زيدني في نيراني……وشماعة البترول

Posted: الجمعة,9 يناير, 2009 by ابكرون in إقتصادية

حاضر يا بشار :بس خلونا شويه في هم الوطن وبلاويه المدروعه فيه….واهو وزير الماليه يبشر مع بداية العام محمد احمد وعيالو بان يتعصر اكتر ويجهز آخر نقطه في دمه

 

فلنقرأ ماذا يخطط للمواطن المسكين….

      تقول الاخبار المحلية : تمسكت وزارة المالية بان تكون الضرائب في مقدمة الآليات لسد العجز الناتج من انخاض أسعار البترول الذي تراجع الى الثلاثين دولاراً فيما كانت مقترحات الموازنة لسعره بين (45 –50) دولاراً للبرميل مؤكدة عزمها مواجهة التحدي وتفعيل الموارد الاحتياطية كافة من الجمارك، المعادن ،الثروة الحيوانية ، الزراعية والصناعية .
وقال وزير المالية والاقتصاد الوطني في خاتمة اجتماعات المجلس الاداري للمديرين العامين بديوان الضرائب الذي يجيء تحت شعار (بزيادة الايرادات الضرائبية نعبر الأزمة المالية) أمس ان ديوان الضرائب مسؤول عن التحصيل والبحث عن أي “قرش أوفلس بالطريقة القانونية والمحددة”، باعتباره مؤتمن على مال وأسرار الناس وحماية الدولة محذرا المسؤولين في الديوان من الوقوع في فتن المال والرضوخ للتهديدات أو الاغراءات .
وكانت من ابرز التوصيات التي خرج بها الاجتماع في دورته الثالثة زيادة الايرادات الضريبية عبر توسعة المظلة الضريبية .مذكرا أنه عندما انعمنا الله بالبترول ارتفعت “النقة” عن أموال البترول وأين تذهب وتابع (وقلت لهم حينها كثرة النقة تطير النعمة .. وراحت النعمة الى حين وربنا يردها لنا أفضل مما كانت عليه).
مشيرا الى نية الديوان ارجاع ضريبة القطاع التجاري والصناعي الى (15%) بدلاً عن (10%) في الميزانيات اللاحقة ……
 …بالله عليكم لو جمع السيد الوزير ربع العربات الحكوميه  بالعاصمة فقط خليك من الاقاليم وما يصرف عليها من وقود والغي مخصصات الوزراء المركزيين والولائيين وخلاهم علي الرواتب فقط مش كان وفر ميزانيات 5 سنوات لقدام

 

Advertisements
تعليقات
  1. ابكرون كتب:

    عزيزنا استرايكر العريس القديم :
    ياخ وحياتك نزول 5 مواضيع دفعه واحده يوم الجمعه او اي يوم مش شي كتير علي القراء
    يكفي 2 مثلا لكل يوم …عشان الناس تقرأ ….وما اظن في زول مستعجل من الزملاء المدونيين كاتبي المواضيع …….مجرد رأي ارجو ان يجد القبول مع شكري وتحياتي

  2. حاج أحمد السلاوى كتب:

    ابكرون .. سلام
    نوافقك الرأى أن أكثر من موضوعين فى اليوم قد يربك السادة المدونون جميعا … ونامل من السيد مدير الإدارة العامة للمدونة ولدنا سترايكر تنزيل المواضيع حسب توافقها مع الحدث المرتبط بالموضوع المطروح ..وهكذا حتى يتسنى للإخوة المشاركة والتعليق ..
    أما بالنسبة لموضوع الضرائب وما أدراك ما الضرائب .. ناس دولة أمازونيا ديل أمرهم عجيب وغريب ..زمان وكتين البترول كان سعرو عالى ما عرفنا قروشو راحت وين.. وانصرفت فى شنو .. وحسة وكتين الأسعار نزلت رجعوا تانى لمحمد أحمد المسكين يطالبوه بالمساعدة فى الإيرادات ..ككيف الكلام دة ؟ وهذا يعنى شدوا حيلكم يا المغتربين للمساهمة الإلزامية ( مساهمة ..وإلزامية .. شفت كيف ؟) والتحويل الإلزامى ودمغة السلام ودمغة الشهيد والجريح والذبيح والمسلوخ والذى منه ويدخلوا ليكم بالكلام المعسول بتاع حق الوطن الأم والوطنية وهلمجرا ..غايتو النشوف آخرته شنو !!

