الجمعه الرحله قايمه .

Posted: الأربعاء,25 مارس, 2009 by aflaiga in اخرى

تقرر بعد التشاور مع الاستاذ الفاتح وود المهدى ان تكون الرحله الخاصه بمدونى الخرطوم يوم الجمعه الموافق 27 مارس 2009 م .

المكان : التجمع تقاطع اوماك مع الستين جنوب مسجد السيده سنهورى .

الزمان : يوم الجمعه 27 مارس 2009 م الساعه التاسعه صباحا .

البرنامج :

* الاحتفال بافتتاح الموقع الجديد .

* الاحتفاء بالعريس خندقاوى .

* الاحتفال بعيد الام .

* توثيق التواصل والاحتفاء بالجدد .

* اى موضوعات اخرى تهم العضوية .

البرنامج المصاحب :

* ابداعات الشاب الفنان الكاشف .

* ابداعات نيام الشعريه .

* ضيف شرف الرحله رئيس جمعية اصدقاء دار المايقوما الشاب نعيم .

* مفاجأة الدكتور صالح بخصوص الجمعيه .

* تنوير دكتور عزت بخصوص الجمعيه .

للاتصال : بخصوص ترتيبات الرحله او الاعتذار .

افليقا : 0120120865

ستريكر : 0155552399

عبدوش : 0919991880

Advertisements
تعليقات
  1. aflaiga كتب:

    شباب : خروفنا عند جبرا كيفنا عند عزت خضارنا عند بشاوى باردنا عند اب احمد وود الخلا فطوركم عند افليقا باقى حاجاتكم عند باقى الشباب اى سؤال ؟؟
    حتقولو لى باقى حاجاتنا شنو ؟؟
    حاقول ليكم بعد ما محمود الكاشف يضبح ويوضب اى طلبات بندق للزول وهو جاى يجيبا معاهو بالتوزيع المناسب اى سؤال ؟؟
    حتقولو لى طيب النسوان يجيبو شنو ؟؟
    حاقول ليكم فى احتفال بعيد الام مكرمين فيهو زول معين بنشوف فى شخصو احلام امهاتنا يلا انتو وشطارتكم ..
    حتقولو لى .. انتو حتقعدو تقولو كده لمن السبت يجى كدى تعالو والباقى هين …

  2. aflaiga كتب:

    شباب :
    قبل ما مخير او نيام يجى ناطى الفطور ما ملوحه اختارو بين فول الهجره او فول ابو صالح فى زقاق البوسته ( واوع زول يقول لى افليقا جنو زقاقات !! ) او فول وفسيخ هنيه العسوله !!
    حتجى سمسمه تقول لى هنيه دى منو العسوله ؟؟
    حاقول ليها دى خالتى هنيه حبوبة صديقى س ومصنفه ضمن القواعد من النساء !! اى سؤال ؟؟
    المره دى ود الخلا عفيناهو من العده وواجبو بقى سوائل مع انو ما بيحب السوائل !!
    سهيل : طبعا البوكس للخروف والعده جاهز ؟؟
    حمودى حالف المره دى لو كنانى ما جا ولا ما اتصل ما جاى ..
    المره دى طبعا الجمع ما شاء الله ( جبرا – مهدى – عزت – ود الخلا – زول – بشاوى – ود الزبير – اب احمد – قرن شطه – ابو كريم – سهيل – ستريكر – مشاكل – عبدوش 0 السعيد – الغبشه – سماسم – سمسمه – خالد مدنى – نونو – خندقاوى والمدام – نيام – زعفرون ) عينى بارده ..
    نتمنى حضور ( همسة شوق – فنجان – معجبه – ساره – بت بحرى – مهيره ) وبقية الذين انقطعوا عنا طوال الفتره الفاتت ..

  3. مُخير كتب:

    أفليقا والحبان سلام
    طالما دي الأهداف المُعلنة ما عندنا مانع وتمشوا وتجوا بالسلامة وإن شاء الله تنفعكم،
    شنو قصة الفول دي، ليه سيدي بيه قفل ولا شنو ؟؟؟
    نتمنى على ود الزبير أن يرتقي إلى مكانته في الدانقا وأن يرتفع إلى مستوى التطلعات فيه بتقديم الوجبات بأسعار رمزية أو على الأقل أن يتناول عن الأرباح وكان حلف طلاق ما حنصر.
    نحن في القرن الحادي والعشرين ونظراً لأهمية الحضور ورفع مقامهم وأخذاً بعين الإعتبار للبرنامج الحافل نقترح أن تتألف المنيو (قائمة الطعام) من المقبلات اللازمة بما فيها الفتوش، والشيش طابوق، والبابا غنوج، والتبولة والمتبل، والفلافل (لاحظ ما طعمية)، ثم للغداء المشاوي والمندي والمحاشي والذي منو مع أهمية توفر كمية مناسبة من العصاير والمشروبات الغازية وأن تشمل الدايت برضو (عشان ناس د. عزت وكدة)، وأن يكون الديزرت (التحلية) آيسكرايمات ولا نفرض البيتريز والتورتات لو أصر ود الزبير.

