عملية توسيع الشريان الحنانى ….

Posted: الخميس,14 مايو, 2009 by aflaiga in اخرى

اكلتها ليك فى حنانى … اكلا فى حنانو …  ختاها فى حنانو ..  كل التعبيرات السابقه تدل على ان شخص ما من الناس قد تم التغول على حقوقه ومن ثم وجد ان التعبير الوحيد لرفض هذا التغول هو ان يعمل نايم ويضيف هذا التغول الى سلسلة النوم الطويل الممتاز التى هى مخزونه من الالام والماسى .. صديقى س دوما يتزمر من العوه التى يوجهها اليه البعض بان ياكل فى حنانو !! ويرد على ذلك دوما انو ( والله حناننا ده ما فضل فيهو حته ياكلو فيها !!! ) .. من هنا وما دام الحال مستمر فى ما هو عليه ادعو عملاء طب وظائف الاعضاء بان يجتهدو فى البحث عن عملية جراحية تهتم بتوسيع الشريان الحنانى وذيادة قدرته الاستيعابية ليضطلع بدوره فى تحمل التغولات الكتيره التى لا تبدا من عواطف ولا تنتهى بالشارع العام .. ولا رايكم شنو ؟؟؟

 

Advertisements
تعليقات
  1. انتا زاتو الحنان ده وين يا ولدنا
    اى حاجة بقت فيهو – وملصقنها فيهو.
    لكن من هنا نثمن على طلبك بزياده نسبة الحنان بنسبة لاتتجاوز باى حال نسبة ال 100%

  2. سهيل كتب:

    يا شباب .. هو الحنان دا مش لازم يمر بمراحل أثناء تطوره .. يعني زمان في الكمبيوتر كان في الفلوبي دسك 5″و شويه شويه قام ظهر ال1.44 و بعد دك إخترعوا السي دي و اخيرآ الفلاش و الإكستيرنال… يعني يا حبه وسع حنانك خليهو خرطميه قيقا عشان طوحالك ما يطرشق .. و لتذكر سنه 1997 كان عندي كمبيوتر الهارد دسك بتاعو 2 ميقا .. كنت شايفوا طياره ( الشغله نفسيه) الليله يا معلم 320قيقا وياااااااااااالله ممشي الحال..

  3. مُخير كتب:

    الحبان في كل مكان
    الحلوين سلام واحترام
    الحنان يمكن أن يكون بمثابة سلة المهملات “الريسايكل بن” في حاسوب نافخونا اي تلك المساحة التي نفردها لتغييب الحاجات الما حلوة والتي نرغب في محوها، صحيح أن هناك حاجات لا يمكن تعديلها أو الرجوع عنها يعني ما حنقدر نعمل ليها “أن دو” وبالتالي نعمل ليها ديليت ونحن عاصرين على زر الشفت في نفس الوقت، ودي عشان تغيب وما تمشي للحنان ذاتو، وده كلو عشان الحياة تستمر وتكون بسكويت، يعني من نعم الخالق علينا إنو أدانها حق نكون أدمنستراتورز لمشاعرنا ونعطي كلمة المرور لمن نود لأننا نُدرك أنهم لن يسيئوا إستخدامها.
    كيف الكلام ده فنياً يا استرايكر …
    أخوك أمة الأمجاد حاسوبياً لكن برضو ماشي كويس موش؟؟

  4. سهيل كتب:

    شفت الحنان بتاعي بقى عامل زي لوحة الأعلانات ( اليافطه) ملصقين فيهو مليار إعلان في الثانيه..

  5. والله يا مخير – كلامك مية المية – واحسن الزوول يبقى يوزر عادى لمايمسح تانى ويختها لمشاعرو وتانى مايكون فى خط رجعه ليهو .

  6. nono كتب:

    ما قالوا عليك حنيــــــن بس نان وينه الحنيه
    لا تسأل يوم عن حالـــى لاتشوف الباقى علىّ
    الببقى على أنا هين لـــــــــــو انتى بتقبلو لىّ

    ************************************
    *******
    ما قالوا عليك حنيـــــن وينو التحنان والريده
    يا سلام لو ترضى علينــــا تدينا قليل من حنك

  7. سهيل كتب:

    يا سلام يا شباب .. خير مثال علي اللصيق في حنان الحنان زاتو ياهو كلام ثنائي العاصمه دا ..هارد لك نونو

  8. nono كتب:

    لو تسأل يوم تلقانــــــــــا كل ثانيه بنسأل عنك
    وكل لحظه هواك معانــــا يا غالى كتير راجنك
    ما قالوا عليك حنيـــــــــن ورقيق بشكل خيالى

    ******************************
    نشوان فى دنيا جمالك سابح فى سماك العالى
    والشوق فى هواك يضــنينا ويسهر فينا ليالى
    لكنك يا الحابنك ناسيـنــــــــــــــــا كدى طوالى

  9. nono كتب:

    غايتو

    جنس

    غايتو

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s