مع خالص إحترامى

Posted: الأربعاء,13 مايو, 2009 by الفاتح جبرا in اخرى

الأحباء الأعزاء بعد (شهرين) تماما منذ أن تم إفتتاح الموقع والمنتدى الجديد أجد نفسى متردداً فى كتابه هذا (البوست) مخافة أن أقسو على البعض على الرغم من المرارة التى أحس طعمها وخيبة الأمل التى أعايشها .بعد  كل ذلك الجهد الذى تم بذله  فى سبيل إنشاء الموقع والمنتدى ، شهران والمنتدى خاو على عروشه يكتب فيه أعضاء جدد يعدون على أصابع اليد الواحده بينما أنتم (عشرة السنين) ومؤسسى القمردينه لا حس لكم ولا خبر  حتى أن  (العضو الجديد  يحل  ضيفا فى المنتدى فلا يجد من يرحب  به) 

بل أن بعضكم لم يكلف نفسه عناء (التسجيل) ناهيك عن (المشاركة) كما آثر البعض التسجيل فقط دون المشاركة وفضل الكتابه والمشاركة فى (سوداننا) التى إنشئت لغياب (القمردينة)  ! وحتى لا يعتبرنى البعض مبالغا فهاكم بعض الأمثلة المقارنة  (كمثال وليس للحصر)  للفترة منذ إفتتاح الموقع وحتى تاريخه :

الكاتب             المشاركات  فى سوداننا              فى المنتدى                  فى الموقع

أفلايقا                       29                                   10                         (لاحظ الفرق)

نونو                        08                              لم تشارك                         لم تشارك

إسترايكر                 10                               لم يشارك                     ( حالتو المشرف!)

عزت بقاريتش           15                                   03                          ( لاحظ الفرق)

الغبشة                      03                             لم تشارك                          لم تشارك

قرن شطة                  14                             لم يشارك                          لم يشارك

ودالخلا                     06                               لم  يشارك                        لم  يشارك

 سهيل                 عدد من التعليقات                 لم يشارك                          لم شارك

الأحباء الأعزاء : لقد كان الشئ الطبيعى أن نستمر كأسرة واحده كنا نعول عليها أن تنمو وتحدث تغييراً وحراكا ولو ضئيلا فى المجتمع الذى نعيشة لكن يبدو ان الاشياء الجميلة لا تستمر طويلاً على الرغم من أننى سوف أظل مندهشا للأسباب التى دعت (الغالبية) منكم أن تتببنى خيار مفارقة موقع (الفاتح جبرا) مع علمى التام بأن (الكاتب) لا يضيره إن تركه بعض القراء إلا أننى أنظر للمسألة من منطلق (العشرة) التى ضرب بها البعض عرض الحائط .

الأحباء الأعزاء : حتى لا أطيل عليكم ستظل القمردينة مفتوحة للجميع وإن رأى البعض أن سوداننا (التى أصبحت) لغير (مدونجية موقع الفاتح جبرا) قد صارت جسماً (آخر) لا علاقة له بموقع (الفاتح جبرا) فأنا جد سعيد بذلك فقط أرجو ألا يزج بإسمى فى كل ما يخصها إذ أن الموقع الرسمى لى هو (الموقع والمنتدى) المعروفين للجميع .  أرجو  شاكراً (سحب) كلمة المرور الخاصة  بى   هذا مع خالص إحترامى ,,,,,,,,,

Advertisements
تعليقات
  1. سهيل كتب:

    ماهكذا تؤخذ الأمور يا أستاذنا .. لعلي اتفق معك على أن ما حدث مخيب للآمال ولكن لا يعني هذا بالطبع إنفراط العقد .. لله الحمد فقد كنت انت من تجمعنا حوله و بسببك انت اصبحنا اسره واحده .. ومن بيننا نشأت فكرة العمل الخيري .. هذه المجموعه من الناس طيبه و نادره .. فلا تذهب يا ابونا في لحظات الغضب إلي ترك هذا المجهود و مفارقته بسبب تأخر التفاعل .. للناس ظروف قاهره منعتها من العدل بين المدونتين لكنه موضوع وقت .. شوية صبر يا عمنا و كلو حيكون تمام.. مثلآ عندك الدنمو و المحرك الفاعل اخونا وولدنا أفليقا وهو اشد المدافعين عن القمردينه و اشرسهم ..بالنظر إلى ما تفضلت به من عرض مشاركات المدونون بين الموقعين وهو من هو كان الفارق كبيرآ.. ما يعني ان الظروف وحدها هي من فرضت وزير دفاع القمردينه كما فرضت علي بقيه القوم التقصير العفوي.. و لعلك لاحظت عدم تمكني شخصيآ من كتابه اي بوست ..لا هنا ولا هناك…

    لك العتبى حتى ترضى .. فالتفاعل عمومآ قليل حتى على مستوى العمل الخيري…

  2. مشاكل كتب:

    سلامز

    استاذنا و سيدا و سيد سيدا زاتو

    و الله يا استاذ عملت اكتر من عشرة محاولات عشان اقدر اكتب في المنتدى و القمردينة ما قدرت

    حقيقة ما عارف الغلط مني ولا من وين

    التسجيل هناك صعب ولا فيه مشكلة ما عارف

  3. aflaiga كتب:

    شخصيا لا تعليق لدى …..
    مع اننى كنت اتوقع ان ينادينى الاستاذ الفاتح فى البيت ويدينى قرصه فى اضانى ويقول لى انت يا ود ليك كم يوم بره البيت مالك ؟؟ وارد عليهو بعد الاذن : والله يا بابا كنت عند ناس جيراننا لانو بيتم فاضى وقاعد معاهم عشان خايفين من الحراميه .. ومره مره بجى للبيت المحروس وسيدو ( الللى هو انا ) يكوس … ويقوم ابوى بى كل حنانو وطيبتو يقول لى خلاص واجبت ناس جيرانكم ؟؟ يلا خش جوه .. وااادى خشه لى جوه ….

