الاراء والمقترحات

الاخوة زوار واعضاء سوداننا , مرحب بكم فى صفحة الاراء والمقترحات حيث يمكنكم من خلالها ان تقومو بكتابة كل الاقتراحات او الشكاوى ان وجدت وحتى طلبات العضوية المباشرة .

كما يسرنى ان اقدم التحية لكل الاعضاء القدامى بمناسبة مرور عام على انشاء سوداننا ونتمنى ان تستمر المسيرة دوما والى الامام يا سوداننا.

 

 

 

تعليقات
  1. mon amie كتب:

    اشكر القائمين بهدا الموقع لاتاحتهم لنا فرصه لنتنفس فيه من هدا الكبت انا عندى قصة طويله مع فساد القضاة سارويها للعالم بالمستندات التي احتفظ بها لتعريتهم امام الراى العام وانا اشك بان هؤلاء دارسين قانون

  2. محنك كتب:

    مون آمى
    كانت الى فو على العدالة قضية الكاردينال ما سمعت بيها
    فالحين فى واحد ما قادر يدفع الايجار ومالك البيت اشتكاه سجنو فى 1800 جنيه هكذا قريت فى الراى العام

    راجنك
    يا ادمنستريشن اتيح ليه الفرصة

  3. تمت اضافة خدمة المساعدة الفورية
    وهى على الجانب الايسر من الموقع بعد مربع اخر التعليقات – يمكن مراسلة الادمين مباشرة فى حالة وجوده اونلاين – وحتى لو كان اوف لاين فسيقوم باستلام الاسئلة ويراسلكم بالحل.

  4. ويمكن اثناء المراسلة الفورية تغيير الاسم لاسم المستخدم المعروف
    وذلك بالضغط على
    edit nick name
    وكتابة الاسم المعروف للمستخدم

  5. تمت اضافة خدمة استلام التعليقات والمقالات عن طريق الايميل .
    وهى هى على الجانب الايسر من الموقع بعد اخر التعليقات.
    ادخال الايميل والارسال. والذهاب الى الايميل لعمل التاكيد .

  6. عزت كتب:

    يا سلام يا استرايكر
    كل يوم جديد
    الى الأمام
    “و سجل لي عمارتك”

  7. ابكرون كتب:

    سير سير يا استرايكير
    باقي الكوتيشن يا كوتش…..عجل بها

  8. هدهد كتب:

    The right word is Boss not boos, Mr. Dakeen
    am I wrong??

  9. ودالزبير كتب:

    شباب

    رأي يمكن يكون بايخ زسخيف لكن لازم الزول يقوله …. صفحتي الأفراح والأتراح خصصتا لغرض معين وهو تنبيه بقيه الأعضاء بما يحصل في الحياه الإجتماعيه للعضويه من أفراح وأتراح كما هو وأضح من العنوان لكني لاحظت إننا نقوم بوضع تعليقات لا علاقه لها بالفرح والكره في هاتين الصفحتين وشخصياً عندما أدخل للمدونه وأراجع آخر التعليقات وأجد إن هناك أكثر من تعليق في صفحه الأتراح أتوجس خيفه وأنا أفتح الصفحه من خير محزن لأجد أن الموضوع لا يخرج من المزاح ( وهو بلا شك مطلوب وجميل ) لكن لكل مقام مقال ….. أرجو أن لا يفهم من هذا التعليق إنه يستهدف شخصاً بعينه فشخصياً كنت قد وضعت أكثر من تعليق في صفحه الأفراح لا علاقه لها بفرح حقيقي … وللجميع خالص إحترامي

  10. ياسين شمباتى كتب:

    الحبيب استرايكر..سلامات..
    ارجو تخصيص صفحة لعيادة المرضى او يكون اسمها اجتماعيات تكون جاااااايطة,,بعيدا عن الافراح والاتراح الظاااهرة..مع وافر شكرى وتقديرى..

  11. ابكرون كتب:

    سلااااام
    شمطه قايمه في سودانيزاونلاين بين د. سجيمان وعمدتنا البروف الفاتح جبرا حول موضوووع (حنة عواطف) كل يتهم الآخر بالتغول على ملكية الفكرة للموضوووع ويدعي ملكيته له….!

    http://www.sudaneseonline.com/cgi-bin/sdb/2bb.cgi?seq=msg&board=300&msg=1278269635

    دعوه للاخوان : بالمدونة الاعضاء بسودانيزاونلاين لمؤازرة جبرا بالرجوع والبحث للاراشيف التي ذكرت في 1997 وغير ذلك
    يلا هموا يا شباب

    كسره :شمباتي د . نضار العمدهي من اشعلت هذه الحرب بين الساخرين جبرا وسيجيمان لكن دون قصد منها

  12. تم عمل صفحة اجتماعيات. ويمكن للجميع نشر الاخبار الخاصة بهم عليها.

