واقول يمكن انا الما جيت !!!!

Posted: الثلاثاء,14 يوليو, 2009 by nono in ادبية

أخيراً … سنلتقي يا اعز الناس ……

انه حلم جميل ربما هو حلم يقظة!!
وكأني الصباح وأنت المساء… أكتب علينا أن لا نلتقي أبداً أخير سنلتقي .. !!

يا لقلبي الصغير ….

الفرح!!!!!

 untitled

 ما لهذه الساعات بطيئة وقاتلة ؟ متى ستشرق شمس الغد ؟؟

 أغدا القاك يا خوف فؤادي من غد..!!!
أخيراً وبعد طول انتظار…هاهو موعدي يقترب .. هاهي دقات قلبي تتسارع .. تصيبني رعشة لا ادري ماكُنهها!!
أسابق الزمن .. أصل قبل الموعد بفترة طويلة ..
أراقب حركة عقارب الساعة وهي تتحرك وكأني طفله  في انتظار إعطاءها لعبتها ! ها قد حان موعدنا .. عيناي على الطريق .. جميع حواسي في لحظة استنفار واستعداد  ولهفة …لكن اين انت !! يمضي وقت موعدنا ولا اثر لك !!
هل توهمت أن هناك موعداً بيننا ؟؟هل موعدنا في يوم آخر ؟؟
هل لم آت انا…؟ آه لقلبي المسكين ينتفض كطائر حزين ولسان حاله يقول  :

قبال ميعادنا بى ساعتين
ابيتو انا وابانى البيت
اغالط نفسى فى اصرار
واقول يمكن انا الما جيت
وطالت وقفة الاشواق
معاى جنب المكان زاتو
انا ورعشة ظلال الليل
وقلبى حزينة دقاتو
وفات ميعادنا فات روح
وشال الليل حكايتو
انا المستنى فى الميعاد
وليك حبل الصبر مديت
اغالط نفسى فى اصرار
واقول يمكن ان الما جيت ؟؟؟؟

هل تخلف  الوعد ؟

 

Advertisements
تعليقات
  1. الزهراء كتب:

    ولد ده؟؟؟؟؟؟؟؟؟؟؟

  2. افانات شديدة
    (وقلبى حزينة دقاتو)

  3. الزهراء
    لكن ابداعات شديدة – طبعا ده نوع الابداع البظهر فى قمة اللاوعى عند انبثاق القمر مع هطول امطار الغسق .
    ولا شنو ؟؟؟

  4. حنين كتب:

    نونو .
    ياحليييييييييلك…

  5. سهيل كتب:

    ولا اقول ليك … تعليق

  6. سهيل كتب:

    خلي بالك الدوز النهارده قويه و العيار تقيل حبتين ..

    غايتو فاروق جويده و روضه الحاج في خطر

  7. سهيل كتب:

    يا د.عزت : عليك الله كان عندك فكره ورينا .. حبوب الهلوسه بيجيبوها من وين .. عشان كان ماعارف نلف لينا اي حاجه ” إنشاءالله صينية الكبري ظاتو “

  8. الزهراء كتب:

    استرايكر: دي خستكااات في السلم الفوقاني
    نونو: الله يديك العافيه الجماعه دي كلهم اتعودوا يدوروك
    وجاياااك يا الغاليه

  9. nono كتب:

    شباااااااااااااااااااااااب؟

  10. nono كتب:

    اقول يمكن اناااااااااااااااااااااا ؟؟؟

    المااااااااااااااااااااااجيت؟؟؟؟؟

  11. سهيل كتب:

    ششششششششششششششششششششششششششششششششششششششششششششششششششششششششششششششششششششششششششششششششششششششش

    الإرسال قاطع

  12. nono كتب:

    الزهراء/ الكتاحة/الكنرابة/الكندااااااااااااكه/ التشوفي

    الحاااااااااااااااااااالة مستعصيه!!! ادوناااااااااااااااا طله في( البرج ) الشغلة

    جااااااااابت ليهااااااا شررررررااااااان؟ علي (وزن فعلان )

    ياابكروووووووناا(حرف الشين) ده خليه؟؟؟

    الايام بتوريه!!!

  13. nono كتب:

    استريكر —–سسسسسسسسسسسهيل —-حنين——

    عمنا ودالخلاء/ لقد نكأت جرحا” قديما”…. وبرضك تسألين (هل تخلف الوعد ؟)،،،،،(الخليفة عبد الله التعايشي)

    الجميع لكم التحية …………………

    الجاني منك من تباريح الهوي وصفوووووووووووووو

    يصعب ياااااااجميل؟؟؟؟

  14. nono كتب:

    بيفك؟

    تلاصصصصصصصصصصم ؟

    الحروووووووووووووف؟؟؟؟!!!!!!!!!!!!

  15. سهيل كتب:

    اموت في الشين و حرف الشين … يا أب احمد وينك ؟

  16. الزهراء كتب:

    يستر الله يا نونو اسمها طلاسم يا بتي انا لمن بقيت دايره لي زول يفك الكود بتاعك يا ختي
    لاقيني في الفيس بوك هسي دايراك ضروري

  17. تكون دى مطرة امس ياخوانا …. ولا شال النوار ظلل بيتنا

  18. سهيل كتب:

    المطره زمان كانت بتخرب شبكه الأسلاك الأرضيه .. لكن هسي الوير لس دا مالو مع المطره .. الله لي نونو

  19. سهيل كتب:

    ” محمد معانا .. لا تغشانا” …ناس البرج لا سيمانتك لا كاسبر نافع معاهم .. كدي شوفو ليهم هاج ابكر يأمل ليهم هجاب ولا رتينزه

  20. nono كتب:

    المخبز التركي؟؟

    مرحب بيك؟؟

  21. حاج أحمد السلاوى كتب:

    نونو ..وبقية أهل الدانقا ..سلام
    كدى ورونا الحاصل شنو ..!!!
    ولاّ يمكن أكون أنا الما فهمت ؟؟؟؟؟؟؟؟…
    كولو وارد…فى عالم الشباب ..
    أدونا الكود عشان نفتح ونخش ..يمكن نفهم حاجة !!
    ابكرون … بن البرد .. بن سنكل …ابو عصمت ..الكاشف الصغير بكرى ؟ فاهمين حاجة ..ولاّ مسطحين زى الفقير إليه تعالى ؟؟؟
    -سهيل .. ورينا أقرب صينية وين ..ولاّ كولو محجوز ؟
    لاكين غايتو … جنس …. غايتو ..

