عيد ميلاد ( سوداننا )

Posted: الثلاثاء,24 مارس, 2009 by ودالزبير in إجتماعية

يصادف يوم 17 إبريل القادم العيد الأول لإنطلاق هذه المدونه وبالحساب نجد إن الوقت مبكر جداً للإعداد للإحتفلات لكن بحساب مهلتنا نحن معشر السودانيين رأيت أن نبدأ منذ اليوم في الإعداد لهذا الإحتفال الجامع ولو قدر لي أن أقترح تأجيل كل مشاريع الرحلات المزمع قيامها هذه الأيام لذلك التاريخ لكان أفضل وأبرك لما فيه من توفير الطاقات والجهود ودعونا نسترجع ذكريات تلك الأيام أيام التأسيس الأولى بالرجوع للكلمه الأفتتاحيه وتعليقات الأعضاء عليها وتجدون ذلك على هذا الرابط :
https://sudanona.wordpress.com/2008/04/17/%d8%a7%d9%84%d8%a7%d9%81%d8%aa%d8%aa%d8%a7%d8%ad%d9%8a%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80%d9%80/

فمني ألف تحيه لكل من خط حرفاً هنا ولكل من جاء عابر سبيل ووجد لدينا ما يفيد وينفع والإعتذار لكل من ناوشناه بحرف أو كلمه والعتبى من قبل ومن بعد لكم جميعاً أيها الإخوه والأخوات الكرام وكل سنه وإنت طيبين

 

Advertisements
تعليقات
  1. nono كتب:

    كل سنة الجميع بخير/ ربنا يجعل ايامنا كلها اعياد يمد في عمر المدونة………

    يديم التواصل بين الجميع…

  2. ود الزبير سلام
    عيني عليك باردة ثلاث بوستات ورا بعض الظاهر مبيعات عيد الأم كانت مريحة و ماخد اجازة…

    فعلا هسة يجي عيد الميلاد و نقول فاجأنا التاريخ… خلاص انت ظبط التورتة من هسة بس يا خسارة حتكون طابق واحد…..عقبال الطوابق العشرة

    الليلة الكاونتر عامل قريب 122 ألف و المتواجدون حاليا 8 … مبروك

  3. aflaiga كتب:

    ود الزبير : يا زول الواجب .. مشكووور باقى التورته ودى حتخت فيها صورة منو يا حسين ؟؟؟ دى حتكتبها ازاى يا حسين !!!
    شباب : برغم اننى معنويا نائب رئيس التحرير الا اننى لن اكتب اى شيئ فى هذا الخصوص سانتظر سيد الراس واللحم اخونا وولدنا ستريكر فلا حديث لى قبله والولد بيسميهو ابوهو ..

  4. الغبشة كتب:

    كل سنة ونحن بخير وملمومين وتامين ومتحابين

  5. سهيل كتب:

    مبروك العام الجديد ..

    ود الزبير : يا سلام عليك يا مدوناتي يا متابع.. إنت زول كويس لكن بعد مرات كده ماعارف بيحصل ليك شنو

  6. علي سنكل كتب:

    مشكوز ود الزبير يا صاحي
    وكل سنه وجميع المدوناتيه تيبين . . . تيبين وعقبال الشمعه الميه
    أمشو تاني أنسو لي الكبار !

  7. ودالزبير كتب:

    عزت المرطب

    قلت لي عيد الأم كانم مربح وكده

    نحمد الله على كل حال

    تلاته بوستات في يوم واحد بس ياعزت فيها بوست أربعه سطور وبدون عنوان زاتو وواحد ترفيه بتاع كوره والتالت مناسبه إجتماعيه يعني لسه ما كتبنا حاجه فيها فايده ونقاش وكلام كبار كبار

    غايتو خليني أنحت راسي شويه وأجيب لي موضوع كارب وأجيك راجع

  8. سماسم كتب:

    كل عام وجميع الأخوان بألف خير وربنا يديم الألفة
    بس يا أفليقا ود الزبير دا كان تعملوه مسئول من التاريخ يعني يجيب لينا حدث في مثل هذا اليوم من أول يوم

  9. aflaiga كتب:

    سماسم : حمدلالك السلامه ..
    اها واليوم المافيهو حدث انا مستعد اعمل ليكم فيهو اى حدث انشاء الله شكله مع ود الزبير ذاتو ..
    تسلمى وما تطولى الغيبه ..

  10. د.ياسين شمباتى كتب:

    كل عام والجميع بخير وصحة وعافية ومودتهم زايدة ومحبتهم فايضة..

    عندى كلام قافل عليهو بالضبة والمفتاح لى يوم الافتتاح,قصدى يوم الاحتفال..

  11. ودالزبير كتب:

    سماسم

    تصدقي من أحب البرامج إلى قلبي ذلك المقطع الصغير بعنوان ( حدث في مثل هذا اليوم ) والأجمل الموسيقى المصاحبه للبرنامج ولا طريقه قرأه التعليق حاجه ميه ميه

  12. الخير كتب:

    أخوكم الخير عضو جديد فى سوداننا الخيريه و أن شاء الله نكون معاكم هنا كمان و ربنا يديم التواصل على عمل الخير و كل عام و أنتم بخير
    شوف كمية الخير دى
    الخير

  13. سماسم كتب:

    الخير : دائماً الخير بجي على قدوم الواردين فأهلاً بك نيابة عن كل المدونيين بسوداننا متمنية أن تزيد الخير خيرين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s