يا جميل يا مدلل!!!!!

Posted: الإثنين,11 مايو, 2009 by nono in اخرى

الطفل المدلل هو “المدلع”… فمن خلال تربية الأبوين تتشكل شخصية الإبن في مُختلف مراحل حياته منذ الطفوله وحتى النُّضج….

 

untitled

 

 ومنهم من يعتمد على الدلال المُفرط بتربيته وتلبيةجميع مُتطلباته بقصد عدم حرمانه وكسب محبته؟ ومنهم من يعتمد على القسوه والغلظه بالتعامل أو بالألفاظ القاسيه ، والتعمُّد بحرمانه من أبسط مُتطلباتهم او احتياجاته لتعوديه على الكفاح والحياه الخشنة. والدلال الزائد أو الإفراط في الدلال قطعاً يفسد جانباً مهماً في الطفل و هو حس المسؤولية عند نضجه و يعوده الاتكالية و إن كانت الكلمة الحنونة مطلوبة دائما لتربية الطفل فإن الكلمة الباردة و الموقف الحازم مطلوب أحياناً حين يتمادى الطفل بدلع أو بعفوية و لكن يجب أن يبقى دوما حزما محبا بمعنى حزما حياديا ليس فيه اهانة للطفل أو اعتداء عليه _ كالضرب مثلا؟ من اساليب التربية اسالوب العقاب أفضل وأريح ألف مرة من الضرب أي أن نحرمهم الخروج…استعمال الألعاب….الانترنيت….الهاتف ..أي شيء يحبونه ..نحرمهم منه كم يوم ولكن الضرب( لا!!)وهو اسلوب يجعل الطفل خائف… ويجب أن يكون اسلوب تبادل الكلام الدائم معهم لأنه الوحيد الذي يقربنا منهم ونعرف غايتهم وأفكارهم……… كثيرٌ من الاباء يفرطون في تدليل أبنائهم عن قصد على الرغم من حرصهم الشديد على تربيتهم على أفضل وجه إن بعض الاباء يدللون ابناءهم لتعويضوا أبنائهم بمالحق بهم من قلة اهتمام ودلال وحياة فقر وقهر وغيرها أحياناً .ورغبة من الأهل في أن ينشئوا أطفالهم ليكونوا أفضل وأميز أطفال بين جميع أقرانهم فيفرطون في إعطائهم أفضل وأكثر مما يعطي باقي الأهالي أبناءهم وبهذا يحصل الخلل في إسلوب التربية ومقدار الدلال وتلبية الحاجات الغير محدودة للطفل.والدلع الزائد للأبناء يؤثر سلباً على حياتهم ومن هذه الآثار: يجعل الطفل في حالة طلبات متزايدة وعدم قناعة فالطفل الذي تجاب كل طلباته دائماً يستزيد منها حتى ولو كان طلبه شيء كمالي أو غير ضروري. ويميل الطفل إلى حالة التفكر في الجديد الذي يمكنه أن يبتدعه ليخلق تغيّر في حياته كون كل طلباته مجابة. ويصبح الطفل غير مسؤول ولا يقدّر عواقب طلباته ولا مايترتب عليها من أعباء على كاهل الأهل لتأمينها فيصبح غير قادر على تقدير المسؤولية وتحملها. كما يخف طموح الطفل ويزيد اعتماده على أهله لأنه يلقاهم ملجأ آمناً ودون حساب أو مقابل فيصبح إنساناً اتكالياً. ويؤثر الدلال سلباً على الطفل إن كان مفرطاً ويؤثر ايجاباً في الطفل إن كان في حدود المقبول فيأخذ القدر الكافي من الحنان والحب ويأخذ حقه من أهله من الإهتمام والرعاية وتلبية الحاجات. وفي الغالب تحرص ألام في دلال ابنها بثتثناء البنت بينما تميل البنت إلي أبيها يقوم الأب بدلاها يستمر بعض الدلال إلي إن يكبر الأبناء يؤثر عليهم في المستقبل . هل دلال البنت يرطبت بجمالها؟؟؟ اغلب شعر الحقيبة كان الجمال (رديف) مااااا (وصيف) للدلال؟؟؟ الحلوة يا ست الدلال العيشة من بعدك محال يا أسمى غايات الوجود يا آية من صور الجمال يعني الشين ده ما يدلل؟؟؟؟ هل أساليب التربية الماضية لا تتناسب مع أطفال العصر الحاضر؟

