نيو لوك لسوداننا ..

Posted: الإثنين,13 يوليو, 2009 by aflaiga in اخرى

فى اطار سعى هيئة تحرير سوداننا لتجويد شكل الموقع واضافة اقلام اخرى واستنطاق الاقلام الصامته نقترح تغيير شكل المواضيع كالاتى :

افليقا عن نفسو حيكون عندو زاوية اسبوعية يوم الخميس بعنوان  ( وانا ماشى قمت )  وهى لمناقشة الظواهر السالبه والموجبه  فى المجتمع وهى مساحه متاحه للاعضاء لطرح مشاهداتهم من الشارع العام سواء سالبة او موجبه ومن ثم النقاش حولها .

ستريكر عن نفسو عندو زاوية اسبوعية حينزلا يوم السبت اسمها حدث الاسبوع وبيتناول فيها اهم حدث اخبارى خلال الاسبوع ونحنا نقوم نحلل ونعلق ونناقش .

فى الموضوعات الادبية حنفرد يوم من الاسبوع ويكون يوم هادئ يتناوب فيه نيام مع بقية الادباء فى تناول موضوع ادبى من الشعر او النثر او اغنية او قصيده نقوم بتناولها .

فى الجانب السياسى والاستراتيجى حنفرد مساحه للزعيم ابكرون يقوم يتناول لينا موضوع ساحه سياسى بالتحليل والرصد وبرضو مفتوح للبقيه فى طرح مواضيع سياسية استراتيجية .

والجانب الاجتماعى ح يكون لواحدة من الاخوات تتناول لينا الظواهر السالبة والايجابية وبرضو ح يكون مفتوح للجميع للمناقشة.

اما الجانب الدينى والروحانى فهو سيكون من جانب الاخ ودالخلا ويتناول السيرة النبوية الشريفة  مع شروحات وافرة لكل المسائل الدينية.

بقية الموضوعات التى يقوم الاخوه الاعضاء بانزالها متروكه لهم حسب احتيارهم ولا تخضع لزمن معين او تصنيف معين .

ولا رايكم شنوووو ؟؟

Advertisements
تعليقات
  1. خالد مدني كتب:

    شنوووو !!!

  2. الزهراء كتب:

    (افليقا عن نفسو حيكون عندو زاوية اسبوعية يوم الخميس بعنوان ( وانا ماشى قمت ) وهى لمناقشة الظواهر السالبه والموجبه فى المجتمع وهى مساحه متاحه للاعضاء لطرح مشاهداتهم من الشارع العام سواء سالبة او موجبه ومن ثم النقاش حولها)
    افليقا: ذكرتني برنامج(الصوره دي مقلوبه ولااازم نعدلا)
    خالد مدني: حتكون مسئول من شنوووو
    الغبشه:بعد الماستر ده دايرين لينا بوست قوي كده حتى لو فيه كتاحه ما مشكله

  3. nono كتب:

    يا افليقا!!

    ده؟

    Proposal ؟؟؟

    وله موضوع منتهي؟

    مااااااااااااافهمنا حاجة؟

  4. nono كتب:

    الزهراء/

    الغبشه:بعد الماستر ده دايرين لينا بوست قوي كده حتى لو فيه كتاحه ما مشكله………….

    انتي كمان دايرين منك حااااااجةكدة؟

    كتاحة ؟؟

    كنداكة؟؟

    كترابة؟؟؟

    اييييييييييي حااااااااجة؟

    وخليهااااااااااااا علي الله؟!!!!!!!!!!!!

  5. التركــــى كتب:

    (افليقا عن نفسو حيكون عندو زاوية اسبوعية يوم الخميس بعنوان ( وانا ماشى قمت )
    ياأفليقا وفى زول بمشى راقد اللهم الا يشيلو حمار النوم …. الفكرة جميلة ومن ناحيتى ح اقرأ كل البتكبو .. اها اكون قصرت معاكم … موفقين ان شاء الله

  6. ابكرون كتب:

    سلااام : حلوه انا عن نفسي دي
    طيب انا عن نفسي ديي ( يا ابو ابراهيم) ما بقدر والله اسبوعيا…مشغول شديييد وما علي الأرض ! خلوها مره في الشهر (زي العنده ملاريا مقيمة ههههههه)..
    افليقا : انا ماشي قمت….دي زي كلام اهلنا البني عامر يقول ليك : أنا مشيت لفلان لكن (إستناني مافي)…ما عارف استناهو كيف وهو مافي في نفس الوقت …..