  4. ايضا لا تعليق
    لكن للمعلومية فاننى اقوم بالتعليق فى المنتدى والموقع وليس صفر كما قلت يا بروف. (وحالتو المشرف فليس هذا سبب يجعله اكثر مشاركة وانما لداعى المتابعة والاشراف) – (ويمكن للكثيرين ان يرو اننى دائما اكون اونلاين فى المنتدى فى الصفحة الرئيسية بالنسبة للحضور الان .)

  5. عزت بقا ريتش كتب:

    عزيزي الفاتح و الأخوة المدونين الأعزاء

    سلام
    فعلا سهيل لخص الموضوع….

    أو لم اذكر لكم أن الملل قاتله الله زحف علينا و خلانا indifferent فالمتبع كما قلت من قبل كساد في اي شئ غايتو الحكاية عايزة صبر … و زادت المشغوليات فصرت أنا كراجل مرتين كلفت لادارة مكان آخر يبعد عني 5 كيلومترات و أدرس في ثلاث كورسات في ثلاث أمكنة ما بعد الساعة ثلاثة للمغرب فبعد داك أكون غير صالح لأي شئ… كويس غايتو الواحد قادر يرسل ليهو تعليق مرة مرة و مشاركة

    فضلا عن أن الشكل التقليدي للتدوين في المنتدى عزيزي الفاتح ربما كسل البعص فطريقة التدوين و التعليق و الاقتباس جديدة علي بالمرة و أحاول أن أتاقلم معها فأرجو أن تجد لي العذر

    فضلا عن أن المشاركات الخمستاشر دي غالبا ما تكون مدعومة بالصور اذ أحبذ دائما كان الجماعة ما عجبم الكلام يشوفوا الصور و الذي لم أستطيع عمله في منتدى ساخر سبيل …. أمبارح لصقت صورة بوش في المنتدى بالله جات صغيرة و لا يمكن التحكم في وضعها حسب سياق الموضوع

    عموما حاول ألقى لينا عذر و أهو ربنا يقدرنا للمشاركة و التفاعل أكثر و أكثر

    أدام الله الود بين الجميع

  6. ياسين شمباتى كتب:

    السلام عليكم يابروف..

    كنت اعتقد ان هذا الموضوع حسم منذ ذاك اليوم!! وان مشاكل التسجيل وعدم تعود الناس على الطريقة المضنية للموقع هى السبب الاساسى..وكم شكونا مر الشكوى من الصعوبات التقنية التى تواجهنا هناك..وكم اتصلت عليك,واوضحت لى_مشكورا_كيف اتغلب على الصعوبات..

    ولقد كتبت انا من قبل فى بوست التهنئية بالسنة الاولى لسوداننا_والذى غبت عنه_ ان سوداننا نشأت من رحم منفصل وانها ستستمر كما كانت..وعلى ما اذكر انه كان هناك استفتاء حول دمج سوداننا فى المنتدى,,فما الذى حدث؟؟؟؟

    وباركوا لى (الذهبية) يا اخوانا…….

  7. aflaiga كتب:

    شباب : مبروك الذهبيه لشمباتى لكن فى شنو ؟؟
    دون ان اذكر بتقديرى المتقدم للامور كنت قد ذكرت ان دمج منتدى ساخر سبيل فى سوداننا سيحل كل الاشكالات التى وصلنا اليها الان .. وما زال اقتراحى قائما وهو لا يحتاج لعناء تقنى ولا ادارى فقط انزال سوداننا كلنك مكان ساخر سبيل فى موقع جبرا وتكون القصه اتحلت ويبقى سوداننا لما انشئ لاجله وسيظل كل المدونين بموقع الفاتح جبرا ….
    رجاء يا شباب اخلصو من القصه دى عبر الدمج عشان نتلم فى حته واحده ونتجنب المساسقه بين البيتين اللى هما اصلا بيت واحد فى الاساس …
    عمنا جبرا : لست انا ممن يخطئ فى حقك ولست انت ممن يخطئ الناس فى حقهم والمعنى واضح ….
    كبارنا اعمامى ( سنكل – بشار – ابكرون – السلاوى – نيام – عزت – مخير – اب احمد ) الجا اليكم فى امرين :
    الاول : قولو لى ابوى الفاتح ولدك ده ما بيبدلك ولا بيبدل موقعك بالدنيا …
    الثانى : احسمو لينا موضوع المساسقه ده بتعليمات واضحه وصريحه وادونا رايكم …

  8. بالنسبة للاستفتاء فقد قام البروف بالتزكية فى الرحلة نفسها على عمل استفتاء فى سوداننا لمعرفة راى القراء والعمل به – وقد كان وقد اتت النتيجة بالغالبية العظمى ان يقوم بدمج سوداننا فى موقعك مكان المنتدى القائم.
    وقام العزيز افلايقا بعد ذلك بسؤالك فقمت بالرد عليه بان تقوم بقراءة الردود – وبعد ذلك رجعت له بان يكون الحال كما هو عليه وجعل الموقعين يعملو مع بعض على الرغم من ان الغالبية وافقو على الغاء المنتدى ووضع سوداننا مكانه)

    https://sudanona.wordpress.com/2009/03/27/%d8%b1%d8%a7%d9%8a%d9%83%d9%85-%d8%b4%d9%86%d9%88-%d8%9f%d8%9f/

