1 من 3

Posted: الأحد,11 يناير, 2009 by الفاتح جبرا in اخرى

 لو فزت باللوترى ومفروض تمشى تشتغل فى أمريكا تعمل ايه؟

1- توافق وإنت طائر من الفرح
2- ترفض وتقول (أمريكا قد دنا عذابها)

3- إنتو جيبو ليا اللوترى وبعدين أنا ح أوريكم !

 

تفتكر الحكومة عملت أيه فى موضوع المحالين للصالح العام ؟

1- عملت لحمة بالفرن

2- عملت حواجبا

3- عملت نائمة

 

– لو جاتك فرصة تجاهد ضد إسرائيل ح تجاهد مع مين؟

1- ح تجاهد مع حماس

2- ح تجاهد مع فتح

3- كدى خليهم لما يتفقوا أول

 

– الحزب الح يفوز فى الإنتخابات الجاية هو :

1- حزب المؤتمر الوطنى

2- حزب المؤتمر الوطنى

3- حزب المؤتمر الوطنى

 

– الحكومة تعمل مع (الحركة الشريكة) من منطلق :

1- شاورها وخالفا

2- خالفها وشاورا

3- خالفها وخالفها

 

– لن ينصلح حال (الكورة السودانية) ما دام القروش البتنصرف عليها :

1- مجهولة المصدر

2- مجهولة المنبع

3- وإنت مالك حاسد وإلا بغران ؟

 

– المبلغ الطائل الذى تلقاهو (رئيس) أحد الأحزاب (الكانت معارضة) كان فى الحقيقة :

1- جبر ضرر

2- جبر كسر

3- كسر جبر

 

– لو كنت (خريج) ولقيت ليك عقد (راعى) بأحدى دول الخليج :

1- العقد وين وحياة أبوك

2- راعى بتاع شنو؟ إنت جنيت

3- ح أمشى بس ما تكلم زول

 

– ايه احتمال انك تكون (وزير) فى يوم من الأيام؟

1- صفر فى المية

2- زيرو فى الميه

3- مفيش أى إحتمال

 

– هل فى أى أمل نعيش فى (نغنغة)  بعد ما صرنا دولة بترولية ؟

1- ما ظنيتو

2- يعنى أيه (نغنغة) ؟

3- يعنى أيه (امل)؟

 

– هل ح يجى يوم يبقى (التعليم) يبقى مجانن ؟

 

1- تعليم العروس ؟

2- تعليم السواقه؟

3- تقصد ياتو تعليم ؟

 

– إنت عارف إنو المعاش (الشهرى) بيساوى (سبعه كيلو لحمة)؟
1- ما عاش اليقول عليهو كده

2- لحمة ضأن؟

3- مش كويس إنو بيدوكم معاش

 

– – صدق أن عائدات (المخدرات) تفوق عائدات (البترول) ؟

1- أكيد بدون (لف)

2- قطع (شم) –  أقصد قطع شك

3- عائدات شنو؟ هو كمان (عليها) جمارك؟ !

 

– هل تعتقد أن (المظاهرات) و(المسيرات) سوف تحرر فلسطين ؟

1- مليون المية

2- مش بعيد على ربنا

3- ليه لا … بالرموت

 

–       تعتقد لماذاترفض بعض الجهات الحكومية مراجعة حساباتها بواسطة ديوان المراجع العام :

1- بالله هو فى جهات بترفض؟

2- عملا بالقول المأثور ( خلوها مستورة) !

3- هو كمان فى حد بيحاسب الحكومة !

 

–       المعارضة السودانية ينطبق عليها المثل :

1-   إتلما التعيس على خايب الرجا

2-   إتلما الفطيس على خايب الرجا

3-   إتلما الهردبيس على خايب الرجا !