Advertisements
تعليقات
  1. nono كتب:

    شباب المدونة لكم التحية/
    اسلوب التربية بين الدلع الزائد والحزم الشديد طرقتين في التربية؟؟
    واصبح الدلال هو سيد الموقف في اسلوب النربية ؟؟
    خصوصا عند الامهات؟؟؟
    هل الدلال له علاقة بحنان الام؟؟
    ام اصبح الاب شغلة الشاغل المعيشة؟؟لاعلاقة له بالتربية؟؟

  2. حاج أحمد السلاوى كتب:

    نونو ..وكل الأحبة ..سلام
    أبدأ بالسؤال الأخير فى البوست “..هل أساليب التربية الماضية لا تتناسب مع أطفال العصر الحاضر؟ ” والإجابة .. قطع شك لا تصلح ولا تتناسب مع طفل اليوم ..طفل اليوم غير طفل الأمس ..جيل الكمبيوتر والأتارى والإنترنت والموبايل .. ربما يكون قد افتقد أشياء ولكنه إكتسب اشياء فى المقابل وما عاوز أدخل فى تفاصيل الكل على علم بها..ولكن عندى سؤال سغيرووووونى كده ..إيه العمل لو كل أساليب العقوبات الذكرتيها ما نفعت وما جابت نتيجة … نسوى شنو ؟؟
    الحلوة يا ست الدلال …الحلاوة والجمال خشم بيوت..ومسألة نسبية (ولو إنو فى جمال لا يختلف عليه إثنان ) وكل فولة وليها كيّاله…وكما قيل فى القول الماثور ..لولا إختلاف الأذواق لبارت السلع..فما اراه جميلاً ومدللاً قد يراه البعض غير ذلك..والحشاش يملا شبكتو …!!
    هنالك مثل بيقول .. القرد فى عين أمه غزال !! هل ده هو المقصد من صورة الككو الصغير الظريف الجالس داخل سرير الأطفال فى الصورة أعلاه ؟ أم إنتى عضو فى جمعية الرفق بالقرود ؟ ولماذا ترتسم الإبتسامه والضحك على وجوهنا عندما نشوف القرود ؟ هل لوجود بعض أوجه الشبه بين الإنسان والقرد ؟ غايتو انا بعرف ناس ظريفين جداً جداً ….. زى القرود !!!

  3. aflaiga كتب:

    نونو : ماشاء الله التالق المتواصل ..
    موضوع جميل ومهم واتخيلى امبارح القريبه دى حمودى نقش النظرية بتاعتنا انا وامو وقال لينا بالواضح :
    حمودى : شوفو سياسة ده يشد وده يرخى بتاعة الكيزان دى ما بتنفع معاى خليكم واضحين وحددو سياستكم تجاهى بوضوح مش باب يشد وماما تدلع وبابا يلدع وماما تشد ؟؟ ولا شنو يا سروية ؟؟
    سروية : والله انا ما فارقه معاى ايام الشد بستحمل وايام الدلع بتمتع !!
    يا نونو الشفع ديل بقو صعبين خلاص وبقو هم البربو فينا …
    وجايكى ..

  4. nono كتب:

    حاج احمد السلاوي لك التحية .
    (قطع شك لا تصلح ولا تتناسب مع طفل اليوم ).
    .ماعليش يعني لو ترجع بية للزمن مرة لو بالقليل اسلوب التربية القديمة كان
    كيف؟؟

    افليقا /حمدلله سلام الوالدة والجدة انشالله يكونوا بلغوا الصحة…
    زي ماقلتة الاطفال بقوا صعبين؟؟؟؟

    انحنا لو مااامتنا الترب شغيناها ذي ماهو متعارف اولاد الاخوان والاخوات في البيت طريقة تربيتم كل واحد عندة اسلوب بيخنتلف من التاني.؟؟؟؟ مابين الشدة…….. واللين… الدلع……. والطنااااااااااااش …..
    وانا بس بعاين بس بعااااااااااااين بي عيوني!!!!!!!!

