دعوة – تدشين الموقع والمنتدى

Posted: الجمعة,13 مارس, 2009 by الفاتح جبرا in اخرى

الأحباء الأعزاء

بفضل الله وتوفيقه يتم فى تمام الساعة الواحدة والنصف بعد ظهر يوم الغد السبت 14 مارس 2009م بصالة التحرير بمبانى صحيفة الرأى العام  (جنوب شرق السفارة الأمريكيية) تدشين الموقع الجديد وهذه دعوة للجميع لحضور هذه المناسبة ودمتم

Advertisements
تعليقات
  1. د.ياسين شمباتى كتب:

    الرائع دوما جبرا..لا نملك الا ان نقول عمل مبارك باذن الله وربنا ينجح المقاصد..

  2. بشار أحمد بشار (إبن برد) كتب:

    أستاذ الأساتيذ : تحياتي ونحن منتظرين ولسان حالنا يقول:
    الغريبة الساعة جنبك تبدو أقصر من دقيقة
    والدقيقة وإنت ما في مرة ما بنقدر نطيقها
    دنيا بقربك يفرهد كل طائر يحيا فوقها
    وجنة من بعدك بيذبل كل مخضر فيها ناضر

  3. aflaiga كتب:

    البروف : القبيل راجينو نحنا جيت تبشر بيهو انتا .. حبابك وحبابك اللمانا فيك ذاتو !!
    شباب : العز اهل زى ما بيقولو . فما عارف يكون تمثيلنا فى اليوم ده نوعى ولا مباشر .. عشان لو نوعى نشوف لينا اتنين تلاته من الناس البتشرف اى زول فى اى حته .. وكان كمان مباشر نقوم نحنا العنقاله ديل نفتش لينا قميص وبنطلون ونشد لينا جزمه من اى حته انشاء الله من شيلة سهيل الما فتحا لسه !! فرايكم شنو التمثيل يكون كيف عشان سمسمه ما تتعذر لينا من اسى بانو ما لقيت ليك شيئ نضيف تلبسو !!!! نجهز العده ولا ننتخب ممثلينا ؟؟؟
    كسره : مبروك افتتاح ابو اللمانا فيكم ذاتو !!!

  4. حاج أحمد السلاوى كتب:

    الأخ الفاتح وكافة المدونون الكرام
    يا يوم بكرة ما تسرع ..عشان نعيدذكريات الموقع الجديد /القديم ..وآدينا منتظرين وسنكون معكم قلبا وقالبا ساعة الإفتتاح..بس سؤال سغيرونى كدة ..السبت دة مش إجازة فى جمهورية أمازونيا ؟ ولاّ الصحافة ما عندها إجازة ؟
    الدينمو أفليقا … هو سهيل دة حيودى جزمة لأبو العروس ضمن الشيلة ولاّ شنو ؟ غايتو يطرشنى ما سمعت بشيلة فيها جزم رجالية ..الموضوع دة عاوز بحث ولجنة تقصى للحقائق ..وانت حاشاك من العنقلة.. فقيمة الزول ليس بما يلبس إنما بما يحمل من فكر ورأى..يا ابو الأفكار ..وخليك جاهز عشان الإفتتاح.
    ابوعصمت ..فى إنتظار التوثيق المصور كما عودتنا…ظبط الكاميرا من مساء اليوم .

  5. بشار أحمد بشار (إبن برد) كتب:

    سلولو : “الدينمو أفليقا … هو سهيل دة حيودى جزمة لأبو العروس ضمن الشيلة ولاّ شنو ؟” عادي جداً في واحد قبل كدة شدت ماقلبو رهيف وواقع في الشوك لقدومو ومكسَّر في خطيبتو وأهل خطيبتو رسَّل مع الشيلة عجلة رالي جديدة لنج لأخوها.

  6. د.ياسين شمباتى كتب:

    بشار..والله دا ما مكسر,,دا مسلم امرو وجايب من الاّخر..

