الخرطوم عاصمه حمرأأأأأأأأأأأأأأأأأأأأأأأأأأأأأأأأأ

Posted: السبت,14 فبراير, 2009 by ودالزبير in اخرى

اليوم تحولت الخرطوم إلى عاصمه حمراء منذ الصباح الباكر أردت الصبايا ( دي ثقافه لبنانيه ) البلوزات الحمراء و الطرح الحمراء والأحذيه الحمراء والشنط الحمراء والأكسسورات باللون الأحمر حتى لون أستيك الساعه كان أحمر وأرتدي الشباب أي والله الشباب القمصان الحمراء والتي شيرتات الحمراء والأحذيه الأسبورت الحمراء ووضع الجميع عصابات حمراء على أياديهم بإختصار كان اليوم يوم الدجاجه الصغيره الحمراء لم يلتفت أحد لنداء الشيوخ بالمقاطعه باعت محلات الهدايا كما لم يبيعوا من قبل وإذدهرت المطاعم والأنديه بالرواد من الجنسين ولا يزال الليل في أوله الخوف أن تتحول الليله في نهايتها إلى ليله حمراء.

يعني هسه يا ناس ودالخلا وصالح وزووووووووول ده يقولوا عليه شنو .

والبنات سلام ( بالبوس طبعاً ) هابي فالنتاين دي والشباب للبنات سلام بالأحضان وبرضو هابي فالنتاين دي .

شخصياً كان يوم للفائده الماديه حيث بعنا حتى الآن أكثر من ميه تورته وصحي رزق الشنو مابعرفوا داك على منو ما بعرفهم ديك وبكره يا ماحانشوف .

Advertisements
تعليقات
  1. salih كتب:

    الاكارم
    سلام

    وينك يا ود الزبير …

    اذا كُنّا جهلة (برغم الشهادات الكبيرة والجامعات الكثيرة) .. ويتصدر مجالس علومنا مَن يُسَمون كذبا بالعلماء من الرجرجة والدهماء ..(وهى من صفات دنو الساعة ان يكثر القَوّالون – اى الذين يقولون بما لا يعلمون ويجلسون مجالس العلماء) .. اضف لذلك هشاشة تَدَيُّننا وتجاوزنا لكثير من حدود الله(برغم اننا ندّعي دائما اننا امة ملتزمة!) والثالثة ان كثيرا من الاعراف الاجتماعية المتخلفة (علما ودينا) تُسِّير حياتنا قد اوردتنا موارد الهلاك(وخربت كثير من البيوت) … والمظاهر التي ذكرتها مضاف اليها انتشار كثير من الامراض التي لم تكن معروفة هى بعض النتائج الحتمية.. وربك يلطف.

  2. ودالزبير كتب:

    ود الخلا

    يا زول أنا قاعد أبيع تورتات سواء في عيد الحب ولا في الأيام العاديه مالك داير تحرم بيع التورتات……….

    قاعد في محلي قاعدين الناس يجوا يشتروا ولا كمان دايرنا نقفل كل يوم 14/2
    يا طالبان إنت ( وش ضاحك )
    دي شنو المدونه المافيها أيقونات دي ؟؟

    صالح

    والله لو حكيت لك مايقع تحت نظري يومياً لإستعوضت الله في هذه البلاد ..

    سافرد يوماً ما بوستاً لهذه المشاهدات لكن حسبك أن تعلم أن ( الفركه ) أو القرمصيص قد أضحى توباً تردتيه النساء برفقه بعولتهن

  3. ودالزبير كتب:

    ودالخلا

    شايف ساكت

    شايف وسامع وشامي بس فضل لينا حاسه اللمس الما أستعملناها …….. عارف عندي قناعه إنو القيامه راح تقوم من خرطومنا دي ……..

    بكره الإجتماع كيف ؟؟

  4. د.ياسين شمباتى كتب:

    ود الزبير..بختك بالجرورة دى,,ربنا يزيدك من نعيمو كمان وكمان..

    انت كمان ما بتكون شفت الجامعات بتكون عاملة كيف!! اسألنى منها انا,,اديك معلومة زيادة,,كل سنة اللون بتغير..احيانا كبدى وبنفجى وبمبى,,بس كلها بتدور حول الاحمر ومشتقاته..الهى لا تبدلنا ولا تحولنا..

  5. salih كتب:

    ود الزبير يا زعيم
    سلام

    ود الزبير (( لكن حسبك أن تعلم أن ( الفركه ) أو القرمصيص قد أضحى توباً تردتيه النساء برفقه بعولتهن)).

    دي ما ياها الدياثة التي ذكرها الصادق المصدوق عليه و آاله افضل الصلاة واتم السلام : الحديث (( لا يدخل الجنة دَيّوث)) والديوث ياهو زاتو الوصفتو في ردك .
    الديوث لغة وشرعا الذي لا يغار علي محارمه … يعني بالدارجي (ما راجل – وفي بعض مناطق السودان يسمونه :باطِل… والله اعلم.

  6. د.ياسين شمباتى كتب:

    اجتماع!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟

    قبل شوية اتصل على الاخ د.ياسر طه وكتر خيرو ابدى استعداد وروح طيبة للمشاركة فى الجمعية,,لو الاجتماع بخصوصها ابقوا ادونا خبر عشان نكون قراب..

