دعوة افطار

Posted: الإثنين,24 أغسطس, 2009 by ياسين شمباتى in إجتماعية

الاحباب داخل ربوع الوطن الحبيب..سلام وشوق..

اتشرف بدعوتكم لتناول الافطار معى غدا بدارى التى ستعمر بوجودكم وزيارتكم لها وذلك يوم غد الثلاثاء رابع ايام رمضان المعظم..

وننوه الى انه توجد مواصلات بعد العرض..

كما نبشركم يالعديد من المفاجآت السارة..

الاحباب خارج الوطن المغلوب على غربتهم..سلام اكتر وشوق اوفر..ساعدونا بالدعوات وبطلوا الحسادة..ويارب تتلموا فى السمح..وافطارنا محضور بيكم..

ملحوظة : الاعذار(غير الشرعية) ما مقبولة..

 

Advertisements
تعليقات
  1. خالد مدني كتب:

    قوووووول واحد

  2. حاج أحمد السلاوى كتب:

    الدعوة مقبولة …,الحسادة ما بنخليها …أكان عجبك!!!
    شمارات : المفاجآت السارة دى شنو ..يا ربى ؟ غايتو بنصبر لحد يوم الجمعة الجامعة والدعوة العند ربها سامعة …
    نجى بجماعتنا ( عواطفنا ) ..ولاّ عزابة …سااااااكت زى كل مرة ؟.
    طلب سغيرووووونى ..يا شمباتى …جيب لينا معاك نعيمية مجففة .
    كسرة اصغر … ودالخلا راجيك بالعكاز فى المطار ..عاد وين عاد ؟

  3. ياسين شمباتى كتب:

    الحبيب خالد…واحلى اول..ربنا يشفيك ويبرئ جرحك..

    الوالد السلاوى..حسادتك مقبولة ومردودة ليك باذن الله..والدعوة عامة وعائلية بشدة,ما تجونا فرادى..النعيمية حليل ستها..
    بعدين ودالخلا خبارو راجبنى بالعكاز!!؟؟ الموضوع دا نشوفوا بكرة باذن الله..

  4. ودالزبير كتب:

    قووووووول إتنين

    شمباتي والحبان

    رمضان كريم

  5. حاج أحمد السلاوى كتب:

    شمباتى …تصحيح ..
    أنا اقصد ودالفتيحاب ..الراجيك بالعكاز ..وليس ودالخلا ..
    نعتذر للخطأ الطباعى للكل .

  6. ياسين شمباتى كتب:

    ود الزبير..سلام ومرحب بالتانى فى شكل الاول..بس اوعى من التالت!!

    الوالد السلاوى..طبعا انا كنت عارف كدة,,بس حبيت الاوع..

  7. ودالفتيحاب كتب:

    معاهو سكين ضراع رايك شنو

  8. مُخير كتب:

    مشكور ومأجور يا الحبيب
    دعوة مقبولة بس دارك العامرة دي وين في شمبات الأراضي ولا الحلة ولا في الخرتوم ولا أم دُر ؟؟؟؟
    عموماً أينما كانت جاييين بس كثّر لينا من أم جنقر والأنقارة وملّاحة ملانة ود ميسر “الكّول” !!؟؟
    ما في طلبات تاني لكن الكلام واقع ليك ولا نلتمس ترجمة على الشريط، باقي لي ما كُل ناس البحر بيعرفوا مطلوباتنا الرمضانية بس راجع شوايقة كردفان لتوفير اللازم في حينو، وتسلم.
    قال المصطفى عليه أفضل الصلاة والسلام “من فطر صائماً كان له مثل أجره غير أنه لا ينقص من أجر الصائم شيء” الترمذي، بارك الله في رزقك ورزقك رزقاً حلالاً مباركاً طيباً بغير تعب ولا مشقة آمييييييييين ثم آميييييييييييين

  9. سهيل كتب:

    يعني ما نتسحر ..

