التلاتا ماركتنا

Posted: السبت,12 سبتمبر, 2009 by استرايكر in رياضية

فجر الهلال جام غضبه وسحق المريخ بثلاثية ولا احلى كل هدف يحكي عن قصة كان بالامكان ان ترتفع لاكثر من ذلك لولا كرم لاعبي الهلال وتساهلهم مع الكثير من الكرات داخل الصندوق.
* وحتى السيطرة والفعالية منذ البدايات وبعد الهدف المبكر في الشوط الاول كانت فرحة التاهل والصعود مباشرة لنصف النهائي التي تاكدت بثنائية ولا احلى.
* وللأهداف الثلاثة قصص وروايات وحكاوي نقف عندها بالتفصيل.
* ديمبا، ألم نقل لكم انه يعرف المريخاب ويعرفونه جيداً وسبق ان سجل في شباكهم في الكونفدرالية بدل المرة مرتين وانه مؤهل للتسجيل في هذا اللقاء شأنه شأن الكثيرين من اصحاب الحساسية تجاه الشباك.
* وهدف عمر بخيت اكثر من رائع ، وليست هي المرة الاولى التي يسجل فيها في شباك المريخ منذ تسجيله في الهلال ، هدف عمر بخيت كان قذيفة مدوية بدأت بلعبة مرسومة من الطرف الأيمن سيف مساوي وانتهت عند المايسترو هيثم مصطفى الذي مررها للمعلم ليرسلها مدوية في الشباك لا ترد ولا تصد.
* ألم احدثكم عن ضعف حارس المريخ حافظ في القذائف والكرات المسددة من خارج الصندوق؟
* ونفس الأمر والحال مع الهدف الثالث لايفوسا وياله من هدف بدأ من الطرف الايسر هذه المرة ومن تمريرة سا سا سادومبا الرائعة علي مشارف الصندوق. وخط 18 كانت تسديدة قوية ومباغتة في سقف المرمى فشل حافظ في اللحاق بها وابعادها لتسكن الشباك وتشعل المدرجات  وتسعد الأهلة وتغيظ المريخاب.
* وما ادراك ما ايفوسا لاعب المريخ السابق والذي سعى البعض منهم لافشال انتقاله لكنه وقع في النهاية وجاءت علامة النصر وفرحة الهدف بطريقته وهو يشير لذلك بعلامة النهاية.
* وكم كان صادقا ميسي الكرة الافريقية والهلال ايفوسا ، وهو يرفض تشبيهه باي لاعب حتى لو كان وارغو والحمد لله انه شارك بالامس واعطيت له الفرصة الاخيرة ولم يفعل شيئاً ،بل ولاول مرة في عهده هؤلاء المحترفين النيجيريين الثلاثة كلتشي – ايداهور ووراغو يتجرعها المريخ بثلاثية ومن داخل المقبرة الهلالية.
* ولايزال هنالك باقي حديث من ايفوسا وعن ايفوسا، فالكرة ملعوبة من خارج الصندوق وألم احدثكم بان شباك  حافظ يمكن ان تهتز بمثل هذه الكرات وطالبنا لاعبي الهلال بالتهديف فسكنت الكرات الشباك وفي النهاية حافظ لايسأل وحده فدفاعه كان مفككاً والباشا عرفها وخارج نفسه مبكرا ووسط المريخ كان تائها بدليل ان الاهداف جاءت من القادمين من الخلف وعرف كامبوس المدرب العالمي المدريدي كيف يكثف لاعبيه في هذه المنطقة الخطرة ، منطقة المناورة والمحور وبناء الهجمات والمراقبة  وياله من مدرب أكد شطارته.
* وحلول مازدا لم تكن في ابعاد ثلاثي الاحتراف الخيبان ايداهور وكلتشي ولاسانا فالبدلاء بقيادة المخضرم العجب ووارغو ابوعمرين وسعيد السعودي لم يفعلوا شيئا.
* صدقوني الهلال بالأمس لعبها على طريقة المنتخب الغاني وعلى طريقة البرازيل وعلى طريقة البرشا وعلى طريقة المان وعلى طريقة شيلسي وعلى طريقة الانتر باقل مجهود وبمستوى كان يمكن ان يكون افضل من ذلك بكثير وأكبر لكن يبدو ان البرنس ورفاقه ارادوا للمباراة ان تستمر وتكتمل وفي كل مرة كانوا يعطون المريخ عشم باكر حتى يجرجروه للثلاثية وصافرة النهاية.
*  الحق يقال ان قلق لم نشاهده ولم نحس به الا مع الهدف من الكرة الثابتة وظني ان لاعبي الهلال والحارس المعز استهانوا به وانشغلوا بمدافرات وارغو الذي دخل بديلا ربما يكون لمثل هذه المهام المناكفات وادعاء الاصابة والتمثيل على الحكم  وشغل لاعبي ومدافعي الهلال بعيداً عن الكرة.
