ِضمنّا العشا في سيدي بيه

Posted: الجمعة,26 ديسمبر, 2008 by عزت in اخرى

في امسية  ضمت الأعمى شايل المكسر بالاضافة للفيف من المدعوين تم افتتاح مشروع (ناس ود الزبير) الحضاري (أكلوا و أشربوا) تحت شعار (لنا التميز و لكم الاختيار) في مبنى ضخم في تقاطع (عبيد ختم) مع (البلابل) فعلا سوف يضيف للعاصمة الخمسة نجوم (البنحلم بيها طوالي) … التحية للقائمين على أمر (سيدي بيه) و عقبال الفرع المية…

 

imgp1498_edited

منتهى الدبلوماسية ضم المطعم اللونين (الأزرق) و (الأصفر) و ان كان الأزرق طاغي شوية

imgp1499_editedكما ضم اللابس بلدي (خالد مدني) و القاشر بالأفرنجي (ود الزبير) مش مدير !!!

imgp1506_editedو ضم اللابس عمة (عزت) و اللابس بدلة (الفاتح)

imgp1503_editedو ضم الأطفال

imgp1504_editedو كمان الشباب (عصمت) و (اسراء عزت)

imgp1502_edited1كما ضم الأسر

imgp1501_editedو المهمومين (بتسيير) المطعم و (سير) مباراة الوحدات و المريخ

imgp1508_editedو للناس الما حضروا الافتتاح (مدوا ايدكم) ……………………………….

Advertisements
تعليقات
  1. مشاكل كتب:

    سلامز

    شنو الخيانات الحاصلة دي يا دكتور

  2. salih كتب:

    العمدة ود الزبير
    سلام
    مبارك، مبارك والله حاجه ما شاء الله تبارك الله ، بارك الله لكم في درهمكم وديناركم وجنيهكم و رزقكم من حلاله و كما قال د. عزت عقبال الفرع البعد المائة فقط اخي لا تنسوا الفقراء و ـ المعلمين الله ـ اذا مروا عليكم … ومبارك.

  3. حاج أحمد السلاوى كتب:

    أخونا ودالزبير …وكل القبيلة … سلام
    نبارك لكم الإفتتاح الكبير ولو إننا ما كنا عارفين الحاصل شنو إلا اليوم ..ربنا يبارك لكم ما قمتم به وزى ما قال أخونا الدكتور صالح ( وإنت ما داير ليك وصية يا ودالزبير ) لا تنسى أخوانك من المساكين والتعابة والغلابة الفقراء..عشان تزيد البركة..وأهم حاجة ربنا يكفيك شر ناس الجبايات بكل أنواعها المتسربلين بكل لون وكل مذهب .. وربنا يكفيك شر الحاسدين والراصدين .. يا رب ..يا قادر …يا كريم .

  4. التلب كتب:

    الأخ ود الزبير
    مبارك مبارك مبارك و إنشاء الله يكون حقنا محفوظ

  5. BakriMusa كتب:

    مبارك مبارك ود الزبير .. بس الاسم (سيدى بيه )عايز شرح شويه ..انا خيالي سرح بعيد لناس( سي دي ) ولا شنو يا جماعه..؟ ويا عبدوش (بوشك) الا تاكلو برااااك ..

  6. ودالزبير كتب:

    العزيز والانيق عزت والشباب الكرام
    نشكركم على تشريفكم لنا ونشكرمن أتصل أو أمسج مهنئاً ونعتذر بشده عن تقصيرنا فيتقديم واجب الضيافه ونخص بالإعتذار الدكتور عزت وأسرته والأخ خالد مدني وأسرته والأستاذ الفاتح جبرا وأسرته وأخوانا زوووووووول وودالمهدي ولكل من نحضر ولم نتمكن من لقائه ونأمل أن تشرفونا بزيارتكم الكريمه في أي وقت ( وأهو برضو قرشين حلوين )

    وبالجد الزول كان فاقدكنم جداً على الشهر الماضي وإنشاء الله نروق شويه ونرجع تاني زي ما كنا في الأول والسلللللللللللللللللللللللللللام

  7. د.ياسين شمباتى كتب:

    ود الزبير..مبارك المحل وربنا يجعلو فاتحة خير ويرزقك منو الحلال ويعمرو دايما..