  22. الزهراء كتب:

    حاج السلاوي
    لك التحيه
    النونو دي في زول شراها قامت كتبت بوست اسمو اكون انا الما جيت عشان كانت طاشه شبكه لمن شكت في روحا تكون ياربي الجات دي بت الجيران ولا جات واحده ساقت ابو الشباب مااا معروف
    نصيحه ليك يا نونو يا غاليه
    ابتعدي عن كثرة الانتظار فأنه لن ياتي اليك الا بالاستياء
    وخليك انتي المنأخره والناس منتظرنك
    ولو جيتي بدري ولقيتي زوول منتظر
    امسكي فيه عشره
    وجايااااااك

  23. الزهراء كتب:

    ويوم في يوم غرييييب

  24. nono كتب:

    الزهراء/

    لا؟

    خلااااااااااااااااص؟

    وسس وس وس وس وس وس وس؟

    يعني ؟

    في داعي ؟

    توقعي؟

    كدة لية عموووووووووووووووووو؟؟؟؟

    اصبري ليه؟!!

    يابتاعة النعيمية؟؟

  25. nono كتب:

    يا بتاعة الوصايا العشرة؟

    لقيتك؟

    حريفة؟

    الزهراء/

    وخليك انتي المنأخره والناس منتظرنك؟؟

    من هناء ورايح………….نقيف بعيد نعمل شخيت؟؟؟

  26. سهيل كتب:

    نونو : تقص و تواسي

  27. nono كتب:

    انتي يا ابو الشااااااااااااااااااااااا؟

    يابتاع المقصااااااااااات؟؟؟

  28. بشار أحمد بشار (إبن برد) كتب:

    حاج السلاوي : كان الناس بكوا…….. أبكي بس!!!!

  29. bakriMusa كتب:

    حاج السلاوي… يا راااايق انتا ..

    (ابكرون … بن البرد .. بن سنكل …ابو عصمت ..الكاشف الصغير بكرى ؟ فاهمين حاجة ..ولاّ مسطحين زى الفقير إليه تعالى ؟؟؟)

    خلينا احسن قاعدين في ( اللوج) ونجيب ترمس وكب كبيق و (ابكرون) يشرح لينا (الفلم ) ده .. اصلو قالوا بقك ال تلاصصصصصصصصصصم !!!!

    والله اقول ليك احسن ناكلوا ..باسطة !!!!

  30. nono كتب:

    عمنا بشار أحمد بشار (إبن برد)

    bakriMusa/

    خليكم من الطلاصصصصصصم/ الطلاسسسم

    ورونا رايكم في !!!

    خلف الوعد ؟

    الشنووو ماااااابعرف داااااااااااااااااااك؟؟

    واشوووووووووف بكره في الموعد؟؟

  31. ابكرون كتب:

    مساءاااات ندية :
    يا ناااس الشرق عوووووووك يا ناس الغرب عوووووكين
    بت الغني …مورودي..ووحلاني
    تااااخ ..تراااخ…كر عليها …شروووووها…الشاكوووش يا بتي حار في الراس
    عفيت منك يا عباس…
    ده كان عشية السبت ؟
    وا شريرتي..
    ————————————-
    اقري بوست عمك ابكرون في اكتوبر 2008
    اسمة ليلة السبت وشاكوش العواتك
    https://sudanona.wordpress.com/2008/10/12/%d9%84%d9%8a%d9%84%d8%a9-%d8%a7%d9%84%d8%b3%d8%a8%d8%aa-%d9%88%d8%b4%d8%a7%d9%83%d9%88%d8%b4-%d8%a7%d9%84%d8%b9%d9%88%d8%a7%d8%aa%d9%83/

  32. nono كتب:

    يعني يا فكفك ؟

    اصلووووووووووووووا؟

    الواحد؟

    مايستعين بك ؟

    خااااااااااااااااااااالص؟

    رقم دة اصلوا مابدي ليه جورج قرداحي؟

    انته؟؟؟

    ياناااااااااااااااااايم؟

    ياعاااااااااااااااامل؟

    ناااااااااااااااااااايم؟

    قاااااااااااااااااال شاااااااااااااااااااااكوش؟

    ياااااضنين الوعدي؟؟؟؟

  33. حاج أحمد السلاوي كتب:

    أخوى بشار ..
    غايتو قدر ما بكينا زى الناس ما بكوا… وقشقنا دميعاتنا..لاكين يطرشنا جنس دا ما سمعناهو..
    أخيراً قررت أن آوى إلى ركن… واشخت شخيت ..واقيف بعييييد.. خوفاً من الشواكيش والما بعرفوا شنو داااااااااك… وبقينا زى المؤلفة قلوبهم… مع نونو ..وسهيل وإخوانه .
    – أبكرون ..يا فكفك … سجمنا .. إنت كمان بقيت ضنين الوعد ؟..يخس عليك..دا ما كان العشم !!
    – نونو .. صاحبة البوست ..خلف الوعد لا يجوز شرعاً ومن الصفات الما كويسه .. وممكن يدخل الزول فى حتةً ضيقه.. ما داير أقولها خوفاً من أى نيران صديقة ..
    – بكرى …دا فيلم هندى يفكوا طلاسمه اب أحمد والأمير مخير ..وممكن نستعين بيهم عند الضرورة ( مش أى حاجة بقت عندها ضرورة .. عند…… الذى علمهم السحر )؟.
    وأكان فى زول عارف آخرتا شنو ..يعمل لينا مس كول…ونحن بنتصل عليهو …على لوم ؟

  34. سهيل كتب:

    جدو سلولو : ( الموضوع مابس باعؤؤؤض .. موضوؤؤ المويه الجوه الهود) .. بمعنى آخر .. الموضوع ما دايرلو درس عصر و مذاكره .. و كل القصه لو عاااااارفه أنا الزول الصحي ب…….ك ..

