نحن احباب واندمجنا – والمحبه ذايده حبه .

Posted: الأربعاء,30 سبتمبر, 2009 by aflaiga in اخرى

الاخوه المدونون :

بحمد الله تم قبل قليل الفراغ من عملية الدمج الفنى بين موقعى ( منتديات ساخر سبيل ) بموقع ابونا الاستاذ الفاتح جبرا وبين منتدى سوداننا الذى اصبح ( منتدى ساخر سبيل ) .

يعنى بالعربى كده الامور رجعت ميه ميه زى زمان واصبح موقع الاستاذ الفاتح يوسف جبرا : alfatihgabra.net  هو الموقع الرسمى للاستاذ الفاتح والذى يقوم فيه بانزال ابداعاته ومن ثم تعليقات الاعضاء وتداولهم  حول الموضوعات – واصبح  كل من موقعى ( sudanona.wprdpress.com – alfatihgabra.or  ) هما منتدى ساخر سبيل وهو المنتدى الرسمى لكتابات الاعضاء وتداول شئونهم الداخليه واجتماعياتهم واخبار منظمة ذاد المسير الخيريه التابعه للمدونين جميعا .

ويعنى بالتقنى كده لمن تدق فى اللنك بتاع المنتدى فى موقع الفاتح جبرا بيوديك مباشرة للموقع النحنا فيهو ده .

ويعنى من الاخر كده نحنا احباب واجتمعنا وتانى ما بيقيف وصالنا .

ويعنى من الاخر كده الناس تسنن كيبورداتا كلها فى اتجاهين :

الاول اثراء موقع الاستاذ الفاتح جبرا الرسمى ( .net )  بالتعليقات والتداول .

والثانى اثراء المنتدى بالتعليق والموضوعات الرائعه .

جمع الله شملنا دوما وادام محبتنا وخوتنا .

ولان من لا يشكر الناس لا يشكر الله .

الشكر موصول لابو الكل الاستاذ الراقى واسع الصدر ابو الديمقراطية والفهم الفاتح جبرا .

الاخ ولدنا ستريكر الراقى .

جميع من اسهم ليكون هذا ممكنا .

وفى الختام بكرر نحنا اجباب واجتمعنا والمحبه ذايده كتير مش حبه ..

Advertisements
تعليقات
  1. aflaiga كتب:

    شباب / حقيقى الفرحه مش سايعانى وانا بكتب وحقيقه ان اليوم ليوم مشهود فى تاريخ سوداننا ان شرفها الفاتح جبرا بان تكون حته من ريحة الحبايب واليوم يوم مشهود بان تم ما كنا نحلم به من زمان وهو الدمج بين الموقعين ليكونا موقع واحد .
    نحتاج حقيقة لاثراء الموقعين واللى بقو موقع واحد يعنى الناس تجتهد انها تعلق فى موضوعات البروف بشكل الموقع الحالى لحدى ما يرجع لينا قمردينتنا الزمان الاتعودنا عليها وحبيناها زى ما حبيناهو .
    وفى نفس الوقت تجتهد فى اثراء المنتدى بالمواضيع السمحه الراقيه .
    اسى يا شباب الدمجه دى مش دمجه فى شكل رحله ولا دمجه فى شكل قعده ولا دمجه فى شكل اى فرحه ؟؟؟ بالله انكتو لينا مخ المناسبات وشوفو لينا لمه زى دى تستاهل شنو ؟؟؟ اكيد دى لمه بتاعة خروف وكاشف ولطفى واى حاجه ذاتو !!! ولا شنو يا ركس ؟؟
    الاعمام سنكل بشار ابكرون صالح وكل الاكارم
    البنات معجبه فنجان همسه ساره وكل الفضليات
    الشباب السعيد بروسيسر وكل الحلوين ..
    اها دى ما مناسبة بتجيبكم تانى راجعين للكتابه ؟؟
    القلم طاوعنى تانى ..