  7. salih كتب:

    الاكارم
    سلام
    شيخ القبيلة

    علمت من احد الاخوة طرفنا ان المدعو (ظك) له اسماء كثيرة تختلف باختلاف المناطق الجغرافية وذكر لي منها الكثير (وبعضها مثير للضحك والقهقهة) ولكن يمنعني الحياء و اكراما للحوار علي سوداننا من ذكرها هنا …. وبيني وبينك بدأت افكر في ضرورة اشياء (اعلم ان الكثيرين لا يحبذونها الان) لمساعدة الناس والمجتمع بصورة عامة .. ساطرح الفكرة مستقبلا حين يتهيأ لهل الناس!

    يعني قلت لى باختصار الرجالة والمسئولية صارت في خبر كان!

    *لا اظن ان فتوى شيخ الاسلام تنطبق علي حالة سيدي بيه( لانهم لا يبيعونها بنية سيئة كما انهم لا يبيعون مها المحدقات المعروفة عند الاعاجم) والله اعلم.

  8. محنك كتب:

    ربكم يلطف

    الاخ ود الزبير لا يكون بين المدونين هنا من يعمل بالضرائب ….. فاقض بكتمان
    ونتمنى لك التوفيق والبيع النامى المبارك

    نسال الله ان يؤؤب هؤلاء ولا يتبعوا الشيطان فيضلهم ضلالا بعيد وانظر الى قول ربنا فى شان قوم بلقيس ملكة سبا ( وزين لهم الشيطان اعمالهم فصدهم عن السبيل وكانو مستبصرين ) صدق الله العظيم
    تمشى خطوة ورا الشيطان يسوقك خطوات الى ان يوردك المهالك ويتبرا منك

    ما هكذا يقبل الشباب على الزواج نصيحة احد الشيوخ للبنات ( يا بناتى انتن زى العيش مافى واحد بيعيش او يحيا براه … لكن لو كتر وفرشو فى الواطة والغاشى والماشى يخمش منه برخص وبدوه البهائم . ولو خزنوه وحفظوه وستروه وما مرقوه الدنيا كلها تفتش ليه والرجال يركبوا لواريهم يبحثوا عنه ) اها فهمتن … كان ذلك فى جمع غفير من المستمعين شيبا وشبابا رجالا ونساءا واطفالا

  9. محنك كتب:

    عفوا تصحيح
    فصدهم عن السبيل فهم لا يبصرون

  10. د.ياسين شمباتى كتب:

    ما اّل اليه الحال نتاج للتقليد الاعمى وافراز طبيعى لادعاءات الانفتاح والعولمة والتثقف غير الحقيقى..

    ود الخلا..بارك الله فيك يا واعى على الدعوة,,بس للاسف بكرة ح اكون برة الشبكة,لكن اّخر الاسبوع باذن الله لينا حديث يا طيب..

    د.صالح..ما فيها افرست قريب؟؟؟ خليك على جبل مرة وبس..تحياتى..

  11. Stricker كتب:

    عند وضع اكواد المسنجر للاشكال مثل الوجه الضاحك او الوردة او خلافه – سوف يظهر مباشرة الرمز – وهابى فالنتين للجميع …..

    🙂

  12. د.ياسين شمباتى كتب:

    استرايكر..الفانتاين هين,,انت ابقى قدر الجاييك!!!

    مافى جديد من الاستمارة؟؟

  13. طارق أب أحمد كتب:

    الأخوه الأفاضل

    للأسف شبابنا لايعى أنه فريسه لغول ضخم يمسك بزمام الكره الأرضيه و يحلب لبنها أنه النمط الأستهلاكى الذى سوغ ويسوق هذه المفاهيم لتحقيق مكاسب ماديه خياليه ..نعلم أن أوروبا تبيع فى هذا اليوم ما لا يقل عن عشره مليار من الورد والهدايا وكذلك الكريسماس
    حدثنى صديق يعمل فى مجال زى ود الزبير أنهم يبدأون التجهيز لتورتات عيد الأم قبلها بشهرين وصدقونى لن أكتب قيمة التورتات المباعه حتى لا أتهم بالكذب أو اامبالغه وأحتمال السيكوباتيه (ود الزبير لو قررت تبدا تورتات من باكر نتيجه للمعلومه دى أعمل حسابك تطلع حق الجمعيه بره)

    أما عندنا زى ما أسلفتم فهو سوق ضخم من للتورتات البالونات الدببه القلوب و الملابس التى يتغير لونها كل سنه عشان ما تزوغ من الشراء لحدى التحف الذهب والجواهر وجونى المشاى

    راجيكم باكر المسا على أحر من قلب الفالنتاين

  14. ودالزبير كتب:

    سترايكر

    كده بالأول غير لينا الصوره الرمزيه بتاعتك دي ولا بكلم ليك ود الخلا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

  15. ودالزبير كتب:

    يس الصديق

    وينك يا راجل

    شوق بالشولات

    كيف الغربه معاك وزالله حالتك تصعب على الكافر ………. يا زووول شده وتزول والفالنتين الجاي مع أخوانك إنشاء الله

