سااااااااااااااادة لونه خمري !!!!

Posted: الخميس,16 أبريل, 2009 by nono in اخرى

لقد خلق الله تعالي كل ما فى الكون وسخره لخدمة الإنسان ولتحقيق راحته وهنائه ، وحرصت القدرة الإلهية على أن تكون المخلوقات جميلة مع كونها نافعة ، فيفيد الإنسان وينتفع ، وفى الوقت ذاته يسر بجمال الأشكال وتعدد الألوان ذلك الجمال الرائع المنبث فى لوحه الكون 

(ومن الجبال جدد بيض وحمر مختلف ألوانها وغرابيب سود (  سورة فاطر آية 27

)ومن الناس والدواب والأنعام مختلف ألوانه كذلك(   سورة فاطر آيه (28)

 

untitled2

 

 

والاهتمام بالألوان انعكاس طبيعي لثقافة عالية تتجلى في الاهتمام بالذوق التي تعكس طبيعة الإنسان ونفسيته. الكثير من الناس يعرف التعامل مع الألوان، ولكن بعضهم يتعامل معها بانطباع نفسي دون المعرفة بماهية الألوان ومدلولاتها النفسية.

 

 تمتلىء اللغة العربية بتعبيرات وكتابات تستخدم اللون فيها فمثلا نقول فلان ضحكته صفراء ونقول فلان يتطاير الشرر الأحمر من عينيه وهذا لأن وجهه يحتقن بالدم ويبدو أحمر واللون الأحمر يعني الفعل القوي فإذا خف ونقص تأثيره أصبح وردياً دلالة على الحياة السعيدة النشطة اللطيفة ، فيقال ” حياة وردية ” يعني السعادة أما الأسود فيعني انعدام اللون والضوء ويرمز للحزن والموت

وقيله تفضيلك أو حبك للون ما انعكاس لمواصفاتك الشخصيه و النفسيه.
لذا حدي لوك المفضل و اقرأي ما يقوله عنك. إذا لم تجدي لونك المفضل فاختار اللون الأقرب له
الازرق _مخلصه_ ذكيه _خجوله_ متأمله_ حذره _محبوبه
الأحمر_ عاطفيه_ غضوب_ تلقائيه_ مبدعه_ ملوله _متسرعه
الأخضر متعاونه- نشيطه- متزنه _مسالمه_ اجتماعيه _هادئه
الأصفر_ ذكيه _مرحه_ متسامحه_ لبقه_ قويه _مسالمه
الأسود _انعزاليه حذره_ كتوم قوية _ملاحظه متزنه _عميقة التفكير
البرتقالي _قويه سعيده_ مليئه بالافكارالجديده _طموحه_ جريئه _نشيطه
البنفسجي _عاطفيه_ كسوله_ متساهله _جدا _أمينه_ متفتحه _مخلصه
الذهبي _شجاعه- مبتسمه- صبوره_ متفائله_ اجتماعيه _مرحه
الفضي_ قليلة_ الاحتمال _أنانيه _توفيقيه _متفتحه_ مسالممه _صريحه

الأبيض_ طيبه_ ذكيه_ متحدثه_ تكرهين_ الفضول_ حساسه _فطنه

الشعراء يعشقون  الالون والخضرة  يتغنون بها

 تغني الفنان  حسن عطية

خداري بي حالي ماهوا داري جافاني

كما تغني عثمان الشفيع

اللون الخمري ليله
والخدر الزهري ليله
زور يا غرامي لو في منامي
شوف اللامي ومعي الهامي ليله

الشاعر عمر البنا

يانعيم الدنيا……… كيف الحياة غير ليمك
ومن بعدك … أصبح حظي زى لون هضليمك
 

الهضليمك/دة لونة كيف

الشاعر ود الرضي
شعرك اسود زى حظ حسودك ….نور تضاحك بدرك فصودك
كم غضنفر فاتكابو سودك ….والمها تهواك ياخشيف

استخدام الالون في  ديكور المنزل   اختيار اللون المناسب يجعلك تنعم بالراحة في منزل الأحلام .

