الجمعه الرحله قايمه ومستنين حضوركم ..

Posted: الخميس,2 يوليو, 2009 by aflaiga in اخرى

يتشرف الاستاذ الفاتح يوسف جبرا بدعوة سيادتكم للمشاركة فى الرحله المقامه على شرف المدونين الجدد الذين انضموا الى الموقع مؤخرا والمدونين القدامى الطولو ما اتلاقو مع بعض احتفاءا بنهاية الشهر الجميل ده !! ستقام الرحله فى شاطئ الشقيلاب الرائع يوم الجمعه 3 يوليو 2009 م .

التجمع طلمبة بشاير غب الاحتياطى المركزى الخرطوم .

الزمان الساعه التاسعه من صباح الجمعه .

البرنامج : الافطار – التعارف – الصلاة – الترويح مش التراويح !! الغدا – الاحتفاء وبرنامجه .

التوزيعات : جبرا ( كالعاده الخروف ) – افليقا ( كالعاده الفطور ) – بشاوى ( كالعاده الخدار ) – اب احمد ( كالعاده البارد ) – ود المهدى ( بدل عزت الشايات ) – سهيل ، ستريكر ، مشاكل ، ود الزبير ( كالعاده تم الناقصه حسب الظروف ) – لطفى ، الكاشف ( النغم والطرب ) – ود الخلا ( الجمعه ) زووول ( شعائر الجمعه ) !!! البنات ( طبعا ما بيتوصن والزهراء نعيمية الله ينعم عليها بود الحلال – نونو الايامات دى طاشه شبكة ومعذوره وكان عرفت المحل بالوصف ما قصرت !! سماسم الحضور البهى – مدام اب احمد تصحى لينا اب احمد بدرى وبس !  اها لقيتو التوزيعه دى كيف ؟؟؟

وانشاء الله رحله ما منظور مثيلا .. وناس بره بالله ساعدونا بالفاضى وعدم النقنقه والحساده ..

كان مفروض نستنى شمباتى لكن موعود بوحده براهو خاصه هو والبيجى معاهو لانو احتمال يجى ما سنقل المره دى !!!

الناس الما ذكرناها متمنين يجو برضو ويشاركونا ( الغبشه – همسة شوق – مهيره – فنجان – معجبه – ساره – بت بحرى – السعيد – حنين – بروسيسر – عبدوش – انقولا  – وكل الناس الحلوه الطولنا ما شفناها ) …

جمعنا الله وايكم فى ساعات الخير …

Advertisements
تعليقات
  1. زووووووول كتب:

    بس ما وريتنا شعائر الجمعه دى شنو يا افلى فشان نكون جاهزين وكدا

  2. علي سنكل كتب:

    الأماجد السمار الجبراويه . .
    نتمنى ليكم رحله كما رحلت الكاشف بين طيات السحاب ، لكن ما وحدكم كلنا معاكم.
    يا أفليقا بنبطل النقه لكن عدم الحساده ده ما بنقدر نوعدك بيهو.
    البحر . . شاطئ الشقيلات يا مفترين ! !
    وبعدين حكاية شمباتي ما حيجي براهو دي كببببف؟ هو عمل حاجه ؟ يعني في واحده خطبتو واللا شنو؟ لأنو الأولاد الزيو ديل البنات بختفوهم ختف ، ربنا يتم ليهو سريع ، قعاد السعوديه داير ليهو رفقه ( فيها شوية جفاف).

  3. حاج أحمد السلاوى كتب:

    لدينمو .. افليقا ..وكل الأحبة الكرام ..
    نتمنى ليكم رحلى سعيدة تستمتعون فيها ..وكان بودنا أن نكون معكم حضورياً ولكن…… لس تأكدوا أننا معكم بقلوبنا وأحاسيسنا…
    سؤال سغيرووووونى كدا .. اين المدعو ودالزبير ..هاتفه النقال ( الموبايل ) لا يعمل ولا يستجيب ..له التحية ..

  4. aflaiga كتب:

    الزووول : اها شفت شعائر الجمعه دى مرقت من جحرك كيف ؟؟ انت وين يا زوول مدسى وين ؟؟ شعائر الجمعه دى هى خطبة الجمعه القبل الصلاه وونسه الجمعه من الجامع للبحر اها بتقدر ولا نشوف صحبة تانى ؟؟
    سنكل : يا عمك انتو مشرفين وانتو فيشين ولا مافيشين .. شمباتى ده من اول اسبوع بقى يكتب عن الحنه والرحط يعنى متوقعو يجى سنقل ويرجع سنقل ؟؟ ليه انت قايلو ما عندو رادى ؟؟
    السلاوى : حبابك ورسل لينا من يمثلكم لو ما جاى ..
    دايرك ضرورى اتصل ..
    انتو ناس جوه وين ؟؟ غير زول مافى زول ؟؟

  5. bakriMusa كتب:

    إتأكد يا افليقا من (الضباح ) يكون صاحي ..ما يقوم (يطهروا) ليكم!!!

