انشاء الله ما يتني

Posted: الثلاثاء,28 يوليو, 2009 by عزت in اخرى

غايتو أنا لو في محلو و انشاء ما أكون كنت حأقول

“الكتلني و شال قرني

انشاء الله ما يتني”

14

و الا الشدره دي ……. و تخيل الاطفال الماشين عليها ديل و فرحتهم بظل في “النو وير” دا و تخيل لو كان  واحدين قاموا  لحقوها “أمات طه”

C00985218

كسرة و تعليق على الناس النضاف و جايزة نوبل التي يستحقها:

” موظف ليهو أربعين سنة و عندو سبعة بنات و ساكن بالايجار و حماتو ساكنة معاهو…

Science Magazine

تحية كبيرة للقابضين على الجمر و انشاء تخنقوا يا البتاكلوا براكم…. قرون و شجر و حاجت من دي …. و على فكرة يعتقد البعض أن في قرن “الوحيد”  أسرار زي شوربة زعانف سمك القرش الكلمتكم بيها زمان…….!!!

Advertisements
تعليقات
  1. (على فكرة يعتقد البعض أن في قرن “الوحيد” أسرار زي شوربة زعانف سمك القرش الكلمتكم بيها زمان…….!!!)

    يا دكتور – لا يصلح العطار ما أفسده الدهر.

  2. aflaiga كتب:

    د . عزت :
    بالله شوف التناقض ده يعنى الجثه الكبيره دى كووووووولها عاوزين منها القرون بس !! بالله البنى ادم ه مش دنى ؟؟ يعنى يا دكتور مافى طريقه كده يشيلو بيها القرون !! والحيوان حى ؟؟ ولا مافى زول بيفرط فى قرونو وهو حى ؟؟
    بالنسبه للشدر الناس البتحس بالشجر حقيقة هى الناس الزى ديل اما ناس السقوف الظليله المؤمنه وناس شبك الظل للباركنق ديل ما بيحسو بقيمة الشجر ..
    اها المطره دى كيف طبعا بتكون غسلت ليكم الدش بس مش ؟؟
    بالمناسبة طبعا رحلنا لى بيت تانى جوه الاقمار وعاوزين نشجرو فنصايحك عن البره شنو والجوه شنو غير سمسمه شجرتنا الظليله !!
    بالنسبه للاسرار هو فضل فيها اسرار يا دكتور ما كلو بقى معروف زمان سعيد هو البفتش فى الحاجات دى عشان عواطف اسى بقت عواطف هى البتفتش فيها عشان سعيد !!! وبكره الاتنين يفتشو فيها للعلم بالشيئ فقط ولا الجهل به !!!

  3. aflaiga كتب:

    رؤية فلسفية للصوره 1 :
    فى ظل استمراء الافريقى لمسك قرون كل شيئ ينشط الخواجه فى جزر كل شيئ !!! لو نظرنا لوحيد القرن لوجدنا دمعه سائلة على خده تعاتب الافريقى الوقح الذى باع حيوانه مقابل دولارات قليله لهذا القادم من وراء البحار يجتث قروننا قرنا تلو الاخر ولا يدرى هذا الافريقى انه بانقراض وحيد القرن سوف لن يجد وحيد القرن ولا الخواجه ولا تلك الدولارات . قاتلهم الله انهم كذلك ينهبون ما فوق وتحت ارضنا ونحن نمسك القرون !!! وهم يحلبون ويجتثون قروننا !!!! اظنه يحدث الافريقى قائلا :
    تبا لك ايها البائع بثمن بخس غدا يمسكك اخر فيذبحك الخواجه بل انت مذبوح منذ ذبح الوحيد الازرق ..

  4. aflaiga كتب:

    د . عزت . بالمناسبة لقينا فى البيت السكننا فيهو 10 نخلات وسدره اها رايك الفنى شنو نطلع النخل بره ولا نخلى النخل جوه ولا نقعد تحت السدره ؟؟
    بالله لو عندك علاقة بعالم الصيد من اجل القرون شوف لينا دراسة ممكن من خلالا الناس دى تشيل القورن بدون قتل ابقرون !!
    ملاحظة بسيطه : ارتفاع جذور الشجره دى من الارض بياثر فى انها ترتوى ولا ما بياثر وشنو الاسباب البتخليها عامله زى المرفوعه بعفريته وعاوزين يغيرو ليها اسبير ؟؟

  5. استرايكر و أفليقا سلام

    فعلا لا يصلح العطار ما أفسد الدهر لكن البكلم الجماعة منو كما لا يفوتني يا أفليقا أن أحييك على حسك البيئي المتعاظم يوما بعد يوم …

    قلت لي عشرة نخلات… طيب ما تدينا انشاء الله تسعة منهم ..

    حقيقة كثير من الشجر الكبار بينزل عروق هوائية زي اللبخ و البعض من كترت قعادوا في الواطة بتزال الأرض من حوالين جذوره و تبقى زي المعفرتة لكن برضو بتحتاج لحرص في الانتفاع من الشجرة يعني مثلا حمودي ما يقوم يرجع خلف بالعربية فيها و ما تخلي واحد حجم عائلي يتكل عليها

  6. سهيل كتب:

    والله يا دكتور عزت جنس الحاجات دي بتخلي الواحد يحزن شديد – لكن نسوي شنو

  7. aflaiga كتب:

    عزت : تعرف انا لحدى اسى شجرى فى محل كنت شغال بينقط لى اجر تقيل ومسمينو شجر افليقا بيك على وزن ماحى بيك بعدين نحنا النوبا ديل محل نقعد بنزرع شجر ونقعد تحتو نرش الارض ونولع الند والبخور ونفرش المفارش واى زول عاوز يقول اليقول شجرنا بيشهد لينا يوم القيامه انو رش برئ خالى من النيكوتين ..
    تعرف يا عزت الحكومه دى مفروض تعمل الخدمه الوطنيه تشجير اى مواطن ملزم بزرع عدد من الشجر جوه بيتو وعدد بره وعدد فى مناطق معينه وبموجب وصول الشجر لمرحله معينه يتم اعطاؤه خلو الطرف من الالزاميه لا تدريب لا صلعه لا عمليات وممكن التصنيف ا – ب – ج – يكون بنوع الشجر البتزرعو يعنى ناس ا – يزرعو نخل ونيم و ناس ب – يزرعو اركويت وفايكس سوير – ناس ج ديل يزرعو لينا قرنفل وفل ..بالله مش فكره ؟؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s