ناس المريخ والنسوان

Posted: الأحد,8 فبراير, 2009 by ودالزبير in اخرى

قال ليك ناس المريخ بعد ما غيروا رأيهم من معسكر أثيوبيا وضيعوا على اللاعبين أكل الزغني ( وشراب الجبنه بملحاقتها ) مشوا كينيا أها في كينيا قالوا يعملوا مباراه تجريبيه لزوم رفع المعنويات وكده أها جبوا ليهم فريق من الله خلقني ما سمعت بيهو سوفاتاكا يا زول ده ما رندوق ده إسم الفريق من قمنا بنعرف البيره الكيني والفهود الكيني لكن ناس المريخ ديل بيحبوا المفاجأت لحدي هنا ومافي مشكله أها المشكله وين المشكله قال ليك الحكام نسوان أيوه نسوان عديل بس ما تخافوا كانوا لابسات لبس شرعي يعني بنطلون طويل وخمار يأخي أفرض ما كاننا لابسات شرعي المشكله وين ؟؟ المشكله إنو السيد جمال الوالي كان قاعد يا زول بطل كضب الوالي ما سافر معاهم يعني لو كان سافر معاهو كان قبل النسوان ديل يحكمن كوره للمريخ ( العظيم ) غايتو دي ممكن تضاف لإنجازات المريخ أول فريق سوداني يحكمن ليهو كوره نسوان ومش أي نسوان كينيات إنشاء الله بعد النسوان ديل تتأهلوا

Advertisements
تعليقات
  1. ابكرون كتب:

    ود الزبير :
    نظام المديده الحاره حرقتني…
    مالهن النسوان ما عاجبنك ما ممكن يحكمن هن حكمن الارجنتين والبرازيل بلد الكوره …..شنو العنصره بتاعتك دي والتحيز لبني جنسك من الذكور (نظام توليع النيران) ……بالغت فيها دي وجبت ليرويحتك الهواء…..!الله اكبر ……تهليل …….هجووووووووووم

  2. محنك كتب:

    مبرووك
    بكره يحكمولهم الشفع

  3. حنين كتب:

    ود الزبير .
    كييفك . وسيدى بية عاملة إية .
    ياخ إنت الخبر دة مالو ناقص ماتقول لينا نتيجة المبارة دى كانت كم عشان ما نقول ليك التحكيم فاشل …

  4. الغبشة كتب:

    الغبشة:ايوة يا ابكرون قلت لى شنو؟
    ابكرون:…………………
    الغبشة:معقول ودالزبير قال كده؟
    ابكرون:…………………..
    الغبشة:قول ليه جبت لروحك الهواء ولو ما عرف الهواء ده ياتونوع خلى ينتظر ويشوف
    ابكرون:……………
    الغبشة: ما قصرت يعنى كلمتو قبل ما اوصيك ده العشم فيك برضو مشكور

    ودالزبير:نحن من سلالة عمروا الارض اين ما قطنوا بتعرفهم ؟خلى(( العنصره))

  5. aflaiga كتب:

    المره فى الكوره :
    الحكم من انشط الموجودين فى الملعب من حيث الحركه والجرى فهل يا ترى تم ازالة العاوئق التى تمنع الحكمه من النشاط ؟؟ يعنى ما كان فى اى موانع ؟؟
    الحكم مصنف من انواع القضاء الجارى !! مثله مثل المحامين القضاء الواقف والقضاه القضاء القاعد وهى مهنه محتاجه للصبر والجلد والتجرد من العاطفه والمهنيه الشديده فهل يا ترى الحكمه بتاعتم دى ما عندها اى عواطف تجاه اى فريق ؟؟

  6. nono كتب:

    التحية اصحاب المدونة/

    ود الزبير /لك التحية اولا سعدة بلقاءكم انتي والمجموعة

    اتمني ان يديم التواصل بييننا_________

    الرياضة لا تقتصر علي جنس بعينه دون الآخر ولكن الأجمل ان تشارك المرأة في

    رياضة الرجال وتثبت جدارتها واحقيتها بالمشاركة___________

    لكين ياود الذين النسوان الكينبات ديل بشربوا مديدة الدخن يعني مستعدة

    الوحد تجري _لية بكرة يعني (مراة رااااجال)

