وعقبال محمد جلال)! لما قرر ينتحر..هههههههههههههههههههه..

    ابكرون…طلعت بتعرف الراجل! والله كمان محسى! صدف غريبة! كع

  178. نيام كتب:

    الاخوة الاحبة الدانقوست مرحبا بكم و بكم يزدان المكان
    و التهاني موصولة لبنتنا الدكتورة هديل سنكل بمناسبة التخرج و الزواج…
    ــــــــــــــــــــــــــــــــــــــــــــــــــــــــــــــــــــــــــــــــ
    ياهدو يا جدول حنان
    من جيتي زينتي المكان
    بالطيبة و الياسمين عبق
    في يومك الطليتي من مفرق الشوق و الشفق
    في يومك الابحرتي بين شط الحقيقة و الافق
    في يوم مراكبك اشرعت جوه العيون
    مرتاحة يتغني الكلام مليان شجون
    صدقك يلون في الحقيقة بكل لون
    يا غفوة في ضل الضحا
    ياراحة التعبان صحا
    ياواحة لمرنا عطيش قام صابحا
    او صابحك
    باتوضحك
    في كل نجما مال عليك قام استحا
    من طلتك
    ياهدو طيبتي النفوس
    ياباقة من ضي الشموس
    يا طيبة كل الناس تكوس
    في صحبتك
    تفرح معاك تونسك
    طيبة و طبيبة يا عروس
    جيتي فرحتي النفوس
    و الليلة يومك و فرحتك
    وكتين تسافري نشتهيكي و انتي فينا
    نتوقعك في كل قول يتقال الينا
    في كل غنوة تغني بيك تتغني لينا
    انا بسمعا شان اسمعك
    واسصنط القول السمح
    و اتوسم الزول السمح
    واتوسع الزمن السمح
    شان بشبهك
    ياهدو يا جدول حنان
    من جيتي زينتي المكان
    بالطيبة و الياسمين عبق
    في يوم مجيك من مفرق الشوق و الشفق

  179. سماسم كتب:

    مبارك سنكل مبارك نيام تخريج وزواج هديل وربنا يتم على خير وعقبال بقية الوليدات كلهم

  180. ساتينتود كتب:

    الأعمام سنكل ونيام،،
    ألف الف مبروك التخرج والزواج وربنا يتم على خير ويرزقهم الذرية الصالحة

  181. simsimaa كتب:

    الف مبروك للاخوة نيام وسنكل ولابنتنا التخرج والزواج

  182. مبروك الزواج والتخرج وربنا يسعدها ويوفقها فى حياتها

  183. طارق أب أحمد كتب:

    سنكل و نيام
    ألف مبروك لللعروسه هديل و ربنا يتمم على خير
    كان بودي الحضور و لكن حالت ظروف دون ذلك
    شمباتي
    ((سهيل…هههههههههههههههههههههههههااى,دا واحد صاحبنا مكرهنو فى الفيسبوك,ما نكتب تهنئية او عزاء او ختان الا وننكتب(وعقبال د. شمباتي )! لما قرر ينتحر..هههههههههههههههههههه..

    ابكرون…طلعت بتعرف الراجل! والله كمان شايقى! صدف غريبة! كع))

  184. ياسين شمباتى كتب:

    طارق…
    انتحر ليك يعنى ولا كيف كلامك دا !؟؟ كع

  185. smukhayer كتب:

    ألف مبروك للأحباب سنكل ونيام وبشبش وعبرهم لفلذة أكبادهم إبنتهم الرائعة هديل والعقبى في الأفراح والليالي الملاح للجميع سواء الراغبون لأنفسهم فحسب أو الداعون لأنفسهم وعيالهم هههههههههههه بالمناسبة رمضان كريم وتصوموا وتفطروا على خير

  186. نيام كتب:

    الاحبة الدانقوست..لكم جميعا الشكر اجزله لمشاركتكم لنا الفرحة بشني وسائل الاتصال من هاتف و من اميل و من تكبد وعثاء السفر..ونسأل الله ان يديم الفرحة علينا و عليكم ..وتصوموا و تفطروا علي خير..وتقبل الله صيامنا و قيامنا و جعلنا من المغفور لهم اجمعين…

  187. افليقا كتب:

    كنا فى مدنى :
    كنت قد هاتفت العزيز بشاوى حتى نترافق الى حيث يسعد الداخل ويحزن الخارج ويهنا المقيم والزائر ( مدنى ) التقيت البشاوى وتحركنا سويا صوب كدنى – الغريبه البشاوى سواق طيب بيتشاف ما بيعرف يسوق ليه !!!!هههههه ولا فى العربات بس ؟؟ ههه
    وصلنا مدنى وكان دليلنا لمكان المناسبه الانيق الشفيف محمد نيام – لم نتفاجا بالصيوان الما خمج مش البت بت سنكل وتيب !!!
    فى مدخل الصيوان كان يقف الشاب سنكل اى والله الشاب سنكل الذى اعتقد انه اصر ان يقول للعروسه والعريس نحنا برضو شباب فتراه احيانا يقلد عزيز لديه بسلام حار واحيانا يبشر مع نقزه لافوق مع احد الاحبه واحيانا يهمس لصديق قديم تتمنى ان تتنحى به جانبا ليحدثك عن سنكل حديثا لم نسمع به فى هذا المقام ولعمرى ان سلنكل جوانب اخرى تحتاج لكتاب كامل وليس مقال او تعليق – لم اعرف بماذا اناديه يا شاب ولا يا دكتور ولا ابو العروس ولا يا عمنا فاذا قلنا عمنا فهو عمنا وكبيرنا الذى علمنا الحب واذا قلنا دكتور فالدرجة العلمية تتوارى خجلا فكل الالقاب تتقازم امام الاكرم سنكل رحم الله جبرا وامد فى ايامه ذاك الذى سمح لنا بالتطاول لمقام سنكل نيام والاحبه الذين كلما تطاولنا لنروم مقامهم وكلما توضعو ليكونو بيننا طال السفر وما اعظم صنعاءهم ولو طال سفرنا اليها …اما عم العروس نيمو كير الحبيب نيام فقد فاجانى بسلام بالاحضان احسست معه اننى احتضن تاريخ السودان وعبقه وجميل ايامه –
    مبروك سنكل مبروك نيام مبروك بشاوى مبروك قرن شطه مبروك همتك وشكرا جبرا الذى جعل هذا ممكنا …

  188. بت وراق كتب:

    ازيكم وسلامات اخيرا لميت فيكم ممكن تقبلونا معاكم ياناس ياسمحين

  189. ياسين شمباتى كتب:

    بت وراق..وعليكم السلام ورحمة الله…
    مرحب بيك ست بيت واختر عزيزة وحضور انيق لا تخطئه العين..
    وابقى داخلة لا جوا ..

  190. بت وراق كتب:

    اخي العزيز شمباتى دى المحريه فيك وكرمك فياض
    لكن ياخوي الدخله لا جوه دايره معرفة السكك والدروب كتيره ان شاءالله نقدر عليها
    بدينا بالافراح ان شاءالله دايما افراح

  191. عزت كتب:

    أفرحنا وسر بالنا تخرج (عصمت) اليوم في جامعة يونيسل بماليزيا… الهندسة الميكانيكية
    (نعم الاله على العباد كثيرة ولكن أجلهن نجابة الأبناء)
    ربنا يفرحكم كووووووووووولكم بجديد أولادكم

  192. عباس ركس كتب:

    العزيز ابوعصمت : افرحنا وسر بالنا ما افرحك وسر بالك – الف مبروك تخرج ابننا عصمت وعقبال اخوانه وعقبال ما تفرح بأولادهم .