    هذا مالزم التوضيح له وللجميع ليكونو فى الصورة. ( مشكور اخى ياسين على ذكر موضوع الاستفتاء)

  9. aflaiga كتب:

    ستريكر : انا وانت بالذات ممنوع الحديث فى الموضوع لانو وضعنا صعب جدا جدا ( الاتنين مديرى سوداننا والاتنين اولاد جبرا ) عشان كده كدى نخلى الناس دى براها تعلق وتودى الامور للعاوزاهو هى …
    اولاد جبرا دى زى اولاد قرنق عشان كده نشيلا ونخت محلها حبايب جبرا واقرب الناس ليهو ….
    ستريكر : انا وانت نمنع الكلام لحدى ما القصه تنتهى …

  10. الامور اصلن مافيها مشكلة يا ولدنا والحمدلله

  11. ياسين شمباتى كتب:

    افليقا..تلقاها فى المنتدى..لازم تعملوا رحلة احتفالا وكدة…

    لكن ما بالغت!!!!!

  12. nono كتب:

    تضبيع العلاقات حااااااااااااااااااالت بيني بين القمردينة…………………………

    ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

  13. سهيل كتب:

    افليقا المحترم … كنت عايز اطالعك بيغادي لكن ما اديتني فرقه.. فعلا الناس ما عندها فكره عن نتيجة الدمج من عدمو .. و اظن ان الكل من حقه يعرف النتيجه عشان ما نبقى في جنس دا ..

  14. مُخير كتب:

    حبيبنا وأستاذنا وتاج رأسنا وجامع شملنا أبو ناجي
    السلام عليكم ورحمة الله وبركاته،،،
    إن أمرت شاكراً (سحب) كلمة المرور الخاصة بك، وإن نفذوا أمرك فهل يستطيعوا سحب ودك من قلوبنا ؟؟ هل يستطيعوا محو فكرك من عقولنا ؟؟…
    لا يحمل الحقد من تعلو به الرُتب *** ولن يناك العلا من طبعه الغضب
    من حقك علنا أن تزعل وتعتب وتغضب،
    وواجبنا تجاهك أن نعتذر عن التقصير ،،،
    وحقنا عليك وواجبك تجاهنا أن تجدر لنا العذر
    فأنا رغم عن عدم ورود إسمي في قائمة المقصرين لكن التقصير راكبني من رأسي إلي كُرعي، حيث سجلت في منتدى ساخر سبيل ولم أجد طريقة للتسجيل في الموقع الأساسي وعني يا أستاذي الفاضل يا دوبك محو أمية في التعامل مع الفضاء الإسفيري الكُل يعلم أن مساهماتي لا تعدو التعليق على ما يُنشر وأبدأ بنفسي سامحني غلطان بعتذر ،،، أعلنت في ساخر سبيل وفي سوداننا عن الصعوبة التي أجدها في التسجيل في الموقع الرئيسي ولم أجد مُجير … ورغم إنشغالي وغيابي عن سوداننا لفترات ظللت أتردد على الموقع الجديد وأغبط الأخوة على التعليق وما زلت أزور القمردينة المعتقة التي مازالت موجودة في النت بالفتح جبرا دوت كوم وأرجع إلى أرشيفها القديم وكأنني أقيف على طلل دارس ،،، وبخصوص الإستفتاء كان تعليقي (الحلوين سلام… أوافق على الدمج، وأهو كل عند العرب قمردين !!!)
    عموماً الخواويج قالوا (You can’t teach old dogs new tricks) وأنت أردت بالموقع الجديد أن تيسر لنا المواكبة والتواصل غير أن النتيجة جاءت عكسية وعموما لك العتبى حتى ترض، وما إنكسرت القزازة ولا إتدفق عصير القمردين يسر لينا أمر التسجيل وستجدنا إن شاء الله أسعد الناس بالحضور والتعليق،
    ونعرف لولا معزتك الكبيرة لنا لما كانت غضبتك كبيرة علينا وبأسم استرايكر وأفليقا وكل حبان جبرا وعشاق أدبه وفنه مسامحنك على حدة زعلك فسامحنا على فداحة تقصيرنا ويا دار القمردين ما دخلك شر
    والسلام

    • ألفاتح جبرا كتب:

      الأحباء الأعزاء :

      حقيقة ما كنت عاوز أتداخل على الإطلاق لأنو بفتكر كلامى ده أنا وصلت ليهو عن طريق حيثيات مطمئن ليها تماما .. بس الحقيقة وعشان تعرفو إنو المسألة ما مسألة (تقصير عفوى) كما قال ولدنا (سهيل) خلونى بس وكمثال أرد على ولدنا (إسترايكر) والذى أوضحت الإحصائية إنو نزل عدد 10 (بوستات) فى الفترة دى فى سوداننا (غير المداخلات) ولم ينزل (بوست) واحد فى المنتدى مع إنو (مشرف المنتدى) – ولو نزلتا بوست يا ولدنا جيبو ليا هسه هنا – أها فى الحالة دى نسمى المسألة دى شنو؟ !! الشئ البخليك تنزل 10 (بوستات) بى غادى وما تنزل حتى (copy)
      واااحد منهم شنو ؟ – خليك من موضوع جديد – يلا قول لينا !!