    مرة سمعتة بي مرة راجل يعني هسع المراة السودانية تقدر تجااري النسوان

    ديل هو انحنا راجنا لو جري ساي يق__________طع؟؟؟؟؟؟؟؟؟

  7. الغبشة كتب:

    يا ودالزبير قلت البامية ما بتبقى عنب وخليت الباميه المعنبه تختفى اها كمان عاوز الحرائر يحصلوها؟

  8. حاج أحمد السلاوى كتب:

    أبو عصمت المرطب ..دائما وكل الحبان الظُراف ..
    أول حاجة القال لينا هو زااااتو منو إنو ناس المريخ غيروا من أثيوبيا إلى كينيا ؟…
    وبعدين يا ابوعصمت إنت الحرق رزك شنو ؟..فيها شنو لو الحكام كانن نسوان ولاّ حتى شابات؟ .. المسألة دى لأننا عديناها إنت وأنا وبقية الكواشف كووووووولهم حتى أخونا ممى القاعد يقرا ويعاين لى فى الأمارات دااااااك..آآآآى إنت..بقينا نشوفة غريبة إنو يكون الحكم الماسك الصفارة أو حكم الراية حرُمة ( دى بالخليجى ) وأفتكر فى أمريكا اللاتينية عندهم نسوان كتاااااار بيحكمن الكورة ..وهو فى الحقيقة هناك ما بتقدر تفرز الراجل من البنت مع شعرهم الطويل داك …واحتمال يكونوا اللاعبين زاااتهم نسوان ونحنا ما جايبين خبر ..يا ابو الشباب..المهم فى الموضوع ناس المريخ زاتهم رايهم شنو فى القصة وانطباعهم شنو ؟ هل كان ليها أثر فى أدائهم داخل الملعب .. بمعنى هل زادت من النشاط والواحد يقدم أحسن ما عنده …ولاّ اخدوها على الماشى وانغلبوا خمسة أو ستة ..لأنهم ما كانوا فاضين ( طمبج ورفاقه الأشاوس ) من البصبصة ..غايتو أكتر زول ممكن يفيدونا فى الحكاية دى هو أخونا الزوووووول ..ويورينا الحصل شنو ..فهلا تفض

  9. حاج أحمد السلاوى كتب:

    غلطة مطبعية .. نرجو المعذرة .
    تكملة ..
    فهلا تفضل علينا ..ووضع النقاط تحت الحروف .

  10. نيام كتب:

    ودالزبير:
    طبعا انتو غاظتكم التقليعة كنتو عايزين تجيبو النسوان انتو فراحت عليكم..اقول ليك اقتراح جيبو ريبوتات حريمي..

  11. خالد مدني كتب:

    السادة الكرام … نهاركم سعيد … معاكم بنك جديد صديق قديم
    غايتو يا حاج السلاوي عندكم جنس سمسم … هسه ابو عصمت دخلو شنو بالموضوع ده …ولما كتبت تاني وقلت عفوا غلطه افتكرتك عايز تكحلها تقوم تعميها … بس نكتة عادل امام بتاعت فتح السمكة … ما لقاش الخاتم .

