إجتماعيات

تعليقات
  1. كل اجتماعيات الاعضاء الخاصة غير الافراح والاتراح – سوف تنزل فى هذه الصفحة.
    يلا همتكم معانا

  2. حاج أحمد السلاوى كتب:

    ولدنا .. عمنا إسترايكر ..
    ما قدرت أفهم موضوع صفحة الإجتماعيات دا .. لأنو الإجتماعيات أصلاً هى .. إما لمة ناس فى خير .. أو ساعة حزن ..كما غنى عبقرى زمانه مصطفى سيد احمد ..
    حقو توضح لينا المسألة شوية ..
    ولك تحياتى وسلامى ..يا عمك ..

  3. علي سنكل كتب:

    قالتلو النعال والطرقي إنهرن
    ما قالتلو جيب
    شيلن يا الحبيب
    ودهن النقلتي
    والترزي القريب
    بس يا أم الرحوم طقهن آبفيد
    وإنطقن زمن
    وإن طق الزمن
    لازمك توب جديد
    و بى أيت تمن
    شان يا أم الرحوم
    ما تنكسفي يوم
    لو جاراتنا جن
    مارقات لي صفاح
    أو بيريك نجاح
    و ايه الدنيا غير
    لمة ناس في خير
    أو ساعة حزن

    محمد الحسن حميد

    والله يرحمك يا مصطفى سيد أحمد
    حسه يا السلاوي جايب السيره دي لى شنو؟

    سترايكر يقصد ليك إجتماعيات يعني ذي ونستي معاك دي.

  4. aflaiga كتب:

    سنكل ثرو سلاوى : والله يا غالين لو ما كتبتو غير كلمات ابو السيد دى دى براها اجتماعيات ..
    بس يا ام الرحوم طقهن ابفيد — حقيقى طقهن اابفيد ..

  5. حاج أحمد السلاوى كتب:

    لا خلاس ..
    أكان ونسة زى دى ما عندنا مانع تب ..
    والله يرحمك يا عبقرى زمانك الراحل مصطفى سيد احمد .
    وتحياتنا ليك يا أبو السناكل .. مصطفى دا حاجة تانية خالص.

  6. حاج أحمد السلاوى كتب:

    السادة مدونى الخارج – فرع مدينة جدة ..
    وسمعنا صوت ولدنا عمار جدة عبر المحمول صباح اليوم …
    ومن غرائب الصدف أننا إلتقينا قبل فترة قصيرة فى إحدى جلسات تلاوة القرآن ( تلاوة حقيقية..مش زى تلاوة الفاتح جبرا..فى مقال جلطة نفيسة) ثم تفرقت بنا السبل ..
    عشان كدا نحنا موعودين الأسبوع القادم بلقاء حافل إن شاء الله ..وحيكون مفاجأة طبعن للكثيرين ..
    شكراً لإتصالك أخ عمار ..وأكيد أكيد حنتلاقا .. أكان الله مدّ فى الاجال ..
    شمباتى .. خليك قريب .. يا حبيب ..إنت والمعاك ..أهل الضهارى والحضر ..

  7. عزت كتب:

    و الله يا حاج كنا دايرين نجي عليكم و نشوف حلقات التلاوة دي علة غلوها لينا شديد…. يعني عشان الواحد يجي العمرة و يزوغ بي هناك و يجي التلاوة محتاج ليهو زي 4 ألف و شوية جديد…و كان قلنا نجي الحج للازم نزيدم اتنين تاني … دا كلام……. يعني أخير الواحد يمشي التلاوة عديل هنا في السودان… بس حنفتقد شوفتكم الغالية

  8. ياسين شمباتى كتب:

    وانطقن زمن..وان طق الزمن..لازمك توب جديد ..وبى اى التمن..

    ابوى السلاوى..اجتماعايت زى فلان سافر وفلان عملوا ليهو عملية وفلان رجع بالسلامة وفلانة شنو ما عارف داك..المهم..وانا قريييييب يا كبيرنا..

    الحمدلله وصلنا سالما منتصف ليلة امس الحبيب/ طارق اب احمد الذى اضاءت له سماء جدة وجاءنا محملا بالحنين والشوق المالين بلدنا,وبرضو محملا بحلويات العبد الما خمج…
    حللت اهلا ونزلت خصبا وربنا يتقبل زيارتك..وعقبال باقى الشباب..