*ربما يكون هدف المريخ حكمة للهلالاب بعد طرد الباشا وبعد ان قذف بعض المريخاب الملعب بالقارورات  والكراسي حتى تكتمل المباراة ولو ارادوها نظيفها لفعلوها.
* فاجأ كامبوس الجميع برأس حربة واحد سادومبا ورغم ذلك كان مراقباً بثلاثة مدافعين من المريخ ولم يتركهم يهدأون طيلة زمن المباراة وادى  ٠٩ دقيقة بمستوى احترافي مميز وصنع الهدف الأخير الذي اكد ذيلية المريخ صاحب الشكاوي الفالصو في المجموعة.
* وجد مهند الطاهر أكثر من فرصة للتهديف والتسجيل ولكن تسديداته طاشت وضل بعضها الطريق للمرمى وبعضها الآخر جاء ضعيفاً. ومهند الطاهر واداءه امام المريخ في السنوات الأخيرة اصبح محل استفسار لماذا لايعيدنا لتلك الأهداف الرائعة كما توقعنا ، ونتمنى ان يعود في المباريات القادمة.
* مباراة الأمس اضافت ملاحم إضافية لطرفي القمة سيتصارعان على الممتاز وكاس السودان وبعد ان ضاعت الافريقية على المريخ والممتاز ربما تعود ريما لحالتها القديمة وبطولتها الوصيفة هذا اذا تفضل الهلال ورفاق سادومبا والبرنس عليهم في هذا الشهر الفضيل حتى لايخرجوا من الموسم بدون حمص.
* لقطة المباراة في الكرة الثابتة التي سددها البرنس وابعدها حافظ باعجوبة.
* الم اقل لكم بان علاء الدين يوسف سينسي الدافي الكرة وكان له ما اراد لعب معه ببردود شديد لاول مرة، وسعد الهلال بمستواه ومسئوليته وقد توقعت ان ينال الدافي انذاراً أو يطرد فنال الأنذار  وسيغيب عن اللقاء الاخير للمريخ والامر سيان ومن الهلال سيغيب حمودة وعمر بخيت وربما المعز بالكرت الثاني، وربما يكون في ذلك خير كاستراحة ليدخلوا بعدها نصف النهائي بعد تأهل الهلال الذي تأكد بالدليل القاطع بصرف النظر عن اي نتائج تنتهي عليها بقية المباريات  وتبقى مباراته الاخيرة امام زيسكو لتحسين المراكز وتأكيد الصدارة.
* كابوندي يحتاج للمزيد من المشاركات المحلية والزج به من البداية لم يكن في محله وقد تعرض الهلال من ناحيته في الشوط الاول لهجمات خطيرة كاد من احداها ان يفقد المعز عندما اصيب في احدى العرضيات.
* وضح ان ديمبا اسد في الدفاع ومهاجم مرعب عندما يتقدم بالهجوم مع الكرات الثابتة والعكسيات.
* امبيلي بعد دخوله كنا نتوقع منه اهدافاً خاصة ان دفاع المريخ (داخ) وبلغ قمة التعب. لكنه مال لصناعة اللعب ، حرك الهجوم وقلل من طلعات الطرف الشمال موسى الزومة.
* تأهل الهلال بالعشرة وغدا نتابع لقاء كانو وزيسكو لمعرفة من يرافق الهلال وفرص كانو هي الأكبر لكن دافع زيسكو وآماله على هذه المباراة قد تقلب الطاولة على النيجيريين فمن يلحق الهلال؟
* اما المريخ فقد تأكد بالدليل القاطع انه تذيل المجموعة حتى لو فاز على كانو باي عدد ، لان محطة ٥ اذا توقف عندها زيسكو ستكون الافضلية له.
* كل الخوف مع نهاية المجموعات ان يكون مصنف زمانه في ذيل المجموعتين وبالمناسبة الهلال بالامس ارسل رسالة مهمة للكاف بالدليل والبرهان ليدحض إدعاءات لجنة التصنيفات والمستويات الاخيرة.
* بالدليل والبرهان والأهداف وبالصدارة الهلال الزعيم وصاحب المستوى الافضل.
* آل شكاوي آل.. وآل إعارة آل وهاك يا تخدير ويا تطبيل، فماذا سيقولون بعد اليوم؟
* في رأينا المهمة الهلالية لم تنته بعد فالشعار المرفوع صدارة المجموعة بعد الفوز بمشيئة الله على زيسكو في عقر داره وزيسكو لا اعتقد بعد لقاء كانو انه يمكن ان تكون له فرصة أو امال ..
مبروك للهلال هاردلك للوصيف.