  2. طارق أب أحمد كتب:

    مبروك و إن شاء الله بيت مال و عيال زاخر بكل العمل الصالح واضعا فى قمة أهدافه مساعدة المحتاج و الأرتقاء الفكرى للمدونين

    مطلوب نسخ البوست فى http://alfatihgabra.org/vb/ مع شرح مبسط للأصدقاء فى الموقع الأزرق
    يا سلام عندى مزاج أسمع مارسيل خليفه ((شدو الهمه))

  3. طارق أب أحمد كتب:

    ويعنى بالتقنى كده لمن تدق فى اللنك بتاع المنتدى فى موقع الفاتح جبرا بيوديك مباشرة للموقع النحنا فيهو ده . ولامن تحب تدخل موقع جبرا بالإكسبريس تدق فى مواقع صديقه الفاتح جبرا

  4. علي سنكل كتب:

    أفليقا والأعزاء
    كل سنه و إنتو طيبين تاني مره ألف مره.
    مبروك وخبر جميل ، لكن موقع الأستاذ جبرا لايزال يستعصى علينا دخوله.
    أرجو مرة أخرى من المعنين معالجة الأمر . .

    علو سورك وسط الزرع
    وقفلو أبوابك بالشمع
    ليل نهار قفرك يجدع
    آب يخاف الطير في الفرع
    و إن رقد يرقد مكوع
    ليك وصال زولاً ما قنع
    ونظرو في شوفتك ما شبع
    وبالعشم في بيتنا إن طمع
    حكمو قاتل الروح في الشرع

    دامت مودتنا . .

  5. الصادق ود البركة كتب:

    السلام عليكم ورحمة الله
    مبروك للجميع
    وعقبال نبارك لسهيل وشمباتي دخول القفص الذهبي
    ودمتم

  6. التلب كتب:

    مبروك مبروك مبروك

  7. مُخير كتب:

    الاستاذ الفاتح جبرا
    الحلوين أهل الجلد والراس (على قول أبوعصمت)
    الزوار والعابرين فوق الكلام العابر
    الشعب الفضل داخل وخارج الجك
    السلام عليكم ورحمة الله وبركاته،،،،
    الحمد لله ونهنئكم جميعاً وأنفسنا بهذه الخطوة المباركة
    وربنا يديم المودة والجهود الخيرة

  8. د.ياسين شمباتى كتب:

    احبابنا اقرباء الروح وصنوها..سلام وفرحة تسبق كل شئ..

    الحمدلله الذى سهل لنا هذا وحقق الجمع ..ونساله ان يوفقنا لمزيد من التعاضد والتكاتف..

    ونحنا اهل الفرحة جينا…لا المدامع وقفتنا لا الحكايات الحزينة…

  9. عباس ركس كتب:

    مبروووووووك 1000 مبروك . وعقبال سودانير مع اللوفتهانزا يا السلاوي !!!

  10. د.ياسين شمباتى كتب:

    الحبيب الصادق..صباحك طيب..والله سعدنا امس شديد بسهرتنا معاك ويارب نتلم فى جديد(عمرو)..ودامت الاخوة والمحبة..

  11. الزهراء كتب:

    يا صباح البركه والانوار والاخبار الحلوه
    وغنوا معانا غنوة العيد والفرح
    الليله يوم ميلاد فرحنا

    وجينا عايدين وجيتو عايدين وان شاء ما يجي يوم يفرقنا
    واحلى دنيا دنيانا واحلى لمه لمتنا

    حقيقه الفرحه ما سايعاني

    ودي دايره ليها زغروده عديييل
    زغردي يا الغبشه وباركي يا نونو

    وافرحي يا سماسم وسماسم
    وربي ما يحرمنا من لمتنا دي

  12. التركى كتب:

    مبروك لينا كلنا والحمد لله على اللمة الظريفة دى وعقبال نطفى الشمعات كلها … بقولو الضد يظهر حسنه الضد بس لأول مرة يجتمع قطبين متشابهين وتحدث المعجزة … أها خروف السماية ياتو جمعة ؟