  12. حاج أحمد السلاوى كتب:

    خالد المدنى .. سمعتو ..ولاّ جابوهو ليك …ولا…… ؟
    الليلة طلتك دايرة ليها خروف ..أنا غايتو ما صدقت عيونى لما قريت الأسم …قلت ياربى .. أنا جاتنى موية بيضا ولاَ شنو …الحروف كوووولها اتلخبتت قدامى .زودة اليوم السعيد الليلة جابك ورجعك لى أحبابك ..لكين ما باااالغت عدييييل كدة ..
    السمسم الكبار دة مالو ؟ أنا خايف كانت حكم المباراة برضها من السمسم الكبار البنعرفو دااااااك فى التليفزيون .. يا خالد !!!
    أكحل شنو وأعمى شنو … ؟

  13. بشار أحمد بشار (إبن برد) كتب:

    ود الزبير :والحكمة (إنثى أو مؤنث حكم) دي ما بقت إمام للفريقين في الهاف تايم وصلت بيهم صلاة المغرب؟؟؟؟
    حاج السلاوي : النوع ده نسبة كم على كم؟؟؟ ولا دي ما بعرفها إلا الراسخون في العلم.

  14. nono كتب:

    طاقم التحكيم ديمنسي كيماني حكم وسط ومساعدات علي الخط مريان

    ودوكلاي وان بوب ________وقلاديس مراقبا للمبارة؟

    اه عشان يكونوا في الصورة________________

  15. سلامات يا أعزاء و تحية خاصة لصاحب البوست (ود الزبير) يا حاج السلاوي

    و شكرا للكينيين الطلعو ود الزبير من لم الكنجالات و طبعن الحكمات ديل لزوم ادخال الجماعة في الفورمة للقاء البورنديين يعنى نظام يتعودوا على جو المباراة

  16. حاج أحمد السلاوى كتب:

    شكراً ابو عصمت للتصحيح ..خالد مدنى طشش لينا عيونا بظهوره المفاجىء اليوم .. ودالزبير حقك علينا والعتب على النظر ..وليك تحية خاصة جدا جدا ..وما طالبنى حليفة ..موش ؟.. ويا دوبك فهمت مقصد أخونا خالد مدنى …

    الأخت نونو .. منو هم عشان يكونو فى الصورة ؟ الحكام ولاّ لاعبى المريخ ..ولاّ المشجعين ؟

  17. طارق أب أحمد كتب:

    أيام سنه أولى إنقاذ طلع لينا واحد منهم (منهم لله) بتاع صور شنو ما عارف داك فى التلفزيون و أدانا فتوى حول طول سراويل اللعيبه وبما إننا الزمن داك كنا لسه فى حالة إستغراش
    إتسائلنا ببراءه ,,,ياخى أنت ماشى تتفرج على الكوره البوديك تعاين لى كرعين اللعيبه شنو

    وتوالت الصدمات الحضاريه ووصلت حد تظليل فلم الكرتون لأن الكلبه بطلة الفلم حنكوشه وحينئذ بس فهمنا المشروع الحرارى

    ياناس ركزوا فى الكوره وبعدين بالنسبه للمريخ ما ياها المكنه عشان لو أخد سبعه يقولوا ما نقطنا للحكامات
    أخيرا أنتو نسيتو أنو عندنا فرق قدم ستاتيه

  18. بشار أحمد بشار (إبن برد) كتب:

    أخي طارق أب أحمد : صاحب الفتوى بتاعت اللعيبة يلبسوا سراويل طويلة بيكون ( سِمَّاوي) مرضان مرض شديد والمرض بتاعو إسمو Pederasty حمانا الله وإياكم.

  19. salih كتب:

    الاكارم
    سلام

    الفاضل ود الزبير
    طبعا انت تعرف مقدار جهلي بكرة القدم ولكن احيانا نشاهد فرق كرة قدم نسائية اثناء مشاهدة الاخبار خاصة عند الاعاجم مما يدلل علي انتشار هذه الرياضة وسط النساء. ارجو ان تاخذ تعليقي هذا كتعليق الجاهل بالصنعة…

    اشكرك علي الاتصال .

