الرئيس اليوم للقاهره

Posted: الأربعاء,25 مارس, 2009 by ودالزبير in اخرى

مواصلاً تحدياته لقرار مايسمى بالمحكمه الجنائيه الدوليه يغادر اليوم سعاده المشير عمر البشير رئيس الجمهوره لقاهره المعز وفقاً ما أعلنته وكاله الأنباء المصريه صباح اليوم وكما هو معلوم هذه الزياره الثانيه في أقل من ثلاث أيام لخارج البلاد وبإذن الله يشارك سيادته في إجتماع القمه العربيه بالدوحه بعد الزياره الناجحه يوم أمس لوزير الخارجيه القطري للبلاد وتأكيده على دعوه الرئيس للمشاركه

شخصياً لا أرى أي داعي بعد كسر قرار المحكمه لسفر الرئيس للدوحه لأنه من الأصل هؤلاء العرب لا فائده ترجى من ورائهم

Advertisements
تعليقات
  1. aflaiga كتب:

    ود الزبير : ما قلنا مواجهه مافى .. بس لو الناس ديل اتبعو تحركاتم دى بتصالح شعبى وديمقراطى وتهيئة للجو السياسى ورفع المظالم ما بتجيهم عوجه .
    لان العدل اساس الحكم وهو سبب رعاية الله للحاكم .

  2. ودالزبير كتب:

    أفليقا
    الحبيب تكعيب

    زي ماقاعدين نعيد ونزيد لابد من الرجوع للشعب الغلبان وإبعاد القطط السمان من مسرح الأحداثوده أصعب حاجه ممكن تواجه الرئيس لأن للفساد ألف حامي وحامي

  3. ابوالمنذر كتب:

    ودالزبير وافليقا…
    يادوب اطمانينا على الريس لانو المصريين يكونوا اخدو الاذن والضمان من الساده اياهم رغم انو مصر بقى يتفقوا معاها عشان تستاسد وتتزعم ويخذلوها ويدوها ام دلدوم فى قفاها …
    غايتو الله يكضب الشينه ويخلى لينا السودانى ريسنا

  4. مُخير كتب:

    ود الزبير سلام
    أفليقا سلامين
    الحبان
    صدقت أبو حمودي “تصالح شعبى، المزيد من السلوك الديمقراطى وتهيئة الجو السياسى برفع المظالم” هي المخرج الحقيقي من هذه الأزمة المفتعلة وهي الوصفة الكفيلة ببتأمين الفوز بالمبارة قبل أن يصفر الحكم، وهي الضربة القاضية التي ستحسم المعركة من الجولة الأولى وتصيب أطماع العدو في مقتل وتفشل كل المؤامرات والمكائد. وصدقت أن العدل اساس الحكم وهو ما يضمن نصرة الله ضد كيد الطامعين.

    كسرة:
    أفليقا: شنو عملت رايح أنا لسة راجيك بهناك.

  5. aflaiga كتب:

    مخير : كتر خيرك انت العملت رايح انا كتبت ليك نمشى نطالعك فى بوست ابكرون العمل منو رايح بتاع التحليل للسفر .
    خش بى غادى وخلينا نشكل جبهه عريضه ( حلوه دى ) للضغط على ابكرون ..

  6. سهيل كتب:

    ما هو لازم يحرق روحنا … قبل القرار بتاع اوكامبو كان مجننا و مطلع زيتنا و بعد القرار زاد عناد
    .. خلي يمشي الدوحه .. هو قايل نفسو ماشي المتمه؟ الناس نصحوهوا و كمام الشيوخ أفتوا ليهو … اها تاني شنو ..نعتقلوا محلي ولا كيف؟

  7. طارق أب أحمد كتب:

    أها يا أهل الخير والناس الطيبين القلبها على البلد

    موش إحتمال ولو واحد فى المايه يكون الشايقى ملاهو وطبعن عارفنو الجعلى بس كمبرسور لامن ينفخو
    يتلقى الشايقى قال ليهو هيع ياأسد البطانه البى وراك خربانه
    كان ما مشيت أنت حررررم حرومنا حرمانه
    هيع آآآلسد النتر
    وطبعن الجعلى نقز و(( يا عبد الرحيم ألكع شوف لينا دابه سريع بندور نصل ود المبارك))

    البلد دى لى الليلى ما جاها رئيس شايقى الله يستر

  8. nono كتب:

    وصل الرئيس السوداني عمر البشير بعيد ظهر الاربعاء الى القاهرة في ثاني زيارة خارجية يقوم بها منذ اصدار المحكمة الجنائية الدولية مذكرة توقيف بحقه في الرابع من الشهر الجاري.
    واوضح مصدر ملاحي في مطار القاهرة ان البشير وصل حوالى الساعة 12,30 (10,30 ت غ).

