طهى الكلام بدل الطعام…….؟؟؟؟

Posted: الثلاثاء,28 أبريل, 2009 by الغبشة in اخرى

عصيدة بفرة ومنقة صفرة
قراصة قمح وبصلاً سمح خلاص
ملاح أم شعيفة وكسرة رهيفة
ولا حوش رغييييييييييييييف
………………….


الأبيات السابقة هى من أنشودة أطفال كانت تتغنى بها فرقة ألوان الطيف فى زمن جميل مضى ، كانت ذات لحناً جميل ومضمون أجمل، تحكى عن مأكولات شعبية وتؤكد أهمية التراث والتمسك به وتعكس ملامح من الهوية السودانية_طبعاً حكاية أغانى الأطفال وأهميتها تحتاج بوست لوحدها_ المهم ما أردت التطرق اليه أهمية تعلم عواطف للطبخ وتأثيره على الأسرة من ناحية غذائية وإقتصادية وإجتماعية_التجديد مهم للحياة_هناك العديد من الكتب التى تحمل وصفات جميلة وسهلة لتطبقها عواطف لتحافظ على صحة سعيد ونفسها وأسرتها،لا تهابى عزيزتى عواطف من تطبيق اى طبق فقط عليك اختيار ما يناسب ذوق أسرتك وصحتهم فانت اعلم بما يحبون تناوله،وجديدى صينية طعامك من وقت للا آخر _باقى سعيد خلبوص بمشى مرات من وراك للحاتى والبوادى وسيدى بسيده_ أثبتى لنفسك أولاً ومن بعد لسعيد أنك أمهر من طباخى تلك المطاعم والحمد لله الدش فى والقنوات وبرامج الطبخ كتيييييييييييره والنت كمان التجديد مهم ياعواطف، وكمان ياسعيد خليك مرن وماترفض التجديد وقول ملاحظتك بس بشكل جميل وما جارح لو الطبق ما عجبك.
ولكن أصدقكم القول ما دفعنى للكتابة ليس أمر طهى الطعام ولكن ما صادفته قبل يومين فى موقف المواصلات، بائع متجول يحمل كتيبات صغيرة ذات ألوان وطباعة جذابة ،وكانت تُعنى بالطهى ولكن ليس طهى الطعام بل الكلام وكان عنوان الكتيب ((رسائل موبايل)) ؟؟؟؟؟؟؟؟؟؟؟؟؟ وبداخله مايقارب30صفحة بها رسائل موبايل وما عليك سوى النسخ فى جهازك ومن ثم تكمل عمليت الارسال وبالهنا والشفا.

 

Advertisements
تعليقات
  1. الغبشة كتب:

    أأسف للخطأ فى العنولن طهى الكلام بدل الطعام

  2. سماسم كتب:

    بس إن شاء يالغبشة النااااايرة تكوني إنتي بتعرفي وتجيدي ما قلتيه أصلوا مرات

    الكلام ساااااااااااااااااهل لكن ؟؟؟؟؟؟؟؟؟

    بعدين أنتي كان دا والا دا محتاجة لييييييهو كان تشتري كتيب وتقومي بالواجب

    وبالهنا والشفا.

  3. الغبشة كتب:

    اللكلام بقية اقصد للحديث بقية ؟؟؟؟؟؟؟؟؟؟؟

    الي اللقااااااااااااء

  4. زووووووول كتب:

    الغبشه سلاااام
    والله حقيقتن (؟) الواحد طول ما قادر يدخل لظروف كتيره ومسيخه لكن الليله الحكايه رايقه شويه والحله بتاعتك دى مسبكه جد .
    التعبير وصياغة الكلام فن لا يجيده الكثيرون وديل جماعة سكت دهرا ونطق كفرا . اما بالنسبه للرسائل فاخوك الزوول نادرا ما يرسل رسائل بالموبايل وغالبا ما تكون رسائله من شاكلة (انا الليله متاخر شويه ) و(بالله ظبطى الغداء جايننا ضيوف ) و(نحن ماشين عليكم يا حاجه ارجونا بالعشاء ) وكدا اما الرسائل (الفنانه ) فغالبا ما ارد على صاحبها بمكالمه (لذيذه ) ولو يوم قام يلومنى يا اخ انت مالك ما قاعد ترد على رسائلنا؟؟ اقول ليهو على طول : وانت مالك ما بترد على مكالماتنا ؟؟
    وبالهناء والشفاء
    كسره : هذه الطبخه بصلصة البستان