  9. سهيل كتب:

    حمدلله على السلامه اب احمد .. بختكم ياناس يس و سلولو .. و باقي الحلوين ..

    أب احمد : عليك الله عضي لي شمباتي دا في نص راسو شديييييييييييييييد .

    كسره :يا طارق نعل امبارح ماغشيت الصافيه ؟؟؟؟؟؟

  10. ياسين شمباتى كتب:

    سهيل..
    لييييييييييييييييييييييييييييييه!!؟ جنس حسادة غياتو !! الرويس المدوقس دا مجنن العالم كلو..ههههههههه..وبرضنا راجينك وباقى الاحباب..

  11. حاج أحمد السلاوى كتب:

    أب احمد ..
    حمدللاك بالسلامة ..وأخيراً تحقق الوعد وطليت على الديار المقدسة ..
    تاسفنا عشان ما كنا فى إستقبالك ودا طبعن بسبب إنشغالنا بسفر أم المؤمنين وعودتها للبلد الحبيب..أكيد فى ناس حسه تلقاهم شمتانيين جنس شماتة وفرحانين جنس فرح …ويقولوا كيتن فيك يا السلاوى ..
    على أى حال بنتلاقا فى الرملة الدقاقة ..
    أها العمرة متين إن شاء الله ؟ غايتو ما عندك مشكلة فى العمرة .. عندنا واحد دكتور خلى الطب و بقا شغال مطوف ..واهو قرشين حلوين ينفعوا لليوم السود..
    مرة أخرى نورت سما السعودية بطلتك البهية ..

  12. ابكرون كتب:

    ابو احمد حمدلالك ع السلامة ونورت الديار المقدسة وازدانت بقدومك وعمرة مباركة ومقبولة يا حاج طارق….وفي ناس الايام دي كاروشه شديده زي كديس الخلا……بكي شديد اصلو اعذرهم لو ما لاقوك في المطار اصلو النحيب والفراق ما بقدروا عليه( ريد الشيخوخه ) يسوا شنو…….لكن اضمن ليك غذاء سلطة حمراء مدنكله في في صينية الكنافة…..يا يسن القادم العزيز ما تنسوا تمسكو استار الكعبه…….

    السلطة جاهزة يا اب احمد

    السلطة جاهزة يا اب احمد

  13. ابكرون كتب:

    محظوظ الصورة الفي التعليق اعلاه ما نزلت عمنا بجهز ليك في السلطة(غلبني انزلا)

  14. حاج أحمد السلاوى كتب:

    شكيتك على الله ..والسلطة دى تشموها قدحة .. يا حاسدين ..
    دا شنو دا ؟ هو دا مترو بكم؟
    غايتو.. جنس .. غايتو !!

  15. ياسين شمباتى كتب:

    ابكرون..
    ما نوصى حريص..وزولك اب كاروشة دا اكييييد عندك خبرو ! ويا حلقة التلاوة جاك زول بعد دا !!!

    سلولو..
    بركة البقت على صورة السلطة بس!!

  16. عزت كتب:

    شباب

    احتفلت مجموعة ساخر سبيل مساء الأمس بالأمير مخير الذي يزور البلاد في مهمة عمل ابي و الا أن يتقابل مع الكل….

    كان الاحتفال بمطعم (أم كلثوم) بالرياض و تخلل الاحتفال وصلات من الشواءات و المقبلات و الحلويات و زادها حلاوة الجو الشاعري الجميل بالمطعم و ووصلات الست أم كلثوم في الخلفية و الخدمة الراقية في المطعم و بالطبع تجاذب أطراف الحديث و القفشات….

    و الله غيرت لينا الروتين و هربنا من ملوخية البيت لي شية المطعم ….