      أما أخونا ود الخلا فأقول ليك ياخى فى أعضاء واجهوا نفس المشكلة وإتصلوا بيا وحليتا ليهم كمثال (شمباتى – البشاوى) فهل إتصلت وأخبرتنى أنك تواجه مشكلة؟ وإلا يعنى نشمو فى أضافرينا ؟ وبالله سؤال برئ : بدون ما تقول على المشكلة إنت كنت عاوزا تتحل كيف يعنى؟

      كسرة :
      حقو الناس لمن تقع ليها فى (مطب) ما (تتخرت) عشان أصلو فى النهاية فى معطيات وفى منطق وفى فهم والناس (بعد التحليل) بتصل للحقيقة المجردة !! وإلأ شنو؟

  15. سهيل كتب:

    يا بروف .. طالما افليقا قال لأسترايكر كما كنت .. طيب دخلنا إنت في الصوره .. ورينا .. نحن ما عندنا فكره عن نتيجة موضوع الدمج .. حصل فيهو شنو .. راي الناس شنو و رأي اسياد المدونتين شنو ..

    أما موضوع سهولة او صعوبه دخول موقع الفاتح جبرا .. انا شخصيآ عانيت منو و سألناكم شفهي و كتابة بالإيميلات للساده المشرفين .. فمن الصعب ان اجلس ساعه امام الجهاز واطلب إذنآ بالدخول فلا استطيع و الأمر الأكثر إزعاجآ لكم هو ان يتصل بكم الناس كل شويه لمعرفه كيفيه الدخول ..لماذا لم تتم معالجة الموضوع ليكون (ستاندرد).. زي سوداننا مثلا دخلناها بكل سهوله هي و غيرها من المدونات و لم نتصل بالادمنستريتر للإستفسار..

  16. ابكرون كتب:

    سلام للجميع
    طبعا بكل اسف شي مؤسف ان يصل بنا الحال الي هذا الموقف من التشتت واللامبلاة…وينطبق علينا موضوع بوست د عزت قبل اسابيع في ما معتاه ….الحاصل شنو علي الناس؟؟؟؟؟
    فيما يخص نفسي ابكرون ….قررت التوقف عن المواقع الثلاث ….لنفس الاسباب التي ذكرها الاخ الفاتح….وزياده عليها …..وبكل اسف حتي غياب الاعضاء صار ليس ذو اهمية وكنا ايام القمردينة الاولي لو تغيب احدنا ساعات عن التعليق نفتقده او نفتقدها …..ناهيك عن اسابيع ….!!!!خلال غيابي بكل اسف لم يفتقدني سوي الاخ سنكل (افتقاد جدي) واتصل بي وذكرت له اسباب توقفي ….وكذلك عرضا كل من النونو والغبشة ود.عزت ….ولست هنا لالوم هذا او ذاك ….فالوشائج بين الاعضاء شئ شخصي وكل شخص حر في ميوله ….كنت اتواصل عبر الايميل المشترك وحتي هذا التواصل فقد طعمه السابق…..
    عموما ….من الاشياء التي ذكرتها تعدد المنابر والمواقع (3 منابر ) لنفس الاشخاص او المجموعة وهو شي عجيب ومرهق ومبدد للوقت….بجانب ان بعضنا وانا من هذا البعض مشارك في منابر اخري تاخذ ايضا من الوقت…..وهناك ملاحظة اخري مهمه …..ظهرت نرجسية طاغيه بيننا لبعض الاقلام التي لا تكتب الا لنفسها ولكي يعلق البقية علي ما تكتب ….وهذه الاقلام لا تشارك ولا تعلق علي موضوعات البقية….(بس حقها)…وتنتظر من البقية الاطناب والتطبيل …الخ
    وقد ذكرت للاخ سنكل …بان (ودعناكم الله والرسول الي ان ينصلح الحال ونرجع كما كنا….ونجد ما جذبنا لموقع جبرا وتعود وشائج الود والمحبة بين الجميع )….. ولو لم يفتح الاخ جبرا هذا الموضوع لذهبت دون ضوضاء او شوشرة…..ولما كتبت ما كتبته الآن…..
    واحترامي للجميع

  17. محنك كتب:

    د جبرا الحبيب سلام

    ارجو المعذرة فانا لا اجيد الكتابة .. وحتى فى التعليقات فى بعض الاحيان تعليقاتنا متواضعة وقد دخلت فى المنتدى العام ونلت العضوية الفضية اظن شوية تعليقات . ولا نستغنى ابدا عن مواضيعكم وكتاباتكم ومن حولكم من المبدعين

    وسبق ان طلبت عضوية الموع الخاص بمواضيع ساخر سبيل وانتظرت فترة 24 ساعة فترة العدة ولم يصلنى ايميل وانشغلت ان اعيد الكرة
    ونعتذر ونقدر لك هذا البوست الذى نعتبره ثقيلا عليكم ولكن الما دارك ما لامك

  18. حاج أحمد السلاوى كتب:

    الأخ الفاتح جبرا ..وكل السادة الأكارم .ز
    بصراحة يا جماعة الخير التقصير حاصل ودى ما عاوزة كلام ..ولكل واحد أسبابه البقدر يبرر تقصيره فى حق موقع ومنتدى ساخر سبيل ..وما عاوز أردد الكلام القالوه الإخوان قبلى ..بس احب أقول إنو فى صعوبة فى المشاركة بالمواضيع فى المنتدى وخاصة للكواشف أمثالنا ..أما الموقع ( ساخر سبيل ) فما أعتقد إنو فيهو مشكلة تُذكر بخصوص التعليق على بوستات الأخ الفاتح …طبعن كان من المفروض ان نسال..وسألنا بعض الإخوة ولكن لا تزال المعضلة عالقة ..وقدرنا ندخل المنتدى ونقرا بس..
    نأمل أن نحل الإشكال التقنى ده فى القريب العاجل ..
    وكمان لابد من إيجاد حل لمشكلة المساسقة بين الحيشان التلاته ونحاول نخليها حوش واحد.. زى حوش ود بانقا نتلمه فيهو كوووولنا ..
    اخى الفاتح التقصير راكبنا من ساسنا لراسنا ..وسنحاول رفع المعاناة .. اقصد التقصير الحاصل بقدر المستطاع ..ويا ناس جوة خليكم قراب جنب عمكم واخوكم الفاتح..ولك العتبى حتى ترضى ..

  19. البشاوى كتب:

    البخيت ابكرون
    لااوقف الله لك كيبوردا ابدا وكيف الحال عساك طيب
    اولا الملل الذى كتب عنه دوك\ عزت حقيقة لا مفر منها
    ثانيا المساسقة بين تلاتة بيوت تخلى الزول يفكر بالرجوع لى بيت امو
    ثالثا فكرة الدمج يجب ان تتقدم الى الامام (رأى شخصى جدا )
    وأخيرا
    البروف متعك الله بالصحة والعافية
    لولا حبك للناس لما كتبت ماكتبت
    ولولا حب الناس لك لما التفو حولك منذ زمن
    ولولا حرصك على هذا الحب السامى لما كنا الان نرجو زوال الملل والجفوة
    ولولا القمردينة ولولا سوداننا لما كنا اخوة تمددت العلائق حتى لداخل الاسر
    دمتم ودام حبكم وارجو ان يكون هذا البوست محركا وباعثا لمزيد من الحب والتواصل والاخاء

  20. aflaiga كتب:

    شباب : عشان نكون عمليين ونبدا من الاخر وما نقعد نفتح بيوت بكا :
    * سوداننا انشئت للم شمل المدونين بعد توقف موقع البروف والبروف نفسه ايد ذلك وكان يكتب فيها مواضيعه .——- 1
    * الموقع عاد وبه منتدى للم الشمل واستيعاب كتابات الاعضاء . ——– 2
    * ارسلنا رسائل للناس من باب الاصول ما رايك فى وقف سوداننا والعوده لموقع البروف والمنتدى وما فى زول قال وقفو سوداننا وقلتو نواصل كده ——3
    * اقترحنا ارجاع الحال ملا هو الاصل وهو موقع جبرا ومنتدى للمدونين وذلك عبر المدج بين المنتدى وسوداننا ——— 4
    * كانت النتيجه التلقائية للاستطلاع هو قبلو الفكره بنسبة 90 % ——— 5
    * قرر البروف ان يتم تاجيل الدمج لمذيد من التشاور ——— 6
    * اعاب علينا البعض ان نقترح على البروف قفل منتداه وهو الذى تعب فى تاسيسه ——— 7
    * اعاب علينا البعض اقتراح قفل سوداننا ——— 8
    من كل ما سبق :
    * ما دام الناس عاوزه سوداننا يواصل كما هو ——– 1
    * وما دام الناس عاوزه تمنع المساسقه بين المنتديين والموقع ——- 2
    ارى ان الدمج اصبح حقيقة واقعه ومطلوب طبيعى …
    والدمج معناهو بسهوله وببساطه :
    لمن تخش موقع جبرا وعاوز تمشى المنتدى تدق كليك فى المنتدى يوديك سوداننا وبس ….
    المنتدى بتاع ساخر سبيل يظل ( باك اب ) لتوقف سوداننا او توقف موقع البروف ….
    ده ملخص القصه لانو نحنا فترنا والله من اللوم والاعتذار ….
    ولولا اننا نحمل تجاه بعضنا ما هو اكبر من المنتديات والنت ذاتو لقلنا ان دى جرجره ساكت ولكل شيئ حدود حتى الادب والذوق والترضيات ……
    والمعنى واضح ….

  21. شكرا افلايقا لايضاح كل ماسبق ……

    ابكرون – اسف جدا لما ال اليه الوضع بالنسبة لك – واعتزر لك بشدة ان كان هناك اى تقصير من جانبنا تجاهك – واتمنى عودتك سريعا لان فى النهاية مايجمعنا ليس الكتابة وليس الكيبورد.
    اتاسف لك مرة اخرى واتمنى فعلا عودة كتاباتك وتحليلاتك للاحداث السياسية والعسكرية – ومنتظرين سردك الراقى فيها.