  10. يا سهيل امباريح ولا الليلة مانتسحر – بعدين صاحبك كاتب فوق – توجد مفاجات – غايتو عليهو محن ولدنا ده.

  11. aflaiga كتب:

    قول واهد .
    فطور شنو يا شمباتى ؟؟ طيب الناس العندها اعذار دى تتغدى وين يعنى ؟؟ نجى بدرى ولا نقعد بعد الفطور فطور وغدا وعشا ؟؟

  12. ياسين شمباتى كتب:

    الحبيب ود الفتيحاب..ما كان دى صورة نزلناها فى المنتدى,,وانت وقت خايف من الفضايح كسرت الشغلة مالك!!؟؟ شوق ماليهو حدود..وسكينك دى بنلقى ليها مخارجة..

    الحبيب مخير..بارك الله فيك,طبعا فى ناس لى يوم الليلة مفتكرين انو انا من شمبات,بس انا ساكن جبرةة مربع (9) جنوب غرب جامع بلال..والوصف واضح وما بتوه..لكن طلباتك دى الا نرسلها لى قسم الترجمة بالهيئة الاسلامية للاغاثة,,شئ عرفتو وشئ غاب عنى..

  13. ياسين شمباتى كتب:

    سهيل..انت من زمن السحور؟؟ وين الكابى؟؟

    استرايكر..يعنى ما عارف!! وكمان توجد مواصلات بعد العرض..

    افليقا..العندو عذر دا منو!!؟؟ وعذرو دا شرعى ولا….؟؟مرحب بيك فى اى وقت وكل وقت..

  14. nono كتب:

    بقولووووا الغايب عزرووووا معااااا..

    شباب رمضان كريم ربنا يعنا علي صيامة وقيامة يعتق رقابنا

    (شباتي) ربنا يتقبل ….

    والرفقة المؤمووونة حقتي في قاهرة المعز (الزهراء المرطبة)

    اهاااا يا شباتي النعم اقصد النعيمية اخبارة شنووو؟؟

    اخر الاخبار حاااا يرسلوها ليك D…H….L لي يعني

    ماااحاينووووموا بالموضوع؟؟

  15. سهيل كتب:

    يعني خلااااص الود مفتح ( انا ساكن جبرةة مربع (9) جنوب غرب جامع بلال..والوصف واضح وما بتوه..)

    اولآ : بيتكم شمال غرب جامع بلال ..
    تانيآ : إنت مش عارف إنو ناسنا ديل بحبو العضه .. ياخي وصف ليهم ب (دعبل) بتاع الباسطه

    تالتآ : بركه الجبتا لينا عبدو مارق ..

  16. الزهراء كتب:

    الاخوه الاعزاء شوق خرافي
    رمضان كريم عليكم
    العزيز شمباتي
    الفطور فاتني عديييل
    وزي ما قالت نونو الغاليه النعيميه ممكن تجيك بالارامكس لو حبيت
    وانا الليله سأنضم لحساد الخارج – وان شاء الله تتلموا في ساعات الخير
    نونو
    لك التحيه يا غاليه وياريت تنضمي لسرب الافطار وتستمتعي باللمه الظريفه دي

  17. ياسين شمباتى كتب:

    نونو..زايغة يعنى؟؟ ما مقبولة منك,,كدة (شباتى) حيزعل عدييييييل كدة..

    سهيل..والله لجمتنى تب,طبعا اخوك تعبان شديد فى الاتجاهات الجغرافية دى,عشان كدة بعتمد على (يمينك وشمالك) بس..انت عاد دعبل دا كاسر فيك ضلعة..

    الزهراء..عملتيها ظاهرة..يعنى حتى مع السلامة مافى؟؟ نعيميتك ما دايرنها بعد دا..