    كسرة:
    هسة مصطفى يقول الراجل دة قوى تآمر عاوز يخرب بيتنا ولا شنو.

  4. طارق أب أحمد كتب:

    هم كانا منتاهى
    موتون بريانى أور بهوت قرم شكن تندورى أور مسالا دوزا
    بهوت بهوت خبصورت هندوستانى كانا

  5. ودالزبير كتب:

    مخير

    العميل سلام

    يوم الجمعه مع كل آسف نحن قافلين الصباح وبنفتح بعد صلاه العصر

    تحت تحت الحمد لله الرحله بقت الجمعه

    أها مش شفت أخوك تم تصنيفه في خانات الناس الراح يتصلوا بيها عشان تجيب النواقص ربك يستر ما تطلع النواقص دي الخروف زاتو .

    المهم يازول نحن حاضرين بس يورونا دايرين شنو

    ونسقت مع خالد مدني عشان نجيب معانا الكوتشينه وندور أربعتاشر حريق بس زوووووووول يبعد مننا ( ملاحظه ) الحريق ما مطعم بكسر بضم الميم وتشديد الطاء

  6. aflaiga كتب:

    اب احمد : والله لو قلبت عبرى برضو البارد عليك .. شكلو كلام سمح رغم انو ما فهمتو انت جعلى هندوسى ولاشنو ؟؟

  7. زووووووول كتب:

    افليقا ثرو البروف والباقين سلاااام
    اولا وفقكم الله تعالى لاخراجها بالصوره المطلوبه .
    ثانيا : اعتذر عن المشاركه معكم فى الرحله بسبب ظروف سفرى الى مسقط راسى فانا بعيد عنكم بجسدى لكننى قريب منكم جدا بروحى وجاهز لدفع الشيرنق بعد وصولى مباشرة .ان شاء الله نجى ونلقاكم تامين وسالمين وجمعيتكم الخيريه قايلا يا ليل . قول امين ياعزت وادى يس شوية جكه يا ود الخلا .
    طارق اب احمد دبايوااااااااا
    هو كاتا نهى ونوتتا سندكى اتى تاتا برابا تمبلولولوووووووووووو
    كسره : انا زاتى ما عارف معناتا شنو يا اب احمد

  8. طارق أب أحمد كتب:

    أفليقا
    هسى منو النط من البارد ده خلو لى براى شوفوا ليكم شغله تانى

    أما الكلام الهيروغليفى داك يشرحوا عملى

  9. د.ياسين شمباتى كتب:

    تنفعكم ان شاءالله…………

  10. البشاوى كتب:

    حاج السلاوى د\شمباتى- ابكرون – د\ سنكل – بشار – مدونى الخارج
    دايما احس بانى قربت أحلف عليكم تجو تحضرو معانا اللمة
    لكن بقينا نخاف نحلف تبقى فى مشكلة تأمين حضوركم ورجوعكم وربنا يهون

  11. aflaiga كتب:

    اب احمد : كده معناها نتوقع مشروبات هنديه معتقه !! اها خلينا ليك براك طيب ود الخلا يجيب معاهو شنوووووووووو ؟ ود الخلا ده ما بقولو ليهو جيب بيقولو ليهو ما كان فى داعى لى ده كلو ..
    شمباتى : ااى ينفعنا اسى فى زول حسدك على البشكير ؟؟ جرى وطيران بيتلمو ؟؟

  12. عبدوش كتب:

    نتلاق في الرحلة العامرة دي انشاء الله ..
    انا جايب معاي سكين للضبيحة قصرت معاكم … وكمان كان الخروف جامد نعمل ليكم شية بالحجر(سلات)
    يا يوم بكرة ما تسرع …….
    انقولا: ده العضو الجديد الحينضم لينا في المدونة …

  13. د.ياسين شمباتى كتب:

    البشاوى..اريتك تحلف عشان نتسبب ونقول ما دايرين نرمى للراجل حليفتو واطا..

    افليقا..بشكير ياااااااا بشكير,,اسه انحنا جارين ولا طايرين؟؟وانتو وضعكم كيف؟؟

    عبدوش..كدى اعمل ليك شية وانا ما فى!!! والله ياهو….

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s