  22. سهيل كتب:

    بسم الله الرحمن الرحيم

    “مالكم لا تناصرون(*) بل هم اليوم مستسلمون(*)… صدق الله العظيم

    يا احباب .. مالكم كل شويتين واحد منسحب وواحد طالب سحب كلمة مرورو وواحد بفكر يتخارج و الباقين عندهم النيه.. بالله عليكم ما خجلانين.. لمن إنتو كبارنا تعملوا كده ..نحن الصغار نسوي شنو ..معليش للإسلوب لكن كل ما نحاول نقرب الناس من بعض نلقاهم بينفروا.. يا اخواننا المصارين في البطن بتتشاكل .. و كل مشكله و ليها حل لو الناس قعدت تتفاهم بعقل و بعيد عن العصبيه .. و قمة الفشل و الخزي هو الهروب من مواجهة المشاكل لأعتقاد ان الحل ليس ممكنا.. كنت إلى وقت قريب احدث نفسي بأن لو بالسودان مجموعه من الناس ” مثلكم” قلبها على البلد و مجتهده سوف يرسو هذا البلد في بر الأمان .. لكن عندما تسود روح الإنهزام و خيبة الأمل في النفوس أجد نفسي مجبرآ على التنازل عن جميل إعتقادي في قيادتكم لجيل التغيير..

    من هنا و بأعلى صوت .. اطلب من جميع ( المرتدين) العوده للناس الراجياهم.. لأننا بدل ما نفكر نمشي للأمام .. قاعدين نستجدي و نرتب في الصفوف.. و الزمن ماشي و الدنيا ما بترحم.. و زاتو يا احباب كده ما حلو .. كل شويتين نحنس في دا و نناقش في داك.. نحن ىناس كبار و ماعندنا زمن نضيعو اكتر من الضاع .. الرجاء من الجميع إستشعار المسؤليه و المساعده في دفع المسيره للأمام و من لم يستطع فليكن رحيمآ بالركب ولا يجره إلى الوراء…

    ما قصدت زول بعينه.. كلنا معنيين بالكلام و كلنا مسؤلين عن واجباتنا تجاه بعض..
    معذره لمن لم يصادف كلامي هواه.. و معذره لكلمات لم تخرج إلا للضروره

  23. ابكرون كتب:

    يا سادة يا كرام :الموضوع الاساسي الذي تطرق له الاخ جبرا ….واضح ويلخصه المقتطف :

    ( شهران والمنتدى خاو على عروشه يكتب فيه أعضاء جدد يعدون على أصابع اليد الواحده بينما أنتم (عشرة السنين) ومؤسسى القمردينه لا حس لكم ولا خبر حتى أن …العضو الجديد يحل ضيفا فى المنتدى فلا يجد من يرحب به)

    موضوع ابكرون ده شي عرضي ولو لا اثارة البروف لبعض النقاط ذات العلاقة لما ذكرته البتة كما اسلفت ….فارجو تركه جانبا …..وعليكم بالموضوع الرئيس…ومافي زوووول محتاج لتحاااانيس..

  24. aflaiga كتب:

    ابكرون : الملخص زى ما قلت واضح . والرد زى ما قالو الناس اوضح :
    ——-
    * لا قصد ولا نية فى هجر المنتدى والموقع .
    * اشكالات تقنية تحول بين بعض الناس ودخول الموقع .
    * مشغوليات والتزامات تحول بين بعض الناس والموقع .
    * عدم تعود على بى هناك وتعود على هنا حال بين دخول البعض بهناك .
    * اعتياد البعض على هنا واصبح لهنا قراء لا علاقه لهم بى هناك .
    —–
    يعنى لا مكان لنية سيئة بتاتا …
    ——-
    الحل فى 3 محاور :
    * حل الاشكالات التقنية .
    * تغيير شكل المنتدى ليشبه ما اعتاد الناس عليه هنا او دمج هنا فى هناك .
    ——-
    اكرر الحل دمج هناك فى هنا وبالهناء ..

  25. ياسين شمباتى كتب:

    وبالهنا والشفا..نعم للوحدة والدمج..

  26. aflaiga كتب:

    ستريكر : ما دام القصه مرهونه براى الناس الهنا والهناك ايه رايك تعتبر البوست ده تصويت ونبدا من كلام شمباتى وقول واحد بالهناء …

  27. مُخير كتب:

    الأستاذ أبو ناجي
    الحبان في كل مكان
    نهار الخير والتفاؤل والأمل
    سهيل وجه الحبيب …على رُسلك يا بُني… هدئ روعك،،، بل حبل الصبر يا ولدي،،، المسألة دي وكل ما تمخض عنها من خير أو غير ذلك جاء نتاج لجهود طوعية ومبادرات ودية، ويُشكر لمن قالوا بأن ما يجمعنا الآن بات أكبر من الكيبوردات والمواقع والنت، لذا وحرصاً على هذا الذي تنامى وسما بيننا يتعين علينا أن نسد كل الأبواب في وجه كل الشيطاين، شيطان الكسل، وشيطان الزعل، وشيطان الملل، وشيطان التعجل في الحكم على الناس أو مواقفهم، مثلك حاولت الإنضمام إلى الموقع وقمت بتعبئة الاستمارة عشرات المرات وجائتني مرتدة بالرفض عدة مرات ولقيت روحي لايص أقرأ سيناريو البروف ولسان حالنا كما قال حبيبنا السلاوي نقرأ بس، ومع ذلك وجدت أن مع الأستاذ الفاتح قدر ليس يسير من الحق، ويتعين علينا جميعاً أن نولي على الأقل منتدى ساخر سبيل بعض الاهتمام، فليس هناك صعوبة في التسجيل والتداخل وذلك إلى حين تُحل مشكلتنا مع الموقع الرئيسي.
    وخلاصة القول يا الحبيب أدعونا كووولنا وعلى رأسنا أبو إبراهيم وأبو حمودي إلى تفعيل منتدى ساخر سبيل، وهذا لا يعني بالضرورة هجر البيت الصغير دُمجا أم لم يُدمجا لكن علينا أن نُخصص جزء من الوقت (ما تيسر) للتواصل عبر تلك الساحة، التحية للأخ ود الزبير الذي كان أول من دق الجرس، لكننا ولوفين وبنحب الساهل والمُريح والشغلانة بغادي عاوز شوية همة وجكة صغيرة، وما كتيرة على حبيبنا أبو ناجي، وما تنسى أنت القوي الأمين والكبير كبير، إعتبرها فرصة للتطور وللكل فائق التقدير وعميق الإحترام ويا جبرا حقك علينا، نفتح صفحة جديدة في ساخر سبيل إلى أن تُزال العراقيل وكل الإحترام والسلام