  20. طارق أب أحمد كتب:

    بشار
    أيضا Androphile
    لكن ياخى الأنجليزى دا مريح بشكل

    لكن جماعتك المراريخ ديل بعد طلعو من أثيوبيا باقى ليك ممكن يفرزوا الناس القدامن ديل من ياتو جنس
    عامله كده زى بعد عشا فاخر فى سيدى بيه الأولاد يكونوا مظبطين بوش

  21. ابكرون كتب:

    بشار/طارق
    منكم لله…..تذكروا ايام هي لله ديباجة تغطي ارجل الممثلات في المسلسل والمذيعات ما باقي الا يرفدوهن والمذيعين ناس الصباغ هاك يا العمم…اسه ما عارف الحصل شنو الدين اتغير ولا ..؟ولا الاولويات تغيرت ..؟ولا الزيطة بقت ما جايبه حقها…؟ولا ما خفي اعظم…؟

  22. طارق أب أحمد كتب:

    أبكرون

    صباح الخيرات
    الجماعه هسى ما فاضيين من عمك أوكامبو و أب كسكته و القوات الدوليه و الكدايس و البترول النزل والإستثمارات فى مالزيزه يا و حى النخله
    المشروع الحضارى أتحول لى المشروع الحيضارى

    يعنى اليومين دى تجى تقدل فى التلفزيون وأنت لابس شراب ما فى حد يسألك

  23. مُخير كتب:

    مصطفى ود الزبير بيه سلام
    الحبان في كل مكان مليون سلام
    والله كثر خيرك الجبت ناس خالد مدني للملعب، نحن عارفين المعايش جبارة والمحافظة على الستاندرد تتطلب متابعة مستمرة لكن أهو كدة الطلة ولا بلاش مرة مرة أرمي بوست عشان ناس أبوعصمت ديل ما عاوزين الفوضى الطبقية وبكرة تجينا ناطي بيوسر نيم جديد مصطفى بقاريتش، ولا الحيبقى ريتش كان لسة ما بقى.
    أما المريخ سيتي (دي طبعاً على وزن مانشستر سيتي) فممكن يعمل أي شيء ويمشي أي حتى ويسجل أي لاعب طالما رئيسه الوالي وفي صفه الريس وكافة أولى الأمر والنهي ولا عزاء لكم.

  24. ابوالمنذر كتب:

    اخونا المهاجر ودالزبير
    الاخوان والاخوات ………… سلام
    قلتلى يااخونا الحرمه خاته الكروت الحمراء فى الجيب الورا والصفراء بارزه فى الجيب القدام والصفاره ع الماوس والوصيفاب يتلفتو انشاء الله خلو حركات لعيبتنا بتاعت جرجير الحكام .. ودى تنجره من انهو ناحيه ..!!!!!!!!!
    والله عجيبه يا الوصيفاب.. الله يستر من المسبعات..

  25. aflaiga كتب:

    المنذر : هو الحكم ده غير الجرجره ما بسوو ليهو شيئ ؟؟ بس جارى لجرجرة الحكم ؟؟ فى حكام لمن يحكمو صاح بيسلمو عليهم بالاحضان !!!

  26. حنين كتب:

    أفليقا وطارق أب أحمد ثرو ود الزبير .
    الحكمات ديل ماياهن زاتن أعضاء المحكمة الدولية الحايطلعو قرار توقيف الرئيس بعد باكر . ديل لوجابوهن حكمن لينا مباراة فى إستاد الخرطوم (بناكلن) أكل.هى كل الحكاية دايرين يعودونا على النسوان التلاتة الفى يدهم القرار .

  27. زووووووول كتب:

    ود الزبير سلااااااااااااااااااااااااااااااااااااااااااااااااام
    برضو جمال الوالى يا اخ انت مالك مع الراجل دا ؟
    بالمناسبه هى مباراة (حبيه ) وقال ليكا بله جابر وموسى الزومه بدعو بدع .
    هناك مبادره لازاعة اف ام 104 الرياضيه تدعو لدخول الستات للاستادات وقد رأيت بام عينى هلالابيات يلبسن الطاقيه ويحملن الاعلام يتجهن صوب الزريبه ابان مشاركة الهلال فى دورى ابطال افريقيا .
    لخوخايات قطريه :
    اول مره نسمع بلاعب يطرد حكم يا ود الزبير ودا فى معسكركم بتاع قطر . قلت ليا الفريق اسمو منو اللخويا ولا شنو ؟ هاك اللخلخه دى سوازا .
    كسره : ما طولنا وكدا