  13. ابكرون كتب:

    شايف دعمكم لجبرا ضعيف يا ناس حوش العمده دعمكم له عبر المواقع افضل من اي تكريم……!

    رد موفق يا جبرا

    ابكرون
    —————————————————–

    ساخر سبيل
    أنا .. وسجيمان

    الفاتح يوسف جبرا

    منذ صباح الأحد لم ينقطع رنين هاتفى مستقبلاً عدداً مهولا من المكالمات تحكى لى عما تتداوله الأسافير عن مقال (حنة عواطف) وهو مقال يصر الأخ الكاتب (سجيمان) أن يستخرج له شهادة بحث وملكية فى العام 2003م على الرغم من أن فكرة وموضوع المقال هى قصة بل طرفة شائعة كان يتداولها السودانيون فى مجالسهم بالمملكة العربية السعودية فى ثمانينات القرن الماضى وقد قمت بإعادة صياغة أحداثها وشخوصها ونشرتها بالعنوان نفسه بصحيفة الخرطوم فى العام 1997م وكانت حينها تصدر بالقاهرة وكنت أكتب فيها حينها بصورة راتبة .. وقد تم إعادة نشر المقال بصحيفة السودانى (2006) .. ثم أعيد نشره بصحيفة الرأى العام(2008) .. ثم أعيد نشره أيضاً بصحيفة حكايات (2009).. (أى أن المقال تم نشره فى 4 صحف مختلفة وفى 4 أزمان مختلفة) كما تناقلته المواقع الإليكترونية (عند إعادة نشره بالصحف) شأن معظم مقالاتى .. وبنفس العنوان… وطوال هذا النشر المطبعى والأسفيرى و(محركات البحث) التى تمتلئ بالمقال متبوعا باسم شخصى الضعيف إلا أن الأخ سجيمان لم ير ولم يشاهد ولم يعلم (ومافى زول قال ليهو) أن فكرة مقاله (ملطوشة) حتى (يوم السبت الماضى) حينما قام بنشر (المقال)على موقعه وعلقت عليه إحداهن بأن ذات الفكرة سبق أن تناولها (الفاتح جبرا) فشرع فى توجيه الإتهام (كشئ طبيعى) لشخصنا الضعيف على الرغم من أننا قد سبقناه بزمان طويل فى نشر (القصة) !
    على الرغم من نشرى (للمقال القصة) قبل (ست سنوات) من نشر (أخونا سجيمان) الذى قال بنشرة بتاريخ 2003م إلا أنه يجب أن يطمئن بأننى عند حصولى على (نسخة الصحيفة) لن أدعى سرقته للمقال إذ أن فكرة المقال هى كما أسلفت (طرفة شائعة) قد ذكر كثير من المتداخلين فى موقع سودانيزأونلاين أنهم قد إستمعوا لها قبل هذه التواريخ بكثير .
    لقد سعيت مرغماً بالأمس لمقابلة الأخ الأستاذ فضل الله محمد الذى إلتمست منه حين مقابلته مراجعة الارشيف للعام 1997 للحصول على نسخة من الصحيفة التى نشر بها المقال وقد تم تكليف موظف الأرشيف (جمعة) بالبحث عن (حنة عواطف) فى مجلد واحد من (أربعة مجلدات) تم تركها فى القاهرة كما علمت من الأستاذ فضل الله ، هذا وسوف يفيدنا (الأخ موظف الأرشيف بالنتيجة) وأتمنى أن تكون الصحيفة المرجوة ضمن هذا المجلد الموجود حتى لا أضطر إلى البحث عنها فى دار الوثائق المركزية (ده لو ما سافرتا ليها القاهرة) وبالقطع إن وجود المقال فى ذلك التاريخ السابق بكثير عن (تاريخ الأخ سجيمان) لا يجعلنا نوجه له الإتهامات ونكيل له أسباب التندر والسخرية فالأمر لا يدخل فى باب الملكيات الفكرية إذ ان هذه القصة متداولة منذ زمان بعيد وأى كاتب ناشئ يعلم بأن نوعية هذه المقالات (لم يقم الكاتب بتأليفها) بل هى فى الأصل نكتة أو طرفه يقوم الكاتب (بما يمتلكه من أدوات) بوضع سيناريو لها مع تغيير فى الأماكن والشخوص غير أن الأخ الزميل سجيمان فى عموده (الباب البجيب الريح) بصحيفة التيار أمس الثلاثاء قد شن على شخصنا الضعيف هجوما (ساخرا) يتهمنا فيه بسرقة (حنة عواطف) الذى لا أدعى أننى قد قمت بتأليفها بل أن (الكارثة) أن الأخ سجيمان يدعى ذلك رغم شيوع القصة قبل أزمان وهذا مثير للشفقة حقا والرثاء ..
    كسرة :
    لولا الضيق الذى أحسست به لما ذهبت لصحيفة الخرطوم طالباً البحث عن المقال فماذا تعنى قصة (حنة عواطف) لرصيدنا فى (الكتابة) بل ماذا تعنى بالنسبة لهموم الشعب الفضل!!
    كسرة أخيرة :
    يا خى أقول ليك حاجة … إنت إختصر الطريق وما تنتظر وطواالى شيل مستنداتك وأمشى (محكمة الملكية الفكرية) وأثبت إنو القصة دى من تأليفك وإن شاء الله تثبت إنو كمان (لبس جماعى) ذاااتو حقك .. مافى مشكلة .. طالما كلو بالقانون وبدون (إسفاف) ومهاترات !!