    والله لو اديتنى خبر من بدرى ما كان جيت السعودية لانى عندى فكرة كويسة فى ادارة المطاعم..

  8. البشاوى كتب:

    ودالزبير
    بارك الله لك فى سيدى بيه ورزقك منه حلالا وجعلك قويا لتدير من بعده افرعا كثيرة
    باذن الواحد الاحد اااااااااااامين يارب

  9. سهيل كتب:

    حبيبنا مصطفى (سبعه) 1000 مبروك.. و دايمآ عامرين.. السنه الجايه إنشاءالله حتعمل نيو لووك ( سبعه) نجوم و نخليهو أبيض و أزرق بسسسسسسسسس

  10. ابكرون كتب:

    الف مبروووووك
    والله فغلا خيانه يا مشاااكل نحن في البلاد ومافي زول قال ….
    تصور اليوم جيت ماري امامه ولفت نظري لو قايلو (هولنا )
    كان نزلت وباركت علي الهواء مباشرة

  11. علي سنكل كتب:

    ألف مبروك يا ود الزبير وعقبال فرع سيدي بيه – فرع ود مدني – وربنا يجعل ليك من خلاله فتح مبين إنشاء الله.

  12. نيام كتب:

    مبروك يا ود الزبير لكن الفيك اتعرفت..
    انا مظلوم و الله يا بيه
    موش معزوم في سيدي بيه
    شوف ناس عزت و شوف ناس مين
    داخلين شاربين طالعين ماكلين
    مافيش حد و لا المعازيم
    سال لو مرة عن التانين
    انا رايح غزة
    يا ادروب ما تقولي تعال
    هو انا لو اعرف كان موال
    بس قولي يا بيه
    فين سيدي بيه
    انا رايح غزة

  13. محنك كتب:

    السيد ودالزبير كبير مستثمرى المدونة

    مبروك نتمنى لكم النجاح والتميز واكد تمام كل اهل مدونتكم لابد يزوروكم فى هذا المكان المتميز ، بس انا فى اجازتى حا اتجى غموتتتتى للمطعم مع الاهل
    ( معليش تشمل الزوجة والاولاد بلغة اهل الخليخ ) اتاثرنا بهم كتير وابيت اغيرها بعد طلعت

  14. مُخير كتب:

    العزيز ود الزبير
    ألف مبروك وبارك الله لك في رزقك ورزقك رزقاً حلالاً طيباً من غير تعب ولا مشقة، وده معناهو العودة إلى القواعد من الثغر الباسم ولا استثمار جانبي ؟؟
    يا سيدي بيه الله يزيد ويبارك
    سلام

  15. حنين كتب:

    الاخ ود الزبير والدكتور الموثقاتى المرطب وباقى الشلة .
    سلام والف مبروك إفتتاح المحل ياود الزبير وإنشاء الله ربنا يجعلو عليك قدم خير .
    كل التحايا لعمنا شاعر المدونة نيام اللوام …

  16. aflaiga كتب:

    اسى يا عزت يا معلم : داير افليقا يجى كيف يعنى ؟؟ لا عندو زى بدلة البروف ولا جلابية خالد مدنى !!!
    طبعا دى حجج ساكت لانو اليوم داك بالذات حالت سمسمه دون الحضور فقد تم اعتقال افليقا فى حفلة البلابل بينما الشباب فى محطة البلابل باركويت !!!
    يعنى انتو مشيتو ليهم فى محطتم ونحنا فى حفلتم !!!
    وقدر ما الواحد حاول يخفى نفسو اليوم داك فى نادى الضباط الا ان مصادر عليمه قد سربت النبا لستريكر ومنه مشكورا لباقى الجماعه …
    الحمد لله انو المعاى طلعت سمسمه ودى رساله قويه بانو الواحد بعد ده يعمل حسابو وما يسوق غير سمسمتو !!!
    التحيه لود الزبير الذى غزا الخرطوم فى عقر اركويتها ونتمنى ان يكون المحل فاتحة خير ورزق حلال طيب باذن الله وهنيئا لسيدى بيه بولدنا ود الزبير فهو كالغيث اينما حل نفع …