 
 

أثارت خسارة المريخ من الهلال أمس ردود افعال جماهيرية غاضبة عقب الخسارة الثلاثية وطالبت باقالة مجلس الادارة والجهاز الفني وتسريح اللاعبين بعد ان فشلوا في اثبات ذاتهم في البطولة الافريقية من خلال الخسائر الثلاثية المتوالية التي كان آخرها امام الهلال امس .
واصلت جماهير المريخ حصبها للملعب بالحجارة طيلة زمن الشوط الثاني احتجاجاً على قرار الحكم بطرد المدافع الباشا واستمر حصب الملعب بعد ذلك بعد الهدفين الثاني والثالث .

 

 ————————————————————————–

 المراقب والاتحاد يكونان لجنة للخسائر بالمقبرة
كون مراقب مباراة الهلال لجنة لتقييم الاحداث والخسائر التي خلفتها مباراة القمة امس بالتنسيق مع الاتحاد العام لكرة القدم وستقوم اللجنة بتقييم الخسائر والكراسى التالفة التي هشمتها جماهير المريخ بعد طرد اللاعب احمد الباشا ..

واعرب الارباب عن تأسفه الشديد للسلوك المشين الذي صدر من جمهور المريخ وهو يهدم ما تم بناؤه وهو يقوم بقلع الكراسي من المدرجات مؤكداً في هذا الصدد بانهم سوف يضطرون الى قفل الاستاد لفترة قصيرة لاعادة تأهيله حتى يستقبل الملعب بقية المباريات

 

1252720032

Advertisements
تعليقات
  1. البشاوى كتب:

    الكابتن استرايكر
    لك المودة والحب والتهانئ الحارة على الابداع والروعة
    دة ايه دة — دة فــــــــــــــــــــــــــن – دة ذوق – دة ادب – دى اخــــــــــــــــــــلاق
    دى رجولة – دة إخلاص – دة حب – مافيش احلى ولا اروع من كدة
    التــــــــــلاتة كــــفـــاكــــم —-====—— طـــيــــرو بــــراكـــم
    الزوووووول === نياااااااااااااااااااااااااام أفتح تلفونك ===
    كل مباراة وكرت أحمر مكسب للمريخ
    مازذا \62 \ يهرب من المؤتمر الصحفى — حيقول ايه ؟؟ كورة ولا أخلاق ؟ يعنى كاس اللعب النضيف ساكت دة مالمو فيهو !!!! قال سيكافا قال — غحتكاك مفيد للضل الوقف مازاد == خليهم يحتكو ونحنا نجى ؟؟!!!؟؟؟
    كيف قيلتو ؟؟ كراسينا بتتصلح – البيصلح ليكم اخلاقكم منو ؟؟؟؟
    الغريبة بعد هدف التعادل الذى احرزه المريخ خرجت جماهيرهم المرعوبة ترقص فى الشارع وبعد السوط الاول للمعلم لبدو لبدة حمد =
    أحبتى هذا شهر رحمة وبركة ومغفرة وتوبة من كل الذنوب — إخواننا الوصيفاب ندعوكم للرجوع الى العقل وترك الحماقات الصفراء منها والحمراء والوقوف اجلالا واعزازا لسيد البلد — والتأمل فى جماله – عسى أن يقبلكم محبين – وليس وصيفاب غاضبين — جربو وشوفو حلاوة البلد بى سيدا — انسو همومكم وارقدو قفا التلاتة بتريحكم – فى حب ياأخوانا أكتر من كدة ؟؟؟

  2. البشاوى كتب:

    ود الزبير
    مطلوب حضورك

  3. الزهراء كتب:

    سؤال سغيرووووني
    هل توجد علاقه بين 11 سبتمبر وثلاثية هلالنا الصاعقه؟
    كراسي النادي والخسائر الماديه كلها مقدور عليها الكلام
    الاتسطر في التاريخ مااااااااااااااااااااا بتمحي
    سيد البلد دايما بيسعد جماهيره
    وطالما رمضان بثبتوه بالهلال والعيد بالهلال نحن ايامنا كلها اعياد مه هلال البلاييييين
    اقدلوا بيا ناس الهلال وسكتوا الخشامه
    وعينا بااارده
    استرايكر………… قمة الروعه يا مهندسنا
    البشاوي………….. حضور متميز

  4. مشاكل كتب:

    سلامز

    ارفع رأسك انت هلالابي

    و النجمة حلاتها .. زبطناها تلاتة

  5. نيام كتب:

    مبروك يا شباب تستاهلوا لمان نلقا لينا سباك حريف يغير لينا المواسير دي عيشوا حياتكم

  6. طارق أب أحمد كتب:

    نيام

    مواسير البترول ما بتجيب إلا مواسير كوره

  7. حاج أحمد السلاوى كتب:

    معليش يا جماعة الخير ..بالرغم من هلاليتى ( القديمة ..لامن كانت الكورة ..كورة ) أنا شايف إنو المسالة أخدت أكبر من حجمها ..فالهلال اليوم ليس بافضل من المريخ ..وكلو محصل بعضو ..وأحمد زى حاج احمد ..عشان كدا عاوزكم تروقوا المنقة شوية ..والكورة أصلها غالب ومغلوب ..
    والسؤال السغيرووووونى المعهود ..هلالنا دا حيوصل لحدت وين ويرجع إلى قواعده سالماً ؟ يعنى حياخد الكاس ؟ … ما ظنيتو !! ويرجعوا المريخاب ويشمتوا فيكم جنس شماته ..
    وياها كورتنا الشينة دى زيها وزى أى حاجة ما ماشة لقدام فى أمازونيا ..ولاعبينا ( إلا من رحم ربك ) زى مهندسينا العملوا نفق عفراء ..
    وعشان كدا خلونا برا كورة ..بلا لمة ما ليها أى معنى ولا هدف !!!
    حسه الملايين البتنصرف فى الهيصة الفارغة دى لو عملوا بيها حاجات( مستشفيات ..مدارس ..طرق .. إلخ ) تنفع المواطن السودانى التعبان ..مش كان يكون أفضل من العبث الكروى دا ؟
    وكل منافسة …. تموها براكم.

  8. سهيل كتب:

    سلامات ..

    عندنا خالنا هلالابي متعصب جدآ جدآ .. بعد الكوره إنتهت و هو منتشي جات بت خالتنا (هلالابيه زعلانه) .. قالت ليهو زي ما قال حاج السلاوي حدكم هنا .. و ما حتمشوا لقدام ..و كاس ليكم مافي.. رد قال ليها .. نحن الكاس ما دايرنو .. كاسنا ياهو غلبنا ليكم دا ..

    ودمتم

  9. زووووووول كتب:

    ما شاء الله هبوبكم هاااااااابه تضروا ساكت بس ان شاء الله تقاتكم تتبارك
    كسره : ولاد المدينه يطلعوا بره من تعليقنا دا لانو ما بتفهم ليهم .
    سترايكر انت كديسة الكتابه بتاعتك ساكنه المقبره ولا شنو ؟

  10. ودالزبير كتب:

    البيشاوي

    سلام
    (ود الزبير
    مطلوب حضورك)

    الضرب على الميت حرام

    وستر الجنازه بسرعه دفنها…..

  11. محنك كتب:

    الهلالاب زيى مبروووووووووووووك
    السلاوى كل عام وانت بخير شجعنا على الاستمرار

    زوووووووووووووول بركة الجيت تلاتات ساككككككككت …
    تعرف يا زووووووول ابو واوات نحن برا لسانكم الطويل دا البخلينا ناكلكم شنو اقصد نغلبكم

    نحنا عيدنا عيدنا السغير باقى العيد الكبير ودا شعرا ما عندكم ليه وارغو …

    اول تعليق لى على صفقة وارغو قلتليكم بكرة جماهير المرخ تقول

    وارغو ….. قو قو

  12. حاج أحمد السلاوى كتب:

    أخونا محنك ..سلام
    أول حاجة حمداً على سلامة ظهورك الميمون ..اين انت يا رجل ؟ ظولت الغيبة بالحيل ..عساك بخير وفى أمن وامان ..
    بعد دا نجى لموضوع التشجيع على الإستمرار … صدقنى لن ينصلح الحال ما لم تات إدارات للكرة السودانية ليس لها طموحات شخصية تجارية..ثم الإهتمام بصغار اللاعبين ولنحذو حذو الجارة مصر فى هذا المجال فى أستقطاب المواهب وتدريبها التدريب الصحيح وتعليمهم مبادىء كرة القدم وهم براعم . ..لا ان ناتى بلاعب كبير فى السن بنيته الجسمانية مهلهلة يلعب موسم أو موسمين ويلهط ما قدر له الله أن يلهط ثم يمضى حيث أتى ..الكرة يا صديقى العزيز صارت صناعة..زى السينما وفيها من الأموال الشىء الكثير..شجعنا شجعنا شجعنا لامن فترنا..
    منتخبنا القومى يتكون من قريقين إثنين فقط..هل يعقل هذا.. الكوؤس كووووولها بكل أنواعها.. لا يحرزها إلا هذين الفريقين..
    والسؤال ( السغيروووونى المعتاد) هو الما خربان شنو ..عشان كورتنا تكون كويسة ؟..
    وخلونا النشوف أخرتا شنو !!

  13. د.ياسين شمباتى كتب:

    هل هلالك يا رمضان يا شهر (الخير) والغفران..قولوها تلاتة مرات ومش ح تخسروا..مبارك للاهلة والهلالاب الحلوين وكفارة للمريخاب التعبانين..

    والنجمة حلاتها……

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s