  5. nono كتب:

    الغبشة لكي التحية\ الليلة مااااالك عندك حول في الكلام

    كلمات مع جريدة

    أخرجَ من معطفهِ الجريده..

    وعلبةَ الثقابِ

    ودون أن يلاحظَ اضطرابي..

    ودونما اهتمامِ

    تناولَ السكَّرَ من أمامي..

    ذوَّب في الفنجانِ قطعتين

    ذوَّبني.. ذوَّب قطعتين

    وبعدَ لحظتين

    ودونَ أن يراني

    ويعرفَ الشوقَ الذي اعتراني..

    تناولَ المعطفَ من أمامي

    وغابَ في الزحامِ

    مخلَّفاً وراءه.. الجريده

    وحيدةً

    مثلي أنا.. وحيده

  6. مشاكل كتب:

    سلامز

    رسالة وااااحدة للزوووووووول

    برضو ما تنسى الأول اغسطساب احبكم

  7. زووووووول كتب:

    مشاكل سلاااااام
    والله نسيت رسائل الشماته فى الهلالاب فغالبا ما استعد بالغاء القفل وفتح رساله جديدهعندما يكون الازرق غائصا فى وحل الهزيمه للشماته فى بعض اصدقائى من بنى زرقان اخر هذه الرسائل يوم مرمطة سمعة الكره السودانيه بانغولا ويومها ارسلت رساله تقول (طير يا حمام . اول اغسطساب احبكم ) لناس مشاكل وسهيل واخرين من دونهم
    كسره : الله يدينا الفى مرادنا امييييييين يا رب العالمين

  8. مشاكل كتب:

    ما داير ابوظ البوست

    لكن

    لا يغرنكم انتصاركم على المحليين و اليوغندية

    فنحن الملوك و انتم الرعية

    و الكاس كاسنا
    و نحن اهلو
    و بنستاهلو

  9. نيام كتب:

    زووووووول ثرو مشاكل:
    سلام
    ..هسع آززووووووول ..كان ما مشاكل شن جاب العصيدة للحمام ..

  10. الغبشة كتب:

    حباب الزووووووول:بركة الراقة وخلتك تظهر،رسالة الموبايل كلها مابين70الى160 حرف ومع الفواصل بين الكلمات بتنقص كمان،وكان على التعبير مافى اجمل من كتابة مايدور فى الدواخل وباى شكل.
    نونو:خلى حركات الحرامية دى،والحول وينو ما شفتو؟؟؟؟؟؟؟؟؟؟؟؟
    مشاكل:انت عاوز مشاكل ولا شنو؟هسى الجاب الكوره هنا شنو؟
    نيام:سؤالك فى محله،بس ورينى الاجابة كان ردوا ليك.

  11. الغبشة كتب:

    انه عصر السرعة كما يسمونه:توفرت الكافتريات والمطاعم واصبح التيك اوى اسهل من السه نفسه،توفرت الاطعمه الطعمه الجاهزة من بيرقر وهوت دوك واصابع السمك الفيليه الجاهزة فقط ينقصها القلى،والبيتزا المجمدة وغيرها من الاطعمه الخالية من الطعامه،ما اجما ان تدخل عواطف الى المملكتها (المطبخ) وتعد اصناف الطعام وان كان صنف واحد ولكنله مزايا صحى خالى من المواد الحافظةوالزيوت المكرره،والاهم انه طبقه المفضل ،وبعد تناوله ونظرات الرضا ولا اروع من ذلك الاحساس.
    اما بخصوص الرسائل المكتوبه اصلاً فهى كالاطعمه الجاهزة جميلة المنظر ومسيخة المخبر.