 

– ما هو الدليل فى نظرك على توحد (الجبهه الداخلية) ؟

1- الناس كووولها بتفطر فول

2- الناس كووولها (بتستلف) بعد يوم 5 فى الشهر

3- الناس كووولها بتشجع هلال- مريخ


– تتخيل الموظف الذى يبنى عمارة من ستة طوابق هو فى الأصل أيه؟ :

1- كان مغترب وموظف فى وكت واحد

2- أرزاق يا عم … أرزاق

3- حرامى وإبن ستين الف حرامى

 

– تفتكر لماذا تقطع الكهرباء فى فصبل الشتاء ؟

1- عشان الناس ما محتاجه ليها

2- عشان الجماعه بيستعدو لفصل الصيف

3- أيه الاسئلة البايخة دى؟

 

– تعتقد لماذا توقفت مشاريع (الزواج الجماعى)؟

1- لأنو الناس كووولها عرست

2- لأنو (الحكومة) ما قادرة على (الشيلة)

3- لأنو العزوبية أرحم  

 

– هل ممكن يجى يوم ناكل مما نزرع؟

1- مش ح يجى خالص

2- ومش ممكن ليه؟

3- يعنى أيه ناكل ؟

 

– فى رأئك كم تكلف عملية إستئصال الزائدة الدودية بمستشفى حكومى؟

1- حوالى 750 جنيه !

2- الشاش والحقن منهم ولا منى؟

3- بالقديم ولا بالجديد؟

 

Advertisements
تعليقات
  1. حاج أحمد السلاوى كتب:

    الأخ الفاتح ..وكل القبيلة…
    نوقع فى دفتر الحضور ..ونجيكم راجعين بعد حصة الفطور …ما يكون فى واحد بايت فى الفصل !!

  2. البروف والسمار الكرام
    صباحاتكم فل

    4/ كل ما ورد أعلاه صاح (علامة صاح)

  3. ودالزبير كتب:

    فى رأئك كم تكلف عملية إستئصال الزائدة الدودية بمستشفى حكومى؟

    1- حوالى 750 جنيه !

    2- الشاش والحقن منهم ولا منى؟

    3- بالقديم ولا بالجديد؟

    أستاذ الفاتح صباحك قشطه
    قبل أيام وأنا بمستشفى خاص تفأجت بقائمه أسعار كتلك الموجوده بالمطاعم وصالونات الحلاقه ( شعر ـ دقن ـ صبغه ـ سا ونا وجه ـ ألخ )
    قائمه المستشفى تبدأ بمقابله الطبيب العمومي وبعده الأخصائي ولكلاً سعره . كل ده عادي زي الزبادي لكن المفاجأه كانت في تسعيره خياطه الجروح حيث ورد إن خياطه أول غرزتين بعشره ألف ثم كل غرزه بعد ذلك بعشره ألف بمعنى لو جيت مفولق المستشفى دي وإحتجت لخمسه غرز وكان عندك تلاتين ألف بس ممكن يخيطوا ليك تلاته غرز قدر قروشك ويخلوا باقي الجرح مفتوح .

    – ما هو الدليل فى نظرك على توحد (الجبهه الداخلية) ؟

    1- الناس كووولها بتفطر فول

    2- الناس كووولها (بتستلف) بعد يوم 5 فى الشهر

    3- الناس كووولها بتشجع هلال- مريخ
    أها يا أخويا يا الفاتح تصدق في مطاعم في الخرطوم مافي فول في قائمه طعامها نؤهائياً قال فول قال
    صحي الناس كلها بتشجع المقدم أولاً الهلال ومن ثم تأتي أقليه مضهده لتشجع المريريخ

  4. nono كتب:

    التحية الاسناذ جبرا /والاخوة اصحاب المدونة
    العام الدراسية لسه ماانتهنت ولة دة امتحان شهري من بداية الالفية التاسعة وعشان الواحد يخت في (باااالوا ) يزاكر ولة يراجع حتي؟
    انا في اعتقادي كل الاجابات في ثلاثة صحيحة 100%
    كسرا/الاانتي تقوم تباصي ناس وتخلينا انحنا؟؟؟؟في مابيعملوا الجماعة اياهم

  5. nono كتب:

    بالمناسبة غرزه دة مسطلح ؟؟؟؟؟؟؟؟
    متداول بين فئات من البشر كمان معاها غرزتين؟؟؟؟؟؟؟؟؟
    يعني نقوم شنواااااااااا نقوال شنوا من الصباح الغرز دة

  6. الوالى طلب توفير المياه
    1- لأنو الشتا جاء
    2- لأنو المواسير حتضرب
    3- لأنو نحنا دخلونا الماسوره

    كل الأموال المنهوبه من القطاع العام (بدون المصارف) 2 مليون جنيه
    1- لأنو الخساب بالجنيه الأسترلينى
    2- لأنو دا الجنيه بتاع زمااااااان قبل ما ينقذونا
    3- (الجنَيه) التزوزى بيكم

    عمك ما حيسلم كديسه
    1- عشان ما عندنا براطيش
    2- عشان ما تخربش الناس ديلك
    3- عشان نحن بنحب ( الكدايس)

  7. المعارضة السودانية ينطبق عليها المثل :

    1- إتلما التعيس على خايب الرجا

    2- إتلما الفطيس على خايب الرجا

    3- إتلما الهردبيس على خايب الرجا !

