هيلا هيلا 2

Posted: السبت,21 فبراير, 2009 by عزت in اخرى

تم تدشين المكتب اليوم السبت  21 فبراير بعد أن دخلنا بأرجلنا اليمين أعضاء اللجنة التمهيدية لجمعية سوداننا الخيرية و التي تم تكليفها من قبل للانطلاق ببرامج الجمعية الخيرية حسب الاجتماع التأسيسي الذي استضافه (ود الخلا) يوم 9 فبراير 2009. شكرا لمن كلفوا بالبحث عن المقر لجهدهم و توفيقهم بالحصول عليه و شكرا لمن حضر و معه ما التزم به فقد شربنا ماء باردا من ثلاجتنا الجديدة (شكرا أب أحمد) و فطرنا فول مصلح (نتيجة لصحبة سهيل و عبدوش الجديدة لبتاع الفول التحت) كما شرف الحضور بجانب المذكورين ود الخلا، زووووووول، خالد مدني، ود الزبير و شخصي و لحق بنا أفليقا على الآخر.

 

d8a7d984d985d983d8aad8a8 

 

d8a7d984d985d983d8aad8a8-2

 

من أهم ما ميز اجتماع اليوم أن الموضوع أخذ منحى تنفيذي ففتح عنوان الكتروني دالا على الجمعية بعنوان:

sudakhair@gmail.com

 

تتم من خلاله المراسلات باذن الله فارسل رسالتك اليوم لنضمك الى قائمة الشرف و التي استهلها الأخ سهيل فكان العضو رقم (1) هنيئا لنا بسهيل و صحبه و هنيئا لنا بصحبتكم جميعا يا ناس الحوش الكبير و الصغير…..كما ابتدأ فعليا تحصيل الاشتراكات…..

 

نتلقي الاتصالات أيضا عن طريق رقم الهاتف :    00249919991880     

يالا ايدكم معانا

 

عزت بقاريتش

رئيس اللجنة التمهيدية المكلف

Advertisements
تعليقات
  1. الغبشة كتب:

    ربنا يوفقكم كمان وكمان

  2. Stricker كتب:

    الف مبروك يا شباب – ودى فعلا ضربة البداية الحقيقية لقيام المنظمة – وانشاء الله تكون فى ميزان حسناتكم.

    ناسف لعدم حضورنا لظروفنا القاهرة – ولكن كنا معكم بقلوبنا .

    تحياتى للجميع….

  3. ودالزبير كتب:

    التحيه للجنود المجهولين الذين يقفون وراء إنجاح هذا العمل وفق الله الجميع لما يحب ويرضى

  4. حاج أحمد السلاوى كتب:

    المجاهدون فى سبيل الخير ..لكم من التحايا العطرات أجملها ..ومن الأمانى أعذبها..سدد الله خطاكم..
    وما شاء الله عليكم الشباب قاعدين فى الوسط ومحروسين ذات اليمين وذات الشمال ..دى كانت مقصودة ولاّ جات صدفة ساى ( ساى دى سمعت بيها قبال دة.. يا سهيل ؟ ) .
    خطوة مباركة بإذن الله.. ومن يفعل الخير لا يعدم جوازيه..
    وبالتوفيق إن شاء الله .

  5. ألفاتح جبرا كتب:

    الأعزاء الأحباب

    من يفعل الخير لا يعدم جوازيهُ لا يذهبُ العرفُ بين الله والناس

    كسرة :

    حزنت للمرة (الثانية) لعدم تواجدى بينكم !!!

  6. سهيل كتب:

    مبروك لينا و ليكم و عقبال ناس بره يجو يفرحو و يحسو معانا بطعم الفرح …

    على قدر أهل العزم تأتي العزائم .. وتأتي على قدر الكرام المكارم

    يا جدو السلاوي(ساي) أبسط يا عم شايفك بقيت تقابض .. ماشي كويس عيني بارده.. إنت دحين يا حاج دخلت بوست(مع صفايح) ولا عاوز ليك مترجم..

  7. سهيل كتب:

    سمحه المريسه ( بتشديد الياء) .. بالله عليكم شوفو الريس دا … عليك الله مش يستاهل يقعد في شنو كدا الجمهوري ولا أنا غلطان..

  8. البشاوى كتب:

    مبرووووووووووك للكل وربنا يوفقكم ويزيدكم خير على خير
    ماشاء الله ياسهيل الريسة مشت لى سيدا

  9. ابوالمنذر كتب:

    الف مبروك وزبنا يوفق والخطى بالسلامه وربنا يعظم الاجر

  10. ودالزبير كتب:

    الأخوه والأخوات

    كتب حبيبنا الفاتح تعليقاً أعلاه يحمل لكثير من اللوم والعتا لتغيابه لقسري عن إجتماعيين للجمعيه وبصفتي عضو في هذه الجمعيه أتقدم بأعتذاري لأستاذنا الكبير ذو القلب الواسع وهي دون شك هفوه غير مفصوده وفي الأول والآخر عمل الخير يتطلب وقفه الجميع بغض النظر عن التوجهات والأفكار

  11. حاج أحمد السلاوى كتب:

    ولدنا سهيل ..
    مترجم شنو بعد دة .. إنت ما قالوا ليك ؟ بعد دة غايتو شيلو شيلتكم معاى .. أيها الشباب… على الطربوش ( دى مأ أظنك سمعتها لحد حسه) بعد دة حتقرا كلام إلا تشوف ليك مترجم عشان تفهمه ..قال مترجم قال .
    مترجم ياتو ..بتاع اللغة الإنلقيزية ..ولاّ بتاع لغة حليمة ؟؟ وخليك قريب .. يا حبيب .

  12. سهيل كتب:

    السلاوي كبس .. يا أخواننا شوفو لينا خوذه و لا درقه ولا أقول ليك ..يافكي ابكرون شوف لينا رتينزا عشان عمك دا بابورو دور و ما معروف ناوي على شنو .. اعملوا ساتر (ادفنو دقن) لغاية ما نشوف مويتو شنو ..

  13. ابكرون كتب:

    سهيل : عمك ده اجازتو قربت…..عايز هو زاتو وزنة بوبينا لرفع الكهربا شويه…بس عندي سوال عمك ده لمن يسلم بقالد ولا بمد يده ؟؟ولمن يبتسم نواجذه بتظهر ..وعيونه ضحاكه …ولا ما بديك احساس باي حاجه ؟

  14. سهيل كتب:

    لا لا لا يا عمك .. عمنا دا راجل كويس جدآ جدآ و ما بتاع حركات.. دا ود الصافيه.. لو كان جايي من مدني كان جرينا شخيت و الباقي ما بتغباهو

  15. د.ياسين شمباتى كتب:

    سهيل..الشخيت دا جرو منى انا !!!!! مع نحيات مدنى الجميلة..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s