    فهمت ؟
    كان لسه مافهمت امشي احضر فلم ( عرس الزين) بالذات لمن الزين يكورك و يقول ” ياناس الحلللله الزين مكتول في حوش العمده” .. يعني صاحبنا مكسر و مدشدش في ( البرج ) قصدي بت العمده ..

    ياعمك .. بعد دا إلا نعمل ليك شربات ليمون

  35. أخخخخخخخخ
    نونو : التركى للمفروشات زورونا مرة احسن من الشرة
    برة … شكرا على الترحيب

  36. سهيل كتب:

    أبكرون : كلم د.عزت يحضر العمه و الجلابيه البيضا و مكويه عشان العقد و كده ..

    نونو : سمعتي بي . عليك الله يابا ما تقول ليهو لا
    جر ليهو الكرسي و قدم ليهو الببسي
    ما تكتر الكلام ود الناس ما يمشي … ما تقول ليهو لا
    عليك الله يابا ما تقول ليهو لا

    ————————-

    حبيبي امسك لي و انا اقطع ليك ———-

    دا يا بتنا إسمو ( علم الكنكشه) .. من كنكش يكنكش كنكيشآ فهو مكنكش ( صباع امير)…و اوع من الدقسه عشان بكره ما نقعد نغني ” في الليله ديك “

  37. aflaiga كتب:

    نونو : والله اسف جدا للتاخير على البوست وذدنا الشره شره ..
    انتى يا نونو بدل ترجيهو فى محل اتفقتو ما تقسمو المسافه !!!
    تعرفى فى زمننا ده الا تشتغلى معاهو مراقبه متحره تستلميهو من البيت وتسلميهو فى مكان اللقاء وتجى بعديهو بى شويه وتقعدى تقارنى تحركاتو مع تقرير رصدك لتحركاتو الانتى كنتى مبارياهو بيهو !!!
    وقع ليكى ولا نخلى حاج ابكرون يديمحاضره فى العمل الخاص والسرى الاستخبارى ؟؟؟!!!
    ابدى بالمراقبه المتحركه دى من البيت للكافتيريا وقابلينى بعد اسبوع نعمل ليكى فحوصات نشوف نسبة الشره فى الدم كيف .. ونكتب ليكى دوا تانى ..
    بالنسبه للعياده فهى فى شارع الدكاتره يا السته وتسلم لى انتا … انا نبطشى لى بروف ابكرون لحدى ما يجى راجع يعنى طبيب امتياز يادوب بتمرن مع بروف ابكرون ..
    وجاييك ولا تعالى انتى العياده ..

  38. ابكرون كتب:

    سهيل عزه (علي وزن كُسَير ورده):
    ياخ حرااام عليكم اختكم في وحسه استنجدت بيكم تقوموا تسوا ليها كده (زيدني في نيراني )…انصحوها ..خففوا عليها ، المؤمن مصاااب والقلب ما تواب
    وهي صغيره وجاهله وبره الشبكه اليومين ديل …ساعدوها ياخ من فرج كربة ..ألخ…
    بس انا بلومها برضو …عادة (العواتك) هم البشوكشو …لكن شوكيش (الفواتك) ده جديد وكلو من رهافة القلب والشفقة والدليل (قبال ميعادنا بساعتين) ..علي الاقل كانت تموت بيه وما تكلم زول …شيلي شيلتك مع الزهراء وسهيل والفواصل (سلولو وبكري وبشار وفلان داك)

  39. aflaiga كتب:

    ابركون : بتنا دى ما تديها جرعة بتاعة ( كشف احمالات الشره ووجود ضره فى المنهج الجاى من بره ) !! تكون عملت فيها خير كبير ..
    واعتقد يا سعادتك افضل تبدا ليها اساسيات تامين الذات من الشرات والصدمات ..
    بعدين تخش ليها على ( انتهاج التقله البديل الموضوعى لعدم الشغله ) ..
    وتعرج برضو على محاضرة ( التزام الكمده بالرمده فى حالات العملية فى النملية ) .
    وممكن برضو تديها جدعه جدعتين من محاضرة ( حياة الدامه فى الميدان تتوقف على سرعتها فى المواعده والشر ) .
    وخلى عمنا بشار برضو يديها لمحه من محاضرة ( تقدير الموقف فى ادبيات الشعور الموظف ) ..
    عليك امان الله تاخدى ديل يا نونو تانى نشوفو هو كاتب بوست عن ( ابو لى بى ) ..

  40. سهيل كتب:

    افليقا : العياده دي وين للبرج ؟

  41. aflaiga كتب:

    سهيل : انت مالك كمان ؟؟؟ ولا داير تحضر الجلسات بس ؟؟؟
    العياده شمال غرب البرج تقاطع الطيار مراد مع الجامعه غرب وزارة الزراعه الطابق السبعتاشر المهجور مكتب رقم كممممممممم ما مكتوب فيهو !!!
    نونو : اها كده كويس كلما تتاخرى فى العلاج نسبة الشره فى الدم بتذيد ولو عاوزه نعمل ليك قمسيون تمشى تتعالجى بره ممكن برضو بس بيكلف شويه ..