  3. بشار أحمد بشار (إبن برد) كتب:

    عزيزي أبكرون : أوافقك وأوافق أخانا السلاوي الرأي بأن يقوم ابننا استرايكر (بترويق المانجو) والتمهل في نشر مواضيع المدونيين عشان (نفسنا ما يقوم من المساكاكا) بعدين أنت منتظر شنو من وزير المالية؟؟؟ يعني ينحت مخو ويفكر ليك في بدائل تانية والحيطة القصيرة قاعدة ولصوص الإبل لا يسرقون الدجاج .

  4. البشاوى كتب:

    اخونا العزيز ابكرون
    السمار سلام
    السؤال القديم الجديد وين قروش البترول ؟ ينطبق على كل القروش اللاماها
    الحكومة وبعدين فترنا من قصة التوسيع دى توسيع مظلة الضرائب وتوسيع
    الرقعة الزراعية وتوسيع مظلة التأمين الصحى وتوسيع الشنو مابعرفو داك لامن ————————————————————————————- ذاتو –
    بعدين ياأبكرون الشركات خارج مظلة الضرائب هى شركات مملوكة لاهل الحكم
    افرادا ووزارات واجهزة امنية مين يقدر يدخلا المظلة دى؟ والبيحاول اكيد حيعملو ليهو مظلة فى محطة بص قريبة لى بيتو ويعملو ليهو دورة رياضية –

  5. salih كتب:

    العم ابكرون
    سلام
    هو البترول دا لامن يبيعوهو مُش ببيعوهو بسعر ثابت لمدة كم شهر او كم سنة لي قدام؟ يعني وكتين كان تمنه 150$ ما اتعاقدوا مع المشترين لفترات طويلة؟

    بعدين الناس ما فضل ليهم شئ يدفعوهو للضرائب لان الناس كلها تحت خط الفقر!
    كان يكون منطقي لو قالوا بزيادة الضرائب علي اصحاب الاموال الكبيرة اما الغالبية فهم من مستحقي الزكاة والصدقات!

  6. ابكرون كتب:

    بشار : قلته لي مخو شنو ينحتو……آآآآآآخ يا مخ
    البيشاوي : اكيد التحت المظله شركتك وشركة عباس ومحمد احمد ….لكن شركاتهم محلقه فوق وما بتنزل الا بمظله ….
    د.صالح : عارف هو فعلا اتباع ب 150 دولار للبرميل وقت الزروه وكل الفرق بين 30 دولار و150 وباثر رجعي في الجيوب ولبحبوحة العيال والاسر بتاعتهم في كلفورنيا وماليزيا وبناء مجمعات في دبي …….(طبعا سمعتو بالاشتري منهم 30 فيلا في مجمع راقي وغالي جدا في دبي وطلب المزيد ….!!!!!)
    سلولو : هو فضل فيها مغتربين المغتربين في السودان وانت هنا في الغربة مسكيييييييييين

  7. لمن الوزير يلم العربات…الخضار يجيبوه كيف البيت، والآولاد يتعلموا السواقة وين يا أبكرون …هي بقت على السيارات الحكومية لا… لا كدي شوف ليك مورد آخر لتدعيم الخزينة…

    طبعا يا حبايب الحكومة هي أكبر ممول للحركة التجارية في السوق..عشان كدا دائما ما يكون هناك تقاطع مصالح…

    فقطاع السيارات الحكومية يمول عدد من الشركات التي تستورد، الاسبيرات، القراشات و مسئولى العلاقات العامة و رئيس السواقين و حاشيته و غسالين العربات دا غير الموطفين الكبار و السغار القاعدين يوفروا سياراتهم و شغالين بالحكومية

  8. nono كتب:

    شكراً جزيلاً

    للأمل وسط السراب

    لي حُراب

    ناساً قراب

    للعذاب

    في كُلِّ باب.

    للمَحكّات العجيبه

    والمشاوير الغريبه.

    لي تمن

    عِشْق الوطن

    جمرِ الضريبه.

  9. حاج أحمد السلاوى كتب:

    ابكرون .. حتى قدر العدد القليل الفضل من المغتربين حيرجعوا عليهم الضرائب مضاعفة طبعن عشان يعوضوا الفرق …بل حتى المغتربين الرجعوا زااااااتهم ما حيخلوهم وحيطالبوهم بأثر رجعى كمان… إنت إسمك مكتوب ؟ طييييب !!!!الناس ديل صعبين خلاس !!!!