  28. ألفاتح جبرا كتب:

    الأحباء الأعزاء :

    آخر حاجه عاوز أقولا فى الموضوع ده إنو لو كانت المسألة مسألة صعوبات تقنية كما يزعم البعض ما كنت تطرقت للموضوع من أساسو لكن للأسف الشديد لم تكن المسألة مسالة صعوبات تقنية لأنو -كمثال- ولدنا إسترايكر (أبوالتقنية ذاتا ) والمشرف على المنتدى قام بوضع (عشرة موضوعات) بسوداننا ولم يضع موضواعاً واحداً بالمنتدى !! (وقد صهين من الإجابه) !!

    عموما أرجو إعفائى من االإسترسال فى هذا الموضوع إذ من الواضح إنو الناس لا تمتلك المقدرة على مواجهه الأمور بموضوعية وصدق هذا مع أمنياتى لسوداننا وأعضائها بدوام التقدم والأزدهار !

  29. والله يا بروف – امتنعت من الاجابة لطلب الاخوة -لكننى اكرر كلامى باننى قد تداخلت لاكثر من 23 مداخلة فى المنتدى وتداخلت كذلك فى الموقع . ويمكنك عمل بحث بكل مداخلات إسترايكر.
    وياعمنا الموضوع مااسترايكر ومادخل وماكتب – لانو ممكن تفتش وتلقى حتى انو فى ناس كتييييرة وغير استرايكر كمان مابتدخل او مداخلاتا قليلة وناس برضو من المؤسسين – وبرضو اقول ليك ماعشان الزووول ادمنستراتو مفروض يكون هو اكتر زوول بكتب بهناك.
    وانحنا قاعدين وبنكتب فى التلاتا حتات – واكرر ماعندنا مشكلة فى الكتابة فى اى حتة .

  30. مافي مشكلة
    لكن كل يوم نلقى لينا مشكلة
    ما عارفين نلقاها من الحكومة و الا من ناس المرور
    كمان جابت ليها لوم و مشاكل بين المدونين…..
    فحقوا نرفع شعار بجعل دخول المدونات جاذبا
    و التغاضى عن هنات الناس
    و نترك اللوم
    جيتني و ما جيتك
    الجاك مرحب بيهو و الما جا عذروا معاهو لمن يجي
    و لو في طريقة نمشي ليهو و نتفقدوا
    و لمن نلقاهو ما نلوموا طوالي
    و نشوف نفسنا و نجرد زياراتنا

    كمثال

    متين مشيت لي عمك
    و الا لي خالتك الفي بحري
    و أكان قعدت تلومك أول لما جيت داخل بيتا
    تاني بتمشي ليها
    و كان صادفتك في بيت ناس عمتك و قعدت تلوم فيك
    تاني بيت ناس عمتك دا زاتو بتمشي ليهو
    سيان الحياة الاجتماعية
    و المدونات و البيوت
    و كل حتة

    استمتع كثيرا بدخول الدناقي كلها و تعجبني الكلمات المنتقاه التي لا تغلط على أحد
    و الأسلوب المموسق الذي يجذبك
    و لا يبعدك

    فلنحاول أعزائي جميعا من أن نجعل من الكلمة الطيبة
    ميثاقنا
    و من الاجتهاد في اسعاد الآخرين همنا
    و كان ما اجتهدنا في اسعادهم
    فلنتجنب اثارة المواجع

    و لنتزاور
    تزورنا أخي الفاتح
    و تقعد معانا مرات في حوش سوداننا مرات
    و تشوف و تتداخل في مواضيعها
    فقد صارت أمرا واقعا
    يكتب فيها المدونين كووولهم
    و اجتذبت سمار من غير المدونين المعتقين القدامى
    كما اجتذب منتديات ساخر سبيل مدونين من غير المدونين
    و يزيد عدد الأعضاء فيها كل يوم
    و يزيد عدد قراء و المشاركين في سوداننا أيضا بالمثل

    فالنتفاكر
    كووولهم ممكن يمشوا مع بعض
    و لكل عنوان فمن شاء تاوق و من شاء دخل و من شاء استوطن
    و تعزمنا و نعزمك رغم اننا كووولنا لا نحتاج لعزومة
    و لتقدم مشاركة
    و نقدم مشاركات

    عموما كان غلبنا فلنصبر

    لحد ما نصير بعد شوية خبراء في (التطنيش عشان الواحد يعيش)
    ______________________________________________
    – صورة برضو في منتديات ساخر سبيل

  31. مُخير كتب:

    تسلم يا دكتور

    فلنحاول أعزائي جميعا من أن نجعل من الكلمة الطيبة
    ميثاقنا
    و من الاجتهاد في اسعاد الآخرين همنا
    و كان ما اجتهدنا في اسعادهم
    فلنتجنب اثارة المواجع

    صورة مع التحية إلى:
    حنان الجميع

  32. سهيل كتب:

    يا عمك اعمل رايح … إتعلم تطنش.. والله بالطريقه دي بتجيك جلطه.. عااااادي كل يوم في الشارع بلصقوا لينا في حناننا كان ناس الحركه ولا ناس الروزات.. و خليها على الله

  33. ودالفتيحاب كتب:

    السمار الكرام

    لكم التحيه
    الحمد لله انو عرفتو كلمة تطنيش وانكويتو بيها لاننا يااااااااااااااااما انكوينا بيها .
    الردود لى بعض والانتقائيه واضحة كان العشم كبير لكن !!!!!