  42. bakriMusa كتب:

    ولّى المساء
    الواله المحزون في جنح الضباب
    وأنا أهيء زينتي
    وأعد مفتخر الثياب
    آملاً لقياك الحبيب
    يصدني زهو الشباب

    *******
    أمسي مضى بين التحسر والأنين
    ووسادتي بللتها بالدمع والدمع السخين
    مع تباشير الصباح
    وبسمة الفجر الأمير
    غنيت مثل الطير فرحى
    في رياض العاشقين

    *******
    تسري النسايم عذبة
    وأنا أهيم بلا ملال
    وتقودني الآمال في
    دنيا المباهج والخيال
    وهناك أرقد في الرمال
    ولا آرى غير الرمال

    *******
    غداً أذوب مهجتي
    في حرأنفاس الغرام
    أرنو إليك وا لوعتي
    دمعة توجج في ضرام
    أبيت أعشق في الدجى
    صوتاً ينادي بملام
    أبداً أعيش في حبه
    أنا غير أحبابي حطام
    أنا دون أحبابي حطام

    ******
    غداً نكون كما نودّ
    ونلتقى عند الغروب
    غداً تجف مدامعي
    وتزول عن نفسي الكروب
    غداً تعود مباهجي
    غداً حبيبي حتماً يعود

  43. nono كتب:

    واذلاه ؟؟؟؟

    واذلاه ؟؟؟

    واذلاه ؟؟؟

  44. nono كتب:

    واذلاه ؟؟

    يالسوداننا؟؟

  45. السلام عليكم يا أحباب

    غايتو الليلة البتشرا مافي اي مشكلة مع الجو الجميل دا………….

    سوري لي انت يابا
    كفارة لي أنا

    شراني شريتو

    و البادي أظلم

    قلنا نمشي مع الموضة بتاعت النونو و ناس سهيل باقي الحاج جرا شخيت

  46. semsema كتب:

    يا النونو : وينك ي عسل انتي لسة في الدوامة دي
    احسن تطلعيي منها سريع قبلي ما تجيب اجلك اصلك
    انتي عينك طالعة من زرت بحر اتبرة بس نسيتي
    ترميلك حجارة تشيل منك هموم الهوى وعذاباتو
    و حالك يقول مالي و الهوى

  47. الزهراء كتب:

    نونو سجمي حردتي البوست بتاعك ولا شنو
    كر على يا يمه سغيره وجاهله ما بتحمل عتاب
    اكيييد ستلتقين واعز الناس
    وحبيبك حتما سيعود
    وكان ما عاد اتعشي ونومي
    وبعدين اوعك من مواعدة البرج دي شرتا اكيييده
    خليك مع اوزون …وغرويييد العيووون………… شفيييييييييييق يا راجل
    ولو ما نفع اكيييد غيرو مليووون
    وما تكتري من فك التسجيلات عشان حروفك الابجديه الراصاها في قلبك مااا تكتر
    وبعدين تقولي سجمي قلبي دا كان شايل الناس دي كله ده قلب ولا كتيبه!!!
    وانصحك بقراءه كتاب شريتو ما شراني للكاتب المنبسط بن الموجي
    جايه من امواج وكده

  48. nono كتب:

    يا الزهراء ….

    يااخني نصحتي دة ماااااالة ……

    حاااامضة كدة؟!!!!!!!!

  49. aflaiga كتب:

    مرهخ وانا ماشى اشرت لى وحده نظام فضل ظهر قمت وقفت ( واوع تقول لى الوقفك شنو ؟؟ يعنى فى زول سالا هى الخلاها تاشر شنو ؟؟ ) المهم فى السكه اتونست معاى زى ربع ساعه لمن وصلت انا محل مفترق طرق سكتى وسكتا المهم فى السكه :
    هى : تعرف يا علاء ؟؟
    افليقا : انا عبدو عبدوووو لو سمحتى ما علاء !!
    هى : لكن يا وائل ما تمشى براحه شوية !!
    افليقا : ياخى عبدوووو عبدوو !!
    هى : تعرف يا سامى هى سجمى قلت لى منو انتا عبدوو مش ؟؟
    افليقا : لالا محاسن !!
    —-
    يا ربى دى تكون مالا ؟؟؟

  50. nono كتب:

    الكلام؟

    ده؟

    مااااااااااهو ذاااااااتوووووو؟

    ******
    غداً نكون كما نودّ
    ونلتقى عند الغروب
    غداً تجف مدامعي
    وتزول عن نفسي الكروب
    غداً تعود مباهجي
    غداً منو مابعلاف دااك حتماً يعود؟؟؟

  51. aflaiga كتب:

    نونو :
    تعرفى يا نونو يا بتنا اسوا شيئ انو الزول يعيش الدنيا دى باحساسو الجوانى !! فهمتى شنو يعنى الجوانى ؟؟ يعنى زى اللستك الجوانى بتاع العربيه !!! الواحد يا نونو يخلى احاسيسو تيوبلس !! بتعرفى التيوب لس ؟؟ يعنى من غير انبوبة احساس جوانيه عشان لمن التيوبلس يضرب يقلب انابيب !! يعنى يا نونو خلى دائما سكة رجعة ما تفتحى كل الابواب وما تقفلى كل الابواب !! تعرفى يا نونو ياختى الرجال ديل اسعلينى منهم انا ما راجل زيهم شفتى الواحد يكون مستنى متين الوحده تنقبض فى يدو ويبدا يشحتفا ليك عشان يسترد كل الهزائم القديمه والقدييييييمه خالس ..
    فى شان كدى يا نونو يا بتى اربطى هبابات للبربط ليك منشات ..
    وشغلى المذدوج الهزر للزول البيرمى ليك اشاره …
    وختى ترس تقيل للزول البيخت ليك ترس خفيف …
    وقبل ده كلو يا بتى اربطى فى ابوابك اكسس كنترول وانذار ..
    وشوفى كان تنقدرى ..
    طبعا فى نفس الوقت بكون اديت السعيدين الانتى فيروس بتاعة نصائحى دى ..

  52. nono كتب:

    ياابو احساس

    اقصد يا ابوي حمودي؟

    براحة علينا شويه؟

    حرف؟

    حرف؟

    انت عارف ؟

    الاريل؟

    كان؟

    جااااااااااايبنة؟

    في الاقمار؟

    انتوو؟؟

    كبيتوووو؟؟

    الزووووووووووووووقة؟؟

  53. حاج أحمد السلاوى كتب:

    ولدنا الدينمو .. افليقا ..
    عواطفكم قاعدة تقرا الكلام دا ؟ عشان يوروك المكشن بلا بصل .. غايتو الليلة شوف ليك حته غير الأقمار الإصطناعية ..تبيت فيها ..

