عااااوزين رحله .. عاااوزين رحله …

Posted: الجمعة,6 مارس, 2009 by aflaiga in اخرى

منذ فتره طويلة ولم يتلق المدونون بكامل نصابهم حلوه نصابهم دى مش ؟؟ فى تجمع واحد برغم ان الفتره السابقه قد شهدت لقاءات كثيره متخصصه ونوعيه ، لكن اللقاء الخاص الذى يجمع المدونين فى مناسبة عامه او للتعارف مع جدد او الاحتفاء بقدوم مدونى الخارج يكون بطعم اجمل واحلى من كل اللقاءات .. الفتره السابقه شهدت انضمام عدد رائع كما ونوعا من المدونين للقاءات المباشره والتعارف المباشر على راسهم الراقى الذى اتانا وفيه ملامحنا الوجيه / طارق اب احمد ، والرائعه الفاضله الاخت / نونو ، والفيلسوف الجهبذ الدكتور / قرن شطه ، والبشاوى ذاتو ما يسوى فيها قديم وبتاع برضو جديد على  الرحلات !! عليه اقترح ان يكون فى الايام الجايه رحله نمتص بها عناء الالتزامات المهنيه والجرى والطيران ومنها يكون افتتاح لموقع جبرا ومنها تدشين للجمعيه ومنها نرتاح شويه من الربكه بتاعة الايامات الفاتت دى ومنها ذاتو نلاقيكم ياخى ؟؟ ولا شنو ؟؟ شخصيا انا متبرع بمحمود الطباخ ومحمود الفنان …

 

Advertisements
تعليقات
  1. ودالزبير كتب:

    أفليقا

    محمود الطباخ عرفناهو أها محمود الفنان ده يكون محمود عبدالعزيز ولاشنو ؟؟

  2. Stricker كتب:

    ود الزبير يا داقس – افلايقا يا شفت

    الزوووول ده زووول واحد لكن مركب مكنتين يا ود الزبير يعنى 4WD

  3. ودالزبير كتب:

    سترايكر

    كيف يعني ملت سستم

    طباخ وفنان وجزار وبتاعه كله قايتو جنس قايتو

    خلاص يا شباب نخش على مواعيد رحله أوكامبو ؟؟

    دايرين ترشيحات للزمان اولاً بعد كده نشوف المكان

    بالمناسبه دي أوع يكون طارق لسه في أقاصي البلاد

  4. طارق أب أحمد كتب:

    الأحباب
    خبر جميل إن شاء اللله نكون معاكم
    سترايكر ,
    أغلب ساعات اليوم التلفون عامل no net work coverage بينما النت اللى هو من نفس الشركه زى ما إنت عارف شغال full دى بتحصل كيف ؟؟؟؟

    عزت ,, سترايكر
    I got stuck here due to flights reservations .Please postpone tomorrow’s meet to Monday

  5. حاج أحمد السلاوى كتب:

    المدونون الكرام أبناء الكرام وحضرة المنسق العام ..
    أولاً موافقون على الرحلة .. ولو ما حضرناها وشاركنا فيها… على الأقل نشوف بعض الصور..والناس الحلوين الما قابلناهم قبال دة ..
    ثانياً ..ودالزبير دة لم يحضر معنا المرة الفاتت.. رحلة بيت ابو عصمت …وما شاف محمود الطباخ ومحمود الفنان .. فيلمان فى بروجرام واحد.. منهى الروعة والإبداع( معقول حاجة تجى من طرفالدينمو ..ما تكون رائعة ومكتملة ؟ ) …وحرام عليك تقارن محمود الفنان بمحمود عبد العزيز..لأنو لو محمود الفنان سمع كلامك أنا متأكد إنو حيرفض الحضور .. تقول لى محمود عبد العزيز ؟.. ياخ تُف…
    وإلى لقاااااااااءءءءءءءء.

  6. سهيل كتب:

    سلام ..

    سير سير يا …. الباقي تمو خيال

  7. طارق أب أحمد كتب:

    حاج السلاوى

    بعد إذنك

    أمر على العيال يمشوا مع أولادى

    سهيل

    وينك يا فرده
    خيال خاص بيك فقط

    (( شير شير يا )) أها تمو براك

  8. سهيل كتب:

    شنو يا قرده دا إنت طلعت دش كبير

  9. ابوالمنذر كتب:

    افليقا……..
    حلوة وملعوبه وجات فى وقتها رغم بعدى برسل سلامى وذى ماقال عمنا السلاوى كنا نحتج لاستئثاركم بهذه اللمات لكن مع كامير دوك عزت المواثقاتى بقينا جوه الاحداث واهو نمنى نفسنا برؤية احد الجدد اومجموعة الجدد نتمنى التوفيق واقترح عليكم عطلة الاثنين 9/3
    سهيل ثرو طارق اب احمد ….
    ده انتو حا تسيرو لمن يبان لكو صاحب ………

  10. سهيل كتب:

    ابو المنذر ثرو أب احمد .. في الحالتين انا الضايع

  11. aflaiga كتب:

    يا شباب : اقترح ان تكون الرحله يوم 23 مارس موافقا عيد الام ونقوم فيها بتكريم الاخت الفاضله سماسم انابة عن امهات السودان وتقديرا لدورها الناشط معنا واصالتها وانفعالها بقضايا المدونه فهى دوما سباقه لاثراء النقاشات والافكار …
    واقترح ان يكون اليوم فى الرحله اسريا بحتا يعنى كل زول بعواطفو وحمودينو وسروياتو ونحتفى باخواتنا فى المدونه . ونستقبل الجدد ونكرم القدامى .