  193. ياسين شمباتى كتب:

    الحبيب عزت وابننا عصمت..
    مبارك التخرج وعقبال كل الجميل فى حياتكم وربى يسعدكم بالبقية…
    اها معزومين نحضر التخرج فى ماليزيا ولا كيف؟؟

  194. ابكرون كتب:

    مبرووووووك يا ابو عصمت وعقبال الماستر والدكتوراه …….ومن قبل الزواج الميمن له ولاخوته …..الف مبروووووووووووك

  195. الف مبارك يا ابو عصمت – وعقبال الماجستير والدكتوراة انشاء الله.

  196. نيام كتب:

    االسادة آل ترطيبة الف مبروك و عقبال الزواج

  197. ابكرون كتب:

    يسرني ان اعوكم جميعا بنوت واخوات ابناء واخوان الي زواج ابنتنا (سديم) وذلك يوم الاربعاء 21 ديسمبر الغداء والعقد بمنزلنا بالواحة شرق مربع 5 قرب مسجد الفرقان والعشاء مساء نفس اليوم بنادي الضباط صالة الفاتح بشارة….السمع يكلم الماسمع ….الجوة والبره………….حضوركم يسعدنا
    (لا تقبل التهاني بالبوستات والتلفونات ….بالحضور السخصي بس)

  198. سهيل كتب:

    مبروك يا عزت تخرج ابنكم عصمت و عقبال الدكتوراه ..

    عمنا ابكرون .. الف مبروك لبتنا سديم .. دي التهنئه المبدئيه .. لغاية مانجيكم بالدرب ..

  199. عزت كتب:

    الأعزاء سلام
    يباركوا ليكم الحجة وعرس الأولاد باذن الله… ومبروك يا أبكرون ربنا يتمم بخير

  200. ود المهدي كتب:

    سلام يا عزت والف مبروك – المناسبات السارة الكتيرة دي دايرا ليها لمة – ولا مش كدا

  201. ياسين شمباتى كتب:

    ود المهدى..
    اترحمن !!!

  202. حاج أحمد السلاوى كتب:

    الدكتور عزت .. والسيدة الأولى ( وما فيش حد أحسن من حد ) أم عصمت .. التهانى الحارة مقرونة بالأمانى الطيبة لكم وللإبن عصمت بالنجاح ..وهذا الإبن من ذاك العرين ( عرين الأسد .. طبعن ) .. وعقبال الدرجات العليا كمان وكمان .. والعاقبة لإخوانه الماسكين الدرب ..

  203. ابكرون كتب:

    شكرا سهيل شكرا عزت مرحبتين

  204. مبرووووووووووووووك لابنة حبيبنا البشاوى النجاح فى امتحانات الاساس واحرازها لمجموع 270 درجة.
    الف مبروك يا بشبش وعقبال الشهادة الكبيرة ان شاء الله.

  205. ياسين شمباتى كتب:

    مبارك يا حبيب وعقبال السمح كوووووووولو…
    والله عشت وشفت النجاحات يا بشاوى..

  206. خالد مدني كتب:

    الف الف مبروك بشاوي والاسرة وربنا يحفظها ليكم … وفعلا هذه الشبلة من …. ذاك الاسد !!!!

    • بشاوى كتب:

      الله يجازى محنك يا استرايكر —- الناجح حسن على حسن قلبتو ابنة =داير تلحقتى قروب ناس ابكرون والسلاوى وسنكل باكر يقولو عقد البت متين ؟
      جزاكم الله خيرا وعقبال النجاح لكل الابناء

  207. ياسين شمباتى كتب:

    هههههههههههههههههههههههههههههههههههه,,,,عجبنى ليك يا بشبش..
    لكن خالد دا قال اسد ! اممممممممممممممممممممممممم..
    لا يكون الاسد ابو بشار ! لوووووول

  208. مُخير كتب:

    ألف مبروك نجاح الإبن بتفوق يا بيشاوي ونعم الإله على العباد كثيرة وخيرهن نجابة الأبناء وفقه الله في مستقبله الدراسي وحقق أمنياته وجعله فخراً لكم وقرة لأعينكم والعقبى لأبناء جميع الدانقوست وخسوسن للإبن شنباتي عقبال الشهادة اللي حيوقع فيها دكتور عزت شهود قول آمين ولا ننادي الزوووووول وود الزبير وبقية الأجاويد ههههههههههههههه

