دائما يعجبني الرجل الذكي …..

Posted: الأحد,9 أغسطس, 2009 by nono in اخرى

وأنت سحرتني بذكائك  حتى فقدن كل النظم التي سرت عليها طوال حياتي  رسمت صورتك في خيالي حتى أصبحت حقيقة تداعب مشاعري… ….

تسللت إلي أعماق قلبي رغم أني  استنكرت هذه العاطفة التي اجتاحتني وكنت أقاومها بالسخرة مرة وبالعنف مرات واردد بيتي بين نفسي ماذا اعني بالنسبة لك ؟ ماذا تعني بالنسبة لي وهل أستطيع إن اجبر قلبي إن يتوقف عن النبض!!!!

 2  

لكن الواقع برز إمامي واستحوذ علي تفكيري وكتم علي مشاعري إمام ذهولي وانبهاري فلم أكن أتصور أن للاحسايس كل هذه السطوة  وكل هذه القدرة التي تجعلني اتاكد من نبضات قلبي النابض باسمك بان عاطفتي تنمو  بصمت في أعماقي

بدأت مشاعري تصحو بعد غفوة طويلة وتضاءلت  إرادتي ؟

أصبحت  عاجزة عن البوح بما في أعماقي التي تزخر بمشاعر  من أقصي شمالي لجنوبي ولا اعرف كيف اكتبها وليس لدي القدرة الكافية ولا مفردات لأعبر عنها!!!!

وإذا  علمت أن هناك من يحبك فلا تحقد عليه ولا تحزن عليه بل دعة يعيش جمال وروعة الحب ولا تفسد عليه حالة الهيام التي يتخيلها معك. وفي الغالب يمنع الحياء الرجل البوح كما يمنع المرآة  أكثر ؟؟؟

فهناك طرق مختلفة تغني عن الكلام ، وذلك عن طريق التماس بعض المشاعر والعاطفية من الطرف الثاني للتأكد منها ..قبل التصريح بها ، ومن هنا نستطيع معرفة هل الطرف الأخر يستجيب لك أم لا؟؟

 وفي بعض الأحيان قد يتحول(ال….) إلي  حالة مرضية مزمنة لا يمكن التخلص منها طول العمر …..

في الغالب  هو حالة صحية جدا للمبدع والحالم !!!
 أخيرا ستبقي صورة الحبيب في البعد دائما ندية!!!

Advertisements
تعليقات
  1. يا سلام يا نونو نحن ذاتنا بيعجبنا الراجل الذكي و المرأة الذكية و الأيام دي شايف الموضة بقت العرسان بفتشوا عن المرأة الذكية الشاطرة الشغالة و كان بقى عندها سكن كمان ما بطال عشان تقري فيهو الأولاد لمان يكبروا…..

    بس عارفة الراجل الذكي التفتيحة حيحاول يشتت بكل ذكاء لمان يشوف المشنقة دي …..

    كان تخليها ليهو مفاجأة بعدين…!!

  2. الزهراء كتب:

    صباحاتكم نديه
    الاخت نونو لك التحيه وفعلا الرجل الذكي هو دائما محط انظار العواطفات ودائما محل اعجاب الكثيرين
    د/عزت: انا ذاتي المشنقه دي طفشتني عدييل من شرف الفوز بأول تعليق.
    وكما ذكرت المراه الذكيه قد تكون في بعض الاحيان مريحه في التعامل وخصوصا في حالة الزواج فانها زي ما بيقولوا حتفهما وهي طايره وما بتتعب زوجها بالشرح وكتر الكلام
    الوووب من المشنقه دي يا نونو عليك الله اضربي لي استرايكر وحاولي غيريها انا اتلبشت منها

  3. ابو اقبال كتب:

    النونو أيتها البنت الحديقة الهائمة دائما/

    أخلفك الرأي بان الحياء يمنع الرجل بالبوح بمشاعرة الحياء من اصل المراءه…

    هذا شي مفتعل غير موجود في شخصيتة الحقيقية … أما سبب عدم بوح الرجل

    بحبه للمرأة فأعتقد انه ليس بدافع الخجل أو الضعف ….. لكن ممكن أنه يخاف من

    عدم أيصال أفكاره بصورة صحيحة و بالتالي خراب القصة من أساسها..

  4. ياسين شمباتى كتب:

    حاجة نونو..سلام..

    لك التقدير وانتى توصلى فهمك وطريقة تفكيرك الى الاخرين,وتضمنى البوست رسالة الى كل حواء ان تراجع نفسها وطريقة اختيارها للشريك الابدى..الذكاء للجانبين مطلوب,ولكن لم تحددى ماهية هذا الذكاء,وعلى ما اذكر كان هناك بوست سابق عن الذكاء العاطفى,وذكروا ان هناك انواع شتى منه,فاى ذكاء تقصدين,ام انه مجمع هذا كله؟؟

    وعبر هذا البوست ابعث اشتياقاتى واحتراماتى لحواء التى تنظرنى عبر الضفة الاخرى من النهر..