  18. الزهراء كتب:

    شمباتي: لك العتبى حتى ترضي لكن انت ونونو شاهدين على انو السفريه جات مستعجله الله لا جاب زعل واهو نونو تحاول تجي بالنيابه عني

  19. nono كتب:

    الزهراء رمضان كريم

    يعني (عملتها) مااامشكلها انشالله تكوني زرتي السيدة زينب سيدنا الحسيبي زي المصرين بقولووووا ؟

    (شرم الشيخ)….

    يانعوماااا عوماااا عومااااا (اللهم اني صائما)

    النعيمية ده في رقبتك ؟؟

    يمكن انحنا عندنا حاجات تانية حاميني وديناااااهها

    وخلااااص؟؟؟

  20. ياسين شمباتى كتب:

    الزهراء..ما عليك..

    نونو..اها بقت عليك جية ونعيمية,لكن بعفيك من النعيمية,,ابقى مارقة..

  21. nono كتب:

    واشريريييييي؟؟

    ابقي مااارقه؟؟؟

    سهيل رمضان كريم ؟؟

  22. سماسم كتب:

    أوعك يا نونو تفضحينا أظبطي النعيمية كويس وجيبي لي حبة منها أضوقها ليك قبل ما تمشي عشان أديكي رأي فيها

  23. رمضان كريم يااخوان … تصومو وتفطرو على خير ياررررب …. فى البداية أعذرونى لانى لسه ماقادر ارد على كتاباتكم بهناك وان شاء الله نتقابل عند دكتور شمباتى ونحل المشكلة دى الليلة …. يادكتور اها نجيب معانا الشطة كالعادة ولا نجى ساااااااى … لكم التحايا والامانى العذبة

  24. الزهراء كتب:

    نونو لو غلبتك اديني مسكول اوريك الخلطه السريه للنعيميه

  25. و معاكم من بحرى
    الصادق ود بركه
    أسد الخلا الورار ود الخلا
    أب أحمد

  26. ياسين شمباتى كتب:

    نونو..خبارك بتندهى فى سهيل؟؟ يلا يلا..

    سماسم..تغشيك ليها !!؟؟ انتى بقيتى ما جاية خلاص؟؟؟

    الزهراء..يا ابلة نظيرة انتى..

  27. ياسين شمباتى كتب:

    الحبيب التركى..تعال سااااااى,وجيب المدام..

    الحبيب طارق..مرحب بى بحرى ورجالها..لكن مالك حرقت المفاجأة؟؟ ومشاكل دا ما حاسبو ولا حقارتك دى شنو يعنى؟؟

    مشاكل..ما عليك ياولدى,,عشان صغير وكدة..

  28. ياسين شمباتى كتب:

    افليقا..شنو يعنى؟؟صحصح البشاوى راجيك من قبيل..

  29. ودالزبير كتب:

    كان إفطاراً محضوراً

    سأبدأ من الآخر

    المفاجأه كانت في حضور أخونا وحبيبنا الكناني ولا أذيع سراً لو قلت إن الكناني من أقرب الناس لقلبي هنا رغم حبي للجميع لكن يظل الكناني وزوووووول من أوئل من عرفتهم وأستطونوا سويداء القلب لذلك كانت سعادتي غامره بمقابلته للمره الأولى رغم معرفتنا التي اقتربت من الثلاث سنوات .. كان حضور الأخ الصادق ودبركه هو الآخر مفاجأه جميله وكذلك تشريف الأخ التركي الذي نقابله للمره الأولى وهو رجل يتحب من أول نظره ..

    نعود لقائمه الشرف وكالعاده كان الأستاذ الفاتح جبرا وأسرته الكريمه وعزت بقاريتش وود الخلا وسهيل و|أفليقا وإسترايكر وخالد مدني والبيشاوي وطارق أب أحمد وود المهدي وزوووووووول ومشاكل وكما أسلفت التركي والصادق والكناني …

    أكرمنا يس شمباتي أيما كرم وإستضافنا مع أسرته المضيافه فأعجبنا الحال ختى صلينا العشاء والتراويح بمنزلهم العامر فلهم من الشكر أجزله

    شباب لو نسينا زول يعف لينا العتب على الكبر

    ورمضان كريم

  30. نسيت نفسك بس لكن ما مشكلة يبدو من حلوى اللقاء و حرارة شطة التركي… أريتا شطة (حبيبك)…………..