    • بشاوى كتب:

      شكرا مخير
      يوم استلام شمباتى للعقد الماخمج بشهادة عزت ببطاقتو المجددة ديمة الا نعمل ليهو لمة فى ميدان المولد

  209. ياسين شمباتى كتب:

    بنااااااااااديهم…
    ههههههههههههههههههه

  210. بشاوى كتب:

    شكرا مخير
    يوم شمباتى يستلم العقد الموقع عليه عزت بالبطاقة المجددة ديمة وكمان معاها الرقم الوطنى المميز نعمل ليه لمة فى ميدان المولد

  211. ياسين شمباتى كتب:

    ههههههههههههههههههههههههههههههاااى,عشان بنولكم مرداكم !

  212. علي سنكل كتب:

    مبروك يا بشاوي نجاح الولد يا أبو الولد.
    و تهانينا للأسرة الكريمة.

  213. خالد مدني كتب:

    انت يا شمباتي تقعد في الملاوزة دي لمن في النهاية تعرس ليك ممرضة … تمارضك .

  214. ياسين شمباتى كتب:

    ههههههههههههههههههههههههااااى,,,تصدق فكرة بردو !!!
    وااااااااااااااااااااى

  215. التركــــي كتب:

    ألف مبروك يادفعة وعقبال البقية ان شاء الله يارب

  216. على حمزة كتب:

    يدعوكم السادة نيام وسنكل واهلهم لحضور زفاف كريمة السيد سنكل يوم الجمعة الموافق 31/8/2012
    بصالة سندباد بالخرطوم بحرى ال 8 – مساءا — حضوركم يشرفنا

  217. ياسين شمباتى كتب:

    ع البركة ع البركة يا حبيب…
    وعقباااااااالك كدة ! كاااااااااااااااااااااااااااااك

  218. الف مبارك وربنا يتم على الف خير
    وعقبال ناس شنباتى والبقية من العقد الفريد ناس قروب سى ودى .

  219. شمباتى مكبر الدى ومنفض الجى !

  220. AFLAIGA كتب:

    يشاوى : انت ناس نيام وسنكل ديل قصتم شنو يعنى ؟؟ ما عندنا عزابه كتار قاعدين هنا ( شمباتى – السعيد – عبدوش – ساتنتود – افليقا – بشاوى ) يعنى ما يقولو عوك يعنى الا نسمع فى بالخبر فى صالة سندباد ؟؟؟ ولا قايلينهم ناس كتابه بس ناس شمباتى ديل !! هههه
    عم سنكل : من عال ثلاث بنات وزوجهن دخل الجنه قالو واثنتان قال واثنتان قالو وواحده قال وواحده .. هنيئا لك وبقيت من السكان القدام فى الجنه ما شاء الله .
    نيام : مبروك مبارك سليم الذوق .
    اللهم اجمع بينهم بالحق والخير والجمال وارزقهم الذرية الصالحه .

  221. ههههههههههههههههههههههههههههههههههههههاااى,,نكرتوهو خلاص !!
    انت خاتى بشاوى معاك فى سرج واحد مالك !؟ امممممم

  222. ود المهدي كتب:

    اللهم بارك لهم وبارك عليهم وبارك في ذريتهم وارزقهم الذرية الصالحه امين
    انشاء الله نكون حاضريين ونشوف كل الاخوان هناك

  223. حلومر ؟؟؟اممممممم…
    بس اوعى يكون قام بيهو سدارى !! وى وى وى

  224. AFLAIGA كتب:

    شمباتى : خلاس اتلميتو انت وبشاوى طوالى نسبة الحموضه فى الهناى بتترتفع .
    اااى عزابه مااالنا عندنا حمودى ولا سروية ولا عبودى ديل شفع سمسمه نحنا لسه ياخوى عزااااابه وسوقنا حار .
    انت حل مشكلة الهارد بعدين السوفت ساااهل انا بديك سروية ما مشكلة