    كان في الاستقبال من مدوني الخرطوم
    ود الزبير…. طبعن ساعدنا باختيار الجميل من الأطعمة بحسبه (زميل)
    و رافق خالد مدني الأخ أحمد
    و كان هناك التركي
    و كان هناك البيشاوي
    و سهيل وجه الحبيب كما يقول الأمير
    و بالطبع مخير
    و شخصي (عزت)

    و اعتذر الأخ الفاتح لظروف (قاهرة) ابي الا و أن يطبق لينا الدعوة مساء يوم السبت القادم…

    شكرا مخير للمة الحلوة و و شكرا لنيام من مدني و سنكل من الامارات الذين هاتفونا و تحدثوا مع المحتفى به

  17. عزت كتب:

    المجموعة و يتوسطهم مخير بعد الاحتفال

    مخير

    من اليمين سهيل، ود الزبير، البيشاوي و مخير فالتركي و خالد مدني…. لم يظهر أحمد لأنو الظاهر بعد الأكل الجماعة ما شالتهم الصورة كما لم أظهر أنا لوجودي خلف الكاميرا…!!

  18. البشاوى كتب:

    والله يالسلاوى امانة مافاتتك قعدة ولمة – تضوقا قدحة – اها شنو ليك احلى القعدة مع مخير ولا احلى سلطتك ؟

  19. حاج أحمد السلاوى كتب:

    أخونا بشبش ..
    اللمة دى كانت برضو عندنا فى جدة مع الأمير مخير .. إستمتعنا فيها جداً مع مجموعة من صفوة الخيار وعلى راسهم شمباتى .. راس القايدة .
    هنيئاً لكم بالتجمع مع الأمير مخير ..وما تخلوهو يغادر الخرتوم لحد ما انا أوصلكم ..
    إنتفقنا ؟
    الأمير مخير .. ما فى طريقة تديها غشوة سغيرووووونة فى طريق عودتك بيجاى عن طريق جدة ..؟
    كدى فكر فى الموضوع دا ..ونحنا فى إنتظارك ..
    ابو عصمت ..أوع يكون احمد الما ظهر فى الصورة .. احمد السلاوى !!

  20. ياسين شمباتى كتب:

    الاحباب ..سلام..
    وحمدالله على سلامة الامير وبختكم باللمة وقفشاته واثراءه للونسة..لكن قعدتكم شايفها فاضية!1 لا كاسكم لا جككم!!!

    سلولو الحبيب..
    برضو انا راس القايدة!!؟؟ رمتنى بدائها وانسلت..

  21. نيام كتب:

    الحبيب الامير مخير حبابك في وطنك وسط اهلك بمهلك …واتمني لك اوقاتا طيبة مع سمار الدانقا..

  22. طارق أب أحمد كتب:

    د. شمباتى

    دعواتنا لشقيقتكم بعاجل الشفاء

    إلهي ..

    أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً ..

    إلهي ..

    أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين ..

    إلهي ..

    إني أسألك من عظيم لطفك وكرمك و سترك الجميل أن تشفيه و تمده بالصحة و العافية ..

    إلهي ..

    لا ملجأ و لا منجا منك إلا إليك .. إنك على كل شيء قدير ..

  23. اواصر كتب:

    الأخوة / الزوار الكرام
    السلام عليكم تقيم جمعية الانترنت السودانية اسبوع الانترنت الاول لكل المهتمين بالمجال التقني والمعلوماتية يحتوي الاسبوع علي محاضرات وورش عمل ومعرض مصاحب ,,,
    المكان : الطابق الاول وقاعة الهيئة القومية للاتصالات – بري
    الزمان: الاحد الموافق 8 – 10 / 8 / 2010
    الافتتاح الساعة 11 ص

  24. بشار أحمد بشار (ابن برد) كتب:

    بحمدالله وشكره تماثل والد أبننا محمد ساتي (ساتنتود) من وعكة طفيفة ألمت به أدخل علىإثرها مستشفى أبوظبي لمدة أربعة أيام . حمدلله وإن شاء الله السيد الوالد ما يشوف شر.

  25. ياسين شمباتى كتب:

    حمدالله على سلامة الوالد يا ساتنتود وربنا يتم عليهو نعيمو وعافيتو..

