بالصورة و بالهنا و الشفا

Posted: الجمعة,27 مارس, 2009 by عزت in إجتماعية

نفس الملامح و الشبه … المزرعة ياها المزرعة الواقعة في الجريف ، الشجر و البساط النجيلي الجميل و لكني استشعرت لحنا مختلفا للطيور اليوم، اذ يبدو أن للوجوه النيرة التي ازدانت بها الحديقة دخلا فقد تغير اللحن و تاني هام (البنقالا مافشين)، فقد  تم استبدالهم بالعمالة الوطنية …  عموما وفي جو أسري بديع بدأت رحلتنا  خاصة و قد استخدمت و لأول مرة الحجارة لشواء اللحم فخرج بهيا و(طاعم) الظاهر أن  لعودة عبدوش دخلا في ذلك … شكرا جبرا فقد تأكد أنك فكي كارب ليتجمع حولك تلك الوجوه النيرة من أفراد الأسرة الممتدة او التي مثلها طارق أب أحمد و أسرته، الدينمو أفليقا و أسرته، استرايكر، عبدوش و الهادي، ود المهدي و أسرته، سهيل ، البشاوي وود الزبير و ود الخلا و خالد مدني و شرفنا خندقاوي و عروسه و من حرائر المدونة  سماسم و أطفالها و سمسمة و ناس حمودي و أسرة الفاتح جبرا و  nono التي عودتنا بحضورها المنتظم في مناسباتنا المختلفة و هاتفتنا الغبشه. كما زينه البعاد بمكالماتهم و واحدين عديل طلبوا يسمعوا صوت الشية… فنرجو أن يكون صوتها الشجي دافعا يعجل بمجئ أخوتنا من خارج البلاد لنجتمع مرات و مرات و نسمع كلنا صوتها و نتنسم عبيرها و بمعيتنا مخير، السلاوي و شمباتي و ابكرون و ناس الدوحة و  الأمارات و لندن و مصر و السعودية و أمريكا كمان وعموم أهل المدونة المنتشرين في كل مكان… 

 

تحدث مرحبا بالحضور أستاذ الفاتح و ثمن دور المدونة في تكوين هذه الأسرة و التي تعدت معرفتهم الى روابط أسرية و اهتمامات مشتركة و حيا مجلة سوداننا كمنبر مواز كما يسعد و يتشرف بأن تتعدى معرفة الناس الى عمل الخير و جمعيته المرتقبة ف مساعدة المحتاجين من طلبة و مرضى و غيرهم و تحدث “عزت” عن المدونين (بعد أذنكم) طبعا و عن الجمعية و خطوات تسجيلها و أهدافها و تطلعاتها التي نرجو جميعا أن تكلل بالنجاح…  

 

copy-of-2-15

 

copy-of-2-4

 

copy-of-2-17

copy-of-2-14

copy-of-2-8

copy-of-2-5

copy-of-2-31

و بعد أن استأذنت لأمر في المنزل قالوا الغداء كان حكاية …. بالهنا و الشفا

Advertisements
تعليقات
  1. د.ياسين شمباتى كتب:

    غايتو جنس مغايس ودغايس,,مستعجل خاااالص يا ابو عصمت؟؟؟ ينفعكم..

    عبدوش..ما تكون قضيت على الشية زى المرة الفاتت؟؟؟

  2. ابكرون كتب:

    اهئ اهئ منتهي القساوة منكم يا دكتور ليه كده….تسلموا واستمتعوا ينفعكم

  3. مشاكل كتب:

    سلامز

    ما شاء الله تبارك الله

    عيني على المشاوي باردة

    لووولز

    و الله كان بودنا نكون معاكم

    لكن الله غالب

    استمتعوا و استمتعو لينا معاكم

  4. ودالزبير كتب:

    غايتو لمه ولا في الأحلام

    ناس بره كيه وتاني كيه

    الآن يتم تبادل الكلمات وإتصلات أهل الخارج لم تنقطع ( أبكرون ) يس الشمباتي دكتور صالح حاج السلاوي

    الحضور
    جبرا
    عزت بقاريتش
    ودالخلا
    أفليقا
    سهيل
    ودالزبير
    خالد مدني
    سماسم
    سمسمه
    عبدوش
    طارق أب أحمد

    الخندقاوي
    البشاوي
    ودالمهدي
    نونو
    حرم أستاذ الفاتح مدام ساميه

  5. ودالزبير كتب:

    ختام البرنامج

    آيات من الذكر الحكيم تلاها الأخ ود الخلا

  6. د.ياسين شمباتى كتب:

    والله يا ودالزبير بقيت زى تلفزيون السودان,,تجيب لينا اّخر الاحداث..ربنا يجمعكم دايما فى اللحظات الحلوة..

    سهيل..شايف ولدنا مشاكل كايس للمتعة,,الحقوا وجهو للطريق الصحيح!!!

    افليقا..الليلة يوم الرجال!!!!!

  7. د.ياسين شمباتى كتب:

    البشاوى..عليك الله شوفوا ليكم حلل مع ناس هيئة الافتاء ديل,,معقولة بس؟؟؟عليك الله ورى الجماعة الناس ديل امس عملوا شنو!!!!!