    الرأي العام
    نشر بتاريخ 07-07-2010

  14. ياسين شمباتى كتب:

    ابكرون..سلام..
    والله ما قريت كلامك دا الا اسه..وسجيمان دا منو!!!؟؟ ونضار الوداها هناك شنو!!؟ الحقنى بى ايميل توضيحى يا الحبيب..

  15. ابكرون كتب:

    شمباتي
    تابع الرابط اعلاه او ادناه وتجد الموضوع مسخن بهناك
    نضار بدون قصد علقت في الفيس في موقع سجيمان المنزل قصة حنة عواطف بانها سبق ان قرأت الموضوع لجبرا بس
    ومن هنا اشتعلت الحرب الكلامية

    http://www.sudaneseonline.com/cgi-bin/sdb/2bb.cgi?seq=msg&board=300&msg=1278269

  16. حاج أحمد السلاوى كتب:

    فعلن سجيمان إسم على مسمى ..
    غايتو يطرشنا ويعمينا ما سمعنا إنو فى كاتب بالإسم دا.. ناهيك عن أن يكون هو كاتب المودوع ..
    ونتساءل برضو زى تساؤل أخونا جبرا ..المودوع ( حنة عواطف ) تم نشره منذ فترة طويلة..فاين كان المدعو سجيمان طوال هذه الفترة ؟ لماذا لم يدعى ملكيته للمقال ..؟
    وحنة عواطف لا يضيف كثيراً إلى رصيد مقالات جبرا الأخرى التى لاقت رواجاً أكثر من مقال حنة عواطف ..أخشى أن يتطور الأمر ويدعى المدعو سجيمان ملكيته لمقال زواج البونى من سيئة الذكر كونداليسا بت رايس ..

  17. تطور الخلاف وقام استاذ الفاتح بنشر هذا البوست معتزرا عن خوضه فى المسالة وشارحا لماحصل – واخيرا طلب من بكرى ابوبكر سحب باسويرده من سودانيزاونلاين وعدم كتابته مرة اخرى فى الموقع http://www.sudaneseonline.com/cgi-bin/sdb/2bb.cgi?seq=msg&board=300&msg=1278661355

  18. ياسين شمباتى كتب:

    سلام يا احباب..
    انا المحيرنى انسحاب البروف !! كل واحد يعمل الدايرو,,خليهو يلم توقيعاتو لكن الحق لازم يظهر..وخلى بالك طويل يا بروف..

    ابكرون..سلام..
    د.نضار سمت نفسها (عجوبة)!!!! وعجبى منها..