ايتها العواطف  تستطيعين كسب سعيد وجعل يومه متفائلا وذلك من خلال

اختيارك للالوان التي تردينها والتي تمنحه الشعور بالسعادة والانشراح ولا شك الشعور.بالراحة النفسية………

كما اللون السياسي مهم جدا للشخص؟

Advertisements
تعليقات
  1. عبدوش كتب:

    نجيك من الااخر يا النونو هسع لو عواطف دايره تكتل سعيد تشغل ليه لون ياتو(يعني تزهجو بالعربي) ومتين ؟؟؟؟؟؟؟؟؟؟؟؟ طيب في الوان معروفه بتزهج الرجال وبتخليهم مضطربين وما طايقين روحهم ؟؟؟ ما هي ؟ والاوان البزغلل عيون سعيد وبتخليه يطلع لسانو زي الكلب الحران .. دي ياتو الوان ؟؟؟
    واخيرا …
    كما قال الشاعر ابو الاخضر اللوني: لونك جميل زي بسمتك … يعني لو لونو اصفر تبقى بسمته صفراء فاقع لونها تسر الناظرين ….
    كفاك واللا نزيدك ؟؟؟؟

  2. nono كتب:

    اجيك من الاول يا عبدوش

    فمثلا الالوان التاليه لها تأثيرها الخاص :

    الوردي::الهدوء

    الابيض::راحة البال

    الاسود::يعكر المزاج

    الاصفر::الشقاوه

    يعني الالوان الفاتحة:: السرور والهدوء وراحة البال

    الالوان الغامقه::ضيق الصدر والغضب الداخلي وتعكير المزاج

    اهااااااااااا يا عبدوش كفاك ولة اذيدك؟

    بعد ده سعيدك ده لقينه ليه الوصفة بالتعكر مزاجة وتزهجووووووا ؟؟؟؟؟؟؟؟

  3. د.ياسين شمباتى كتب:

    خدارى البى حالى ماهو دارى,,جافانى…..

    نونو..سلامات..بجيكم بالمهلة تب..

  4. nono كتب:

    خدرة مفروكة ولة مدبوخة؟؟؟؟؟؟؟؟؟؟؟

    *****************************
    بالكسرة وله العييييييييييييييييييييييييش

  5. nono كتب:

    عصافير بطني صفرة ؟؟؟؟؟؟؟

    اولاد الماحي قااالوا

    ******************
    كم عوسه كسره من شوفة الخدرة؟؟

    ما الاعتزار للمدحة؟؟

  6. نيام كتب:

    نونو:
    الهضليم هو الشعر حالك السواد وكان الشعراء في زمان الحقيبة يتفننون في وصف الشعر كقيمة جمالية عالية في المرأة..
    وجهو يخجل نور الفجر
    شعرو فوق الأرداف يجر
    ديسو وافر كامل الغزر
    صيد عيونو الرماش فزر
    واللحاظ ما بتقبل عــذر
    في قلوبنا تحاكى الجزر
    ويقول(ودالرضي):
    ليلى طال زى ديسك الهضلم نزللضميرك يا فريهيدا انسبل
    شعرو حاكي الغيم حاجبو هلالوفر بسمو نغيم والبروق لالو
    و اخر:
    شوف عناقد ديسا تقول عنب بكروم
    شوف وريدا الماثل زي زجاجة روم
    القوام اللادن و الحشا المبروم
    و الصدير الطامح زي خليج الروم
    يقول ابوصلاح:
    بالنور خدك لاح مقابل للشعر الطال ليله سابل
    سهم ألحاظك لي نابل.بى كل شئ دون هجري قابل
    ينسب نوحي على البلابل وانتى القمره بتنسبيله

  7. حاج أحمد السلاوى كتب:

    الأخت نونو .. سلام …وما شاء الله عليك .. آخر نشاط .
    اللوان ليها دلالات عجيبة جداً ولحد حسه لامن أشوف بعض الألوان أتذكر حاجات بعييييييدة من زمن الطفولة .. خصوصاً أيام المرحلة الدراسية الأولية ( ما يسمى حالياً مرحلة الأساس ) حيث كان لدينا فى المدرسة ( أيام العٍز والدلع ) مخزن ملىء بكل ما هو موجود فى السوق للأعمال الفنية … ورق أبيض ولون .. الوان خشبية ..زيتية ..مائية ..فحمية.. طين الصلصال الملون ..وكنا نسعد بحصة الفنون غاية السعادة..حسه فى حاجات زى دى يا ربى ؟؟
    ونحن فى السودان عندنا عمى الوان لأننا نوصف الأشياء بالوان عجيبة ..فنقول مثلاً زول أزرق أو أخدر ونقصد الزول الأسمر ..ونقول موية زرقاء ( لا علاقة لها بمرض العيون ) ونقصد موية الشرب العادية .
    وتحضرنى طرفة حصلت لإثنين من أخواننا السودانيين ذهبا إلى القاهرة وافترقا فى الزحمة ( ضاعوا من بعض )واحد منهم سأل أخ مصرى : ما لاقاك سودانى أخدر أو مرّ من جنبك هنا ؟
    المصرى : بتؤول لونه إيه ؟
    السودانى : أخدر
    المصرى : إذا كان أخدر حتلائيه إن شاء الله .
    نونو .. سؤال سغيرووووونى كدة .. ماهى الألوان التى تمنح سعيد الشعور بالراحة والسعادة ..؟
    عبدوش ثرو نونو ..
    ” نجيك من الااخر يا النونو هسع لو عواطف دايره تكتل سعيد تشغل ليه لون ياتو(يعني تزهجو بالعربي) ومتين ؟؟؟؟؟؟؟؟؟؟؟؟ ”
    إنت يابنى مستعجل مالك عشان عواطف تكتلك ..؟ طول بالك شوية لحد ما تلم فى عواطف زاااااته.. عشان توريك المكشن بلا بصل ؟؟ وعاوز تعرف الألوان البتزهج الراجل وبتزغلل عيونه لحد مايبقى زى الكلب الحران ..من حسه ؟ الحكاية شنو ؟ولاّ الإحتياط واجب ؟

  8. Super A S M O كتب:

    لأبيض_ طيبه_ ذكيه_ متحدثه_ تكرهين_ الفضول_ حساسه _فطنه

    (l)

    بس جد وشو الهضليمك 😛

  9. د.ياسين شمباتى كتب:

    نونو..ما يكون قصدك(كم عوجا فى سراع..من شوفتو اتفرزع)..والله اولاد حاج الماحى ديل عالم جميل جدا..لك التحية على ذوقك الرائع..

    واللابس الاخدر من شوفتو بخدر..ويا اللابس اللبنى واللبنى ما لبنى..لو مت ادفنونى فى ربوع مدنى..

    فى سالف العهد والايام الجميلة كانت الالوان تميز طلاب المراحل الدراسية..فالازرق الفاتح(اللبنى او السماوى) لبنات الثانوى العالى..والبنطلون البنى والقميص الابيض لطلاب الثانوى العالى..والبنى لبنات المتوسطة,اما الاولاد فيلبسون البنطلون الاخضر والقميص الابيض ايضا..اللون الاسمر الفاتح(السمنى) لطالبات الابتدائى,والرداء الازرق الغامق والقميص السماوى الفاتح لطلاب الابتدائى..اسه بقت(جبانة وهايصة)….

    نيام الاديب..غايتو (خليل فرح) كتل البنية بى وصفو العجيب دا فى (جناين الشاطئ)..

  10. مُخير كتب:

    الحبان سلام
    الأخت نونو متجلية

    تحسن ملحوظ في إختيار العنوان، عملت بنصحية دكتور عزت، أول ما قرأت العنوان بدأ كل من حيدر حدربي ونادية البنا ينقرشوا في دماغي لفترة طويلة.

    عبدوش توووش في اللون، يوجد إختلاف كبير في موضوع الألوان ودلالاتها وليست ثمة إجماع يؤكد علاقات معينة بين ألوان اللبس وشخصيات اللابسين يخيل لي التفسير يرتبط بالحالة النفسية للناظر، فاللون الأسود يمكن أن يرتديه عدة أشخاص وليس هناك أدنى شك حول إختلاف شخصياتهم/هن، واليوم الجمعة نصف رجال السودان لابسين أبيض فهل هذا يدلل على شيء معين غير العادة أو العرف.