  5. ابكرون كتب:

    كر…. كر …..يالنونو
    مشنقة الحب دي ذكرتني الارملة السوداء انثي العنكبوت وتعاملها مع زوجها

    قـالي هـاك اقـوالاً مـصـيـبة كـل نـفـساً تـوجد نـصـيبا
    واليـصـيبا المـولي اليـصـيبا بالـقـدر كـم عـزَّ الـذلـيل

  6. nono كتب:

    شباب لكم التحية وشكرا علي المرور

    د /عزت ذاتنا بيعجبنا الراجل الذكي و المرأة الذكية؟

    لكين الزكاء خشم بيوت؟

    الزهراء/
    الوووب من المشنقه دي يا نونو عليك الله وحاولي غيريها انا اتلبشت منها!!

    الزهراء احتمال ماااااااايكون حبل مشنقة اديه نظرة تاني؟

    عمنا ابو اقبال /
    أما سبب عدم بوح الرجل بحبه للمرأة فأعتقد انه ليس بدافع الخجل أو الضعف ….. لكن ممكن أنه يخاف من عدم أيصال أفكاره بصورة صحيحة ؟؟

    هو كدي يقول حااااااااااااااااااااااجة بعدين نفهم مانفهم دة موضوع تاني؟

    شمباتي/

    الموضوع بتناول طريقة البوح بالحب ؟؟

    من قبل الرجل المراة؟

    والكتمان به؟

    عبركم نحي عواطفكم في الضفة لكين ماااااعرفين الضفة الغربية ولا الشرقية؟؟

  7. nono كتب:

    ابكروووووووووووووووون/

    عنكبوت شنوووو ارملة شنوووو؟؟؟

  8. ياسين شمباتى كتب:

    نونو..فى الضفتين وانتى الصادقة!!!

  9. حاج أحمد السلاوى كتب:

    نونو ..سجمنا (زى ما بقول ولدنا الدينمو أفليقا ) كمان جابت ليها مشانق ..غايتو ناس عواطف ديل لامن يزعلوا من الزول ( سعيد ) ببقن صعبات خلاس ..وإنتى شغالة لينا شوية شوية ..بديتيها بالكنبة الفاضية وعليها شوية ورود حمراء فاقعة اللون ..واتاريك شايلة حبل المشنقة باليد التانية ..الحبل دا مغلف وممكن يدى صورة القلب ..لكنه أقرب إلى….. المشنقة .

    ( أخيرا ستبقي صورة الحبيب في البعد دائما ندية!!! )
    لاكين صورة المشنقة دى حتبقى فى الخيال …زندية !!!
    غايتو … جنس …غايتو ..يا العواطفات ..

  10. aflaiga كتب:

    نونو : زوك ده ( استنيتيهو فى الكنبه السمحه وما جا – ختيتى ليهو ورده وما جا – قلتى اخير تشنقيهو انتى ؟؟ ) .. لكن اقول ليك شكلو يستاهل فى زول بيشنق النونو ؟؟ البيشنق النونو اريتو بى حبلك الاحمر القطيفه ده ..
    هو انت قايله شنو ؟ ما كل سعيد عارف انو الحبل القطيفه الناعم لمن يشدوهو بيخنق لكن برضو بيلبسو فى رقبتو تقولى شنو بس السعيد بحب خناقو !!!

  11. nono كتب:

    عمنا/ حاج أحمد السلاوى

    وإنتى شغالة لينا شوية شوية ..بديتيها بالكنبة ؟؟ الفاضية وعليها شوية ورود حمراء فاقعة اللون ..واتاريك شايلة حبل المشنقة باليد التانية ..

    كل الدروب جربتها لا وصلته ليك لا الرجعة تاني عرفتهاااااا؟؟؟

    aflaiga

    اقول ليك شكلو يستاهل….

    هووو غلباااااااااااااان؟؟؟

  12. الزهراء كتب:

    يعني يا نونو تختي الحبل في شكل قلب وهو في النهايه مشنقه؟ يايمه لقيتك شديده شدة الحرامي

  13. مشاكل كتب:

    نونو

    توسي تان تلدا

  14. يعنى يا الزهراء الحبل ده بلونو الوردى نشيلو كيف ياخ – ياخى فتحى معانا – والله ده لو ادونى ليهو اسا اقوم اتربط فيهو .

    نونو – الله يصبرك يا بت امى – وطلبك موجود والذكاء بتاع الرجل موجود بس مرات جد ممكن يكون عاملين سويتش اوف لغرض فى نفس يعقوب.
    غايتو انتى وشطارتك فى الحالة دى

    – وياانت ماتخفف على بتنا شوية ياخى .