  16. ودالزبير كتب:

    طارق

    أها عيد الأم ده كمان تاريخه متين

    شايف ياود الخلا ده عيد شرعي ومافيه أي شبهات

    اللهم كثر لنا الأعياد

    وأبعد عن ناس الجبايات

    قادر يا كريم

  17. ودالفتيحاب كتب:

    الاخوة الكرام صبحكم الله بالخير
    هاكم دى بعد الفلنتاين والليلة الحمراء (دى لبنانيه) الشر بره وبعيد..
    البنت ظهر عليها اثر حمل ,الام شكّت أخذت البنت للدكتور للتأكد من هذه المصيبة ..ياتى الرد بالايجاب والبنيه ياعينى طلعت حامل .يابت ده شنو ده ؟ ومنو العمل المصيبه السوده دى؟ إتصلت البنت بى طارى الذكر وحضر الولد الوسيم والذى ظاهره عليه أثر النعمة.
    الولد على طول عارف ناسوا . قال شوفوا ياخوانا الحصل حصل بس الحمل ده لو بنت بسجل ليها مصنع ومبلغ (200الف دولار ).
    أما إن كان ولد اسجل ليه مصنعين ومبلغ اربعمائه الف دولار .بس لوطلع الحمل كاذب أيه رايكم ؟.
    الاب بسيطه ياابنى تحاول مره ثانيه..

  18. ساتينتود كتب:

    الحبان سلام

    ود الزبير انت زعلان طبعان عشان اللون الأحمر مش كدة

    أهو أول مرة اللون الأحمر يكون عندو فائدة ولا ماكدة خلاك تبيع تورتات كتيرة زي الأقوان الكتيرة الجابوها من وين ما بعرف داك…

  19. ودالزبير كتب:

    ساتينتود يا جميل

    وينك وأراضيك

    شوق كميات

  20. حاج أحمد السلاوى كتب:

    أخونا ودالزبير …سيدى بيه ربنا يخليه ..
    المسالة يا عزيزى كلها أرزاق من عند الله سبحانه وتعالى …وكل زول بياخد نصيبه
    وسيدى بيه فاتح أكان لليوم الأحمر دة ولاّ اليوم الأبيض ..
    وشايفك منتظر عيد الأم كمان ..بس من ناحية شرعية (والله أعلم ) وحسب إفتاءات جميع علماء المسلمين إنو من الأعياد التى لاأصل لها فى الدين ومن البدع وفيه من الشبهات.. وليس كما قلت فى مداخلتك أعلاه مخاطباً أخونا ضى القيبلة ودالخلا بأنه عيد شرعى وما فيه أى شبهات ..أنا شايف إنو الناس من كترة الهموم العليها عاوزة تبتهج بأى طريق وتدور على أى مناسبة تفرح بيها ..لكين دى برضها اسباب غير مقنعة للإحتفالات والناس تدخل نفسها فى حتات ضيقة ويعرضوا انفسهم للقيل والقال فى أشياء اصلها ما حقتنا ومن الأفضل لينا أن نبعد أنفسنا من الشبهات… واللون الحمر دةزااااتو ما بيتناسب مع لون بشرتنا المحروقة ..وهاكم دى ..إحدى أخواتنا من جنوب الوادى لبست توب أحمر ملعلط وقالت لسعيد بتاعها : دلعنى يا جون فرد عليها جون : يا فحم يا مولع .
    حمانا الله وإياكم من الفحم المولع والفحم المطفى .

  21. aflaiga كتب:

    ود الزبيربياع عدة الكفر ثرو الشباب :
    اذكر اننى قد قرات حديثا لست متاكدا من صحته مفاده :
    اتى رجال من الصحابة لرسول الله يريدونه ان يقيم الحد على احد المسلمين ! لانه يمتلك الة الغناء وهى مفسده وكان الرجل يملك عودا للغناء !! فقال لهم ولم لا اقيم عليكم الحد انتم انفسكم ؟؟ فلما سالوه قال لانكم تحملون الة الزنا !!
    يعنى يا ود الخلا لو بارينا تحرى من يشترى منا سنجد ان العربى البيبع اللبن لى شفعنا بيجيب اللبن من مزرعه بتربى البقر بى علف مستورد من شركة شريك فيها واحد عندو شراكة مع شريك مساهم فى شركة يهوديه !!!! وقس على ذلك ..