    واتمنى لكم رحلة سعيدة وصالح الدعوات .. وما تنسونا من فائض (النعيميه ) !!!

  6. سهيل

    نعم
    نعم الله عليك
    نعم
    نقولا نعم والف نعم ليك يا القائد الملهم
    نعم
    نعم يعنى أيوه ولا لا
    نعم
    نعامه ترفسك

  7. حاج أحمد السلاوى كتب:

    أخونا بكرى ود موسى ..
    لا تخف (يا سديقى.. كما يقول أخونا ود الخلا )الخروف الجايبو الفاتح حيكونوا طهروه وهو صغير ..وحتى لو كان الضباح ( فى وادى آخر ) حيلقاهو مطهر..
    الخوف إنو يقوم يعرس ليهو …. نعجة .
    غايتو … يا …. بختكم…
    أخوكم شمباتى بقى يهضرب بالعرس ..دخل باب شريف وما خلا حاجة وكمّل قروشو كوووولها ..فىى الهدايا..والشيلة ما اشتراها.. يعرس شنو !

  8. مشاكل كتب:

    سلامز

    وبعدين حكاية شمباتي ما حيجي براهو دي كببببف؟ هو عمل حاجه ؟ يعني في واحده خطبتو واللا شنو؟ لأنو الأولاد الزيو ديل البنات بختفوهم ختف ، ربنا يتم ليهو سريع ، قعاد السعوديه داير ليهو رفقه ( فيها شوية جفاف).

    ختف ؟؟؟؟

    هاهاهاهاهاها
    شمباتي دا ولا زول تاني

  9. الزهراء كتب:

    احلى نعيميه لاحلى سمار
    دايرنها بالعصيده ولا بالكسره

  10. الزهراء كتب:

    يا اخوانا شوفوا لي حد اجي معاه لاني ما بعرف اجي الشقيلاب براي
    يقوم يلاقيني حرامي يشيل النعيميه يحيرنا
    ولا شنو؟

  11. ((انتو ناس جوه وين ؟؟ غير زول مافى زول ؟؟))

    ما التعليمات وصلت
    يعتى لا بد نقول تمام يا فندوم !!؟؟

  12. الزهراء
    حددى موقعك الجغرافى

  13. الزهراء كتب:

    (سهيل

    نعم
    نعم الله عليك
    نعم
    نقولا نعم والف نعم ليك يا القائد الملهم
    نعم
    نعم يعنى أيوه ولا لا
    نعم
    نعامه ترفسك)
    اب احمد:
    شكيت محنك لكن شكلو صاحبك ده شبكتو طاشه يعني مسك الورديه من نونو
    ربنا يكون في عونكم
    مشاااكل: انت ماشفت الصفوف الورا شمباتي ولا شنو اقعد انت مع الشات والفيس بوك وخلي شمباتي يخرتكم بالبث المباشر live
    بكري موسى: طبعا الكوتش بتاعي في علم خليها على الله عشان كده نعيميتك جاهزه في اي وقت ان شاءالله ارسلا ليك بال D H L

  14. الزهراء كتب:

    طارق اب احمد: تسلم يا راقي ما عدمناك ان شاء الله وبرسل ليك البيانات في الايميل او ممكن تشيل تلفوني من سهيل

  15. aflaiga كتب:

    الزهرا : هوووووووووووووى ناس الشقيلاب لا بيشيلو نعيمية ولا بينعمو الشيليه !!! لانو عيونم مليانه عصيده دخن بالتقليه ..

  16. الزهراء كتب:

    يعني يا افليقا مافي داعي تحرجنينيه انا شايله حاجات تانييه بالاضافه للنعيميه وكدييه- ما قلتوليه دايرنها بالكسرييه ولا العصيديه

  17. nono كتب:

    شباب المدونة لكم التحية/ نتمي ليكم رحلة مباركة

    افليقا/

    نونو الايامات دى طاشه شبكة ومعذوره وكان عرفت المحل بالوصف ما قصرت !!

    اصحاب الاعذااااااااااااااااار؟؟؟

    ماااااا؟؟؟

    معاناااااااا؟؟؟؟

  18. nono كتب:

    سهيل/

    نعم؟

    وله؟

    نعيمية؟؟؟؟؟؟؟؟؟؟

  19. nono كتب:

    انتي قاصد؟

    بطااااااااارية؟

    وله؟

    بطاااااااانية؟؟؟

  20. سهيل كتب:

    نونو: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    اللي تشوفيه يا فرده …

    أنا وين ؟ و أب احمد دا منو ؟ الشقيلاب دي بعد مدني ولا جاي من سنار؟

  21. nono كتب:

    الزهراء/

    احلى نعيميه لاحلى سمار
    دايرنها بالعصيده ولا بالكسره

    زهوووووورة يااختي ظبتي الحلة!!!

