عيوشة

Posted: السبت,21 مارس, 2009 by البشاوى in ادبية

التسوًل والتـشرد صفـتان مـتلازمتان فى كل العهود والازمان ودائما ما ينتشر التشرد والتسُول بسبب الحــروب او المجاعات ونجد هـذه الظواهر ليست حكرا على مجتمع دون اخر فـيمكن ملاحظتها فى أرقى بلاد العــــــالم وأغـناها كما فى البلاد الفـقيرة والفـقر فى حد ذاته ليس عيبا ولا نقيصة يلام عليها فرد او جماعة ولكن العيب كلالعيب هو عجز القادرين على التمامكثير من منظمات المجتمع المدنى ولها اسماء عدة وقام على أمرها أناس لهم علم ودراية وتأهيل لمعالجة هذه الظواهر ودمج افرادها فى المجتمع ولكن !!! وإيه من لكن هذه ———
ما أثار فى نفسى هذا الموضوع الحملة الخيرية التى يقودها أفـراد المدونة سوداننا لوضع بعض العلاج لداء مزمن عسى ولعل أن يبلغ الخير محله !!!!!!!!!!!!!
كتب شاعر الشمال
وغناها محمد جبارة اولا واهداها للمغنى الشاب عادل عثمان الطيب
عيوشة عيوشة نبشوها قبالك بت حالا زى حالك
عودا انبهت حرقان زى شتلة معطوشة عينيها رماشة ام لمبة فتاشة
من طاقة جاتا الريح كتر البكا التجريح خلاها دعموشة
تلوشة ولا ضفاف خيم عليها جفاف زى صرخة الغرفان
فوق موجة بين فيضان شعراتا منكوشة
شفع مبارياها – عيوشة عيوشة – الليل هــديماتا شمس الله برطوشا
تشرب من الشارع تاكل من الكوشة
ترقص لهم رقبة صقرية جابودى السامبا كاروشة
عيوشة جامايكا اسلولى عيوشة
عيوشة مابترقص هـيى لا لا مابترقص لكنها الدوشة
تفلت من الشفع فى الفـلـتة تترنح تدخل على بيتا ستاتو متمدى ناسا بعرفوها لكن بعافوها
دايرين غسيل عدة —— شاكرين لدقـلوشة يدوها عيشاية بى دمعة مرشوشة
تتملك الشارع خطواتا مربوشة فى السوق مع الاطفال على قدر ماكاست عينيها مالاقت
غير مطبقة وبصلة المطبقة انهردت والبصلة مقروشة
ماقلنا مكشوشة ماقلنا مغشوشة كشوها قبالك ناسك ياعيوشة
ياجرحنا الحايم فى الدنيا ماجايب خبر المدينة الكان فى يوم من الايام
يعطف على انسان بى فكة فى قروشا بى برتكانايتن مرضانة مفقوشة
والليلة صبحت زى بيتا فى آخر الحى ناساتو منبوشة
ياجرحنا الحايم يتمطق الفرحة بس فرحة مغشوشة
إن تنجى من كشة تلتيل ودرديرة كيف تنجى من جوعة
من ليلة باردة شديد عزت برنداتا واوكارا مطروشة
فى كم يوم يعز النوم رغما عن المشموم والدوخة والدوشة
دى مدينة ماهيلك مافى البيشبه لك مافى البيخاويلك
غير ناس احاويلم قطعن احاويلك اصحابك الساعتك لابد يعاينو لك صمتا يجيب
باكر تلاقيهم فى وجبة فوق كوشة جنب مجرى يحكولك دايرين شغل مافيش
غير نغسل العربات غير تضرب الاورنيش حمالة جرسونات شغلا مابيوكل عيش
الحالة دى الكشة
مايقبضو الباعوض مايقبضو الناموس الما بيدور فتيش
الارزقى السمسار اشمعنا نحنا وليش — نحنا الحرامية ولا البدسو العيش
من تكبر آهة واه وآدم بريد حواء
الطيرة بى عشوشا والفارة بى جحارا
الكلو بى مأواه وفى ابن آدم تاه
ملجاهو أرض الله لا أوضة لاحوشا
مسكينة عيوشة لاأوضة لاحوشا

 

Advertisements
تعليقات
  1. مُخير كتب:

    الأستاذ البشاوي
    الحبان في كل مكان
    تحية وإحترام

    “من طاقة جاتا الريح كتر البكا التجريح خلاها دعموشة
    تلوشة ولا ضفاف خيم عليها جفاف زى صرخة الغرفان
    فوق موجة بين فيضان شعراتا منكوشة”

    منتهى الروعة وجايك بالروقة

  2. د.ياسين شمباتى كتب:

    البشاوى..سلامات..غيب وتعال ومعاك الدرر..

    (( نحنا الحرامية ولا البدسوا العيش))؟؟؟؟ انحنا الشحادين….

    تعج قصائد اهلنا فى الشمال بقصص المعاناة والحرمان,,اى كان نوعه,,ودونكم(حواء-عوض-يمة-امونة-عم عبد الرحيم….) والكثير من هذا القبيل..

    وكلامك دا بقودنا لى حتة مهمة جدا,,هل التسول كظاهرة يعتبر غلطة دولة ام غلطة شعب؟؟ طبعا غلطة الدولة ما داير شرح,,بس قاصد بى غلطة الشعب انعدام شعيرة التكافل والتراحم وما شابهها من قيم ديننا الحنيف..

  3. الغنيـــــــــة ختيييييييييييرة مررررررررة عجبتني تسلم وانا علشان اسمي عائشة ويدلعوني عيوشه فامرررررة اعجبت بالغنية والكلمات ……

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s