  28. طارق أب أحمد كتب:

    حنين أفليقا ثرو ود الزبير

    آآآهههههاااااا

    now we understand

    بس منو البقنع الديك

  29. ودالزبير كتب:

    كل الناس الحلوه المرت من هنا سلام

    أبو المنزر وخالد مدني ومخير والسلاوي وأبكرون والغبشه وأفليقا وطارق وصالح ونونو ونيام نيام وبشار وعزت المرطب وحنين ومحنك

    أسعدني هذا الجمع الكريم في هذا البوست المتواضع ( ماهو بوست عن المريخ فلازم يكون متواضع )

    أفتقدت المريخابي العنيد زوووووووووووول

    بالرجوع لصحيفه حبيب البلد عدد اليوم وجدت الكاتب عبداللطيف أحمد تناول نفس الموضوع في عموده ( ضفاري ) وهذا إن دل على شيئ إنما يدل على أننا نتقدم كتاب الأعمده دائماً بخطوه …….. نفس الفكره مع إضافه بععض التوابل والتحابيش .. يعني لو لمينا تعليقاتكم ده على الموضوع الرئيسي راح تبقى أحسن من أي عامود ناصيه صحفي ..

    ربنا يحفظكم ويغضيكم ويجعلكم ذخراً لهذه البلاد

    ود الزبير متقصماً شخصيه البروف

  30. ابوالمنذر كتب:

    aflaiga
    يااخوى الوصيفاب عودونا يحضنو الحكم قبل المباراة وبعد المباراه بعيد بعيد اما فى الميدان ياها الجرجره لزوم التغطية وكده وكاس ممتاز الدرونات يشهد وله عيونى كعبات…

  31. بشار أحمد بشار (إبن برد) كتب:

    يعني بالطريقة دي أي لاعب يجيب قون ال22 لاعب يجروا على الحكم وهاك يا أحضان ويا…… والعجب الجمهور بعد صافرة النهاية.

  32. نيام كتب:

    بشار:
    هل تصح تهنئة “اللاين ومانة” عند كل رمية تماس؟
    ودالزبير:
    وأنت قايل كتاب الأعمدة ديل بعملوا حاجة ..اسع انا كان خشيت “سيدي بي” في خمسة دقائق بشكل أحسن عمود..

  33. بشار أحمد بشار (إبن برد) كتب:

    نيام : تقصد اللاينمانة؟؟؟ بلى يا أخا العرب فهن عضوات ضمن طاقم التحكيم وعليكم بالعدل وإياكم وظلمهن.

  34. aflaiga كتب:

    بشار : يا عادل انت يا موزع العدل بالتساوى فى الميدان !!
    نيام : خمسه دقايق كيف ؟؟ انت ما بتفرز النى من النجيض ولا شنو ؟؟

  35. nono كتب:

    بالامل _________________صبرت_________________قلبي

  36. زووووووول كتب:

    نونو سلاااااام
    عملتيهاـــــــــــــ ظاهره ـــــــــــــ لكن ـــــــــــــ يوم الجمعه ــــــــــــــــ لناظره ــــــــــــــــــــ قريب

  37. nono كتب:

    زووووووول/يا ابوة سبعة واوااااااااااااااااااات

    يا رب الجمعه الجامعة الدعوة السامعة انشاالله انشاالله !!!!!!!!!!!!

    ياااااااااارب

    يحصل الفي بالي ولاعلي بالك!!!!!!!!!!!!!!!