  225. ساتينتود كتب:

    عمنا سنكل ونيام،،
    ألف مبروك وربنا يتم على خير ويديم الأفراح ان شاء الله،،
    يا افليقا انت الأسامي الجات بعدي في لستة العزابة ديل ما قدرت اقراهم كويس كدي اكتبهم تاني بي خط كبيير كدة

  226. AFLAIGA كتب:

    ساتنتود : بس يجيبو سسيرة العرس تطلع من الجحر اها كل يوم بنجيب سيرة العرس .
    الترتيب حسب الاقدميو ولا الحوجه ؟؟
    كان حسب الحوجه : شمباتى – بشاوى – ساتنتود – افليقا – عبدوش ( ما محتاج شديد للقصه دى ههه ) .
    كان حسب الاقدمية والعمر ( شمباتى – ساتنتود – بشاوى – افليقا – حمودى – عبدوش ) ههههه

  227. خالد مدنى كتب:

    الف الف مبروك مقدما وبيت مال وعيال ان شاء الله وربنا يوفق الجميع لما يحب ويرضى

  228. والله انها لاقدمية ضيزى !!
    بعدين بشاوى محتاج ليها فى شنو ؟؟
    الهى صلى على الخيارا..

  229. بشاوى كتب:

    والله ياشمباتى الود افليقا دة داير يجرجرنا لى نضم تانى – والغريبة لمن نشدها ليه يجقلب – الله يسترنا معاهو باقى عودو طرى مابيقدر على السناجك ديل

  230. بت وراق كتب:

    الف مبروك وربنا يتم علي الف خير
    وقولوا معاى بركة صيام رمضان وقيام ليلو وليلة قدره السنه الجاىه يياسين شمباتي في بيتو الجني دا كبر خلاص والقعاد اكتر من كده ما بنفع ياخوانا ما تجيبو ليهو راسو

  231. ياسين شمباتى كتب:

    بشاوى…
    هههههههههههههههههههه,,رحم الله امرءا عرف قدر نفسه ! كااااااااااااااااااااااك..

    بت وراق..
    هى يااااااا الكبر !!؟ انت اظنك قايلانى من دور ناس سلاوى ؟؟لا لا يا بتى انا اصغر من كدة بكتييييييير ,, تقريبا تلت عمر سلاوى ! اممممممممممممممممممم

  232. عزت كتب:

    مبروك .. ربنا يتمم بخير

  233. nono كتب:

    (((فرحانه بيك كل النجوم لا نام بريقا ولا انطفى))) تم اليوم الجمعة الموافق 10/12 عقب صلاه المغرب
    عقد قران الاخت الصديقة الغالية عائشة العطا____(الغبشة) معا زغرووووووووووودة حلوة من الاخت سالييييييييييي …
    نزجي لها اروع التهاني التبريكات الف الف الف مبروووووووووووووك. وعجزت حروفي عن التعبير …

  234. ساتينتود كتب:

    الف الف مبروك الأخت الغبشة وربنا يهنيك ويسعدك وبيت مال وعيال ان شاء الله

  235. ساتينتود كتب:

    اتشرف بدعوة سيادتكم لحضور عقد قراني (الساعة الثامنة مساء) عقب صلاة العشاء وتناول العشاء في دار الخارجية بكافوري يوم الجمعة 17 ذي الحجة الموافق 2 نوفمبر 2012

  236. ساتينتود كتب:

    للتواصل
    0912295110
    0122110429
    msatti@gmail.com

  237. خيااااااااااااااااانة !!!
    دا شنو ياااااااا ساتى !!؟ طاااااااااااااااخ….
    ايوووى ايوووووى ايووووووووووووووووووووووووووووى