  26. نيام كتب:

    ساتنتود:
    رمضان كريم و الف حمدلله بسلامة والدك..اجر و عافية ان شاء الله

  27. البشاوى كتب:

    العزيز سابنتود – الف سلامة للوالد وربنا يتمم عليه نعمة الصحة

  28. ساتينتود كتب:

    الأعمام بشار والبشاوي ونيام والأخ العزيز شمباتي وكل المدونين،، لايريكم الله مكروها في عزيز لديكم،، الحمدلله تماثل الوالد للشفاء وزاول عمله،، وربنا يديم الصحة والعافية للجميع

  29. عبدالرحمن أحمد كتب:

    حمـــــــــــــــدا علي السلامه ساتينتود

  30. ياسين شمباتى كتب:

    الاحباب بالسودان…سلام..
    وصلكم مساء الامس الحبيب القريب /عبدالرحمن احمد (عبدوز) وحيكون متواجد بالخرطوم لمدة اسبوع..رقمو الشغال بيهو هناك 0121226433

  31. ياسين شمباتى كتب:

    كمان يا جماعة ندعو لى اخونا نادوس بالشفاء نتيجة اصابتو بتايفويد ابن كلب !!! وزولنا متجرررس وراقد رز..

  32. حمدلله علىسلامة الوالد يا ساتنتود – وحمدلله على سلامة الوصول يا عبدوز

    اجر وعافية يا نادوس انشاء الله.

  33. aflaiga كتب:

    ساتنتود : الف كفاره للوالد وبعد ده ( انبابكى بالكو ) وشيل شيلتك هم يرسلو الملوحه وانت ترسل البتاع
    الف كفاره يا راجل وتحياتنا للاسره .

  34. التركــــى كتب:

    ساتينتود :الف حمدا لله على السلامة
    ابوعبده : ألف مرحبتين حبابك وكنا نتمنى انك تكون معانا فى اللقاء مع الحاج سلاوى كانت قعده (جلسة) فاقداك وربنا يجمعنا بيك قبلما تسافر ان شاء الله
    العزيز نادوس : ألف لا بأس عليك وان شاء الله أجر وعافية

  35. عبدالرحمن احمد كتب:

    هيا الحبيب نادووووس التيفود دا الا تاكل ليهو جرجير يا خوي لو كنت بتحب الجرجير الف لا باس يا نادوس وكفاره ياخ
    اهل المدونه الحلوين
    علي اليمين من ما وصلت امازونيا جااااري وجارين وراه ولو حيي بنتقابل انشاء الله
    الحبيب التركي شاكر اتصالك يا مدير والظاهر رقمك طش مني لو امكن رسلو لي في رساله 0121226433

  36. سهيل كتب:

    الحبيب سابنتود حمدن لله سلامة الوالد .. عبدوز بركه الجيت و شكرآ على الأتصال الراقي ..
    نادوس : الف لا بأس عليك ..

    جدو سلاوي : وين ياعمك .. مشتاقين ليك و لراس القايده .. سلمو لينا علي ود الفتيحاب و ود بركه .. خليك قريب يا عمك و ماتدفن دقن ولا تعمل ساتر .. ارمي قدام ورا ملخبط

  37. حاج أحمد السلاوى كتب:

    سهيل … غايتو … جنس … غايتو !!

  38. الغبشة كتب:

    الطيبييييييييييييييييييين سلاااااااااااااااااااااااااااااااام مشتاقيييييييييييييين كتيييييييييييييير
    ما بتحلا ايامانا ولا بزيد ولا بكمل فرحنا بدونكم أتشرف بحضروكم لحفل تخرجى بجامعة الرباط الوطنى يوم الثلاثاء الموافق 19/10/2010 الساعة السادسه مساء بميدان لويس سدره ببرى شرق مستشفى ساهرون شمال كلية الصيدله الرباط.

  39. عزت كتب:

    مبروووك يا الغبشه و عقبال ما نكتب بيانات (البطاقة) في الشهادة التانية….

  40. حاج أحمد السلاوى كتب:

    الغبشة ..
    موجودون معكم بكل أحاسيسنا ومشاعرنا .. ألف مليون مبروك ..
    بس سؤال سغيرووووونى كدا ..التخريج دا إتاخر كدا مالو ..
    والسؤال التانى .. دا تخريج البكالريوس ولا الماستر .. عشان نعرف نبارك صاح ..
    وعقبال الدرجة الكبيرة … الدكتوراة ..
    تهانينا من على البعد ..لك ولكل أفراد الأسرة الكريمة بهذا الإنجاز ..