  22. زووووووول كتب:

    ود الزبير سيدى بيه سلااااااااااااام
    موضوع جميل وجدير بالاهتمام (الاهتمام بالكتابة عنه ونقده وليس الاشتراك فيه بلبس الاحمر والبتاعات القال عليها سيدى بيه دى ) .
    قال رسول الله صلى الله عليه وسلم ((لتتبعن سنن من كان قبلكم شبرا بشبر وذراعا بذراع …… الخ )).
    وجاييكم راجع يا افليقا

  23. ود المهدى كتب:

    سلام لكل الاخوة والاخوات
    الشباب ما لاقي حاجات يشغل بيها وقتو الثمين لا شغل ولا مشغلة والتلفزيون والمحطات الفارغة الما عندها شغلة غير الرقص والغناء واخبار الفنانيين والفنانات وااخر صيحات الموضة وجدت فريسة سهلة في شبابنا وشاباتنا. وصعوبة الزواج لحدي ما بقي مسيار ويا ما في الجراب يا حاوي.
    والله الصباح وانا ماشي المكتب صادفت عربة الشرطة بتاعة الكشة وهي مليانه شباب مقبوض عليهم لانهم يبيعون المناديل في شارع المطار ومنظرهم يحنن الكافر. وافراد الشرطة حولهم وهم في نشوة كانما قبضوا اعتي المجرميين- وهم يهرشونهم والشباب لا حول لهم ولا قوة – جالسيين في ارضية العرب البوكس والساعة لم تتجاوز الثامنة الا بقليل – وقلت في نفسي اذا كان هذا هو شباب الوطن وشرطة الوطن فعلي الوطن السلام – بالله منو احق ان يقبض علية من يبيعون المناديل من اجل لقمة شريفة ام من يلبسون الاحمر في يوم 14 فبراير. و عش رجبا تري عجبا ّ!
    الاخ الكريم محنك لك التحية
    ارجو ان كان الكلام نصا قرأ نيا ان يكون بين قوسين وان تكتب الاية كاملة مع ذكر السورة ورقم الاية ما امكن ذلك حتي تعم الفايدة و لك الشكر.
    والسلام

  24. نيام كتب:

    تورتة شنو ياود الزبير دا يوم سلطة حمرا و بنجر و جزر وبتيخخخخخخخخخخخخ

  25. زووووووول كتب:

    افليقا سلاااااام
    ود الزبيربياع عدة الكفر
    دى قويه خلاااس يا افليقا
    وهاك كمان القويه دى لو ما يكون فى واحد شليق سبقنا عليها :
    ((اقدم بعض الاشخاص الرافضين لفكرة عيد الحب فى العاصمة الاردنيه عمان بطلاء حمارباللون الاحمر وعرضه امام اعين الماره . وقال احمد الزغبى احد المشاركين فى طلاء الحمار ((فى الوقت الذى تعانى فيه امتنا من نزيف الدماء فى كل مكان نحن نحتفل بعيد ليس له علاقه لا بديننا ولا بعاداتنا ولا باخلاقنا .
    من جهته اكد فادى الشقران ان عشرات الاشخاص وخصوصا من غير الاردنيين ذهلوا عندما راوا الحمار بهذه الحاله وتجمعوا حوله من اجل التقاط الصور .
    كسره : نقلا عن جريدة الصحافه
    كسره : تهانينا الحاره لكل ……… مطلى باللون الاحمر .
    كسره : هنالك فرق بين من يبيع الماكولات والبيتزا على مدار العام مثل سيدى بيه وامواج وبين من يشترى ويبيع الزهور الحمراء لعيد الحب
    كسره : ايه رايكم نقوم نشترى حمار من حر مال الجمعيه الخيريه يا خالد مدنى وعزت ونقوم نشترى اتنين علبه بوماستك ونعرض البتاع دا فى عيد الحب القادم وبرضو دا عمل خيرى بس الخوف انو طارق اب احمد يقول لينا اللائحه ما فيها بند بالشكل دا .
    كسره : بالله يا عبدوش شوف لينا واحد سعرو مناسب ويا ود الخلا البوهيه عليك وكمان انا منى الفرشاة . حد يثنى

  26. ساتينتود كتب:

    الحبان سلام

    ود الزبير والله بالأكتر حال الغربة زي ما عارف والدوامة الما بتنتهي دي

    ود المهدي أضف غلى الوقت الثمين العندهم والمميزات القلتها دي من انترنت وفضائيات وخلافه انو معظمهم مستجد نعمة بين يوم وليلة لقو في كمية قروش ما ليها آخر، ومتابعة العولمة ومفهوم التحضر الجديد (التفسخ والتدهو الأخلاقي)

    زول عندو قروش وعندو زمن فاضي اكتر من نص اليوم وما عندو وازع ديني وما في زول بيسألو بتعمل في شنو، تفتكر حيعمل شنو؟
    اللهم اهدنا واهدي بنا واصلح حال المسلمين

  27. طارق أب أحمد كتب:

    الزووووووول

    ياخى والله فكرة تعمل أعلان مضاد للأفكار الوافده من خلال نقد لاذع ودمو خفيف دى فكره رائعه رائعه أثنى أقتراحك وكمان ما من قروش الجمعيه بل مساهمه مننا بغرض لفت الأنظار الى بلادة الأنفاق على مثل هذه العادات الهدامه و أستثمار قيمة هذه الهدايا فى عمل الخير

    بس لازم نفكر فى أفكار جديده يعنى بتاعت الحمار دى راحت عليها

    تقدر تبدا معاى فى 30 يونيو

  28. طارق أب أحمد كتب:

    ود الزبير
    ياخى الأب عندو 364 يوم فى السنه و اليوم الوحيد الحق الأم بتسأل منو
    تلقاك عارف بس خايف من ناس أفصح…. و هات دليلك و أياك
    وأياك ما تجى بعدين

