خندقاوى فى الخرطوم

Posted: الأربعاء,3 ديسمبر, 2008 by استرايكر in إجتماعية

يحل بيننا هذه الايام قادما من مقر عمله بالمملكة العربية السعودية – الشاب العزيز خندقاوى  ونتمنى له اقامة طيبة بين اهله واحبائه وجار الترتيب للاحتفاء به….

 

Advertisements
تعليقات
  1. aflaiga كتب:

    ولدنا ستريكر : التحيه لك وانت تستقبل وتودع ساى فى الناس السمحين ديل …
    خندقاوى : منور البلد وحبابك حبابك ..
    شباب : سيكون استقبال الاخ خندقاوى فى قعدة شاى مغربيه سميحه بمنزل الحاتمى ود الخلا ببحرى خلال اليومين القادمين .
    كسره : يحتفل المدونجيه بالعاصمه وعلى راسهم الاستاذ الفاتح يوسف جبرا باستقبال الاكارم زملاء الاكرم الدكتور الانسان / صالح .. وذلك فى احتفائيه خاصه سيتم الترتيب لها متزامنة مع استقبال الاخ خندقاوى ..

  2. مشاكل كتب:

    الاخ خندقاوي
    مرحب بيك و انت جاي تعيد في بلدك
    و ياااا حليلك يا اخوي الكاشف ( شمباتي هاهاهاهاها )
    قلت لي شنو
    مشغووول و ما فاضي
    الله ليك و الله لي

  3. neiam كتب:

    خندقاوي:
    حللت اهلا و نزلت سهلا .. وكل عيد و انت بخير..ان شاء الله البلد مرحبة بيكم..

  4. حاج أحمد السلاوى كتب:

    ولدنا … عمر ود الخندقاوى.. سلام
    جيتنا..وما لاقيناك ..وسافرت وما لاقيناك ..وجيت الخرطوم وما لاقيناك..وبرضو ما لاقيناك ….ومشتاقين لسماع صوتك …نتمنى لك طيب الإقامة مع الشباب الحلوين ديل ..وكل عام والجميع بألف خير .
    معلومة صغيرة كدة .. أخوك شمباتى قرَب شوية للمدنية .ز أمس قال لى إنو نقلوه قرية أسمها ” الفوارة ” .. يطرشنى ما سمعت بيها .. قال تبعد 70 كلم…. بس عن جدة … برضو قريبة .. وما بعيدة.. ربنا يرد غربته البعيدة …وهو بيسلم عليكم كووووووووولكم زول زول..ومشتاق ليكم كتيييييييييييييير .
    خليتكم بعافية .. وما تقطعوا الجوابات.

  5. الغبشة كتب:

    خندقاوى:حمداً لله على سلامتك,وان شاء الله تكون اجازة طيبة ومريحة وتكون لقيت الاهل بخير,بتمنى ليك اقامة طيبة.شايف كيف الناس بتحيك تزامناً مع بوست اطوار الحب 12 واعكس الارقام21طور حب من المدونة واهلها يقابلوك بيهم وكل سنة وانت وكل افراد المدونة بالف خير.

    حاج السلاوى:تحية صباحية ليك,وان شاء الله دائمأً اخبارك طيبة.

  6. ابكرون كتب:

    العزيز خندقاوي حمد الله علي سلامة الوصول ومرحبتين وشكرا علي الاتصال الذي اسعدني والشكر للجوكر والمايسترو افليقا علي الربط بين الاخوان
    وتحياتي ويا هلا

  7. مشاكل كتب:

    سلامز

    يا حاج السلاوي
    شمباتي دا شغالين بيهو كعب داير ولا شنو
    الزول دا ما خلا ليهو قرية ولا اي عيلتين فتحو اوضة و صالون و هو ما دخل بينهم
    و الله يحنن
    هيااااااااااااع هاااااااااع هاااااع

    شمباتي
    عليك بالصبر و الموية الباردة
    ولا كمان ماف تلاجات مبردات
    غايتو حالتك تحنن الكافر
    دي دايرة ليها جيه في البيت الصغنن شديييييييد

    منتظرك

  8. د.ياسين شمباتى كتب:

    خندقاوى..حمدالله على سلامة الوصول بين الاهل والاحباب..وما تزوغ زى صاحبك خالد مدنى..

    معلومة اضافية..اخونا خندقاوى احتمال كبير يتمم عرسو فى مقبل الايام!!! وعقبال كل العزابة..

    مشاكل…كتر خيرك يا اخوى,,شماتة شديدة!!!! موعدنا بعدين باذن الله..

  9. ودالزبير كتب:

    عمر الخندقاوي
    بعد أن سا محناك على ما فعلته بنا … يعني معقوله تمر ببورسودان وتقد أسبوع وما تتصل ولا تقول عووووووك ولا يا أبو مرؤه المهم يا زول سماح والجايات أكتر من الرايحات … مرحب بيك بين أهلك وعشيرتك وعزوتك ونتمنى أن ترحب بيك البلد والحمد لله جيت في عيد لا فيهو نزفيه لا طاقيه … أشوي وألك ساااااكت .. وربنا يتمم بخير .

  10. سهيل كتب:

    أهلآ و سهلآ أخونا خندقاوي.. شنو يا معلم دافن دقن من قولة تيت.. إنت ما مرخص و لا شنو ؟ أقول ليك جاجه.. أرجع تاني بورسودان و كان ما أخدت تصريح من ود الزبير نحن هنا بنقطعك أيصال…

    يا أفليقا إنت متأكد إنو صاحبك دا ما عرس لسه؟؟؟ يكون عملها كتامي زي جيتو..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s