  12. عزت بقا ريتش كتب:

    تقصدي ياتو رسائل يا الغبشه… أوع تكون بتاعت الموبايل
    فعلا و لا عندها ريحة كمان… يا سلام يا حليل الرسائل المعطرة !!!
    زمان كان في نفس الزول اللاقيتيهو شايل كتاب الرسائل بس ما للموبايل … للمحبين…
    حقو ناس طهي الكلام ديل يوسعو خدماتهم لتشمل الخطاب السياسي اصلو بيني و بينك محتاج “تسبيك”

    “تحت جزمتي” و “يبلو و يشربو مويتو” و شنو ما بعرفو !!!

  13. ياسين شمباتى كتب:

    السلام عليكم روحمة الله وبركاته اختنا الغبشة..
    عندنا مثل يقصد به الطيب ولكنه غير طيب!! يعنى زى تأكيد المدح بما يشبه الذم او العكس,يقول المثل( لا سلام على طعام),,ويعنون به المبالغة فى الاكرام ويذهبون بفضيلة السلام..

    المهم,,الطريق الى قلب الرجل عبر معدته,,وانا من انصار هذا المثل_بس ما اكال_لانو لو شبعت كلام سمح برضو بكون مبسوط..
    على فكرة,انا من محبى الرسائل القصيرة على الجوال,ومع العولمة الزايدة بقيت من محبيها على الايميلات..بس فى ناس ماكلين حقنا ولابدين!! اظهروا وبانوا….

    اسه الطربقة دى شنو!!؟؟ ياهو طهى الكلام!!

  14. حاج أحمد السلاوى كتب:

    الغبشة ..
    لحد حسه ما فى زول قال لينا المقادير ولا الطريقة ..

  15. حاج أحمد السلاوى كتب:

    الغبشة .. الرسائل طبعن .. الأكل دة خارج نطاق هواياتنا ..

  16. الغبشة كتب:

    سلام عمو السلاوى:يس انت حدد رسائل من اى نوع خفيفه دسمه رسمية جادة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ونديك المقادير طوالى وعشان انت ول مننا وفينا بنديك هوادة كمان(سهيل بتعرف هوادة يعنى شنو؟)

  17. حاج أحمد السلاوى كتب:

    الغبشة … نحنا عاوزين الحاجات الخفيفة الساخرة ..الحاجات الدسمة نحنا ما قدرها ولا بنقدر عليها ..والهوادة ما بناباها..والبحر ما بيايبا الزيادة ..
    كسرة .. سهيل ده احسن ابعدى منو …زولاً ما ساهل تب..ومع إنو لسه شباب وفى ريعان الشباب لكين عارف كووووول حاجة..وقبال يومين بس عرف حاجات ما بيعرفوها إلا الكواشف ..عشان كده ما تفتحى على نفسك ابواب معاهو .

  18. nono كتب:

    اكتب لي يا غالي الحروف
    واحكي لي يا ما الدنيا نورا وفرحتا
    صارت بلاك غيمة شتا
    تنسج طيوف وتجيب طيوف
    والشوق جدار بيناتنا يحجب بهجتا
    اكتب لي يا غالي الحروف
    يا سكة الزول البعيد
    يا حليلو لما اتواري غاب
    خليتو يمشي وفي العيون
    دمعات الم الم دمعات عذاب
    اتمني وعدو يكون حقيقة
    وعهدو ما خدعة سراب
    اتمني في لهفة محب شال الصبر
    لما الصبر في دربو غاب
    اكتب لي يا غالي الحروف

  19. العواسة تخلف … المشن السعودية .
    ام شعيفة بنعيفا …
    البوداي … أحلى جداد في بلادي بنريدوا
    الدلفري برضه بنريدوا
    سمح الكلام من خشم سيدوا ..
    الرسالة مافي رصيد يردوا عليها
    الـ
    ؟؟
    ؟؟

    مع تحياتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s