نحنا بدينا يلا .هيلا هيلا يلا.

Posted: الخميس,19 فبراير, 2009 by aflaiga in اخرى

d8b9d8a8d8afd988d8b4-d981d989-d8a7d984d985d982d8b11بحمد الله تم صباح اليوم اسنلام المقر الخاص بجمعية سوداننا الخيرية وفق التفويض الممنوح لنا باختيار المكان كمقر مؤقت للجمعية . راعينا فى المقر الحالى الا يكون مرهق التكاليف وان يكون فى وسط البلد قريبا من المستشفيات ومرافق الخدمه الطبيه وبرضو قريب من المواصلات . مرجع توفيرنا للتكاليف هو استثمار العائد الباقى فى دعم العمل الخيرى الذى بالطبع قد يتجاوز مقابلة الاطباء الى دفع بعض تكاليف العلاج او الدواء او رسوم الفحوصات او التواصل مع المتعاونين مع الجمعيه . نعتقد اننا عبر توفير المقر لم يتبق الا البدء الفعلى فى العمل . حسب اجتماع اللجنه الاخيره تم تسليم المكتب للاخ عبدوش ليباشر مهامه فى الاتصال ( التنظيمى ) لترتيب اللقاءات بين المرضى والاطباء وبرضو ترتيب لقاءات المدونين يعنى شكل سكرتير مكتب تنفيذى . وعشان نكون عمليين تفاصيل تكاليف المقر بطرف الاخ خالد مدنى على الهاتف 0919991880 .

ملخص البوست :

المقر الخرطوم السوق العربى  جنوب شرق تقاطع الطيار مراد مع شارع الجامعه – جنوب وزارة الثقافه – عمارة الميرغنيه الطابق الاول مكتب رقم 5 .

ننوه المدونين بالبدء فى الاتصال بالاخوين خالد مدنى وعبدوش لبدء ارسال الاشتراكات الشهرية – بالنسبه لمدونى الخارج سيتم فتح حساب يتم عبره ارسال الاشتراك . او ارسالها عبر التحاويل لحين فتح الحساب باسم الجمعيه وعلى المدونين فى الخارج كل فى منطقته الاتفاق على قيمه معينه للاشتراك وكيفية ارسالها للحاق بترتيبات التاسيس والعمل المباشر . وقد تم تحديد قيمة اشتراك مدونى الداخل بمبلغ 30 جنيه سودانى مبدئيا . بدا عدد من المدونين مشكورين فى ارسال اشتراكات الشهر ونتمنى من البقيه يضا الاهتمام .

الجمعيه الان جاهزة لاستقبال الحالات وتحويلها بدءا من تاريخ هذا البوست عبر الاتصال على الاخ عبدوش فى الرقم الموضح ( 0919991880 )

سيتم اضافة ارقام اخرى  ( سودانى وموبيتل وثابت سوداتل وكنار ) لتسهيل الاتصال من الخارج .

Advertisements
تعليقات
  1. مبرووووك ضربة البداية… حاولت اتصل بالهاتف و لكنه مغلق.. أفتحوهو و الا أقوم أعمل ليكم استيضاح

    التحية لكم
    الرئيس!!

  2. طارق أب أحمد كتب:

    ياخواننا سبحان الله ,,,,الأخبار الجميله دى كلها فى يوم واحد
    ما شاء الله بدايه قويه , موقع مميز جدا
    نبدأ حمله سريعه لتاثيث المكتب بما زاد عن حاجتنا فى المنزل أو المكتب
    أنا أبدأ بى تلاجه ساخن بارد

  3. ابكرون كتب:

    مبرووووووووووووووووك وللامام والخير بجيب الخير……مش شوفوا عبدوووووش ده قاعد كيف….

  4. مُخير كتب:

    رجال الحارة
    سلام
    ألف مبروك الإنطلاقة الفتية نحو آفاق العمل الإنساني الجاد، وندعو بالخير لكل من جعل هذا ممكناً ضارعين إلى الخالق جلا وعلا أن يبارك هذه الجهود الخيرة وأن يثيب جميع الأخوة الأطباء المتطوعين وأن ينفعكم بهذا العمل يوم لا ينفع مال ولا بنون. وسيروا وعين الله ترعاكم ونحن من خلفكم بإذن الله.

  5. سهيل كتب:

    مبروك للسودان.. عقبال مقر يتكون من 40 طابق…

    يابتاعين الإداره.. كلام الريس عزت دا ما سمعتوهو ولا شنو؟

    أب أحمد : شيال التقيله .. الله يحفظك .. و إنكرب للجايات

  6. ابوالمنذر كتب:

    ياسلاااااااااااااااااااااااااااااااااااااااااااااااااااااااام
    على تحقيق الاحلااااااااااااااااااااااااااااااااااام
    يامية هلا
    يا افليقا دايما تجيب الاخبار المفرحه ربنا يفرحك ويبعد عنك( الماعايزو)
    ياعبدوش كتر من كبسولات البوش والجانب النفسى نصف العلاج
    ربنا يوفق

  7. nono كتب:

    الاخوة اصحاب المدونة/
    _______________________
    تهنئة معطرة بأريح الياسمين قد يعجز اللسان بالنطق، والفكر بالتعبير أمام هذا ألآنجاز الرائع الذي بذلتموة……
    وبهذه المناسبة اتقدم بأجمل التهاني والقائمين بهذا العمل ونباركهم على هذا ألآبداع.
    مع اجمـــــــــــــل التحيات……..