  9. سهيل كتب:

    هوووووووووي يا أب احمد .. جر شخيت و اقيف غادي منو .. مالم الشوايقه… اهااااااا تاني داير تلخبت الكيمان و تخلينا نرجع للشلوخ.. ( أنظر حولك) .. و خليك مفتح.. البلد رايقه و فيها شوايقه… إنت يازول كنت وين ايام البوست بتاع افليقا بتاع الشوايقه.. كنت غياب ولا آآآآآآآآآآآآآآآآآآآآآآآآآآآآآ…

    الشايقي البتقول عليهو دا ..ماياهو حجر الساعه .. بلاهو ما بتدور

  10. aflaiga كتب:

    سهيل : تختلف مع الانقاذ حتى النخاع ولا تختلف مع الشايقى !!! العرق دساس والله .. دى دايره ليها بوست براها …

  11. السلام عليكم ورحمة الله وبركاته
    الأخوة الأحبة الكرام
    أنا أقدر مشاعركم ..
    ولكن لابد أن نعلم أن هناك فرق شاسع بين نظام الحكم فى مصر
    وبين شعب مصر..فلا نضعهم فى سلة واحدة..الشعب المصرى يعانى
    الأمرين وهو صابر تحت وطأة الظلم ولكن لكل حكاية نهاية…..
    وكل التقدير والاحترام للأشقاء فى بلدنا الحبيب السودان.
    تقديرى واحترامى
    أخوكم
    محمد

  12. ودالزبير كتب:

    الأخ محمد
    سلالم وإحترام

    لم أجد في موضوعي أو تعليقات الأعضاء ما يشيسر للشعب المصري أو حتى للقياده المصريه بسوء هنا لب الموضوع هو سفر الرئيس البشير لخارج البلاد بالنسبه لمعناه الشعب المصري فكلنا في الهم شرق وربنا يعنيكم ويعنيننا

    شاكراً لك مرورك من هنا وأنت المتابع معاً دائماً

    دم بخير

  13. أخى الفاضل :ود الزبير
    السلام عليكم ورحمة الله وبركاته
    أشكرلك ردك الكريم
    أخى أنا لم أقل أن فى موضوعك مايسئ للمصريين
    ولكن فى تعليق الأخ ( أبو المنذر) جاء…

    ودالزبير وافليقا…
    يادوب اطمانينا على الريس لانو المصريين يكونوا اخدو الاذن والضمان من الساده اياهم رغم انو مصر بقى يتفقوا معاها عشان تستاسد وتتزعم ويخذلوها ويدوها ام دلدوم فى قفاها …

    وكل ما قصدته ربما يكون للحكومة أسياد يأخذون رأيهم ، وقد تكون هناك مساوئ
    للنظام ولكن نحن كشعب منها براء ونرفضها.

    وأنا أعلم أخى مدى مايجمله الأشقاء فى السودان من حب واحترام لأشقائهم فى مصر ولكن حبيت فقط أوضح أن هناك فرق بين الشعب والحكومة.
    تقبل تقديرى واحترامى
    أخوك
    محمد

  14. ودالزبير كتب:

    أخونا وزميلنا المدون

    محمد الجرايحي

    لك الشكر على المتابعه والرد ولك أن تعلم حبنا وتقديرنا للشعب المصري ويمكنك أن ترجع لما كتبته شخصياً هنا حول أمور مصريه كثيره والكثير مما كتبه الأخوان هنا عن الإخوه بين الشعبين ولا أقل من وجود 3 ملايين سوداني يعيشون بينكم والآن توافد الآلاف من الأخوه المصرين لوطنهم الثاني السودان وسط مرحب ورافض لهذا الوجود لكنه أصبح حقيقه دون الحاجه لإقامه أو تأشيره دخول حتى

    تاني حبابك بالسوداني الدارجي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s