  41. nono كتب:

    الغبشه بت الغبش
    تورتي نفسيييييييييييي هسسسسسع انا جيت جااااااااارية جري قلته اشوف الحاصل شنوووو لكين من لقيت الموددددددددددوع فيها ميييييييييييييييييييييييدان مووووووووووووولد فسسسسسحة قلته البت ده عملت الخيانة سجلت في( شنووو كدة الجماعي ) باعتني انا اختي الزهراء؟؟
    1000 مبرووووووووووووووك……………
    للفسحة جااااااااااااااااااك نفر………………..

  42. الغبشة كتب:

    معقوله يا خيتى بسويها واخليكم بس حبابكم فى الفسحه

  43. ابكرون كتب:

    سمعنا وفات اضانا
    مبرووووووك وجايين ان شاء الله
    وعقبال الورقة اياها

  44. aflaiga كتب:

    مولانا الغبشه : سلامات وتحايا ومبارك للدرجه العلمية بك وليس العكس . حضووور حضووور جوه الطابور … وعقبال ما نحضر الدرجه التانيه فى النادى الجنوب غرب ساهرون بعد ده مش بيدوكم ليهو ملح .. الف مبروك ..

  45. عائشه الغبشاوي
    فاتنا ودا كلو من صياعتنا انا من قبل كم يوم لاف
    وجيت هسي لقيت البت دي اتخرجت
    لكن معليش الجاي احلي
    الغبشه اتنين مليار مبروووووووووووووكـ وعقبال البي اتش دي والبي ام دبليو والدبليو إي دبل دي آي ان جي
    الغبشه تاني مبروووووووووووكـ

  46. التلب كتب:

    1000000 مبرووك الغبشه و عقبال الدكتوراة

  47. ياسين شمباتى كتب:

    الاخت الغبشة..سلامات وتبريكاتنا تسبق حضورنا وتعتذر على البعد الما مقصود..ربنا يوفقك فى كل خطوة وينور دربك ويعدل خطوتك..

  48. الغبشة كتب:

    صباحكم خير
    الله يبارك فيكم ويديكم العافيه ماقصرتوا كان بهنا ولا بهناك بالمسج والايميل والتلفون مشكورين

  49. ياسين شمباتى كتب:

    الاحباب الاعزاء..سلام..
    دعواتكم للوالد السلاوى بالشفاء العاجل,,فلقد عانى فى الففترة السابقة من ضغط فى الفقارات العنقية على الاعصاب,,مما سبب له الما حادا وزهجا ورهقا..
    ومن المفترض خضوعه لعملية جراحية لكنه عامل رايح !
    وعلاجى عنى لكن مااا بطاوعنى..
    الف لا باس عليك يا حبيب وان شاءالله الضغط دا يجى للى بالى بالك..

  50. امييييييييييييييييييييييييييييييييييييييييييييييييييين

  51. ابكرون كتب:

    شفاااك الله يا فرده
    راجع الهاتف ليه كده …!
    ضغط الفقارات العنقية ده من قعاااد الكمبيوتر ده وهبيش ( الوش …بوووووك) زماااان شن قلنا
    الله يشفيك وقوم سريع
    راجنك

  52. عبدالرحمن أحمد كتب:

    الف لا باس عليك يا بوالحجاج

  53. نيام كتب:

    حاج احمد السلاوي:
    قالو متألم شوية ياخي بعد الشر عليك

  54. حنين كتب:

    عمنا الحاج السلاوى .
    الف لابأس عليك وربنا يكتب سلامتكوخلى بالك لى صحتك وأسمع كلام د.الشمباتى

  55. نيام كتب:

    ما تقوم يا حج بلاش حركات خلاص عرست للبنات وعايز تريح لسه بدري..ما عندكش حاقة دي شوية فيس بوك و حتعدي…

  56. مُخير كتب:

    الحبيب أبو وضاح
    كفارة وأجر وطهور إن شاء الله ، دي عين دي يا حاج ما صلت على النبي، نحن عارفين مشوار الدوحة ده حيجيب كثافتك، وممنوع أية تحركات مستقبلية قبل الرجوع للهيئة العليا لدانقوست الخارج، صحيح إنت الريس وكبير الكواشف وزعيم الكواسر وكدة، لكن شفت مشوار قرنق الما رجع منو ؟ أهة لو ناس الحركة ريحتهم روحة قرنق، نحن ما بنقدر نفرط فيك، ألف لا بأس عليك سلامتك يا حا ج وأبكرون وكل الحلوين عساكر ومدنيين كرامتك ….

