كالعادة !

Posted: الأربعاء,11 مارس, 2009 by الفاتح جبرا in اخرى

الأحباء الأعزاء

الشغلانية بتاعت الإحتجاب دى كترت لحدت ما الزول (إتعقد) منها عديل ، مافى (مود) بتاع كتابه كلو كلو .. ما عارف ده يا ربى يكون من شنو؟ نفسيات؟ جو عام (مكهرب) ؟ مشغوليات؟ المهم المسألة دى لو طولت تكون دى مشكلة ! هسه الواحد مفروض يبدأ يكتب فى سيناريو (الجمعه) لكن عليكم أمان الله (الراس ما ماسك نار) !! حكاية غايتو غريبه ما معروف الحل بتاعا شنو؟ ربنا يس يجيب العواقب سليمة … يا ااا رب

 

Advertisements
تعليقات
  1. زووووووول كتب:

    البروف سلاام
    للخروج من هذه (الازمه ) الاتصال بحسن كابوس

  2. ألفاتح جبرا كتب:

    الحبيب الزووووووول

    والله (كابوس) ذاااتو ما أظن يطلعنا من الحتة دى !

  3. البشاوى كتب:

    البروف الرائع
    الف سلامة ليك من الاجواء المكهربة دى وربنا يبعد عنك الكهارب والعقارب
    والدبايب والمصايب
    تعرف يابروف دى حالة عامة زى وباء اصاب الناس فى حنانهم لكن تأكد لو
    ختيتنا فى بالك حتكتب يعنى حتكتب

  4. طارق أب أحمد كتب:

    آآآى سويها لينا إحتجاب إحتجاب لحدت ما يوم تبفى إنـتـقـاب

  5. طارق أب أحمد كتب:

    بروف سلام

    لكن الراس ما ماسك نار دى بتجيب ليك هوا

  6. ابكرون كتب:

    بروف……
    كدي غير الصباعات….واعمل (شرز)…بطئ بعدد واحد طورش…ولو الراس ما مسك نار….جيب وصله(شارجر) ….ووصل مع راس لطفي بيه….بس الموجب مع سالب لطفي والسالب مع موجبه…..لو ما جاب نتيجه……عدل علي (التجاني الاريسر/الماحي) واحجز ليك اشاره…..(الصواني خلاص كلها مليانه)…..

  7. aflaiga كتب:

    البروف : زمان لمن الكاتب يقول الراس كابس كنا بنقول ليهو انزل الشارع بيجيك الالهام !! اسى تنزل الشارع الراس ذاتو ما بتلقاهو ؟؟ خليك كده وحافظ لينا على الراس كهارد وير السوفت وير هين- وانحنا كهيومن وير بمختلف اللفلز بتاعتنا حنصبر لمن السوفت يكون افيللابل مع الحال العام … اوع الفورمات يا عمك …

  8. حاج أحمد السلاوى كتب:

    البروف الفاتح..وكل الحبان … سلام
    يمكن يكون أوكامبو كهرب عليك الجو إنت كمان …دة كهرب العالم كووووولو !!! غايتو ربنا يستر.. أما حكاية الراس ما ماسك نار دى .. عاوزة مراجعة شوية ويلزمك تمشى للميكانيكى عوض .. ( عوض ياتو الفى سوق أمدرمان ولاّ القاعد تحت الشدرة فى ابروف ؟ ) عشان تغيير البلقات ونضافة البلوف أو تغيير السيور القديمة يمكن تكون مسربة كهربا….ومنتظرين برضو نشوف آخرتا شنو !!
    العزيز أبكرونا … قلت الصوانى خلاص كوووولها مليانة … حتى بحرى كمان ؟
    ولدنا أفليقا … دة إنقليزى .. يا مرسى ؟

  9. نيام كتب:

    ياخ دي ما معروفة يا بروف ..انا ظاتي مرت علي ..دي بتكون زيادة في هرمون الاوكهرامبووووو..

  10. ألفاتح جبرا كتب:

    الأحباء الأعزاء

    والله يا جماعت الخير (خواء) عجيب خلاس .. و(فقدان بوصلة) و(عدم توازن) … غايتو بس ربنا يجيب العواقب سليمة لكن الحاصل ده ما عادى كلو كلو !!

  11. مُخير كتب:

    العزيز أبو ناجي
    الحلوين في كل مكان سلام
    الحمد لله من قبل ومن بعد كُنا قايلين روحنا برانا، لكن الحمد لله طلع أستاذ الفاتح معانا، الحال من بعضو يا بروف، وربك ييسر أوليس هو جل وعلا من قال في محكم تنزيله ((فَإِنَّ مَعَ الْعُسْرِ يُسْرًا، إِنَّ مَعَ الْعُسْرِ يُسْرًا))، يللا خليها تتعسر وتتعسر لمن تكب الزيت بعد داك بتتيسر، ده فيما يخص المزاج العام، أما إذا كان إنزعاجك بشأن الإلهام والكتابة فلله الحمد “نحسب” أن لديك رصيد “طيب” في الإرشيف “سبحان الله ” يكفي لسنة سنتين شوية.