  38. ودالزبير كتب:

    شكراً ليك يا نونو هو بالله زووووووول أبو سبعه واوات أنا كنت قايلك قاصده سبعه الوحدات هاهاهاهاهاها إنت يا زووووووووول السبعه دي قصتها معاك شنو وكفاره ليك الجاتك من الأمل سامحتك بالله مشترين لاعب بخمسه مليون دولار عشان تتعادلوا مع الأمل

  39. nono كتب:

    ياااااااااااااااااااااااااااااالله درووووووووووووووووووووووووووووووووون

  40. سهيل كتب:

    يا فرحه ما تمت يا نونو .. بالله الحكم يديهم 6 دقايق وقت بدل ضايع و أول ما يدرنو الحكم ينهي المباراه… إخص على كده تحكيم

  41. ابكرون كتب:

    سهيل : فريق مرافيد الهلال ده لو ما كان درن كان الحكم احتسب ال6 دقايق كااااامله وكان اداها 6 تاني …..حِِكم

  42. زووووووول كتب:

    ود الزبير وبقية (الاملاب ) سلااام
    عشية الجمعه الماضيه لعب المريخ زعيم الكرة السودانيه امام (الامل ) الامدرمانى .وتعادل الفريقان بهدف لكل احرز للزعيم نجمه المتوهج القادم من ولاية الجدب والقحط كلتشى اوسونوا (قول واااااا ولا تقل وووو) . فى الدقيقه الثانيه من الزمن المحتسب بدلالضائع بسبب الدعيع الذى سار على خطى بيومى .
    ادى الزعيم واحده من اروع مبارياته فى العام 2009 طوع الكفر كيفما اراد لكن المجنونه قالت لأ .
    اضاع طمبل هداف السودان (الاول) كرة كلتشى المرتده من خشبة المرمى الرابعه (الدعيع ) واطاح بها بعيدا عن المرمى .
    كما اضاع النيجيرى الرائع صانع هدف التعادل وورغو كرة لا يمكن ان تضيع وكذلك فعل كليتشى .قبل ان يقتلهم بالطرشاء فى الدقيقه 92 .وهو ما دعى الحكم سبت لبرادو لانهاء المباراة مباشره حرصا على سلامته الشخصيه لانه لو اكمل ال 6 دقائق التى اشار بها كان الرماد كال حماد وكاله معاه .
    بالمقابل استفاد الهلال (امل الحديد والنار ) من خطأ قاتل لكروجر(الله ريح منو ) بتبديله (الغبى ) اخراج سفارى المصاب وعودة الشغيل قاطع امدادات المياه عن القاروره الى خط الدفاع والدفع بسعيد مصطفى لخط الوسط . وحسنة سعيد الوحيده انه اوقف سيل البذاءات المنهمره من فم (القائد ) تجاه الاباتشى
    لعب المريخ بطريقة 4/4/2 بينما لعب هلال الحديد والنار بطريقة 9/1 حيث كان دى سوزا وحيدا خلف مدافعى المريخ (متسلل ) . بينما يرى بعض المحللين ان الامل (اقصد الهلال ) لعب بطريقة 10/0 .
    كسره : اذا كان فريقكم بهذا الشكل ستحرزون به دورى ابطال اوربا عدييل كدا

  43. زووووووول كتب:

    ابكرون سلاام
    هاك دى (سانتوس ولا سوزا اى واحده )
    يحكى ان العقيد صديق على صالح التقى بالسيد امين عبد الوهاب (دا مدير الكره فى الهلال يا هلالاب) وكان امين مصطحبا دى سوزا لتسجيله :
    العقيد : دا شنو يا امين الداير تسجلو دا
    امين : دا برازيلى يا سعادتك
    العقيد : اسمو منو ان شاء الله
    امين : دا كوارزما دى سوزرا محترف فى بوليفيا (يطرشنا )بين القوسين منى انا شخصيا .
    العقيد : عوجه مافى تب انتوا سجلوهو ولو نفع حا نقوم نقلعو منكم فى الوكت المناسب يعنى جربوهو لينا .
    زووووووول : لكن يا سعادة العقيد الزول دا طلع ماسوره حسب نتائج التجارب التى اجريت عليه فى مزرعة تجارب نادى المريخ بحى العرضه الشماليه .
    العقيد : اطمئن يا زووووووول وعلى الطلاق ما ينجح فى مزرعة التجارب ما يجى ماشى بشارع العرضه زاتو .