  54. الغبشة كتب:

    افليقيا:وصيتك خطيره مره قلت لى كيف ما نفتح كل البواب ولا نقفلها كلها ونخلى خط رجعه
    سهيل: ((يا بتنا إسمو ( علم الكنكشه) .. من كنكش يكنكش كنكيشآ فهو مكنكش ( صباع امير)…و اوع من الدقسه عشان بكره ما نقعد نغني ” في الليله ديك “))
    وبرضو يا امم تقولوا لى العواطفات ما هينات والله هن المظلموات كان السعيدين بوصونا بكده نقع وين نحن؟؟؟؟؟؟؟؟؟؟؟؟؟؟؟؟؟

  55. بشار أحمد بشار (إبن برد) كتب:

    هييييع البوم البعجبو الخراب……يا جماعة ريدة فيها باقي روح طوالي تعملوا ليها تابوت وتشقوا الجيوب وتلطموا الخدود .
    أبركون على قول أفليقا :إنت تفلق وتداوي.
    أفليقا : حب وريدة وعواطف جياشة زي دي تقوم تجيشها وتعسكرها وتعمل ليها militarization .
    الغبشة : إنتي بتظهري مع طرق الشواكيش .
    سلولو : خليك مع أبكرون مان تو مان.

  56. ياسين شمباتى كتب:

    نونو..سلام..بالجد فكرة تضم داخلها ابداع يفوق اى ابداع..وفى كلام كتيييير ورا البوست دا…تحياتى..

    الزهراء..يا بتاعة النعيمية,,سلام كتير..

  57. حاج أحمد السلاوى كتب:

    ولدنا شمباتى ..سلام
    قالوا من لقا أحبابو …نسى أصحابو ..بس بقت عليك ..

    الزهراء ..يا بتاعة النعيمية ..سلام كتير … فهمتى حاجة من كلام شمباتى دا ؟حضّرى النعيمية وخليها جاهزة ..شمباتى راجع من منطقة تجفاف شبه صحراوية وفاقد نعيمية ..

  58. aflaiga كتب:

    مشهد صباحى :
    كانت تجلس فى الحديقه الوارفه وترسل النظر بعيدا فى اتجاه المحهول والمجهول فى الحدائق العامه اما قادم بميثاق او قادم بلا ميثاق او ميعاد كما يغنى وردى من غير ميعاد بيد ان الحاله هنا لا تنطبق على زولتنا دى لانها بميعاد تم تاخيره او اخلافه !! كانت تنظر لمدخل الحديقه وتمارس لعبة طريفه كتلك التى يمارسها العشاق الجدد وهم يقطفون صفق الورده فى تثاقل ( بتحبنى – ما بتحبنى – بتحبنى – ما بتحبنى ) وبعضهم احيانا يقصد ان يفط ورقه ويقطع ورقه عشان الفاينل ريزلت يطلع ( بتحبنى ) !!! كانت تنظر للقادمين وهى تقول ( ده هو ؟؟ لا ما هو !! ده شنو الشين ده زولى احلى منو !! ده هو ؟؟ لا ما هو !! ده شنو المبشتن ده زولى ارقى منو !!! وظلت على هذا الحال لمده طويله –
    فى الكنبه المجاوره كانت تجلس اخرى تفكر بصوت مرتفع قليلا ولنسمها ع :
    ع : غايتو جنس رخسه !! انا قاعده لى ربع ساعه وبرضو ما جا !! ده عاوز يحبنة ولا شنو ؟؟ بيكون بيجهز ليهو فى هدية وهمية بتاعة دبدوب ولا هتش المفلسين ده !! ده وقتو ؟!! اسى فى زمن تاخيرو ده كان طلعت رسوم الجامعه ومصاريف الشهر من ونستين بس !!!!
    سمعت صديقتنا التفكير ذو الصوت العالى وهمت بتريد :
    استغفر الله بنات ما بيختشن اعوذ بالله والحمد لله انا وهناى رابطانا العاطفه النبييييييييييييييييييلاااا !!!
    وفى المدخل اصرت الشخوص التى تتوافد الا يكون من بينها زول زولتنا الاولى بينما بدات زولتنا التانيه ع فى سلوك عملى ففى نصف ساعه استقبلت وودعت الكثير من سفراء العشق الذين احتفلوا معها بتدقيم اوراق اعتمادهم ووداعهم ولمن تم الايراد تحركت بخقه نحو الباب وفى طريقها للباب مرت بزولتنا الاولى وخاطبيتها :
    ع : شوفى يا هناية لو اتاخر عليكى انا عندى اتنين جايين فى السكه ده تلفونم شوفى ليكى واحد منهم وانصحك بالتانى لانو بتاع دبابيب !!!!!!
    وجاييكم …
    كسره : نونو الدباديب اوعى تابيها لانها على الاقل احسن من الايراد وانت شكلك واقعه فى دباديب الدباديب !!!

  59. aflaiga كتب:

    باقى المشهد :
    فى المساء كانت نشة اخبار الغرفه رقم 5 فى داخلية العفاف :
    * التقت السيده ع مساء اليوم بكنبتها بحديقة قدر ظروفك الرئاسية بالخرطوم بكل من الساده :
    * السيد السفير وائل الذى قدم اوراق اعتماده سفيرا للنوايا المفتوحه وقد سلم السيد وائل اوراق اعتماده للسيده ع – وقد اقيم حفل وداع فى كافتيريا قدر ظروفك شهده السيدين !!
    * السيد حماده الذى قدم اوراقه سفيرا فوق العاده للنوايا الواضحه وقد سلم سيادته اوراق اعتماده واقيم حفل وداع بنفس الكافتيريا .
    فى ختام اللقاء اكدت السيده ع على متانة العلاقات بالسيدين وائل وحماده وعلى المصالح المتبادلة بين الاطراف كما اشادت بحجم التبادل التجارى بينهم واكدت انها مستعده لاقامة علاقات متوازنه مع جميع الجوار ….
    وننقل الى خبر داخلى اخر :
    تسلمت السيده ؟؟ مهام عملها بوزارة الخارجية العشقيه بعد ان استقبلت مساء نفس اليوم ( السفير السابق ل ع ) … !!