  5. aflaiga كتب:

    نونو : والله بعد مرات الواحد يقرب ينصح بانو الناس تكتفى بالمعاينه بس لان المعاينه خير من المعانيا !! لكن اقول ليك شيئ ربنا يعانى ليك !!

  6. nono كتب:

    عدناااااااااا…..
    البنية التحتية لطفل اليوم تختلف من اطفال زمان ؟؟؟؟
    يعني طفل العشرة سنين اليوم …………وطفل العشرة سنين بالامس فرق؟؟؟؟؟
    بالامس في الصور راجل كبير ؟؟؟ الان متلاشي ؟؟يعني اضربهم في عشرة دة بتودة الاخرة حتي لو ماكان غير مبرح؟؟؟
    عمنا السلاوي ….إيه العمل لو كل أساليب العقوبات الذكرتيها ما نفعت وما جابت نتيجة … نسوى شنو ؟؟
    اسلوب العقاب بينفع مجرب خصوصا في المزاكرة يعني لو ماااحفظة لدي الاية رقم كدة تلفاز مافي ؟؟؟
    يااااااافليقا انا اعين وانتي تعاين سمسمة تعاين داااااااااااااك يعاين نلقي الشغلة بااااااااااظة بوظان شديد!!!

  7. nono كتب:

    يااااااافليقا انا اعين وانتي تعاين ؟؟؟؟؟؟؟

    افليقا الخطاء المطبعي دة ملازمني طواااااااااااااااااااالي؟؟

    انتة……. انتة؟؟؟؟

    انا اكتب انتي وانتة خت التاء……المربوطة؟؟

    سمسمة ….؟؟؟؟

    يااااااااااااااااسمسمة الموضوع تاااااااااااااااااء ؟؟؟؟

    غايتو

    جنس

    غايتو

  8. aflaiga كتب:

    نونو : مالك بتفلقى وتجيبى الحجار بعدين اسى الجاب سمسمه هنا شنو ؟؟؟ والله غايتو جنس غايتو زى ما قلتى ؟؟ حدرو ليك بالكيبورد ولا كيبردو ليك بالحيدير ؟؟ تعرفى سمسمه دى اشطر لبوه فى حماية عرين الاسد من بره !! اكرر من بره من العدو الخارجى بس !! بعدين اكتبى بالتاء بدون تاء انا زول رطانى وبفك الخط بتاع الرطانه كلهم ..

  9. nono كتب:

    افليقا الحجااااااااااااااار لمينااااااااها احتمال نحتاج ليها تاني طاااااااالما الموضوع جاب لية لبوة وغاااااااااااااابة ملكة احسن الواحد ينسحب قباااااااااااااال ماتجينا لبوة طاااااااااايرة؟؟؟؟؟؟؟؟؟
    نرجع اللموضوع هناك امثال سودانية تريد ان توصل تقرب المعني يعني الدلع الزائد ماااافي لية داعي!!
    ناااااااااااس عجن الفقارة بيفقع المرارة ؟؟هلم جرا

  10. سماسم كتب:

    نونو ثرو افليقا : اسلوب المعاينا دا كان زمان لما الواحد أمو تعاين ليهو يقعد

    يتضاير ما يعرف يخشو وين …… لكن أولادنا ديل كل الأساليب الذكرتيها دي يا

    نونو ما نافعا …… ما في خيارات أخرى ؟؟؟؟؟؟؟؟؟؟؟

    أنا اولادي لما أمنعم التلفزيون يقعدوا يبكو ويبكو ويبكو ويعيطووووووووووووا

    لحدي ما يكتلوا لي قلبي

    بعد داك ينتصروا عليّ وينالو مرماهم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s