  57. زووووووول كتب:

    الحبيب الرفيق السلاوى سلاام
    كفاره الف لا بأس عليك ربنا يتم الصحه ويفك القرفه والزهجه واوصيك الولد شمباتى دا ما تمرق من ايدوا واسمع تعليماتو كوووووووولها امتثالا لقول القائل (خلى العيش لخبازو ولو بالنص ) .
    شكرا شمباتى وابق عشره على الشاب دا

  58. ياسين شمباتى كتب:

    تسلموا يا احباب..
    والحاج الان احسن شوية,لكن متجرس من العملية,قال الا فى موريتانيا ! وى…

  59. الصادق ود البركة كتب:

    السلام عليكم ورحمة الله وبركاته
    أسأل الله العظيم رب العرش الكريم أن يشفيك وجميع مرضى المسلمين آآآآآآآآآآآآآمين

  60. ياسين شمباتى كتب:

    الاحباب بالمنتدى..سلام..
    اسالكم رفع اكف الضراعة باللطف والتخفيف وان يحفظ الله اخينا (التلب),,فهو مقيم باليايان بمنطقة هيروشيما,وهو حتى اللحظة بخير وفى ايامه الاخيرة من التحضير لرسالة الدكتوراة,, ويفترض ان يعود للسودان نهاية الشهر الجارى,لكن الاحداث الاخيرة عطلته وحبسته..
    اسال الله ان يلطف باهل اليابان وباحبائنا هناك وان يرفع عنهم الزلازل والبلابل والاحن والفتن ومصائب الزمن..

  61. عزت كتب:

    اللهم آمين ويرجع لينا التلب غانم

    عارف يا شمباتي قبل يومين وأنا جنب ناس دار الهاتف… سمعت من خلال مكرفون جامع ناس الجوازات زي الساعة واحدة ونص وفي يوم شغل فيما يبدو تمرين لخطبة يوم الجمعة القادمة…. الراجل كان بيتكلم عن زلزال اليابان… بما معناهو (يستاهلوا) لأنهم حاولوا أن يتحدوا الطبيعة…. تخيل…!!

  62. ابكرون كتب:

    اللهم امين يا شمباتي
    عزت : هههههههه بتمرن قلته لي؟
    دي حساده سااااكت من الزول ده ….ياخ نعم هم لهم دينهم وحسابهم عند ربنا يوم الحساب معلووووم…لكن في دنيانا هذه اولئك الذين يدعون الاسلام وماهم بمسلمين ولا افعالهم افعال مسلمين …! علي الاقل ديل ما بسرقوا الدولة …! وما فاسدين والشخص لمن يخطئ بستقيل

  63. ياسين شمباتى كتب:

    الحبيب عزت…سلام..
    والله اليوم فى احد جوامع مكة كانت الخطبة شماتة ونكاية باهل اليابان ! ياربى الجماعة ديل متفقين؟؟
    والغريبة السنة المضت كان فى زلازل فى السعودية بمدينة العيص قرب المدينة المنورة ! نعوذ بالله من الشماتة وسوء المنقلب…

    الحبيب ابكرون..سلام..
    اريتنا زى اليابان فى تقدمهم وادبهم وتعليمهم ونزاهتهم..حسبى الله على الظلم والفساد..

  64. طارق أب أحمد كتب:

    التلب أخوى ما تشيل هم باكر عمك عمر البشير حيرسل إغاثه لليابان ترفع راسك إنت قايلنا هينين ولا فقرانين
    ممكن الأطباء يستنو سنه سنتين لصرف مستحقاهم يا شمباتى
    المهم نركز مع اليابان ما دايرين نشمت فينا نسوانا عشان ما يقوموا يقولوا دا زلزال اليابانى

  65. التلب كتب:

    سلام للكل
    الحمد لله أنا و جميع السودانيين و عددهم أقل من مائة على حسب معلوماتي بخير.
    أنا مقيم في هيروشيما و هي بعيدة جدا عن المناطق المنكوبة. إن شاء الله إذا الامور مشت بصورة طبيعية سأكون في السودان بنهاية هذا الشهر.
    شكرا شمباتي و بـشكركم جميعا على دعواتكم.
    قلت لي يا دكتور عزت (يستاهلوا). تعرف يا دكتور المحيرني الناس دي بتصنف اقدار ربنا بطريقة عجيبة, يعني لما تحصل كوارث في البلاد المسلمة سيول السعودية الاخيرة مثلا يتم تصنيفها على انها ابتلاء ( إن الله تعالى إذا أحب عبدا ابتلاه ليسمع تضرعه ) و لما تحصل الكارثة في البلاد الاخرى فهي لا محالة غضب رباني.
    قال ابكرون [والشخص لمن يخطئ بستقيل] يا ابكرون بعضهم ما بستقيل بس بل بينتحر كمان.
    طارق اب أحمد نحن في انتظار الإغاثه..

  66. التركــــى كتب:

    الحاج السلاوى ألف لا بأس عليك واتمنى انك تكون على خير والمحنة عدت
    التلب الحمد لله طمأنتنا عليك وترجع بالسلامة ان شاء الله
    شمباتى : أبقى عشرة على الحاج ولو محجتاج دعم الدوحة قريبة
    الأخوة الأحباء آسفين للانقطاع وربنا يجمعنا فى ساعة خير قريبا باذنه تعالى

  67. ياسين شمباتى كتب:

    الحبيب التلب..
    بركة بالطلة وعقبال ما تعدى الى الضفة الاخرى ! ما تبتهج قصدى السودان ! كع..

    طارق..
    عارف جماعتك فى تلفزيون السوادن اعلنوا: انهم يقفون مع اليابان لتجاوز المحنة! طبعا ما عرفت ما هية الوقوف دى كيف!

    التركى…
    دوحة شنو!؟؟ انت ما سمعت بى رطوبة قطر ولا شنو!؟؟ امممممممم

  68. ودالزبير كتب:

    الإخوه الزملاء
    السلام عليكم

    لزمت وألده الأخ خالد مدني الفراش الأبيض بالمستشفي الجنوبي بعد إن أجرت عمليه جراحيه ناجحه نسأل الله لها الشفاء العاجل…………. دعواتكم

  69. عاجل الشفاء انشاء الله.

  70. نيام كتب:

    خالد مدني:
    نسال الله عاجل الشفاء لوالدتكم و ان شاء الله اجر و عافية

  71. طارق أب أحمد كتب:

    خالد مدني

    اسأل الله العظيم رب العرش العظيم أن يشفيك.
    اللهم رب الناس مذهب البأس اشف أنت الشافي لا شافي إلا أنت.

  72. التركي كتب:

    أخ خالد : انعم الله على والدتكم بالشفاء العاجل وجعله أجرا وحسنة

  73. سهيل كتب:

    نسأل الله لها عاجل الشفاء و ان يديم عليها نعمتي الصحه و العافيه

  74. ابكرون كتب:

    خالد
    الف سلاااامات للوالده …امنياتي بعاجل الشفاء لها

  75. حنين كتب:

    الاخ خالد .
    ياخى ربنا يجعلا كفارة ليها ويكتب سلامتا ويديها الصحة والعافية ويخليها ليكم .

  76. عبدالرحمن أحمد كتب:

    الحبيب خالد مدني ، نسأل الله كامل الشفاء لست الجبايب

  77. ودالخلا كتب:

    الأخ خالد،،
    أمنياتنا لها بالصحة والعافية وعاجل الشفاء أن شاء الله وربنا يجعل وعكتها هذه كفارة لها،،

  78. خالد مدني كتب:

    اخواني الكرام … بفضل الله ودعواتكم فقد من الله علي الوالدة بالشفاء وغادرت المستشفي يوم امس … لكم كل الشكر والتقدير وجعله الله في ميزان حسناتكم

  79. سهيل كتب:

    الف حمدلله غلى السلامه و ربنا يزيد فرحكم بشفاء الغاليه

  80. ياسين شمباتى كتب:

    الحبيب خالد..سلامات..
    والف لا باس على الوالدة والحمدلله الطمنتنا وما تشوف شر تانى..واجر وثواب ليها يا رب

  81. ياسين شمباتى كتب:

    الاحباب الكرام..سلام..
    كمان الحمدلله اخونا (التلب) وصل السودان معافى وسالم من هيروشيما وفوكشيما ديل ! ونبارك ليهو حصوله على رسالة الدكتوراة وتعلمه اللغة اليابانية كمان !
    بركة الاطمنا عليك يا حبيب..