    كل عام و الجميع بألف خير و عافية

  31. السلام عليكم يااحباب … فى الحقيقة كانت لمة مامنظور مثيلها … ناس تلاقيهم تانى مرة وتتمنى انك تكون معاهم على طول وناس تلاقيهم لاول مرة وتتمنى انك تلاقيهم مرة تانية وفى فرصة أرحب …..

    د. شمباتى : لك الشكر اجزله على اللمة الظريفة والضيافة الحسنة دى (ان شاء الله فى عرسك) وسلامى للاخوان.

    ودالزبير : شكرا ليك ياغالى على الاطراء والكلام البنقط عسل دا … دا بس من ذوقك الرفيع واتمنى ان اكون عند حسن الظن.

    د. عزت : تسلم ياراقى بس انت انتظر شطة الضحية كمان.

    زوووول : موضوعنا لسه ماانتهى ولنا لقاء قريبا وياريت لو عملتو موضوع نقاش هنا .. لك التقدير.

    ود الفتيحاب : ماعارف اقول ليك شنو ولا شنو بس اتوصى بشمباتى دا لانه معدن نادر بالجد.

    الشكر الجزيل لكل الاخوان على حسن استقبالهم لى وياريت اقدر على جزاكم خيرا مما فعلتم .
    مع حبى واحترامى

  32. ياسين شمباتى كتب:

    الاحباب اخوانى واخواتى وآبائى….سلام من الله يغشاكم ويزيدكم بركة والقا وتوهجا..

    لقد شرفتمونى واكرمتمونى بحضوركم الانيق الذى اضاف الى سنى حياتى سنيا أخر,ولقد هيجتم فى الشوق والحنين لديارى وانا لا زلت بها..ولكنها شيمتكم منذ ان عرفناكم..

    طيعا زى ما ذكر ود الزبير انو المفاجأة كانت حضور اخونا وحبيبنا الصادق ود البركة الذى يقضى آخر ايام اجازته بالسودان قبل عودته للمملكة العربية السعودية,ايضا حضور حبيبنا وقريبنا امير الكنانى الذى لم نره منذ عام ونصف على ما اعتقد,,وكان من المفترض ان يحضر كل من كرينى وبروسيسور لتكتمل اللوحة,لكنهما لم يحضرا لظروف لا ندرى عنها شيئا..كما حاولت الاتصال بالحبيب السعيد لكنى لم اوفق..
    ثانى المفاجآت اكتمال اوراق الجمعية الخيرية وقرب تسجيلها لتزاول نشاطها من جديد..
    ثالث المفاجآت ستفصح عنه الايام المقبلات,,فترقبونا وخليكم قراب!!!!!

  33. ياسين شمباتى كتب:

    كما كان معنا عبر الهاتف كل من عبدوش حبيب الملايين وحاجة نونو والغبشة والزهراء..اما منبرش الذى اختفى قبل سنة او يزيد فقد عثرت عليه امس بين خبايا الفضاء الاسفيرى وهو يبثكم تحاياه واشواقه..

    اما ناس جدة فحسادتهم بانت وعملوها وااااضحة..لهم الشوق والحب..

    العزيز ودالخلا..والله ضحكتنى بى وصفك دا,وفعلا اليوم الشارع بقى ما بتمشى الا بى مراكب..لكن تفسيرك لبيت الشعر دا كوم براهو..بارك الله فيك..

    ود الزبير..وجودك اضفى للجلسة بعدا آخر,فانت دوما الغائب الحاضر..