  19. حاج أحمد السلاوى كتب:

    شمباتى .. نضار دى مش صاحبتك الأنا مرة كنت فاكرها ولد لامن رديت عليك فى كتاب الوش ( الفيس بوك ) ؟

  20. التركــــى كتب:

    السلام عليكم شيبا وشبابا
    دا كله يحصل فى غيابى لاحولالالالالالالالا …. ياخوانا سجيمان دا قريت ليهو فى جريدة التيار وقبل كم يوم كتب فى نفس الموضوع وأغاظنى جدا لما كتب (تلميذى جبرة) راجل حقار (للأسف) ولو هو عايز يجمع تواقيع نحن مابنجمعها لكن بنبرهن ليهو انو البروف مامحتاج لضجة أعلامية زى دى عشان الناس تعرفه يكفى انك (سجمان) وما حد سمع عنك الا بعد الضجة دى وياريت تقدر تقيف على رجليك وتحافظ على المرتبة الأترفعت ليها بسبب النقاش دا … ياربى يكون سمع بنجاح الكتاب وعايز يضيف ملح للتقلية

  21. ابكرون كتب:

    اها كمان مالك ومال نضار غايتو جنس شمشرة آآآآي في مستشفي جده…..!غايتو( سعب) يا علي

  22. سهيل كتب:

    انا ما قادر افهم .. البروف إنسحب ليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  23. حاج أحمد السلاوى كتب:

    ولدنا ابو ابراهيم ..
    الحاصل شنو فى المدونة ؟.. بقت لى زى الحصل إنقلاب وحصلت معارك دامية والدنيا مقلوبة وما قدرت اسنوعب الحكاية .. كدى فهمونا الحكاية ..!!
    وكل عام والجميع بخير .

  24. يا عمنا سلامتنا من الانقلاب – ده شكل جديد للموقع – بمناسبة الشهر الكريم – اعاده الله علينا جميعا بالخير – حتلقى انو فى تغييرات كتيرة فى الشكل العام والاضافات.
    وفى انتظار افادات بقية الاخوة.
    الشكل هذا ليس نهائى وانما فقط لحلول رمضان كما زكرت .

  25. ابكرون كتب:

    تمام يا ابو ابراهيم
    اهو تغيير وحقوا ما يرتبط برمضان فقط بكل المناسبات زي شعار قوقل
    والتغيير وخاصة الالوان والشكل العام فيه نوع من البهجه
    تسلم

  26. عزت كتب:

    سلام يا أحباب
    أيوه كدا تغيير الفرش و الملايات مهم مش كل يوم الواحد يجي داخل يلقى نفس الهيئة فضلا على أن الثيم الجديد يدعم العربي اد تحول المنيو الى اليمين و الكتابة في مربع التعليق بقت واضحة كما ان الوانه جميلة….
    بس الظاهر الصمم الثيم دا حلفاوي شايفو ما قاعد يفرز بين الرجال و النساء كلهم (يقول) ما مشكلة.. هههههههه..!!

    تسلم يا ابو ابراهيم

  27. ودالفتيحاب كتب:

    مبروك كل أخواننا وأخواتنا في الداخل والخارج الشهر الفضيل ونسأل الله أن يعننا علي قيامه وصيامه ، ومبروك علي تغيير الصورة ومشكور صاحب الجهد جعله الله في ميزان حسناتك .

  28. التلب كتب:

    100% استرايكر, الثيم فعلا جميل. رمضان كريم.

  29. أحمد الفاضل كتب:

    تحياتي للجميع وتصوموا وتفطروا بألف خير يا أهلنا

  30. elturkey كتب:

    التغير شئ جميل تشكر يااسترايكر بس اللون مالو زى الغامق شويتين كدى

  31. حاج أحمد السلاوى كتب:

    ولدنا سترايكر ..
    نحن مع رياح التغيير حيثما كانت وحلت ..وضد الملل .زأينما وجد ..
    بس لاكين اديها حبة لون بدل الغباش دا..بلدنا مغبشة ..ونا سها زاااتهم مغبشين وإسمهم الغُبش ..
    والله أنا عارف إنك ما ممكن ترضى كل الأذواق …بس زيدها حبة لون ..
    وربنا يديك العافية ..ويخلى ليك ابراهيم .