  238. الف الف مبروك يا حبيب وربنا يهنيك ويسعدك ويديك خيرها ويكفيك شرها !
    تهانى وتحياتى اي حبيب…
    والله عرسك دا كان مفروض نحضرو لانو شئ ما بيحصل بالساهل ! كع

  239. التركي كتب:

    الف مبروك للغالية الغبشة وعقبال البقية …… سابنتود ان شاء الله مؤازرنك ونتمني ليك كل سعادة وهناء

  240. نيام كتب:

    ساتينتود
    Once stood
    And cry
    “I stand tall to the sky”
    “To tell you the tale of the fry”
    يلا اسمعو كلكم
    يلا اجمعو شملكم
    شوفو مين الزينا و شوفو مين الزيكم
    شمبة غاير مننا وبرضو غاير منكم

    مبروك ساتينتود
    وعقبال بالرفاء و البنين
    وناس شمبة يجوك زايرين

  241. عزت كتب:

    مبروك زفاف (الشيماء) كريمة عبد الله الشيخ (ود الخلا) بالأمس 29 أكتوبر بمنزلهم بالصافية شمال وقد مثل الأخوة والأخوات المدوناتية وفدا رفيعا بقيادة الحاج السلاوي وسهيل وشخصي..
    مبروك وبالرفاء والبنين

  242. عزت كتب:

    كما لا يسعنا الا وأن نهنئ الأخ (الحاج) أفليقا بمناسبة قدومه من الحج
    تقبل الله….
    حجا مبروكا وذنبا مغفورا باذن الله
    وانشاء الله تسبعا أي تحج سبعة مرات….

  243. عزت كتب:

    وكولنا ترقب لليلة الكبرى للأخ ساتينتود
    بمناسبة قرب دخوله الى القفص الذهبي
    ألف مبروك
    وجايين باذن الله

  244. عزت كتب:

    كما رشحت الأحبار من (كتاب الوش) الفيس بوك بأن الأخ أبكرون في خواتيم حجته
    حجا مبروكا وذنبا مغفورا باذن الله
    وعقبال ما تسبعا

  245. عزت كتب:

    وطبعن يقوم على خدمة حجاج بيت الله الحرام
    العزيز الدكتور شمباتي
    جزاك الله خير الجزاء
    وتقبل الله عملك وأثابك عليه

  246. نيام كتب:

    ودالخلا:
    مبروك ياجدو ..كريمة بنت كريم..ربنا يكرمكم اجمعين .. وبالرفاء و البنين..

  247. نيام كتب:

    شمبة:
    طبعا ولا يهمك …معروف جلدك تخين

  248. نيام كتب:

    والله النصيحة ناس سي بشبش و حاجي افلي طمبجوها و ادوها كوز …لكن انتا كمان حرقتها مرة واحدة…وبعبارة اخري لحقتها الصح…

  249. ياسين شمباتى كتب:

    هههههههههههههههه,,انا ولدك يا عثمان ….

  250. التركــــي كتب:

    ألف مبروك لجد المستقبل وان شاء ربما يسعدها ويهنيها فى حياتها الجديدة …… حاج أفليقا تقبل الله وكل سنة وانت طيب …. يادكتور عزت هو سابنتود براهو مانحن برضو راجين ناس فلان ….. ربنا يتم للجميع على خير

  251. ياسين شمباتى كتب:

    هيييييييييييييييييييييييييييييي يا التركى , ما تطقع !
    طرااااااااااااااااخ

  252. يسري حسن كتب:

    مبروك فاطمة انور حسن أحمد
    بهديك حروف كان الحروف تقدر تشوف جوه الضمير مكتوب شنو وداخل الفؤاد موجود منو تهنئه من الوالد والوالدة لابنتهما فاطمه انور بمناسبة تفوقها في مرحله الاساس ولاية كسلا محلية حلفا ج مدرسة عمر بن عبد العزيز بالقرية 16 اسكان واحرازها 188 درجة والتهنئة موصول من الخال دكتور متوكل والاخوان طارق انور وماجد انور في ممكله العربية السعودية وجميع الاهل و

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s