    الأجابه النموذجيه
    إتلما التعيس على الفطيس على الهردبيس وما قدرو على خايب الرجا !!!!!

  8. nono كتب:

    – تتخيل الموظف الذى يبنى عمارة من ستة طوابق هو فى الأصل أيه؟ :
    1- عندة كم وظيفة
    2- عندة كم وظيفة في كم وظيفة في كم وظيفة في كم وظيفة…… الخ
    3- ماشي بالمثل المصري بالقول الملكش فية ماتسالش فية

  9. حاج أحمد السلاوى كتب:

    السمّار الكرام ..
    معليش إتاخرنا شوية بعد الفطور ..كان فى زحمة شديدة فى محل الفول والبوش .
    أسئلة الإمتحان دة مالها صعبة كدة .. يا الفاتح ..يعنلى عاوز تسقِط الناس كووووولها ولاّ شنو ؟ أنا اعتبرها أسئلة تعسفية … عموماً الإمتحانات الزى دى بتكون صعبة لأنو الإجابات متقاربة والما مذاكر كويس .. حقو راح !!
    طيب لو الواحد ما عرف الإجابة ممكن يستعين بصديق ؟ لأنو جمهور مافى من اصلو عشان تستعين بيهو…والصديق دة لو ما أخد نسبته ما أظنو زااااتتو يساعدك..
    إنتهى الزمن .. يا شباب .. كل واحد يسلم ورقتو …
    النتيجة : الشعب كلو راسب فى الإمتحان …ولازم يعيدو السنة الواحدة عشرين مرة .
    أدروب بلّط فى سنة أولى أساس 6 مرات ..مدير المدرسة نادى ولى امره .
    مدير المدرسة : أدروب دة بليد وما نافع .. شوف ليهو مدرسة تانية .
    ولى الأمر : أدروب ما بليد .. أدروب ولّف ..
    حسة أنتو عليكم الله ما ولّفتو بعد ال 20 سنة دى .

  10. nono كتب:

    الشخص الذي يشفي من المرض يطلق علية؟
    1/متعافي
    2/ متشافي
    3/متفقن علي وزن شنواااا مابعرف دااااااااااك

  11. محنك كتب:

    الموظف داك بعد خمسة سنة شغل عمل

    1/ عمارتين
    2 / عمارتين وفلتين
    3/ عمارتين وفلتين ومرتين

    شكرا لسكرتير الامتحانات المره الجاية ادينا املاء

  12. محنك كتب:

    نسين مزرعتييييييييييييين

  13. الغبشة كتب:

    سلام للكل…………
    يابروف:بعد اذنك نسمى البوست ((3فى1))لانو كل تلاته فيهم اجابة نموذجية للواحد.
    والى لقااااااااءءءءءءءء

  14. بشار أحمد بشار (إبن برد) كتب:

    من هو والي أكبر ولاية في امزونيا ؟؟
    (1) الباسم اللهاط
    (2) الباسم الشفاط
    (3) الباسم القشاش
    لماذا أعتبر ما يلي مخالفات مرورية يحاكم عليها قانون الحركة في دولة التوجه الحضاري؟؟
    (1) إذا كان سائق المركبة مشلخاً أو مفصداً
    (2) إذا لم يكن سائق المركبة مشلخاً أو مفصداً
    (3) إذا كان سائق المركبة مقطباً حاجبيه أو منفرج الأسارير
    (4) إذا كان سائق المركبة ذميماً أو بهي الطلعة
    (5) إذا قرأ سائق المركبة في سره الآية الكريمة عندما يلمح بتاعين الحركةالرباطبن أقصد المرابطين ” إنا جعلنا من أيديهم سداً ومن خلفهم سداً فأغشيناهم فهم لا يبصرون”
    (6) إذا (قرش)السائق مركبته ومشى بي كرعيهو كدراوية ساكت
    ومواد القانون تأتي تباعا كلما قلَّ ربط المخالفات.