  44. زووووووول كتب:

    املاب احبكم
    بقذيفة كلتشى اسونوا خسرت شركات زين وكنار وسودانى للاتصالات كثيرا من مواردها بحسب درسات الجدوى والتجارب السابقه حيث بدأ (الجماعه ) بارسال رسائل الشماته فعندما ارسل وورغو الكره لكلتشى وقبل ان تصل رجله اليسرى وصلتى رسالة اخونا سترايكر الشامته باللغه الانجليزيه وورغو يا ماسوره ! .
    وعندما رفع كلتشى رجله للتصويب وصلتنى رسالة اخونا البشاوى بالشماته وكان محتواها ((قول واحد )) .
    بعد الهدف اللوحه توقف الارسال تماما ورددت على بشاوى وسترايكر بواحده جمع رد شماته قلت فيها قولوا كليتشى !!
    كنت اتوقع رسائل من ودالزبير وسهيل ومشاكل واخرين من دونهم .داخليا وخارجيا لكن يا فرحه لم تكتمل (لشركات الاتصال ) هارلكم يا ناس (كنار)
    كسره : لا تفرح بهدفك الا بعد صافرة النهايه اذا كنت تلعب امام المريخ (حكمه صينيه )

  45. nono كتب:

    (حكمه صينيه )

    انتي حكمة _________ولة اية

    زووووووول شنوا يعني التعاااادل دة مااااااااااااااعاجلك

    ولة التعليق دة بي اسر رجعي!!!!!!!!!!!!!!!!

  46. زووووووول كتب:

    والله يا نونو تعادل مع فريق لاعب بالخطه اعلاه 10/0/0 يورم الفشفاش عديل كدا لكن العاجبنى انو القون جاء من كليتشى وبعدين انا داير واحد منهم يفتح خشمو بعد الاداء الجنائزى بتاعهم .
    كسره : بالله دا وصيف يشجعوهو

  47. nono كتب:

    قالوااااااااااااااااااا دايرين تجيبوا ركااااااردو

    نقول شنوااااااااااا في الشنوا ماااابعرف دااااااااااااااك

    بعداااااااك البسوا كحلي؟؟؟؟؟؟؟؟؟؟؟؟؟؟

  48. زووووووول كتب:

    انتو يا نونو
    علاء الدين يوسف دا جاكم من برشلونه
    ولا حموده جاكم من انترميلان
    ولا الزنزونى جاكم من بايرن ليفركوزن
    ولا سامى عبد الله مشى اهلى مدنى من ريال مدريد
    ولا جاديكا جاكم من اى سى ميلان
    ولا باكمبا جاكم من مانشستر يونايتد
    ولا حسن المصرى المدرب جاكم بعد انتهاء عقده مع يوفنتوس
    ولا الكاميرا الخفيه حدثتكم عن انتقال سفارى لاعب فناربخشه ليكم
    كسره :
    نحن اسيد بلد ومن حقنا (وطبعا الكاش راقد ) ان نشترى الارباب زاتو ونشترى استادكم نعملوا رديف ولو فى تسجيل اداريين ومشجعين الا تسيبوا البلد دى

  49. nono كتب:

    بعداااااااك البسوا كحلي؟؟؟؟؟؟؟؟؟؟؟؟؟؟

  50. ابكرون كتب:

    (بالمختسر ) ….( ادى الزعيم واحده من اروع مبارياته فى العام 2009 )
    يطرشنا بفريق بيؤدي احدي اروع مبارياته ويطلع (مفرتق إداريا) بعد المباراة ويرفت مدربه الاجنبي ……ههههه حلوه دي….
    بالمناسبه كل من يرعب فريق المرافيت سماسرة الفريق وراه …..يا ربي ما عايزين هيثم مصطفي…..للبيع