  82. التركي كتب:

    الأخ خالد : الف حمدا لله على السلامة وربنا يمتعكم بصحتها
    الحبيب التلب : أهئنك بالدكتوراة وان شاء الله من المتنفعين بعلمهم وتجاربهم فى وطننا الحبيب …. وكمان الف حمدا لله على السلامة والخروج من بلد العجائب سالما غانما … أها ياشباب دا سبب لمة ولا عندكم رأئي تانى

  83. aflaiga كتب:

    ابو الخلد : . اللهم رب الناس اذهب الباس اشف لا شفاء الا شفاءك انت الشافى اللهم اشفها وعافها يا رب .

  84. مُخير كتب:

    الحبيب أبو الخلد حمداً لله على سلامة خروج الوالدة من المستشفى والله نسأل أن يمتعها دوماً بتمام الصحة وكمال العافية ويطيل عمرها في رضاه وطاعته لتنعموا ببركاتها وعطفها وأعذرونا على التأخير والغياب القسري بين الفينة والأخرى ولكم وللجميع أصدق التحيات وأطيب التمنيات والسلام

  85. ود الزبير بعد ما فقع مرارة (الاحباب والاصحاب) قبل على المدام تبعو فقعها ليها مغسة كدة !
    حمدالله على سلامتها وما تشوف شر باذن الله…

  86. aflaiga كتب:

    العزيز خالد مدنى :
    يقول المخلفون من الاعراب شغلتنا اموالنا واهلونا
    ويقول افليقا شغلنا اهلونا ( طبعا اموال مافى )
    فى البدء احسن الله عزاءكم فى الوالده
    وفى الختام لا نقول الا مايرضى الله
    لومنا كبير وعشمنا اكبر
    حتى نصلك تعازينا للاسره الكريمه وثبت الله اجركم واحسن عزاءكم
    المتلوم جدا / افليقا

  87. السلام عليكم…
    بحمدالله وصل الحبيب /خالد مدنى الى الاراضى القطرية قبل 3 ايام حاملا مرارات الوطن وعظمة الفقد..
    نسأل الله ان يجعلها دار مقام طيب وجوار كريم,فما اقبح ان تعود لوطنك حاملا آمالا عراض ثم تغادره تاركا كل امل وحاملا كل الم..
    الا قاتل الله من كان سببا فى تشريد الاهل والاحباب..
    موفق باذن الله…

    • عبدالرحمن احمد كتب:

      سلام عليكم يا أحباب … أولن الاخ خالد ربنا يرحم الوالدة و يدخلها فسيح جناته … ناسف الانقطاع يا أحباب … شمباتي نرجو تزويدنا برقم الاخ خالد مدني

  88. وعليكم السلام ورحمة الله عبدوز..
    تزويد دى مالها ما غريبة على !!؟ امممممم….
    بركة بالطلة يا حبيب..

  89. اها كيف كانت الزوادة معاك !؟

  90. شباب ازيكم اخبار اخونا ابكرونا شنو ماظاهر عسى المانع خير

  91. ياسين شمباتى كتب:

    صحوا النوم يا انتو ,,
    بحمدالله وصل امس الى الارضى المقدسة الحبيب / ابكرون لاداء مناسك الحج بعد مجاهدة مع النفس ! كع…
    وبحمد الله ادى العمرة امس (بسلاسة) على حد تعبيره !
    نسال الله له القبول والرضا وان يرجع كيوم ولدته امه نقيا من كل ذنب واثم ,,

  92. التركي كتب:

    حجا مبرورا وذنبا مغفورا يالفكفك وعقبالك شمباتي بعدوقبل اكمال نصف دين الاحر

  93. ياسين شمباتى كتب:

    ياخوى انا حجيت خلاص !
    يعنى عرس ماف , كع كرع رع

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s