  32. حاج أحمد السلاوى كتب:

    ولدنا إسترايكر ..
    زى ما قلت ليك قبال دا نحن مع رياح التغيير حيثما كانت أو حلت ..وإرضاء كل المدونين ديل مسالة اسهل منها عمل كبرى رايح جايى بين جدة وبورتسودان..لاكين أنا غايتو طششتا عدييييييل كدة والنضارة لازم تتغير وبقت أتخن من قعر الكباية ..الغباش دا ما فى طريقة نديهو حبة لون سغيروووونةكدا ؟..
    وعشان نكون منصفين حقو تعمل إستفتاء وتشوف رأى الأغلبية ( الأغلبية الصامتة ما معانا ) ونحنا معاهم حتى أكان قالوا الوضع الحالى حلو ..مش نحنا بلد ديموقراطى عالآخر ..ورئيسنا منتخب ؟
    إنتفقنا ؟؟؟؟؟؟؟؟؟

  33. اها يا حاج السلاوى – قمنا بعمل تغيير فى اللوك – انشاء الله يكون احسن من الفات.
    فى انتظار راى بقية الاخوة.

  34. سماسم كتب:

    التحية لك استرايكر ورمضان كريم
    حلوة… واضحة… لكن كان تخلي ترويسة رمضان لزوم الشهر الفضيل وتغيرها بعد رمضان بإذن الله

  35. ياسين شمباتى كتب:

    والله انا لما قلت اظنى كتبت لنك غلط!! غايتو انا نضارتى بغيرها مع ابوى السلاوى!!!

  36. DAKEEN كتب:

    الوردي احلي و وردي احلى ،، وشكله الالوان دي فيها نفس عواطف ،،، اعترفوا العمل الالوان منو ،، ولا كاميرة الدكتور تجيب لينا الشمار .

  37. التلب كتب:

    سلام للكل
    سلام خاص للأخ استرايكر
    بصراحة يا استرايكر أنا في تقديري الثيم القديم أجمل.
    اخوك عنده حساسية مع اللون الpink (معليش ياDakeen حب الألوان مذاهب)و في النهاية زي ما قال حاج السلاوي من الصعب ارضاء كل الأذواق و مشكور على الاجتهاد.

  38. زووووووول كتب:

    الاخوه اعضا المدونه
    عندى اقتراح سغنتونى وهو اضافة حاجه كدا نسميها الكرسى الساخن يجلس عليه احد الاعضاء ثم يجيب على اسئلة اخوانه وقد شاهدت هذا فى بعض المنتديات ووجدته رائعا جدا لانه يساعد فى تواصل الاعضاء مع بعضهم كما انه يرفه على الناس شويتين واحتمال يكون سبب ترجع بيهو مدونتنا لعهدها الزمااااان داك . بالاضافه لانه يزيد من معرفة الاعضاء لبعضهم البعض . دا راى انا اهااااااااا رايكم انتو شنوو ؟؟

  39. ياسين شمباتى كتب:

    الحبيب زووووول..سلامات..
    اوافقك تماما..

  40. عندكم محن لكن

    لكن برضو مافى مشكلة – غالى والطلب رخيص.

  41. مُخير كتب:

    الحلوين سلام
    آآآآآزووووووول سلام
    أنا أثني وأقترح أن نبدأ بالفاتح جبرا ثم استرايكر ونثلث بالزول السمح سخسياً

  42. زووووووول كتب:

    سلام لشمباتى وسترايكر والمخير وما مسير
    اشكر تجاوبكم مع الفكره واتمنى ان ترى النور قريبا لنرى عمنا جبرا وهو يتململ على الكرسى الساخن ومن بعده اخونا سترايكر لانو بصراحه كدا نحن فى المدونه دى قدااام واقدم من الكسره زاتو لكن مع كدا فى ناس ما بنعرف اسمائهم الحقيقيه وفى واحدين كمان ما بعرفوا الا الزووول ابو سبعه واوات . اتمنى ان يكون الكرسى ظاهرا اعلى الصفحه مثل الافراح والاقتراحات وغيرها وان تكون فيه صفحه للترشيح للجلوس عليه وان يكون التصويت مره واحده فقط للعضو كل اسبوع (وهى فترة البقاء على الكرسى فى المنتديات التى شاهدت فيها هذه الفكره ) . والان اترك الكره فى ملعب الاخ محمد سترايكر فهو الاقدر على تطويع الكره .

  43. ابكرون كتب:

    ال زوووووووووووول السمح :
    والله مشتاقين (اثلث) الفكرة وبالله يوم تجلس ال نونو علي الكرسي كلموني …….
    انا غايتو عندي بواسير (مبوسر) اعفوني….هههههههههههههه

  44. elturkey كتب:

    الرائع زو(7)ل لك لاتحايا ومادام انت التالت موافق برضو … أبكرون ماتخاف السلاوى بتوصية من دكتور شمباتى ح يرسلو ليك مخدة خاصة تقعد عليها وأكيد ح تكون الرابع … رأيكم شنو نبدأ من أول أسبوع فى السنة الجديدة ؟ وكمان نخليها أسبوع زميل واسبوع زميلة … لزوم التنويع يعنى

  45. ياسين شمباتى كتب:

    سلام يا احباب..
    زوووووول..خلاس اتورطت فى التالت دى,,انكرب..