  51. زووووووول كتب:

    ابكرون سلااام
    والله يا ابكرون هيثم قاروره دا لو اديتونا ليهو هواده ما دايرنو . مبروك عليكم لامبارد بتاعكم

  52. زووووووول كتب:

    ابكرون
    اما بالنسبه لكروجر فموضوعه منتهى من بدرى وقال ليك من جابوا مشكله دا دايرنو يعمل مشكله ويطيروهو

  53. nono كتب:

    سلاااااااااااااااااااااام ياناااااااس الهلااااااااااااااااال الاحمر

  54. nono كتب:

    ننتهي من درع الانقاز؟؟؟؟؟؟؟؟؟؟؟؟؟

  55. nono كتب:

    يجونا بي كاااااااااااااااااااس الكاااااااااااااااااس السد

  56. nono كتب:

    يحلهاااااااااااااااااااااااااا الشبكة؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  57. زووووووول كتب:

    ود الزبير سلاااام
    أسعدني هذا الجمع الكريم في هذا البوست المتواضع ( ماهو بوست عن الهلال فلازم يكون متواضع )

    أفتقدت الهلالابى العنيدود الزبير الذى كب الزوغه من بوسته .
    نونو
    ابكرون
    مشاكل
    سهيل
    شمباتى
    مدنى
    سلاوى
    بشاوى
    سترايكر
    عبدوش
    ابو المنذر
    محنك
    مخير
    ودالزبير
    تانى بتجووووووووووا
    الجميع فى صوت يكاد لا يسمع : التوووووووووووووووبه
    كسره اى زول عندو سيك ولا ميك يجى بى جاى

  58. nono كتب:

    هلال محياك المابي ظهور
    _____________________

    وبرضي أقول ذنبك مغفور

    _______________________
    حسابي معاك بقى كله كسور

  59. زووووووول كتب:

    نونو
    الكسور (اقصد الغريق ) قدام لسا قدام

  60. زووووووول كتب:

    وسقط الزمالك السودانى . الدور دا يا جماعه انا خايفكم تهبطوا الدرجه الاولى مع اتحاد الطريفى

  61. زووووووول كتب:

    روى الجنيد فى تاريخه فى صفحة 2/0 عن خطابة احد (زعماء ) بلدتهم فقال :خطبنا (الزعيم ) خطبة بليغه رجفت منها قلوب الاهله وكان مما جاء فيها :
    مالى اراى سهيل وود الزبير يقرأون ولا يكتبون . ارضو المقام فقاموا . ام تركوا هناك فتكلتشوا . يا معشر ابو الهل اين الازاعة والاستاد واين المدافعون الشداد . اين يوسف محمد واين كرنقو واين ريتشارد واين كليتشى ؟ اين قودوين ؟ بل اين الحكيم ؟و اين البرير ؟ الم يكونوا اكثر منكم ولاء ؟ وافضل منكم اداء؟ ثم انشد يقول :
    فى المغلوبين بهدفين من الزعيم لنا بصائر
    لما رايت هجومهم للتهديف ليس بقادر
    ورايت هجومناوسط دفاعاتهم فتح المعابر
    ايقنت بانهم مغلوبين بهدفى لاسانا وكليتشى !!!((دا الشعر ))
    هيييع انا الزعيم …… وانا سيد البلد …… وانا بطل الكاسات الجويه وكمان كاسات الدهب …. انا الاول عربيا والرابع افريقيا ….. انا …. هيييييييييييييييع
    من اراد منكم ان يطمم بطنه
    ويوجعه راسه
    ويشاكل اولاده
    وينكت عيشته
    فاليلقنى وراء هذا الموضوع
    هييييع انتو وين ما قلتو ابطال

  62. nono كتب:

    هلا لي هلالي ظهر و بان لي الليله

  63. nono كتب:

    كااااااااااااااااااااااااادة يقلي???????????????????????????????????????

  64. nono كتب:

    كاااااااااااااااااااااااااااااااااااااااا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s