    ده اختباااااااااااااااااااار صعععععععععععععب؟؟؟ ؟

    بس ؟

    اوعي؟

    تنسي تسويها ؟

    في ؟

    الحلل؟

    بتجليهاااااااااااااا؟؟؟؟؟؟؟؟؟؟؟؟؟؟؟

    وقع ليك

    وله اعيده ليك؟؟؟؟؟؟؟؟

    اوعي بدل الملح ؟؟؟؟

    تكبي العطررررررررررررررررون؟؟؟؟؟؟؟؟؟

  22. kreeni كتب:

    تحيات للجميع

    ان شاءالله رحلة سعيدة.
    وما تنسوا التصوير.

  23. الزهراء كتب:

    نونو: سوي لي راكوبه تحت برج تقوية الشبكه بتاع عشان اجلي فيها الحلل واسوي النعيميه
    سهيل: الشقيلاب دي جنب السليقه نجضت بي شارع الترعه محطه طبق البطاطس
    سهيل ونونو: شفييييييييييييييييييييييييييييييق يا رااااااااااااااااجل

  24. الزهراء كتب:

    سجمي يا كريني انت ما ماشي؟

  25. kreeni كتب:

    الزهراء
    اقدار والله, لكن معاكم بقلوبنا

  26. الزهراء كتب:

    خلاص ياكريني جهز شعورك من هسي لي رحلة شمباتي ان شاء الله

  27. nono كتب:

    kreeni
    الزهراء
    اقدار والله, لكن معاكم بقلوبنا

    kreeni

    القلب ماينفعششششششششششش؟

    طخ؟

    يااااااااهريدي؟؟؟

  28. الزهراء كتب:

    نونو : معقوله بس دا القلب من شدة ما نافع خلاك تكتبي بوست كاااامل وتنجرسييييي
    يبقى كتير علي ولدنا كرييينيي؟؟؟؟؟؟؟؟؟؟؟؟؟؟؟؟؟؟؟؟؟
    شفيييييييييييييييييييق يا راااااااااااااااااااااااجل

  29. الزهراء كتب:

    سهيل: حتجيب الكابي ولا زغت منو؟

  30. kreeni كتب:

    نونو

    ((تاااااااااااااااااااااني))

  31. د.ياسين شمباتى كتب:

    سلامات..حاسدين وحاسدين,,وزى ما قال حبيبنا سنكل,كان بطلنا النقة ما بنبطل الحسادة!!
    الحبيب سنكل..يسمع منك ربنا..

    ابوى السلاوى..زى دا لا سمعنا لا راينا,,لكن دا حكم القوى على الضعيف..الحقنى يا ود الفتيحاب..

    افليقا..عصرت على فى الرادى دا !!! حديدة تنفع؟؟

    مشاكل..سلامز..جنس حسادة غايتو!!!! انت خليك مع زاموكة..

  32. د.ياسين شمباتى كتب:

    الاخت الزهراء..يسلم فمك..بس سيبك من الحساد..والله زولك دا كابى الجرسة فى الفيسبوك..

    كرينى..قرب تعال ما تبتعد..تحياتى…

  33. ابكرون كتب:

    سلاااام ايها المرتحلوووون
    يا بختكم والله ….افرحوا وامرحوا وحندكونا …..واكلوا نعيمية الزهراااااء بالكسرة ولا بالعصيده …..حتعمل ليكم ابو الشهيق ….لانو نفسنا فيها….اتذكروني بالله بعد اول لقمة في صحن النعيمية الباشري….الشية يا افليقا …قمس لي في الشطة بالدكوه …..شكيتكم لي الله كان ريلته…..
    نونو….ان شاء الله الشبكة جااااات وما تنسوا النكات علي الهواء مباشر …..
    يلا ارقدوا سلطة خضراء وجرجير

  34. مُخير كتب:

    ولدنا أبو حمودي

    الزوار وأهل الدار

    الحلوين والمرتاحين

    السلام عليكم

    جمعة مباركة ورحلة سعيدة إن شاء الله، تحياتنا للبروف أبو ناجي وللمدوناتية الجُدد وربنا عز وجل يديم الأخوة والمودة بين الجميع خالصة لوجهه الكريم وأن يجمعنا بكم في أوقات سعيدة زي رحلتكم دي.