  7. ألفاتح جبرا كتب:

    الأحباء الأعزاء

    شنو قصت (التمثيل النوعى) البتتكلمو عنها دى ؟؟ إنتو بتبالغو ؟ … يا جماعت الخير هو إنتو كلكم كم ؟ عشان تعملوها ليا تمثيل نسبى ؟ أنا لو ما بكرة شوفتكم معاى ما ح يكون فى أى طعم للمناسبة و ح أزعل بالجد .. ! وبعدين الترتيبات معمولة لأى عدد من الضيوف !! غايتو أى زول فى العاصمة ما ح يجى ح أزعل منو !! وأهو كلمتكم !!

  8. salih كتب:

    الاكارم
    سلام

    الاستاذ جبرا والعقد الفريد

    مبارك الافتتاح الرسمي للموقع الجديد وان شاء الله يكون موقع للحرية والديموقراطية والحوار والنقاش الهادف … ولنفسي اولا ثم للجميع اقول ناصحا (ان نطوِّل بالنا شويتين فالحوار العلمي – في مجتمعنا السوداني يُفهم كنقد وتجريح شخصي! – اُسّه واساسه الاسئلة العميقة والمدققة لفهم ما وراء الافكار والكلمات, وما شاء الله تبارك الله المجموعة فيها كل الطيف الثقافي – ما في داعي لذكر كلمة الطيف السياسي- وكلكم اهلٌ للاحترام ولبذله )
    لستُ خير من ينصح بتقبل الرأى الاخر ولكني اذكِّر نفسي وغيري باحترام عقول الاخرين عندما نكتب …..
    ناس العاصمة راشّة معاكم … ومثل العم السلاوي منتظرين توثيق البروف عزت.

  9. ودالفتيحاب كتب:

    البروف
    جمعه مباركة

    نقول مبروك والف مبروك ودعواتنا معاكم وراجين التوثيق ..

  10. حاج أحمد السلاوى كتب:

    الأخ الفاتح وكل السادة مدونجية الداخل …
    بصراحة كدة… المغسة كاتلانا بسبب عدم تمكننا حضور إفتتاح الموقع …غايتو.. حنرسل ليكم إبننا وضاح عشان يمثلنا..

  11. ابكرون كتب:

    سلامات : يا بشار (نحن عاصمة ناس… ولا بره من ناس..؟ ) …ولا شنو ولا كده وبعدين وبتاع .. كلو شي ولا زعل البروف …كدي رسيني …نجي ولا أجي ولا تجوا…ويا (عم موقع لف لي جبرا)…..معلاش يا جماعة بجمع بعد 9 (after nine )
    معاكم والله يا اهل ومبروووك لينا اولا ثم لجبرا ثم للقراء ومعكم من البعد الساعة واحده ونص بقلوبنا ومشاعرتا ….

  12. ابوالمنذر كتب:

    بالتوفيق باذن الله………….. وطال انتظارنا ظهرية السبت ياحلوة المدونات ياانت……
    معاكم بمشاعرنا وحانرتب لى مسيره ……. نرفض ادعاءات اوكامبو ونحى القمردينه….(على وزن ينعى ابنه ويبيع ساعات رادو اصليه)

  13. مُخير كتب:

    الحبيب أبو ناجي
    مبروك لينا الموقع وربنا يديم عليك نعمة الصحة والعافية ويقدرنا على غمس مشاعلنا في جذوة إبداعك لنشعلها نار فكر ورأي وأدب لن يخمد لها أوار ونأسل من لا يُسئل سواه أن يمد في آجالنا لنحتفل معك بذكرى مرور ربع قرن على إنطلاقته، ربع قرن مناسبة لأنو لو عملناها نصف قرن إلا نحضر الفقرة الخاصة بتكريم رواد الموقع وقتها سندخل القاعة على الكراسي المتحركة التي يدفعها الأحفاد، ويبقى علينا الحال (يا سنكلون ونيام نيام) آآآآآآآآ منوووو قالوا شــنـــو ندهووو اسم منــووووووووو؟؟؟. ولكم خالص ودي وتقيري.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s