  13. سهيل كتب:

    اشاوس ؟؟؟؟؟؟؟ هو كان في واااحد ( اشوس) كان دا حالنا؟؟؟

    ود الزبير : شنو يا فرده .. الناس شكلها كده عايزه ليها خلاط كبير عشان يذوبهم في بعض زي عصير (المشكل) عشان تاني مافي منقايه ولا تفاحايه و لا جوافايه تقول بغم … إلا من رحم ربي .. مفهوم

    تعرف الشغلانيه دي زي الشقتين المطبخهم مشترك.. محل ما تخش لازم تجي المطبخ .. كان ملاحنا عجبكم إتفضلو ..حبابكم عشره .. و كان ملاحكم عجبنا نتفضل بلا كشره .. لغاية ما يجي يوم تتوحد فيهو الحلل و الكمش ..

    كان إتضايقتو تعالو علينا … نحن قطع شك كان إتضايقنا بنجي عليكم .. كدي نبتدي بالصالون ( محل الونسه) و عقبال اوضة النوم

  14. البشاوى كتب:

    مبــــــــــــــــــــــــــــــــــــــــــــــــــــــــــــــــــــــروكـــــــــــــــــــــ

  15. مشاكل كتب:

    سلامز

    الف الف مبروك لينا اللمة دي
    و يا ريت تورونا كيف نقدر ننزل توبيكات هنا
    في موقع المنتدى الاول كان موضوع بسيط و ساهل .. هنا كيف ؟؟؟

  16. مشاكل كتب:

    سلامز

    اللمة لما تحلى في ساعة العصاري

    تفتح مزاد ع الحب تلقى ألف شاري

    شاهد بيفضل من البداية للنهاية

    و في كل ركن في قلبو يحكيلك حكاية

    و كفاية لما بتلاقيه فاتح دراعو و بينديك

    و يقول تعال في حضني دا انت واحشني موت

  17. bakriMusa كتب:

    اهو ده ا لكلام .. !!!

    خلاص اتجمعوا القلبين
    خلاص اتوحدوا الأملين
    وأصبحنا رغم …….
    روح واحدة في جسدين !!!!!

  18. بشار أحمد بشار (إبن برد) كتب:

    الحبايب في كل مكان : مبروووووك (الأُندوماج) مرفوع للقوة مليون.

  19. حاج احمد السلاوي كتب:

    – أخونا عباس بن ركس
    ( …………………… . وعقبال سودانير مع اللوفتهانزا يا السلاوي !!! )
    دى اسهل منها إنشاء كوبرى (جسر ) بين جدة وبورتسودان مسار ماشى …مسار جايى …
    وزى ما قال المذيع محمد سليمان قديماً أبان عصر ابعاج …با راجل .. يا راجل !
    – أخونا الكاشف بشار بن البرد ..ليك وحشة شديدة ايها الرجل..وحمداً لله على السلامة. والبركة فى الظهور مجدداً وعقبال التانيين إن شاء الله ..قولوا آآآآميييييييييييييييييييييين يا رب العالمين.

  20. سهيل كتب:

    اها ياناس بيغادي .. الليله مفروكه ولا مفرومه

  21. نيام كتب:

    سهيل:
    عرف ماياتي:
    1-الدمج
    2-الدمجة
    3-الدمجانة

  22. طارق أب أحمد كتب:

    بالدمج لما تتحلج

  23. aflaiga كتب:

    اب احمد : وبعد ما تتحليييييييييج ؟؟ نبقى فى كسير التلج ؟؟ ولا نقضيها ملاح سلج ؟؟سهيل : بتعرف ملاح السلج ؟؟ ولا انت منبلج ؟؟

  24. سهيل كتب:

    افليقا : سلج يا عسووووووووووووووووووووولي إنت يا حته..

    عمنا نيام : ممكن نستعين بصديق ؟

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s