رحلة العيد يا حلاتا …رحلة ما منظور مثيلا ..

Posted: الخميس,24 سبتمبر, 2009 by aflaiga in اخرى

ولان المناسبة هى عيد ولان العيد عيد الفطر ولان فرحة  الفطر احدى فرحتى الصائمين ولانو من الاخر كده الزول السمح السلاوى بيننا فى البلد والزول السمح الكنانى عاد الينا من جديد والزول السمح مولانا عادل سمير بيننا  ولانو طولنا ما اتلاقينا ولانو الجريف مشتاقه لينا وكل ما سبق من افراح :

يتقدم الاستاذ الفاتنح يوسف جبرا سيد الحيشان التلاته وابو الكل بالدعوه لكل المدونين لحضور رحلة العيد التى سوف تكون يوم غد الجمعه 24 سبتمبر 2009 م بمزرعة الجريف التى شهدت لقاء الاحبة الاول .

التجمع الساعه 9 صباح الغد امام تقاطع اوماك مع شارع الستين جنوب مسجد سيده السنهورى .

الدعوه للمدونين واسرهم لقضاء يوم سعيد .

جمع الله بيننا بالمحبة والالفه والاخوه الصادقه وانشاء الله دايما تامين لامين سالمين غانمين .

وكل عام وانتم بخير ….

Advertisements
تعليقات
  1. البشاوى كتب:

    افليقا
    جاهزون وكل الناس متأبطة الفرح لقضاء لقاء سعيد

  2. و دي ظبتوها متين….

    ياخ عليكم جنس سماحة…… هسة مع القاوت دا نمعط الشية كيف… و الا مافي شية

  3. aflaiga كتب:

    شباب :
    رحلة الغد تحمل الكثير من المعانى والمضامين مما يعزز اهميتها وقلنا بعض الاسباب ونقولا تانى :
    الرحله رحلة عيد والعيد رمضان وما اعظمهما .
    الرحله مشرفا السلاوى .
    الرحله حاضرا نيام ابو الادب والرقه والشعر .
    الرحله حاضرا الكنانى الامير الشفيف الرائع .
    الرحله حاضرا الزووول لتخفيف عذابات اخر غلب .
    الرحله حاضرا السعيد وهو يحمل نبا سعيد .
    الرحله متوقع فيها مولانا عادل سمير .
    الرحله لمه لبل الاشواق ممن كولنا منهم وشغلتنا ظروف العمل من لقائهم .
    الرحله تاكيد على انو جمعنا لسه قوى واوصرو متينه .
    لكل ما سبق نرجو الاهتمام بالحضور والتاكيد على اصطحاب الاسر عشان الشفع ذاتم طولو ما اتلاقو ولعبو سوا .
    بالنسبه للترتيبات الاخرى الفطور تم تقسيمه على تيم ( مدام اب احمد جايبه الفوله الما خمج سمسمه جايبه العصيده والشعريه – الزهراء جايبه النعيميه وملاح العصيده – البشاوى جايب الرغايف بتاعة نمره تلاته والتلج – سهيل جايب الكابى والمويات – عزت جايب الشايات والقهاوى ) الغدا تم توزيعه على تيم اخر ( جبرا – ود المهدى – ود الزبير – ستريكر – زوول – ود الخلا – مشاكل – خالد مدنى – التركى – وبقية الحاضرين ) الغدا يتم تحديده بعد الفطور مش يمكن نكتفى بالفول والعصيده ؟؟؟ وتيب ..
    الاهم من ده كلو الالتزام بالجيه فقد كنت فى اتصال مع ابونا جبرا قبل قليل واكد انو جد جد مشتاق يشوف الناس ملمومه تانى زى زمان …
    نتلاقى فى الجريف بكره وربنا يسهل ..

  4. البشاوى كتب:

    عزت
    لظروف القاوت وكدة فقط جيب بطاقتك معاك واشهد على الناس البتمعط الشية

  5. aflaiga كتب:

    شباب : عزت سال عن ودى زبطتوها متين ؟؟
    كان مقترحا لرحله ان تكون اما فى الجريف لو ود المهدى اكد على المكان او عند عزت فى البيت عشان ينزل البوست جونا رحله بدل مشينا رحله .. ولانو الليله بس ود المهدى اكد بنسبه كبيره انو الرحله فى الجريف ( احتمال تجى راجعه ناس عزت برضو ما معروف اصلو نيام ده لمن يجى الا يمشى بيت ناس عزت ) فقمنا بسرعه رتبنا الامور كما هو فى البوست لانو لو فاتت الجمعه دى حنخش فى جرى العمل والالتزامات وما حنقدر نتلم لمه سمحه ونفقد وجود السلاوى والبقيه …
    اها ياعزت خليك قريب يمكن نجيك بعد ده ..

