سؤ تعبير ..أم سؤ تفسير؟

Posted: الثلاثاء,24 مارس, 2009 by الغبشة in اخرى

لا استطيع التحمل وكان هناك طبول تقرع داخل راسى, لا أنها أجراس ترن بشدة ,لا أنها اصوات كثيرة عالية صاخبة ,لا لا بل هى خليط من كل ذلك,لا أستطيع التحمل لا أدرى هل عدم تحملى من شدة الوجع أم من سببه ,سأحكى لكم ما حصل:
طباخ ماهر يعمل فى مطعم صغير غير معروف ولكنه ممتاز لدرجة تفوفق كلمة ممتاز, أعرفه وأذهب اليه منذ زمناً بعيد, أصدقكم القول فى الماضى لم أكن أتردد عليه كثيراً ولكن مع الأيام عرفت مدى مهارته فى طهى الطعام, فأصبحت زبونةً دائمةً لديه,كنت أتناول عنده المشاوى فقد كان يصنعها بطريقةً رائعه , ويصنع السلطات ويضعها على الأطباق بشكل يسيل لعاب لمجردة رؤية الطبق,أما طواجنه آهاً وألف آه كيف أصفها لكم, كان يجيد صنع الأكلات الدسمة وكذلك الأكل الصحى , حتى عندما أمرض أتناول طعامى عنده.
أما الحلويات فعنده لها معنى آخر ووصف وطعم ونكهة مختلفة, لا أنسى منظر سلطة الفواكه الطازجة فى الكأس الزجاجى ,و قالب الكيك المغطى بكريمة الشوكلاتها آه وغيره وغيره.
دخلت الى المطعم كالعادة وكان يعرف ما سأطلبه من قبل أن أخبره بها , ويعلم أنى أطلب منه بأى قدر فقد كنت كما أخبرتكم دائمة الحضور, وحتى عندما أغيب ليوم يُحضر لى قالب من الكستر كتعويض عن يوم أمس ،فلابد ان ما منعنى كان أمر خارج عن يدى,وبرغم من أنى لم أغب عنه منذ شهر كامل, أحضر لى قالب من الكيك بالشكولاته , وطلب أن يجلس مع ,لم أمانع ,جلس ونظر الى وقال:( اريد أن أخبرك بأن كثرة الأكل تضر بالصحه, لا تأكلى من أجل الأكل),
وذهب وكأنه لم يقل شئ, أسوددت الدنيا فى عينى , وتركت طاولتى وطعامى ونسيت حقيبتى,وخرجت ولا أدرى حتى كيف وصلت الى المنزل,كيف لم يفهم بأنى أحب طريقته فى أعداد الطعام وتقديمه وتزيينه ,لقد أخبرته أكثر من مره, بأنه طباخ ماهر ,أذكر ذلك نعم أخبرته كيف لم يفهم بأنى أذهب هناك ليس من أجل الطعام فقط, كيف لم يستوعب ذلك كيف؟؟
هل أنا المخطأه لم أجد التعبير عن ذلك؟,أم هو سؤ تفسير منه؟, من المخطأ من؟(أنا لا لا الطباخ, الطباخ لا لا أنا,بل أنا لا لا الطباخ…………………………………………………..) هكذا بأدت تلك الأصوات فى رأسى, ولا أعرف كيف أسكتها؟.

 

Advertisements
تعليقات
  1. nono كتب:

    يعني يا الغبشة يااااااااااااااااااختي طلع مااااااااااااااااااااااااالبيب

  2. aflaiga كتب:

    الغبشه : هووووى قبل ما نخش ورينا المطعم ده وين اول شيئ ؟؟
    زمان كان فى واحد جارنا اسمو ( تليس ) بيزبط شطه مبااالغه لكن اكلو شين وجنبو طوالى فى واحد بيزبط اكل مبااالغه لكن شطتو كعبه وكان صديقى س متعود يجى ياكل عن التانى ويشيل الشطه من تليس وفى يوم من الايام تليس زعل جدا من القصه دى ومسك اخونا من يدو وهو بيعبى فى الشطه عشان يمشى ياكل فى المطعم التانى :
    شنو يا خونا انتا اسى ممكن تتوضا فى الجامع وتمشى تصلى فى البيت ؟؟؟؟!!
    فرد صديقى س : لالا ما ممكن طبعا ..
    تليس : طيب اوع اشوفك تانى هنا فاهم …
    فعشان كده يا الغبشه ياختى الواحد قبل يخش اى حته فيها شيئ سمح يورى الناس هو العاجبو شنو الشطه ولا الفول ولا موقع المطعم ظااااتو ….
    وجاييكم وشكلو الموضوع ده بتاع بكا النسوان !!!!

  3. nono كتب:

    الغبشة ياااااااختي التعبير على المشاعر مصدرها الثقة بالنفس؟؟؟؟؟

    تقعدي تسوي لية الحلويات فعنده لها معنى آخر ووصف وطعم ونكهة مختلفة, لا أنسى منظر سلطة الفواكه الطازجة فى الكأس الزجاجى ,و قالب الكيك المغطى بكريمة الشوكلاتها آه وغيره وغيره.

    شنووووو مابعرف دااااااااااااااااااااااك ؟

    الدرداقة حقتك دة لساتكة متاكلة ماااااااصالحة للدردقة احسن تبيعية؟؟؟؟؟؟؟؟

  4. ابكرون كتب:

    الغبشة :ده ما هو (ظااااااتو)…الكسير والدشديش….مشاااوي شنو….؟
    كان تشغلي الاغنية دي ليه في المطعم :

    الليهو حسن الكون هدي*** النافر الجافي الصدي
    باعيني يوم تشاهدي *** اغري السلام واستشهدي
    يامن خرقت عوايدي ******ونظمت فيك قصائدي
    لو عمري شيئا في يدي*** لوهبتو ليك ياسيدي
    يانجوم الليل اشهدي *** ***على لوعتي وتسهدي
    على بكاي وتنهدي ******إهي إهي إهي…إهي

    ——————————————————————————–

  5. سماسم كتب:

    الغبشة:
    والله ضحكتيني ……………. الزول دا يمكن لاحظ إنتي ماشة في توسع أفقي وحب يقدم ليك نصيحة أخوية …………….. عشان تحافظي على رشاقتك؟؟؟؟؟؟؟؟؟؟؟؟؟؟؟

  6. aflaiga كتب:

    سماسم : يعنى الا يكون بت كاتبه بعدين تجى ؟؟
    اتخيلى انا اخر حاجه فكرت فيها انو الزول ده يكون خاف عليها من الكوليسترول !! ولا يكون خايف على الكستر !؟؟

  7. سماسم كتب:

    شكراً أفليقا
    لكن إنت عارف كل الإحتمالات واردة

  8. aflaiga كتب:

    سماسم : كل الاحتمالات فى الكتابه ولا فى الخوف ؟؟

  9. طارق أب أحمد كتب:

    الغبشه
    بينى وبينك و ما فى واحد يسمعنا
    جيبى أضانك و قولى لى ………..أنتى كنتى بتدفعى الحساب

  10. بتكون بتدفع لكن عمك كجنا الظاهر لأنها بتجي كل يوم و تقعد بالساعات

  11. حاج أحمد السلاوى كتب:

    بنتنا الغبشة ..وبقية السمّار الكرام..
    بالنسبة لجيلنا ..جيل الكواشف شايفين موضوع إرتياد النساء للمطاعم وتناول الطعام فيها مسالة غريبةعلينا.مش لأى سبب آخر غير أننا لم نتعود عليها فى زماننا السابق ( عشان ما يجى واحد من لاعبى القفز بالزانة وينط لى فى حلقى ويتهمنى بالرجعية والتخلف ..و….و… )وكان المجتمع كووووولو بينظر ليها نظرة تانية خالص..
    والسؤال الذى يطرح نفسه..لماذا لم تقبلى النصيحة من الطباخ الماهر ؟ فهو قد لا حظ أنك تتناولى الكثير من الطعام _( مشويات ومطويات ..ومطبقات .. ومحاشى وسلطات ثم تختمى بالشيكولاتات) خلال الشهر الذى سبق يوم النصيحة..وكان من الواجب تقديم الشكر له على النصيحة.. فنحن بنى البشر كوووولنا عموملا نتقبل النصيحة بصدر رحب والمثل العامى بيقول اسمع كلام من ببكيك وما تسمع من بيضحكك.