  7. aflaiga كتب:

    وانا ماشى قمت شفت – سمعت – لاحظت ….

  8. زووووووول كتب:

    سترايكر سلاااام
    اولا حمدا لله على سلامتنا!!!! ونؤيد المقترح بس دايرين مواضيع دسمه وكدا .

  9. حنين كتب:

    حبيبنا أفليقا والاخوة الكرام .
    سلامات وكيف أحوالكم
    والله إقتراح جميل بس حدد لينا زمن عمودك ( وأنا ماش قمت ) عشان نجيك مسخنين وناس دوااااس .
    ود الخلا فى الفتاوى والجعلية وهيييييييع .لكن عمنا السلاوى دة ماخصصت ليهو موقع جغرافى لية …

  10. حاج أحمد السلاوى كتب:

    ولدنا ..الحنين الحنين ..سلام
    إنت الوحيد اللى دايما بتسأل عن عمك السلاوى ..ونحن شاكرين ليك إهتمامك بشخصنا الفقير إليه تعالى ..
    أما موضوع الكتابة وتخصيص موقع جغرافى أو طبيعى دا نحنا لسه لم نصل إيه بعد ..ومداخلتنا دى زااااته يا لله ويامين بنقوم بيها وبطلوع الروح الواحد يخلص ليهو سطرين تلاته …وزى ما قال البروف الفاتح قبل كدا رداً على سؤالى ليهو أيام القمردينة الأول ( على وزن الجاهلية الأولى .. يا ود الخلا !! ) البروف قال الكتابة دى توفيق من الله …بعض مرات تلاقى البوست موضوعه حاااااار ومولع نار ..تلاقى نفسك ماسك الكيبورد من غير ما تشعر ونازل كتابة ..وبعض مرات لامن يكون البوست قطع ناشف ..ما تعرف زااااتو تكتب تقول شنو ..وكل بوست وليهو ناسو ..زى كل شيخ وليهو طريقتو .. موش ؟
    وبصراحة كدا لامن الكتابة تكون إلزامية بتبقا صعبة شديد …عشان كدا خلونا كدا أحرار نكتب لامن يكون المزاج رايق والبوست زاااتو جاى على هواك.. وما بنقدر نجارى الكتاب الكبار أمثال أبو الأفاليق ..وود الخلا.. والأمير مخير …ونيام والفطاحل الآخرين..نحنا ما شهادة عربية .. أو كما قال أخونا الكاشف سنكل … يا دوبك نفرق بين الألف وكوز الدُرة !!!
    – ابكرون .. “انا ماشي قمت….دي زي كلام اهلنا البني عامر يقول ليك : أنا مشيت لفلان لكن (إستناني مافي)…ما عارف استناهو كيف وهو مافي في نفس الوقت …..”
    نحنا برضو مش بنقول ..ياخ الزول دا بيتكلم ساكت ( الجماءءءءءة فى الخليج سألونا )…كيف الزول يكون بيتكلم وهو ساكت ؟
    وكلو محصل بعضو ..
    .

  11. الصادق ود البركة كتب:

    السلام عليكم ورحمة الله
    “انا ماشي قمت….دي زي كلام اهلنا البني عامر يقول ليك : أنا مشيت لفلان لكن (إستناني مافي)…ما عارف استناهو كيف وهو مافي في نفس الوقت …..”
    نحنا برضو مش بنقول ..ياخ الزول دا بيتكلم ساكت ( الجماءءءءءة فى الخليج سألونا )…كيف الزول يكون بيتكلم وهو ساكت ؟

    أضحك الله سنكم يا جماعة الخير بصراحة أضحكتوني يشدة ……..
    شكراً أفليقيا لكن أظنك قد تثقل على البعض بالالتزام الأدبي بالكتابة
    أخيرأ شكراً شكراً للأخ بكري موسي على معروف قديم نسيت شكره عليه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s