  15. aflaiga كتب:

    البروف : امتحاناتك بدت بدرى !! دى الفتره الكم ولا دى امتحانات القبول ؟؟؟
    شباب : عندى سؤال واحد بس :
    ما هو الخوف :
    1 . ان تعرف الشيئ وتهاب مواجهته ..
    2 . الا تعرف الشيئ …
    3 . ان تعمل نايم مره واحده ..

  16. نيام كتب:

    18- موظف يبني عمارة عادي ( احسبوني بالزبادي)
    19-الكهرباء تقطع في الشتاءعشان الناس ما يسحروها في الصيف جنكم نقة
    20- احسب ان الزواج الجماعي يتيح فرصة لمشروع الطلاق الجماعي
    21-طبعا ممكن ناكل مما نزرع ايوه هسع ناكل مما نقلع و بعدين نقلع مما نلبع و بعدين نبلع حتي نشبع بس و خلاس
    22- تكلفة الزائدة الدود ية (دي تكون زائدة عن شنو ياربي اول مرة اسمع بحاجة زائدة)
    كسرة:
    ياودالزبير ازيك .. ماعندكم فوووووول..ياخي بالغت حالتي كنت جاييييك..

  17. بشار أحمد بشار (إبن برد) كتب:

    عزيزيود الخلا : جزاك الله خير الجزاء.

  18. بشار أحمد بشار (إبن برد) كتب:

    الإخوة المدونون : عند الإستدلال بالآيات القرآنية أقترح على الجميع الرجوع الى المصحف المكتوب (كت آند بيست) أولاً تفادياً لمثل الخطأ غير المقصود الذي وقعت فيه وثانياً لأجل أن تُقرأ الآية قراءة صحيحة بالشكل وجُزيتم خيراً جميعاً .

  19. البشاوى كتب:

    البروف
    اول امتحان يجينا محلول وبالاجابات النموذجية
    ود الزبير
    حمدا لله على طلتك
    موضوع تسعيرة الخباطة اظنه منقول عن قائمة اسعار المكالمات بصورة معكوسة الدقيقة الاولى عليك والثانية علينا وهنا الغرزتين الاوائل بسعر
    غرزة واحدة ولو عجبتكم الخياطة ادفعو وكملوها عندنا

  20. ودالزبير كتب:

    (غرزة واحدة ولو عجبتكم الخياطة ادفعو وكملوها عندنا)

    البيشاوي
    غايتو لو ما الزول خايف من مقص الرقيب كلامك ده فيهو حلات دين تعليق لكن نعمل شنو مع الرقابه القبليه دي غايتو جنس غايتو

  21. nono كتب:

    الشفافية تعني؟
    1/ الشفاة العلي.
    2/ الشفاة السفلي.
    3/ كل من اجابة 1-2 صحيحة.

  22. nono كتب:

    هل تعلم ان الغرزة كلمة لها عدة دلالات؟

    1/ شخص اصيب بي حجر (مفلوق) او أي اصابات اخري يقولوا ليك سوو
    ليهو…….

    2/ يقال السياره غرزت يعنى وحلت فى الرمله…….

    3/ فلان غارز فى فلانه يعنى مكسر فيها…..

  23. هسى بللاهى بتاع المشاكل منو

    1- مشاكل
    2- سترايكر
    3- أكيد ما نونو

    لاهاى تطلب رئيس دوله
    1- يسلم
    2- ما يسلم
    3- يرجى سوداننا تتفق

    كديسة بوش إتلحست
    1- نعزى فيها
    2- نصهين
    3- عرفنا ود ال…. عاوز كديستنا ليه

  24. nono كتب:

    استاز جبرا نزل البوستر دة اشتغل؟

    1/هزاااااااااااااااااز

    2/صااااامت —————-وهزاااااااااااز

    3/صاااااااااااااااااااااااااااااااااااااامت

  25. BakriMusa كتب:

    I swear to god I will not surrender even a single

    -cow
    -rat
    -ant

    from Sudan because we can make a shoe out of its skin

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s