  12. مُخير كتب:

    الأستاذة الغبشة
    الحبان في كل مكان
    سلام
    رغم إنتهاج جبرا الأسلوب الرمزي أخذ جمهور سوداننا هنا على أسلوب الخطاب المباشر، وتاهت روعة القطعة ومغزاها في الأطباق والمحاشي والطباخ، فمهارة الآخر في عرض ما لديه وإستغراقه في الروتين أعماه أن يلمس تخطي الإعجاب حدود براعته في صنعته إلى شخصه، لكن لا عليك يا بنيتي كان من الواجب أن تأخذي من الدكتور قرن شطة إيجاد راوي أي شخص ثاني تعبرين على لسانه عن الحيرة… يا أستاذة نحتاج هنا إلى مقدمة أو تمهيد ويجب أن تنزلي إلى مستوانا كي ترفعينا معك إلى المستوى الذي تريديه لنا، فلسنا خبراء في تقنيات السرد وعلى أية حال وجدت القطعة رغم بساطة الأسلوب وجزالة الألفاظ تنم عن قدرة تعبيرية رفيعة وإحساس عالي ويدلل على ذكائك الحاد إختيارك للعنوان “سوء تعبير أم سوء تفسير” .

  13. د.ياسين شمباتى كتب:

    الغبشة..سلامات..والله الاحتمالين واردين!!!

    لكن زى ما قالت ليك نونو,,درداقتك كانت تعبانة شوية..واحتمال هو برضو درداقتو كانت تعبانة اكتر,,زى ما قلت ليك كل الاحتمالات واردة..

    اسه دا اسمو سوء شنو؟؟؟؟؟؟؟؟؟؟؟

  14. البشاوى كتب:

    الغبشة
    ممكن تسلفينا الطباخ دة للرحلة؟
    لكن وحاتك انا رايى من راى ابكرون الزول دة داقس ماعرف يفرز حضورك الكبير دة ويصنفو كما يجب

  15. ابكرون كتب:

    قد نكون احبطنا ابنتنا الغبشة بتعليقاتنا التي بها الجدية احيانا والمرح داخل اطار الاحترام المتبادل أحيانا اخري.. وقد نكون خذلنا بتنا ولم نساعدها في فهم الحالة هل هي سؤ تعبير او تفسير …..وغيابها عن ما طرحت قد يدخل ضمن هذا الاطار…وعموما لكي العتبة حتى ترضي يا بنتنا……

  16. الغبشة كتب:

    لكم التحيةجميعاً , والشكر لكم على مروركم من هذا الشارع الفرعى القصى فى مدينتكم الرائعه.

    ابكرون والاخرين: لم احبط ولم أغب الا لأسباب خارجى يدى وطاقتى, ولكم العتبة انتم حتى ترضوا .