    ود الخلا..صحى الرحلة محضورة,,ربنا يديم عليكم حضرتكم…غايتو الا ابكرون ما يعرف…

    عبدوش..بعد حجارتك دى ح تمسك محل محمود الغائب..شيل شيلتك بعد دا..

  8. حاج أحمد السلاوى كتب:

    ودالزبير .. …
    كيه تكويك كيتن فيك ..وتانى كيتن فيك ..!!! دة إنقليزى ..ولاّ هندى يا مرسى ؟
    يعنى بدل تقوم بواجب المواساة لإخوانك المنتشرين فى الأرض ولم يستطيعوا مشاركتكم هذه اللقاءات الجميلة تقوم تكاوينا بالشكل دة.. ياخ حرام عليك .. على أى حال مقبولة منك إلى أن نلقاك وناخد حقنا .. حسه أحرش عليك ولدنا طارق اب أحمد ؟ ..
    والله نحن سعدنا بسعادتكم وبجمعكم الكريم ..نسال الله أن يجمعنا وإياكم فى أسعد الوقات وأبرك الساعات ..والجايات أكتر من الرايحات ..
    وإلى لقااااااااااءءءءء .

  9. علي سنكل كتب:

    الموثقاتي الكبير د. عزت
    وكافة رحالة المدونة سلام . . .
    ويا الفاتح جبرا و أسرته الكريمه سلام . . .
    ويا نيام الماجيت سلام . .
    ويا بشاوي والجمع الكريم داخل وخارج الأمازون أزف إليكم أطيب التحايا وأعبق الأمنيات بمناسبة تدشين موقع ساخر سبيل الجديد . . التهاني مستمره.
    بس يا عزت كان تورينا ده منو وبعمل في شنو مع منو وقال ليهو شنو ؟
    لكن يظهر نادوك للبيت لموضوع مهم و قبلتنا تسع وتسعون مرة وكنت على على عجل.
    ما مشكله ، لك شكري وتقديري على المجهود.
    ونحن حساده سااااااااكت.

  10. salih كتب:

    الاكارم ابناء الاكارم
    سلام

    انشاء الله جلسة في الحرم ,, ورفقة الحبيب عليه افضل الصلاة والسلام في الفردوس الاعلى.. آميييييييين

  11. مشاكل كتب:

    سلامز

    يا شمباتي يا انت يا انت يا انت

    متعة !!!!!

    اسي عليك الله في متعة اكتر من اللمات الحلوة دي ؟؟؟

    بس الزمن فارق معاي شوية الأيام دي

    و بلقاك في زقاق ضيق يا شمباتي

  12. د.ياسين شمباتى كتب:

    د.صالح الحبيب..خليهم هم فى الرحلات وخلى لينا جلسة الحرم..

    دى كيتا فى البكاوونا….

    بس يارب نتلم فى الفردوس الاعلى…..

  13. د.ياسين شمباتى كتب:

    صديقى مشاكل..متأسف يا اخوى..

    والله انا شغل الزقاقات دا والتهديد البهناك دا ما بقدر عليهو..خليك قريب وما تركز شديد..

  14. مُخير كتب:

    الفاضل كبير الدانقا أبو ناجي
    الحبيب الريس أبو عصمت
    المُرّحْلين المحظوظين
    الحلوين أعمدة الدانقا وبُناتها
    صباحات بنكهة وطعم القمردين
    مشكور يا دكتور على تسخير بيانك الساحر لإدخالنا في أجواء الرحلة وتعويضنا عن الغياب، والكشر لله الذي جمعكم وجمعنا وإياكم في هذه الأسرة كبيرة المعاني والمقاصد وصغيرة العدد، والله سعدنا بلمتكم وكأننا معكم والله نسأل أن يجمعنا بكم في ساعة خير ويا رب في الحرم أو في الفردوس الأعلى على قول أخانا حاج ياسين وشيخنا وفقيهنا أبو صالح .
    وقد إلتهمنا القطعة التي تفضلت بها علينا يا عزت والله لا جاب يوم شُكرك يا يابا، طازجة فهنيئاً مريّاً لنا وصحتين وعافية. والشكر موصول لأعمدة دانقتنا وبُناتها وجنودها خلف كواليس الداخل الذين جعلوا كل هذه الروعة قائمة.

  15. البشاوى كتب:

    ربنا يلم الشمل مكتمل وتام دايما مع الاحباب وياجماعة برة ماتشيلو هم انتو بس ارجعو تلقونا جاهزين
    شمباتى
    يعنى العلماء يقعدو بلا شغل ماهو برضو اخير من قعاد ساكت وتسجيل ظهور
    على الهواء ولو لحقو اتكلمو فى الامور الغير شرعية ولا اخلاقية ماأظن زمن البث المتاح لكل القنوات السودانية المتاحة بما فيها ساهور لن يسع لذكر مصايب الناس وعلاجها
    سنكل
    ذااااااااااااااااااااااااااااااااااااااااااااااااااااااااااب الجليد ودمتم
    السلاوى
    بشوف جيتك قريب —– ربنا يحقق الامانى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s