    شاعرنا العزيز نيام:
    ظننت أن الهضليم هو ذكر النعام ويخيل غلى يصف به الشعراء الشعر للتشابه في سواد اللون والطول والنعومة ومنظر ريشه يبدو جميلا عند عدوه لسرعته، ويحضرني في هذا السياق ما حكته لي حبوبتي أم الحسين الله يرحمها قصة في زمان الرق لرقيق (Slave) أسمه بشارة، حيث كان يُسمح لهم بالدخول إلى أماكن الحريم لحمل الأغراض، وقد كلفه سيده بمهمة جميلة وهي أن يصف له محبوبته التي حُجبت عنه عندما يدخل في دارها، فبعد عودته كان يوجه له الأسئلة وهو يرد فسأله:
    كيف شفت الوجه يا بشارة ؟؟
    قمر السبعين واقفة دارها !!
    كيف شفت الشعر يا بشارة ؟؟
    هضليم طاردتنو خيل فزارة !! إلخ القصة
    فظننت أنه أبدع في وصف الشعر بالهضليم الذي يجري مسرعاً سابقاً خيول فزارة فتستطيع أن تتصور هنا أنه كثيف وأسود وناعم ومسدل إلى الوراء

  11. الغبشة كتب:

    الجزيرة الخضرة(افليقيا قلنا الجزيرة عشان ما تفهمنا غلط)
    لو مت ادفنونى فى ربوع مدنى..ايش حكاية الجزيرة ومدنى معاك يا شمباتى؟؟

  12. مُخير كتب:

    شاعرنا الحبيب نيام
    تصحيح قصدت قمر السبعتين (أي سبعة + سبعة) أي قمر 14 أي بدر مكتمل. ومعذرة على الخطأ النظر بقى في تلتلة وبعد ده حنبطل مكابرة ونشوف نضارة مناسبة لإيقاف التدهور المطرد. ،

  13. د.ياسين شمباتى كتب:

    مخير..عليك الله متذكر حيدر حدربى وبت البنا بى الزهرة البيضا البتختها فى شعرها!!؟؟؟ كان عندهم اغنية مشهورة جدا,بس راحت على…عليك الله لو متذكرها الحقنا بيها فى الايميل..تحياتى..

    الغبشة..ما قلت ليك قبل كدة انو مدنى دى حياتى وناسى وبعضا من اهلى وذكريات دراسة وسنى حياة ما اطيبها..وكمان منها شاعرنا الفذ نيام والعم سنكل ود.صالح,, حتى استرايكر وابونا السلاوى عندهم جذور هناك..تانى مدنى بقولوا فيها شنو؟؟ الله فوق شباب مدنى..

  14. سماسم كتب:

    نونو لعلك بخير
    الحرير الأخضر هو لبس أهل الجنة
    والأخضر من الثلاث اللآتي يذهب الحزن (الخضرة والماء والوجه الحسن)

  15. الغبشة كتب:

    شمباتى كلامك لحدى حياة ما اطيبها كلام مافيه كلام لكن البعده ده كسير تلج؟
    نونو: اكتر لون بكرهه البنى وكل ما تجينى هديه مهما كان نوع استخامه ملابس او غيره بتكون بنيه او من مشتقات البنى،عاوزه حل اعمل شنو؟

  16. ياسين شمباتى كتب:

    اكسرو لمنو؟؟لى حبايبى وناسى!!؟؟ غايتو جنس محن..

    وكان على البنى اعملى رايحة ساكت..

  17. nono كتب:

    عدناااااااااا

    شباب المدونة شكرا علي المرور

    حاج احمد السلاوي

    نونو .. سؤال سغيرووووونى كدة .. ماهى الألوان التى تمنح سعيد الشعور بالراحة والسعادة ..؟

    وفي دعوة علمية صريحة للبحث عن السعادة أفاد باحثون بأن التعرض لبعض الألوان منها الأزرق والأخضر والبرتقالي والبنفسجي قد يزيد من الإحساس بالسعادة والثقة بالنفس.
    في دراسة اثبت ان اللونين الأزرق والأخضر تزادا من إحساس سعيد بالسعادة، فيما جاء تأثير الأزرق والبنفسجي والبرتقالي مماثلاً على فئة عواطف .
    وقد عزز اللونان الأزرق والأحمر من مستويات الثقة بالنفس بين سعيد وكان للأزرق والبنفسجي ذات المفعول على الجنس الناعم(عواطف)، كما اكتشف الباحثون أن التعرض للألوان البراقة عموماً له فوائد

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s