  60. ابكرون كتب:

    سلااام
    غايتو مسكينه بتنا دي تاني ما تفضفض ليكم عام يعني ؟ كان قالت للبنوت (صويحباتها) يشبكنها …بره الشبكه… وفاطه سطر… وشنو ما عارف …أكان تجرأت وبثت ليكم همها افليقا يعملها ليها تحاليل وسفارات ووائل وكده وبتاع واشياء بتنا لا طاقة لها بها.
    ده بخلينا نتطرق (خلونا نناقش _ بتاعةافليقا) البنت تبوح بمكنوناتها ولا تموت بيه؟وهل البوح مرغوب….ولا مرهوب…. ولا جقلوب…(جقلوب دي من اخوات دبدوب) خاصة بوح البنيات

  61. سهيل كتب:

    لا .. لا ..لا لا لالا
    لا تنبش الماضي البعيد
    الم تكن لقلبي واقعا مجهولا
    لا تنكأي الجرح القديم
    فانني ودعت ليلا مظلما وثقيلا
    وحملت روحي في فؤاد ناذف
    ما زال يحمل نصفه مشلولا
    وخلعت اثواب الحداد اما كفى
    اذ صار قلبك في الهوى ضليلا
    غدار دموعك ما بتفيد
    في زول حواسو اتحجرت
    جرب معاك كل السبل
    وايديهو ليك ما قصرت
    حطمت في قلبوا الامل
    كل الاماني اتخدرت
    وكلماتو ليك ضاعت عبس
    لا قدمت ولا اخرت
    ما كنا وكت الليل يضيع
    وتشرد نجومو وتنهزم
    ويطل شعاع يكشف قلاع
    والظلمة ترحل وتنهزم
    وجفونا من طول السهر
    تلبس وشاح حرقة والم
    نستبشر اليوم الجديد
    ونقول تعود انت العشم
    كيف العشم وكتين يموت
    والغصة تطعن في الحلق
    كيف الحنين وكتين يهز لزول بعيد ما بتلحق
    كيف الرجوع لزول قنع
    شايل رفاة قلبو الحرق
    سيب الندم وانسى الدموع
    ما فات زمان ما بيستحق
    غدار دموعك ما بتفيد
    في ظلمة ما بتعرف شعاع
    اشباحا زي موج العدم
    كسر المجاديف والقلاع
    ونزلنا في طوف الفشل
    وابحرنا في بحر الضياع
    ونسينا ذكراك الزمان
    عشناها في زيف القناع

  62. aflaiga كتب:

    سهيل : قدر ده ؟؟؟ طيب ما تعمل خطوتين للخلف او الامام وتريح نفسك بدل واقف انتباه كده لمن كرعيك نشفن !!!
    اب احمد : ادى سهيل ده دفره لى قدام وانا بديهو دفره لى ورا نشوف حيقع وين ؟؟؟

  63. ابكرون كتب:

    والله لكن جنس سهيل عزه

    كيف الرجوع لزول قنع
    شايل رفاة قلبو الحرق

    كُر
    كُرين

  64. semsema كتب:

    سلام للنونو لما يتعب القليب تكبي فوقو موية
    باااااااردة تطفي نار اللهيب وتبقي تغزلي في الصبر
    وقدر مايتم غزلك اغزلي تاني وبالجبر ولابد تنولي
    ان بقى همتك دايمي وما تنسي مغزلة القدر
    وابقي زي بتنا صبرية بس ليك بطولة العمر
    دي البنيه الريده وافي
    زي غرام صبريه مافي
    زي شعور صبريه مافي
    زي غرام صبريه مافي
    رادت الناس السمر
    رادت الصفا والعكر
    رادت الموج الهدر
    ردات الحله وبيوته…
    ….,,,,…
    في عيون صبريه طلت
    ريدة الخلا للبحر
    نافري من قيلة الكرارق
    وخايفي من قولة السفر
    والرحيل السرو خافي
    في قلب صبريه مافي
    في زمن صبريه مافي
    وفي خيال صبريه مافي…..

  65. ابكرون كتب:

    وبعدين يا سمسمه قال للنونو :

    لما عادت للبيوت الكانو قبل المغربيه
    مالقت غير الزوامل شايله احلام الصبيه
    شايلي عيدان الكرراق في الصباحات والعشيه
    ضاربي بطن الوادي زفه لمت الناس والسعيه
    والمطيره الضاربي قبلي لاقت الدمعه العصيه
    والرحيل عز البوداي الرحيل وجع البنيه
    زي رحيل صبريه مافي ِ
    زي سفر صبريه مافي
    زي حلم صبريه مافي

  66. سهيل كتب:

    افليقا : الكلام الفوق دا من باب الوقوف مع بتنا نونو .. يعني نحمدالله ما حاصل معانا .. و خليك ديموقراطي و ما تكتل بي ملف ..

  67. aflaiga كتب:

    وبعدين يا ابكرون معاك ..سمسمه دى بتخش تتطمن بس وتمرق وبينطبق عليها قول ترباس :
    يا مطمنانى يطمنك .. سمسمه الله يسلمك ..
    فما تقوم تورطا فى الكلام الدقاق تقوم تقلق كمان وترفع التمامات لى اتنين وتعمل ليها سر ليل ..