  35. ابكرون كتب:

    سلاااام يا ناس رحلة الجمعة
    يا ناس جوووووه
    المره دي مالكم لا وريتونا الرحلة كانت كيف لا الجاء منو والغاب منو …يا حليل عزت ….لا صور …لا وريتونا الناس الجدد منو؟؟؟؟ حتي اتصالات التلفون اللمينا فيهم يا معتذرين عن الرحلة يا ما في الموقع …افليقا قال تلفونيا كانت روعه …لكن مافي زول هببو في المدونه ….
    استرايكر : كفاره للمدام والف لا باس عليها …ودي برضو حتي في صفحة الاجتماعيات ما في زول ذكر عنها شي…!
    هووووووي يا ناس المدونه في تراخي وعدم اهتمام الخ الخ ….

  36. http://www.alfatihgabra.org/vb/showthread.php?t=163
    أبكرونا
    سلام يا ناس بره
    أدخل بى هناك بتلقى الحاجات السألت عنها

  37. سهيل كتب:

    ليه كده يا أب احمد يا طابور … نزلها بي هنا برضو … و خليك حقاني ..

  38. ((ليه كده يا أب احمد يا طابور … نزلها بي هنا برضو … و خليك حقاني))

    ما كنت كويس رجعت شايقى مالك

  39. الزهراء كتب:

    اب احمد: ماااااااااااااااااااااالم الشوايقه؟؟؟؟؟؟؟؟؟؟

  40. طارق أب أحمد كتب:

    أجدع ناس

  41. طارق أب أحمد كتب:

    إلا الشايقيى ما هيلا حل غير تعرس حلبى عشان تجيب أولاد جعليين

  42. aflaiga كتب:

    اب احمد : بالله نزل لينا الصور كلها زى ما كان عزت بينزلا انت قايل التوثيق ده ساهل ؟؟؟ والله لو منعتنا صوره كان عزت ينزلا لحاربناك فيها !!!! شفت اسى نطلع ليك فتوى ملزمة بانزال الصور فى نهار الاحد !! ولا نفتح ليك بلاغ بتاع اختلاس صوره عامه !! لم الصور العند الشباب كلهم فى ميلك ونزلم هنا او افتح بيها بوست تانى خاص ..

  43. الزهراء كتب:

    اب احمد: الشايقيه دي تنفع مع اي ناس لكن الاحسن يكون الشايقيون للشايقيات

  44. الزهراء كتب:

    تسلم يا ابو حمودي

  45. nono كتب:

    اصحاب المدونة لكم التحية/

    عيني باردة عليكم ؟

    حضور وتوثيق؟

    انشالله عامرين؟؟

    ربنا يديع التوااصل ………

  46. nono كتب:

    الزهراء

    كيفك يانجمه****************

    اوعه تصدقي؟

    اخبار ؟

    نعم ؟

    شنووو؟

    اقصد ؟

    النعيمية؟

    مااااااااااااعرفنا حاجة ؟

    اناشالله ماتكون في اصابات؟؟

  47. aflaiga كتب:

    نون : اصحاب المدونه ؟؟ لا اصحاب الكهف !! البسمعك بقول المدونه دى دكان !!! اول شيئ نونو الزول مالو ما ورانا اسبابو ؟؟ بعدين ما تخمينا ساكت وضحى ابنى عللى ؟؟؟

  48. nono كتب:

    aflaiga/اصحاب الكنتين

    ماقلتوا انحنا طاشين شبكة ؟؟

    لمن نجمع ؟

  49. aflaiga كتب:

    نونو : اقيفى فى محل عالى وارفعى التلفون فوق . الشبكه بتجى – احذرى الحتات المنخفضه والوقوف جنب الزنكجى !!

  50. الزهراء كتب:

    افليقا- والله دي كان جابت عربسات ختتو فوق راسا شبكتا حتطش
    دي صنفها ممتااااز

  51. الزهراء كتب:

    (/اصحاب الكنتين

    ماقلتوا انحنا طاشين شبكة ؟؟

    لمن نجمع ؟)

    نونو- عملوا ليك الرحله جنب الاقمار الصناعيه مخصوص عشان تحاولي تجمعي
    وبعد داك عملتي يتعزز الليمون

  52. خلاس شبكتا حتستعدل
    ركبنا ليها طبق زادنا
    بس أنشاله ما تقلب راديو الرابعه

  53. aflaiga كتب:

    نونو :
    طشى ما شئتى يا نونو
    بس طشى وفق القانون
    طشى متى شئتى يا نونو
    طشى فى مارشن او جونو
    بس عودى قبل اغسطس يا نونو
    فاغسطس لا يقبل بالطاشين
    فاغسطس اخر ايام المطر
    والطين عدو الطاشين
    والوقعة فى طين اغسطس يا نونو
    من اشنى وقعات الطاشين
    وسلى الزهراء عن الطش فى غير اغسطس او جونو

  54. سماسم كتب:

    أحلى قصيدة لأحلى نونو

  55. aflaiga كتب:

    شباب : والان نكتب عن رحلة الجمعه :
    كنت قد حضرت جميع الرحلات التى شهدها المدونون ( اتقول غزوات بس ) !! ولكنى بالتاكيد لم اشهد اجمل من رحلة الجمعه الفاتت وده مش لانو ام سمسمه كانت معانا !! ابدا والله بس لانها رحلة رايقه وفيها شوايقه ( غريبه مش ؟؟ ) المهم قمت صلاة الصبح ركعت وحمدت الله وقرينا الكهف يا ود الخلا جماعى مع الشفع !! عشان ما تقول ما بدينا يومنا كويس !! اها قمت طيران بالقولفاية السغنتوته خمشت الخروف والضباح الواعى عشان مايدقس يطهرو !! ومشينا البحر سوا انا والضباح ضبحنا ونضفنا الحته وسبت الضباح قاعد ومشيت جبت باقى عدة الشغل وفى السكه واحد من ناس المزاج شافنا لامين فى الخروف برانا قال لى ( معلم والله بتقوم بيهو براك ولا معاك ناس ؟؟ ) قلت ليهو براى – قال لى يا معلييييييييييييييييييييييييييم تعرف البيودر الناس شنو ؟؟ الشراب مع الجوع !! لك كده ميه ميه بس خروف ما كتير شويه ؟؟ المهم سبتو ومشيت جيت لقيت فى اجانب ملو المحل واستولو على الحته السمحه قبل ما جبرا يختار الحته الاسمح منها وطبعا عمكم عزاااااال !!
    وانا بتحاوم فى البحر لقيت لى ود وبت قاشرين اخر قشره وجايين بعربيتم على البحر واكتشفت انو الاموره هى الزهراء والود الاتغشيت فيهو هو عمك البشاوى !!!
    جاء جبرا بالقه والاسره الكريمه وغادر على عجل لظرف اجتماعى طارئ .
    اب احمد والاسره الرائعه زينو الرحله بكرمهم وحضورهم الطاغى .
    مشاكل شرفنا فى ثانى رحلاتنا بعد بوش شارع النيل .
    سماسم اعتذرت بشده عن الحضور واجلنا اللوم لرحلة شمباتى .
    د . يس كان حضورا انيقا وهو من عشاق الطرب الاصيل والذوق العالى .
    سهيل الشاب الرقيق كان حضورا بس ما بالاحمر وبكى من انغام الكاشف بدموع مخفيه !!
    الكاشف حلق بنا فى سماوات عاليه بطبقات صوته اللامتناهيه .
    وجاييكم للشرح التفصيلى للرحله قبل ما اب احمد يلصق الصور فى حنان البوست ..

  56. الزهراء كتب:

    افليقا مطر يا خطيير

  57. سماسم كتب:

    أفليقا
    (كنت قد حضرت جميع الرحلات التى شهدها المدونون ولكنى بالتاكيد لم اشهد اجمل من رحلة الجمعه الفاتت)

    أنا عرفت السر في جمال الرحلة الأخيرة لأنو الفراعنة ما حضروا

  58. aflaiga كتب:

    نواصل :
    فطرنا من نعيمية الزهراء التى ماثلت المهدى المنتظر لو لم تصل !! وبكمونيه سمسميه ابدعت فيها ام سمسمه ( طبعا الحاجات السمحه دى بناكلا لمن تكون معانا ) لانو سمسمه بتعمل حاجات اسمح من كده ما بنقدر عليها !! اتغدينا غدوه تؤكد ان الكاشف طعامة يد وصوت مع انو ادى التوكيل لاولادو !! وكان مندمج مع الغناء – اتصل بنا ابكرون وسنكل وشمباتى وغاب عنا نخير على غير عادتو – والسلاوى برضو على غير عادتو – استمعنا لفاصل من الكاش قبل الفطور وبعد الفطور وقبل الغدا وبعد الغدا وكل سته ساعات وعند اللزوم !! فشفينا وزالت الاسقام !! لمحنا بطرف عيننا اليمين الزهراء تبكى فى كم غنيه بتاعات الكاشف وتضحك فى كم غنيه ومجبجبه فى كم غنيه ويبدو ان الزهراء من عشاق الكاشف مبكيا ومضحكا ومذكرا !! مدام طارق ذانت الحضور بهمتها ومدام مهدى عادت بقوه لتجمعاتنا – برغم اللوم الراقى ..
    عبودى اكتشفت بالامس انو بتاع جبجبه انا قايلو مسنن من التسنين !! طلع لافيها !! مع حمودى ومتشاكلين .
    وجاييكم ..

  59. ((– والسلاوى برضو على غير عادتو –))
    أفلى
    عمك إتصل مرتين ياخى

  60. kreeni كتب:

    سلام للجميع
    مبروك الرحة وان شاء الله كمان دايماً تامين.