  29. بشار أحمد بشار (إبن برد) كتب:

    ود الزبير :”البلوزات الحمراء و الطرح الحمراء والأحذيه الحمراء والشنط الحمراء والأكسسورات باللون الأحمر حتى لون أستيك الساعه كان أحمر وأرتدي الشباب أي والله الشباب القمصان الحمراء والتي شيرتات الحمراء والأحذيه الأسبورت الحمراء ووضع الجميع عصابات حمراء ” يا ربي يكونوا لابسين أحمر عشان لعبة المريخ الليلة خلاس عيد الفالنتاين السنة الجاية بنكلمم إالبسوا أزرق لزوم التهدئة والعدل والمساواة وخليل يا خليل خليلك وين…… قلت لي البنات شغالات (مبوسة) 2 كاربوريتر، بالله شوف الأراب سات وتقليد القرود الأعمى والشتارة والمحن؟؟؟

  30. nono كتب:

    ود الزبير لك التحية/
    والاخوة اصحاب المدون/نحن في الإسلام لا نحتاج إلى عيد حب؛ لأن المفروض أن

    تكون أيامنا كلها حبٌا في حب وعشان ناس سيدي بية ياخدوا راحتم يسترزقوا؟؟؟؟

    فلماذا يخصص يوم واحد فقط للحب؟

    إن معنى ذلك أن بقية الأيام قابلة أن تكون أيام كراهية؛
    فنحن نحب الله ورسوله صلى الله عليه وسلم ونحب الوالدين
    والأهل والأبناء والأصدقاء والشمس والقمر والهواء والماء
    والبرتقال والتفاح وكل شيء جميل بديع مباح!!!!!!!!!!!

  31. ودالزبير كتب:

    الشباب

    والل منورين البوست وتستحقوا كل زول يردو ليهو براهو لكن نسوي شنو مع تعب الفالنتين دي ده سهر شديد المهم يا جماعه اليوم عد بخيره وشره وماداير أحبطكم لكن البلد دي منها العوض وعليها العوض ولا أمل ولا بدر زاتو في إصلاح للجيل الجديد ديل خلاص حزموا أمرهم وأختاوا توجههم .

  32. ودالزبير كتب:

    نونو

    والله فرحان بتعليقك ده

    كمان لو لحقتينا بحاجه بتاعت حقيبه تمجد هذه الذكرى يكون 100/100

  33. nono كتب:

    يـانـجوم الليل اشهدي عـلـي لوعتي وتسهُّدي
    عـلـي بُـكاي و تنهُّدي
    من ليه حُسن الكون هُدي النـافر الجـافي الهَدي
    يـا عـيني يوم تشاهديْ اقريْ السلام و استشهدي
    يـا عـيني دمـعك بنِّدي قـول الـعـوازل فنِّدي
    انـا لـي غرام يامعاندي في زهـرة الخـد الندي
    قـمـراً حـماني تهجُّدي وتركـني فـاقد منجدي
    آه مـن صفارو العسجدي وعينو المِتِل عين الجدي
    ياعـيني ابـقي اترصدي عسي توجدي ما تقصدي
    مهـما جَرح قلبي الصدي هو برضو غاية مقصدي
    يامـن خـرقت عـوايدي ونظـمـت فيه قصايدي
    لو عـمري شيئاً في يدي لوهـبتـو ليك( ياسيدي بية شنوا مابعرف داااااااك)

  34. aflaiga كتب:

    شباب :
    اها جيناكم تانى :
    امبارح سقت سمسمه والشفع ومشينا حديقه كده مفتوحه وقلنا نحتفل بعيد حبنا لبعضنا كلنا المهم قضينا يوم جميل واذكر انو عيد الحب الفات قضيناهو مع الحجه ست الحبايب ..
    لا اعقتقد ان التعبير عن المشاعر للحبيب فيها اى نوع من الخروج عن الدين مع اعتقادى بان ترتيب اولويات الحب هى الاجدى يعنى نحتفل بعيد حب النبى فى مولده ونحتفل بعيد حب ربنا كلما اشرقت الشمس علينا وكنا احياء ونحتفل بعيد حب امهاتنا فى يومهم ونحتفل بعيد حب المره او مشروع المره برضو فى يوم عيد الحب يعنى الواحد طلع من بيتو مسلم وجا احتفل بحبو لا ولادو !! وهو مسلم ورجع برضو وهو مسلم !! وين المشكله هنا ؟؟
    اعزائى من كانت هجرته فى عيد الحب لحب غير عذرى فهجرته لما هاجر اليه اما التعبير عن الحب باحمر او اصفر فدا شيئ متروك لصاحبه ما لم ينتقص من مروءة الرجل او عفة المراه او ما لم يخالف نصا شرعيا .