  68. سهيل كتب:

    عفيت منك يا أبكرون .. افليقا دفن دقن و إستخدم الساتر و عمل فيها مصطفى سيد احمد .. ( اقول يا إنتي يا أغرق) … ولد ده

    العزيزه سمسمه : نومي قفا .. الحبه ما بتجيك

  69. nono كتب:

    الاغنية مهداء

    من فريق كيدهن؟

    الي ماما ؟؟

    وبابا؟؟؟

    وين يا ناس حبيب الروح
    وين يا ناس قلبي المجروح

    ******

    الزهر فاح
    والبدر لاح
    ذكرّني حبّي
    وعقلي الراح

    وين يا ناس حبيب الروح
    وين يا ناس قلبي المجروح

    ******

    بكيت وشكيت
    شكيت وبكيت
    بحثت .. سألت
    وما خلّيت

    وين يا ناس حبيب الروح
    وين يا ناس قلبي المجروح

    ******
    بالمناسبة انحنا حانشكل فااااااااااااااااااااالتررررررررررررررررررررن؟؟؟

  70. nono كتب:

    شنو ياالزهراء يااختي؟

    كلما سألت عليك يقولوا مشغوله

    ايه شاغلك عنى ورينى يا زوله

    مالسكه لي دربك طوالى مقفوله

    *****************************

    كان العشم القاك شنوومابعرف داك؟؟؟؟

  71. aflaiga كتب:

    شباب :
    مشهد سغنتوتى :
    هو : تعرف انا ما خليت الشاى كلو كلو مش بالله عندى اراده ؟؟؟
    صديقه : اراده كيف يعنى ؟؟ يعنى اسى ما بتشرب شاى ؟؟
    هو : شاى اصباح البيقومولو فجر داك ما شربتو سوالى شنو ؟؟ شاى بعد الفطور المع السجاره داك ما شربتو سوالى شنو ؟؟ شاى العصرية البعد الغدا الكارب داك ما شربتو سوالى شنو ؟؟ شاى المغربيه اهى اهى اهى شاى المغربيه السمح الرايق ما شربتو سوالى شنو ؟؟ اهى اهى شاى الليل البعدل الميل داك ما شربتو سوالى شنو ؟؟
    صديقه : يسويلك شنو اكتر من كدى ؟؟ اازول ارجع لى شايك ساى ما تقعد تتجرس ..
    هو : جرسة شنو ياخى والله انا عندى اراده وتانى شاى مانى داير !!
    صديقه : طيب اسىلو جابو ليك كباية شاى مدنكله بتقدر تقاوما ؟؟
    هو : ايوا بقدر انا من قلبت نسكافى الشاى بقى ما يسوى لى شي ..
    وجابو الكبايه وعارفين الحصل شنو ؟؟؟
    الحكاية فى الكبايه فى الحلقه الجايه …
    خليكم قراب ..

  72. semsema كتب:

    طبعا نحنا كسرنا تلج بي هناك في الصنايعية
    والله يا سهيل خايف من كيل الملف دا في محل وموضوع
    تاني ويبقى روحنا تاني اتشالت وما ضوقنا نوم العوافي
    وبحدثني قليبي ويقول لي يا سمسمة العهود بيناتنا مرعية
    اها الله يستر علينا ومن شغل الدكاترة وعيادات الابراج والنبطشية
    ويا عين يا عنية يا كافرة يا نصرانية اوعك تفرتقي برجنا العاجي
    وناس تانين خليهم في البرج الزجاجي عشان الطوب يسوي فعايلووو

  73. nono كتب:

    سمسمة /كيفك

    صبر شنووووو؟

    موية شنوووو؟

    والمثل المصري بيقول الايدي في المية

    ما ذي اليدي في النااااااااار؟؟؟؟

    انشالله تكوني فهمتيني؟؟؟؟

  74. semsema كتب:

    كُر علي وتاني كُر
    انا اسوي عهود وما بعرف شنو داك انت يا افليقا
    شاي الصباح دا بديك ليهو بالكباية الكبيرة عشان
    ما تدبل وتقول ما بشرب الشاي سجمي سجمي
    هسة ما قلنا يا عين يا عنية الصادك شنو تاني علا برضو
    ما في عوجااكت نضمتا كعب تسكت ويبقى انفجار تاني
    ونبقى نغني قصتنا نبرررررررررررررا ونستبرااااااا

  75. aflaiga كتب:

    وده كسير تلح بى جاى وبى غادى :
    سمسمه : وانا بهديك احدى روائع شاقر خلودى :
    انسى موضوع الدلاله ده ما بهمك
    وقت اغير اى حاجه ما بغير اصلو ريدك
    وقت اقايض اى حديده بى جديده
    ما بقايضك انتى ما انتى الوحيده
    وكيف اقايض وانتى ملكى ويانى ملكك
    واصلو ورقك ذاتو محجوز فى حياتى
    وما فى زول بقدر يوثق عقد بيعك
    اصلو سيل الريده عاتى
    لو ابيعك ابيع حياتى وذكرياتى
    وابقى اورنيك دون جمارك وما مرخص
    اصلو ورقك ممضى بى دمى وعيونى
    ما تخافى كل عام بارجع ارخص ريدتى ليكى
    مهما ذادت فى رسوما وفحص الى صعب عليكى
    برضو بتجاوز وارخص ما الولف والريده ليكى

  76. aflaiga كتب:

    سمسمه : قولى بسم الله الكركره ليكى شنو ؟؟ الكركره دى معناتا الكهربه بتاعة العربيه ذايده بتقوم تكركر اوزنى بوبينتك سريع احسن ليك لانو فى بوبينات اوتوماتيك ..
    موضوع الكبابى ده ماليك دى كبابى فيها كابى . ما شاى نحنا الشاى غير من كبايتك الكبييييييييييييييييره بنشربو ؟؟ الله يكبر كبايتك كمان وكمان عشان تبقى زى المؤتمر الوطنى وعاء جامع يسع الكل ويا الله تجيب الانتخابات كمان ..

  77. semsema كتب:

    تسلم يا قمر السبعتين الضواي
    وفيت اكان هناك ولا بجاي
    انت يادليل النمة والقوقاي
    بدعلك ديما تتهنا يا ابو جناي
    والفي مرادك ينتما وتزيب البي غما
    وتسعد بسارة وحمودي مع عبد الله تنجما
    ويا دليل فرحنا وعزة بيتنا وصحابنا وبيكا ناقصنا اتما

  78. حاج أحمد السلاوى كتب:

    الدينمو افليقا وعواطفه ..سمسمة …
    نحنا غايتو جنس دا ما بنقدر عليهو …دا شيتن تقيل شيلو برااااكم وما بنقدر نسايركم فيهو ..وربنا يكمل ليكم الحلو ويخلى ليكم حمودى وسروية ..نحنا يعد دا بنجر شخيت ونقيف بعيييييد ونقعد نقرا بس بعيوننا …ولاّ شنو .. يا شِدر الدوم الكباااااار ؟؟ ما تقولوا لينا حاجة .. حسه يا ابكرونا بتقدر على كلام زى دا ؟ كُر علينا..وكُر علينا..وكرين علينا …أزيدك ..ولاّ كفاك ؟

    – أحد خبثاء المغتربين قال .. انا ما فى شيتن مزعلنى قدر البامبرز الما لبسناهو !!!