  12. مُخير كتب:

    الدينمو والريس والماستر والمايسترو وCDB والأقطاب
    وزعماء القبيلة وفرسانها وحرائرها وكل الحلوين
    الحاضرين واللي حيكونوا حاضرين عبر الأثير و/أو الخيال
    سلام
    طبعاً لا نملك إلا أن نوافق على روعة الأقتراح بس يا جماعة الخير مسئولين من الخير، الولد الزين فين … أخونا خالد مدني وييييييييييين؟؟؟؟؟؟؟؟؟؟؟؟؟،
    بلغوه عنا السلام، نشتم رائحة المؤامرة وندين ونشجب ونندد ونستنكر كل من تسبب في إختفائه سواء بشكل مباشر أو غير مباشر ونطالب بنشيكل لجنة برئاسة أفليقا للعثور عليه وفي حال عدم الإعلان عن وجوده خلال 48 ساعة سوف نحمل سهيل المسئولية التاريخية، وبرضو في حال وجوده سوف نتشاور مع حاج السلاوي للنظر في إمكانية إستعادته بالخارج، فالظاهر ناس الداخل مقصرين في حقه، ولا نامت أعين الجبناء.

  13. سهيل كتب:

    يا مخير .. مسكين انا بقيت زي الحبشي.. لمن قال المطره صبت في الرياض قاموا قالوا الحبشي قطع الكهرباء في الكلاكله.. يا مخير يا فرده نحن خالد مدني دا ما بنسلموا بأخوي و أخوك .. هو اقل من الريس بحاجه.. بس هو براهو دافن دقن و عامل مشغول بي جريده.. و معاهو باقي المراحيم المقيمين عبدوش و آخرون

  14. خالد مدني كتب:

    رغم بعدي برسل سلامي يحوي شوقي وكل احترامي
    رغم اني بعيد في مقامي انتو برضو مثار اهتمامي
    الصادق مخير سهيل واخرون انا هنا انما في الصمت كلام
    وعصفورتان في الحجاز حلتا علي فنن
    في خامل من الرياض لا ندا ولا حسن
    مر علي ايكهما ريح سري من اليمن
    حيا وقال …
    هب جنة الخلد اليمن …لا شىء يعدل الوطن.

  15. سهيل كتب:

    دا مالو دا

  16. خالد مدني كتب:

    يا سهيل الباص ده ما ليك … خلي الكوره تمشي … حليل باصات عمنا بشار .

  17. salih كتب:

    الاكارم
    سلام

    يا جماعة الخير ما هى اخبار الهيئة الخيرية التابعة للمدونة؟ واين وصل التسجيل وما هى العقبات والصعوبات الحالية؟

  18. البشاوى كتب:

    افليقا
    (البشاوى مايعمل فيها قديم )
    بركة الجات منك يافردة جديد احمد ربى ولا شنو ياأبكرون
    اقتراح حلوووووووووو خالص بس حكاية العواطف دى دايرة تنسيق ومعرفة جداول امتحانات الاولاد وكدة

  19. خالد مدني كتب:

    دكتورنا الصالح والسادة الكرام
    مشكلة المنظمة الخيرية تتلخص في كلمة واحده وهي التواصل … صعب جدا انك تلقي الناس في الزمان والمكان والظرف المناسب … طبعا في بلاد بره الكلام ده ما صعب باي بطاقة بالانترنت بتدفع اشتراكك وبالاسكانر بتوقع علي الوثائق او بتوقيع الكتروني والخواجة ما خلي ليهو درب ما سلكو لكن كل الحاجات دي هنا صعبة صعبة … ده ما تخادل ولا تفتيش علي الاعدار لكن توضيح للصورة فقط … ونوعدكم خلال الايام الجاية نكمل دورنا ونشوف اخرتا زي ما بقول جدو داك الفي جده .

  20. حاج أحمد السلاوى كتب:

    ولدنا خالد ودالمدنى …سلام..
    تحية خاصة من جدو دااااااك الفى جدة …وتحية خاصة للأمورة ملاذ .
    سيروا إلى الأمام ونحن من خلفكم .. نشد من أزركم .. وكلو جايى فى الطريق …وبالتوفيق إن شاء الله .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s