  61. kreeni كتب:

    تصحيح: الرحلة

  62. الزهراء كتب:

    تشرفت جدا بالتحدث الى ابونا حاج السلاوي الذي ما ان تسمع صوته لاول مره حتى تدرك الكرم وطيب الكلم ودماثة الخلق فيه
    واشكره على تفقده لنا واتصاله بمعشر المرتحلين وقد كان بيننا روحا اليفه زينت سماء الحضور البهي
    كريني:وين الحماس الاول ان شاء الله مافي عوجه كان دايرنا ندور ليك تاني في ناس عاطف وسعيد مافي مشكله تاااني نسوي الكتاحه!!!!!!!!
    البشاوي:نوصلك للحج ان شاء الله فقد كنت نعم الرفيق الامن لي واستمتعت بالمشوار على نغمات عيوشه والرائع جعفر السقيد-
    وبالجد افتقدناكم ياسمارنا وكان منانا تكونوا معانا عشان تكتمل فرحتنا
    عمت بشايرنا ودام الفرح لينا ضاءت ليالينااا

  63. nono كتب:

    الزهراء/

    النعيمبة/وصلناااااااااااااااااااااااااهااااااااااااااااااااااااااا؟

    لحدييييييييي الاقمار الصناعية؟؟؟؟

    تاني الرفقه المؤموووونة في شئ؟؟

  64. الزهراء كتب:

    وصلناااها يايمه وفي صحانة سمسمه عبيناها وفي ايادي مدام اب احمد ملحنااها
    وقعدنا قدام البحر واكلناها
    والرفقه المامونه مااخليناها
    ومن كل صنف اكرمناها

    رايك شنوووو؟

  65. aflaiga كتب:

    نونو : انتى بتهبشى مالك جيتى وما لقيتى رفقه ؟؟ كدى انتى تعالى والله نشوف ليك محرم مش رفقه مامونه ؟؟!!
    يا نونو لا الدنيا حر والرحله بتبرد عليك
    دى بتمها نيام …

  66. nono كتب:

    الراي رايكم؟؟

    الشووووووووووووورة ؟؟؟

    شووووووووووووورتكم؟؟؟؟

  67. الزهراء كتب:

    شووووووووووووووت في القوووون

  68. aflaiga كتب:

    نونو :
    انشاء الله يا ست البنات تّروقى وتتهنى
    وانشاء الله الاله يديكى ما تتمنى
    وانشاء الله العزيز ما يجعلك تستنى
    يومين يومين كتير نلقاكى خاشة الجنى
    خاشة الكوشه ديك سروية جاره زفافك
    يقول ما شاء الله كل المر بيك او شافك
    وكان بقى للعريس نديهو ليك اوصافك
    زينه وبت حلال قالوها كل الشافك
    قمة فى الادب خايفه الله – وابليس خافك
    خاف من التزامك وغاظو اصل عفافك
    يا نيام ما تلحقنا ….

  69. aflaiga كتب:

    الزهرا :
    مالك هابشه نونو وقالبا ليها كيانا
    بتنا ما بندور زولا يهبشو مكانا
    ارحمو فى الارض خلو السما تلفانا
    حمتك بتقوم والنونو ما بتلقيها
    احسنلك تهاوديها وتعرفى البيها
    كم كم من عواطف حمتا بتجيها
    لا بتلقى التلج لا مويه شان تطفيها

    سمسمه كلميهن قولى ليهن اصبرن
    بعد ما تدخلن الدنيا اوع تصبرن
    اصلو سعيد بجيكن منكن وين ماش
    معروف السعيد بطبعو زول هباش
    باكر بنقبض ويندق فى الكلباش
    يمرق فى الهجير تلقنو انتو دعاش

    سماسم قولى ليهن اخيرلكن فوق حالكن
    باكر بنقلب فوقكن سعيد الداركن
    تندبن الحظوظ تبكن على الما جالكن
    تسرحن البعيد ما بفوتو اصلو خيالكن
    تبقن فى المتابخ وهمكن فى عيالكن
    لا تلقن سعيد البدرى درتو وداركن
    لا تلقن روقتكن الكانت وراحة بالكن !!!

  70. aflaiga كتب:

    قال صديقى س مخاطبا زوجته بعد سنين :
    —-
    اوتذكرين حبيبتى اوتذكرينا اوتذكريييييييييييييين
    تلك الليالى الساهره اوتذكرينا اوتذكرييييييييين
    جنب الموبايل حاضره اوتذكرينا اوتذكريييييييين
    سجل الرسائل العامره اوتذكرينا اوتذكريييييين
    تلك الورود العاطره اوتذكرينا اوتذكريييييييييين
    —-
    الليله عافصه وكاشره اوتذكرين
    بتنومى من العاشره اوتذكرين
    بقيتى ناسية وناكره اوتذكرين
    صرتى غتيته وماكره اوتذكرين
    شلتينى من الذاكره اوتذكرين
    —–
    وين وينو ريدك لى ؟؟
    ووب منك واحى !!
    ….
    وبرضو تقولو لى الشقيلاب فيها تراب ؟؟

  71. حاج أحمد السلاوى كتب:

    أفليقا ..الدينمو ..
    مالك عاوز تخلينى أزعل؟ كان تسأل الجماعة أول مين إتصل ..ومين ما إتصل ,..وبعد داااااااااااك تلوم الناس ..والحمد لله عندى شهود كتااااار …أولهم أخونا وود حلتنا أب احمد والبشاوى وود المهدى..وبنتنا الزهراء ..
    معقوووووووول بس .. يا افليقا يكون فى تجمع زى دا وما أتصل اسلم عليكم ؟ لاكين ما بااااااااااااااالغت !!!