    ابكرون..بقينا للزى دا !؟؟ قبلك وحدك..

    التركى..اهااااااا,,قمت للتنويع خلاص؟؟

  46. nono كتب:

    سلام زووووووول ابو سبعة واووووات اقتراح جميل……

    يازوووول بالله الكرسي دة لمن يمر علينا نحنوووو القوااااااااااااااااااارير مايكون ساااااااااااااااخن شديد

    خففو العيااااااااااااااااااااااار حبتين رفقا بنااااا ؟

    كسرة بااااااااااااااااااايته وناااااااااااااااااااشفة في نفس الوقت

    اولا تبداء بي نااااااااااااس المواسير ……….اقصد البواسير عشان مايرجوو الصف…

  47. زووووووول كتب:

    اوافق بشده على اقتراح التركى بتاع مره زول ومره زوله
    واوافق على ان اكون الزول التالت .احسب عندك على الاقل زولين وزولتين وانا الخامس ) .
    ويا ابكرون فى مقاعد بتاأة بتاأه .

  48. زووووووول كتب:

    اول زول ابكرون
    اول زوله نوووونووووو
    مجرد اقتراح

  49. ياسين شمباتى كتب:

    كدى النخلص من التلاتة الاوئل بعدداك نقبل على الترتيب,,بلا تخرّت معاك يا زوووووووووول!!

  50. ابكرون كتب:

    انا مؤترد

  51. nono كتب:

    انا………………..

    اثنيييييييييييييييييييييييييييييييييييي؟؟؟

  52. nono كتب:

    ناااااااااااااااااااس كليل؟

    ديل ….يمشووو… يتمردوووو؟

  53. عباس ركس كتب:

    سلام :
    يا اخوانا شمباتي دا قال هو مستعجل شوية , ما تسمحوا ليه يخش قدام !!!!

  54. ياسين شمباتى كتب:

    ركس..
    دا شنو دا !؟؟ انا مستعجل ماشى وين؟؟شكيك محنك وهركاتك !! بلاقيك فى الزقاق بتاع يومداك..ههههههههههههههههههه..

  55. abushagrod2 كتب:

    http://abushagrod2.wordpress.com/2010/12/15/%D8%B2%D9%88%D9%84-%D8%AF%D8%A7%D9%82%D8%B3/

    الأخوة المدوناتية تحية طيبة
    بعد أن لم نجد طريقة للدخول لعمل مدونة منفصلة وبعد أن بقيت زي كورة التنس بين حاج السلاوي مساه الله بالخير وأخونا إسترايكر جزاه الله عنا كل خير
    أعتقد أني زول داقس وعشان كده المدونة الفوق دي أقروها براكم وكان عجبتكم عمموها للفائدة وإن لم تكن كذلك فتجاهلوها وأكرر تحياتي للجمع الممتع
    أبو شقرود

  56. ودالخلا كتب:

    سلام يا قبيلة
    صديقي أبوشقرود رد الله غربتك وأعادك لبلدك سالما” غانما” غير مدقوس ولا ملحوس، والأخيرة يعرفها سديقي أسد الخلا الورور فهي مرادفة لتلك الكلمة دقس فأتلحس، وهي تطلق لمن شاكلته مثل ما أوصفت في مقالك الرائع زول داقس، واظنها ظهرت للوجود بين الدياشة وهي تطلق علي أولئك النفر الذين يغفلون عن مهامهم العسكرية أو اماكنهم فيغفلون عنها فتصيبهم الجائحة فيطلقون عليه دقس وأتلحس…
    مقالك ياصديقي رائع وأتمني لو أعدت نشره ههنا، وأري أنك تتمتع بملكات كتابة درامية عالية المستوي والأسلوب، وفقك الله..

  57. try to log to sudanona, same as you log to ur site.

  58. مواضيع ثرة و رائعة..يا ريت ان تشاركي معنا في نشاطات شبكة مدونون سودانيون بلا حدود و تضيف مدونتكم الي دليل المدونات السودانية
    كل التحية لكم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s