  10. ودالزبير كتب:

    أبكرون ثرو جميع الأحباب
    عذراً للإنقطاع الأختياري خلال الفتره السابقه لظروف عمليه قاهره ( المعز ) المهم فيما يختص بحركه تنظيم السير داخل المدونه فولدنا إسترايكر لا يستطيع أن يفعل الكثير فأغلبنا يملك باسورد يمكنه من الدخول وإنزال الموضوع مباشره دون المرور على مقص الرقيب مما يعني إننا أولى بعمل تنظيم داخلي لحركه الكتابه وممكن نعمل نشره زي بتاعت ناس إذاعه الرابعه حول حركه السير في الخرطوم يعني الزول لو لقي كم موضوع فاتح ممكن يفرمل شويه لحدي ما يأخدوا حقهم من النقاش وبعدين يخش بموضوعه وناس العربات الكبيره الذين حافظوا على إيقاد هذه الشمعه هذه فرصه لأشد على أياديهم وأحييهم على مجهودهم والزول ما بيشكروه على وأجبه …..

    يا ناس الحله ودالزبير جااااااااااااااااااااااااااااااااااااااااااااااااكم

  11. نيام كتب:

    ابكرون:
    حمدلله بسلامة العودة .. البطرول دا زمان لمان كان 150 دورار قالو تاني مرة ما تجيبو سيرتو .. وقالو لينا اتفضلوا شوفو شغلكم .. وقمنا مشينا قعدنا تحت النيمة نشخت في التراب و نبزق في الصعوط .. هسع مالهم تاني جابو سيرة البحر .. المرة دي خليهم يمشو هم للنيمة و لا يمشو الماسورة ايهما ابرد..

  12. ابكرون كتب:

    عزت :والله صدقت انت عارف المورد الرئيسي لعربات الحكومه المركزية وحكومات الولايات منو …..ظجيب اضانك (وشوش وشوش …شفته ما قلته ليك هو ذلتو)
    ود الزبير : انا لسه جعان اقصد زعلان من طناش سيدي منصور (بيه ):
    الله الله يا بابا …….(بابا حسين)
    وسلام عليك يا بابا
    سيدي منصور يا بابا
    ونجيك نزور يا بابا
    نونو : طبعا في علاقة (طردية) بين المحكات العجيبة والمشاوير الغريبة…وعلاقة (عكسية) بين عشق الوطن وجمر الضريبه…واذا اقحمنا الاتنين تفاضليا وتكامليا…الناتج ناسا قراب للعذاب….وحياتك انا ذاتي ما فاهم حاجه….!!!!!
    نيام : كلم البتعرفو والما بتعرفو….قوليه ما تشتري في دريم لاند ….. عشان ما بقعد يشخت ويعمل (إخ …….تف)

  13. ودالزبير كتب:

    أبكرون
    ليك حق تزعل ويزعل معاك بشار وآخرون والزول زاتو من الزحمه بقي يخش جوه ضفوره المهم زي ماشايف الليله أخوك بره الخرتوم عشان كده قادر يكتب ولو تصدق مقلب العزومه حصل بطريقه عجيبه أخوك يقوم يكتب رساله ويلزها للناس كلها الفي دليل الهاتف وإنت وبشار طبعاً بأرقام بلاد بره وأقوم إعتمد على الود أفليقا القاعد يرسل للناس رسائل فاضيه عشان يبلغ الأحباب والأصحاب يقوم أفليقا ما يقوم بالمهمه وهو زاتو ما جا المهم شركات الإتصال وأفليقا أدخلونا مع الناس في حرج بالغ لا يزيله أي إعتذار .
    لك العتبى وأختها زاتها لمن ترضى .

  14. aflaiga كتب:

    ود الزبير ثرو العزيز ابكرون :
    فى البدء نقدم اعتذارنا عن عدم القيام بمهامنا التى القاها على عاتقنا الحاج السلاوى ونسال الله ان يغفر لنا تفريطنا فى الامانه .
    بعدين انا قلت ليكم سمسمه اليوم داك اعتقلتنى فى حفلة البلابل من باب ( خشها معاى اخير ليك ولى ) !!
    منذ فتره نعانى من سوء التلفونات ( الاجهزة ) والحمد لله اتحلت مؤقتا بعد ان كنا نرسل الرسالة فتصل فاضيه .. حتى شكك البشاوى وقال نيام : انت عاوز تساهر بينا ساى بدون رسائل عرفنا السهر برسائل ولا دى من باب ( سهر المدونون ولا نومم ؟؟ ) ..
    العتبى لكل من نسينا ان ندعوهم لافتتاح سيدى بيه والعتبى لود الزبير عن عدم حضورنا واجاركم الله من الاعتقالات وفق قانون العواطف الوطنى .. ودى رسالة لنواب البرلمان انو يختو القانون ده فى اعتبارم عند تعديل القانون دااك وكدا – لانو ده فى رايى اهم من داااك .. مع انو كلو بين المرء وزوجه !!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s