  6. aflaiga كتب:

    ناس بره الطولنا منهم ( سنكل – صالح – ابكرون – بشار – ساتنتود – ركس – ابو محمد – محنك – مخير – الحرامى – التلب – ود الفتيحاب – والبقيه ) منتظرين تلفوناتكم بكره عشان تشاركونا ..
    ناس جوه ( السعيد – سماسم – همسه شوق – معجبه – فنجان – ساره – بت بحرى – نونو – الزهراء – بروسيسر – حنين ) بحق الخوه كدى سووها وتعالو بكره عشان نشهد يوم من ايامنا المضت يا حليلا ..
    باسم كل مدونى الداخل المواظبين على لماتنا نتقدم لكم بالدعوه ونرجو الا تخيبو ظننا ..

  7. مرحب بيكم…. ما تقول بقا كما في خيار تالت …. بيت عزت البستاني

  8. aflaiga كتب:

    عزت : بالله البستانى بقت فيهو مبانى ؟؟ يعنى ناقصو التهانى واعذب الامانى ..
    اسى نقوم نجى نفتتحو ليك قبل ما تكرم ليهو ؟؟ مبروك البستان وده داير ليهو بوست بالصور ..

  9. علي سنكل كتب:

    والله حاسدنكم عديل كده . .
    كمان بى سلاويها ونيامها وود مهديها وأستاذ سميرها .
    تامين ولامين وحول جبرا متألقين ، كل سنه وجمعكم بألف خير ومعاكم عبر إتصال هاتفي بإذن الله تعالى.

  10. سهيل كتب:

    مشتاقين .. بس حددو لينا المطرح

  11. مُخير كتب:

    والله مافي أي شيء يتقال غير فعلن ما منظور مثيلا
    باسم المحرومين في الخارج هنيئاً لكم ونُجدد لكم التهنئة بالعيد المبارك ثم باللمة المباركة إن شاء الله وألا ليت شعري هل أشاركن مرة في رحلة الدانقوست إني إذن لسعيد.
    بس أهم حاجة التوثيق فلابد من وصف حي من المراسلين في الداخل خاصة د. عزت وأبو الأفلاق وكاميرا أبو أحمد ويا حاج أحمد السلاوي شحدتك بالذي سواك تشيل لينا حقنا كامل غير منقوص.

  12. الصادق ود البركة كتب:

    السلام عليكم ورحمة الله
    مبروك عليكم الرحلة ونسال الله الكريم أن تكون المرات الجاية جميع مدونين الخارج أصبحوا من حقين الداخل والبركة في السلاوي خير سفير لنا
    ودمتم

  13. الود أن أكون حاضرا (من قولة تيت) بس احد فرسان الاحلام ابت نفسه الا وأن يعقد قرانه على آخر عناقيد اخى الاكبر بعد صلاة الجمعة وسيطير بها محلقا بين سماوات غربنا الحبيب لكنى سأحاول جاهدا أن أكون هناك فى وقت مناسب والى ذلك الحين اتمنى لكم أجمل الاوقات والف مرحب بالعائدين

  14. بشار أحمد بشار (إبن برد) كتب:

    ربنا يديم الأُخوة والمحبة وحاج السلاوي بين ظهرانيكم
    الكواكب احتفلوا بالقمر …….. أم دى روضة درية الثمر
    خاتم السعود في النجم ظهر… …….باحتفال ختام نوره اشتهر
    انتهز فرص يانع الزهر ……………دمت في نعيم مدة الدهر

  15. د.ياسين شمباتى كتب:

    سلام يا حبايب..استمتعوا تب..

    وكمان معاكم من مدونى الخارج الحبيب ود الفتيحاب والغالى الجعلى وآخرون لا تعلمونهم..خليكم قراب شديد…

  16. د.ياسين شمباتى كتب:

    الآن يجتمع شمل الاحبة فى منتجع الجريف وبحمدالله تم دمج الموقعين(سوداننا ومنتدى بروف الفاتح جبرا) مع تعديل فى اسم سوداننا ليصبح(منتديات ساخر سبيل) فى خطوة هى الاولى وربما تكون الاشهر بين المواقع الالكترونية..
    الحمدلله الذى وفق الجانبين للم الشمل ونساله ان يديم المودة والمحبة وان يوفق الكل لعمل الخير وان لا يشق لنا عصا جماعة..

    والله الفرحة ما خلتنى اكتب واعبر عما يجيش بالدواخل,,فاعذرونى عن ركاكة الاسلوب..