  72. البشاوى كتب:

    السلاوى
    لك العتبى حتى ترضى — اصلا ولدنا افليقا كان مركب شريحتين وما عارف ياتو شبكة الشغالة \ شريحة سمسمة تل \ وام سمسمة فون – – معقولة السلاوى مايتصل ؟ دة الا تكون مافى شبكة !!!!
    افليقا
    المهابشة الليك شنو ؟ تقول شاب واتغشيت فيهو ؟نحنا كان ما العرس والبهدلة كان تلقانا لسة حايمين فى الحدائق ومعاى أب أحمد داقين ركن
    وبعدين رايك شنو فى العكسة الموزة دى مابتكون جابت ليها كتاحة كدة ؟
    جننتونا بالكتاحة ياناس الشقيلاب ؟ انتو جنب عطبرة ولا شنو؟؟؟؟
    الزهراء
    آى النعيمية طاعمة والكسرة حلوة لكن اللغم الضربو افليقا دة كان ممكن ينفجر فى القوات الصديقة برضو — وبعدين ياشابة ايه حكاية الرفقة المأمونة دى ؟ دة ما الحج — دى الشقيلاب — والرجوع كان باللفتهانزا مرأيك فيه ؟
    سهيل لو جيت لابس التى شيرت الاحمر كان القيامى قامت —
    عزت
    الله لاجعل غيابك طويلا ــــــــــــــــــ اننا نفتقدك كلما الكاشف ترنم – وكلما يرق فلاش الكاميرا – و كلما إتصل حبيب من خارج السودان _–_ وكلما التقى الانقياء فى هذه الفانية
    استرايكر
    تسلم المدام وتسلم ياراقى — انك تعطى بعدا آخر للقاء

  73. حاج أحمد السلاوى كتب:

    أخونا العزيز …البشاوى..وكل الأحبة الحضروا الرحلة…والما حضروا ..
    شكراً لك على التصدى والدفاع عن شخصنا الضعيف أمام حبايبنا وأصدقائنا ممثلين فى الدينمو المتحرك أبو حمودى وسروية ..الذى لولاه لذهبت الرحلة مع تراب الشقيلاب ( فيكم زول كان بياكل فى الحلة ..زماااان ؟)وطبعن لأنى لم أكلمه ساعتها ويبدو إنو كان فى مهمة رسمية خاصة بالرحلة …ولكن ..ولا سيما..ومع ذلك ..وحرصاً منّا ..ومع الإصرار..ورغماً عن ذلك..ولربما ..وحيث أن..وحيثما كان ..وما سيكون..ولن نتنازل ..ونُصِر ..ونُلِح..ونطالب بإعتذار رسمى ينشر فى الصحف الحائطية للمدونات السبعة ( على وزن المعلقات السبعة )..وبعد دا كوووووولو .. يا افليقا ..صافية لبن .
    غايتو أستعدوا للقادم بقوة 70 حصان الأسبوع القادم..وربنا يستر عليكم منو؟؟دا عندو كترت حكاوى حيحكيها ليكم ..عن الحُفر الكان قاعد فيها..وقالوا الكلام سمح فى خشم سيدو ..أها يا شمباتى عملنا ليك خارطة طريق تهتدى بيها فى دولة التوجه الحضارى ..مش بقينا نصنّع طيارات كمان.؟ .حقو تشترى ليك طيارة من المنتج الجديد عشان تساسق بيها بين الفوارة … مكة … جدة ..لزوم الدعاية ..!!
    وخلونا نشوف آخرتا شنو مع … الباقين !!

  74. د.ياسين شمباتى كتب:

    الوالد السلاوى..والله لكن لقيتك بتاع دعايات كيف!!! وجابت ليها مشاوير لى (بدر) كمان !!! فعلا داير لى طيارة فى اجازتى دى!!! تحياتى..