    كسرة: يا أبو حمودي: أيهما أصح “اسى تنزل الشارع الراس ذاتو ما بتلقاهو ” ؟ أم “تنّزل الراس الشارع ذاتو ما تلقاهو”؟، ولا شنو ؟؟ أعتقد الإجابة شنو !!

  12. nono كتب:

    حجبوه من عينى إلا من قلبي
    لا ما قدروا حجبوه
    ****

  13. aflaiga كتب:

    عمنا جبرا: بصفتى متخصص فى الشئون الدبرسيه والدكتوراه بتاعتى عملتها فى الموازنه بين الدخول والخروج من الدبرسه تحت عنوان ( بحث تكميلى بعنوان ( اثر الحال فى دبرسة الرجال ) لنيل درجة الدكتوراه فى الخروج والدخول من الدبرسه ) .
    افيدك بالاتى :
    * حين ترى العالم من حولك فاهم اى شيئ وانت ما فاهم اى شيئ فتاكد بانه مافى شيئ ؟؟!!!
    * وحين ترى العالم من حولك ما فاهم اى شيئ وانت فاهم اى شيئ تاكد انو فى شيئ ما كويس !!!
    * وحين تتنقل فى كل الاماكن ولا تتغير معك المناظر فاعلم ان الحاله واحده !!!
    وللخروج من حالة الدبرسه الحاليه اليك الاتى :
    * اذا كانت الدبرسه غير مرتبطه بالحاله ( وده نادر جدا ) فحاول ان تخليك ريلاكس وترسل للدنيا فاكس بموعد وصولك !!
    * واذا كانت الدبرسه من الحله الحاليه الكافره النصرانيه !! فاعلم انك ما زلت تعانى من مرض شيل هم الدنيا وهو مرض خطير يصيب النفوس الكبيره التى تتعب فى مرامها الاجساموو!!
    * واذا كنت مدبرس دبرسة الله والرسلو زى موتة صحبك الكنت قايلا موتة الله ساى !!! فهما فقط ( الله ورسوله ) القادران على ازالة الغم واعادة الديمقراطية والسلام لسوداننا الحبيب ..
    * اما اذاكنت عامل تقيل علينا نحنا محبيك فعزاؤنا ( تقل الحبيب زى اكل الزبيب ) …
    * كسره : لا حسن كابوس ولا كبس حاسون بيحلوك وما تسمع كلام الناس المغرضه دى وخليك ريلاكس وابعت للدنيا فاكس ..
    وليكن شعارك :
    جبرا ينادى كوكب الارض هل تسمعنى ؟؟؟

  14. aflaiga كتب:

    مخير : يا متابع .. الراس حتى الان قاعد لو نزلت الشارع بتلقاهو فى اى حته الخوف تنزل الشارع ما تلقاهو والخوف الاكبر تنزل ما تلقى لا شارع لا راس وتقعد تفتش فى راس بدون شارع ولا شارع بدون راس ولا شنو ؟؟

  15. بشار أحمد بشار (إبن برد) كتب:

    أستاذنا البروف : قلت؛ “(الراس ما ماسك نار) !!” لأنو الناس بقت تغش في أي حاجة حتى الموية الموزونة بقت مضروبة كدي خليك (صابر) وحاول الدراي باتارز ورازي الراس شوية إمكن إكون الإستارتر شابك.

  16. خالد مدني كتب:

    يا بروف خت اسمك بس وشوفنا حنفهمك وللا لا .
    كسره : بدي النونو جائزة افضل تعليق وذلك علي تعليقها :
    حجبوهو من عيني الا من قلبي لا …
    ما قدرو حجبوهو .

  17. ودالفتيحاب كتب:

    البروف العزيز
    يااخوانا مانساعد البروف بالدعاء وكشف الغطاء ووضوح الصوره ونور البصيرة ,اللهم افتح له كل مقفول واملاء له كل مايريد وانعم عليه بنعمة الصحة

  18. محنك كتب:

    سعادة البروف
    ان شاء الله تفك …. وتمسك كهرباء السد النظيفة الرخيصة

    بس اوعى تمسك السلك ..

    بس اتهيأ لى انو الحالة دى عامة … ويبدو لى السودان ذاتو مر بيها قبل كده بس حناكل ايه مش عارف

  19. ياسين شمباتى كتب:

    البروف..الرااااااحة هى المطلوبة,,وتقلل البتاع_بس ما يفهمونى غلط_

    مخير..والله ختيت العقدة فى المنشار,,اسه دى يكون جوابها شنو!!؟؟؟

  20. حسن ميرغنى كتب:

    غيرت الصوره ، عشان كده وقفت العصفوره ،
    رجع لينا العمه ، عشان الأفكار تتلمه ،

    $ كوكو $

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s