انا شجرة وراجلى حشرة

Posted: الثلاثاء,3 فبراير, 2009 by الغبشة in إجتماعية

الغبشة: بالجد أنا احترت معاك يا بت انت دايره شنو؟ الزايد فيك شنو من دون الخلق؟ قاعده تعزلى فى الرجال ديل لمتين؟
سوسو:لسه البقنعنى ما لقيتو
الغبشة:انت دايره شنو؟
سوسو:كدى نسالك يا امى, انت ابوى ده كان قالو ليك بدليه بزول تانى بترضى؟
الغبشة:تفى من خشمك ابدلو شنو هو زى ابوك ده ببدلو,التقى الرزين الامين الهميم الكريم اخو الاخوان الكلمتو مسموعه, ابوك يابتى بلاهو الشورة ما بتتم, ابوك برجع له الكبير والصغير الراجل والمره تقولى لى ابدلو؟ ابوك من الله لمانى به ماغلط على, الا كان عملت شئ مافى محلو ولا كسرت كلمتو بورينى العين الحمره ,ومسؤليتو شايله من يومو, وواصل اهله واهلى ابوك يابتى باختصار شجرة الضل اللامه الكل ابوك جمل الشيل.
سوسو:ببساطه يا امى انا دايره جمل الشيل ده يريحنى ويسعدنى دايره شجرة الضل التلمنى وتلم اولادى بعدين مش زى الشباب الهسى البقو يقولوا
اشتقت ليك يا منقة***واشتقت لى صفقك
اشتقت ليك وحا ازورك*** وابنى فيك عشى وابقى زرزورك
عرفتىانا مابيه العرس ليه يمه يعنى ((انا شجرة وراجلى حشره))بترضيها لى يمه؟؟؟

 

Advertisements
تعليقات
  1. بشار أحمد بشار (إبن برد) كتب:

    الغبشه صباحاتك بيض نواضر : أكان جاكم شدرة دوم زوجو ليهو وإنتو مغمضين وسيبكم من شدر المنقة والشايل المنقة وما عارف ليه نحن بنشقى وشدر اللالوب والنبق وما الى ذلك.

  2. حاج أحمد السلاوى كتب:

    بتنا الغبشة ..
    أول حاجة نبارك الطلة الرائعة وكونك أول الكاتبات ( غير المُعِلقات )..وعقبال البقية الباقية من بناتنا وأخواتنا الحرائر ..
    وبعد دة نرجع للبوست ..حقو بس ما ننسى إنو الزمن قد تغير وتبدلت الأمور والإهتمامات وحتى الطموحات زاااااته ..فجيلنا نحنا برضو ما كان زى جيل أبائنا ..وكان أباؤنا بيقولوا علينا نفس الكلام اللى نحنا حسة بنقولوا لآولادنا وبناتنا …بس يمكن بمفردات تانية ..فالمسالة دايرة مباصرة بحيث ما نلغى الثوابت المتأصلة فينا ونحافظ على عاداتنا وتقاليدنا االجميلة ونساير التطور الحاصل من حولنا من عولمة وحاجات كتيييييرة سببها الفضائيات المطلوقة فى الهوا … ببصيرة واعية ومتفتحة … يعنى هى المسالة صعبة شوية لكنها ممكنة لو شوية من وقت لآخر راجعنا نفسنا وعلاقتنا مع الله سبحانه وتعالى …ويا حليل الرجال ..والرجال قليل…وربنا يرزق جميع أولادنا وبناتنا زوجات صالحات وأزواج صالحين إن شاء الله ..والما ضاقو .. يضوقوأ …
    ولحد ما نشوف آخرته شنو خليتكم بعافية ..وصباحاتكم عسل ..!!

  3. سلام و مبرووووك الباسوورد يا الغبشه و باكورة انتجاك في المدونة و عقبال ما يجوا أخوانو و أخواتو

    و وصية بشار دي ما ترميها البحر…مع انو شجر الدوم ما عندوا ضلا يقولوا عليهو الا بيعمر

  4. مهيرة كتب:

    الاسم عليكم
    ناس البيت الصغير طوالي رحى سعيد وعواطف مدورة
    غيب وتعال تلقانا نحنا يا نحنا *** لاغيرتنا ظروف لابدلتنا محنة
    غايتو صامدين وجامدين
    اختنا الغبشة : تحية صباحية ومبروك الباسورد
    نحنا يا اختي لو بارينا جنس الكلام دا لاكُنا عرسنا و لا بنعرس لي بناتنافي المستقبل كل جنس فيهو الصالح وفيهو الطالح ،اما الزبد فيذهب جُفا… يعني بعربينا البنفهمو الزوول البركز اهلنا بيقولوا عليهو وكت االحارة ينبرش الطرور ويثبت الصنديد فالاصل هو البيعمَر ويعمّر والجنى اكان اماتو ماهمن بيهو وبي تربيتو ما بطلع نافع اها يا بتي اكان نفعوا الرجال مننانحنا بتربيتنا ليهم واكان خربوا برضو مننا لانو زمان امتنا ما بضارن من سيدبيتهن فعايل اولادهن بيكلموا بي اي شئ لانها عارفة الليلة لو دست بكرة لما يبقى راجل البدس ليهو منو ؟؟؟ دا بحرا امواجو كتيرة التربية كلها علي الامُات وصح قول الشاعر فالام مدرسة اذا اعددتها اعددت شعباً طيب الاعراق وفي شان ماتبقى علينا قصة الشاعر :
    نعيب زماننا والعيب فينا ***وما لزماننا عيب سوانا

    اختك مهيرة الشايقية

  5. مهيرة كتب:

    عفواً السلام عليكم ولكم العتبى

  6. طارق أب أحمد كتب:

    الغبشه
    مبروك ع الطله المن الباب دى
    أنسى فكرة الدوم لأنو الدوم بيدى ضلو للجيران خليك مع ضل المنقه و الشايل المنقه . شى ضل وشى منقه عسل و شى زرازير وكان أحتجتى للعصايه ولا عكاز برضو فى

    يا عجايز أفتونا أخير تمص ليك منقه من الشدره ولا تكد دومه

    خليك مع الشباب

  7. aflaiga كتب:

    الغبشه : منوره وبداية ما شاء الله ..
    لكن يا غبشه بالله زى بتك دى بيلقوها وين ؟؟ بنات زمننا ديل الراجل لوبقى حشره يبقن ليهو عنكبوت !!
    اب احمد : اخير تمص ليك دومه وتكد ليك منقه ..

  8. الغبشة كتب:

    صباحاتكم خير اهلى الطيبين ……..ويباركوا ليكم السمح ………………………
    تتقازم كتاباتى امامكم فاعزرونى…………………

    المشكله شباب ((القنبله)) معاوز ولا محاول يبقى حتى شدرة عشر((بضم العين)) اصبح معظمهم يفكر فى تلك الشجرة التى يريد ان تكون ملازه, واهم شى لازم عواطف المستقبل تقدر ترقعهم يعنى يكون عندها رقعه *وكل واحد طبعن حسب حجم الرقعه العاوزه بتتفاوت واحد حدود رقعتو الكفه , وتانى فوق من الكفه و واحد نص الجلابيه, والبعض عاوز يخلوا ليه العرو بس تكون حقتو.

    ***حاشية لحاج السلاوى:الرقعه تعنى القنزب الكنجالت الضحاكات الشرتيت بمعنى ضيق ((عندها دخل من شغل او وراثه), وبمعنى واسع اى مدد مادى ((بيت عربية فيزا عقد عمل)) .

    والى لقااااااااااااااءءءءءءءءء

  9. طارق أب أحمد كتب:

    واللهى يا أفليقا أنا دومتى بس (منقه)

    أنتو يا ناس الخدار الفى النيل بتاع عزت ممكن يكون زارعو حسن كبوس

  10. ودالزبير كتب:

    الغبشه
    مبروك الباسورد

    وأهديك أغنيه بنيتي حسابك
    وبالذات المقطع بتاع كوريه أم قعر تحت سريره جيبي ختيه

  11. ابكرون كتب:

    تحليل رياضيات:
    البت سوسو لان امها قلقانه عليها انها تتزوج وتفرح بيها …اذن تكون بت 24 سنه تقريبا …بما ان امها انجبتها في سن مماثلة تقريبا اذن امها تكون 24+24 =26 سنة
    اذن الام من قروب : B ………وهو المطلوب (اب احمد كابوس مر من هنا)

  12. محنك كتب:

    الغبشة
    مبروك

    ممكن تكون سوسو هى الغبشة وفكرها عالى وتربية نادرة وتبحث عن الرجل الحقيقى

    مكبرنها مالكم يا ابكرونا

    منطقى لكن نعمل مسابقة من سيربح المليون ونضع كل الاسئلة اللازمة لانتاج سعيد بواصفات سوسية ( نسبة لسوسو )
    بعدين الالف الاول من الشباب نديهم المليون ونديهم لكل واحد سوسية
    لو وارثة او ما وارثة ما مشكلة

    مش نحنا بلد بترول برضو

  13. aflaiga كتب:

    ابكرون : اسى فى ذمتك 24 + 24 = 26 ؟؟ انت قادى رياضيات ولا شنو ؟؟ 24 + 24 = 24 !! انت عارف انو زيادة سنتين فى عمر النسوان دى ظاهره كونيه ما بتحصل الا كل عشرين سنه ؟؟ اسى سمسمه وانا حنحتفل بالذياده الاولى من عرفتها يادوب قفلت الاربعه وعشرين ومتزوجين لينا سبعه سنه !! يعنى سبعه فى شكل اتنين !!