  75. aflaiga كتب:

    اعتذار رسمى مشفوع بالحب والتقدير .
    حضر امامى انا قاضى الخوه والمشاعر النابعه من جوه – حضر السيد افليقا الابن غير الوليد للحاج السلاوى الاب غير الوالد للسيد افليقا واقر امامى بالاتى :
    * انه ومن فرط شوقه لسماع صوتكم ظن وبعض الظن اثم انك لم تتصل فى الليله ديك !
    * وبما انكم قد اثبتتم حضور الشوق هاتفيا امام وكيل القيافه الاعلى البشاوى فقد وجب عليه الاعتذار عن لسوء الظن بالسمحين .
    وعليه فقد قام امامنا بشطب الدعوى المرفوعه ضدكم للزعل بسبب الغيبه والضرر .

  76. الزهراء كتب:

    (الزهراء
    آى النعيمية طاعمة والكسرة حلوة لكن اللغم الضربو افليقا دة كان ممكن ينفجر فى القوات الصديقة برضو — وبعدين ياشابة ايه حكاية الرفقة المأمونة دى ؟ دة ما الحج — دى الشقيلاب — والرجوع كان باللفتهانزا مرأيك فيه ؟)
    البشاوي: اللفتهانزا زاااتا رفقه مأمونه وبعدين اخدنا الاذن منكم وكده
    وتسلم على الاشاده بالنعيميه وجهزوا طلب الرحله الجايه من هسي
    ولا اديكم خيارات
    يا شباب
    ولا شربنا كابي ولا شفنا كبابي

    احكما لينا يا افليقا

  77. aflaiga كتب:

    الزهراء : سهيل ده اصلو كده يعشمك بالكابى ويكب الزوغه .. طوالى يخليك تخرم اضانك وينوم بالحلق ..وحق فيه هاجر بت كباشى لى عبدو اورغن حين شراها ولا يخاف عقباها :
    عشمنى بالكابى وجهزت الكبابى
    شكيتو لى الله يما خلا جوفى عزابى
    وكل ما اقول اسيبو اربط لى هبابى
    القى اليد براها بترص فى الكبابى
    تقول كاتبنى يما وفكيهو غرابى
    اقول اقطعا معاهو واكون حيالو ايجابى
    القى القصه بايظه وارجع ليهو حابى
    ده شنو ده اصلو يما ده جن مكبوب فى كابى ؟؟؟
    وجب جب كبابينك السته ..

  78. aflaiga كتب:

    ده نص الحكم يا الزهراء اديك النص التانى :
    ابو لى بى الكابى ابو لى بى
    كابى الوجع ابو لى بى
    كابى السجع ابولى بى
    وليلو هجع ابولى بى
    كابينا ابو لى بى
    الكان لامينا ابولى بى
    والناسينا ابو لى بى
    الله لينا ابو لى بى
    ابولى بى الكابى ابو لى بى
    اها تقبلو حكمى ولا تتشربو كابى ؟؟؟

  79. د.ياسين شمباتى كتب:

    افليقا..يا قاضى السرور انت!! اريتو كل القضاة انت واحكامهم زى دى..

    الزهراء..والله الزول دا يوم بيحرد ليكم رحلاتكم دى بسبب الكابى دا..

  80. aflaiga كتب:

    شمباتى : عليك الله فى عدل اكتر من كده ؟؟؟ مش تقول لى اكسرو الجره وبعدين اقطعو راس العجل !!!
    ودى بمناسبة حردان الرحلات اديك مقوله قسمه بت الديم فى تحنيس يونس ود دغيم حين حرد قعدة الجبنه وهدد بانو تانى ما حييب البن معاهو :
    لو الكابى بيزعل خليهو وتعالا
    يا يونس شيل اجازه بس اوع الاستقاله
    اجازتك بكره تكمل وترجع لينا تانى
    بس اوع الاستقاله ده اصلو سلوك انانى
    يونس يا حبيبنا تعلا بى بن وبغيرو
    تعال انشاء الله فاضى والشايات يطيرو

  81. الزهراء كتب:

    افليقا: الله يديك العافيه عليك جنس محن ليه حق عبودي يجبجب كده في الرحله ما الشبكه وااحده وقلت لي بت الكباشي و ابو لي بي
    نحن جبنا الباشا بي انناسو ومنقتو وتاني في الكابي ماا فاضين كان جابوه مشكورين وكان ما جابوه ما ناقصين

  82. سهيل كتب:

    أب احمد : دايرين ك ا ب ي من البيع المباشر ولا حته تانيه ؟؟؟ أصلو بتاع الدكاكين ما عندو طعم ..

  83. افلايقا ازيك – شكلو الاقمار بقت فعلا اقمار
    البشاوى – وصلت الرسائل وعلم “موسم الهجرة الى الشمال فى بداياته وعقبال العودة الطوعية ماتكمل”

    تحياتنا لباقى الاخوة

  84. د.ياسين شمباتى كتب:

    استرايكر..غاتو جنس غايتو!!! لا تلفون بترد لا رسالة بتعبر!!دنيا دبنقا..

  85. فى الفايس بوك بنفتو يا ولدنا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s