  79. ابكرون كتب:

    ولا البيبي اويل الماضقنا حمامو ولا مسوحو….
    ولا السيريلاك الما عارفين طعمو كيف …!
    لكن والله يا افليقا ..كسار دموعك في زول هدي ورضي…
    انا كان بقدر علي جنس ده كان كل يوم ناخس الليل بقشه

  80. aflaiga كتب:

    السلاوى :
    قال مغترب كاشفى يرثى حاله بعد اكتشاف البمبرز :
    زمان تتسايل المويات بلا فرشات
    ويوم تتفرش الفرشات تكون هدمات
    اريتو البمبرز ابو لستك ابو جنبات
    وجيت جيت جيك يفك يلصق بلا وجعات
    وجيت جيت جيك يفك يلصق ويتغير
    ونحنا زمان نكابس نهرد الهدمات
    وفى الحيشان قبب مدفونه بتريبات
    واى زول عارف الركنيه بتخصو وديييك قعدات
    ونقعد ننكت الواطه حفر فى الارض ورسومات
    نفكر نحن فى بكره ونتامل نجر شختات
    وانتو الليله يا حلوين جفاف راقى واخر روقه فى الراحات !!
    شكيتكم انتو لى الله ..

  81. nono كتب:

    اكااااااااااااان ؟

    وفيت اكان هناك ولا بجاي
    انت يادليل النمة والقوقاي

    اكاااااااااااان لامااااااكان؟

    انا ؟

    اريلي؟

    دة؟

    حااااااجي؟؟

    اظبته؟

    في القماااااااااااااار؟؟؟؟

  82. aflaiga كتب:

    ابكرون : اسى الفات شنو ؟؟ السيريلاك انعدم ولا الجونسون كمل ؟؟ امشى الصيدلية واتخذ فى البيت ركنا قصيا وليك عليا ما اكلم زول بالقصه ديا ولا اشير لى زول بانو ده ابكرون عاد صبيا !!!
    الحمد لله حمدا كثيرا طيبا مباركا لما ينبغى لجلال وجهه وعظيم سلطانه ان قيض لنا لباسا من التقوى اسمه سمسمه يتارجح بين لتسكنو اليها وخلق هلوعا ونسال الله الثبات فى الهلع والحمد على السكينه وقومو الى بوستكم يرحمكم الله .

  83. aflaiga كتب:

    نونو :
    to set up your antenna
    – you must choose the right antenna group
    – you must set the antenna on a high place
    – your sending part must be
    ولا اقول ليك لمن تجى !!

  84. aflaiga كتب:

    ابكرون : بالمناسبه انتا ما سمعت بالشاعر القال :
    قشه قشه الليل ننخسو ؟؟
    حالتو كمان نحنا قافلين حمودى افليقا يعرس بت ابكرون عشان يطلعو لينا حاجه كده تقوم تطلع عزابى ؟؟وبتاع قش كمان !!!

  85. سهيل كتب:

    وانا وراك يا جدو سلاوي …. والزمن طويل—— ( قصدي الشخيت طويل)

  86. سهيل كتب:

    يا شباب : سؤال كده صغيرووووووني علي طريقة السلاوي : الرحله بتاعت شمباتي متين ؟ و الشيرنق كم و كيف و ندفعو لمنو ؟

  87. الغبشة كتب:

    شنو يا هندسه شمباتى ما بستاهل تقوم بالرحله كلها على حسابك عشان خاطره؟
    نونو:برى يابت امى حالتك بقت صعبه
    والسعيدين ما قصروا
    يا بت امى تانى لا تبوحى بشى امام السعيدين زمان كان بقولوا سعيد ماتوريه اللبن فاير ولا اللحمه نيه وهسى التالته ما تبوحى بالجواك

  88. طارق أب أحمد كتب:

    aflaiga
    ((سهيل : قدر ده ؟؟؟ طيب ما تعمل خطوتين للخلف او الامام وتريح نفسك بدل واقف انتباه كده لمن كرعيك نشفن !!!
    اب احمد : ادى سهيل ده دفره لى قدام وانا بديهو دفره لى ورا نشوف حيقع وين ؟؟؟))
    بين السين و الشين
    خطوه منك
    خطوه ليك
    راجى منك بس أشاره
    وكلمه تدينى البشاره

  89. طارق أب أحمد كتب:

    أنت يا أفلى مسود صورة البروفايل بتاعك حداد على منو

  90. حاج أحمد السلاوى كتب:

    أخونا الكاشف ابكرون ..سلام
    إن شاء الله يا ابكرون ..بعد دا ..الفاتك وما ضقتو ..كووولو ضقوا ..مافى حاجة راحت ..بس ألحق قبل فوات الأوان ..

  91. اوعى تطول البعاد وانت عارف شوقي كم
    اوعك تخلف الميعاد وتسيب لي الألم
    بستناك وقلبي خافق في لحظات العشم

    مال قلبي يا حبيبي لقلبك يهمس عتاب
    ويوصيك اوعى تنسى كل يوم تكتب جواب
    وانا كل لحظة تمر علي بقول حبيبي الليلة غاب

    حبك نار بين ضلوعي نار الشوق والحنان
    انا يا ريت لو عرفتك وحبيتك من زمان
    كان غنيت لليالي وكان صافاني الزمان

  92. حاج أحمد السلاوى كتب:

    وتانى قام أخوكم معاذ جاب سيرة البحر ..

    ويا حليلك يا صالح الضى!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s