  34. نيام كتب:

    بعد غيبة من الدانقا و بتها لظروف البكاء جيت لقيت البت مزعلة امها ..والناس كيمان ..اخ انا من الكيمان ..ما كنتو اخوان..
    لاحلول الا في التسامي علي النظرة الضيقة و الانطواء الشللي لانه لا يسبب الا الشلل الرعاشي و الانطواء الذاتي و القوقعة و الحرشفة و قلة الفهم..البعرفوا انا الناس تشارك في الدانقا و في المنتدي و في سوداننا وفي كل شئ جميل..عندما تبادرت فكرة الدمج بين المنتدي و سوداننا كنت اول من قال الدمج الدمج الدمج ولكن رغبة الناس كانت غير ذلك..الان الناس هم نفس الناس و الافكار هي ذات الافكار..وفعلا الجري بين المواقع لا يعطي الاشياء حقها من التغطية او القراءة و فعلا لا تجد الوقت الكافي للمرور علي كل المواضيع وهذا الامر يدعك تقراء كتابات محددة و هو ما يؤطر للشللية و التقوقع..
    لردم الهوة و المحافظة علي النسيج الدانقي اري مرة اخري اننا يجب ان نسمي الاشياء باسمها بعيدا عن التشرزم..
    الدانقا هي الوعاء الذي جمع هؤلاء الناس جميعا و هي الام و هي الاساس فيجب توسيع مواعين الدانقا و الاحتفاظ بعضويتها و المناظرة و التداخل فيها الماعندو قديم ما عندو جديد..
    المنتدي ابن الدانقا مع اخته سوداننا التداخل فيهما عفوي و حسب روعة الطرح و الموضوع و للدانقوست فيه الخيار تداخلا او ارجاء..وللكل حرية الكتابة و التعليق مع الاحتفاظ بروح الفريق و الاحترام بين الاعضاء وهو اساس هذه المواعين..اقول قولي هذا و ارجو ان يوفقنا الله لخير البلاد و العباد وهو الهدف الاساسي من المداخلات و الحوارات رفع الوعي و سد النقص الصحفي و نشر المعلومة و ارضاء القارئ و اشباعه في كافة مجالات الكتابة..
    لكم حبي الخالص للذين يتداخلون و الذين احجموا لعارض و ارجو من الجميع التسامي و كبح جماح النفس..

  35. ودالفتيحاب كتب:

    ود الخلا
    والاخوة الكرام
    صباحاتكم عسل
    لك منى الشكر أجزله لتفضلك بى فش غبينتى ودى المحريه فيك كما عهدناك .لكن انا كان عشمى فى الجميع وخاصة كبارنا وأخص صاحب الظل الذى جئنا اليه لنستظل فى داره لم يتكرم يوما على برد يحسسنى فيه اننى وليد صغيرونى كده يتشرف بهذه الكوكبه النيره والعقول الكبيرة ,
    لغة التواصل جميله ومشجعة لتواصل جديد ممتد يحس فيه الفرد بطعم القبول والترحيب .
    المهم ذى ماقلت ياودالخلا لابد من التسامى فوق الجراح ونقول خدوش انشاالله وماتبقى جراح لان الجراح يكون أعمق وإندماله بطول علشان كده علينا أن نكون كما ارادنا البروف لحاقين ضعيف وسنادين واقع ,هذه هى الرسالة التى يجب أن نتحلى بها .
    وللبروف أقول والله ووالله ماهى إلا التقنية التى حجبت تواصلنا لكن انا ساكيك فى الراى العام حتى بالتعليق ولم يفتنى باص واحد لاننى كما عهدتنى بقيف من بدرى (إنشاالله باص اللبن)
    اننى على موعد مع اخونا الشمباتى لهذه المعضلة وإنشاالله عوده

  36. mulla2009 كتب:

    يا جماعة منتدى الفاتح دا بى وين قدر مافتشت النت ما عرفت محلو علييييييييييكم الله البيعرف عنوان الويب صايد يكتبوا لينا

  37. حاج أحمد السلاوى كتب:

    اخونا الملا 2009 ..سلام .. وصبك الله بالخير ..
    اول حاجة نيابة عن إدارة الموقع نرحب بيك ترحيب حار فى هذه الدار العامرة بوجودك ووجود كافة الإخوة العزاء من المدوناتية الغايبن والحاضرين ..
    الحاجة التانية أسمك دا إسم خطير جداً لأن يذكرنا بالملا عمر قائد حركة طالبان ..غايتو اعمل حسابك ..
    تالتاً ..عنوان الويب سايد ..:
    http://www.alfatihgabra.net
    ونتمنى أن نراك مشاركاً مع الكواكب فى الحيشان التلاته .

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s