    بقاريتش..التوثيق وينو؟

    حبيبنا التركى..ربنا يحفظك ويديك قدر نيتك البيضا دى..شرفتنا والمدام..

  34. الكناني كتب:

    د. يس لك التحية وربنا يكتبها في ميزان حسناتك
    حبيبنا ود الزبير ( سعدت بلقاءك جداً)
    اخواتي الكرام كل من التقينا بهم بالامس ( اسعدني لقاءكم)
    اشكر الاخ الكريم ود المهدي الذي تكرم بالاتصال بي لحضور الإفطار ولقاء الرهط الفريد والعقد النضيد، سعدت وبلغت ذروة النشوة الانسانية بلقاء الاحبة الفاتح وصحبة بزعامة ود الزبير والله انا نحبك كما تحبنا واكثر، اسعدني ان اقوم بواجب العزاء للحبيب زوووووول (ناقصة واو) في وفاة والدته تقمدها الله بواسع الرحمة والمغفرة واسكنها الفردوس الاعلي من الجنة.
    غاب عنا الانفراد بولدنا افليقا عندنا باقي قصة ما تمت ، لنا لقاء

  35. ياسين شمباتى كتب:

    الحبيب كنانى..عليك الله ما تنقطع..

    الحبيب طارق..عملتها ظااااااهرة!!

    برضو اتصلت على حبيبنا د.محمدحسن لكن ما رد,,وماعارفو الحاصل عليو شنو..

  36. زووووووول كتب:

    الاخوه سلامز (داير مشاكل )
    اولا اسال الله ان يجزى من كان سببا فى هذا اللقاء خيرا .
    كانت ليله ولا كل الليالى اعادتنا الى المربع الاول وهو مربع الرحلات الاولى فى الجريف وفى دار عزت حينما كنا ناتى بدافع الشوق الجامح لاخوتنا قبل ان يصيبنا ملل دكتور عزت .
    حضرها البروف الذى تاه هو واهل بيته فى مياه ورمال حلتنا (جبره ) وحضرها اخرون على راسهم اخونا البركه الذى يشبهنا تماما وهو منا ال المدونه والقمردينه . كما تشرفنا بلقاء التركى الذى نقض غزله من بعد قوة انكاثا وفشان ما تمشوا ويمشى التركى بعيد فقد كان التركى اسدا متزوجا باثنين لكنه نكص على عقبيه بحسابات تخصه لم يفصح لنا عنها عندما حاورناه حول موضوع التعدد الذى يجده فى موضوعنا تعدد الزوجات ترف رجال ام ضروره حال وفى موضوع الدكتور عزت كدى النقول ضرورة حال .حيث حضر حوارنا ناس( الكسره ساكت) ود الزبير وعزت واب احمد .
    كما كانت فرصه للقاء اخيار حسبناهم ووجدناهم الكنانى وود الخلا ومشاكل وسهيل واب احمدوود الزبير وافليقا وسترايكر ومدنى والمهدى .
    المهم لم يعكر صفو الليله الا ان شمباتى الذى وعدنا بتوفير المواصلات لم يتمكن من توفير شوارع ترابيه لنمر عليها بسياراتنا وارجلنا وما عارف الليله يكون الحصل عليهم شنو .
    كسره : مستعجل شويه وجاييكم بالتفصيل خليكم معانا

  37. زووووووول كتب:

    البشاوى سلااااااااام
    يبدو اننا نسيناك لانك لم تفعل فى صينية شمباتى ما فعله الزووول وسهيل ومشاكل وود الزبير وانشغلت عنا ببرنجيه من ابو كدييييييييييييييييييييييييييييس لك العتبى ولكل من لم تسعفنا الذاكره لتذكره .

  38. ياسين شمباتى كتب:

    الحبيب زوووووول..مافى مواصلات؟؟ نان انت رجعت كيفن!!؟؟ عالم ما بتختشى..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s