  17. مُخير كتب:

    نهنئي الجميع بالوحدة الطوعية الجاذبة والعُقبى للسودان
    ونسأله جل وعلا أن يديم الإخاء والمودة فيما بين جمعنا
    وأن يبارك لنا فيه وأن يوفقنا إلى المحافظة علىه وأن يبقي لنا هذه الوشائج الأخوية النبيلة بل وأن يعيننا على تعزيزها في ما ينفع الوطن والمواطن
    وأن يبارك في الأستاذ الفاتح جبرا وفي صحته وفي جميع الأخوة والأخوات والأبناء والبنات الكبار الكبار والصغار الكبار
    وعاش السودان حُراً مستقلاً
    والسلام عليكم ورحمة الله

  18. الزهراء كتب:

    تحيه صباحيه مباركه اعزائي
    نهنئكم ونهنئ انفسنا بكم وبلم الشمل من جديد
    ود الزمان راجنو نحن يوم تبشر بيه غيمه
    الفرح يملا المدينه
    وان شاء الله دايما تامين ولامين ياربي تبعد عننا اعين الحسد وما تفرقنا

    الرحله كانت رائعه وفقدنا فيها الكثيرين من رواد دانقتنا وايضا التقينا واكتحلت اعيننا برؤيه البقيه ناس بره وناس جوه
    وقد كان لي عظيم الشرف باللقاء

    وربنا ما يحرمنا من لقياكم

  19. ودالزبير كتب:

    هسه الزول يقول شنو ….

    إتلمت كميه من العوارض حالت دون حضوري ولمن إتففكت وقلت أجي على الناس لقيت الناس فرتقوا ..

    غايتو إنشاء الله تنفعكم

    بعدين شنو لحدي هسه مافي بوست عن عمليه توحيد الالمانيتين

    شايف مخير جاب السيره على خفيف

    يأخي الليله بدأ عيد جديد

    وأظن الموضوع ده محتاج رحله

    إنشاء الله لبيت عزت البستاني

  20. سهيل كتب:

    ود الزبير : حياك الله

    الناس نططت و عرضت لمن حيلها مات … اول ما جو يقعدوا .. إنت يادوووب طارت ليك العرضه في راسك ولا شنو … اعرض اعرض .. نحن خلينا فراجه

  21. د.ياسين شمباتى كتب:

    ايواااااا..خيانات وعفانات يعنى..صور مافى موش؟؟؟؟؟؟؟؟؟؟؟؟

    اب احمد..كيف لو ما كان ود الفتيحاب موصيك؟؟؟؟

  22. الزهراء كتب:

    شمباتي
    ما دي غتاته الشوايقه زاااتا
    الناس صورت بي عيونا بس
    والما حضر الرحله معانا حقو راح

  23. التركى كتب:

    شمباتى : بصراحة الرحلة مامنظور مثيلها ولو حكوها او صوروها برضو ما ح تقدر تتصور روعتها وفاقدنك كتير كنا والله مع انى ماقدرت اقعد للنهاية بس الحمد لله اتعارفنا على الاخوة كبار القعدة والروائع الآخرين … نتمنى انها تكرر قبل مغادرة الاكابر

  24. د.ياسين شمباتى كتب:

    الزهراء..سلام..الغريبة طارق ما شايقى!! ولا عزت..طيب المشكلة وين؟؟ يكون الشايقى وصاهم!!؟؟

    التركى..ربنا يجمعنا فى اقرب الاوقات..بختكم والله وانتو مع الاحبة الوالد السلاوى وود الفتيحاب..

  25. aflaiga كتب:

    طارق – مهدى وكل الناس الصورو : تنزلو الصور ولا احكى ليهم بعدين انا عارف الموضوع داك وكده !!

  26. نيام كتب:

    ودالزبير:
    مرينا عليك في طريق العودة انا و استرايكر في سيدك بيك قلنا نقش لينا حاجة كده من روائع البيك مالقينا الكامري و اقفة طلعنا طويل…المرة الجاية دبل سيرفيس..

  27. شباب
    ولاى ما منى لكن أنا صورت بكاميرة سهيل و الكميرا طلعت شايقيى من الزومه… الداهيه حرنت ما تنزل الصور من السى دى لللاب توب علا يجيبو ليها لابتوب من البلد يعنى ما حلبسات زيى غايتو قلنا نشوف الشايقيى الليلتنا أمكن تقدر تتفاهم معاها

  28. aflaiga كتب:

    اب احمد : بالله بالشايقيه بالمرغنيه بالشنقيطى نزل الصور سريع ..
    الرحله الجاية اى كاميرا مشلخه ما تصور مفهوم ؟؟

  29. د.ياسين شمباتى كتب:

    الحبيب اب احمد..كان كدى معذور تب..لكن لقيت سهيل كاميرتو سابقاهو فى الغتاتة!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s