    والى ان ارجع لكم مساااااااااااااااااااءءءءً اذا ربنا اراد هاكم دى

    يحكى انو فى مره هى وزوجها وبنتها وولديها يسكونا فى مزرعة, وكانوا يقسمون العمل فى المزرعه بينهم فى اوقات فراغهم بعد الدراسة ورجوع الزوج من عمله خارج المزرعه,الا انها كانت تحمل الجزء الاكبر ,كل مهام المنزل وبعدها تعمل فى المزرعه حتى رجوعهم , وكان عندها حظيرة بهائم(أكرم الله السامعين )وكل يوم تطعمهم وتهتم بيهم,المهم لما يرجعوا افراد اسرته ,تكون حضرت لهم ما لذ وطاب برغم تعبها وتتفن , يمر كل يوم زى القبله, فى يوم رجعوا البيت وجهزت الغدا ونادتهم وقالت شبعناه ومشت, لما مشوا على الصينيه لقوها خانه ليه قش فى الصحون,طبعن استغرشوا وبدات الاحتمالات فى تفسير الحاصل , وتقريباً اجماعاً كان انها تعبانه ويمكن تكون مريضه بالزهايمر او ما شابه, ولما كثر الجدال والتفسير رجعت لهم
    وقالت:بعد كل مااقوم به واجتهد فى خدمتكم لم تشعرون بان هناك فرق بينكم وبين من فى الحظيره, تأكلوا تلبسوا ثياب نضيفه ترقدا فى أسره مرتبه ولم تخبرونى يوم بان هناك ما ارضاكم ولو قليلاً.
    وذهبت وتركتهم …………….ياربى قالوا شنو بينهم وبين نفسهم؟؟؟؟؟

    كسره: نفتقر لثقافة التعبير لمن حولنا ، التعبير يوضح نقاض الضعف والقوة يدفع للتطور والتجديد والمحافظه على الجيد والجميل.

    الى لقاااااااااااءءءءءءءءء

  17. nono كتب:

    الغبشة لكي التحية خلينا من التخريمة دة ماااااااااااااااااااااااا تاكلينا حنك ؟؟؟؟
    الزنان في راسك (أنا لا لا الطباخ, الطباخ لا لا أنا,بل أنا لا لا الطباخ…………………………………………………..) هكذا بأدت تلك الأصوات فى رأسى, ولا أعرف كيف أسكتها؟.

    كسرة/ انشاالله الزنة رااااااااااااااااحت؟؟

    لازم نصل لية حل …………….سؤ تعبير ..أم سؤ تفسير؟

    بعدين كلام المره وزوجها وبنتها وولديها دة كلاااااااااااام براة

  18. nono كتب:

    النااااااااااااااااااااااااااس في شنو الحسانية في شنو

  19. الغبشة كتب:

    عساكم امسيتو بخير……….
    نونو :درداقه برضو لكن انتهيتى منى مره واحده,وبعدين عمرك شفتى ليك طباخ سعيد لبيب فى حياتك كان لاقاك كلمينى,بعدين كلام المره او غيره مربط الفرس واحد لا نجيد ولا نهتم بالتعبير عن مشاعرنا وقبولنا ورفضنا لتصرفات واعمال الغير.
    افليقيا:(فعشان كده يا الغبشه ياختى الواحد قبل يخش اى حته فيها شيئ سمح يورى الناس هو العاجبو شنو الشطه ولا الفول ولا موقع المطعم ظااااتو …)اختصرت واختزلت المعنى علم كمياء مايعرف معادلة الاختزال دى تمت كيف يديك العافية يا بتاعك الكلسترول انت.
    ابكرون:لو عرفت اخت الاغنية دى ما كانت اتحلتوما احتجنا لخدماتك يا فكى,
    سماسم:قلت لى توسع افقى ,سعيد بعرف يقول هى بتاعت نقنقون وعواطف بتقول هو فتيحاب.
    طارق ابواحمد:حساب شنو كلو بالجاروره والحساب يوم الآخوره زى ما قال المسطول,هو لو فى زول بدفع حاجه كان خربت؟
    بقاريتش:ساعات شنو هى وينا زاته الساعات دى؟
    عمو السلاوى:لو وصلنى المعنى انها نصيحه ماكانت حلت نفسها براها لكن اتضخ انو سؤ تفسير نتيجه لسؤ تعبير.
    عم مخير:استاذه مره واحدا انا غلبااااااااااااااانه,ان من تحتاج ان تسمو معكم لفهمكم وثقافتكم ومعرفتكم ,
    البشاوى:هو الداقس ولا نحن الداقسين.
    شمباتى:وهل عهدت على انى بتاعت درداقات.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s