  8. د.ياسين شمباتى كتب:

    مبارك الموقع وربنا يسهل القواسى..

    طارق اب احمد..مبادرة قوية,,زى مبادرة اهل السودان وكدة!!! لكن كلامك صحى ويا ريت الناس تبدا تنفذو طوالى..

  9. حنين كتب:

    أفليقا والشباب .
    سلامات .
    مبروووك الموقع الجديد وعقبال يكون عندكم برج كامل من أبراج غابة الصنط وتسموة برج سوداننا الخيرى .
    طبعا البداية دايرا ليها كربة وسط وشدة حيل وزى ما قال عمرو خالد الطيارة لمن تجى تطير دايرة أقصى مجهود لعملية الاقلاع وبعد ما تصل الارتفاع المطلوب محتاجة فقط لتوجية (للمريسة )زى ماقال سهيل …

  10. زووووووول كتب:

    مبروووووووووووك
    تكبيييييييييييييير
    تهليييييييييييييل
    شعارنا !!!!!!!!!
    والله عجبتونى
    عجبونى الليله جو ترسوا (المرض والفقر ) صددوا
    بالله اجتماع اللائحه سررررررررريعا
    وبرضو وروونا طرق دفع الاشتراك للاعضاء من داخل السودان هل بالتسليم المباشر يدا بيد (نحو الغد ) ولا فى حساب ولا تحويل رصيد ولا كيييييف؟

  11. التلب كتب:

    1000 مبروك و ربنا يوفق الجميع

  12. المدونون الخييرون ..سلام للجميع
    نهنئكم وأنفسنا بإستلام المقر ( الدائم للعمل الخيرى) جعله الله فى ميزان حسنات كل من:
    صاحب الفكرة
    جاء بالفكرة …
    أيد الفكرة
    رحب بالفكرة
    ساهم فى الفكرة
    قام بالتنفيذ…
    شارك فى التنفيذ…
    ساهم فى التنفيذ..
    سيساهم فى التنفيذ..
    الإخوة الأطباء الأكارم
    والزول الجمع الناس دى كووووولها..
    أخوكم ود جبرة ..

    وفقكم الله ودمتم ذخراً للسودان بعيداً من عيون الحاسدين والراصدين بإذن واحد أحد..ويا هو دة السودان .

  13. ألفاتح جبرا كتب:

    ألف ألف مبروك … بداية صاح 100% … عندى ليكم (مكتب) وكم كرسى كده .. نسقوا مع (سهيل) عملية (البوكس) !

  14. نلتقى غدا باذن الله صباح السبت في المقر الجديد … الدعوة لناس اللجنة و أصدقائهم للوقوف على أمر المكتب و الخطوة القادمة….حداشر ما بطال…. اتصل بالهاتف الموجود في صدر التدوينه لتوجيهك

  15. ياسر طه كتب:

    السعي في قضاء حوائج الناس من أفضل الاعمال وأعظمها وفق الله وبارك في كل من ساهم في هذا العمل الخير وألف ألف مبروك ونسأل الله أن يجعله في في ميزان حسناتهم
    شكراً جزيلاً للاخوان حاج السلاوي ودشمباتي على الاتصال والتنوير باعضاء واهداف الجمعية وفقكم الله 0

  16. طارق أب أحمد كتب:

    11 أن شاء الله

  17. د.ياسين شمباتى كتب:

    معكم بالروح والدم..نفديك يا سودان..

    د.ياسر..تسلم على التوجيهات الغاية وباذن الله سوف تصل لاعضاء اللجنة التنفيذية لمدارستها…خليك قريب..

  18. نيام كتب:

    الاسرة المالكة سلام
    مبروك المقر يا شباب (بالله شوفو ابدوش قاعد ككيف انا حاجز الدكان الفي الناصية للبوش ) و عقبال مكاتب الفروع .. كم خطوة كدة و يجينا بان كي مون و مندوب اليونسكو و اليونسيف و العوائد و النفايات..
    ايها الرجال ان بينكم ضعفاء ينظرون اليكم بعين الرجاء و عين الرضا سدد الله الخطي و مارميت اذ رميت و لكن الله رمي..واذا كانت النفوس كبارا تعبت في مرامها الاجسام..الخطوة التالية فتح حساب و الاعلان عنه..

  19. نيام كتب:

    ودالخلا:
    بالاكتر يا ود المكوك..اول ما نصل الميناء البري اول هالو ..فتح الحساب ضروري في ناس خير كتار ما دايرين زول يعرفهم ..عشان ما نحرمهم خلوها مستورة..

  20. ود المهدى كتب:

    السلام وفايق الاحترام:
    ما اجمل ان تري الاحلام تتحول الي واقع والافكار تتبلور الي اعمال وفقنا الله وسدد خطانا.
    والله منعنا الشديد القوي من الحضور والمشاركة – لي اخ مريض رافقته الي الطبيب لذلك لم اتمكن من الحضور-
    لكن جاهزين للدعم بكل ما عندنا
    – وفي معني الحديث -ان لله عبادا اختصهم بقضاء حوايج الناس حبب اليهم فعل الخير وحبب الخير اليهم – اولائك هم الامنون من فزع يوم القيامة. الهم اجعلنا منهم –
    يا عبدوش اي مريض يجيك لازم تعرف نسبة البوش في دمة كم في المية وتختها مع التحاليل.
    والسلام

  21. طالبة اجر كتب:

    معااااكم يا اخوانا وبالتوفيق باذن الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s