  17. خالد عثمان كتب:

    السلام عليكم ورحمة الله وبركاته
    سلام للجميع
    تحية خاصة للاخ مصطفي الزبير والف مبروك وبارك الله لكم

    المدة طالت بس نحنا دفعة في مدرسة البحر الاحمر الثانوية
    اخوك خالد

  18. ودالزبير كتب:

    أخونا خالد عثمان الدفعه في الثانوي
    كيفك وأخبارك وين الدنيا بيك يا راجل بالله خليك مع الناس الحلوه دي وما تغيب مننا تاني ..
    خالد مش كنت في السعوديه ولا داك خالد تاني

  19. الف مبروك يا مصطفى وربنا يوفق

  20. alsham كتب:

    سلام
    ياني ذاتي
    في السعودية ولازلت كنت في السودان من عيد الفطر لحدي بعد الاضحي ورجعت

  21. الزهراء كتب:

    الاخ مهيار
    ايه الكلام العجيب الانت كاتبو ده
    بطة شنو؟ ودا ما محل تعليقات سلبيه عندك كلام ايجابي قولوا ما عندك احتفظ بملاحظاتك لنفسك

  22. د.ياسين شمباتى كتب:

    الزهراء..حابس حابس..اسه مهيار هنا وين!!؟؟ والله دا الا (شهيار)..يا الفكى (مورتن) الحقنا..

  23. ابكرون كتب:

    الزهراء انا برضو زي شمباتي جيت (متأبطا شرا) وفكيت زرار (قبور )-جراب- طبنجتي وداير احصل استغاثة بتنا…….. لكن لقيت اخر تعليق قبل بتنا كان في يناير 2009 من المدون الشام …وقلته مهيار ده شنو؟؟؟؟

  24. حاج أحمد السلاوى كتب:

    بنتنا الزهراء … سلام
    كدى أول حاجة ورينا مهيار كتب شنو ؟ ووين ؟ وبعد داك خلى الباقى على الصعايدة الكتبوا قبلى ديل ..لأنو زى ما قلتى دا محل تعليقات سلبية وهايفة.. وكوووولنا ما بنقبل المساس بأى فرد أو عضو من المجموعة.. خصوصاً من زول لسه الناس ما عرفوهو …هو منو ..وموقعه الجغرافى وين !
    بس سؤال سغيرووووونى كدا .. أمبارح إتعشيتى بشنو ؟تعليقك مكتوب الساعة إتنين ألا ربع صباحاً صباح الجمعة ( اليوم ).
    وجمعة مباركة للجميع .

  25. الزهراء كتب:

    الاخوه الاكارم
    انا بالصدفه دخلت ولقيت تعليق غريب من مهيار وكلامو ما عجبني لكن الظاهر الادمن بتاعنا سحب التعليق
    وحقيقه مارضيت عشان كده رديت ليه فورا وياؤيت الادمن يسحب تعليقي ما دام بقى مافي زول يشاكلوه

  26. حاج أحمد السلاوى كتب:

    كتر خيرك .. يا استرايكر .. مشكور على سحب التعليق ..بس كنا عاوزين نعرف مهيار دا زاااااتو منو .. على أى حال حصل خير .

  27. الزهراء كتب:

    ابوي السلاوي

    كتر خيرك والله
    لكن الولد غاظني شديد وماقدرت امسك كلامي للصباح لكن بينا الايميل يا حاج

    شمباتي

    قايلني نونو تنده لي في الفكي- وينك يا راجل ان شاء الله بخير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s