  14. aflaiga كتب:

    كسره : صاح يا سمسمه ولا انا ذدت لى حاجه ؟؟

  15. Stricker كتب:

    طيب يا افلايقا انا من ما عرست لحد اسا عمرها بس 17 واسا لما تمينا سنة – سالتها – قالت لسا ماقفلت السبعتاشر .

  16. طارق أب أحمد كتب:

    حسادين Oooops أقصد حسابين حسابتن
    يا ها دى ال غايتو جنس غايتو

    ما لك يا الغبشه ما الشدر الكبار دا الفيهو الصمغ

  17. nono كتب:

    الغبشة/لك التحية**Congratulation

    ربنا يوفقك

    الاخوة اصحاب المدونة باين سعيد وعواااااااااااطف ديل ماديرين يروقوا المنقة

    -عقبال بيك نفرح يازينة (الغبشة)
    ********************
    نشرب شرباتك يازينة
    *****************
    نوقد شمعاتك يازينة . .
    **********************
    ينبغي لسعيد أن يكون واقعياً في اختياره عواطف، فلا يذهب وراء الخيال والمثاليات في البحث عن عواطف التي تسعده، فإن بعض الناس يشترط في عواطف شروطاً كشروط المجتهد المطلق عند الأحناف، فيريد زوجةً في حسن يوسف وعفاف مريم وصوت داود، وتكون على حد قول الأعشى:

    غَرّاءُ فَرعاءُ مَصقولٌ عَوارِضُها – تَمشي الهُوَينا كَما يَمشي الوَجي الوَحِلُ

    كَأَنَّ مِشيَتَها مِن بَيتِ جارَتِها – مَـرُّ السَـحابَةِ لا رَيـثٌ وَلا عَـجَلُ.

    أما وجهها وشعرها فعلى حد قول صديقي أبي الطيب:

    كَشَفَت ثَلاثَ ذَوائِبٍ مِن شَعرِها – في لَيلَةٍ فَأَرَت لَيالِيَ أَربَعـا

    وَاستَقبَلَت قَمَرَ السَماءِ بِوَجهِهـا – فَأَرَتنِيَ القَمَرَينِ في وَقتٍ مَعا.

    وهذه الأوصاف لا تنطبق إلا على إحدى الحور العين في جنّات النعيم، بينما هو قد يكون أحمق من هبنّقة وأبخل من مادر وأغبى من باقل وأجبن من أبي حيّة النميري.
    وعلى عواطف أن تكون واقعية في اختيارسعيد ولا تهيم مع الخيال المجنّح في اختيار شريك حياتها، فبعضهن متشدِّدة موسوسة في شروطها التي يتصف بها سعيد، فتريده على حد قول أبي تمام: إِقدامَ عَمرٍو في سَماحَةِ حاتِمٍ في حِلمِ أَحنَفَ في ذَكاءِ إِياس في زهد الحسن البصري وفِقْه أبي حنيفة وحفظ الأصمعي

    بينما هي قد تكون آية في الغباء ومضرب المثل في ثقالة الدم وقمة في سوء الخُلُق، لماذا لا نعيش واقعنا ونرضى بما تيسَّر؟

    للحديث بقية

  18. طارق أب أحمد كتب:

    نونو ذكرتنى قصة الكاتب والمفكر برنارد شو عنما قابلته أمرأه جميله جدا وداعبته بأن تزوجنى حتى ننجب أطفال يحملون جمالى وذكائك فأجابها أخشى أن يأتو بقبحى وبلادتك

  19. algbsha كتب:

    الغبشة:ابكرون قلت شنو ما سامعه كدى على صوتك
    ابكرون:………………..
    الغبشة:كدى زيدو شوية تانى
    ابكرون:………….
    الغبشة:ايوه كده سمعتك،لكن زى الما استوعبت كويس ممكن تكرر وتفسر
    ابكرون:…………
    الغبشة:ايوه فهمت لكن زى الما عجبنى كلامك ده

    والى لقااااااااااءءءءءءءءءءء

  20. aflaiga كتب:

    اضى بالقسمو ليك ارضى بالقسمو ليك .. اشاره واضحه
    هذا ما جنت يديك هذا ما جنت يديك .. اشاره اوضح
    شنو ليك شنو ليك .. اشاره اكثر وضوحا
    كنا قلنا قبل كده انو العاوز
    مره شايله فى يدها اليمين صينية الغدا وفى الشمال العراقى وف الكتف البشكير وفى صفحتا الشافع وفى خشما الجريده وبعد ده كلو مبتسمه يمشى الاكروبات الصينيه بيلقاها ..
    والعاوزه واحد شايل فى يدو اليمين كيس السلطه والشمال بتيخه وفى جيبو اسكراتش الكهرباء والموبايل ومصاريف اليوم وفى كتفو التوب الجديد ومبتسم ابتسامه عريضه برضو تمشى الاكروبات السودانيه بتلقاهو …
    ولا شنو يا اب احمد ؟؟؟

  21. ابكرون كتب:

    ابكرون : آآآآآآآ…آى ده منو البكورك لي ده…ما سااااامع الهواء شدييييييد….معليش جمعته غلط …..طرحت غلط…..انا كلي غلط…..إهئ…إهئ ….ده نا غلبااااااااااااااااان

  22. algbsha كتب:

    صدقونى ان هؤلاء الزرازير احفاد جمال الشيل مساكين وحيضيعوا اكتر لو ما لقوا من يساعدهم ويرشدهم ويدلهم على الطريق الصحيح ,فمن جانب يلهثون وراى العولمه والتجديد والرفاهية التى تتطلب المال الوفير الذى يصعب الحصول عليه من جهدهم,فهذا هو الجانب الثانى عدم توفر فرص العمل بعد البكلاريوس او من غيره,ومن جهة اخرى تعود بعضهم انهم يجدون كل شئ جااااااااهز,كش زى ابكرون وما شابه الزمان كانوا بشتغلوا فى العطل المدرسية ويتعلموا يكف يتحصلوا على مصاريفهم وكيف يوفروا,هسى منو الفيكم بدفع بولدا عشان يعمل حاجة فى الاجازة ,بنفس الفهم القديم مع اسلوب عصرى حديث فى التطبيق.

    افليقيا: حتى الاكروبات لن تجد فيها هذه النوعيه الا فى احلام اليقظة.

  23. algbsha كتب:

    اعلان لكل عواطف كان حظها زرزور((ماتشيلى هم ,كده امورك كلها ظابطه اى زنزنه منو استعملى بخه واحده وتكفى من فلايتكس او بفباف او ريد ثلاثى المفعول))واذا لم تجدى فانظرى اسفل قدميك ستجدينى الحل الكافى بمضرب يعطيك الضربه القاضية.
    كسرة:المقصود الزرازير بس ما تفهمونى غلط يا سعيدين

  24. د.ياسين شمباتى كتب:

    سلامات يا الغبشة..وخليك دايما قريبة..

    جمل الشيل كان زمان بشيل المرة واهلها وجيرانها وحبانها,,اسه بقى قربة ولا سعن,,تشيليهو فى ضهرك,,وبعد دا ينقط فى الواطة..

    فلنتمسك بقيمنا واخلاقنا ولنرجع الى ما كان عليه اسلافنا°شجر الدوم مثل اعلى°

  25. ابكرون كتب:

    algbsha : تعرفي ابكرون ياما شقى وتعب في الدنيا دي ولي اسه شقيان ويا ريت لو لقيناها جاهزه ….اشتغلنا في ترابهاوثغورها وشردونا وكان القرار (لن اعيش في جلباب هؤلاء)….والبدور عيشة الحناطير يطير …ولسه يا الغبشه الساقيه مدوره وما معروف تقيف بينا وين …وفي النفس شي من حتى…يديك العافية

  26. اخت الاخوان كتب:

    صباح الخير يالغبشة كلامك فى محلة لكن عليك انت ممكن تخلية يكون احسن او000000 بالمعاملة الحسنة وبمرور الايام بتحسى بالفرق والرجل ذى الطفل ممكن يسمع الكلام ويكون مطاع فى حدود بس الكلام دة بينك وبينة مش جنب الناس وان شاء اللة يكون شجرة متينة وقوية مثل شجرة الدوم مافى احلى من الدوم والحياة تجارب بس البستفيد من تجاربة بكون اسعد واحد فى الدنيا الى اللقاء قريبا

  27. مُخير كتب:

    الأخت الفاضلة الغبشة
    جمهور سوداننا الكريم
    تهنئة متأخرة بأول الغيث وما أوفاها من قطرة، وهكذا إستحقيت قصب الريادة في تمثيل النصف الآخر والأهم من المجتمع، ويللا ورينا شطارتك وواصلي الإبداع على ذات النسق بطرق القضايا الهامة المطلوب قتلها بحثاً ونقاشا وأنت الباحثة النقاشة، ولك كل الود والتقدير والسلام

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s