  35. nono كتب:

    للهم إني أسألك حبَّك، وحبَّ من يحبُّك، وحبَّ عمل يقرِّبني إلى حُبِّكَ

  36. Stricker كتب:

    هسا يا ود الخلا
    وين البدعة فى كلام افليقا ده ؟؟؟؟؟؟؟؟
    والمشكلة شنو لو الواحد مرق واحتفل ؟؟؟؟؟
    الناس حتى عشان تمرق ترفه على نفسها فى يوم زى ده – تجى تقولو ماتمرق
    ياخى انا داير امرق اليوم ده وسقت عواطفى ومشيت معاها اى حتة ورجعتا – دا فيهو خروج من السنة ؟؟؟؟؟؟؟؟؟؟
    طيب يا سيدى افتى لى فى ناس الدولة ديل وفى البعملوها ناس علماء ظلامستان وتعالو بعد كده يااخوانا اتكلمو فى المواطن المسكين الحتى اليوم الداير يمرق فيهو عشان يرفه فيهو مستخسرنو عليهو.

  37. Stricker كتب:

    غايتو
    .

    .

    .

    وجنس غايتو

  38. aflaiga كتب:

    ابوى ود الخلا : ونحنا كمان نسحب اى كلام مادام القصد واحد وهو :
    خايف علينا من الضلال – خايفين عليك من الحلال !!!
    اللهم اجعلنا ممن يتحرون الهداية دون غوايه وممن يتحرون الحلال دون ضلال .. ومن الصح لمن غلط ومن الغلت لمن صح !!!

  39. حاج أحمد السلاوى كتب:

    السُمَار الكرام أبناء الكرام ..
    نحنا زمااااان شن قلنا وبنعيدو تااااانى وتالت ..ربنا يديم المحبة والأخوة والمودة والصداقة..وياكم أهلى أهل السودان الذين يختلفون سياسيا ويلتقون إجتماعيا ..
    وزى ما قال أحد المغنين ( ما عارف اسمو ) تانى ما بنختلف..
    أدام الله عِزكم وجمعنا وإياكم فى أسعد الأوقات وأبرك الساعات .

  40. عباس ركس كتب:

    ود الزبير : لك كل التحايا
    قالو واحد بتاع بقالة كان فاتح قصاد العشش زمان , اكتر حاجة كانت ماشة معاهو قطع الشاش , بشتروها الجماعة لزوم تصفية الذي منو وكدة !!! اها نط ليهو واحد وقال ليهو الموضوع دا فيهو وما فيهو !! سأل ,افتوهو : أكان قالو ليك ادينا شاش ما فيها حاجة لكن أكان قالو ليك ادينا صفاية ياها دي الحرام , زولك علق الشاش برة وكتب عليهو شاش وأول ما يشوف ناسو ينط ليهم برة ويمسك الشاش ويكورك دا اسمو شااااااش شاش يا اخوانا . . . وبرضو : يا هاج ألي بلاي ادينا سفاية !!! الله يصفي دمكم ما قلنا ليكم اسمها شاش !!!!
    انت في زول قال ليك ادينا تورتة لعيد الحب ؟؟؟؟ ــــــــ وتيب !!

  41. aflaiga كتب:

    ركس : انا مش قلت ليك انت راجل ما عادى .. اهو ده الكلام بيع شاشك البيشتريهو تصفيه بى ذنبو والبيشتريهو لاورنيك تمنيه بذنبو والبيشتريهو من اجل شاشيتو برضو بى ذنبو !!! تحياتى يا راقى وما تنقطع .. ده دكان منو الفى العشره الفاتح فى خور جانقى مقابل العشش جنب مدرسة النيل وسوق العشره ؟؟؟
    ود الخلا : مع انو سهيل قال تانى ما نفسر كلام زول لكن لو وضحت لينا القصد من ( ذلك كذلك ) دى يكون ميه ميه عشان ما نمشى بعيد شديد لاننا مشينا بعيد شويه !!!

  42. aflaiga كتب:

    ود الخلا : البيبدع ويجيب الحجار والراديو ذاتو كمان ..
    ود ايه الانت خايف بس عليه
    انت ودك اصلو ما بينخاف عليه
    قوللى ليه ؟؟
    لانو ودك مانا مشحودين عليه
    ولا ايه ؟؟
    التمست فى حديثك تندرا من امكانية عودة الموقع سيد الاسم العلم الناس الكتابه .
    فلو كان قصدك كذلك فلست انت ود الخلا الذى نعرف ولست تعرف بالتاكيد ان الشمس قد تغيب لكنها لا تزول الا بزوال الوجود .
    وللفائده العامه :
    موقع جبرا عائد عائد ( ما يا نميرى ) ..
    بس دايما الحاجات الكبيره بيفسحو ليها مجال كبير ويرتبو ليها كويس عشان تنزل كلو فى محلو ( زط رط ) حبس كبس ميه ميه .. ( يا السلاوى ) ..
    وتانى نعيد :
    انت ودك مانا مشحودين عليه ولا ايه ..