  15. ياسين شمباتى كتب:

    نونو واسترايكر..بقيتوا عاملين زى عفاف حسن امين!! يا انتو…

  16. nono كتب:

    استريكر/

    وياانت ماتخفف على بتنا شوية ياخى؟؟

    يخفف كيف انت ربطته ليه حبل المشنقة في نص البوستر؟؟

    شمباتي/

    نونو واسترايكر..بقيتوا عاملين زى عفاف حسن امين!! يا انتو…؟

    انتووو ياناس الضفة…….؟

  17. الزهراء كتب:

    استرايكر:كان اللون الاحمر ده بيخلينا نجري وراه كان بقينا مريخاب
    والله نونو دي كان ربطت حريرة جرتق في المشنقه سعيد حيتاوق ليها ويفك البيرق, الروح دي غاليه, اقلاها كان تختو صورة قفص كان ارحم شويه

  18. ابكرون كتب:

    الارملة السوداء دي يا بنيتي اخطر انثى في العالم
    تغري ذكر العنكبوت (وهي تكبره حجما نحو 30 مره) تغريه بالتزاوج..شي رقيص وشي بخور وحوافز …المسكين بعد ما يقترب ويتزاوج تنقض عليه وتأكله ..تقتله يعني …تشنقه يعني بالحبل الاحمر داااااااك الفيه القلب رمز الحب ….

  19. سهيل كتب:

    سلامات ..

    نونو : aflaiga

    اقول ليك شكلو يستاهل….

    هووو غلباااااااااااااان؟؟؟

    دا برضو كلام .. ( جينا نساعدو في دفن ابوهو – قام دسا المخاريق)

    إنتي يا بتنا عند تلاته حلول:

    1- يا تغيري قلبك الرهيف دا و تدخلي عليهو بعض التقسيات و التعديلات

    2 – او تغيري سعيد بتاعك دا ( ودا الأسهل و الأفضل )

    3 – يا إما تغيري الموجه و تكتبي لينا بوستات عن الشواكيش و الحناكيش

  20. nono كتب:

    ابكرون

    الارملة السوداء دي يا بنيتي اخطر انثى في العالم؟؟

    انا خايفة عليك ابعد من العتكبووون؟؟؟

    سهيل//
    يااما تغيري الموجه و تكتبي لينا بوستات عن الشواكيش و الحناكيش؟؟

    كنت دايرة اخد بالحلول لكين سعبتها شديد؟

  21. سهيل كتب:

    يا عمك زمن مافي – امسك لي و انا اقطع ليك – مجازفات

  22. الزهراء كتب:

    (فلم أكن أتصور أن للاحسايس كل هذه السطوة)
    نونو
    عندك تعابير جميله وراقيه لكن فعلا الاحاسيس بتولد الابداع ولولا الاحساس لما كنا استمتعنا باشعار حسين بازرعه ولا الحان عثمان حسين ولولاها لما اتحفنا الكاشف بكل تلك الاغاني الرائعه ولولا الاحساس لما استمعنا لجعفر السقيد او الفاتح ابراهيم بشير يصدح باجمل الاشعار منمقه بجمال الالقاء المتفرد
    لك التحيه يا غاليه والى الامام

  23. nono كتب:

    عمنا ود الخلا/لك التحية

    البيصبر عليها بيلقي في النهاية،،،؟؟؟

    البصييرة ام حمد ……………… ولابصيرة من نووووع اخر؟؟؟

    والعيون العاجبة سيدا احنا برضو نشتهيها ؟؟؟

  24. سهيل كتب:

    يالرحتو طولتو – – – – علي ما سألتو —- يالكنتو مني قراب — انا وين ووين إنتو

  25. nono كتب:

    اوعه ؟

    يكون فيها؟

    كاااااااااااااااااااااااااااابي؟

    من الصباح دة علي الريق؟؟؟؟

  26. سهيل كتب:

    حتى الكابي جننتي حروف علتو !!!!!!!!!!!!!!!!!!!!!!!!!!

  27. التركى كتب:

    بدأت مشاعري تصحو بعد غفوة طويلة وتضاءلت إرادتي ؟

    فى اللحظة دى بالذات المعاير ماليها قيمة سواء كان ذكاء او قبح …. وأعتقد انو الانسان فى اللحظة ديك ببادر ويفصح عما بداخله سواء كان ولد ام بنت اما طريقة الافصاح فلكل مقام مقال …. مع التحايا

  28. قرن شطة كتب:

    الاخت نونو …قرات المقال او الخواطر او يسمى ما يسمى فهو جميل فيه تعابير صادقة ونبيلة وبعضها سيريالى محبب… ام الحب سيد الحكاية وما فيها فمعظمه وهم وتخيلات وخيال الرجال محدود وحتى معروف حيال الطرف الاخر، اما البنات فهن اخصب خيالا واكثر غرقا فيما بسمى بالغرام والحب…على كل فى كتاب جميل وطريف يتحدث عن الحب واحواله لابن حزم الاندلسى يسمى – طوق الحمام – كان لقيتى اقريه وسوف تستمتعى وتندهشى فى ان…دمتى

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s