  43. nono كتب:

    يا ود الذين/

    شنوا يعني لا حلو…. ولا مسيخة…… لامرة…. لاطاااااااااعمة
    ___________________________

    ولا اااااااااااااااااااي حاااااااااااااجة

  44. nono كتب:

    ولة اقول ليك خليك علي كدة؟؟؟؟

  45. ابكرون كتب:

    والله لكن جنس دشدشه وتكسر….
    لوهبتو ليك يا يااااااااااا سيدي…يا كواكب النهار

  46. nono كتب:

    ابكرون/

    البص دة ماااااااااااااشي بالمهدااااااااوي انتي ماااااااااااااااشي بالنص

    ياسواااااااااااق الزول دة دقولوا لية ينزل اددددددددددددوا قروشوا

  47. البشاوى كتب:

    ابكرون
    انا شايف احسن تواصل بالمهداوى وماتقبل يرجعو ليك قروشك

  48. ابكرون كتب:

    انزل وين يا (بش)…ان ساااكن الواحة…وركبته من مكي ود عروسه…شارع النص دقداقه بعمل رجه الا تسوا ليه كسارات تدشدش الحصا الفيه ده…

  49. ابكرون .. البشاوى .. نونو ..
    حيرتونا ولفيتو راسنا وبقينا مسطحين ( يعنى ما ناقشين حاجة .. يا سهيل فى رواية أخرى ) وما فاهمين أى حاجة … ركّبونا معاكم ..من أى محطة ..ما مهم …

  50. البشاوى كتب:

    السلاوى
    يعنى عاجبك ابكرونا اخونا الرجل الطيب دة يكون راكب والدقداق مدشدشو
    وبعد دة ينزلوهو انا غايتو بقيف ليهو فى الباب كان لزوهو برجعو ليهم تانى

  51. ابكرون كتب:

    إهي إهي….ده اناااااا غلباااااان ما بقدر علي الكداري من النص للوادي والرقشاات بخاف منها

  52. nono كتب:

    قلبي مشغول بي صبية شايل النوم من عنية النخل عاااازف تحية
    ا____________________________________________________
    الفراش حاااااااااام حولية جناحواااااااا صفر كدراية ****** كدراية
    ________________________________________________
    مااااااحرام منك أذية ماحرام تجد الاذيه مااااحرااام انتي الازيةانتي اقرب شوقي لية
    __________________________________________________________ بشكي ليك مر االشكية القليب نيرانوا حية العيون دايمن ندية المنام فارق عنية ____________________________________________

    الله لية روحية الوفية__________ الله لية روحية الوفية
    _________________________________________________
    شايلة ردك والآسية ان تنحن مرة اطيب جاية ليه الدنية دية دنتيا ____________________________________________________
    رااااااااايحة فااااانية فاانية رايحة *****لادايمة ليك ولادايمة لية
    _____________________________________________
    كدراوية_______ كدراوية

  53. البشاوى كتب:

    بكرون
    النونو مصرة وملحة انك تمشى كدارى ! شوف انت عملت شنو عشان تمشى
    كدارى

  54. ابكرون كتب:

    يا (بش) يا اخوي حكم القوي علي الضعيف…انت الخرطوم دي لسه حمرااااااااء
    ———————–

    زاهي في خدرو ما تكلم
    إلا يوم كلموا و تكلم
    حن قلبو و دمعو سال
    هف بي الشوق قال و قال
    باهي كل ما قالو كلمة
    خت( كلمه كالنبال)
    لو تراهو .. في سماهو
    النور كساهو الجمال
    كنت تعلم .. كيف جهنم
    تحرق الجنب الشمال الشمال

    كلامو جوهر
    و سط بسيمو
    ياتو في الجوهر المقال
    هف بي الشوق قال و قال
    إيدو عندم
    ريقو زمزم
    طهر مريم في المثال


    و طرفو ساهي
    و حزامو خاتم
    و جسمو من نقش
    توبو شال
    هف بي الشوق
    قال و قال


    قلبي دايرو
    كيف أسايروا
    في مسايرو
    نجمي ضال
    في عيونو
    و في سنونو
    و من فنونو
    الموت حلال

  55. nono كتب:

    كل ما سالت عليك صدوني حراسك
    ردو الجواب قاسى مع انى من ناسك

    ردو الجواب قالو كم غيرك احتالو
    غير صدهم لاشئ مننا نالو

    ياقاسى ياقاسى هل يرضى ماقالو
    كان انتا ماهاميك ولا حرك احساسك

    ياغالى ياغالى يالديمه فى بالى
    وجفاك حارمنى من لهجك الحانى

    انافى هواك ياجميل تتحطم آمالى
    انا برضى بستناك والصبر يحلالى

    كل ماشذاك يسرى فى قلبك السحرى
    ييقظ لهيب الشوق والهوى العذرى

    اهواك ودارى هواك لوينقضى عمرى
    انا عمرى بادئ على عطفك واحساسك

  56. ابكرون كتب:

    لكن والله ع يبالغوا ….
    يا حارسنا
    وفارسنا
    يا بيتنا ومدارسنا
    كنا زمن نفتش ليك
    وجيتنا الليله كايسنا

  57. سهيل كتب:

    أنا ما فاهم حاجه .. أبكرون إنت فاهم و لا بتعلق بأثر رجعي

  58. nono كتب:

    نقولة نعم الف نعم ليك ياالقائد الملهم

  59. سهيل كتب:

    انا النحله وس وس وس وس و أنا الدبور وس وس وس

    أنا أمير شرطه البر و أنت أمير شرطه البحر ……. إتفقنا؟؟؟

  60. طارق أب أحمد كتب:

    nono
    أبكرون و عارفنو بس أنتى أوعك تكونى من زمن نقولا نعم ليك يا

    يا سهيل النوع دا بتجيبو من وين

  61. حسون كتب:

    دة الحوار الغلب شيخة؟

  62. ودالزبير كتب:

    دي شنو الهرجله الفي البوست ده

    بالله الزول يغفل ليهو يومين يلقي أبكرون ونونو والبيشاوي فتلوا ليهو البوست هسه البوست ده أحرف حداد ما يقدر يستعدله كمان سهيل والسلاوي مساعدين في تخريب البوست بالله شيف الشباب ديل التقول كانوا مساهرين يوم الخرطوم كانت عاصمه حمراءءءءءءءءءءءء

  63. aflaiga كتب:

    ود الزبير : اصلو البيفرط فى بوستيهو يستاهل البيلاقيهو !!
    شوف بوستك ده يا تقعد تحرسو يا حتجى خاشى ما تعرف ده بوست منو واتكتب لى شنو ؟؟
    السلاوى : استر اخوك المغترب يسترك الله فى اجازة الاولاد !!!
    شمباتى : اصلا القصه بتبدا فى الغربه ببوست الحنه والخضاب وتنتهى ببوست من ستر مسلما .. !!

  64. حاج أحمد السلاوى كتب:

    اخونا ودالزبير .. حسه فيييييييييى ظمتك أنا خربت البوست فى شنو .. ولاّ بس عشان ما لقيتنى قدامك …نحنا كنا مساهرين … وين ؟.. المرة الجاية أقعد احرس البوست حقك .. اسمع كلام أخوك أفليقا .
    أفليقا … والله أخونا مستور يحمد الله وما بتجيهو عوجة .. تب ..
    سؤاب سغيروووووونى كدة ..اللون الأحمر لسه موجود ..ولاّ خلاس .. بح !!! وكل لون وأنتم بخير .

  65. طارق أب أحمد كتب:

    حاج السلاوى
    ماسمعت بالخامس

    لا لا ما محمد الخامس بقول ليك الخــــــــــــــا مـــــــس

    ولا الطابق ولا الولد ولا الشارع
    أكيد ما السلم الخماسى

    يا عمك أنا فترت معاك كدى أسال أفليقا تانى

  66. طارق أب أحمد كتب:

    السلاوى ((سؤاب سغيروووووونى كدة ..اللون الأحمر لسه موجود ..ولاّ خلاس .. بح !!! وكل لون وأنتم بخير .))

    أب أحمد ((حاج السلاوى,, ماسمعت بالخامس ؟؟؟؟؟؟؟؟؟؟))

    ماسمعت بالخامس ؟؟؟؟؟؟؟؟؟؟))

    ود الخلا((غايتو يا أب أحمد الخامس في الألوان دة ترتيب اللون الأزرق، لأن ألوان الطيف السبعة بتبدئ باللون الأحمر ))

    ود الخلا

    وقعت ليك ولا أعمل ليك درس عصر!!!!!!!!!!!

    لكن برضو منكم نستفيد ,,,قلت لى الأحمر الأول ,,,,,, والليــــــــــــــــــــــــــــــله

  67. البشاوى كتب:

    ودالزبير
    اوعك تفرط فى بوستتاتك اقعد احرسا
    ابكرون
    نحنا ماسقفنا على عتب الكدارى وقلنا بس خلاص لكن انت لصقت فى
    الموضوع لما لقيتنا نمنا بس تم تكوين لجنة تقصى حقايق برئاسة افليقا
    وعضوية افليقا وافليقا وبس وستقوم اللجنة برفع تقريرها للريس ابو الافلاق
    اها عندك كلام ولا نطلب ليك تأجيل لمدة سنة واحدة بس ولا ؟

  68. ابكرون كتب:

    يا ناس انا غلبااان….وحفيااان والشوك والحجاره ما بقدر علي المشي فيها كداري
    انتو البوست ده سيدو ما غاضي الطرف ملكم بتجوه راجعين؟؟
    ….وما دام افليقا هو القضاة الثلاثة انا راضي بحكمه….بس ادوني فرصه احل مشكلة (كارفور)

  69. aflaiga كتب:

    ابكرون : طواااالى داير فرصه !! ؟؟ طواااالى ؟؟؟ ما اديناك فرصه لمن مشكلة كارفور وصلت لى كده واديناك فرصه لمن كده وصلت لى مشكلة دارفور !! يعنى اسى نبطل مشاكل المجتمع الدولى كلو ونقعد نديك فى الفرص ؟؟؟ انت ما سمعت انو العرب قالو :
    ما تحل مشكله بمشكله
    وما تتضارى ورا الايام
    البحل مشكله بمشكله بتشربك
    والبتضارى ورا الايام عريان
    ولا شنو يا بشاوى ؟؟؟؟
    ود الزبير الايامات دى واقع فى غض طرف تقيل يا جماعه اعذروهو المعايش جابارا !!

  70. الغبشة كتب:

    ود الزبير: اها القلعه الحمراء ما اخبارها اليوم؟؟؟؟
    انا وابكرون ومعنا اخرون راجين الشمار اليوم الحصل والبحصل
    بالله ماتنسى تمدنا باخر المستجدات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s